د مجدي اسحق أسباب خفية للقلق والتوتر

مساء البركة والحب والسعادة على جميعكم. ليلة جميلة سعيدة مشرقة بالنور والفرح على كل السادة المستمعين في ليلة من ليالي الساعة ونص مشهور على الهواء مباشرة. نخش في الموضوع على طول. الموضوع ده النهارده طويل العمر يطول عمره يزهزه عصره ينصره على مين يعادي.

إيه بقى موضوع النهارده؟ بنتكلم على أشهر مرض في الطب النفسي. لو سألت أي دكتور في مصر أو في العالم وقلت له: "إيه أشهر حاجة في الأمراض النفسية؟" هيقول لك: "التوتر، القلق". ده أشهر مرض اللي هو إن البني آدم يبقى قلقان من حاجة. ده أشهر مرض في الدنيا. نسبته عالية جداً لدرجة إن في بعض الإحصائيات يقول لك: "إن مافيش بني آدم ما دخلش في توتر". كل الناس عندها التوتر. والتوتر بينعكس على صحتك النفسية وعلى صحتك الجسدية. يعني لدرجة إن بعض الناس قالوا إن كل أمراض الدنيا طالعة من التوتر. الضغط توتر، بعد الشر عليكم السرطان توتر، القولون توتر، القلب توتر، إلى آخره. عدم النوم، التفكير الكتير.

طب إحنا هنتكلم على إيه النهارده؟ هنتكلم على موضوع اسمه "أسباب". اسمع الألوان كويس. "غير معروفة للتوتر". في أسباب معروفة. أنا الآن لا. في أسباب غير معروفة. ممكن لو دورت جوه نفسك تلاقيها. إحنا هنتكلم النهارده على الأسباب غير المعروفة ونعلق تعليقات بسيطة. هم كتير على الشفاء من الأسباب غير المعروفة إنها أكثر انتشاراً من الأسباب المعروفة. كلنا عارفينها يعني. بس قبل ما أخش في الموضوع الأسباب الخفية دي، هقول مقدمة عامة بس تعرفوا قد إيه نسبة التوتر عالية في العالم عن اضطراب القلق. حقائق وإحصائيات.

اضطراب القلق العام اسمه "جنرالايزد أنكسايتي ديسوردر" (GAD) اختصار لكلمة "جنرالايزد أنكسايتي ديسوردر". نسبته في. أنا طبعاً إحصائيات ما عندناش في مصر قوي. أنا جايبها من أمريكا وهي تنعكس على مصر أو على كل بلاد العالم يعني. 6.6 مليون تقريباً حوالي 3%. ستات ضعف الرجالة أكثر قلقاً من الرجالة ضعفهم يعني. وغالباً القلق بيجي مع الاكتئاب. بيجوا مع بعض يعني. القلق والاكتئاب بيجوا في عربية واحدة في نفس التوك توك.

اضطراب الهلع اللي هو "بانيك اتاك". ده الموضوع كبير اتكلمنا عليه. 6 مليون يعني 2.7%. والستات ضعف الرجالة برضه. كل ده قلق بس ده نوع تاني من القلق. قلق حاد يعني. اضطراب القلق الاجتماعي "سوشيال أنكسايتي ديسوردر". البني آدم قلقان في وسط المجتمعات. يعني 15 مليون بالغ تقريباً 7.1%. في أمريكا بالتساوي بين الرجالة والستات. والإحصائية بتقول 36% يعانون من الأعراض 10 سنين قبل طلب المساعدة. لأن يقعدوا سنين قبل ما يقولوا: "يا دكتور".

"سوشيال فوبيا" الرهاب المحدد. البني آدم يخاف من حاجة معينة. يخاف من الكلاب، من الحشرات، من المستقبل، من النتيجة، من الموت، إلى آخره. يعني 19.3 مليون. الكلام ده في إحصائيات في أمريكا حوالي 9.10.9.1% من تعداد السكان. والستات أكثر من الرجالة.

