مؤامرة المونديال ضد منتخب مصر : العالم يصرخ "ظلم" والفيفا تختار الانتقام من حسام حسن بدلا من التحكيم

سلام عليكم ازيكم. ماتش مصر والارجنتين خلص بقى له 48 ساعة، وخلاص. المفروض أي ماتش بيخلص في كأس العالم، لما بيخلص بيبقى عليه حالة جدل لمدة 24 ساعة، يوم ونص مثلاً. إنما يظل 48 ساعة، كان الماتش لسه خلصان امبارح. وعارف ليه الناس عمالة تتكلم عليه لحد دلوقتي؟ لأن أحداثه كتير ومفاجآته كتيرة. وخد بالك إن مش المصريين فقط هم اللي بينتقدوا، يعني خلي بالك مش المشجعين المصريين هم اللي بيقولوا لك إن في حاجة غلط في الماتش ده، لا ولا حتى المشجعين العرب، ولا خبراء الكورة بتتكلم على الميديا الغربية وبتتكلم على خبراء اللعبة الغربيين، خاصة في إنجلترا اللي هي بلد الكورة يعني، مهتمين جداً بالأمر ده.

وأنا عاوزك تبص على السوشيال ميديا مقلوبة إزاي. بس أنا واقف قدام خبر لسه طالع جديد من جريدة ذا صن البريطانية. ذا صن البريطانية سابت كل حاجة وقالت لك: بص بقى، حسام حسن كده شكله يعني هياخد عقاب قوي جداً. قالت لك المرة دي عكس الماتش بتاع أستراليا، المرة دي في حالة عقاب هتنزل على حسام حسن. والحقيقة المرة دي المفاجئ بالنسبة لي إن الإنذارات حوالين عقاب حسام حسن بالذات مش طالعة من الإعلام الأرجنتيني مثلاً، لا الإنذارات المرة دي أو التحذيرات من الإعلام البريطاني والإعلام الأمريكي إن حسام حسن يا جدعان هيتم استهدافه خلال الفترة القادمة.

على فكرة أنا مش جاي أقول لك استهداف اغتيال يعني، لا استهدافه إن فيفا هتركز معاه وإن هم هيعاقبوه عقاب ما اتشافش قبل كده. عاوز تعرف ليه؟ هقول لك. بس أنا أقول لك لازم أقول لك إن إحنا معانا راعي قوي جداً ومحترم جداً وهو بعد النجاحات الكبيرة اللي حققتها باتر هاوس والإقبال القوي جداً اللي دايماً بيكون على مشروعاتها، النهاردة إنت قدام فرصة حقيقية في قلب العاصمة الإدارية. إنت دلوقتي تقدر تمتلك شقتك وبسعر مش هيتكرر تاني، وكمان استلام فوري. يعني هتتحاق دلوقتي وتستلم حالا في مشروع جاهز ومبني بالكامل وبسعر 19999 جنيه فقط للدفع كاش، وده رقم صعب تلاقيه النهارده في موقع مميز جداً زي ده. يعني هتقدر تمتلك وحدتك وتستلمها بشكل فوري، يعني تسليم على المفتاح نص تشطيب في أرقى كومباوندات العاصمة الإدارية الجديدة مع شركة مضمونة وليها مشروعات كتيرة. يعني إنت مش بتشتري كلام ولا مجرد وعود، إنت شايف مشروع قدامك بالفعل، وده عنصر أمان مهم جداً لأي قرار شراء.

