أمريكا تبدأ الزحف نحو إيران و مصر و السعودية يستعدوا لـ ضربة النهاية و الصين تحذر أمريكا من الفخ

ابتدي الشغل ابتدي الشغل عشان في اخبار كتير، أخبار مهمة بتحصل ووهتحصل ولازم تعرفها بشكل كبير جدا. كل الناس قاعدة مستنية إيه اللي هيحصل في إيران والدنيا رايحة على فين. بس خليني أقول لك، الأخبار اللي هتسمعها النهارده صدقني مش هتسمعها في حتة تانية، ولازم تكون على ثقة في كده لأنها نازلة من مواقع استخباراتية. فخلينا نستنى الناس لما تيجي شوية عشان يبقى معانا ناس بتسمع، ما نقعدش نعيد الكلام تاني لأن معانا أخبار مهمة وغاية في الأهمية من أخبار استخباراتية. بالمناسبة، أخبار مهمة جدا.

إزيك؟ إيه الأخبار؟ طيب، اللايف اللي فات أنا كنت بسألك، شايف إن إيران هتضرب ولا لأ؟ ناس كتيرة كانت بتشكك في الموضوع، ناس شايفه إن ما ينفعش، وفي ناس تانية كانت مؤيدة جداً ل فكرة الضرب. كانت النسبة بالنسبة لي، وفقاً للي أنا شفته في اللايف، إن كان في ناس يعني كانت نسبة ممكن تكون متعادلة شوية. في ناس على فكرة لحد دلوقتي بتقول إن إيران مش هتضرب وإن ده كله تمثيلية وإن دونالد ترامب هينسحب في الآخر.

بس النهارده حصلت حاجة غريبة جداً، يعني أنا بالنسبة لي كانت مفاجأة بشكل كبير. إن دونالد ترامب امبارح كان بيتكلم قصاد حشد من أنصاره في ولاية أيوا. وعلى فكرة هو كان في الزيارة عشان عاوز يرفع نسبة التأييد للحزب الجمهوري، لأن الوضع عنده في أمريكا صعب. ليه صعب؟ نتيجة أفعال آيس شرطة آيس اللي عمالة تقبض على المهاجرين غير الشرعيين. وخليني أنقل لك الوضع من أمريكا عشان تبقى عارف الدنيا ماشية إزاي.

سيبك من الأخبار وسيبك من كل حاجة، أنا هحكي لك تجربة شخصية عندي خلاص في أمريكا. كل مرة كنت باجي أمريكا كنت بشوف إسبان أو لغة إسبانية كتير قوي. كنت بشوف ناس مش مظبوطة، ماشي؟ يعني يعني لا هو راجل ولا هو ست ولا مش عارف أكلمه أقول له أنت ولا أنت. مش فاهم أنت هقول لك إيه دلوقتي. المهم، تاني حاجة كنت بشوف ناس مكسيكان كتير قوي كانوا بيشتغلوا في محلات، وكنت بشوف يعني مشردين كتير كتير في الشارع. ماشي؟ على فكرة أنا في ولاية كويسة، يعني ولاية المفروض من أحسن ولايات أمريكا، بس أنا كنت بشوف التجربة دي، كنت بستغرب جداً. هي دي أمريكا اللي إحنا كنا بنتكلم عنها؟ المرة دي لما جيت ما فيش الكلام ده خالص، ما فيش أي حاجة من دي، ما فيش اللغة الإسبانية، ما فيش الناس اللي بتشتغل كتير في المحلات. على فكرة الطرق مش زحمة بالمناسبة. تاني حاجة الناس اللي هي مش مظبوطة دي مش موجودة خلاص. أحقاً يعني أنا بقيت أشوف بتوع آيس كتير جداً. عارف ألاقيهم فين؟ بلاقيهم عند المطاعم. بقوم يطلعوا عند المطاعم دلوقتي، فاهمني؟ اشمعنى عند المطاعم؟ لأن خلي بالك برضه المطاعم بيشغلوا المكسيكان. ولازم تعرف إنهم بيشغلوا المكسيكان لأن المكسيكي مهاجر غير شرعي ده بياخد فلوس قليلة جداً جداً وهو بيصرف نفسه. يعني مش عاوز أديك شبه بمصر يعني، بس يعني إنت برضه هتعرف إن في ناس عندنا برضه ممكن ياخدوا فلوس قليلة ويصرفوا نفسهم بيعيشوا بيها. يعني عارف لو اديته 100 جنيه هيعيش بيها مقابل إن مثلا بلده عندها مشكلة وبتاع. بس أنا تجربتي الشخصية فعلاً، بقى في ناس كتيرة مش موجودة في الشارع، الدنيا اتلمت بشكل كبير قوي.

بس ده كله بحساب. لازم تعرف إن دونالد ترامب خد الخطوة دي بحساب كبير قوي. يعني إنت بتتكلم على مشكلة في ولاية مينيسوتا لدرجة إن دونالد ترامب بيقدم تنازلات. إنت تخيل دونالد ترامب اللي أي مشكلة بيواجهها بيدوس برجله عليها، بيعمل تنازلات النهارده ويقول لك لا والله أنا هودي اللي هو قيصر الحدود ده، نسيت اسمه. يعني هو هيودي شخصية المفروض في ولاية مينيسوتا معروفة جداً وله علاقات كويسة جداً وهو اسمه قيصر الحدود عشان ضد الهجرة غير الشرعية. دونالد ترامب عارف إن في كارثة في مينيسوتا، اتنين أمريكان اتقتلوا هناك، اتنين أمريكان مواطنين مش مهاجرين غير شرعيين. فهو عارف القصة دي وعارف قد إيه مدى الكارثة اللي عنده. ولو أخدت بالك من خطابه هتلاقي إن هو عدل خطابه، ما بقاش يتكلم يقول لك ده الكس بريتي ده اللي هو لسه ميت أو مقتول، ما بقاش يقول لك ده كان مسلح معاه سلاح، ما بقاش يكلم كده. قال لك والله هبعت التحيات وأشوف. فالدنيا في ولاية مينيسوتا صعبة مش قليلة خلاص. ودونالد ترامب عنده مشكلة، فهو بيحاول يحلها بشكل نموذجي حلو. فده الوضع في أمريكا. أمريكا حالياً، تعالى بص على كل البرامج اللي موجودة هتلاقيهم كلهم بيشتموا في شرطة آيس.

أقول لك حاجة أكبر؟ إنت عارف في مدينة مينيابوليس اللي فيها المظاهرات كلها، مظاهرات طلعت عشان اتنين أمريكان اتقتلوا. ففي مدينة مينيابوليس في ناس من بتوع آيس مش عاوزين يكملوا في شغلهم خلاص. قرفوا بقى منظرهم وحش. وخلي بالك هم أمريكان، فمش عاوزين إن هم يبانوا إن لا إحنا بنقتل أمريكان زينا أو إن إحنا بنتصدى للهجرة غير الشرعية، فاهم إزاي؟ فهم خلاص تعبوا. شرطة آيس بقت الشعب الأمريكي بقى يشوفها عدو. مش لحاجة بس إنت بتتكلم على شرطة قتلت اتنين أمريكان. ماشي؟ وتاني أنا هقعد أقول لك إن شرطة آيس ليها نجاحات كبيرة جداً. أنا بقول لك وفقاً لتجربة شخصية، يعني أنا شايف الوضع ده متغير جداً. بس أنا بقول لك الناس دي بتمسك مهاجرين غير شرعيين عليهم جرائم كبيرة، الناس دي بتمسك تجار مخدرات، بيقبضوا على ناس كتيرة. بس الثمن غالي جداً. وطريقة تعامل دونالد ترامب في الملفات إن هو بيفتح كل حاجة في نفس الوقت ويدوس في كل حاجة في نفس الوقت، وده غلط. ما فيش حد بيعمل كده. ما فيش حد بيقلب الدنيا عليها وطيها بالشكل ده، فاهمني إزاي؟ بس هو بالنسبة له هي دي طريقة شغله. على فكرة بالمناسبة يعني، دونالد ترامب هو كده ما هو صغير. ماشي؟ يعني هو كده من أيام نيويورك لما عمل ترامب تاور وخبط في عمدة نيويورك وقعد يتهمه أنت فاسد ومش عارف إيه. فهو كده من هو صغير. ماشي؟ هو دي طريقة تعامله. لما بيخش أي شركة بيخليها كده، بيقلب عليها وطيها، بس بيخلصها خلاص. فدونالد ترامب عاوز يخلص. يعني دي طريقة إنجازاته للأمور. فده الأمر.

دونالد ترامب زي ما بيقول لك بيقدم تنازلات دلوقتي وحالياً هو ابتدى يشعر إنه والله الحزب الجمهوري ممكن يتأثر. خلي بالك هقول لك نقطة مهمة جداً. الحزب الجمهوري لو خسر مجلس الشيوخ ومجلس النواب، الديمقراطيين هيحاسبوا دونالد ترامب. هيحاسبوه إزاي؟ هيحاكموه. خلي بالك هو عنصر قوة دونالد ترامب الحزب إن الحزب الجمهوري مسيطر على مجلس الشيوخ ومجلس النواب. فأي حاجة هو بيعملها الكونجرس بيقول أمين، كلهم تبعوا ده. رئيس الكونجرس نفسه تبعه. يعني رئيس مجلس النواب ده تبع الحزب الجمهوري. ده دونالد ترامب بيقول له يمين يمين، شمال شمال. صح؟ لو الحزب الجمهوري خسر الأغلبية في مجلس الشيوخ ومجلس النواب، وده الأقرب، دونالد ترامب هو نفسه قال إن الديمقراطيين هيحاكموني. فدي نقطة غاية في الخطورة ولازم تقف عندها. دونالد ترامب مش في مصلحته إنه يخسر كده. وعشان كده نزل بنفسه عشان إنه ينزل الولايات ويقعد يتكلم مع الأمريكان ويقول لهم الوضع أحسن ويقول لهم الوضع كويس وهكذا، فاهمني إزاي؟ فهو عاوز يلم الليلة. بس ما تتوقعش إنه يقدم التنازلات الرهيبة. خلاص هو هيقعد بس يهدي كده شوية، بس في الآخر هو مش هيقدم التنازلات الكبيرة.

