السلام النفسي مع D Kareem Ali

السلام عليكم ورحمه الله وبركاته. عائلتي الجميله المباركه. النهارده اعتبروها طبطبه للناس ظروفهم صعبه. لو انت عندك مشكله صحيه، فقد كنت هناك يوم من الايام. مليان وتخين وسكر وبشرتي مش تمام ونظري ضعيف والدهون الثلاثيه عاليه وكسلان وعضلاتي بتوجعني. فقد كنت هناك.

الناس اللي الدنيا مش عارفه هي بيحصل معايا كده ليه؟ هو انا ليه حظي كده؟ هي ليه الناس كلها عايشه كويس وانا في الهم والغم ده؟ لقد كنت هناك.

الناس اللي مش عارفه طب آخرتها ايه؟ طب هو في حل ولا ما فيش؟ طب هو انا ماشي صح ولا لا؟ طب هو انا عايش ليه؟ هو انا ايه لازمه اللي بيحصل لي ده كله؟ هيبقى في لازمه ولا هعيش واموت في الظروف الصعبه دي؟ لقد كنت هناك.

الناس اللي ابتدت النجاح وبتسال هم بيحاربوني ليه؟ هو انا مضايقهم في ايه؟ هو انا ليه الناس حطاني في دماغها؟ لقد كنت هناك.

فأنا هقول لكم. ما كان المفروض اعمل اللايف ده في يوم عيد ميلادي أو يوم الميلاد، بس كنت في أمريكا وكنت في في ريتريت. فقلت لما ارجع هعمل الدردشه دي مع عائله فكر ثاني.

طيب عايز احل أنا ككريم في الاستشارات. لما ألاقي الموضوع ضغط عالي، كبد دهني، تنميل أطراف، شعر بيقع، مرض مناعي، غده درقيه. الحاجات دي كلها بعمل إيه؟ بروح بسيبني من كل ده، كل ده وأروح للجذور عشان أحل. وده اللي المفروض نعمله في كل مشاكل حياتنا. روح للجذور، حل جذور المشكله، سيبك من الأعراض.

انت فقير يا ابني ده عرض. بتطلقي ثلاث مرات يا بنتي ده عرض. رزقك قليل يا ابني ده عرض. صحتي بتقع عرض. فانت حليت الجذور أوتوماتيك. تخيل أنت عندك تفاحة فاسدة. الأعراض اللي احنا فيها عايشين فيها سواء فقر أو مرض أو علاقات سيئه أو فشل في الشغل أو أو دي تفاح على شجرة. والله لو عملت إيه التفاحة بدام الجذر ما بيديهاش أكسجين ما بيديهاش تغذيه. والله لو غيرت كل يوم قطعتها كل يوم هيطلع لك نفس الجديد. لو حطيت حطيت عليها سماد ولو بستها في بقها كل يوم التفاحة هتفضل عطلا عطله هتفضل معفنه على الشجر. لازم تصلح الجذور.

أوكي. فدايما حل الجذور. أنا من أحد أهم الجذور اللي الناس لازم تهتم بيها في أي مشكله ماليه، صحيه، نفس، علاقات. صلح سلامك النفسي. السلام النفسي الداخلي. لو أنت كورتيزولك عالي، لو أنت عندك حقد وحسد، لو أنت مش راضي عن وضعك، لو أنت بتشوف أسوأ الاحتمالات، لو أنت كلامك أنا فاشل، أنا ما فيش فايده مني، هي البلد كلها صعبه، الفقير وال والمبتلى ده حبيب الله. لو أنت عايش الكلام ده جواك ما فيش حاجه هتتحل.

سلامك النفسي هو الأرض الخصبه التي ترى فيها الخير. لو وما عندكش سلام نفسي وعندك مشاعر سلبيه، حقد وحسد ومش راضي عن اللي أنت فيه وعندك حنق وعندك كره وعندك غضب وعندك انتقام وعندك أي شيء سلبي انسى انسى أنك تصلح أي حاجه.