كمان في مساحات متنوعة تبدأ بـ 145 متر فيما فوق، يعني سواء بتدور على سكن أو استثمار، إنت هتلاقي اللي يناسبك في كومباوندين في العاصمة الجديدة. وأول كومباوند هو سكاي كابيتال، وتاني واحد هو سكاي كابيتل فيو، موجودين في واحد من أهم مناطق العاصمة وقريبين جداً من النهر الأخضر. وهنا هتلاقي ناس تقول لك إن الحي الـ 7 هو أفضل حي، وناس تانية تقول لك حي الـ 8 هو الأفضل، لكن الجميل إن باتر هاوس عندهم الاثنين والاختيار بيكون ليك إنت، لأنك في الحالتين هتكون في أكتر مناطق العاصمة طلباً وتميزاً وقريب من كل حاجة حواليك. ولأن الفرص الحقيقية دايماً بتكون محدودة، الشركة فاتحة لك الحجز دلوقتي باستمارة حجز أي أو بقيمة 50,000 جنيه فقط، والعرض ده على الأدوار كلها، ولكن ده بيكون بأولوية الحجز. هسيب لحضراتكم أرقامهم أسفل الفيديو لو حابب تتواصل معاهم وابعت لهم واتساب بسرعة وما تترددش عشان تقدر تتواصل معاهم بكل سهولة.

نخش في الموضوع على طول. نخش في الموضوع على طول. إيه الجديد اللي معانا النهارده ممكن يكون مختلف بالنسبة لحضرتك وأول مرة هتسمعه فيما يخص عقاب حسام حسن؟ إيه اللي حصل بالظبط؟ اللي حصل إن والله الماتش بتاع مصر والارجنتين كان المفروض ماتش دراماتيكي، على حسب جريدة ماركا الإسبانية طلعت تقول لك الماتش ده ماتش دراماتيكي تماماً ونهايته كانت نهاية غير طبيعية، وعشان كده الناس مركزة معاه بشكل مبالغ فيه عالمياً. ولحد دلوقتي بفضل إن ما فيش ماتشات اتلعبت بعديه، الناس كلها مركزة مع الماتش ده وأحداثه وتفاصيله. والحقيقة الماتش حتى قبل ما يبتدي كان مليان أحداث. إيه الأحداث؟ والله أول حدث إن خد بالك إن محمد صلاح كسب القرعة قصاد ميسي لما كانوا الاثنين قصاد الحكام، محمد صلاح هو اللي كسب القرعة، برغم كده هو تنازل عن اختيار الملعب لليونيل ميسي. ده أول حاجة.

الحاجة الثانية إن خد بالك الناس كلها كانت متفاجئة إن منتخب مصري متقدم بهدفين طول 80 دقيقة تقريباً أو 79 دقيقة، فإنت بتتكلم إن ده حدث شد انتباه الناس كلها. حتى الناس اللي مثلاً كانت ممكن ما تتفرجش على ماتش أو شايفة إن هو محسوم مسبقاً، الناس كلها اتجمعت بعد الشوط الأول عشان يشوفوا أحداث الماتش ده اللي مصر متقدمة فيه على الأرجنتين في الشوط الأول، وإن الحارس المصري مصطفى شوبير بيعمل أداء أسطوري. خلي بالك أنا مش هنا بتكلم من مقالة ماركا فقط، أنا بتكلم من أكتر من مقالة تانية، بس أنا بحاول أجمعهم لك. فالحقيقة إن الماتش ده في الشوط الأول كان غريب جداً، وأغرب لقطة فيه هو والله إمام عاشور لما اتضرب بالبناية في وشه أو إن لاعب الأرجنتين ضربه في وشه كده.

طيب نخش على الشوط الثاني. الشوط الثاني هو اللي ملا الأحداث كلها، هو بقى فيه اللعب كله بيقول لك إيه بقى يا باشا؟ بيقول لك خلي بالك الشوط الثاني أبرز لقطة حصلت فيه مش تصديات الدفاع أو الجون أو إحراز أهداف أو طريقة لعب منتخب مصري، لا أبرز لقطة فيه هو إلغاء الهدف الثاني. والحقيقة النهاردة جريدة أتلتيك اللي مركزة جداً مع الجون الثاني بتاع منتخب مصر اللي اتلغى، لأن هو لاعب عالمي وكان هيعتبر واحد من أحلى أهداف مونديال كأس العالم كله. تخيل إنت الفريق المصري مش هيكون فاز بأول مرة في كأس العالم زي ما إحنا كنا عايشين على جون مجدي عبد الغني، لا ده إنت كنت هتفوز لأول مرة، كنت هتصعد لدور الـ 32 وتصعد لدور الـ 16 وكمان ممكن تصعد للدور الثامن، وأحرزت أفضل هدف في البطولة بتاعة 2006 اللي هو الهدف اللي رقص فيه هيثم حسن وفضل يرقص الفرقة كلها وباصها لصلاح، صلاح عمل كمان باصة عالمية لزيكو، واللي زيكو إنهاء عالمي وفينشنج عالمي من اللاعب زيكو.

