كل حاجة في حياتي متأخرة ! تعبت ..اعمل ايه ؟ #حياة_أحسن

متعلق بحاجات ما بتحصلش. وكل ما تحصلش، اتعلق بيها أكتر. وكل ما اتعلق بيها أكتر، ما تحصلش أكتر. يعني، يعني، وعجبي! لأن هو حاجة عجيبة جداً.

كان في قانون في الحياة متعلق قوي قوي قوي بحاجة تلاقيها ما بتحصلش. أكتر طب، ما بتحصلش أكتر. ألاقي نفسي بتعلق بيها أكتر. فتعلق بيها أكتر، فما تحصلش أكتر. فعملها تتاخر. فتعبت، تعبت. كان في قانون إزاي تضبط التعلق؟ طب، سيبها كده شوية. تبص تلاقيها جت. إيه ده؟ هو ده قانون؟ ولا ده فهم عن الله؟ ولا دي طريقة في الحياة؟ ولا أتصرف إزاي؟

كلما ازددت تعلقاً، والأشياء بتتاخر، ازددت ألماً وازددت وجعاً. بيحبها جداً جداً ومتعلق بيها والجوازة ما حصلتش. هيموت يبيع الشقة ومتعلق جداً ببيع الشقة عشان يطلع الفلوس. والشقة ما بتتبعش. متعلق جداً جداً إن هو يعمل البيعة دي عشان يدخل من العمولة بتاعته الرقم الفلاني. والبيعة معصلجة مش راضية تتم.

أعمل إيه وأتعامل إزاي مع التعلق؟ لأن التعلق من كلمة إنك متعلق. ما هي جت التعلق إنك لا طايل لا سماء ولا أرض. متعلق.

والحقيقة، الحقيقة، الحقيقة إن النفس البشرية، إن أوجع من العقوبة الانتظار. أشد عقوبة على البشر الانتظار. ولذلك يوم القيامة الانتظار موجع. ليه؟ البشرية هتبدأ تجري على الأنبياء: "من يشفع لنا عند ربنا أن يبدأ الحساب؟" عشان الوقفة صعبة. الانتظار أصعب من نتيجة الامتحان. انتظار نتيجة الامتحان. ده اللي بيعمله التعلق في النفس. وبعد كده تبدأ تبقى بقى تعبان. وبعد كده تبدأ حالة من الهم المفرط المستمر. لأن التعلق طال. ده إحنا داخلين على سنة متعلقين. فتتعب أكتر وأكتر وأكتر.

أعمل إيه مع موضوع التعلق؟ قاعدة جميلة جداً جداً تخلي فعلاً حياتك أحسن. قاعدة في منتهى الجمال. ركز على المتاح يفتح لك غير المتاح. إيه اللي مقفول واقف؟ آه تدعي فيه؟ آه عينك عليه؟ مش بقول لك ارميه خالص. لا عينك عليه. طب، وإيه اللي ربنا فاتحه لك في الدنيا؟ واحد واتنين وتلاتة. ممكن لو سمحت تجري في الحاجات اللي هو فاتحها لك وتصبر على ده شوية.

الشقة ما بتتباعش، مش كده؟ واقفة، واقفة. طيب، أنت مش حاططها في للبيع؟ آه والله منزلها للبيع في كل حتة. طب، أنت نفسياً عامل إيه؟ هموت كل يوم بفتح وأشوف اتباعت ولا اتباعت ولا لا. اتباع ده تعلق. تعلق مرضي. أيوه هيتحول لهم وغم وحزن وياس. طب، أعمل إيه؟ مش حاطتها بتدعي إنها تتباع؟ آه. ممكن لو سمحت تسيبها بقى على جنب. إيه اللي في إيدك؟ اللي في إيدي إن أنا عندي بزنس صغير قد كده اهو بس فين من تمن الشقة. ممكن سعت مش ده المتاح؟ ممكن تشتغل فيه. طب، ممكن تكبره؟

هو ده درس في الدين؟ ولا درس في الحياة؟ والله الاتنين. اللي يفتح لك فيه ربنا بيقول لك هنا اجري. واللي يقفلهولك بيقول لك هنا اصبر. تقوم أنت تسيب اللي هتجري فيه اللي ممكن يأكلك العيش. وتمسك في اللي واقف وتعصلج. طب، خليك واقف بقى. أنت مش سالك من جوه. أنت دماغك. أنت دماغك ناشف. أنت بتخبط دماغي في الحيطة. أخبط دماغي في الحيط. مش تفهم عن الله. أفهم عن الله إيه؟ فتح لك فين؟ شوف الجملة اللي أنا قلتها. الجملة دي هي المفتاح. ركز على المتاح يفتح لك غير المتاح.

