Transcription
النهارده تعرف ليه مكاوي بيتقال عليه المنقذ مكاوي سيفيور. هقولك على أحسن أسئلة تبتدي بيها الكلام لما تنزل تشوف الكراش. انتهى زمن بقى التوهة والسكوت الكتير وقلة الكلام. النهارده هتعرف تقول إيه، تسمع إمتى وتخلي الكونفرزيشن شغالة إزاي. جاهزين؟ تعالوا نشوف الحوار ده.
[موسيقى] [موسيقى]
أهلاً بكم يا جماعة، معاكم مكاوي والقناة دي معموله مخصوص تتكلم عن مشاكل بتواجهنا: صحتنا، شكلنا، عاداتنا كل يوم وإزاي نواجها عشان نبان في أحسن صورة وننجز شغلنا وننجح في حياتنا. يلا اعمل لايك واشترك في القناة لو لسه ما اشتركت وفعل زر الجرس عشان ما يفوتكش جديد كل أسبوع. وبالمرة تحت كده قول لنا في الكومنتات آخر ديت نزلته مع الكراش عكيت في إيه وقلت إيه. عايزين نشارك مع بعض كده غلطاتنا والعك بتاعنا. قول لي تحت في الكومنتات، ما تتكسفش، إحنا إخوات. تعالوا نشوف موضوع النهارده.
معظمكم طبعاً بيتفرج على فيديوهاتي وعارف إزاي يقفل يجيب جون لما يخش على الكراش أونلاين، يعرف يخليها تنزل ديت معاه، ما بيعكش كتير وبينجح وبيخليها تنزل تتكلم معاه، ما بيقعدش يلغي أونلاين كتير. بس للأسف معظمكم برضه مش متعود ينزل كتير فلسه رهبة إنه يقابل حد حقيقي بدل الأونلاين بتأثر عليه. لما بيشوف البنت قدامه فعلاً والمفروض بقى يتصرف ويتكلم ويسمع ويتعامل، بيبتدي بقى غلطاته تبان ويتوتر والدنيا تبوظ. وما ينفعش حتى تابع مكاوي يبقى بيعك، أزعل! كونك إنك تابع مكاوي يبقى أنت كده مفروض تبقى توب. والنهارده هقول لك التوب بيعمل إيه.
نركز بس اللي أنا هقول لك النهارده لما تنزل تشوف الكراش ما تقولش الكلام ده أونلاين. ما تقتلش روح التفاصيل وروح الرغي في الشات الأونلاين. كل الكلام اللي أنا هقوله النهارده لما تنزل تقابلها فعلاً. هتقول لي أمال أقول إيه في الشات أونلاين؟ هقول لك عملنا فيديو قبل كده هسيب لك اللينك تحت في الديسكربشن خش شوفه بعد فيديو النهارده. النهارده إحنا هنركز لما ننزل نشوفها في أي مكان نقول إيه، نتكلم ونلغي في إيه.
أحسن خمس أسئلة تبتدي بيهم كلام مع الكراش بتاعتك، البنت الحلوة، أتمنى يعني تبقى بتختار حاجة حلوة مش كل هالك ده على حد شبه فتح البواب هقفش وهزعل. تعالوا نشوف الموضوع. أول سؤال مفروض نسأله والموضوع ده مش بالترتيب، شوف أنت بتحب الموضوع يمشي إزاي على حسب البنت اللي قدامك. وده عبارة عن السيكرت بيهيفير بتاعها اللي هو هواياتها، شغفها، الكتب اللي بتحب تقراها، الرياضة أو اللعبة اللي بتحب تلعبها. والسؤال ده الأربعة كاتيجوري اللي فيه دول ممكن ياخدوك نص ساعة كلام. أنت مجرد ما تسأل سؤال هتقعد تسمع بتاع 10 دقايق رغي في أي كاتيجوري فيهم وتخش على اللي بعده. هنا أنت بتسأل أسئلة في الصميم على طول، أسئلة ليها علاقة شخصية بيها. الناس بتحب تتكلم عن اهتماماتها السرية، الحاجات اللي الناس مش عارفاها. فلما تلاقيك بتسأل في الحاجات دي وعايز تعرف مهتم إنك تسمع هتحبك فشخ. أنا بجيب السؤال ده بطريقة كده شياكة، بقول إيه: "احكى تيتك بقى" مثلاً لو اسمها نورا بقول كده: "نورا بتحب تعمل إيه وماحدش حواليها؟ بتفكر في إيه؟ بتحب تقرا إيه؟" وهكذا فاهمني؟ بتخلي الموضوع أكنه قصة كده هي بتقعد تحكيها والموضوع بيبقى لذيذ وبتخليها ما بتحسش إنها رغايه فاهم؟ أنت كده بتخلق كونكشن ديب كويسة بينكم وبين بعض. بتفهمها بالشياكة إنك مش جاي ترغي كلام سطحي وخلاص، جاي ترغي وتعرف أكتر، عايز تعرف التفاصيل. وده اللي دايماً بيميزك عن أي حد هي بتنزل معاه. هتسأل في الهوايات، هتسأل في الشغف، بتحب تعمل إيه بعد الشغل كشغل تاني أو سايد هاسل، الكتب اللي بتحب تقراها، الألعاب اللي بتحب تلعبها أو الأكتيفيتي اللي بتحب تعملها أونلاين مثلاً سواء بلوج أو يوتيوب أو أرتكل أو أي حاجة شبه دي.