والحقيقة إن جريدة أتلتيك استضافت المرة دي خبراء في التحكيم في الفار وأكدوا إن اللعبة على فكرة اللي اتلغى بفضلها الجون الثاني ما كانتش تستحق أصلاً إن الفار يلغي الهدف، وإن هم شايفين إن تدخل الفار في اللعبة أصبح مستفز، وإن يجب إن فيفا تقول إيه اللي اللعبة يتدخل فيها الفار وإيه اللي ما يتدخلش فيه، لأن تدخلات الفار أصبحت مبالغ فيها للتأثير على قرار الحكام. لأن خد بالك بالمناسبة إن الحكم ما احتسبش ده خطأ أصلاً، يعني الحكم كان شايف اللعبة ما حسبهاش خطأ، هو الفار اللي استدعاه وقال له ارجع للخطأ ده. والمفارق في جريدة أتلتيك إنها بتقول لك الخطأ ده وقع على بعد 100 ياردة من الجول بتاع الأرجنتين، فدي مسافة كانت كبيرة جداً وتقريباً نفس المقالة اللي أنا كنت خطيتها امبارح.

ده اللي حصل. بس منذ إلغاء الهدف الثاني ولازم تعرف إن الأجواء يعني توترت، وحتى مع إحراز الجانب المصري الجون الثالث بالنسبة له أو الجون الثاني بعد إلغاء الهدف اللي قبل كده، ما زال حسام حسن كان بيشعر بالظلم وابتدى إن والله المنتخب الأرجنتيني يرجع للعبة وابتدى إن هو يحرز هدف في المنتخب المصري. فهنا حسام حسن ابتدى يركز مع أخطاء التحكيم اللي هو ما كانش هيتكلم عليها في مؤتمر صحفي وخلاص، لا ده ابتدى ياخد باله إن دي أخطاء هتغير في سير المباراة. وبالفعل إن والله الأرجنتين نجحت إنها تجيب الجون الثاني عن طريق ميسي وجاب الجول الثالث وانهى أحلام المصريين. ده لحد هنا تمام، بس خد بالك إن حسام حسن كان ابتدى إن هو ينفعل بشكل كبير قوي.

واللي ساهم بالك اللي حلهولك ده، اللي ساهم في انفعال حسام حسن وثورة حسام حسن القوية جداً مش الجون الثالث، خد بالك بقى من اللي هقوله لك ده. حسام حسن والدكة بتاعته مصر ما قامتش على الحكم بفضل الجول الثاني، في حد راح استفز الدكة بتاعة منتخب مصر، ماشي؟ وفي حد راح استفز حسام حسن والجهاز الفني للمنتخب مصر كله. مين الحد ده؟ ليونيل ميسي. هتيجي تقول لي على فكرة إنت بتقول أي كلام ما حصلش الكلام ده كله، إحنا كنا بنتابع الماتش ما حصلش أي حاجة وميسي ما راحش ناحية دكة منتخب مصري. حاجة أقول لحضرتك بص معايا في الفيديو ده اللي تقريباً ما اتعرضش كتير على السوشيال ميديا. حتى الفيديو ده بيقول لك إن ليونيل ميسي راح بنفسه لدكة المنتخب المصري. ومنذ ذهاب ليونيل ميسي لدكة المنتخب المصري، المنتخب المصري هاج، بالذات إبراهيم حسن اللي يعني كان عاوز يفترس ميسي، لأن ميسي هو اللي راح يستفزهم بالمناسبة. ميسي كان رايح يقول لهم: إنتوا عاوزين إيه؟ فاهم إزاي؟ إنتوا بتعترضوا على إيه؟ فاهم بيستفزهم. خلاص؟