إيه المتاح ليك؟ الشركة اللي أنا فيها. إن أنا أقعد أكبر. إيه المتاح ليك؟ ادرس الدكتوراه. إيه المتاح ليك؟ أعمل كارير شيفت وأدور على مهنة تانية. لأن المهنة بتاعتي ما عادتش بتاكل عيش. إيه المتاح؟ ممكن لو سمحت المتاح تروح فيه. طب، واللي واقف هيجي. هيجي. أنت مش بتدعي وهو وعد بالإجابة. سيبها. وقد وعدك بالإجابة. ولكن في التوقيت الذي يريده هو. لا في التوقيت الذي تريده أنت. وبالطريقة التي يريدها هو. لا بالطريقة التي تريدها أنت. لكن الدعاء مستجاب يقيناً. الدعاء لا يرد. لكن الطريقة، الشكل اللي هيجاب بيه الدعاء ده إبداع الله. مش دماغك أنت. هو لازم على طريقتك؟ هو الإله له الخلق والأمر. اللي خلق يؤمر ويحط الطريقة والتوقيت. التوقيت بتاعه. احترم التوقيت الإلهي.

طب، مال أنا مطلوب إيه؟ فتح لك فين؟ ممكن تجري لو سمحت. أحياناً يا جماعة، أحياناً بنبقى بنتسول من الناس صمصرة وعمولة في بزنس ولا حاجة. وأنت في إيدك الكنز. وعمال تيجي ورا الناس. والكنز هو موهبتك. وربنا مديك الكنز. أنت قاعد على الكنز. الكنز جواك وأنت بتدور عليه بره. يقوم ربنا يعطل لك اللي بره عشان خسارة الحلو اللي جواك ده ما يطلعش. وده من حب ربنا ليك ومن رحمة ربنا ليك.

ما هو المتاح؟ مش عارف أسأل؟ روح لمنتر. روح لمستشار. زود مهاراتك. خد كورس جديد. دور على حاجة أنت بتحبها. وروح اعملها وزود قدرتك فيها. ده المتاح. فجأة تبص تلاقي الشقة اتباعت. وياما شفتها كتير في حياتي. واتباعت لما نسيتها. أنا مش بقول لك انسى. أنا بقول لك استمر في الدعاء. استمر. ما تركزش قوي. لا تصل إلى التعلق المرضي. هناك تعلق صحي وهناك تعلق مرضي. التعلق الصحي متابع. التعلق المرضي تركت المتاح اللي بين إيديا. الكنز اللي جوايا وركزت على اللي واقف.

خليك سهل مع الله. خليك جميل من جوه. خليك سالك. مطرح ما يفتح لك دوس واجري. فيه مثل مصري جميل جداً بيقول لك: "مطرح ما ترسي دق لها". إيه؟ مطرح ما السفينة ترسي اضرب اله. وقفت هنا اضرب. هي رايحة فين؟ والحقيقة المثل المصري ده له أصل. أصل في كلام النبي صلى الله عليه وسلم. فاكرين والنبي داخل المدينة وراكب الناقة وكله بيشد الناقة. النبي قال لهم إيه؟ "دعوها فإنها مأمورة". مطرح ما تقف تقف. قامت واقفة عند المسجد النبوي. اللي هو بقى المسجد النبوي دلوقتي. "دعوها فإنها مأمورة".

مطرح ما ربنا يفتح لك دوس واجري. هذه قاعدة ربانية. هذه قاعدة حياتية. هذه طريقة لعلاج التعلق المرضي. ساعتها فعلاً تعيش حياة أحسن. لأنك هتطلع الحلو اللي جواك. وربنا وعدك: "إنا لا نضيع أجر من أحسن عملاً". شكراً لكم والسلام عليكم.