وعشان تعرف بس مدى الكارثة في الموضوع، عشان تعرف إن دونالد ترامب بيفتح كل الملفات في نفس الوقت. حتى الكتاب كتير. أنا قرأت لأكثر من مقالة، كلهم بيتكلموا إن ما ينفعش تفتح كل ده في نفس الوقت وتتعامل معاه في نفس الوقت بنفس القوة. بص على سعر الذهب النهارده. إنت عارف سعر الذهب اللي إنت شايفه ده اللي هو فوق الـ 5000 دولار ممكن إنه يوصل لستة كمان. إنت عارف ليه؟ لأن أوروبا أعلنت الحرب على أمريكا اقتصادياً. أنا على فكرة مش جاي أقول لك إن أوروبا اتخلصت من الأمريكان، بس داخلياً كده بدأت الحكومات ما ترحبش قوي بالاقتصاد الأمريكي زي الأول والشركات الأمريكية وتفتح دراعها ويلا يا جماعة تعالوا يا شركات أمريكا. نعم. الأوربيين دلوقتي عاوزين يستقلوا عن الأمريكان. يا جماعة الاتحاد الأوروبي راح عمل اتفاقية مع الهند. إنت تتخيل؟ الهند. الاتحاد الأوروبي راح عقد اتفاق تجارية مع الهند عشان يقلص التعاون مع أمريكا. كندا رئيس وزراء كندا راح الصين. فالكلام ده كله يقول لك إن الدولار ما بقاش هو عملة الملاذ الآمن. ده في بنوك في أوروبا ابتدت تقول لك لا مش عاوزين دولار، إحنا عاوزين يورو، عاوزين وابتدوا إن هم يدخلوا في الاحتياطي دلوقتي ذهب. خلاص. فالقلب على الدولار والقلب على الأمريكان اللي طالعة من أوروبا دي. هي دي اللي مخليها الذهب هو عنصر الملاذ الآمن. بس أنا بقول لك بص على ما تبصش على أي حكومة، بص على الاحتياطي النقدي المصري. مصري الاعتماد على الذهب عامل إزاي؟ هم شايفين العلاقات الأمريكية مع الأوروبية مش قد كده والدولار ما بقاش هو المهيمن.

دونالد ترامب ووجهة نظره هو بينجز حاجات كتيرة جداً وهو الراجل شايف إن هو كده بيعدل الدنيا. وبالمناسبة هو شايف إن اللي عمله جو بايدن كان هياخد أمريكا ويديها في ستين داهية. فمن وجهة نظر دونالد ترامب أنا بحاول أنقذ ما يمكن إنقاذه عن طريق جمارك، عن طريق بتاع. بس عيب دونالد ترامب إنه ما بيسمعش حد. مثلا تدروز أما من مدخرات الأمريكان تنزل 30% والأسعار تزيد 20%، إحنا كده في الانتخابات التجديد النصفي هنخسر الأغلبية كمجلس نواب ومجلس شيوخ. يعني عارف قال له إيه؟ رد عليه قال له "If you". إنت ترجم بقى الـ "if you" تبقى إيه؟ قال له "If you". ما بيسمعش. الراجل ما بيسمعش.

وخليني أقول لك إن الفيلم بتاع ميلانيا ترامب، مرات دونالد ترامب، نزل السينما وهيبقى حاجة عظمة جداً. فده الوضع في أمريكا حالياً.

طيب لو جيت مشيت في الشوارع هتلاقي شرطة آيس منتشرة جداً جداً. بيعملوا كمائن بالمناسبة. هتلاقيهم واقفين عند حتت ما تتخيلهاش. بس زي ما بقول لك كده، في ناس متفقة مع اللي بيحصل ده وفي ناس مش حابة الموضوع ده. وهنشوف الدنيا ماشية إزاي.

نخش بقى على إيران واللي بيحصل في إيران. وخلي بالك أهم ملف بالنسبة لدونالد ترامب هو ملف إيران. ماشي؟ ملف إيران، لأن ده الملف لو دونالد ترامب أنهى هيبقى درة التاج في سياساته الخارجية. ده اللي هيبقى عمل إنجاز مش طبيعي. خلص فنزويلا، خلص على إيران، إنت كده حاصرت روسيا والصين. ليه؟ يعني الأوربيين اشتكوا كتير جداً. ثانية واحدة عشان إيه؟ طيب، أولاً خد بالك إن الأوربيين اشتكوا كتير جداً إن إيران بتدعم روسيا. ماشي؟ وإن مصنع المسيرات الأساسي موجود في إيران وإيران عمالة تبعت خبراء. ويعني خد بالك إن إيران بنت مصنع مسيرات في روسيا. ماشي؟ بنوا مصنع. وبرغم كده الروس بيجيبوا شحنات من المسيرات الإيرانية. حاجة الروس خدوا صواريخ من إيران وطوروا فيها المسيرات اللي هي شاهد 136. روسيا دلوقتي عندها جيران اتنين وعندها جيران حاجات غريبة كده. عندها طيارة مسيرة ضخمة جداً مش طيارة عادية. فاتحاد أوروبا نفسه يتخلص من إيران. ماشي؟ فدونالد ترامب لو تخلص من النظام الإيراني، هيرجع كل ده أو يصلح كل العداء اللي إنت شايفه مع الأوربيين.

طيب إيه المشكلة مع إيران؟ والله مشكلة إيران، خليني أرجع لك بس. طب ماشي، مشكلة إيران إيه؟ مشكلة إيران إن دونالد ترامب لحد دلوقتي معرفش هو عاوز يعمل إيه. هو عاوز يتفاوض ولا عاوز النظام الإيراني يستسلم ولا عاوز يضرب ضربة محدودة ولا ضربة قاصمة. ماشي؟ ليه بقول لك كده؟ لأن طول ما القرار النهائي ما اتخدش، على فكرة ده مش كلامي عشان بس ما تعتقدش إن ده كلامي أو وجهة نظري، هو ده كلام محللين صهاينة. فهو بيقول لك إيه؟ بيقول لك طول ما القرار النهائي ما اتخدش، كل الأوبشنز موجودة أو كل الخيارات موجودة. هو يعمل اللي هو عاوزه. ماشي؟ هو لحد دلوقتي ما يعرفش عاوز يعمل إيه. بس كل اللي أنا شايفه إن الضربة العسكرية أقرب. ليه؟ لأن دونالد ترامب لما وقف قصاد أعوانه طلع قال لك يا جماعة إحنا هنحرك أرمادا جديدة لإيران. أرمادا ده ده اسم أو مصطلح. يعني ده مصطلح تم إطلاقه على أسطول إسباني كان رايح يغزو إنجلترا سنة 185 أو سنة 1588 حاجة كده. يعني حاجة قديمة جداً يعني. ماشي؟ بس ده كان أعظم أسطول في التاريخ وقتها كان 150 سفينة. ما كانش في دولة بتروح تاخذه دولة تانية بـ 150 سفينة. فهو لما أي قوة عسكرية من وجهة نظر الأمريكان، هو الأمريكان هم بياخدوا المصطلح ده دلوقتي. فأي قوة عسكرية كبيرة بيشكلوها بيقولوا عليها أرمادا. بس. فدونالد ترامب قال لك أنا هرسل أرمادا جديدة وبتبحر دلوقتي تجاه إيران وماشية بمنتهى السرعة ورايحة تجاه إيران.

طيب أنا أول ما سمعت الخطبة قلت أكيد هو قصده على حاملة طائرات اسمها إبراهام لينكولن اللي راحت تجاه إيران. وقلت والله هو قصده على حاملة طائرات يو إس روزفلت وقصده على المدمرات اللي تم إرسالها. فالحقيقة فوجئت إن وكالات الأنباء بتقول لك لا، ده هو قصده على أسطول جديد. الراجل ما ودش أسطول ده، الراجل هيبعت قوة عسكرية جديدة. فاهمني؟

طيب ده معناه إيه؟ ده معناه إن أولاً حتة إن ما فيش ضربة عسكرية دي نساها. حتة إن والله أنا براهن ما فيش ضربة عسكرية ودونالد ترامب بيهجس. هو كان بيهجس ممكن في التحركات العسكرية الأولانية. بس كل إنه يبعت قوة جديدة ما فيهاش تحفيز بقى. ده إحنا ما فيهاش هنا. إحنا ما بنتكلمش على حاجة قليلة. إحنا كده عن تحرك ضخم وأمريكا بتبعت تقريباً جزء ضخم جداً من أسطولها.

طيب هو هيبعت إيه بالظبط؟ ما هو ده هو بعت حاملة طائرات يو إس إبراهام لينكولن وبعتوا روزفلت. ويو إس إبراهام لينكولن دي شايلة إف 35 سي. ماشي؟ طب هيبعت إني حاملة طائرات؟ هيبعت يو إس جيرالد فورد واقفة على فنزويلا وهيبعت يو إس جورج بوش دي واقفة عند سواحل اليابان. واقفة عند سواحل اليابان. هيسحبها وهو بيقول لك إن هي ماشية بمنتهى السرعة. هو قصده إن حاملة الطائرات دي جاية بمنتهى السرعة.

