مكر انثى، تخطيط شياطين فاق الحدود!

سلام عليكم. سنه 2018 في محافظه القاهره، وفي يوم من ايام الصيف الساعه 10 الصبح في عزبه بمنطقه المطريه، الدنيا اتقلبت في بيت من بيوت العزبه بعد اما اهله صحيوا على صوت خبط جامد على الباب. ولما الاب نزل من شقته وفتح الباب لقى قدامه راجل ماسك في ايديه اوراق كتير. ومن ضمن الاوراق دي ورقه قدمها له وطلب منه انه يمضي عليها. فالاب خد الورقه وراها واول ما عينه وقعت على الكلام اللي مكتوب فيها اتصدم وقلبه وقع في رجليه، لان اللي قراه ما كانش اعلان عادي، ده كان بدايه لفك سر مدفون بقى له حوالي سنه ونص.

ودلوقتي صلوا على النبي ويلا بينا نرجع بالزمن لورا ونعرف الحكايه. اهلا بكم، انا محمد رفعت، وده برنامج حكايه الجريمه.

سنه 2012 في محافظه القاهره وبالتحديد في عزبه بمنطقه المطريه، كان ساكن هناك راجل اسمه الحاج جمال في اواخر الستينات من عمره وعلى المعاش، لكنه شغال سواق على تاكسي وهو بيملكه. ومتجوز وعنده خمس ابناء. والحاج جمال قدر يبني لكل واحد من اولاده شقه في بيته وشطب كل الشقق وفرشهم بالكامل. وابنائه كانوا مقدرين تعبه وشاه. واصغر واحد فيهم هو شاب اسمه سيف في العشرينات من عمره وهادي الطباع ومؤدب. وبعد ما خلص دراسته في كليه النظم والمعلومات الاداريه اشتغل في اماكن كتير لحد ما استقر في وظيفه. ومن خلال شغله اتعرف على شاب وحس انه انسان كويس ومحترم. والاثنين علاقتهم اتطورت وبقوا اصحاب. والصديق ده بقى يزور سيف كتير في بيته ووصل بيه الحال انه بقى بيبات عنده. وعلى الرغم من ان اهل سيف ما كانش عاجبهم تصرفات صاحب ابنهم، بس ماتكلموش معاه علشان ما يضايقوش ابنهم.

وبعد فتره سيف قال لوالده انه عايز يخطب اخت صاحبه. فالحاج جمال قال له انه هيسال عليهم الاول. وبعد ما سال وعرف هم مين رفض الجوازه، لانه عرف انهم عيله سمعتهم وحشه وبتوع مشاكل. ونصح ابنه انه يبعد عنهم. بس سيف ما سمعش نصيحه والده ودافع عن اهل صاحبه وخصوصا بنتهم اللي هو عاوز يخطبها وقال عنها انها بنت متربيه ومتعلمه تعليم كويس. انسام اخت صاحب سيف كانت في اول العشرينات وخريجه اقتصاد وعلوم سياسيه وشغاله في شركه كبيره في حي مدينه نصر. ورغم كلام سيف عنها، الا ان الاب ما غيرش رايه وقال لابنه ان قرار الرفض ده قرار نهائي. ولو فضل مصمم على الارتباط بالبنت دي ما حدش من اهله هيكون معاه. وسيف ما اهتمش بكلام والده ونفذ اللي في دماغه وراح اتقدم لانسام لوحده. ودي كانت اول مره سيف يكسر فيها كلمه والده. والغريب ان اهل انسام وافقوا وتموا الخطوبه وكمان حددوا ميعاد الجواز.

وبعد بعد كام شهر سيف قال لوالده انه مش هيسكن في الشقه اللي هو مجهزها له في البيت. وعرفه انه اجر شقه قريبه من بيت اهل خطيبته في منطقه حدايق القبه. وفي نهايه كلامه طلب من والده انه ياخد حاجته اللي موجوده في الشقه. والاب ما اعترضش وسمح له انه ياخدهم.

وفي بدايه سنه 2013 سيف وانسام اتجوزوا والفرح اتعمل في بيت اهلها. وبعد جوازهم بكام شهر انسام بقت حامل وبسبب حملها تعبت وما بقتش قادره تروح الشغل وخدت منه اجازه. وعشان كده المصاريف زادت على سيف وبصعوبه قدر يغطي الالتزامات اللي عليه. وبنهايه شهور الحمل انسام ولدت ولد وسيف كان فرحان بابنه جدا. بس فرحته ما كانتش كامله بسبب الضغوطات الماديه اللي زادت عليه. وبدا يفكر في حل يخرجه من الازمه دي.

