مساء الفل، ازيكم؟ إيه الأخبار؟ اتأخرت عليكم معلش في اللايف، بس الأمور مشتعلة بشكل كبير جداً، وما حبيتش أطلع غير لما أجيب لكم يعني اللي بيحصل بالضبط وإيه الخطير اللي معانا النهارده. وحشتوني جداً.

أتمنى إن اللايف بتاع بالليل ده يكون فيه أخبار مختلفة عن أخبار الصبح. بطلع مرتين لايف، وده طبعاً وقت الحرب. بس عشان تبقى ملم إيه الأخبار اللي بتحصل. وبطبيعة الحال أنا بحاول ما أقولكش الأخبار اللي أنت تسمعها في نشرات الأخبار. بحاول أجيب لك أخبار بتنزل في الميديا الأمريكية والإسرائيلية ما بتنزلش عندنا في الميديا العربية. وبنحب نأكد إن الميديا العربية في حالة حرب حالياً، فغالب أغلب وكالات الأنباء مش هتقول لك الخبر الحقيقي أو الحقيقة كاملة زي ما بتقول. لأن أنا مقتنع إن ده وقت حرب وحرب إعلامية، فمش كل حاجة ينفع تتقال.

في أمور لازم أنت تعرفها كويس جداً، زي إيه مثلاً؟ زي مثلاً أنا لسه عامل فيديو النهارده الصبح قلت لك إن البحرين أطلقت صواريخ هاي مارس على إيران. هل حضرتك سمعت الخبر ده في حتة؟ ما اتقالش. وبطبيعة الحال أنا اتشتمت وقعدوا يقولوا لي أنت كذاب، برغم إني جايب لك الفيديو. مش بس كده، ده أنا جايب لك المصدر. يعني أنا قلت لك نيويورك تايمز هي اللي كاتبة، ونيويورك تايمز اتأكدت من الفيديو إن البحرين ضربت صواريخ على إيران. يعني مش أنا اللي جايبه من عندي. فبرغم كده الناس كاتبة لي على الكومنتات: أنت كذاب، وأنت عاوز تدخل البحرين الحرب. يعني مناسبة يعني، البحرين ما بتحاربش. ما بتحارب يعني. ما علينا.

بس ده أول حاجة. وجبت لك برضه في فيديو الصبح قلت لك خلي بالك إن السعودية فتحت قاعدة الملك فهد للجيش الأمريكي. وقلت لك إن فتح القاعدة دي حاجة مهمة جداً، خاصة بعد مغادرة حملات الطائرات يو إس جيرالد فورد. لأن الأمريكان يعني، هم بيقولوا يعني، إن والله غسالة مسكت فيها ماس، ولعت في غرفة الغسيل، والحريقة استمرت 30 ساعة. الجيش الأمريكي ما عرفش يطفيها، فاضطروا إن هم يسحبوا جيرالد فورد يودوها اليونان. فحالياً الجيش الأمريكي بحاجة ماسة لقاعدة عسكرية تكون موجودة في منطقة الخليج. السعودية فتحت قاعدة الملك فهد. صح، قاعدة الملك فهد. فـ... آسف في الطائف. والقاعدة دي قاعدة مهمة جداً. الجيش الأمريكي متمرس عليها، بيقوم بمناورات هناك كتير. و يعني الطيارين الأمريكان يعني لما بيجوا يجروا مناورات، هم معتقدين على المدار بتاع القاعدة دي بالذات.

وأنا جبت لحضرتك المصدر. أنا في العادة يعني، أنا جبت لك المصدر إن هو ميدل إيست آي. هم اللي نقلوا من مصدر أمريكي قال لهم الكلمتين دول وقال لهم إن السعودية بتتحول حالياً في موقفها ضد إيران. بس أُفاجأ بحاجة مهمة جداً. إن دلوقتي طلع خبر إن والله السعودية بتنذر الملحق العسكري في السفارة الإيرانية إن هو لازم ياخد الثلاثة، ياخد ثلاثة من مساعديه ويغوروا بره المملكة العربية السعودية. يطردوا بره المملكة العربية السعودية. فإحنا هنا مش بنتكلم على فتح أجواء. لأن برضه بالفيديو وبالدلائل قلت لك إن السعودية فتحت أجواءها لتيارات التزاوج، قود الأمريكية. بس دلوقتي بنتكلم على فتح المجال الجوي، فتح قاعدة عسكرية للقوات الأمريكية، وطرد الملحق العسكري الإيراني هو وثلاثة من مساعديه. وبمناسبة الخبر ده موجود في رويترز. لبرضه الناس اللي حابة تتأكد وبيحبوا يشككوا في الأخبار عمال على بطال.