طيب معنى كده إن إحنا نقعد بقى مستنيين إن الراجل ده لحد ما تيجي حاملة الطائرات التانية؟ أديك إنت قدامك بقى أسبوعين تانيين أو يا سيدي أسبوع ونص لحد ما تيجي حاملات الطائرات التانية. مش شرط. مش شرط. ممكن يجي يضرب إيران دلوقتي. ما هو لو هو بيتكلم على ضربة كبيرة. ماشي؟ ده معناه إنه ممكن يبتدي الحرب لحد ما حاملة الطائرات التانية تيجي. فالأمر مش مرتبط بوصول حاملة الطائرات التانية خالص. الضربة ممكن تكون في أي لحظة. وامشي مع كلام الصهاينة لما قالوا لشركات الطيران ما تجوش يوم 30، 31 واحد، ما تقربوش من المجال الجوي الإسرائيلي. ممكن لو مر الأيام دي استنى بقى حاملة الطائرات الجديدة تيجي. بس هل ينتظر الخليج كل ده؟ يعني الخليج بينزف وإنت شايف إن ما فيش أي تحركات قدامك وشايف الدنيا زي الفل. بس الخليج من جوه بينزف. شركات طيران بتلغي رحلاتها، بتتكلم خطوط ملاحية بتغير وجهتها، شركات تأمين بترفع التأمين على الشحنات والشاحنات. فالخليج بينزف. هل دونالد ترامب يفضل في الأسلوب ده؟ أنا فجئت إن قناة العربية وسكاي نيوز عربية بيروجوا المقالة أنا كنت قلت لك عليها قبل كده إن والله دونالد ترامب ممكن إنه يحاصر إيران وما يضربهاش. ما ينفعش. ده الراجل ما حاصرش إيران والخليج بينزف. طب لو حاصر إيران؟ ماشي. ده مش ده مش أسلوب. لأن إنت هنا قدام سيناريو صعب.

سؤال وسؤال تاني بقى. هو ليه دونالد ترامب هيبعت قوة عسكرية جديدة؟ ما يا عم يضرب بالقوة العسكرية اللي معاه دي وخلاص. والله بص لكذا سبب. أول سبب إن الجيش الأمريكي رصد امبارح تحركات عسكرية غير معتادة في إيران. ماشي؟ أنا قرأت الخبر كده والخبر ده كان نازل في جريدة معاريف الإسرائيلية. قال لك غير معتادة في إيران. إيه غير معتادة بقى؟ هل مثلا هم على فكرة ما فسروش. بس هل مثلا إن دونالد ترامب أو الجيش الأمريكي رصد تجهيزات غير مسبوقة؟ رصد أسلحة ما كانش موجودة عند إيران أصبحت موجودة عند إيران؟ فمثل خطورة. خلي بالك دلوقتي المخابرات الأمريكية لما تيجي تشتغل على هدف لضربه غير لما تشتغل على هدف وقت السلم. وقت السلم إنت عاوز تجمع معلومات ممكن ما تكونش دقيقة قوي لشن ضربة عسكرية. عاوز تجمع معلومات يعني تحليل موقف. إنما لما تشن ضربة عسكرية إنت لازم تشتغل في العمق. هل مثلا المخابرات الأمريكية رصدت أو جمعت معلومات مختلفة؟ لقت والله إن يا جماعة اللي إحنا كنا فاكرينه ده مش هو ده الحقيقي. في أسلحة مش موجودة أو في أسلحة فوجئنا إنها موجودة؟ ممكن خلاص. فده حاجة. هقول لك الخطير إيه؟ الخطير إن فيه طيارة اتحركت. والطيارة دي على فكرة كانت موجودة في حرب الـ 12 يوم. ماشي؟ الطيارة دي اسمها تي سي 135. بي 135 أو 137 أنا ناسي. آه هي 135 تي سي 135 دي طيارة من شركة بوينج. ودي طيارة كانت موجودة في حرب الـ 12 يوم. والطيارة دي يا باشا كانت بتعمل حاجة ظريفة جداً. دي طيارة استخبارات. أمريكا كل شوية تطور فيها، تحط فيها رادارات، تحط فيها يعني اعتراض إشارات، الكلام ده كله. طيارة طيارة استخبارات. يعني الطيارة دي لما كانت موجودة في حرب الـ 12 يوم كان أمريكا خايفة إن يكون عندها نووي. فالطيارة دي بتروح تعمل إيه؟ الطيارة دي بتطلع في مستوى عالي جداً في الغلاف الجوي وتجمع عينات من الغلاف الجوي. ماشي؟ يشوفوا ويحللوا هل مثلا إيران بتعمل تجارب نووية؟ لأن الكلام ده كله بيبان في الغلاف الجوي. ف فالطيارة دي لما كانت موجودة في حرب الـ 12 يوم. أنا هفهم. لأن تجارب نووية وإيران والله كان عندها نووي. بس بعد كده أمريكا المفروض تخلصت من مفاعل فور دو ومفاعل مطانز وضربته. هم صح؟ طب ما الطيارة دي موجودة ليه دلوقتي؟ أمريكا بعتت طيارتين. إنت طب تخيل مش طيارة واحدة. الطيارة بتاعت امبارح دي طلعت من أمريكا نزلت في قاعدة في إنجلترا وبعد كده جايه دلوقتي راحت قطر. وعلى فكرة أنا جبت المعلومة دي من المواقع المختصة بالملاحة. يعني هم رصدوا الطيارة دي وهي بتنزل في قطر. فقال لك إيه ده؟ هي أمريكا شاكة إن إيران عندها نووي؟ ده تحول كبير. إن إيران يكون عندها نووي ده قصة. أمريكا ده دونالد ترامب طلع يحلف ويتحالف إن والله ده إحنا ضربنا النووي واتخلصنا من نووي إيران. هل مثلا أمريكا بتشتغل على السيناريو الأسوأ؟ يعني إن أمريكا تبعت طيارة تشوف أو تختبر هل إيران عندها سلاح نووي ولا لأ؟ ده خبر في حد ذاته كارثي. ده أمر. الأمر الثاني إن خد بالك أمريكا بعتت الطيارة دي بعد ما بعتت طيارة تانية. متشكر جداً. بعد ما بعتت طيارة طيارة تانية مهمة جداً. إيه الطيارة التانية؟ الطيارة التانية اسمها هو ده السلاح. الطيارة اللي هقولها لك دي هو السلاح السري. مش كله. هو جزء من السلاح السري. طيب الطيارة التانية دي اسمها إي إيه 37 بي. الإي إيه 37 بي دي طيارة بتاعة حرب إلكترونية قديمة بالمناسبة. يعني الطيارات من النوع ده قديم مش جديد يعني. بس أمريكا اخترعت نسخة خامسة جديدة بالطيارة دي. دخلت الخدمة 4 لا 23 أغسطس 2024. يعني بقول لك لسه أعلنوا عنها خلاص. قال لك الجيش استلمها 23 أغسطس 2024. إيه الطيارة دي؟ طيارة طيارة يعني طيارة خاصة عادية. الأمريكان حطوا فيها منظومات البي إيه اللي هي منظومات تابعة لشركة أكبر شركة عسكرية في بريطانيا. ري هارس. حاطين منظومات أو منظومتين حرب إلكترونية بريطانية وأمريكية. بيقول لك إن دول بيكتموا الرادارات ومش بيقعدوا يكتفوا الرادارات بس ده هم بيفضلوا ماشيين يقعدوا يلتقطوا إشارات الرادارات ويكتموها. يعني مثلا الطيارة بتبقى ماشية في مسار لو لقت إشارة رادارية أو موجات رادارية تروح عند الرادار ده تكت وتقطع الإشارة بينه وبين جهاز القيادة والسيطرة لحد ما الطيارة توصل بمقر القيادة والسيطرة الرئيسي وتقطع عنه الإشارات. ده اللي حصل في فنزويلا بالظبط على فكرة. أنا مش جاي أقول لك إن الطيارة دي هي اللي خطفت نيكولاس مادورو. خطف نيكولاس مادورو حصل حاجتين. دونالد ترامب بيقول لك ده في سلاح سري اللي هو سلاح صوتي ده وحصل خيانة. أنا بتكلم إزاي رادارات فنزويلا ما اشتغلتش؟ هي الطيارة دي الإي إيه 37 بي دي الطيارة اللي أخمدت كل الدفاعات الجوية. والطيارة دي ما دخلتش أي عملية قتالية. بقول لك الجيش الأمريكي دخلها 23 أغسطس 2024. ما كملتش سنتين في الخدمة. ما دخلتش أي عملية قتالية. ما اشتغلتش ضد روسيا ولا الصين ولا أي حاجة. ولا اشتغلت في أوروبا حتى. الأمريكان جربوها أول مرة في فنزويلا. ف وأخمدت إس 300 وأخمدت منظومات دفاع جوي فنزويلية. حتى لو منظومات الدفاع الجوي الفنزويلية دي فيها مشكلة أو ما فيهاش تدريب أو ما فيهاش صيانة أو الكلام ده كله، بس ما فيش رادار في فنزويلا اشتغل. الطيار الأمريكي كان بيسرح في سماء فنزويلا. بيقول لك دخلين طيارة هليكوبتر، طيارات هليكوبتر جابوا نيكولاس مادورو في طيارة هليكوبتر. إنت تتخيل؟ عارف يعني إيه طيارة هليكوبتر تطير فوق سماء دولة عندها منظومات دفاع جوي؟ معنى كده ما فيش رادار. الدفاعات الجوية مش شايفة أي حاجة تطير بها. فاللي أعمى الدفاعات الجوية هي الطيارة دي الإي إيه 37 بي. واقرأ عنها عشان دي طيارة يعني خطيرة جداً. بتطير 7000 كيلو متر. فأمريكا بعتت الطيارة دي. على فكرة الطيارة دي ما وصلتش الشرق الأوسط. دي واقفة في ألمانيا. قاعدة ريمشتاين في ألمانيا. ما جتش الشرق الأوسط لحد دلوقتي. فدي حاجة بص عليها كويس جداً. الطيارة دي لما أمريكا هتضرب إيران هتروح تضرب إيران وترجع. يعني هتروح سماء إيران وترجع. هقول لك 7000 كيلو متر. المسافة بين إسرائيل وإيران 1000 كم أو 1.5. المسافة بقى إن الطيارة دي تروح تمشي فوق سماء إيران وترجع تاني. ماشي؟ ما فيش مشكلة. فاهمني إزاي؟ فدي طيارة خطيرة جداً.