التوتر أو "سترس" العام. كل الناس عندها ستريس. بقى ده حاجة لاقوها في الدنيا كلها. طيب فده بقى يعني ده لوحده كده. فانا يعني مش مدين له رقم لأنه يشمل كل اللي فات وكل اللي جاي. اضطراب الوسواس القهري "أوبسيسيف كومبلسف ديسوردر". 2.5 مليون بالغ يعني 1.2% من سكان أمريكا. ستات ثلاث أضعاف الرجالة كتير قوي يعني. اضطراب ما بعد الصدمة. البني آدم يقلق بس مش في وقت الصدمة. بعد الشهر تعرض لموت لفشل لسقوط امتحان إلى آخره. 7.7 مليون بالغ يعني 3.6%. لو جمعت بقى الأرقام اللي أنا قلتها دي كلها يطلع تقريباً كل المجتمع كله بيعاني من القلق.

طيب أسباب القلق معروفة. أنا هتكلم النهارده بقى على أسباب غير معروفة للقلق. ورقة وقلم كالعادة ونجهز بقى عشان نبتدي نخوض في موضوع النهارده. موضوع جميل ومهم يعني.

واحد: لما أكون الشخص الوحيد المسؤول عن سلامة الناس. أنا اللي عامل في نفسي كده. إن كل الناس من حقها تغلط وتتخانق وأنا اللي شايل المسؤولية وأنا اللي بجري ورا الناس عشان أقول لهم: "انتوا عاوزين إيه؟" وبتعامل بنظرية أو بمنطق اسمه "عقدة المنقذ". اسمه "سيفير كومبلكس". ده عبارة عن عقدة عند ناس كتيرة بسموها "متلازمة الفرس الأبيض" أو "وايت نايت سندروم". إيه المتلازمة دي؟ إيه القصة دي اللي بتخلينا قلقانين؟ الحاجة في إنقاذ الناس بحل مشاكلهم. أنا اللي بجري ورا الناس عاوز أحُل مشاكل الكون. دونكي شوت. عارفين القصة زمان بتاع دونكي شوت اللي هو كان بيحارب طواحين الهواء؟ الفارس الأبيض ده يعني عشان كده سموها "وايت نايت سندروم". قصة قديمة عن أسطورة قديمة إنه واحد بيحارب طواحين الهواء في دماغه. يعني دافع قوي في حل مشاكل الناس دون حتى أن يطلبه. وعشان كده عقدة المنقذ. الدافع القهري ده. حل مشاكل الناس تتعبك. أنت حاطط نفسك في المسؤولية دون أن يطلب ذلك منك.

طيب نعمل إيه عشان نطلع نفسنا من عقدة المنقذ؟ عقدة المنقذ دي متعبه جداً. قلقان على طول. صاحي نايم عمال تحل مشاكل الناس. أنت ست بيت مشاكل ولادك ومشاكل العمارة ومشاكل أصحابك ومشاكل الشغل. مع إن ماحدش طلب منك يعني. طبعاً هو في حاجات بنعملها من غير ما حد يطلب. لكن في حاجات ما تطلبش وبرضه بنقعد نعملها. يعني شايل هم بكون بنسميه. طب تعمل إيه عشان تنقذ نفسك من عقدة المنقذ دي؟

لا تلوم نفسك وقدم مساعدة بسيطة. ده أول درس. يعني قدم حاجات بسيطة عشان تريح ضميرك. لكن ما تعملش للناس كل حاجة. كده أنت بتأذيهم على فكرة. يعني الشخص اللي بيعمل كل حاجة لكل الناس. أنت بتعلم الناس الكسل. تعلمهم التواكل. وده غلط بالذات لأولادك أو لأصحابك أو لحبايبك. اللي يقدر يعمل حاجة سيبه يعملها عشان يتعلم درس مهم جداً في الحياة. أنتم عارفين الدودة بتاعة الـ... إيه؟ اللي بتطلع تتحول إلى فراشة. بتبقى جوه بيضا وبعدين تتحول إلى فراشة. لو أنت ساعدتها. الفراشة ما تطلعش. لأنك أنت حجمت خطوات النمو بتاعك.

تعمل إيه تاني؟ خلي الناس تقول لك هي عايزة إيه. مش أنت اللي تروح للناس طول النهار: "عايزين؟ عايزين؟ عايزين؟" اسأل الناس سؤال ممكن يكون مفيد. بس لما تبقى طول النهار بتسأل بأسلوب قهري ده غلط. سيبهم يقولوا لك.