بمناسبة على فكرة الناس اللي بتشكك في الأخبار، ده شيء طبيعي جداً. لأن في الآخر أنت بتستمع لشخص، أنت مش بتستمع لوكالة أنباء. فأي حاجة ممكن تسمعها، طبيعي جداً لازم تشك فيها. بس أنا بحب أحط لك المصدر عشان يبقى في بينا ثقة وتتأكد إن أنا عمري عمري ما هكذب عليك في حاجة. لأن أنا من أول يوم عمري ما كذبت عليك في حاجة. أنا في الآخر بحط لك المصادر عشان لو حابب تقرا الخبر أو ترجع لها. فده أمر مهم جداً.

طيب، إيه اللي حصل جديد؟ في تحول لافت اللي حصل جديد إن والله تفسير الخبر بتاع إن السعودية تطرد الملحق العسكري وثلاثة من مساعديه ده اتقال في الميديا الأمريكية إن ده تحول خطير في السعودية. ليه؟ لأن أولاً دي بداية إن السعودية بتمزق اتفاقية سلام مع إيران. ده أولاً. ده بسم الله الرحمن الرحيم كده، تطرد الملحق العسكري. ده أنت الاتفاقية اللي أنت وقعتها بواسطة صينية في 2023، أنت ابتديت أنا مش بقول لك أنت قطعتها، أنت ابتديت تقطع الورقة. ابتدت تتقطع. لأن المرحلة اللي بعد كده إن أنت هتقطع الورقة كلها، هتطرد السفير. ولو طردت السفير، ما فيش اتفاقية سلام بين إيران والسعودية خلاص اتقطعت. وما معناه إن السعودية هتبتدي تاخد إجراءات علنية. وأنا عاوزك تبص على المراحل اللي تمت. فتح الأجواء السعودية، بعديها بالضبط بـ 48 ساعة السعودية فتحت قاعدة الملك فهد في الطائف. وبعديها بـ 48 ساعة السعودية بتطرد الملحق العسكري وثلاثة دبلوماسيين. ما تعرفش بعديها بـ 48 ساعة إيه اللي هيحصل.

لأن بالمناسبة، إيران لم تتوقف عن ضرب السعودية لحد ما أنا بكلمك. إيران لم تتوقف عن ضرب السعودية. وبرغم إن السعودية أقل دولة اتضربت، إلا إن السعوديين شايفين إن هم في حالة حرب ومش هيسكتوا على اللي حصل. وبرضه أنا كنت من الناس القلائل جداً اللي جبت لك فيديو لمراسل قناة تركية وقال لك إن في صاروخ كان نازل على القاعدة اللي بتستضيف القمة العربية والإسلامية في الرياض. ده بالفيديو. يعني أنا ده أنا حطيت الفيديو. واحد كتب لي أنت كذاب. طب أنا هحط إيه تاني طيب؟ يعني أصور إيه؟ ده أنا جايب لك مراسل وهو مصور لك الصاروخ. قال لك برضه أنت كداب. طب يعني أنا مش فاهم. طب أعمل إيه أكتر من كده طيب؟

بس يعني عامة، أنا بس بحاول إن أنا أقول لك أخبار ما بتتقالش. فالإعلام الأمريكي دلوقتي متشكك إن والله السعودية ممكن تخش في حالة حرب. وإن السعودية على فكرة واضح كده إن هي مش حاميها. لأن هم باصين على إيه؟ هم مش باصين على الإجراءات اللي بتاخدها السعودية. هم باصين على التصريحات اللي بتطلقها السعودية. ولو السعودية اتحركت، هي مش هتحرك منفردة. السعودية لو اتحركت، الإمارات هتتحرك، قطر هتتحرك.

طيب، أنا كاتب في الخبر. بس قبل ما أنا كاتب في الخبر، أنا قلت لحضرتك في فيديو الصبح إن صحيفة ميدل إيست آي قالت لك إن في انقسام حالياً في الخليج. عمان مش عايزة تخش حرب خلاص. عمان، عمان أهم حاجة بالنسبة لها تطلع من الحرب. وشايفة إن إسرائيل هي سبب الحرب. وعمان قلباً وقالباً مع إيران. برغم إن عمان بتضرب، إلا إن عمان قلباً وقالباً مع إيران. قطر وساطة لحد دلوقتي. موقفها مش واضح اتجاه الحرب. الواضح إن هو هيخش في الحرب دي 100%. الإمارات والسعودية، ده موقفهم واضح جداً. البحرين أوردي ضربت صواريخ على إيران. وارجع للفيديو بتاع الصبح. جايب لك حاطط لك الفيديو بتاع قصف صواريخ هاي مارس. وحاطط لك اللينك بتاع مقالة نيويورك تايمز. دي مش جريدة صغيرة عشان تبقى شايف إن البحرين أطلقت صواريخ فعلاً على إيران. فده أمر مهم جداً.