فإنت بتتكلم إن في تحول في الموقف الأمريكي. أولاً في تأكيد إن إيران هتضرب. ثانياً إنت بتتكلم إن يعني تجهيزات عسكرية الشرق الأوسط ما شافش زيها. لو لو الناس كانت بتقول إن والله يا جماعة جيش أمريكي بيودي تعزيزات عسكرية زي أيام حرب الـ 12 يوم. فالمرة دي إنت بتتكلم على تجهيزات عسكرية. لما يوصل الأسطول الجديد وتوصل الأسلحة الجديدة اللي دونالد ترامب هيبعتها للشرق الأوسط دي هتبقى تجهيزات عسكرية الشرق الأوسط ما شافش زيه قبل كده. إحنا أول مرة نشوف التجهيزات دي. إنت عندك تقريباً جزء كبير من الجيش الأمريكي واقف في الشرق الأوسط. طب أنا هقول لك حاجة. إنت عارف التعداد قد إيه؟ بص هو المعروف إن أمريكا عندها 3000 جندي في الشرق الأوسط. ده اللي أنا عارفه. بعتوا عليهم مع أسطول أرمادا ده بعتوا 5700 جندي أمريكي زيادة. ماشي؟ هل ده بس؟ لا دول هيبعتوا كمان. فاتحين جسر جوي من أوائل يناير لحد النهارده. فاتحين جسر جوي ينقل منظومات دفاع جوي. السي 17 راح جايه من أمريكا على الشرق الأوسط وعلى الدول الخليج. باعتين حاملات طائرات. باعتين ثلاث أسراب إف 15. بريطانيا مودية سربين مقاتلات تايفون. ماشي؟ بس إيه؟ إنت بتتكلم إن دي تجهيزات مش لعملية أو لضربه قليلة. هتفهم إن والله التجهيزات دي كلها هي للدفاع مش فقط للهجوم. يعني أمريكا كمان عاوزة تضمن إن لو إيران ضربت أو قامت برد يبقى أمريكا قادرة على الدفاع أو على إنها تتصدى للضربة دي. فبيعملوا تجهيزات عسكرية للدفاع كمان. بس خد بالك التجهيزات دي ما اتشفطتش. وبالمناسبة الحرب دي أو الضربة الإيرانية المرة دي لو اتضربت هيتم استخدام فيها أسلحة ما اتشفطتش قبل كده. مش طيارات فقط. أنا بتكلم أنواع صواريخ ما اتشفطتش قبل كده. خلاص. الجديد كله بقى. ليه؟ لأن أمريكا الظهر بتأكد إن متشكر جداً إن يعني إيران الظهر جالها يعني جسر جوي من الصين. أمريكا الظهر أصبحت متأكدة كده إن إيران عندها الميج 29 وعندها إس 400 الروسي. فهي عارفة إن إيران بتاعة الـ 12 يوم مش هي إيران بتاعة دلوقتي. زائد إن الصين النهارده وأنا بكلمك يعني من بالظبط من خمس دقايق لسه مطلعين تحذير للأمريكان قالوا لهم ما تخشوش إيران. يعني فوضى في المنطقة. الصين كل ما بتطلع تحذير حتى لو تحذير منطقي إن والله لو دخلت لو أمريكا دخلت إيران هتبقى فوضى في المنطقة وكل حاجة. الأمريكان بيقعدوا يفسروه بلغات تانية كتيرة قوي. يقول لك آه ده الصين ممكن تدخل. ده الروس ممكن يدخلوا. عارف الصين والروس ممكن يدخلوا إمتى؟ لو الحرب طولت. هو ده الفخ أو ده الدرس اللي أنا اتعلمته من حرب روسيا وأوكرانيا. والعالم كله اتعلمه إن الحرب لو طولت هيبقى فيه لاعبين جدد. وساعتها الصين بقى ممكن تسرب أو تهرب أسلحة لإيران. هتبقى حابة إنها تدخل تدعم إيران. الروس والله ممكن يقول لك زي ما إنت أمريكا بتدعم أوكرانيا ممكن ندعم إيران. الوقت. فلو أمريكا ما خلصتش بسرعة هيبقى فيه لاعبين جدد بيدخلوا الحرب. هيبقى مسرح العمليات ده مغري لدول كتيرة تخش. بس أنا بقول لك مش مصلحة أمريكا ولا مصلحة العالم إن الحرب تكمل. عارف يعني إيه تعمل حرب عند مضيق هرمز وخليج العربي؟ ده الأمريكان هيتبهدلوا. يعني الأمريكان في أمريكا هيحسوا بالخطر ده. ليه؟ إنت بتلعب لعب في منطقة يعني صادرات النفط كلها طالعة من الحتة دي. ماشي؟ خد بالك إنت بتلعب عند الخليج العربي والحوثيين واقفين عند باب المندب. خد بالك من الحتة دي. وإيران لما تضرب الحوثيين هيضربوا. فإنت كده هتكون حاصرت الخليج. فبتقفل حنفية النفط من أهم جزء نفط في العالم كله. لا الأمريكان يعرفوا يستحملوا الكلام ده كله ولا الروس ولا أي حد. أنا بقول لك ولا الروس. يعني إيه ولا الروس؟ يعني خد بالك إن الروس نفسهم عاوزين إن هم يصدروا النفط لآسيا. طب هيقعد بقى يودي الأسطول النفط بتاعه السري ده اللي هو أسطول الظل يقعد يلف رأس الرجاء الصالح والليلة دي كلها. هو صحيح سعر النفط هيزيد بس هو بالنسبة له العملية صعبة. فاهمني إزاي؟ والروس عاوزين برضه دعم إيران بشكل أو بآخر. أهم حاجة الأمريكان يخلصوا. على فكرة في حد قبل كده سألني إن دونالد ترامب كان قال هو عاوز ضربة نظيفة وسريعة وقليلة التكلفة والكلام ده كله. بص حتة نضيفة يعني ما يكونش فيها خسائر. يعني الجيش الأمريكي هو بيهاجم ما يحصلوش خسائر زي الفنزويلا كده. الجيش الأمريكي خطف رئيس ما وقعلوش قتيل. ماشي؟ ده كلمة نضيفة. سريعة إن الحرب ما تطولش. لأن هم بيلعبوا في منطقة خطر أو ملعب خطر. طب قليلة التكلفة إن والله الرد الإيراني ما يكونش يعني يتم استيعابه. بس التكلفة الأمريكية الحقيقية هو في في الرد الإيراني مش تكلفة الهجوم. على فكرة. ماشي؟ فده أمر.

طيب أمريكا لو هتضرب إيران تضربها إزاي؟ واسمع الجديد بقى عشان ده تقرير لسه نازل. أنا كنت قلت لك قبل كده إن أمريكا لو هتضرب إيران ما تعتمدش على الثلاث أسراب بالإف 15 إس اللي هم طيارات هجومية بس. يا جماعة الطيارين دول دول طيارين مدربين على إسقاط مسيرات. يعني هيقوموا بعمليات دفاعية مش هجومية. ماشي؟ ودول جايين من بعيد. فإيران هترصدهم. إيران هتضرب من حاملات الطائرات. الطيارات اللي جايه في حاملات الطائرات ده قصة أنا كنت قلتها لك قبل كده. بس الجديد بقى إيه؟ إن اللي طالع دلوقتي من الصحف الإسرائيلية إن أمريكا يوم ما هتضرب أول حاجة هتضربها ميناء بندر عباس والأسطول الإيراني كله. ليه؟ عشان إيران ما تعرفش تقفل مضيق هرمز. أول حاجة هيضربوها عاوزين الأسطول الإيراني كله. خد بالك إن إيران النهارده ده نزلت حملة مسيرات. إيران ما عندهاش حاملة طائرات بالمناسبة. بس عندها حملة مسيرات نزلوها الخليج العربي. ودلوقتي يعني هي إيه بتشتغل في الخليج العربي. قال يعني هتتصدى للأسطول الأمريكي. طبعاً أي كلام. وهقص يعني. وال وأنا قلت لحضرتك أصعب حاجة إن إنت تضرب حاملة الطائرات إن إنت تلاقيها. فلو الإيرانيين نزلوا حملة مسيرات في الخليج العربي ما فيش حتة تهرب فيها كتير. يعني هيلاقوها هيلاقوها يعني. فاهمني إزاي؟ ولو لقوها ضربوها خلاص. شكراً. ماشي؟ فالحتة دي مهمة.