أنا بتكلم في الجذور. إيه اللي دخل يا دكتور الحالة النفسيه في الفلوس؟ نعم نعم. إيه يا دكتور دخل الحالة النفسيه في الجواز؟ نعم. إيه يا دكتور اللي دخل الحالة النفسيه في مرض مناعي؟ نعم نعم. ما أنت لو ما عندكش سلام نفسي هت دليل دليل أنك نفسيا وروحيا مش صح. وده سبب رئيسي لأن الجسد هيظهر عليه أمراض. فهمتوا الحلقة فين؟ لو أنت روحانياتك ونفسيتك مش كويسه يظهر يروح السلام النفسي. والسلام النفسي لما يروح هو أول حلقة أن الجسد اللي هو آخر حاجه بيظهر فيها الأمراض يظهر فيها جميع سرطانات وأمراض مناعيه واكتئاب ونوبات هلع وانتفاخ مستمر وقولون عصبي وروماتويد. وصلت الفكره؟ هي حلقه الحلقة مش هتخلص. الحلقة لازم تتربط كلها عشان كده بيقول لك عودوا للجذور. الجذور أول حاجه عاوز تحل أي مشكله في أي ليفل في أي مكان في أي موضوع سلامك النفسي.

عشان كده اتعلمت اتعلمت حاجه. أي شيء تدفعه عشان سلامك النفسي مهما كان غالي ثمنه رخيص. وأي حاجه تدفعه وأي حاجه تكسبه على حساب سلامك النفسي ثمنه غالي غالي غالي غالي. لا يوجد ما يوازي السلام النفسي. لا يوجد ما يغني عن سلامك النفسي أبدا. مليون دولار هتاخدهم وتنتحر. جوازه هتخليك تشوف النجوم في عز الظهر. شغلانه نفسك فيها يبقى عايش عبد ليها ويوم ما يحصل فيها مشكله يجيلك استرس وجلطه. ما فيش حاجه توازي السلام النفسي. ما فيش.

طيب سلام النفسي عارفين يعني إيه برضه السلام النفسي اللي عايزين نوصل له؟ يعني ما يهمنيش رأي الناس لأن أنا عندي حائط صد. أنا واثق في نفسي. مشاعر إيجابيه. خلي بالكم المشاعر الإيجابيه عمر ما يأثر فيها المشاعر السلبيه لأن السلبي دايما ضعيف وتردد. عشان كده لا يضركم من ضل إذا اهتديتم. لو أنت في ذبذبات الهدايه، ذبذبات الرضا، ذبذبات الرحمات، ذبذبات القرب. عمر ذبذبات الحقد والحسد وال والطاقات السلبيه والكره هتوصلك أبدا. لن يضركم من ضل إذا اهتديتم بالمعنى لن يضركم الواطيين لو أنتم عاليين بسهوله كده.

فده لو عن لو أنت عندك سلام نفسي. لو اتأثرت بكلام حد سلامك النفسي فيه مشكله. لو نقد الناس يضايقك سلامك النفسي فيه مشكله وحقيقتك الصد عندك فيه مشكله. لو أنت مستني رأي الناس فيك أو مستني الناس تشكرك أو خايف الناس تزمك عندك مشكله كبيره في السلام النفسي. أنت مش فاهم نفسك. أنت مش عارف تحمي نفسك. وصلت؟

فسلامك النفسي. أنا يعني زمان كنت لما حد يقول لي حاجه تضايقني في دماغي متسين كده. فاكرين لما لما أبويا أبونا وهو صغير يا ابني اللي يضربك اضربه خد حقك بإيدك. فاكرين الكلام اللي كان بيتقال لنا واحنا صغيرين ده كبرنا في السب كونشس. لو حد شتمني لازم اشتمه. لو حد قال لي التعليق لازم أعلق عليه. ده ده وعي الأطفال. وعي السلام النفسي حاجه من اثنين.

كده كده مش هرد. أعمل بلوك لأنه مش متناغم معايا ومش مقدر كم الفايده اللي عندي. فما يبقاش في الدايره المغلقه بتاعتي أن هو يوصل للمعلومات اللي عندي أو أن أنا ماسمعش أصلا. ما بفتحش و ما بقعدش ما بروحش للناس السلبيين. ما بقعدش مع ناس سلبيين. ما بصدقش. ما بصادقش حد عارف عنده حقد وحسد وغل وكره. ما بصاحبهمش. ما بقعدش معاهم في مكان. ما بقعدش معاهم في مكان. سلام النفسي أهم يا باشمهندس. سلام النفسي أهم من أي شيء. لو دفعت كل فلوسي لسلام النفسي أنا الكسبان. لو كسبت الترليون دولار على حساب سلام نفسي أنا خسران قولا واحدا.

هي مساله بص. أول ما تخسر سلامك النفسي ح اعتبر أن في ساعه فوقك ابتديت تك تك للمرض جاي جاي تك تك تك تك تك تك اشتغلت على طول على طول. نفس اللحظه خسرت سلامك النفسي المرض جاي بعد شهر بعد سنه بعد 10. هو جاي تكتك على طول تكتك على طول. وصلت؟ فلا يوجد ما يوازي سلامك النفسي. أهم من أي شيء.