أفضل ما أنت تقول. حدد مقدار ما تقدمه. يعني لو حد طلب منك حاجة مش حاضر على طول واعمل كل حاجة كل الوقت في طول اليوم. لا. أنا أقدر أعمل لك كذا. يعني واحد يجي يقول لك: "أنا عاوزك تيجي معايا النهارده في المشوار الفلاني". وأنت مش قادر. قدر. طب أنا أوصلك وكمل أنت اليوم. أو أكلم لك حد يبقى معاك. حدد مقدار ما ستقدمه.

أربعة: اعتني بنفسك. ادي لنفسك بعض الجهد والأهمية اللي بتديها للناس عشان أنت كمان تعتني بروحك عشان تبقى قادر على سعادة الناس. ده درس مهم جداً. زي ما بتنقذ الناس. أنقذ نفسك. عشان كده حتى أنتم عارفين لما بتركبوا طيارات. لو حصل ضغط الهواء انخفض. بتنزل... زي كمامات من السقف الطيارة عشان تاخد أكسجين. يقول لك: "حطها على وشك الأول قبل ما تساعد اللي جنبك". عشان لو أنت اتخنقت أو جالك... يا جماعة مش عارف تساعده. يقول لك: "خصص لنفسك بعض الوقت والجهد اللي بتديه للناس". إذا كنت بتحب الفن، الرياضة، الهدوء، النشاط. ساعة كل يوم أو كل وقت والتاني. يبقى ده أول سبب إنك تعيش دور المنقذ ده حالة قلق.

تاني سبب: لو ما عندكش هدف واضح. الهدف لما يغيب عنك تتعب. أنت موجود في حتة بدون هدف. موجود في مكان بدون هدف. بتعمل بدون هدف. فدايماً يقول لك: "حدد لنفسك الهدف اللي هتروح له أو هتعمله". حتى لو حاجة مؤقتة. أنا هنا بعمل إيه؟ ولغاية إمتى؟ ده يريحك قوي قوي قوي. بتشتغل في مكان. هل المكان ده تشتغل فيه على طول؟ ولا فترة مؤقتة تروح مكان آخر؟ تمام.

تلاتة: الكبت. أهو ده بقى سبب من أسباب القلق غير المعروف. ده مهم جداً جداً. إنك أنت تبقى عمال تشيل جواك من حد بتحبه. حبه أو حد بتشتغل معاه أو حد ساكن جنبه أو حد عايش معاه في نفس البيت. مش قادر تعبر له عن مشاعرك عشان مش عاوز تعمل معاه مشاكل. ده بيوصلك لضغط. ضغط. ضغط. ضغط. وكأنك بتكتب نفسك. كبت. بسموه "الريبريشن". واخدين بالكم إزاي؟ وده مهم جداً. الكبت ده اللي هو حجب لا شعوري لأفكارك ودوافعك. طبعاً أنا للي يحب يدرس. في فرق بين الكبت والكبح اللي هو "ريبريشن" و"سبريشن". الكبح عمل واعي. إنما الكبت عمل غير واعي. يعني لما تكتم المشاعر جوه نفسك بشكل غير واعي. ده اسمه الكبت. لما تكون واعي ده اسمه "سبريشن". إنك أنت بتحجم بنفسك بس بوعيك. الأوحش هو الكبت. وادين بالكم إزاي؟

السبب الرابع برضه. كل الأسباب دي مهمة. خلي بالكم يا جماعة. النهارده أسباب كتيرة عشان كده حلقة النهارده ثقيلة ودسمة وعلمية وجميلة. لو أنت ما عندكش قرارات ثابتة مريحة. عندنا ظاهرة مهمة جداً جداً. اسمعوني كويس. اسمها "ظاهرة إرهاق القرارات". "ديسيجن فتيج". إنك أنت محتاج في يومك حاجة اسمها القرارات الثابتة. إنك أنت طول النهار عمال تفكر في حاجات صغيرة المفروض ما تفكرش فيها. يعني لازم تثبت لنفسك روتين يومي. مش كل يوم تفكر هتعمل إيه لما تصحى ولما تنام ولما تتغدى ولما تخرج ولما تنزل ولما تقابل أصحابك. في ثوابت. فمثلاً أنت الصبح هتقعد مع نفسك شوية. هتبقى في فترة عبادة. يبقى في فترة أكل. في فترة رياضة. في فترة خروج. ثوابت عشان ما تخشش في الـ "ديسيجن فتيج". إنك طول النهار بتدور تعمل إيه. مع إنها لو ثبتتها هتلاقي كتير من القرارات بتتكرر في اليوم.