بعد وقت قصير سيف شاف ان الحل انه يسيب الشقه اللي ماجرها ويرجع لبيت اهله ويعيش في شقته اللي هناك. واتكلم مع انسام وعرفها باللي هو بيفكر فيه. فانسام وافقت على اقتراحه بس طلبت منه ان يبقى ليها حياتها الخاصه بعيده عن اهله. وسيف وافق على طلبها وفعلا راحوا بيت اهله وعاشوا في شقته اللي موجوده في الدور الثاني فوق شقه والده ووالدته. وانسام كانت بتنزل وتطلع وهي ما بتتعاملش معاهم. وبعد كام شهر حملت للمره الثانيه وخلفت ولد. واهل سيف قلبهم حنحفادهم مالك ومازن وبقوا يشوفوهم باستمرار. لحد ما في يوم والده سيف صحتها اتدهورت والمرض اشتد عليها. وبعد فتره قصيره توفاها الله. والحاج جمال هو واولاده تاثروا بموتها. لكنهم بعد فتره قدروا يتخطوا حزنهم. والجد تعلق باحفاده اكتر وكمان بقى بيساعد ابنه سيف ماديا وخصص له مبلغ مالي كل شهر وبقى بيدفع له كل الفواتير الخاصه بشقته.

بعد فتره سيف احواله الماديه اتحسنت وباع عربيته واشترى واحده جديده واجرها المعرض عربيات ب 5000 جنيه في الشهر. وانسام هي كمان رجعت تاني لشغلها. وبعد فتره قصيره من رجوعها الحاج جمال لاحظ انها بتغيب بالايام بره البيت وبيكون معاها مالك ومازن. ولما سال ابنه عن مراته وقال له هي بتروح فين سيف قال له ان الشركه اللي هي شغاله فيها انتدبوها لفرع اسكندريه والانتداب ده مؤقت علشان تعمل دراسه جدول مشروع تحت التنفيذ. وكمل كلامه وقال لابوه انها بتقعد في اوتيل في اسكندريه اربع ايام في الاسبوع. والاب بعد ما سمع كلام ابنه ما كانش عاجبه بالوضع ده. لكنه ما اتكلمش لانه شاف ان حياه ابنه مستقره وكمان شاف انه راضي عن تصرفات مراته.

بعد شهوره تحديدا يوم 28 يونيو سنه 2017 على الساعه 5:30 الصبح بعد صلاه الفجر انسام فتحت باب شقتها وطلعت لشقه اخو جوزها وهي خايفه وخبطت على باب الشقه. وعمرو اخو سيف فتح الباب واتفاجئ بانسام وهي مغضوضه. ولما سالها عن سبب خضتها قالت له ان سيف لحد دلوقتي مارجعش البيت. وعمرو بسرعه خدها ونزل بيها على الدور الاول عند شقه والده وحكى له اللي انسام قالته. والاب من كتر خوفه على ابنه ما كانش عارف يتصرف. لكنه سال انسام عن اللي حصل لسيف قبل ما ينزل من شقته. وانسام حكت لحماها ولعمرو ان سيف كان متفق يشتري عربيه جديده شاف اعلان عنها على الانترنت. ولما عجبته اتصل بصاحبها واتفق معاه انه يشتريها منه وحدد معاه معاد للمعاينه ودفع عربون من ثمنها. وثاني يوم بعد المكالمه سيف سحب فلوس من البنك وعلى الساعه 8:30 بالليل خرج من البيت علشان يقابل صاحب العربيه. بس قبل ما ينزل موبايله فصل شحن فسابه وخد موبايل ثاني صغير كان بيستعمله في شغله. ومن وقت ما نزل وهي ما تعرفش عنه اي حاجه.

الاب سال انسام هي اتصلت بيه من ساعه ما نزل ولا لا فقالت انها كانت نايمه جنب ولادها وما اتصلتش بجوزها الا لما صحيت وعرفت انه لسه مارجعش من بره. بس وقتها لقت موبايل مقفول. فالاب بسرعه خد مفاتيح عربيته ونزل من البيت وخد معاه انسام والاثنين مشيوا بالعربيه وراحوا على المستشفيات والقسام وسالوا على سيف في كل مكان. وفي الوقت ده انسام كانت منهاره وعماله تعيط. وبعد كام ساعه رجعوا على البيت والاب خد ابنه عمرو وراحوا عملوا محضر تغيب.

