Transcription
تخيل معي المشهد التالي. انت واقف بين مجموعة من الناس، وليكونوا أصدقاء عزيزين على قلبك، وبتشرح لهم أو تتكلم عن شيء معين. وفجأة، شخص بين الحضور بيرمي كلمة، بيحكي لك شيء معين تشعر بالاهانة. حاول يستفزك، بحاول يهينك، وتشعر فجأة أنه الدنيا سكرت في وجهك. شعور الإهانة مؤلم، صحيح؟ ولكن الشعور الأكثر إيلاماً والأكثر وجعاً هو شعورك أنك غير قادر على الرد.
رح أعطيك خطة عملية من خمس خطوات بامكانك تتبعها لتر وتعاقب كل من يستفزك ويهينك، بدون ما تقلل من قيمتك، بدون ما تقلل من هيبتك، وبدون ما تضطر أنك تتكلم كثيراً.
أول وأهم خطوة لازم تعملها يا صديقي عندما تتعرض للاستفزاز والإهانة هي أنك ما ترد. إياك أن ترد في اللحظة إذا ما كنت جاهز ترد. فايش رح نعمل؟ ركز معي كثير منيح. بدنا نتطلع على هذا الشخص ونحكي له: "أنا سمعتك ورح أرد عليك بس مش الآن" أو "أنا سمعتك وبعرف كثير منيح أرد عليك، لكن ما راح أرد عليك الآن."
الخطوة الثانية: بدنا نسحب البساط من تحت هذا الشخص. الأكسجين اللي بيبحث عنه هو الاهتمام والانتباه. حاول يظهر أنه هو الأقوى أمام الآخرين. ما بدنا نعطيه هذه الفرصة. واللي رح نعمله ببساطة هو شيء بنسميه التجاهل الذكي المدروس. ما بضحك على أي شيء بيحكيه، ما بعطيه أي انتباه، ما بعطيه أي تقدير نهائياً، وكأنه مش موجود نهائياً. وأقوى عقاب للشخص التافه تخليه يحس أنه هو فعلاً فعلاً تافه. ولا شو رأيك؟ شاركني رأيك في التعليقات.
الخطوة الثالثة: قوي حضورك أمام الجميع. بدنا نحكي لهم: "معلش يا جماعة، مرات بصير في مواقف، في ناس حاولوا يستفزونا، بس أنتم يمكن أكبر من هيك. ما بدي أضيع وقتكم بهذه التفاهات، خلينا نركز على المهم." وارجع تابع أو ارجع احكي نقطة مهمة أو تابع حوارك بطريقة عادية، ولكن بعد ما تكون أكدت أنه أنت الطرف الأقوى.
الخطوة الرابعة: والآن القرار عندك. هل سترد بطريقة مباشرة؟ ولا الرد رح يكون التجاهل التام؟ لأنه مش كل الإهانات والاستفزاز محتاج أنه نحن نرد عليه بشكل قوي، وخصوصاً إذا بيجي للمرة الأولى.
والخطوة الخامسة والرائعة جداً: اشتغل على نفسك واجعل من نجاحك أكبر وأروع عقاب للمستفزين ولكل من يحاول أن يهينك. اشتغل على هدفك، انجح، حقق أهداف في حياتك. خليه تعبان وهو يركض وراك، مش هو يجرك لعنده.
اكتشفت من فترة طريقة ساعدتني أزيد المشاهدات عندي على ستوري الانستغرام من 4-5000 مشاهدة إلى أكثر من 80,000 خلال أقل من 72 ساعة. والطريقة بسيطة جداً بامكان أي شخص يطبقها، واللي طبقوها انذهلوا جداً من النتائج. بسميها سوبر ستوري سيستم. بدك تعرف عنه أكثر؟ اكتب لي "سوبر" في التعليقات وبرسل لك التفاصيل.