لو ما عندكش وقت ثابت. خمسة: لما تتقرص من لسانك بعيد عنك. وتوافق على كل حاجة في الدنيا. وتوافق على خروجات أو مشاوير أو طلبات أنت مش قدها. لما ما تعرفش تقول "لا". تلتزم التزامات كان ممكن عادي جداً تكنسلها. وده يخليك طول النهار في حالة سبعة. وأنت اللي بتزحم يومك بنفسك دي. وحشة جداً دي. عشان كده في قاعدة مهمة جداً في كتاب مشهور اسمه "كيف تقول لا". أدعوكم لقراءته. في محاضرات إحنا أديناها هنا اسمها "كيف تقول لا". إمتى تقول لا؟ فإنك أنت تقول آه على طول ده خليك قلقان. خجلاً أو إحراجاً أو يعني مش عاوز تزعل حد. أو دور المنقذ اللي قلناه في الأول. ما تتقرص من لسانك. مش لما تلاقي نفسك بتتكلم مع حد خد فرصة وفكر. طب أفكر وأرد عليك؟ ولا هتلاقي نفسك اتدبست بالعربي كده تدبيسة بسبب الإحراج.

ستة: لو ما بتعرفش تعبر عن احتياجاتك. إن الناس مفروض تفهم أنت عاوز إيه لوحدها. ما فيش كده في الدنيا. اختراع ده ما عملهوش الناس. مفروض تفهمك. لما تتكلم عن طريق التعبير والتواصل. مهارة عشان تطلع ضغطك جوه النفسي للناس. أنت زعلان من حد قول له: "أنا زعلان منك". أنت عاوز حاجة من حد قول: "أنا عاوز منك حاجة". مرة عجبني واحد إنسان روحاني جداً أعرفه. بس هو دلوقتي مش موجود. فمرة واحد قال له: "صلي لي، ادعي لي". قال له: "أنا آسف، مش هدعي". فاستغرب جداً. قال له: "ليه؟" قال له: "الفترة اللي جاية ما عنديش وقت". تخيلوا. أنا زعلت. صعب عليا الرد. بس هو قال له بمنتهى الصراحة: "فترة جاية هادعيلك بس اليومين دول مش قادر. عشان عندي ضغط. بدعي لده وبدعي لده وبدعي لده". قصة غريبة. بس واحد صريح مع نفسه مش هيعمل كده. فما يدبسش نفسه في حاجة زي كده. عبر عن احتياجاتك. قول اللي جواك. عشان لما ما تقولش اللي جواك بتكتب. بتعمل حاجة. عشان كده سقراط قال لتلاميذه مرة: "تكلم يا ابني حتى أراك". قول اللي جواك. الناس ما بتشوفش اللي موجود جواك غير لو اتكلمنا. فعبر عن احتياجاتك. ولا تبقى قلقان طول الوقت.