والايام مرت وما فيش اي خبر وصل لاهل سيف. وكل كم يوم الحاج جمال بيروح الاسم ويسال عن اخر التطورات في البلاغ والاجابه في كل مره كانت جملتين ما فيش جديد والبحث لسه مستمر.

استمر تغيب سيف لحد ما في يوم انسام نزلت شقه حماها وهي متعصبه وبتزعق. فالاب ما كانش فاهم هي متعصبه كده ليه. ولما سالها عن سبب عصبيتها قالت له ان في كذا رساله وصلت من رقم غريب لموبايل سيف. والرسائل دي كان مكتوب فيها انت بتختفي مني انت فاكر لما تهرب مني بعد اللي عملته مش هنعرف نجيبك خد بالك مراتك واولادك موجودين فمش هتعرف تهرب وتروح مننا في اي حته احنا هنجيبك هنجيبك.

الحاج جمال بعد اللي عرفه طلب من مراه ابنه انه ياخد موبايل سيف. بس هي رفضت وزعقت فيه وسابته وطلعت لشقتها. والحاج جمال استغرب من تصرفها جدا. وانسان بعد الموقف ده لمت هدومها وخدت ولادها وسابت بيت حماها وراحت على بيت اهلها. والحاج جمال ما كانش عارف يعمل ايه ولا بيتصرف ازاي؟ والحزن على ابنه وعلى غيابه كان مسيطر عليه والايام كانت بتمر عليه بصعوبه.

بعد شهوره في نص سنه 2018 على الساعه 10 الصبح الباب الرئيسي لبيت الحاج جمال اتسمع صوت خبط عليه بطريقه خض. فالحاج الجمال نزل يشوف مين واول ما فتح لقى قدامه شخص بيعرفه بنفسه وبيقول له انه محضر من المحكمه وانه معاه انذار من السيده انسام وبتعلنهم عن طريقه انها عايزه تتمكن من منقولاتها اللي موجوده في الشقه. وجمال بعد اللي سمعه ده ما كانش مستوعب ان مراه ابنه ممكن تتصرف معاهم بالشكل ده. بس اللي عرفه بعد كده خلاه يفكر بشكل ثاني.

ان سام رفعت دعوه تبرئه الذمه وقدمت محضر التغيب في دعوتها واتحكم لها بالطلاق وده كان بتاريخ 27 مايو سنه 2018. ومش بس كده ده الحاج الجمال فتش وراها وسال عن احوالها وعرف انها بعد حكم الطلاق بكم يوم اتجوزت شخص اسمه محمد. وجمال بعد ما عرف كل المعلومات دي عن طريقه ابنه شكوا بانها هي اللي ورا اختفاء ابنه زاد عن الاول بس ما كانش قادر يتكلم عشان ما عندوش دليل او سبب واضح.

والامر ما وقفش لحد هنا ده كمان عرف انها بتاريخ 14 ابريل سنه 2017 يعني قبل اختفاء سيف بشهرين انسام راحت لمحامي ورفعت دعوه خلع بس ما كملتهاش. وبسبب المعلومه دي جمال راح لاسم الشرطه واتهم طريقه ابنه بانها هي اللي ورا اختفاء سيف الدين. وبعد اتهام الاب الانسام تم استدعائها لسماع اقوالها ومش هي لوحدها ده كمان جوزها محمد تم استدعاءه واتفتح التحقيق معاهم. وانسام اتحصرت بالاسئله وما قدرتش تجاوب ولما جاوبت اجاباتها كانت متلخبطه ومش واضحه. ومع كتر الاسئله ما استحملتش الضغط عليها واعترفت في النهايه بالحقيقه.