طيب، إيه اللي هيحصل بعد كده؟ الحقيقة اللي هيحصل بعد كده غير معلوم. ليه غير معلوم؟ لأن إحنا النهارده بنتكلم على الموجة 73 أو 76 الإيرانية. وإيران النهارده في الموجة بتاعتها عملت حاجة خطيرة جداً. إيه؟ النهارده الصبح تم ضرب مفاعل أصفهان. ليه أصفهان؟ لأن هم بيقولوا لك إن والله إيران مخبية اليورانيوم أبو 450 كيلو جرام ده مخبياه في ثلاث مواقع: بوشهر، وطهران، وأصفهان. هم ضربوا ابتدوا يضربوا مواقع نووية إيرانية.

فإيران المرة دي ما ضربتش خليج. دي ضربت مفاعل ديمونا. مش مفاعل، ضربت مدينة ديمونا. بس بالمناسبة، أول مرة يعني إيران تضرب ديمونا. والمفاجئ إن الصاروخ الإيراني اجتاز الدفاعات الجوية وضرب منطقة سكنية في ديمونا وعمل إصابات. إيران بتقول لك إحنا أصبنا وقتلنا 300. إسرائيل بتقول لك لا، هم الإصابات كلهم على بعض 200 وعندهم تقريباً ستة قتلى. خلاص. ليه بقول لك تقريباً؟ لأن العدد بيزيد كل ساعة. لأن واضح كده الصاروخ لسه نازل وعامل حالة هلع. الصهاينة لما بينزل عليهم صاروخ، أصل خلي بالك إحنا ما بنتكلمش على شظايا صاروخ. أنا بكلمك الصاروخ رشق. ده رشق. رشق ومتصور. فاهمني؟ رشق ومتصور وهو بيرشق. فما معناه إن هو اجتاز الدفاعات الجوية.

إيتمار بن غفير، اللي هو وزير الأمن القومي الداخلي الصهيوني، تحرك على عجل. وأنا رايح المدينة. خلي بالك، المفاعل نفسه ما اتضربش. هي إيران كانت عايزة تضربه، بس المفاعل نفسه ما اتضربش. مفاعل سليم. بس لأول مرة ننظر إن والله بيتم استهداف مدينة ديمونا اللي فيها مفاعل ديمونا. وإيران الظاهر عايزة تقول إن صواريخها بتوصل لأي حتة وقادرة على استهداف أي حتة في إسرائيل. دي الرسالة. على فكرة، حتى لو ديمونا. وبمناسبة مدينة ديمونا، استهدافها خطير ليه؟ لأن إسرائيل كانت عاملة حسابها من بداية الحرب إن إيران ممكن تضرب مفاعل ديمونا، فحاطة أفضل منظومات الدفاع الجوي عند مفاعل. وبرغم كده صاروخ اجتازها. فده أمر.

طيب، هل إسرائيل سكتت؟ لا. أنا عاوز أقول لك إن نتنياهو دلوقتي في حالة انعقاد، وفقاً للقناة الـ 14 الإسرائيلية. وهيؤمر الجيش بالقيام بعملية انتقامية. لأن كل الكلام اللي طالع إن إيران سماقها مكشوفة، وإحنا مستنيين إيه؟ وإحنا واقفين على إيه؟ فإسرائيل هترد بعملية انتقامية. طيب، هترد بعملية انتقامية يعني إيه؟ يعني لو خدت بالك، إسرائيل شغالة وفقاً لبنك أهداف. لما جيش يقوم بعملية انتقامية، بالذات الجيش الصهيوني، توقع مجزرة. هيضربوا مواقع مدنية. فإحنا بنتكلم إن إسرائيل هتضرب مواقع مدنية في إيران. فده أمر مهم جداً.