سبعة: دي برضه مهمة جداً. نقطة مهمة جداً جداً. إنك دايماً متاح للعمل. بصوا يا جماعة. أنا بشتغل وأنتم بتشتغلوا. أنا دكتور وأنت مهندس وأنت محاسب وأنت بتشتغل في الهيومان ريسورس. رجعت البيت. علاقتك بالشغل وقفت. لو أنت ليه في حاجات عاوز تكملها. بسيب موبايلي مفتوح ساعة أو اتنين. أو بدي الناس خبر إن في الساعتين دول أنا متاح. بعد كده قفلته خلاص. أنا مش متاح. أنا مش على طول بشتغل. بشتغل بشتغل بشتغل طول النهار. أنا حد يكلمني. أنا مش طوارئ. طارق طول النهار. عشان كده أكتر نسبة إصابة للقلق في العالم. تتخيل مين؟ دكتور الطوارئ. متخيلين؟ دكتور الطوارئ. في العالم أكثر ناس بيجيلهم إصابات في القلب والضغط والسكر وغيره. ودول على فكرة ما بيتجوزوش. طوارئ بقى. قاعدين طول النهار تحت ضغط. ده جاله جلطة. وده جاله ذبحة. وده جاله نزيف. فطول النهار مطلوب. قاعد في البيت. أي وقت يكلموه ينزل كارثة. طب إحنا مش دكاترة الطوارئ يا جماعة. حتى لما بيكون في لفة طوارئ عندنا في الجامعة في الأُصل العيني. يدوا له اللفة دي أسبوع. اتنين. تلاتة. عمره ما يدوله أكتر من كده. بعد شوية يهدى. يدي له فترات هدوء. لو أنت راجع طول النهار. أنت متاح ترد في أي وقت وتحل مشاكل في أي وقت. لا أنت ترتاح ولا مراتك هترتاح. إحنا قاعدين مع بعض. تخيلوا كده. عشان كده يقول لك: "لما تخرج مع الناس وتليفونك يرن". أيوه. أنت عندك مشاكل في شغلك. ممكن تبقى في الوقت ده تتحل. بس ما ينفعش طول الوقت بقى. ممكن تتاجل. قعدت مع الناس الساعتين دول. المفروض تليفوني مقفول. بتدي مسدج للناس إن هم أهم من التليفون. مرة قريت يعني زي ريفيو كده بيراجعوا فيه علي القوم. عجبني قوي الريفيو ده. يقول لك: "لما تخرج مع الناس اللي هم الهاي كلاس". عزموك في مطعم. بيراقبوك أنت بتعمل إيه. تخيل. بيراقبوك. بيراقبوا بعض ويقرروا هل أنت هتنضم ليهم ولا مش هتنضم. من شوية حركات صغيرة. أول حاجة إنك أنت لما تروح هناك تحترم المرأة. لأنها تقعد قبلك. تخيل. إن احترام الست ده بالنسبة لهم علامة تحضر كبيرة. فتقعدها الأول قبل ما تقعد أنت. كويس كده. لو أنت قاعد والمفروض إن تليفونك ده ما تحطوش قدامك. يعني إنك أنت تحطه زي ما أنا حاطه كده. ده غلط. وأنا عامله كده. بس ما فيش مكان. لا. هو يقول لك: "لازم تخفيه". حطه في جيبك الوراني. في جيبك القداماني. أو تطفيه. أو في جيبك اللي على جنب. لأن فكرة إنك أنت جنب التليفون وأول ما التليفون ينور تبص. وجالك مسدج وتبعت مسدج وتتكلم في التليفون. أنت مش من الفئة دي. ما ينفعش تقعد طول الوقت قلقان وبتفكر. طريقة دفع الفلوس. اللي عزمك هو اللي يدفع. ما تقعدش تتحايل على ده وتتحايل على ده. عيب عندهم. عيب. تخيل. قريت الريفيو ده عجبني جداً. أكتر حاجة شدتني فيه. إنك أنت مش طول الوقت قاعد معاهم ومخك مش معاهم. فما ينفعش. أنت طول ما أنت قاعد ترد على التليفون بالمنظر ده. طبعاً لنفسك أنت. غير إن هو لا يليق وعيب. إنك أنت بتقدم للناس مسدج ولنفسك مسدج. أنا محتاج أرتاح. أفصل. أفصل. أفصل. مهم.

دي ثمانية: لما تكون قيمتك كلها مبنية على أدائك في الشغل. دي برضه تعمل قلق. ما فيش أصدقاء. ما فيش حاجة اجتماعية. فكل حاجة قايمة على أهميتك في الشغل. فأي غلطة في الشغل. أي لخبطة. تقلب لك دماغك. أنت في بنك أو في مصلحة. فكل حياتك حياتك مرتبطة بـ... إنه المدير كلمك. المدير قال. أصحابك قالوا. هويتك مش الشغل بس. أنت عندك حاجات كتيرة بتعملها. أصحابه وخروجاته وزواجه وعياله ورياضة وغيره. فما تربطش نجاحك بس بالشغل. في حاجات بتنجحك أكتر. ودي أنا جي أجيب سيرتها بعد شوية. لأن الحاجات المهمة جداً في النجاح. إنك توزع طرق نجاحك في الدنيا. أنت مش بس ناجح كطبيب. أنا طبيب. لكن لازم يبقى لي هواية وليا رياضة وليها أصحاب. حاجات تانية غير الطب. لو الطب فيه مشكلة. حياتي ما تقعش. وأنت نفس الكلام.