ان سام قالت انها بعد ما اتجوزت سيف حاولت تحبه لكنها ما عرفتش وما كانتش سعيده معاه. وكره اهله ليها خلاها تبعد عنه اكتر. وبعد كام سنه من جوازهم كانت فاتحه الفيسبوك وبتقلب فيه ووصلت لها رساله من شخص اسمه محمد وردت عليه. ولما سالته هو مين الشخص ده قال لها انه قاربها من بعيد وانه ابن عم والدها وهو وصل للاكونت بتاعها بالصدفه لما شاف صوره والدها اللي موجوده على البروفايل بتاعها. ومن بعد تعارفهم انسام ومحمد بداوا يتكلموا مع بعض بشكل يومي. وفي الاول علاقتهم خدت شكل الصداقه بس بعد كده اتحولت لحب وكل واحد فيهم فتح قلبه للثاني. وانسام حكت له انها كارهه حياتها مع جوزها لدرجه انها قالت له ان جوزها عنده ميول شاذه في العلاقه الزوجيه. فمحمد استغل كلامها وضعفها وبين لها زعله عليها وحاول يواسيها.

بعد فتره من الكلام بينهم انسام نزلت قابلته كذا مره لحد ما في يوم محمد اقترح عليها فكره وهي انه ياجر شقه في حدائق القبه علشان يتقابلوا فيها. وانسام وافقت على اقتراحه والاثنين بقوا بيتقابلوا فيها بشكل مستمر. وبرت لسيف نزولها الكتير بانها رجعت لشغلها تاني. بس بعد فتره انسام ما بقتش عايزه تسيب محمد ولا ترجع على بيتها. ولما فكرت ازاي تحل المشكله دي قالت لسيف ان الشركه انتدبوها في فرع اسكندريه وده علشان تعمل دراسه جدول مشروع وانها هتسافر اسكندريه وهتقعد هناك اربع ايام في الاسبوع. وسيف ماتكلمش ووافق على سفرها. وانسام خدت ولادها معاها واستغلت انهم لسه اطفال صغيرين وما يعرفوش يتكلموا ولا يحكوا اي حاجه حصلت قدامهم. وبقت تروح الشقه اللي في حدائق القبه وتقعد فيها هي والاولاد وبعد ما الاربع ايام يخلصوا كانت ترجع على بيتها.

استمر الحال ده لمده ثلاث شهور لحد ما في يوم الحاج جمال اتكلم مع ابنه وقال له ان وضع مراته مريب وانه لازم يدور وراها. وسيف بالفعل سمع كلام والده ومشي وراها. وفي اليوم اللي نزل وراها فيه وبدا بدا يراقبها انسام شافته وراحت له واتكلمت معاه. ولما قالت له انت ازاي بتراقبني وشاك فيا سيف رد عليها واعتذر لها. وبعد نقاش دار ما بينهم سيف اعتذر للمره الثانيه ووعدها انه مش هيشك فيها تاني. وفي اليوم ده سيف وانسام واولادهم راحوا اوتيل وباتوا فيه وتاني يوم رجعوا على بيتهم. وانسام فهمته انها خدت اجازه الاسبوع ده. وبعد رجوعهم الحاج جمال سال ابنه عن اللي حصل فرد على والده بان مراته ست كويسه وساينه شرفه وسمعته. بس الاب ما ارتاحش لكلام ابنه وده لانه عارف انه طيب وسهل يضحك عليه.

اما انسام ومحمد من بعد اليوم ده قرروا ياخدوا خطوه ضد صيف وراحوا للمحامي علشان يرفع قضيه خلع. وانسام قالت للمحامي ان جوزها شخص شاز وفي نفس الوقت المحامي فاهمها ان دعوه الخلع بتاخد وقت كبير علشان يتحكم فيها. وانسام وافقت وقالت للمحامي يبدا في الاجراءات. لكن بعد فتره رجعت في كلامها وطلبت من المحامي انه ما يكملش الاجراءات والمحامي فعلا نفذ طلبها. ووقتها محمد وانسام غيروا خطتهم وقرروا انهم يتخلصوا من سيف. وفي نفس الوقت استغلت التوكيل اللي معاها وحولت كل حاجه بيملكها سيف باسمها ورسموا خطتهم وبداوا في التنفيذ.

ان سام اقنعت جوزها ان عربيته اللي ماجرها لو غيرها بعربيه احدث منها هيكون ايجارها اعلى وبكده دخلهم هيزيد. فسيف وافق على كلامها وهي بدات تدور على عربيه مناسبه ليهم وعلى قد فلوسهم على الانترنت. وفي نفس الوقت محمد راح اجر عربيه من معرض سيارات وصورها وما بينش ارقامها وخد الصور وعمل بيهم اعلان على السوشيال ميديا وبعت الاعلان لانسام. وانسام وريته لسيف كانها شافت الاعلان ده بالصدفه وقالت ان العربيه دي فيها كل المواصفات اللي هم عايزينها. وسيف هو كمان شاف ان العربيه مناسبه واتصل بالرقم اللي موجود في الاعلان واللي رد عليه كان محمد واتفق معاه على الميعاد والمكان اللي هيتقابلوا فيه.