هل الاستفزاز ده يعني حاجة عادية؟ خلي بالك في الاستفزاز ده ممكن يكون أثر على قرارات حسام حسن في إدارة الماتش، وحسام حسن ابتدى يفكر في المظلومية وابتدى يفكر في استفزازات ميسي عوضاً عن التركيز في الماتش إن هو مثلاً نزل تريزيجيه، ما دفعش بمدافع وكان يقفل ورا، لا. فممكن القرارات دي. ده إن والله ميسي قدر إن هو يأثر على قرارات حسام حسن. مش دي القصة ومش ده اللي أنا جاي أكلمك فيه. اللي جاي أكلمك فيه هو بقى اللي ركزت عليه جريدة ذا صن. جريدة صن البريطانية قالت لك: خد بالك إن في فيفا هيفتح تحقيق مع حسام حسن ليه؟ لأن لما تم استفزاز حسام حسن ولما تم ثورة الدكة المصرية بعد ذهاب ميسي ليهم، حسام حسن عمل علامة X. العلامة دي ما ينفعش إن إنت تستخدمها غير لما إنت تتعرض لعنصرية فعلاً، إنما إن إنت تستخدمها عمال على بطال دي مش من ضمن البروتوكولات اللعب، وإن هنا الفيفا هيفتح تحقيق مع حسام حسن بالذات وهيعاقبه على استخدام الإشارة دي في غير محلها، لأن الفيفا كان بيشوف إن كان ده نوع من أنواع الاستفزاز المتبادل بين المنتخب المصري ومنتخب الأرجنتيني، وحسام حسن استخدم العنصرية في واقعة ما تستحقش العنصرية خالص، دي أخطاء تحكيمية.

خد بالك بس من اللي هقوله لك ده. فجريدة ذا صن بتقول لك: خلي بالك إن فيفا هيركز مع تصرفات حسام حسن. بس في نقطة غاية في الأهمية. إيه هي؟ إن خد بالك إن حسام حسن تعرض فعلاً لعنصرية. ولو الفيفا عاوز تتحقق مع حسام حسن إنه استخدم الإشارة في غير محلها، لازم تعرف إن الفيفا مش عارفة تطبق البروتوكول بتاعها، لأن الحكم لما حسام حسن استخدم الإشارة دي ما عملش المفروض منه إن هو مثلاً يشوف إيه العبارات العنصرية اللي تعرض ليها حسام حسن أو حتى يسأله، لا ده أداله إنذار. ففيفا أصلاً في تطبيق البروتوكول بتاعها أخطأت. فإزاي إن هي هتعاقب حسام حسن؟ فده أول أمر إن فيفا مش عارفة تطبق البروتوكول بتاعها، فإزاي إن هي هتعاقب مدير فني؟ ده أمر. الأمر الثاني مين قال لك إن حسام حسن ما تعرضش لعنصرية؟ فوكس نيوز أكدت إن تم رفع علم إسرائيل خلف حسام حسن وفي مرمى بصره. خلي بالك علم إسرائيل ما كانش مرفوع في حتة واحدة في الاستاد، لا ده كان مرفوع في كذا حتة في الاستاد عشان حسام حسن يشوف الموضوع ده.

وبالفعل تم استفزاز حسام حسن بطريقة عنصرية، لأن هم كانوا شايفين إن والله حسام حسن رفع علم فلسطين الماتش اللي قبليه، فمرة دي جايين له بعلم إسرائيل للاستفزاز العنصري. فده أمر مهم جداً. والحقيقة إن الأمر ما وقفش عند كده. فوكس نيوز فتحت هي كمان تحقيق وقالت: حسام حسن أول ما شاف علم إسرائيل وهو خارج من الماتش فقد أعصابه. يعني هو كاتبينها كده لوزت إنسايد، يعني هو خلاص فقد كل حاجة، أول ما شاف علم إسرائيل، أو اجنن أول ما شاف علم إسرائيل وتف على العلم وقال "F*** off" أو كلمة "F***" كلنا عارفينها يعني، بس عامة هو استخدمها وأهان المشجع.