طيب النهارده في كاتب صهيوني كان كتب قال لك إيه؟ قال لك بص يا باشا الوضع بالنسبة له غريب. هو اسمه ذاي بار. في واحد بيقول لي إنت خليت ذاي بار أشهر من ناس كتيرة قوي. معلش بس أنا بحب أقرأ الراجل ده برغم إنه صهيوني ومجرم والكلام ده كله ومعفن، بس هو يعني فكره كويس. ماشي؟ واقعي شوية. وخلي بالك جريدة هارتس هي جريدة معارضة في إسرائيل. بس حاول لك هي. الراجل بيقول لك إيه؟ بيقول لك أنا مش فاهم الأمريكان هيحاربوا لوحدهم إزاي؟ يعني كل مرة بالنسبة له حرب اعتيادية لما يكون في قلق من إيران الأمريكان يروحوا يجيبوا حلف الناتو عشان يعملوا حلف وتحالف للتصدي لإيران. صح؟ مراد الأمريكان لوحدهم. في حين هي دي تكلفة وإنت بتتكلم على رئيس ما بيحبش إنه يتكلف. إزاي هيحارب لوحده؟ ده ما استعنش بالأسطول الفرنسي خالص. يعني إيمانويل ماكرون مش موجود. على فكرة طيارات الرافال اللي فرنسا كانت بعتها للأردن كانت على فكرة من طراز 4.1 في حرب الـ 12 يوم. في يوم ماضي يونيو، يوم ماضي كانت طيارات الرافال دي كانت بتلعب دور مهم جداً في إسقاط المسيرات الإيرانية. دلوقتي رافال مش موجودة في الأردن بالمناسبة. يعني هو في قاعدة على فكرة موجودة هناك، بس أنا بتكلم الأسطول الأساسي اللي فرنسا كانت بعتته مش موجود هناك. فالراجل مستغرب بيقول لك هو دونالد ترامب هيحارب لوحده؟ من إمتى؟ من إمتى؟ إلا لو دونالد ترامب عاوز يبين للعالم الهيمنة الأمريكية. بس التكلفة. دونالد ترامب رب يدفع تكلفة كبيرة.

فالراجل مستغرب من الحتة دي. تاني حاجة هو مستغرب لها. إنت هتقضي على النظام الإيراني إزاي؟ يعني الموضوع مش واضح بالنسبة له. يعني الغموض الأمريكي في التحرك ضد إيران. وهو الراجل بيقول لك بيقول لك دونالد ترامب بيقعد يتكلم كتير. بس يعني إحنا عاوزين نعرف هو الراجل ده بيفكر في إيه. قدام دونالد ترامب ما خدش قرار لحد دلوقتي المنطقة كلها هتفضل في حالة توتر. عارف لو إنت هتريحني وتقول لي ده أنا هخش، خش أجيب خامنئي من رقبته كده وأمشي. هنرتاح. هنبقى عارفين السيناريو. يعني كده أو كده إحنا عارفين الهدف النهائي للحرب. إنما إنت غموض أمريكي. داخلين يعملوا إيه؟ داخلين ينصروا الثورة؟ حتة إن إنت تنصر الإيرانيين نزلوا في الثورة دي راحت خلاص. يعني إنت بتتكلم الثورة انتهت وما فيش ثورة دلوقتي في إيران. فهتخش تنصر الثورة إزاي؟ وعلى فكرة ده اللي بيأيد إن دي مش ضربة محدودة. يعني لو كانت أمريكا ضربت قبل كده كانت هتبقى ضربة محدودة على مقر ريجي اللي هو الحرس زي الأمن المركزي كده في إيران. فلو كانوا ضربوا مقرات بسيج كنت فهمت. إنما الثورة انتهت. عشان كده الضربة لازم تبقى ضربة كبيرة. فإنت داخل تعمل إيه؟ والغموض ده يقول لك إيه؟ يقول لك إن أمريكا لسه عمالة تدرس هتخرج إزاي. مش هتدخل إزاي. مش مشكلة إن إنت تخش تبتدي حرب. المشكلة هتخرج منها إزاي؟ لأن دي غلطة الروس على فكرة. الروس في أوكرانيا كانوا داخلين أوكرانيا في نزهة. قال لك والله إحنا هنبعت يا عم 80 ألف جندي يخشوا يوصلوا لحد حدود بولندا ونرجع تاني أو خلاص كده نحتل بولندا. قصدي نحتل أوكرانيا. ده كان فكر خاطئ. ماشي؟ الأمريكان اتعلموا من الدرس. فهم عمالين يحسبوا خروج إزاي مش دخول. ماشي؟ ودي نقطة مهمة جداً. فالكاتب ده كان مستغرب. يعني هو الوضع بالنسبة في الخليج دلوقتي وضع غامض ووضع ما فيش محلل قادر يفهمه قوي وقادر يقول لك اللي بيحصل أو اللي هيحصل. بس خد بالك من أمر مهم. متشكر يا بس خد بالك من أمر مهم جداً. إن زي ما في غموض أمريكي، زي ما في وضوح إيراني. ماشي؟ زي ما أمريكا غامضة هتعمل إيه، بس إيران واضحة جداً. ضربت ضربة محدودة، ضربة مش محدودة، هترد. وماحدش عارف إيران هترد إزاي. ماشي؟ يعني إيران قالت لك أي ضربة علينا إحنا هنرد. وإيران بالمناسبة عارفة كويس جداً إن الضربة دي مش زي أي ضربة. ماشي؟ فقال لك إحنا هنرد. طب إيران هترد على إيه؟ هترد على إسرائيل زي كل مرة؟ ولا ترد على القواعد الخليجية؟ ولا تضرب قاعدة دييجو جارسيا؟ وتضرب إيه؟ وعلى فكرة ده اللي قلق الأمريكان جداً. رد الفعل الإيراني مش عارفين. لأن بالمناسبة إنت بتتكلم على قيادة في إيران أول مرة يتم اختبارها في الحرب. يعني إنت بتتكلم إن الناس دول مش نفس القيادة القدام. إنت قادر تستشف سياستهم عاملة إزاي أو قادر تحكم على سلوكهم في حروب سابقة. اللي موجودين دول شباب. ناس جديدة خلاص. فإنت مش قادر تختبر رد الفعل هيكون عامل إزاي أو هيردوا على إيه بالظبط. فدي أمور مهمة جداً.

طيب تعالى نبص على اللي بيحصل حالياً من ناحية الصين. أنا قلت لحضرتك إن الصين أكبر مستفيد من اللي بيحصل في إيران. طول ما فيش حرب. يعني طول ما في الموضوع عقوبات وديك شايف إن دونالد ترامب بيمارس خلطة كده غريبة جداً. بيمارس تهديدات، عقوبات، حشد عسكري. الراجل أخيراً وليس أخيراً بيقوم بمنارات على حدود إيران. ماشي؟ الكلام ده كله بيفرح. بيفرح الصين جداً. ليه؟ والله الصين مبسوطة لأن الجيش الأمريكي بينسحب من آسيا. مش أنا قلت لك سحب إبراهام لينكولن دي كانت موجودة عند بحر الصين الجنوبي. سحب. طيب دلوقتي هيسحب جورج بوش دي واقفة عند سواحل اليابان. فالصين شايفه إن التواجد العسكري الأمريكي بيخف. أنا على فكرة مش بقول لك إن أمريكا انسحبت من قدام الصين. بس أنا بقول لك التواجد الأمريكي بيخف. مصلحة خلاص. حرية أكتر. نعمل مناورات أكتر. خلاص. فده أمر. الأمر الثاني الصين مستفيدة لسبب بسيط. إن الصين عمالة تعمل عملية تطهير في الجيش. يا جماعة من كام يوم طلع خبر كده ما حدش ركز عليه. صحيفة اسمها وول ستريت جورنال طلعت تقول لك يا جماعة إن تقريباً كده القائد الثاني في الجيش الصيني المخابرات الصينية مسكته إنه بيتعامل مع الأمريكان. إنت عارف القائد ده مين؟ ده قائد عن المسؤول عن تطوير الأسلحة. القائد ده أقرب واحد أو أقرب قائد في الجيش الصيني قريب من شي. اللي هو الرئيس الصيني. ده بيعتبره أخوه. بيقول لك الأخوة ودليل إن الرئيس شي بيثق فيه إن الراجل ده عنده 75 سنة وقاعد لسه في الجيش. يعني سن التقاعد ما جاش وقاعدين في لجنة خبراء والكلام ده كله. فالراجل لسه في الجيش. فالراجل ده المخابرات الأمريكية كانت مشغلاه بينقل لها معلومات حساسة عن الصواريخ النووية الصينية. إنت عارف يعني إيه؟ عارف مدى الاختراق بتاع المخابرات الأمريكية للصين عامل إزاي؟ شيء مرعب. ماشي؟ فإنت بتتكلم إن الصين دلوقتي قادرة إنها تعمل عملية تطهير في ظل عدم تواجد أمريكي في السواحل الصينية أو على مقربها من الصين. تاني حاجة الصين مبسوطة إن أمريكا ممكن تخش فخ. وإن الصين حريصة إن أمريكا ما تخرجش. إنها بعتت جسر جوي لإيران. يعني الصين حريصة إن أمريكا تفضل أكبر وقت ممكن في إيران لو دخلت. ماشي؟ فعمالين يبعتوا أسلحة. وقال لك.

والله 16 طيارة جت بتحمل أسلحة من الصين لإيران، لو صحت المعلومة دي، لأننا يا جماعة بنقعد نسمع أخبار بس، وقت الحرب ما بنلاقيش الأسلحة دي. ماشي، بس أنا بقول لك وفقاً لآخر القرارات اللي طلعت أو آخر التقارير يعني، إن والله في 16 طيارة نقل ثقيل من الصين راحت إيران، جسر جوي يعني، فده أمر مهم.

الصين مبسوطة، والصين على فكرة شايفه إن النفط الإيراني كل شوية بيرخص أكتر، يعني كل ما إيران تكون في حالة حرب، النفط الإيراني بيكون أرخص بكتير. خلي بالك، الصين اشترت 80% من نفط إيران، 80% بيروح للصين عشان رخيص. بتتكلم إن الصين بتشتري تقريباً في اليوم من مليون لمليون ونص برميل نفط إيراني بيتهرب للصين. على فكرة، كل المعلومات دي أنا قلتها في جرنان أو موقع الدبلوماسي. أنا برضه مش بفتي عليك، أنا بس بحب أقول لك المصدر عشان لو حابب ترجع. فهم الدبلوماسي هما اللي كانوا قالوا الأرقام دي.

