Transcription
في سبب طبيعي جدا انك دايما حاسس انك مرهق حتى بعد ثمان ساعات نوم. المشكله ان احنا اتربينا على فكره ان الراحه دايما بتساوي النوم. لكن ده مش صحيح. النوم مجرد جزء صغير جدا من الراحه الكامله اللي جسمك محتاجها.
علشان كده مهما اخدت قيلوله او قضيت يومك على الكنبه مش بتتحرك خالص عمرك ما هتحس انك استعدت طاقتك بالكامل لان جسمك وعقلك ليهم انظمه مختلفه محتاجه تتشحن بطريقه مختلفه. والابحاث بتقول ان في سبع انواع للراحه لو اهملت اي نوع فيهم عمرك ما هتحس انك مرتاح فعلا او انك في كامل طاقتك.
اول نوع هي الراحه الجسديه ودي ببساطه انك تدي جسمك فرصه انه يستريح زي استرتشات خفيفه قيلوله مثلا 20 دقيقه او حركه رياضيه بسيطه ترجع نشاط دورتك الدمويه.
ثاني نوع هي الراحه الذهنيه عقلك طول الوقت شغال ومليان افكار لازم تدي لنفسك فواصل توقف زحمه الافكار دي زي طريقه البرومودورو مثلا انك تركز 25 دقيقه وبعدين تفصل خمس دقاق كمان.
الراحه الحسيه احنا بنستهلك حواسنا طول اليوم شاشات اضاءات اصوات حوالينا ودوشه لازم تطفي الموبايل شويه تقلل النور اللي حواليك تقعد في هدوء وتسكت شويه تبعد عن الدوشه ولو لجوز جزء بسيط بس من اليوم ده بيمنع التحميل الزايد على مخك.
النوع الرابع هي الراحه الابداعيه الالهام والابتكار بيتجدد دايما لما تدي لعقلك صور وافكار مختلفه اللي بيسموها تغذيه بصريه تمشي في الطبيعه تزور متحف او حتى انك تعمل حاجه بسيطه تريحك وتلهمك.
النوع الخامس هو الراحه العاطفيه انك تخرج اللي جواك تفضفض لحد سواء لمعالج نفسي او لشخص بتثق فيه او انك تكتب مشاعرك في توقيتات مختلفه خلال اليوم او حتى انك تسجل صوتك على الموبايل تسجيل ما حدش يسمعه غيرك تتكلم فيه بصراحه مع نفسك المهم انك تفضفض.
سادس نوع من انواع الراحه هي الراحه الاجتماعيه انت محتاج تقضي وقت مع ناس فعلا بيشحنوك بطاقه ايجابيه مش اللي بيستنذفوك العلاقات دي هي اللي بتديك راحه نفسيه بعيدا عن التكلف او التمثيل.
واخيرا الراحه الروحيه انك تتواصل مع ربنا انك تدعي انك تراجع قيمك والمعنى الحقيقي لحياتك الراحه الروحيه دي بتخليك تحس انك جزء من شيء اكبر منك وانك معتمد على المالك الحقيقي للكون ومصرف ومدبر الامور القادر على كل شيء.
انواع الراحه دي شوفها كده كانها المغذيات اللي جسمك محتاجها لو اهملتها او اهملت عنصر من عناصر الراحه اللي اتكلمنا عنها دي عمرك ما هتعرف ترف تعالج احساسك بالفراغ؟