Transcription
أنا في البيت بس أنا وأخي. ما فيه بنت. ما بنخلف كتير. آه ما بنخلف كتير. مش متخلفين. هذا حُب من أول صوت. هاي هو. توترت. انحرجت. بالنسبة إلك هل هذا هو الحُب من أول صوت؟ آه بالنسبة إلي هذا حُب من أول صوت. شكلك أنت ما جربته.
أهلاً وسهلاً. كيف حالك؟ هل الصوت ممتاز؟ أنا ناصر من الصين. عمري 25. (أنت لا تضحكي). حسناً أنا ما ضحكت. والله ما ضحكت. لا تتهمني. درست اللغة العربية في الصين سنتين وهسة في الأردن لسة أدرس عشان مسلم عشان إحنا نفهم الدين أكثر.
أول مرة شفت ناصر كان عند مكتبة الجامعة وهيك أجاني شعور كتير غريب. صرت أحاول أدور بـ (مواقع التواصل الاجتماعي بس ما بعرف اسمه، ما بعرف ولا إشي عنه. بعدها تقريباً بأسبوع فجأة ببعت لي حدا بحكي لي أنا ناصر الصيني وهيك وإنه أنا بدرس اللغة العربية. هو شاف (بحسابي) إني أنا دارسة صحافة وإعلام. فأنا حكيت أنا شخص كتير بحب أقرأ جريدة ممكن أنتِ تساعديني. فأنا صورت لها صورة الجريدة وأرسلت لها. هي قرأت لي أول صوت. حكيت هذا صوت بس في التلفزيون أنا سمعته في حياتي الحقيقية أبداً ما سمعت.
لما قررت إنه بدي أدرسه اكتشفت أنه ناصر هو نفس الشخص اللي أنا شفته عند المكتبة. أصابتني صراحة صدمة. وبدأت قصتنا من هون.
لما بلشت أدرسه اللغة العربية واجهنا كتير تعليقات. بأكل خفاش، بتأكل كلب وصرصور كل إشي يعني. بضاعتكم سيئة. صيني عيونه صغيرة يعني هذا شو؟ أنا شو أعمل؟ الله خلقنا هيك.. شو بدي أعمل؟ مش أنت عيون كبيرة بتشوف هاللون أسود وهو لون أبيض! لا! نفس الإشي. خاصة لما بعد كورونا رجعت من الصين للأردن بحكوا: صيني، صيني! كورونا. أنا لما بشوف أضحك بس أنا كشخصية أبداً ما بزعل عادي يعني. بس إنه التعليقات السلبية دائماً عنصرية. تركتِ كل العالم ورحت تزوجتِ صيني. اطلّع! ماخدة صيني! مثلاً.
كنا كتير نواجه هذا الحكي. ما كنت بعرف أي إشي عن الثقافة الصينية. (وأحياناً (مواقع التواصل الاجتماعي بركز على الفيديوهات الغريبة. يعني إحنا ليش ما بنلوم الناس؟ لأنه أنا كمان كنت أسأله أسئلة غريبة. فحسيت بالعكس هم ثقافتهم يعني ضخمة منوعة رائعة. وصار ناصر يفهمني ويعلمني أكثر. وحالياً بحاول أعمل نفس الإشي. أوصل الأفكار اللي وصلني إياها ناصر في بداية علاقتنا للناس اللي مش فاهمين تفاصيل عن الثقافة الصينية.
المي السخنة يعني بالبداية كان إنه بدي أشرب مي سخنة. إنه مي سخنة، مي سخنة عادي هيك مغلية بتشربها هيك. طيب بدك معها شاي إشي؟ مش متقبلة فكرة مي سخنة بالصيف مثلاً. بحسها ما بتروي العطش. هو بحكي لي أحسن أفيد عشان بطنك وهكذا.
تأكل منسف باليد. يعني خبز تأكل باليد. بس ما جربنا نأكل رز باليد. تمام هيك نمسك هيك وبعدين هيك نأكل. هذه أغرب العادات. هذا الإشي اللي أنا وناصر بنطمح له من أول ما بلشنا. إنه نغير فكرة الناس ونخليهم عن جد ينفتحوا عَ الثقافات الثانية ويتقبلوا الآخر.