ثمانية دي. تسعة: التأجيل. التسويف. دي مهمة دي. بيسموها "البروكاستينيشن". دي تسمعوني فيها كويس. تأجيل الحاجات. الحاجات الصغيرة. المهام. يؤدي إلى القلق. الضغط العصبي. التعامل الجيد مع الوقت. طبعاً هتشوفوا حاجة على التلفزيون على الباور بوينت حاجة اسمها "البروكاستينيشن أند أنكسايتي". البحث أهو قدام حضراتكم. القلق والتاجيل. إنهم بيغذوا بعض. ده بحث معمول في مارس 3.3. بالضبط كده. 23 مارس سنة 2023. علاقة تأجيل بالقلق والقلق بالتاجيل. اللي بيأجل بيجيله قلق. واللي بيجيله قلق بيأجل. والحل إيه؟ اعمل اللي وراك أول بأول. الحاجات الصغيرة أول بأول. ما تكومش الدنيا عندك. ميل. ابعته. عندك رسالة. رد عليها. عندك تليفون. خلصه. كلها حاجات صغيرة. ما تتكومش عليك. طبعاً مش تعملها وأنت قاعد مع الناس برضه. بأكد عليكم. لكن أنت عندك وقت في اليوم بتخلص ده كله. ما بتنامش قبل ما بتقفل حسابات اليوم. الميل مش لبكرة. يخلص. التليفون يخلص في وقته. كل أما تسيب الحاجة تكون فوق بعضها. كل أما تتحول إلزام كبير. كان عندي واحد أعرفه شخصياً. كان هايل في الحتة دي. هو كان مدير كبير في شركة. ما يسيبش حاجة لبكرة. كنا نلاحظ كده. يقول لك: "أنا ما أسيبش قرار هام يتاجل. هعمله أثناء الشركة في نفس الوقت اللي القرار بيجي لي. ما أجلش عشان لا أتعب ولا أتعب". حاجة. "الـ باد تايم مانجمنت" ده من الحاجات اللي بتكون المواعيد والالتزامات وتخليك طول الوقت محتار وقلقان وتعبان وعمال تجرجر وراك قطر من غير أي لازمة. خلص اللي وراك أول بأول. قصة جميلة قرأتها. واحدة معلمة بتعلم التلاميذ. درس جميل. خدتهم وطلعت الحديقة. شاولت لهم على وردة صغيرة. وقالت من واحد. قالت لواحد من التلاميذ: "شيل الوردة". فراح شال الوردة ببساطة من الطينة اللي هي فيها وجابها لها. بصت لتلميذ تاني. في شجرة كبيرة جداً موجودة في الحديقة. قالت له: "روح شيلها". لا. ما أقدرش. فقالت له: "ده مستحيل. لأنه الشجرة دي قديمة وكبيرة ولا يمكن تقدر تشيلها". لأنه كل أما تبقى النبتة صغيرة تعرف تخلصها. والبول. الدرس. عاداتك وقراراتك وصفاتك من بدري بدري اتعامل معاها. حتى في نفسيتك. في صفاتك. في أخلاقك. أنت اكتشفت إنك أنت بتعمل حاجة غلط. ما تسيبهاش تكون بتكبر وتغرس وتطول. تعرض. خلص اللي وراك أول بأول عشان ما تبقاش مكوم عيوبك جوه نفسك وقراراتك جوه نفسك.