اللقطة الأكثر إثارة للجدل في المباراة بطلها أيضاً حسام حسن. إشارة للحكم الفرنسي فرانسوا لوتسكي بعد هدف الأرجنتين المتأخر. العميد ظهر وهو يضع ذراعيه على شكل حرف X، وهي الإشارة اللي بيعتمدها الاتحاد الدولي لكرة القدم الفيفا للإبلاغ عن وقائع العنصرية في الملاعب. استخدمها حسام كطريقة للاعتراض على ما اعتبره ظلم تحكيمي وعدم اللجوء لتقنية الفيديو فار. وبعد المباراة صعد حسام حسن من اعتراضه خلال المؤتمر الصحفي مؤكداً أن خروج مصر لم يكن بسبب الأداء داخل الملعب فقط، بينما أثارت تصريحاته تفاعل واسع بين الجماهير، خاصة بعد حديثه عن تأثير المصالح التسويقية على مسار البطولة. بس هو ما حدش قال ليه أصلاً علم إسرائيل بيترفع عند منتخب الأرجنتين؟ إيه اللي دخل إسرائيل في ماتش بين مصر والأرجنتين؟ ما حدش يعرف. بس في الآخر حسام حسن يعني أثار بشكل كبير جداً وتم استفزازه من قبل الجماهير الأرجنتينية عن عمد إن هم يستفزوا المدير الفني ده بشكل مبالغ فيه.

طيب هل الواقعة وقفت عند كده؟ لا الواقعة ما وقفتش عند كده. حسام حسن لما دخل أوضة تغيير الملابس أو الكوريدور اللي هو بيسبق غرف تغيير الملابس، ابتدى يعتدي أو هم كاتبينه كده يعني، ابتدى يعتدي على سكالوني. سكالوني ده المدير الفني بتاع الأرجنتين، وإن هو قال له: ده رئيسك هو اللي خرب الماتش ده. رئيسه مين؟ رئيس هو قصده خافيير ميلي، اللي هو رئيس الأرجنتين، اللي هو منبطح لبنيامين نتنياهو، واللي أنا قلت لحضرتك قبل كده ميلي ده بيروح يزور إسرائيل أكتر ما بيزور أي دولة تانية، وطلع قال إن هو أكتر رئيس صهيوني موجود في العالم وبيحب نتنياهو جداً، ونقل السفارة الأرجنتينية للقدس، وراجل يعني منذ قدومه للسلطة وهو يعني بيعشق إسرائيل بشكل مبالغ فيه جداً.

في ثالث زيارة له إلى إسرائيل منذ توليه السلطة، يرسخ رئيس الأرجنتين خافيير ميلي تقارباً واضحاً في توجهات السياسة الخارجية لبلاده. حملت زيارته إطلاق مبادرة اتفاقيات إسحاق المستلهمة من نموذج اتفاقيات إبراهام في محاولة لنقل هذا الإطار إلى أمريكا اللاتينية عبر تعزيز التعاون الدبلوماسي والاقتصادي والأمني وبناء شراكات أوسع مع دول تشارك هذا التوجه.

فالحقيقة حسام حسن قال لسكالوني وكان بيشير ليه كده هو وإبراهيم حسن قالوا له: إنت الرئيس بتاعك هو اللي خرب الماتش. في إشارة إن الصهيونية لعبت دور، هو عاوز يقول كده يعني، إنتوا كصهاينة فيكم في بعض يعني، الأرجنتين وإسرائيل بوظتوا ماتش علينا وفي حالة تامر والكلام ده كله. فده اللي كان بيدور في الحتة دي. طيب نمشي بقى واحدة واحدة. حتة إن حسام حسن كان بيكلم سكالوني، عاوز أقول لك إن سكالوني ما ركزش معاه، وعلى فكرة سكالوني واحد محترم، بس هو ما ركزش مع حسام حسن وخد طريقه ومشي زي ما حضرتك هتشوف كده في الفيديو بالظبط.