النقطه الثالثه. جسدك الأمانة العظمى. أنت جسدك مش بتاعك. أنت جسدك ربنا اداهولك وأنت بيبي دي أمانه. عشان كده عارفين حتى لما بندفن الموتى نقول عاوزين ندفن الأمانه. عاوزين إحنا في مصر بنقول كده. ماعرفش في البلاد الثاني بنقول إيه بس إحنا بنسمي ما بنقولوش جثه أو الميت بنقول الأمانه. والله بنقول كده. أنتوا في البلاد الثانيه بتقولوا كده على الميت أمانه؟ عايزين ندفن الأمانه. عايزين نرجع الأمانه بسرعه. عايزين بتقولوا كلمة الأمانه دي ولا دي حاجه بيور مصر بس؟ ما بتقولوش كده. يبقى إحنا المصريين سابقينكم في الوعي. وعي 100%. أيها المصريين أمانه فعلا. هي فعلا أمانه.

يعني إيه أمان؟ يعني ربنا أديه لك بتاكل وبتشرب وبتتحرك و وكيوت وبيبي فيس من غير بوتكس وفيلر وانتنا نرزع فيه أكل سيء وعدم نوم وعدم حركة ومعادن مش مهمه وفيتامينات مش لازم وأكله من نفسي ويوم فري وبوتوكس وفيلر ومضادات حموضه ومضادات كوليسترول وكيماوي للسرطانات بتوصل الأمانة هالكه. والله والله هنتحاسب على الجسم اللي دخل القبر. والله بحلف بالله. فتتحاسب على الجسم بتاعك لأنها أمانه. مش أنت ربنا هيسألك عن فلوسك جبتها منين ولا هي بلوظه كده مولد وصاحبه غايب مش هسألك فلوسها جبتها منين وصرفتها في إيه. جسمك مش أديهولك سليم من غير سكر ودهون وكبد دهني وتصلب شرايين وجلطات وسكر وضغط. مش مديه لك سليم يا ابني إيه اللي أنت مديه له عنده 90 سنه ده؟ ما خذ خرده. والله العظيم جسم خرده. الشيخوخه اه لا الشيخوخه غير المرض. أوصل تعبان ما أقدرش أجري زي الأولاد. وشي طبعا مش زي نضارة الأطفال ولكن عندي عضلات ومش مريض.

الأمانة. أنتوا هتتسئلوا عن الأمانة اللي اللي زرنا اتنبح بنكلمكم عليها. حافظوا على أجسدكم. حافظوا على أكلكم. حافظوا على شربكم. حافظوا على نومكم. حافظوا على الديتوكس بتاعكم. 1500 فيديو بتكلم على حفاظ على أمانة جسدك. لأن ربنا حطيني في ذلك الوضع. أنا وظيفتي في الحياه أخلي بالك أنك تهتم بتلك الأمانة عشان ما تضيعش وقت عند الدكاتره وفلوس عند الأطباء والحكمه وتقضي وقتك لأخر عمرك في عمل الميشن بتاعتك والمهمه بتاعتك في الأرض. أنا دي نيتي وده ده شغلي وبكرره كتير والناس كلها عارفاه. أنا ربنا حطتني في ذلك المكان كرسول للصحه عشان أخلي بالي من صحتك عشان أنت مش تعيش عشان صحتك. هو أنت عايش عشان المكملات والرياضه والساونه؟ لا ده جانب المفروض يبقى قوي في حياتك عشان تقضي وظيفتك.

أنا الحمد لله ربنا عمل لي وظيفتي في الصحه نفسها. ف أنا اثنين وواحد. أنا حجم عائلي مشن. إنما أنت مدرس. ف أنا خلي بقى اسمع كلام كريم علي وعيش صح عشان تدي في في المدرسه كويس. أنت عشان أم فاضله عشان تربي عيالك لأخر يوم كويس. أنت مهندس عشان تفضل تبني للناس. عامل نظافه كل كويس ونام كويس عشان تفضل تنظف لنا البلد كل سنه كل يوم ونصحى نلاقي البلد جميله ونحمد ربنا. وصلت؟ وصلت. أظن دي واضحه. فالجسد أمانه. راجعوا بقى ال 1400 حلقه في كنز. كنز ماحد ماحدش عارف أنه كنز.