عشرة: الطموح. الفجوة لو كبرت بين واقعك وطموحك. بتمنى أبقى كذا. عاوز أبقى طموح. حقك. حقك. حقك. عندي طموح. كان لسه من قريب حد من اللي جايين ياخدوا رأيي بيحكي لي قصة شديدة التعقيد. إن هو بيشتغل طبيب وخلص الماستر بتاعه. التخصص اللي هو فيه. وبعدين بعد ما خلص في المستشفى اللي هو فيها فترة تدريبه خلصت. هو كان عنده طموح إن هو يخلص الماستر وبعدين الدكتوراه وبعدين يشتغل في مستشفى ويفتح عيادة. فجاي بيقول لي: "طموحي وقف. المستشفى ده خلص. أعمل إيه يا دكتور؟" قلت له: "حاجة من اتنين. يا تاخد أنت الدكتوراة لوحدك وتكمل طموحك. يا لو عاوز تفحر عن طموح تاني. وأنت شاطر. في من قيمة كام يوم كلمني في التليفون. قال لي: "أنا بحب أشرح. بحب أدرس". ففي التخصص اللي أنا فيه مدارس دعوني إن أنا أدي حصص. أعمل كده". قلت له: "فورا. لغاية لما يجيلك شغل في مستشفى اعمل كده". مرن مهاراتك في الشرح وفي التصحيح وفي العلاقة بالطلبة. طموح لما يقف. تعبك. سواء في اللي أنت فيه أو في غيره. فما تسيبش فجوة بين اللي أنت عاوزه واللي أنت نفسك فيه. خلص طموحاتك أول بأول. بأي شكل كان. عندنا واحد أستاذ جراحة صديق. كان بيقول لي: "لو أنا العزف على الفلوت ده تعبيره حسب تعبيره خلاني أنجح. هبقى جراح". راح وعازف. ما عندوش مشكلة. طموحاته في أي حتة. كان عندنا في دفعتي دكتور فنان بدرجة إنسان. كان بيعرف يرسم كويس جداً. كان موهوب في الرسم. فطلع طاقته في الرسم. في إنه يعمل مجلات مرسومة عالمية. شفتها رائعة. مش هقول اسمه. كان مشهور جداً بالرسم. هو الدكتور في عيون شاطر جداً جداً. فحقق طموحك بأي طريقة. في أي مجال. مش لازم في نفس المجال. في مجالات أخرى.

أحد عشر: طولت عليكم معلش. أنا عارف كتير قوي. بس أديني بقول كل الأفكار عشان نعمل كل حاجة. غياب الرياضة. تصوروا إن الناس اللي ما بتلعبش الرياضة بيجيلها قلق. غيابها. اسمعوني كويس. الرياضة المنتظمة. يزود درجة درجات التوتر. الرياضة بتحسن المزاج وتزيد. لأنها بالذات الرياضة بتطلع مادة اسمها "الإندورفين". الإندورفين دي مادة موجودة في جسمنا طبيعي جداً. مادة مضادة للقلق ومضادة للتوتر. مادة في جسمنا بيسموها المورفينات الطبيعية. مبروك. أنت مدمن طبيعي. لو إن عندك جوه جسمك جهاز بيطلع مورفين. يا أه. تصور. ربنا عامل في جسمنا مادة اسمها مادة السعادة. دي واحدة من أربع مواد. مورفين ودوبامين وأوكسيتوسين وأدرينالين. الأدرينالين. المورفين ده مادة بتسعد الإنسان. لو المادة دي بتزيد جداً جداً جداً في الرياضة. بتقلل الضغط العصبي والتوتر. تقول: "هلعب رياضة". يعني هنزل ألعب. طبعاً عارف دلوقتي في تلات مباريات كورة. ماعرفش مين اللي كسب. بس يعني أكيد أنتم ناس متابعة. فـ... لاقوا الناس اللي بتلعب رياضة. مبروك. مش هينفع أقول على الهواء دي. لكن يعني اللي بيتابع المباريات عارف مين كسبان ومين خسران. فمادة الإندورفين دي بتقلل التوتر. طب أنت بتعرف تلعب رياضة؟ ماشي. مشترك في فريق كورة. فريق باسكت. فريق فولي. في نوادي. روح فيها. ما فيش نوادي. يبقى جيم. ما فيش جيم. يبقى اتمشى واتعشى وانزل اتحرك في أي مكان. ما تجريش في الشارع كلاب تجري وراك. لكن يعني لو في مكان هادي أجري فيه. ما تجريش وكلب يعدك تقول الدكتور مجدي قال أجري. يعني. اعمل أي رياضة في البيت. اعمل شوية تمارين ضغط. شوية استرتشات. شوية تقوية عضلات. ممكن ببساطة تتفرج على شوية فيديوهات من اللي إحنا عاملينها أو غيرنا عاملها. إن هو يقوم ويقعد ويتحرك ويعمل شوية تانية وفرد. مهم جداً. ستات البيوت بدعوهم إنهم يعملوا كده. طول ما أنت قاعد رقبتك ودراعاتك وحركاتك. الرياضة بتحسن المزاج جداً جداً. العب رياضة. وأدي بحث أهو معمول سنة 2025. فوائد الرياضة. في حاجة اسمها الـ "CDC" سنتر أوف ديزيز كنترول. طبعاً هو اتعمل من قبل كده. ده آخر بحث اتعمل. شوفوا في البحث ده بيقول إيه. بيقول إن الرياضة بتطول العمر. طبعاً العمر في إيد ربنا. بس بتديك عمر أطول. بتتحكم في الوزن. طبعاً بقلظة وبقلظة بقاليظا. لو ما تلعبش رياضة. طلع لك كرش. ما افتكرش تبقى مبقلص في حتت كتيرة وتبوظ من كل ناحية. يعني. طبعاً خلي بالكم يا جماعة. الناس اللي ما بتلعبش رياضة. ما تلبسش جلاليب أو فساتين. ستات البيوت اللي بيلبسوا فساتين طول الوقت. من وقت للتاني لو سمحتوا البسوا بناطيل. لأنك أنت لما بتلبس جلابية أو فستان بتضرب من تحتيها. وما تعرفش. لما بتلبس بنطلون أو بلوزة بتعرف. بتلاقي نفسك اتحشرت جواها. فدي من الكوارث في مجتمعاتنا الشرقية. إنك بتلبس جلاليب. جلاليب حلوة وجميلة. ما بقولش فيها حاجة. بس لو الجلابية بس. ما تعرفش إنك تخنت. لكن البنطلون له حزام. الرياضة بتحمي من أمراض القلب والسكته الدماغية. أمراض الدماغ. بتحمي من السكر من النوع التاني ومتلازمة الأيض. تمثيل غذائي. اللي هو مقاومة الأنسولين. بتقلل خطر الإصابة بمضاعفات الأمراض المعدية. الناس اللي كانت بتلعب رياضة. لحتى اللي أصيبوا بكوفيد. لقوا إن أعراض الكوفيد أقل بكتير. والإنفلونزا والالتهاب الرئوي. الرياضة تقي من ثمان أنواع من السرطانات. خلي الجسم عنده مناعة طبيعية ضد السرطان. بتقوي العظم والعضلات وتحميك من السقوط. الرياضة بتقلل الألم وتحسن المزاج. بتحسن الالتهابات. بالذات التهابات المفاصل. العبوا رياضة يا جماعة. العبوا رياضة في أي وقت وبكل طريقة ممكنة.

