أخطر عيب على تطورك!

حاسس انك دايما ماجل بتبدا في حاجه وبعدين بتسيبها او بتحاول تطلع كل حاجه عندك بشكل 100% فما بتطلعش اصلا يبقى الفيديو ده بتاعك. هتشوف الانترو وتجيني مره ثانيه.

ويا مساء الفل افري بودي معاكم عمر عبد الرحيم [تصفيق]. اهلا وسهلا بيكم يا شباب ويا بنات في فيديو جديد. هنتكلم النهارده عن سببين بيضيعوا منك وقت وممكن يضيعوا لك حياتك البرفكشنزم او الكماليه او الكمال والكسل. وبالمناسبه الكسل مش دايما بيبقى كسل يعني ساعات بيكون خوف كده متغطي ببطانيه يعني حرفيا.

وهقول لك ازاي انواع الكسل ايه. في كسل من الزهق انت زهقان فانت كسلان فده بيخليك مش شايف هدف واضح قدامك. في كسل من الخوف خايف تبدا فتفشل. وفي كسل من الضغط اللي هو حاسس ان المهمه ثقيله قوي عليك او كبيره عليك ف فما بيحصلش اصلا.

وعشان اديك حلول تتماشى مع الثلاثه ثلاثه اولا انت هتقسم المهمه لاجزاء صغيره يعني ما تقولش انا عايز اخس 50 كيلو مثلا حاول انك تقسمهم لخمسات وعشرات ده هيخلي الهدف اقرب لك. وبدل ما تقول مثلا هتعلم المونتاج في ثلاث شهور او هتعلم المونتاج في ست شهور لا انا هتعلم المونتاج كل يوم لمده ساعتين او كل يوم لمده ساعه.

ثاني حاجه ممكن تستخدم ستايلز للتركيز حاجه زي بومدورو مثلا. البومدورو انت بتظبط تايمر لمده 25 دقيقه بتفوكس على التاسك او المهمه اللي معاك لحد ما تخلصها. انا شخصيا ما بستخدمش بومدورو ولكن دي من ضمن الستايلز اللي بتمشي جدا مع الناس. ابعد عن الموبايل او اي مشتتات في وقت ما انت محتاج تركز. ولو لازم الموبايل يبقى جنبك خليه مثلا على دوت ديسترب وده مود كده هتلاقيه في كل الموبايلات موجود.

المثاليه هي الفخ الكبير ودي حاجه يتخاف منها ويتعمل حسابها اكث بكثير تقريبا من الكسل. عارف ايه بيقتل الشغل او بيقتل اي فكره جديده او اي مهاره جديده عايز تتعلمها؟ هو انك عايزها تبقى 100% صح. وانا اسف على اللي انا اقوله لك ده مافيش حاجه في الدنيا بتبقى 100% دايما بيبقى فيها مشاكل ودايما بيبقى في منظور انت مش شايفه.

في شويه بقى علامات كده للرفكشنزم لو موجوده فيك خليك معايا للاخر. بتعيد الحاجه كتير جدا حتى لو 10 مرات وبتعيدها كتير قوي وبرده مهما تعيد فيها حاسس برده ان ناقصها حاجه. بتاجل عشان لسه حاسس انك مش جاهز 100%. بتقارن نفسك دايما باللي احسن منك وحاسس انك مش هتحصله.

طيب ايه المشكله المثاليه والاعراض بتاعتها؟ طيب ايه الحل بتاعها؟ خليني اقسم سم لك الحل بتاع المثاليه في ثلاث نقط. اول حاجه لازم تفهم ان اول نسخه من اي حاجه هي لازم تكون سيئه عشان كده بيسموها اجلي فيرست درافت. وعشان اثبت لك ده خليني اوريك دلوقتي جزء من فيديو اللي هو اول فيديو سجلته في حياتي.

كلمات كتيره بننطها غلط زي توم هي مش تومب هي توم. انا وانت دلوقتي قاعدين اهو انت في مكانك وانا في مكاني ولكن احنا متفقين ان الفيديو اللي انت لسه شايفه لو هنقارنه بالفيديو اللي انت بتتفرج عليه في الوقت الحالي وهنقارنه بناء على الجوده فهو فيديو فيري اجلي مش اغلي فيرست درافت بس ولكن لولا الفيديو اللي انت شفته ده عمري ما كنت هوصل للفيديو اللي انت بتتفرج عليه في الوقت الحالي.