حلو يا سيدي. نيجي هنا لثاني سؤال مفروض تسأله وده ليه علاقة بالبرود بيهيفير. وهنا بقى أنا بستعمل السؤال ده في إن أنا أنكش. أنت ببساطة بتسألها بقى الأسئلة اللي الناس معظمها بتسألها اللي هو إيه: "الأماكن اللي أنت بتحبي تروحيها أو البلاد اللي أنت بتحبي تسافري لها أو الأفلام اللي أنت بتحبي تشوفيها أو الأغاني أو أو أو" وهكذا. أسئلة جنرال مش شخصية قوي زي السيكرت بيهيفير الأول. حاجة الأسئلة دي لما بتيجي تسأل فيها بقى بتسألها: "بتسمعي أغاني إيه؟" بتقول لك: "بحب الهيب هوب، بحب البوب، بحب الراب". وتقوم داخل على طول بـ "ليه؟ إشمعنى؟" نفس الكلام في الأفلام، نفس الكلام في البلدان اللي بتحب تروحها أو الأماكن اللي هي بتحب تروحها: "إشمعنى؟ ليه؟" هنا بقى لما تيجي تقول لك سبب تقوم أنت ناكش على طول تتريق تريقة خفيفة كده. أوعى تتريق التريقة دي في السيكرت بيهيفير. الناس ما بتحبش حد يتريق على الحاجات المهمة اللي هي الشخصية بتاعتها. فإحنا بنتريق أو بنتيز بالحاجات البرود، الحاجات العادي، ما هي هتتقبل فيها إنك تنكشه فاهم؟ لو قالت لك مثلاً: "أنا بحب فيلم كذا كذا رومانسي مثلاً" فانت تقول لها: "أوبا شكلك ما يديش رومانسية!" هتقول لك: "إيه ده بجد؟ فعلاً؟ أمال إيه؟" حاول تقول بقى حاجة هنا يعني ما تبقاش تريقة بزيادة. أنا بحاول أتجنب الموضوع ده، أقول مثلاً: "شكلك يدي عنف أكتر، أكشن وبتاع." ما تحاولش تخلي الموضوع ليه علاقة بيها، حاول تخلي الموضوع ليه علاقة بالشخصية فاهمني؟ بلاش تتريق على حاجة في الشكل أبوس إيدك، هتفشخ منك. فأنكش في حتة الشخصية دي، حتة الاهتمامات زي ما قلنا البرود مش الشخصية. إحنا بنستغل البرود بيهيفير ده إن إحنا نسأل "ليه؟" بعد كده "نتيز". المهم تديها فرصة إنها ترغي وأنت بتسمع وتبين لها إنك مهتم. التييزينج اللي بيحصل في النص ده بتبين لها إنك بتسمع التفاصيل.
حلو يا سيدي. هنخش هنا على ثالث سؤال المفروض تسأل فيه أو تتكلم عنه وتقول لها ببساطة: "إيه فكرتك عن اليوم المثالي؟" البيرفكت داي أو البيرفكت ديت. هنا بقى السؤال ده بتخليها تقعد ترغي ممكن بالربع ساعة كده. اليوم الحلو بالنسبة لها عبارة عن إيه؟ كشغل، كخروج، كفسحة، كسفر، كبتاع. خليها تقعد تحكي للصبح. كل ما تقول لك حاجة تقعد تقول لها: "إشمعنى؟ أو ليه؟ إيه ده بجد؟" تقعد تخليها ترغي أكتر في الموضوع ده. بيديك فكرة إن هي بتفكر إزاي وبتحب تمشي يومها إزاي وهكذا. وأنت تعرف تدخل زي ما تقول كده اهتماماتكم المشتركة، تعرف تـ لو قالت لك حاجة أنت برضه أنت بتعملها أو بتحب تعملها وهكذا. يعني لو ما عرفتش تدخل بقى الحاجات المشتركة في الموضوع ده.