طيب الأمر الآخر، ليه بيتم استفزاز حسام حسن بالطريقة دي من قبل جماهير الأرجنتين بالذات ومن قبل ليونيل ميسي ومن قبل لاعيبة الأرجنتين والكلام ده كله؟ الحقيقة الاستفزازات دي مش استفزازات عادية، لأن خد بالك إسرائيل وفقاً للإعلام الإسرائيلي كان ابتدى يشن حملة كبيرة جداً على حسام حسن بعد ما رفع علم فلسطين بعد مباراة أستراليا، وإن والله جريدة زي إسرائيل هيوم طلعت تقول إن لما الفيفا طلع قال إن هو مش هيعاقب حسام حسن لأن مسموح لأي لاعب أو مدير فني إن هو يحمل أي دولة من دول العالم بعد الماتش، جريدة إسرائيل هيوم قالت لك: على فكرة الفيفا أحبطت الجهود اللي كان إسرائيل أو الإعلام الإسرائيلي أو مليارديرات الصهاينة كانوا هيبتدوا يرشوا فلوس ويبتدوا يتدخلوا لعقاب حسام حسن، بس مع إعلان الفيفا السريع إن مش هيتم المس بحسام حسن ده أحبط الجهود. ده جريدة إسرائيل هيوم.

بس خد بالك إن المرة دي مش هتعدي. ليه؟ أولاً فوكس نيوز ما بتكتبش قوي في الكورة، يعني خد بالك إن فوكس نيوز تسيب الماتش كله بتركز إن حسام حسن تف على علم إسرائيل، دي قصة. وخلي بالك دي بيورزوها، يعني خلي بالك الإعلام الأمريكي ما يهتمش بحاجة زي كده، هو ماله أصلاً المدير الفني المصري رفع علم فلسطين؟ ولا الأمريكان على فكرة ما بيركزش معانا زي ما إنت فاكر يعني. بس فوكس نيوز تركز على الحتة دي. هم بيسلموا الفيفا صورة وفيديو. تعمل يا باشا الحاجة الثانية، لما تطلع جريدة بريطانية زي ذا صن تقول: يا جماعة حسام حسن هيتعاقب، وعلى فكرة هيتم إبعاد حسام حسن أو ده اللي بيتم الإشارة ليه يعني في أكتر من صحيفة كمان، إن والله هيتم إبعاد حسام حسن عن ماتشات المنتخب المصري لعدد من الماتشات أو المباريات. دي قصة لوحدها يعني. خلي بالك إنت هتلعب ماتشات من غير مديرك الفني وما تعرفش إبراهيم حسن معاه ولا لأ، بس دي قصة.

فالموضوع ده موضوع غريب جداً. خلي بالك أنا هنا غطيت لك كل اللي حصل مع حسام حسن. بس محمد صلاح نفسه اتعرض لمحاولة استفزاز من قبل لاعب الأرجنتين اللي كان عمال يعمل كده بإيده قصاد محمد صلاح، والظاهر كانت إشارة مقصود بها استفزاز محمد صلاح، بس محمد صلاح ما ركزش معاه. فخلي بالك كان في استفزاز متعمد للمنتخب المصري وتحس كده إن الأرجنتين ما كانتش بتلعب ماتش كرة قدم وخلاص، لا الأرجنتين خلصت كرة القدم وخلصت الماتش وكانت أنظارها كلها هي وجماهيرها في طريقة استفزاز محمد صلاح وحسام حسن.