بعد ما الاتفاق تم سيف سحب فلوس من البنك علشان يدفعهم عربون للعربيه. ويوم التنفيذ انسام استغلت ان شغال جوزها طول اليوم وخلصت شحن موبايله وكان هدفها انه ما ياخدش الموبايل بتاعه معاه. وفعلا سيف نزل في الميعاد وهو معاه موبايل صغير في رقم احتياطي والرقم ده مش موجود مع ناس كتير من معارف سيف. وبعد شويه سيف قابل صاحب الاعلان وكان معاه واحد هو اللي بيسوق اسمه احمد. وبعد السلام سيف اتفرج على العربيه وركب معاهم علشان يجربها ومشيوا لحد ما وصلوا للطريق الصحراوي. ومحمد شغل سيف بالكلام لحد ما وصلوا لطريق العين السخنه وبالتحديد في منطقه سصحره في القطميه. وفجاه محمد طلب من احمد السواق انه يركن على جنب ونزل من العربيه وبعد ما نزل طلب من سيف انه هو كمان ينزل. فسيف استجاب لطلبه ونزل زل من العربيه بس وهو بينزل ما كانش فاهم السبب. واول ما الاثنين وقفوا في وش بعض محمد بص له وقال له انه قريب انسام مراته وبيحبها وهو جايبه لحد هنا علشان يعلمه الادب. سيف ما كانش قادر يستوعب كلام محمد وبعد ثواني ادرك الموقف وزعق فيه. فمحمد خرج مطوى من جيبه وطعنه بيها وسيف ما استحملش قلم الطعانات ووقع على الارض. ومحمد ما سابهوش وجاب حجر ثقيل وضرب بيه سيف على دماغ وما وقفش غير لما اتاكد انه مات فعلا. وبعد كده خرج من العربيه ادوات حفر وحفر في الارض ودفن سيف فيها. بس قبل ما يدفنه خد كل متعلقاته الشخصيه والفلوس اللي معاه ورجع على العربيه وركب وقال لاحمد يمشي من المكان. ووقت ما كانوا في طريق رجوعهم ادى لاحمد 1000 جنيه وكمان 500 جنيه ايجار العربيه وطلب منه انه يسلمها لصاحبها.

دي كانت اقوال انسام في التحقيات ولما تم استجواب محمد ومواجهته باعترافات انسام اعترف وقال نفس الكلام اللي قالته عشقته. اما احمد او الشريك الثالث فقال ان محمد ما قالوش على الجريمه قبل ارتكابها وكل اللي قاله ان في مصلحه كويسه قوي لو عملها معاه هياخد فيها 1000 جنيه. واحمد وافق على طول وبعد كده محمد نفذ جريمته وهو خاف يبلغ. بعد اعترافات المتهمين تم تحويلهم لمحكمه جنايات القاهره وبتاريخ 14 فبراير سنه 2020 صدر الحكم على انسام ومحمد بالاعدام شنكر وعلى المتهم الثالث احمد بالسجن المشدد لمده 10 سنين.

الخيانه والبعد عن الله وحب الشهوات هي البدايه لطريق مليان سواد ومصايب. والخاين الطماع المعتدي مهما فكر نفسه ذكي وهيقدر يفلت بجريمته من رجال الشرطه يبقى غلطان. وحتى لو صدفت وعرف يعملها في الدنيا فمش هيعرف يهرب من عقاب ربنا في الاخره. وقصه النهارده اتعلمنا حاجات كتير قوي واهم حاجتين اننا ناخد راي اهلنا في الاعتبار واحنا بنتجوز عشان هم عندهم خبره في الحياه اكتر مننا. وتاني حاجه هي اننا ندور على الاخلاق والتدين قبل الشكل وحاجات اخرى. وربنا يرحم سيف ويصبر والده على فراقه. ولحد هنا وتنتهي الحكايه. اشوفكم الحلقه الجايه ان شاء الله وتصبحوا على خير وسعاده سلام.