تحول خطير في الحرب. النهارده طلع خبر من كم ساعة قال لك والله دونالد ترامب فجأة كده، وفقاً لموقع إكسس، إن والله مصر وقطر وعمان أبلغوا إدارة ترامب إن إيران عايزة تتفاوض. وإن إيران بتقول والله إحنا ممكن الحرب لو أمريكا وقفت الهجوم وضمنت إنها مش هترجع تضربنا تاني. وادتنا تعويضات. دول الثلاث شروط: توقف الضربات، تضمن إن ما فيش هجمات في المستقبل، وفي نفس الوقت تدفع تعويضات. الأمريكان بيدفعوا تعويضات لإيران نتيجة الضربات اللي هم عملوها. الكلام ده راح لإدارة ترامب. المفاجئ وفقاً لموقع إكسس إن والله الأمريكان ابتدوا يناقشوا حاجة زي كده. وطلبوا ست شروط من إيران. ده اتكتب في موقع إكسس. مسؤولين أمريكان قعدوا يناقشوا العرض الإيراني اللي وصل عن طريق مصر وقطر.

فالحقيقة إن المسؤولين الأمريكان قالوا والله إحنا ممكن نقبل حاجة زي كده لو إيران وافقت على الست شروط اللي إحنا عايزينها. إيه الست شروط؟ بص بقى.

ثانية واحدة بس عشان أنا يعني إيه دخلت في منطقة غلط. أنا كنت بقرا خبر غلط. الست شروط: أول حاجة، ما فيش برنامج صاروخي لمدة خمس سنين. يعني إيران تجمد البرنامج الصاروخي. على فكرة، البرنامج الصاروخي مش الصواريخ. لا، منشآت الاختبارات، منشآت التصنيع، مصانع الصواريخ تقف. كل حاجة ليها علاقة بالصواريخ وبرنامج الصاروخ الإيراني تقف. هم ما بيتكلموش على مخازن الصواريخ، بيتكلموا على منشآت التصنيع والاختبار والكلام ده كله. ده أول حاجة.

تاني حاجة، انعدام تخصيب اليورانيوم صفر تخصيب يورانيوم على الأراضي الإيرانية. طيب، ليه الأمريكان شايفين إن ده طلب ممكن إيران توافق عليه؟ لسبب بسيط. حالياً أمريكا قبل العرض الإيراني، مصر ليها. لازم تعرف إنها شغالة ضرب على المنشآت النووية الإيرانية، فبتخلي وصول لليورانيوم أصعب. هم دلوقتي بيقولوا صفر تخصيب يورانيوم.

تالت حاجة، إيقاف تشغيل المفاعلات في منشآتنا طهران، وأصفهان، وفوردو النووية. يعني المفاعلات النووية ما تشتغلش. لا مدني ولا عسكري ولا أي حاجة. ولا تولد كهرباء ولا ما تولدش كهرباء. توقف المفاعلات النووية.

رابع حاجة، لازم تفعيل بروتوكول مراقبة خارجية. يعني المفتشين الطاقة الذرية ينزلوا المفاعلات دي وكل شوية ينزلوا يفتشوها. ده رابع.

خامس طلب، قال لك معاهدات الحد من التسليح مع دول المنطقة اللي بتضمن إن الصواريخ ما يزيدش المدى بتاعها 1000، يعني عن 1000 متر. ده الحد الأقصى للمدى بتاع الصواريخ. وإن إيران توقف تمويل الوكلاء. دول الست شروط أمريكية.

أنا مش واقف قدام الست شروط أمريكية بالمناسبة. ولا واقف قدام شروط إيران. أنا واقف قدام إن الأمريكان أو مسؤولين أمريكان انفتحوا إن هم يناقشوا وقف إطلاق النار. دونالد ترامب حالاً دلوقتي منزل تغريدة على منصة تروث قال لك: على فكرة أنا مش هوقف الحرب. وأنا مش يعني مش حق إني أوقف الحرب. أنا بكسب. وإن والله ديفيد سانجر، اللي هو كاتب مقالة في نيويورك تايمز، راجل متخلف. وهو كاتب إن أنا بخسر الحرب. أنا ما بخسرش الحرب. أنا بكسب الحرب وماشي وفقاً للجدول الزمني. وأنا بعمل كل حاجة صح ومش هوقف الحرب. أدام أنتم شايفين إن أنا بخسر، فأنا مش هوقف الحرب. ده كلام دونالد ترامب.