القصة كلها في إيه دلوقتي؟ القصة كلها إن جريدة ماركا وجريدة أتلتيك بيتكلموا في حتة معينة بيقول لك: خلي بالك الفيفا لحد دلوقتي ساكتة، مش بيطلعوا أي حاجة، ما قالوش أي حاجة. الاتحاد المصري لكرة القدم أرسل شكوى مكتوبة بضرورة مراجعة الحالات التحكيمية في ماتش مصر وضرورة معرفة سبب إلغاء الهدف الثاني ومراجعة الهدف والكلام ده كله، وده طلب رسمي مصري. صمت الفيفا كارثة هيؤدي لانفجارات، خاصة إن إنت بتتكلم إن ما فيش ماتشات اتلعبت. خلي بالك ماتش المغرب النهاردة فات 24 ساعة أو 48 ساعة ماتش منتخب مصر. فالكلام ده يقول لك إيه؟ يقول لك إن العالم متابع وإن فيفا ساكتة وسايبة الميديا تكتب وسايبة المنتخب والاتحاد المصري يعترض والكلام ده كله وصمته تماماً، ما بتاخدش إجراءات، ده بيولع الدنيا أكتر وبيسيب اللي عاوز ينتقد ينتقد.

الحقيقة اللي أنا واقف قدامه إن أنا مش عاوز الماتش ده يطلع بخسائر أكتر من كده. ده ماتش وخسرنا فيه. وعلى فكرة كل الميديا، أنا هقول لك حاجة، أنا ما شفتش جريدة مش بتشيد بالمنتخب المصري. حتى الجرايد اللي هي مثلاً ممكن كانت بتكتب مقالات انتقادية إن إزاي المنتخب ينهار في 10 دقائق، إدارة الفريق ما كانتش جيدة من جانب مصر، إن والله ميسي أسطورة والكلام ده كله، بس كلهم أشادوا بطريقة لعب منتخب مصر، بالذات الجرايد البريطانية. يعني شوف مثلاً التليجراف البريطانية، تليجراف البريطانية متعاطفة جداً مع منتخب مصر. يعني بص التليجراف دي ما بتكتبش مقال عدل عن مصر، لأول مرة أرى جريدة بريطانية متعاطفة جداً جداً مع منتخب مصري بشكل كبير وبتقول إن العدالة وفين العدالة، وإن العالم كله هيفتكر الماتش ده بفضل الظلم اللي وقع على منتخب مصر والكلام ده كله.

الحاجة الثانية اللي أنا واقف عندها إن صعب جداً فيفا يقرر نفس الفعل مع الأرجنتين ماتش القادم أو الماتشات القادمة، ليه؟ لسببين. أولاً بفضل الأحداث اللي سمعت جامد قوي في العالم، إن إنت مش بتعترض لوحدك، ده خبراء عالميين ولاعيبة كورة والكلام ده كله عمالين يتكلموا على سرقة الماتش وبيتبنوا الرواية المصرية قبل حتى ما يسمعوها، يعني قبل ما يسمعونا إن إحنا اتعرضنا للظلم، هم نفسهم طالعين ينتقدوا في فيفا. فالموجة عالية قوي على الفيفا. ده أمر. الأمر الثاني إن منتخب الأرجنتين مش هيقابل منتخبات صغيرة، فما ينفعش إن إنت تظلم منتخبات كبيرة زي مثلاً فرنسا، إنجلترا، كله كله، إنت شايف منتخبات كبيرة هتلعب قصاد الأرجنتين، صعب تظلمها. فحتة بتاعة إن إنت تيجي على منتخب صغير هتعدي، ما هو إيه يعني اللي مالوش ضهر خلاص، إنت عارف آخر الدنيا إيه؟ فهي القصة هنا إن الفيفا صعب تكرر المجاملات اللي عملتها لمنتخب الأرجنتيني تاني في ماتشات أخرى في كأس العالم.