فقال لك إن والله الصين بتشتري بنسبة كبيرة جداً من نفط إيران. طيب، الصين مبسوطة إن والله أمريكا لو دخلت ضربت إيران وأسقطت النظام، لازم تعرف إن الصين كده هتكون قريبة جداً إن يكون ليها رد فعل، لأن يا جماعة نفس اللي حصل لإيران إنها بتفقد الأذرع بتاعتها، بيطبق على الصين دلوقتي، بيفقدوا الأذرع بتاعتهم، فلازم يتحركوا. خلاص، فحته تايوان دي ممكن تقترب أكتر. ماشي، وهي شايفه إن الناتو ما بقاش على نفس الصفحة زي ما بيقولوا. فدي أمور مهمة جداً، فده اللي بيحصل.

طيب، بالنسبة لنا إيه اللي هيحصل؟ والله بالنسبة لنا إحنا كمصر يعني، الوضع مش كويس. ماشي، أنت عندك صادرات كتيرة جداً بتروح لدول الخليج، تقريباً جزء كبير من صادراتك بيروح لدول الخليج، فلو في حرب في الخليج، مش نفس الصادرات هتروح، ونفس نسبة الصادرات هتروح. ده أمر. خطوط الطيران عندك هتتأثر. ماشي، الموضوع إن يبقى في عندك ضغط على المطارات بتاعتك دي، سواء بقى الطيارات اللي مش هتروح المجال الجوي الإسرائيلي هتنزل في مصر، أو هتضغط على المجال الجوي المصري اللي مش هتروح الخليج هيودوا الرحلات لمصر. الكلام ده كله ضغط مش حلو. بالمناسبة، ما تفرحش بحاجة زي كده، لأن ده بيضغط على يعني المطارات بتاعتك، ودي حاجة برضه ما بتبقاش كويسة. فانت مش مستفيد بحاجة زي كده. بالعكس، ده أنت هتضر في حرب إيران، لأن في شركات ملاحية ابتدت تلغي الخطوط الملاحية لقناة السويس من دلوقتي، بيسبقوا، لأن الحوثيين نشروا فيديو قال لك والله إحنا ممكن نرجع نضرب المراكب تاني. فدلوقتي أنت بتتكلم إن شركات شحن قالت لك خلاص بقى، منقصرها كده، مش عاوزين نروح قناة السويس. فانت بتخسر. الحرب بتاعة الخليج دي ما فيهاش مكسب لمصر خالص، كلها خسائر.

ماشي، تاني حاجة، أنت ما تعرفش تحارب تطور لحد فين. لو مثلاً إيران تهورت وضربت قواعد خليجية أو القواعد الأمريكية في الخليج، فالخليج أعلى الحرب على إيران، فقامت إيران ضربت حقول النفط الخليجية، أنت هتخش. أنت كده هتخش. لو انضربت حقول النفط الخليجية، أنت هتخش. مش أنت لوحدك، أنت وتركيا والهند وباكستان هيخشوا. ليه الهند وباكستان؟ لأن الهند الإمارات عاملة معاها اتفاقية دفاع مشترك، وباكستان السعودية عاملة معاها اتفاقية دفاع مشترك. لأول مرة تشوف الجيش الهندي والباكستاني بيضربوا نفس العدو، مشهد لم يتم رؤيته من قبل. ماشي، فده أمر مهم جداً. فالتكلفة هتبقى زيادة.

والنهارده طلعت قصة كده غريبة جداً، بيقول لك كان في مركب طالعة من الإمارات شايلة شحنة نفط، الإيرانيين احتجزوها. وغريب إن في فيديو لبحار مصري بيقول يا جماعة أنا بقالي شهرين قاعد جوه المركب دي وأنا مخطوف عند إيران والحرس الثوري خطفني. والكلام ده كله. هتقول لي إزاي طالع فيديو وهو مخطوف؟ حاجة أقول لحضرتك، هما خاطفين المركب، يعني هما محتجزين المركب داخل المينا، المركب ما اتحركتش، فالناس اللي جوه المركب بيتحركوا براحتهم. ماشي، فالراجل طلع نداء استغاثة يعني للمصريين أو لمصر إنها تنقذه، لأن الراجل ده محتجز بسفينته. بيقول لك إحنا يعني إيرانيين احتجزونا عشان فاكرين إن إحنا بنهرب نفط، إحنا كنا شايلين شحنة نفط جاية من الإمارات، ما كناش بنهرب نفط إيراني ولا حاجة. بس هي ألعاب سياسية بالمناسبة. هي بتبقى إيران بتحتجز المراكب دي عشان تدي إشارات للأمريكان إن إحنا ممكن نحتجز السفن. والكلام ده. بس إيه، الاستغاثة دي أنا شايف إن مصر ممكن تعمل حاجة بالمناسبة لسبب واحد، إن علاقة مصر وإيران كويسة، مش وحشة. خد بالك إن كان في صفقة بين إيران وهيئة الطاقة الذرية تم توقيعها في القاهرة، أو كان في دور للتفاوض المصري. في علاقة مصر بإيران كويسة وممكن يتم مثلاً إن البحارة دول ممكن يرجعوا. ممكن يعني خلاص. فده أمر مهم جداً.

طيب، خليني قبل ما أقفل معاك أو قبل ما أنهي معاك، أكلمك عن أهم نقطة بالنسبة لي في الموضوع بتاع إيران ده كله أو في الحرب اللي هتحصل في الشرق الأوسط، وهي إسرائيل. ماشي، إحنا كلنا ملهيين في اللي بيحصل عند الخليج وناسيين إسرائيل بتعمل إيه. إسرائيل دلوقتي، إحنا مضينا اتفاق بتاع شرم الشيخ وكنا بنقول يا جماعة إن يعني دي حاجة كويسة جداً وشيء مبشر إن إحنا خلاص أنهينا الحرب في غزة والكلام ده كله. امبارح نتنياهو وطلع قال لك يا جماعة ما فيش حاجة اسمها إعادة إعمار قطاع غزة، وإن إسرائيل ممكن تنسحب بس إن يتم إعادة إعمار غزة ده ينسوه. دي كلمة عكس اللي تم توقيعه في قمة شرم الشيخ. ماشي، فده أمر. الأمر الثاني إن والله نتنياهو امبارح طلع قال لك والله أنا مش هسيب حماس يبقى معاه سلاح. والنهاردة طلع تقرير من جريدة معاريف قال لك والله بص، أنا ما أعرفش بقرا جريدة معاريف كتير ليه، بس هي اللي فيها تقارير مهمة. هما إسرائيل، هما معاريف، هما دول اللي فيهم تقرير مهم. هآرتس هي فيها تحليل. بس النهاردة معاريف بتقول لك إسرائيل ممكن تتعامل مع غزة بثلاث سيناريوهات. أول سيناريو إن إسرائيل تدي مهلة شهرين لحماس عشان تنزع سلاحها. ماشي. تاني سيناريو إن هم يقوموا بعملية محدودة، لأن خلاص المفروض هم لموا كل المعلومات الخاصة بحماس وعرفوا الأنفاق والكلام ده كله، فيقوموا بعملية محدودة. أو يقوموا بحرب شامل. طب هل ده يعقل؟ إحنا موقعين اتفاقية شرم الشيخ عشان الجيش الإسرائيلي يخش يعمل عملية عسكرية أو حرب شاملة؟ ما ينفع.

ده ترامب عمال يعمل مجلس السلام العالمي بالمناسبة، عشان بس تبقى عارف. أنت عارف مجلس السلام العالمي ده اللي ترامب بيقول الناس تدخل. هي أخبار بريكس إيه؟ أخبار بريكس ما حدش سامعها حاجة. روسيا والصين والاجتماعات بتاعة بريكس أخبارها إيه؟ الراجل بيلم الناس بتوع بريكس بيدخلهم المجلس العالمي. أنت أخدت بالك من الليلة. ماشي، فده أمر. الأمر الثاني، خد بالك إن إسرائيل لقت الجثة الأخيرة اللي كان حماس محتجزها بتاعة شرطي إسرائيلي. وقال لك والله نفتح معبر رفح. حلو، نفتح معبر. قال لك إيه بقى؟ قال لك بس هنفتح معبر رفح، إحنا قاعدين شركات أمريكية خاصة تشتغل على معبر رفح، ما نسلموش للسلطة الفلسطينية. شركات أمريكية هي اللي تيجي تقف عند معبر رفح. طب على فكرة، كان في شركات أمريكية واقفة على حدود مصرية، والشركات الأمريكية دي ما كانتش كويسة، لأنها كانت تبع يعني ضباط في المخابرات قبل كده، ودول عناصر استخباراتية. وأنت أصلاً مش حابب تشوف الأمريكان على حدودك بأي شكل كان، ولا حابب تشوف الصهاينة على حدودك بأي شكل كان. أنت في اتفاقية سلام عاوزين نطبقها. فالصهاينة بيلعبوا بس حتى في معبر رفح بيطلعوا عين. يا جماعة الصهاينة دول، اللي يعني عايز أقول إيه، قعدوا يجادلوا سيدنا موسى لما إيه؟ أنت متخيل؟ دول كانوا بيجادلوا أنبياء، أنبياء كانوا بيجادلوهم في ربنا. فأي حاجة فيها تفاوض مع صهيوني، أنت عارف يعني الموضوع إيه؟ هيطول ومش سهل.