طب هل أنت شايف إن الحرب هتقف ولا مش هتقف؟ بص، أدام المسؤولين الأمريكان ناقشوا الأمر، ما معناه إن إحنا ابتدينا مرحلة النهائي. وما تنساش إن يعني أمريكا ما ينفعش تعدي الشهر. كل ما أمريكا المدى الزمني بيطول، هي بيتم استنزاف الجيش بتاعها. مش في صالحها. ولازم حضرتك تعرف أمر مهم جداً. دونالد ترامب وفقاً لصحيفة نيويورك تايمز، آسف وفقاً لصحيفة وول ستريت جورنال، رئيس أركان الجيش بتاعه اللي هو... آه... تقريباً اسمه آدم ك... آدم كين، أو حاجة تانية مش فاكر. المهم... هالي آدم كين أو حاجة تانية. قال له يا ريس، خلي بالك، إيران لو إحنا ضربناها هتقفل مضيق هرمز. وبعد كده ممكن تضرب دول المنطقة. قال له مالكش دعوة خالص. إيران في أول أسبوع مش هتقدر ترد. وإن إيران هتنهار. وإن والله إحنا هنقطع راية المرشد. فالناس هتنزل تثور والنظام هيقع.

فالحقيقة اللي كان كاتب المقالة دي واحد اسمه... كان كاتبها في جريدة الأتلانتيك. أنا آسف إني مش فاكر اسمه يعني. هو نيكولاس حاجة يعني. وأنا كنت لسه عامل الفيديو. فالراجل بيقول لك إيه؟ بيقول لك إحنا هنا بنتكلم على غرور طبيعي. يعني إيه دولة أنت هتقضي عليها في أسبوع؟ ودولة أنت عمرك ما اختبرت الحرب معاها. ده نفس بالظبط اللي عمله بوتين مع أوكرانيا. ليه؟ لأن بوتين كانوا لسه طالعين من كورونا، فقال لك والله يا عم خش اجتاح أوكرانيا خلاص. فلي عمله ترامب هو بالضبط اللي عمله بوتين في أوكرانيا. استهتار غير طبيعي. ثقة زائدة عن الحدود في منطقة أنت ما جربتش حرب فيها كتير. يعني خلي بالك الجيش الأمريكي مش متمرس على الحرب مع إيران. أول مرة أمريكا تحارب إيران. وأنت ما جمعتش معلوماتك الاستخباراتية صح.

فإحنا قدام عدم تخطيط جيد، تسرع في القرار، واستهتار بمعلومات استخباراتية، واستهتار بالموقف أدى إن دونالد ترامب عامل حسابه على أسبوع ويخلع. إحنا في شهر. ورئيس أركان الجيش الأمريكي قال له يا باشا، أوعى تطول عن شهر. طولت عن شهر هنروح في ستين دقيقة. أديك شايف وزارة الدفاع الأمريكية عايزة ميزانية 200 مليار. 200 مليار. ووزير الدفاع بيقول لك الرقم ممكن يتحرك. يعني ممكن يتأزم 200 مليار. فدي قصة.

فأنا بقول لك المسؤولين الأمريكان ابتدوا يبقوا منفتحين على مناقشة وقف إطلاق النار. وده تحول في الإدارة الأمريكية. حتى لو ترامب طلع قال لك أنا مش هأوافق، بس البيت الأبيض بيناقش وبيتكلم وبيتكلم مع مصريين وقطريين. طب هل أنت شايف إن الحرب هتقف ولا مش هتقف؟ بص، أدام المسؤولين الأمريكان ناقشوا الأمر، ما معناه إن إحنا ابتدينا مرحلة النهائي. وما تنساش إن يعني أمريكا ما ينفعش تعدي الشهر. كل ما أمريكا المدى الزمني بيطول، هي بيتم استنزاف الجيش بتاعها. مش في صالحها. ولازم حضرتك تعرف أمر مهم جداً. دونالد ترامب وفقاً لصحيفة نيويورك تايمز، آسف وفقاً لصحيفة وول ستريت جورنال، رئيس أركان الجيش بتاعه اللي هو... آه... تقريباً اسمه آدم ك... آدم كين، أو حاجة تانية مش فاكر. المهم... هالي آدم كين أو حاجة تانية. قال له يا ريس، خلي بالك، إيران لو إحنا ضربناها هتقفل مضيق هرمز. وبعد كده ممكن تضرب دول المنطقة. قال له مالكش دعوة خالص. إيران في أول أسبوع مش هتقدر ترد. وإن إيران هتنهار. وإن والله إحنا هنقطع راية المرشد. فالناس هتنزل تثور والنظام هيقع.

Get Our Mobile App

إيران تضرب مفاعل ديمونة و تضرب طائرة اسرائيلية و أمريكية و السعودية تطرد السفير الإيراني

Transcription