طيب آخر حاجة عشان ما نطولش. غياب الهوايات والنشاطات والاهتمامات. ودي بقى نقطة جميلة أختم بيها حلقاتي. إن البني آدم عبارة عن أربع حاجات. قلب وعقل وجسم وجيب. والأربعة دول لازم يبقوا متوازنين. قلبك يعني من الحاجات اللي بتحبها. هوايات. خروجات. أكلات. صداقات. عقلك يعني حاجات بتقراها. كتاب بقراه. بثقف عقلي. جيبك يعني شغلك. لازم يبقى في جيب شغال. ناجح في شغلك. جسدك يعني جسمك. يعني بلعب رياضة. برتاح كويس بالليل. لكن بني آدم العاقل عنده توازن من الأربع حاجات دول. إن كل أما حاجة منهم تتوازن مظبوط جنب الثانية. عندك الرباعية الجميلة دي. إن قلبك بيعمل حاجات بيحبها. فيبقى قلبك مبسوط. في ناس تحب. بتقعد ترسم. بتعمل. تعزف موسيقى. في ناس عندها هواية إنها بس تسمع. في ناس عندها هواية الكلام. على فكرة. إن عندنا في النادي. أنا بلاقي ناس كبار كده دايماً. هم وبيقولوا نفس الكلام. على فكرة. يروح النادي. يقعد على نفس الترابيزة. ويقول نفس الكلام. بس هواية. جيبك. إنك تكسب. لازم تكسب فلوس. أمال هتعمل. ناجح في شغلك. وجسدك. إنك تعتني بجسمك. تاكل إيه كويس. تلعب رياضة إزاي. الرباعية دي مهمة للغاية.

طيب أنا هراجع اللي أنا قلته بسرعة كده عشان حلقتنا النهارده ليها كمال المرة اللي جايه إن شاء الله. اتكلمنا على أنواع إحصائيات الاضطرابات. أول سبب اللي هي للقلق. عقدة المنقذ. "سيفير كومبلكس". لو أنت عايش. ما فيش هدف واضح. غياب الهدف. الكبت. إنك أنت تكبت كده.