الأمر الآخر اللي أنا واقف قدامه إن مصر خرجت مرفوعة الرأس ومنتخب مصري خرج مرفوع الرأس وفقاً للإعلام الغربي. يعني هو بيقول لك يعني المصريين خرجوا مرفوعين الرأس بأداء قوي، ولاول مرة مصر تجد التشجيع اللي هي بتسعى ليه من دول عربية وشقاء عرب كانوا بيشجعوا منتخب مصر كأنهم بيشجعوا المنتخب بتاعهم بالظبط. دي لقطات ما كناش بنشوفها قبل كده، وبالعكس ده إنت كنت بتنتظر إن والله الكتاب بتوع الخليج أو العرب يقعدوا يتريقوا والكلام ده، بالعكس كل الكتاب كانوا بيشيدوا بمنتخب مصري، بالذات العرب وبالذات الخليج بيشيدوا بمنتخب مصري ومتعاطفين جداً معاه. أنا ما شفتش ولا مذيع خليجي أو عربي بينتقد أداء المنتخب المصري، بالعكس المنتخب المصري وحد العرب، وكان حتى صوت المنتقدين صغير أو مش مسموع، كان الناس كلها والفيديوهات كلها اللي خارجة على السوشيال ميديا بتاعة العرب كلها مؤيدة للمنتخب المصري. فدي لقطات مهمة جداً.

أما أخيراً وليس آخراً، فهي قصة قصة هيثم حسن. هيثم حسن فتح لنا باب خطير قوي بتاع اللاعيبة مزدوج الجنسية. بتلاقي واحد مصري هاجر بره فخلف ولد هناك، فاللاعب ده ممكن يجي يلعب باسم منتخب مصر، أو إن يعني أصوله مصرية فممكن يجي يلعب باسم منتخب مصر. فاتضح إن جالات المصرية أو المصريين العاملين في الخارج مش هيبعتوا لك فلوس وخلاص، المصريين العاملين في الخارج أو المهاجرين أو أصحاب المهجر أو الكلام ده كله، لازم تعرف إن هم هيبعتوا لك لاعيبة كمان. فده هتبقى حاجة عظيمة جداً. خلي بالك تحويلات المصريين في الخارج بتسجل أرقام قياسية، ما شاء الله ولا حول ولا قوة إلا بالله، كل شهر. فمرة دي هيجيبوا لنا لاعيبة كمان.

ف عاوز أقول لك إن المصريين اللي في الخارج أبطال وجنود ومش أي حد على فكرة. وأنا جربتها بنفسي يعني، أي حد يروح يشتغل بره، أوعى تفتكر إن هو بينعم بالرخاء والكلام ده كله، ده بيشتغل ضعف مكان هيشتغله في مصر، لأن خلي بالك هو هناك العيشة بره والغربة بره صعبة، صعبة جداً، وإن إنت كمان تشتغل في حتة إنت يعني مش عارف اللغة قوي أو متقنها بنسبة 100%، فهتلاقي إن الأمر صعب. فموضوع هيثم حسن فتح باب بتاع إن إنت تدور حوالين اللاعيبة مزدوج الجنسية.

أما الباب الآخر، إن دلوقتي ليفربول في كلام حوالين صحيفة اسمها ليفربول إيكو بيتكلموا إن هيثم حسن مرحب جداً إن هو ينضم لليفربول، وإن والله محمد صلاح يلعب دور في انتقال هيثم حسن. كلام كده عمال يطلع إشاعات، بس ليفربول إيكو لأول مرة تربط اسم هيثم حسن بليفربول. بس ده أمر هيبقى عظيم، خاصة بعد التأكد إن محمد صلاح ممكن يلعب مونديال القادم 2030، وده هتبقى حاجة عظيمة جداً. أنا فخور جداً بمنتخب بلدي وفخور جداً إن أنا مصري. وفي الآخر أنا بحاول أجيب لك المعلومات اللي بتتقال في الإعلام الخارجي، مش قصدي إن أنا أضايقك أو قصدي إن أنا أستفزك، بالعكس أنا عاوزك تعرف كل حاجة. وربنا ينصر مصر إن شاء الله. ربنا هينصرنا تاني، وإن شاء الله المرة الجاية نوصل لدور الثمانية مستريح يعني، وليه لأ؟ ما تعرفش إيه اللي ممكن يحصل. بعد تحيا مصر. سلام.