ثاني حاجه اشتغل بسرعه او بمعنى اصح انجز اسرع وبعدين صلحها. لان هو بص انت دلوقتي عايز تبدا شركه على سبيل المثال فبتقعد تدرس في زنس وتدرس في ام بي اي وتقعد تدرس وتقرا حاجات ولكن لما تبدا وتيجي على ارض الواقع ممكن تلاقي الارض مختلفه الاحداث معاك مختلفه الظروف والبيئه اللي حواليك مختلفه فمش دايما الحاجه اللي انت بتجهز لها كويس هتلاقي كل التفاصيل دي بتاعتها موجوده فيها دايما حاجات هتقابلك فابدا اسرع وصلح بسرعه.

برده جرب انك تعمل نسخه مش كامله من اي حاجه عايز تسجل فيديو مثلا بس مستني اجيب مايك نضيف عشان خاطر الصوت يطلع مش عارف ايه دلوقتي في حلول كثير جدا وادوات كثيره جدا سواء اي اي او غيرها هتساعدك في الصوت ابدا سجل ولو الفيديو عجبك وحابب انك تنشره اشتغل على صوت بالادوات دي المهم انك تبدا.

في حاجه بقى عايز احذر نفسي واياك منها وهي التسويف ان انا اقعد اقول هعمل وهسوي وسوف سوف سوف. عدنان اللي كتب السكريبت هو كتب سكريبت ا ا بجد يعني الجزء اللي احنا هنتكلم فيه ده وانا مريت بيه حرفيا وهو ما يعرفش ده يعني هو كاتب ان اول نقطه هتعملها ابدا بحاجه تافهه جدا يعني انت مثلا عايز تذاكر حاجه النهارده مثلا هفتح ملف الوورد دلوقتي بعد الصلاه هبدا اذاكر فخلاص انا اول تذكايه عندي ان انا فتحت ملف الوورد وحتى بعد الصلاه انا مش هذاكر كتير هذاكر بس 10 دقايق وده اللي انا عملته حرفيا في كل حاجه تقريبا انا عايز اذاكرها ومضطر وانا ما بحبهاش بعمل معاها كده بالظبط باخد حاجات صغننه جدا ولكن على فتره طويله يعني لو عندي حاجه محتاجه اذاكرها في خلال شهر ومزنوق انا كل يوم هاخد منها 5% بس على الشهر ما يخلص هكون خلصتها كلها وبحشي باقي يومي بقى حاجات ثانيه انا بحبها.

وحاول دايما يوميا ان يبقى في وقت ثابت كده انت مثبته الوقت ده انا هبقى قاعد بفكر في مشروعي بحضر له حاجه بذاكر له حاجه براجع عليه حاجه.

اخر حاجه عايز اكلمك فيها اللي هنغير فيها طريقه تفكيرنا شويه المايند ست شيفت يعني انا عايز اقول لك هنا على حاجه ممكن تبقى مش جديده عليك بس هو اللي بينجح مش اللي بيعمل الحاجه بشكل كامل، اللي بينجح هو اللي بيستمر، هو اللي بيكمل.

في شويه جمل كده بقى لما تيجي فيبالك حاول انك تستبدلها بجمل تانيه وصدقني والله هتنفع معاك هتشتغل حرفيا انت هتسمع مخك وهتحفظه وانت كده بتعمل له ري بروجرامين انت بتعيد برمجه مخك على منظور الامور. بدل ما تقول انا لازم اعمل حاجه صح ممكن تقول المهم انها تخلص. بدل ما تقول انا لسه مش جاهز قول انا هتعلم وانا ماشي. بدل ما تقول الناس ممكن تنتقدني قول انا بتطور مش لازم اكون كامل. ده هيخلي مخك يتدرب على كيفيه نظره الامور او هيبص للموضوع ازاي ومش موضوع واحد لا ده على اي حاجه انت بتعملها في حياتك.

لو وصلت معايا لحد هذه اللحظه من الفيديو فانت جدع انت مش كسول واكتب ده في كومنت انا مش كسول عشان اعرف مين بالضبط اللي وصل.

في نهايه الفيديو فتعال نعمل حاجه وبعد الفيديو ده ابدا باي حاجه بسيطه يعني مثلا لو عايز تاخد كورس خد 30 ثانيه بس من الكورس عايز تقرا كتاب او تقرا حاجه جديده اقرا بس ربع صفحه لانك عمرك ما هتبقى جاهز بشكل 100% وعمرك ما هتبقى جامد غير لو عملت سبسكرايب وسويت لايك وبلاش تعمل شير.