نيجي هنا للسؤال الرابع وببساطة تسألها هنا: "تفتكري إيه الحاجات المشتركة ما بينا؟" أو "قولي لي على تلات حاجات تفتكريهم مشتركين ما بينا؟" هنا ببساطة هي تقول لك على طول: "أنا فاكرة إن كذا كذا كذا مشترك ما بينا." أو تقول لك: "أنا لسه مش عارفاك كويس." فتيجي تقول لها هنا: "طب إيه أول انطباع أخدتيه عني؟" بتديها فرصة إنها ترغي وترغي وتديك الفكرة اللي هي خدتها عنك وتقعد تقول لها: "إيه ده بجد؟" وتقعد تقول لها: "إشمعنى؟ أنا فعلاً شكلي يدي كده؟" وهكذا فاهمني؟ الفكرة اللي إحنا من كل اللي إحنا بنعمله ده إنها تكسر التنشن وتخليها هي اللي تتكلم وأنت اللي بتسمع. ولما تلاقي نفسها هي بتتكلم أكتر والدنيا مرتاحة معاها هتحبك أكتر عشان أنت بتسمع كويس وبتخلي الكلام مريح. بتسأل في حاجات هي حابة تتكلم فيها وحابة تعبر عنها. هي عايزة تقول لك أنا واخدة فكرة إيه عنك فاهمني؟ بس هي مش هتعرف بالسؤال، هي لازم تتسأل. فبتخش من حتة: "تفتكري إيه الحاجات المشتركة ما بينا؟" أو "قولي تلات حاجات مشتركة ما بينا." لو ما عرفتش تقول لها: "إيه الأول انطباع أخدتيه عني؟" وتسوق الموضوع من هنا. المهم إنك ما تسرحش، تبقى وهي بتتكلم أنت مركز معاها في عينيها ومبتسم والدنيا أنت عارف بقى الموضوع ماشي إزاي.
نيجي بقى لآخر سؤال أنا بحب أفنش بيه دايماً الديت وهو: "إيه أكتر حاجة أنت فخورة إنك عملتيها؟" وبتبقى أنت هنا بتقفل اليوم بقى بأحسن سؤال كله بيحب يجاوب عليه. هنا بتشارك أهم لحظة في حياتها أو أهم إنجاز هي عملته، حاجة مهمة جداً بالنسبة لها. وفي كل الحالات لما بتسمع الإجابة بتاعة الموضوع ده أنت بتشجع وبتتييز وبت بتبقى إيجابي: "أنا اتفاجئت إنك عملتي حاجة زي دي! عاش فشخ!" وهكذا. في السؤال ده بالذات لازم تجاوب بإيجابية. هي عايزة الناس تبقى مبسوطة بأكتر حاجة هي فخورة إنها عملتها حتى لو كان الموضوع بالنسبة لك تافه. حاول ما تبقاش سلبي بس السؤال ده لو بقيت سلبي فيها هتكرهك، خلي بالك في الحتة دي. وفي نفس الوقت لو بقيت إيجابي برضه هتحبك جداً وتعرف إنك خلاص بقيت قريب. حكت لك على حاجة شخصية ومهمة جداً بالنسبة لها وأنت كنت إيجابي وأنت كنت بتشجع وفخور بيها.
الموضوع بسيط حاول ما تعقدوش. وزي ما قلت لك ترتيب الأسئلة دي على حسب الديت ماشي إزاي، مش لازم واحد اتنين تلاتة زي ما أنا قلتهم كده. نوع ما بينهم حسب الكلام ماشي إزاي إزاي وخش دوس واحد اتنين تلاتة. بس خلي بالك ما تدخلش شخصية بعد كده برود، شخصية بعد كده برود. ما تبقاش عبيط والكلام يبقى مالوش سيستم كده عشان تعرف تشارك أنت كمان معاها ولو في حاجة كومن تتكلم على طول فيها وهكذا. الموضوع سهل والله يا جدعان بس إحنا بنعقده من قلة التجربة. فحاول تجرب كتير وتعك كتير هتلاقيه سهل وسهل وأسهل وأسهل وهكذا. طب والله مروع عليك الديت الجاي، أوعى تصغرني بقى.
ولو لسه عندك أي مشاكل في الحوارات دي وعندك أي أسئلة تعال عندي على انستجرام اعمل لي فولو واسألني في الدي إم عشان أشوف الدي إم بسرعة أو اعمل لي منشن في ستوري وهكذا. بس لو عندك مشكلة بجد وسؤال بجد معطلك ما تسألنيش في حاجات بديهية فاهمني؟ ولو وصلت معايا لحد آخر الفيديو هنا قول لي تحت في الكومنتات "نصائح مكاوي هتخليك محترف مش هاوي". عايز أشوف مين قعد معايا لحد آخر الفيديو. ولو الفيديو فادك أو علمك أي حاجة ما تنساش تعمل لايك وسبسكرايب في القناة لو لسه ما اشتركت وتفعل زر الجرس عشان ما يفوتكش جديد كل أسبوع. وزي ما بنقول كل حلقة: "حط نفسك قبل كل حاجة، أنت الأهم، أنت الأول". وقبل أي حاجة خليك على وضعك. أشوفكم الحلقة الجاية.
[موسيقى]