طيب، جريدة معاريف برضه فجرت مفاجأة حلوة قوي. قالت لك هو دونالد ترامب رايح يكلم الرئيس السيسي ويقعد يرحب بيه والكلام ده كله. أنت مش شايف الأمر ده غريب شوية؟ من إمتى ترامب حنين كده؟ والراجل يعني بيشيل بالرئيس في ظل إن هو قادة العالم كلهم غلط فيهم. ليه بقى الرئيس السيسي جه عنده وقعد يشيت بيه؟ بس. فجت معاريف قالت لك على فكرة، وساطة ترامب في موضوع سد النهضة ده مش من فراغ، والراجل عنده طلبات. أقلها، أقل حاجة يعني، إن تدخل السفن الأمريكية ببلاش في قناة السويس. ده جريدة معاريف اللي بتقول كده. ده إعلام صهيوني، والصهاينة هم اللي شايفين. قال لك ترامب آه. طيب، أتمنى الصورة تكون معدولة شوية. هو أصلاً هيصل. طيب، فيسبوك أصلاً هيفصل، بس يعني أنا بحاول إن أنا أخليه كويس. طيب، ماشي. اللي أنا عاوز أقول لك عليه، أنا كنت نسيت، نسيت كنت بقول إيه. آه، فقال لك والله دونالد ترامب داخل مع الرئيس السيسي ومصر يعني مش يعني مش عشان والله اتفاقية شرم الشيخ وإن مصر ليها دور في غزة والكلام ده كله. الراجل ده راجل صفقات، والراجل ده قصاد كل حاجة عاوز حاجة. ولو لو قعد الرئيس السيسي مع أبي أحمد، هيقول للرئيس السيسي: أنت عاوز اتفاقية ملزمة لسد النهضة؟ طب ما ندي لواحد أبي أحمد يعني ممر لـ مين على البحر الأحمر ونعترف بأرض الصومال ونلم الدنيا ونخلص الموضوع ده كله. فـ "معاريف" بتشكك في نوايا ترامب وقالت لك ما تشتريش حبة الحب اللي هو اداهم لمصر، وإن الراجل ده أكيد أكيد عشان هو راجل صفقات، قصاد كل حاجة في حاجة. بيني وبينك، أنا عن نفسي مش شاري الموضوع ده قوي. ليه؟ لأن خد بالك، قبل لقاء الرئيس المصري ودونالد ترامب اللي كان في دافوس، وأنت شايف حجم يعني الإشادات والكلام ده كله، كان في جلسة مغلقة قبليها. فلو مثلاً كان دونالد ترامب قال الكلام ده كله إن هو عاوز سفن، وإن هو عاوز إثيوبيا يكون ليها ممر على البحر الأحمر، عاوز الاعتراف بدولة أرض الصومال، عاوز إسرائيل تبقى عند باب، والكلام ده كله، كان الرئيس السيسي مش هيكون مبسوط وهو قاعد. بد الش أنا مش هقول لك ما كانش هيقول نفس الكلام، على فكرة كان هيقول نفس الكلام، لأن سياسة. بس كان هيبان عليه. هيبان عليه إن الراجل طلب منه حاجات صعبة إن هو ينفذها، أو هو مش هيقبلها، أو الكلام ده كله. ما بانش. فادعاء جريدة معاريف، ما أعرفش يعني هو هم شايفين كده، بس مش شرط كل حاجة يشوفوها تبقى صح.

فده أمر مهم جداً. طيب، أخيراً وليس آخراً، فيما يخص السعودية، الـ F-35 فين؟ دونالد ترامب وعد إن هو هيدي الـ F-35 للسعودية. هي فين؟ بلاش زيارة ولي العهد السعودي للسعودية، وإن هو ظهر البيت الأبيض وقعد في البيت الأبيض وكده، إيه آثار الزيارة دي؟ آه، في تحركات سعودية قوية جداً دلوقتي في السودان، في تحركات سعودية قوية جداً في اليمن، والأمريكان يعني قافلين عينيهم، هم مش بيتدخلوا، وبيطلعوا بيانات ولا أي حاجة، وسايبين السعودية تعمل اللي هي عاوزاه. ده بفضل زيارته لولي العهد السعودي للبيت الأبيض. بس أنا بتكلم فين الـ F-35؟ فين الوعود الأمريكية؟ إن والله ده أنتوا هتشوفوا الأمريكان موجودين في السعودية وحجم الاستثمارات والكلام ده كله. وطاك كارلسون قاعد هناك في السعودية دلوقتي وبيقول لك أنا مش سعودي بس السعودية بلد قوية. والكلام ده كله. حلو. دونالد ترامب لازم تعرف، هو راجل مش سهل، راجل مش سهل، ويجب إن أنت تبص له بشكل كويس جداً لكل تحرك هو بيعمله. هو ممكن يدي السعودية اللي هي عاوزاه، بس برضه بثمن. مش فلوس بس، تطبيع.

طيب، أنا قرأت تقرير استخباراتي، موقع تاكتيكال ريبورت كان بيتكلم يقول لك إيه؟ يقول لك خلي بالك، المفروض كان في زيارة لوزير الدفاع السعودي خالد بن سلمان إن هو يروح السعودية، أسف، إن هو يروح أمريكا، واشنطن يعني. كان المفروض هيروحها آخر يناير، تتكلم على يوم 30. أجل الزيارة. أجل الزيارة. كان رايح يتكلم في إيه؟ كان رايح يتكلم في كل اللي أنا بقوله لك ده. كان رايح يتكلم على الأسلحة اللي ما جتش. كان رايح يتكلم على منظومات الدفاع الجوي السعودية كانت عاوزاها من أمريكا. كان رايح يتكلم على الـ F-35. تأخر الصفقات العسكرية. إيه الكلام ده كله؟ فالزيارة اتأجلت. طب اتأجلت لإمتى؟ نص فبراير. وأنا أقول لك حاجة تانية، هتتأجل تاني. ليه؟ لأن الحرب هتقوم. هيروح إزاي؟ خلاص. فدي الأمور كلها. في الآخر، أنا يعني إيه؟ أنا بس بحاول أشرح لك الدنيا ماشية إزاي. وبقول لك إن السياسة ليها معطيات كتيرة، وتبقى عارف إن الدنيا مش زي ما أنت بتشوف في نشرات الأخبار. الخبر اللي بيتقال لك في نشرة الأخبار ده جزء بسيط قوي من الحقيقة. الحقيقة بتبقى حاجة تانية خالص. وكان الله في العون في عون القادة يعني. إن أنت تعرف حاجات كتير ده أمر صعب جداً. وعلى فكرة، أصعب حاجة عند القادة، أنا ما بتكلمش على الرئيس السيسي بس، أنا بتكلم على قادة العالم كلهم، إن أنت تبقى عارف أموره مش عارف تقولها لشعبك. ده أمر خطير جداً. فـ فالـ فالـ فالـ فج جزء من الحقيقة ده أمر صعب جداً. فربنا يكون في عون الناس. قولوا لي لو عندكم أي أسئلة وأنا معاكم. والله زي ما بقول لك، هم أدوا الأمريكان ودوا الطيارة الـ C-135 ده معنى كده الأمريكان شاكين في نشاط نووي في إيران. والطيارة دي وصلت قاعدة بريطانية، أسف، وصلت قطر. قاعدة دي. متشكر جداً. متشكر جداً. شكراً يا فهد. الخميس 2/5. والله بص، هو أنا هقول لك حاجة، مين اللي كاتب؟ أنا مش عارف أقرأ الاسم بس هقول لك حاجة. في حد كاتب بيقول إن موعد ضرب إيران يوم 2/5. هو هقول لك حاجة، الأمريكان عامة لما بيجوا يتحركوا بيتحركوا في الويكندز أو في نهاية الأسبوع. يعني جمعة، سبت، حد. أنت عندك الأيام دي هيتحركوا فيها. أنهي جمعة ثابتة حد؟ ما أعرفش. ولو ضربوا في وسط الأسبوع ده ممكن. بس أنا بقول لك يعني كان في تحليل طالع، الأمريكان بيتحركوا متملي في نهاية الأسبوع، تحركات عسكرية. الـ S-80. حد بيقول لي آخر تطورات الـ S-80. آه، ده أنت فكرتني بصفقة السكوربيون المصرية. آخر تطورات الـ S-80. الـ S-80 واقفة برغم إن إحنا دخلنا في موضوع يعني دخلنا في تطور مهم والكلام ده كله، بس الـ S-80 واقفة. S-80 دي غواصة إسبانية. مصر كانت بتتفاوض مع إسبانيا عليها، عاوزة تصنعها عندها. بس حصلت صفقة جديدة نزلت امبارح في تاكتيكال ريبورت. إيه الصفقة؟ المصريين حصل اجتماع في نوفمبر الماضي في مدينة طولون، معرفش اسمها تولون ولا تولوز، طولون صح، في فرنسا. اجتماع تقني بين البحرية المصرية والبحرية الفرنسية. بيتكلموا في إيه؟ بيتكلموا والله في صفقة غواصة اسمها سكوربيون 2000. على فكرة، غواصة سكوربيون 2000 دي ليها كذا نسخة. في نسخة تصديرية وفي نسخة عادية. الغواصة سكوربيون 2000 مصر عاوزاها. اشمعنى الغواصة دي؟ تصنيع فرنسي إسباني مشترك، والغواصة دي يا باشا يعني منها رخصة إنها ممكن تتصدر للخارج، يعني نقل تكنولوجيا للخارج. فرنسا وإسبانيا ما عندهمش مشكلة. هم صنعوها في أوائل التسعينات، بس هم حالياً أجروا عليها عدد من التحديثات مرعبة. أصبحت غواصة قوية جداً وصغيرة في الحجم، بتشتغل في البحار والمحيطات، وعندها قدرات لضرب صواريخ توماهوك، عمليات تسلل، بتنزل فرقة قوات خاصة عند السواحل بتاعة العدو، بتعرف إنها ما تبانش. ومدخنين بقى نظام الـ AIP اللي هو نظام بيسمح للغواصة إنها ما تطلعش فوق سطح البحر كتير، وتسمح للغواصة إنها تقعد تحت سطح البحر كتير جداً. وغواصة يعني قوية جداً. الغواصة دي أول مشتري ليها كان تشيلي في التسعينات، وبعد كده ماليزيا اشتريتها، وبعد كده الهنود عملوا مشروع اسمه مشروع 75 أو بروجكت 75. المشروع ده الهند خدت نقل تكنولوجيا من فرنسا وإسبانيا وعملوا الغواصة دي عندهم. عملوا ست غواصات عندهم خلاص. وبعد كده جت البرازيل وبرضه خدت نقل التكنولوجيا وعملت الغواصات دي. المصريين حافظين الغواصة ليه؟ ماشي، عاوزينها.

فاللي حصل، موقع تاكتيكال ريبورت امبارح بيقول لك إيه؟ بيقول لك ده في اجتماع حصل في آخر ديسمبر، والمصريين والفرنسيين بيجمعوا العقود. عقد واحد. خد بالك، عقد واحد. يعني إيه؟ يعني المفروض لما دول بتقعد تتناقش مع بعض إن هم يحصلوا على صفقة، بيبقى في لجان، بس كل لجنة بتتكلم في شأن معين أو جزء معين في جوازة، وبعد كده بيلموا الكلام ده كله في عقد واحد عشان يتم توقيعه من الجانبين، سواء بقى من الجيش المصري والجيش الفرنسي وهكذا. فبيقول لك في آخر ديسمبر حصل اجتماع في القاهرة. كان في مين بقى؟ كان في قائد القوات البحرية، كان في قائد الجيش المصري، قائد الهيئة العربية للتصنيع، شركة نافال الفرنسية، وشركة تأمين فرنسية. أنا نسيت اسمها. الاجتماع ده حصل في آخر ديسمبر وابتدوا يلموا العقود في عقد واحد. شوية قدام لموهم في عقد واحد، ابتدوا يلموهم في عقد واحد، ما نوقع الصفقة ونخلصه. قال لك لا، مش هينفع نوقع الصفقة. ليه؟ في حاجة واحدة واقفة. إيه بقى اللي واقف؟ قال لك دلوقتي المصريين عاوزين ياخدوا الغواصة دي يصنعوها عندهم في ترسانة إسكندرية. هياخدوا قد إيه؟ قال لك الصفقة أربع غواصات. كل اللي بقوله لك ده كلام استخباراتي نازل في تاكتيكال ريبورت بتقرير غالي جداً في الفلوس. مش بفاتي منك ولا بحاول أضيع لك وقتك ولا أي حاجة، كأنك قرأت تقرير استخباراتي بالضبط. المصريين عاوزين أربع غواصات، اتنين يتصنعوا في فرنسا، واتنين يتصنعوا في مصر في ترسانة إسكندرية. طيب، حلو. ده كلام هايل جداً وجميل. قال لك والله هيجي وفد مصري من فنيين ومهندسين والكلام ده كله ينزلوا في قواعد نافال الفرنسية ويقعدوا يشاهدوا الغواصات دي وهي بتتصنع. أول غواصتين المصريين يقعدوا يشوفوا بتتصنع إزاي. حلو. يقول لك بعد كده في جوازتين التانيين اللي مصر عاوز تصنعهم، يرسلوا وفد فرنسي للإشراف على تصنيع جوازتين دول داخل ترسانة إسكندرية. جميل. وقال لك إن فرنسا ومركب، أسف، وشركة نافال هيعملوا مكتب تمثيلي في ترسانة إسكندرية. ليه؟ قال لك أصل في وفد ضخم وهيجي يشرف على تصنيع غواصات دي. حلو جداً. وقال لك إن والله المصريين عاوزين يعملوا الجزء بتاع الـ Integration. إيه الـ Integration؟ يعني مصر عاوزة تصنع الجسم بتاع الغواصة وتخش كمان في التكنولوجيا بتاعة الغواصة، تعمل عملية دمج للأسلحة داخل الجسم بتاع الغواصة. ده جزء خطير جداً. فرنسا مش هتسمح بيه لناس كتير. ما أعتقدش إنها سمحت بيه للبرازيل مثلاً. ما أعتقدش. ده اعتقاد شخصي. أنا ما بقولكش التقرير قال كده. بس بيقول لك الحتة التقنية دي إن المصريين هم اللي يدمجوا الأسلحة على الغواصة أمر في منتهى الخطورة. إن هم ينقلوا له المصريين. وبرغم كده الفرنسيين ما عندهمش مشكلة. الفرنسيين ما عندهمش مشكلة. خش أنت يا باشا اعمل دمج الأسلحة، عرف صواريخ توماهوك على غواصة، اعمل دمج للتوربيدات اللي جايه من فرنسا، اعمل لها دمج على غواصة. أنت كده دخلت في منظومة تسليح خطيرة. فرنسي عندهم مشكلة في نقطة الـ AIP اللي هو بيخلي غواصة تتنفس تحت سطح الميه بشكل كبير جداً، ما تحتاجش إنها تطلع فوق السطح بتاع الميه. الفرنسيين رافضين تماماً المصريين يصنعوا حاجة زي كده. قال لك لا، ما الحتة دي ما مديها لكش. يعني هم وافقوا لك على دمج الأسلحة في الغواصة ومش راضيين يدولك المنظومة دي تصنعها عندك. هي دي النقطة الوحيدة اللي واقفة في الصفقة. ماشي. فعشان كده العقود ما اتوقعتش. حد قال بس تاكتيكال ريبورت بيقول لك الأمر قريب. يعني هيحلوا الأمر ده. هل بقى هياخدوا غواصات وحتة الـ AIP دي تصنع فرنسا أو تتعمل في فرنسا؟ ما أعرفش. بس هم هيتغلبوا على الأمر ده. صفقة سكوربيون أو غواصات سكوربيون لو مصر صنعتها في ترسانة إسكندرية ده نقلة خطيرة جداً. يعني أنت هنا بتتكلم الترسانة إسكندرية دي بتعمل الميكو 200 ماشي، اللي هي كورفيت. بتعمل الفوكات فريم. ماشي. هتصنع فوكات فريم. ودلوقتي أنت بتتكلم في غواصات. معنى كده إن ترسانة إسكندرية أصبحت قلعة صناعية خطيرة جداً. ده أمر. تاني حاجة، النو هاو أو المعرفة إن أنت عندك فنيين بيعرفوا يصنعوا غواصات، وعندك الآلات وعندك التكنولوجيا إن أنت تصنع غواصة. حتى لو أنت هتصنع غواصة سكوربيون دي بتصريح من فرنسا على كل غواصة، بس بعد كده أنت المهندسين بتوعك يعرفوا يعملوا غواصة دي لوحدهم. طب وإيه المشكلة؟ ممكن بعد كده يعملوا تحديثات ويجيبوا أسلحة من بره مش في إنفرز. يعني ممكن أنت بعد كده أنت عرفت تعمل دمج الأسلحة داخل بدن الغواصة أو هيكل الغواصة، فانت ممكن تجيب بدل أسلحة فرنسية، إسرائيل تخش لك فيها وتقول لك لا ما تبعتوش المدى ده للجيش المصري، ما تبعتوش السلاح ده للجيش المصري. تقوم أنت رايح جايب الأسلحة من الصين. وتبعث. ماشي. تاني حاجة، أنت ممكن تعمل الأسطول بتاعك صحيح. فرنسا بتوافق لك كل شوية وبتديك رخصة كل شوية، بس ثانية واحدة. صحيح فرنسا تديك رخصة كل شوية، بس خلي بالك أنت بعد كده بقى عندك التكنولوجيا اللي أنت تصنعها غواصات دي. فهي نقلة مرعبة. يعني أنت لما تيجي تحللها كده، ترسانة إسكندرية هتروح في حتة تانية خالص. مش هتصنع بقى سفن، لقاطرات، لمراكب قناة السويس، مش بتصنع سفن صيد. لا، بتتكلم على نقلة نوعية خطيرة جداً. وأنت بتتكلم دلوقتي إن أنت هيبقى عندك فرصة إن أنت تنقل تكنولوجيا أو حتى تصنع قطع غيار بتاعة الغواصات دي عندك. ماشي. فتكلفة الصيانة نزلت النص وأقل من نص كمان. أنت هتقدر إن أنت والله تصدر مكونات الغواصات دي للخارج. تطور كبير جداً. فده أمر. أنا بس كنت حابب أقول لك. أنا بس حابب أقول لك إن كل الكلام ده الإعلام عندنا ما ينفعش يقوله. وده أمر يخليك فخور ببلدك، لأن أنت كل ما بتعرف حاجة بتكتشف إن مصر شغالة بشكل كبير جداً، بشكل ف الجيش المصري جيش عظيم. واللي أنت بتشوفه مثلاً في الشوارع دلوقتي إن في تطوير والكلام ده كله، خلف الأبواب المغلقة الأمر مختلف، بالذات في الجيش، في السلاح. لأن مصر مش ضمنة إسرائيل، ومصر مش قاعدة تشوف والله الأمريكان هيلتزموا بكلمتهم ولا مش هيلتزموا بكلمتهم. أنت يا باشا شغال على نفسك، وأنت قدرة واحد بنفسك. وأنت الفترة اللي فاتت دي أنت بتعتبرها فترة أو فجوة تعرف تشتغل بيها لحد الحرب. حاضر. ما حصلت أنت جاهز. ما حصلتش أنت برضه جاهز. يا رب أكون شرحت لك الموضوع بشكل مبسط، ويا رب أكون أضفت لك أي معلومة جديدة بالنسبة لك. ومتشكر لكم جداً كل متابعتكم. والحمد لله إحنا نسب مشاهداتنا في الخليج بقت قوية. برغم على فكرة اليوتيوب مش هو المنصة الأولى في الخليج، بس إحنا عندنا مشاهدين في الخليج كتير، وأحبائنا في الخليج كتير برضه. وربنا يديم المعروف ده. ويا رب ينصر العرب يا رب. تحيا مصر. سلام. هشوفكم بقى على التيك توك. تمام.