أهم دقيقة في يومك مع السيارة قبل ما تتحرك الصبح أخطاء بتبوّظ العربية وانت مش واخد بالك

السلام عليكم ورحمه الله.

فيديو النهارده هكلمك فيه عن اهم الاخطاء اللي ناس كتير بتقع فيها اول ما بتشغل العربيه الصبح. اخطاء ممكن تبوظ معاك المحرك وتقلل عمر البطاريه وكمان تزود معاك استهلاك البنزين وانت مش واخد بالك.

علشان كده بقول دايما ان اهم دقيقه في اليوم كله هي اول دقيقه بتشغل فيها العربيه والاخطاء دي بتحصل على طول ولكن تاثيرها بيبقى اوضح واكبر مع فصل الشتاء والجو البارد.

اول حاجه مهمه جدا اول ما بتشغل المحرك الصبح صوته بيبقى خشن ومع الوقت بيبدا يهدى تدريجيا وبيبقى صوته انعم ودي اكث فتره بيحصل فيها تاكل في المحرك لان الزيت متجمع اسفل اسفل المحرك ولسه ما توزعش على الاجزاء المهمه فبلاش تستعجل وتتحرك على طول علشان ما تزودش الاحتكاك والتاكل بين اجزاؤه. سيب المحرك شغال دقيقه على الاقل عشان تدي فرصه للاجزاء انها تتشحم كويس قبل ما تتحرك وده يطول العمر الافتراضي ويقلل معاك المشاكل على المدى البعيد.

ومهم جدا كمان مع بدايه التشغيل بلاش تستعجل وتضغط على البنزين بهدف انك تسرع تسخين المحرك لانك كده بتخليه يشتغل وهو لسه مش جاهز وده يزود التاكل ويزود معاك استهلاك البنزين. المفروض انك تسيب المحرك يسخن في وضعه الطبيعي ولما تلاقي صوت المحرك هدي معاك ابدا اتحرك على سرعه منخفضه اول دقيقه ودقيقتين بعد التشغيل يكون المحرك استقر وده هيوفر معاك بنزين وتحمي المحرك في نفس الوقت.

تاني حاجه عندك البطاريه لما بتبقى مركونه فمع بدايه التشغيل بتبقى ضعيفه شويه فمع اول ثانيه بتشغل فيها المحرك بلاش تشغل اي حاجه ثانيه زي الراديو او الاضاءه او المكيف او اي اجهزه اضافيه لان ده بيزود الضغط على البطاريه ويخلي عمرها الافتراضي يقل معاك اسرع. الصح انك تشغل المحرك وتدي فرصه للدينامو انه يغذي البطاريه.

[موسيقى]

وقبل ما تتحرك على طول ابدا شغل اي حاجه انت عايزها واحده واحده البطاريه كده هتعيش معاك اطول وتشغيلها هيبقى اسهل طول السنه. ولو بتركن سيارتك كتير خصوصا في الجو البارد يبقى افصل كابل البطاريه عشان تحافظ على شحنتها وتشتغل معاك بكامل كفائتها. ولو عايز تعرف كل حاجه عن البطاريات وانواعها وازاي تحافظ عليها هيظهر فيديو اعلى الشاشه حالا وهسيبهوللك في اول تعليق هيعرفك كل حاجه عنها.

حاول تلاحظ لو في اي لمبات تحذيريه نورت في الشاشه عندك او سمعت اي اصوات غريبه خلال الفتره الاولى من التشغيل او مع بدايه التحرك خصوصا لو اول مره تسمعها حاول تعرف الصوت ده جاي منين وهل بيروح لما العربيه بتسخن ولا بيفضل مستمر وده تحذير مهم لازم تراجعه وتسال فيه الفن بتاعك او تسالني هنا في تعليق وباذن الله اقدر افيدك سواء عن الاصوات او اللمبات التحذيريه.

ثالث حاجه بالنسبه للفرامل لو بتركن سيارتك كتير فالافضل لو سيارتك اوتوماتيك فهنا هترفع فرامل اليد الاول وبعد كده تجيب وضع البي او تحط الغيار الاول في السياره المانيوال لو الطريق مايل للامام او تحط غيار الرجوع لو الطريق مايل للخلف عشان تديك ثبات اكبر وفي نفس الوقت تحافظ على الجير بوكس وعشان لما تيجي تتحرك بيها الصبح تبقى الامور سهله معاك وما فيش تحميل على التروس.

وطبعا ما تنساش تفحص الزيوت والسوائل شبه يوميا قبل ما تشغل المحرك وهنا استخدامك لميه ملونه هيفرق معاك سواء سواء مع بدايه التشغيل وهي بارده او مع ارتفاع حرارتها واهميتها لدوره التبريد كلها. ومن الحاجات المهمه جدا اختيارك لزيت محرك لزوجته مناسبه هيفرق معاك جدا في الاجواء البارده خصوصا مع بيت التشغيل هيتوزع معاك اسرع.

ولو عايز تعرف الزيت المناسب اللي المفروض تستخدمه حتى لو مش معاك كتالوج السياره على حسب الموديل والطقس وحاله المحرك عندك هيظهر فيديو اعلى الشاشه حالا وهسيبه لك في اول تعليق هيعرفك كل حاجه عن الزيوت وهيخليك تختار بنفسك زيت مناسب بكل سهوله.

كل دي حاجات بسيطه لو عملتها تفرق معاك كتير ولو انت لسه مبتدئ في عالم السيارات والدنيا متلخبطه معاك فهسيب لك رابط موجود فيه كل اللي انت محتاجه بشرح مبسط جدا للمبتدئين افتح الرابط واختار الفيديو او المعلومه اللي انت محتاجها واي حاجه واقفه معاك اكتبها لي في تعليق الرابط هيظهر على الشاشه حالا وهسيبهلك في اول تعليق على الفيديو ده وباذن الله بالتوفيق.

اتمنى اكون وصلت معلومه لايك للفيديو لو عجبك واشترك معانا في القناه وفعل زر الجرس عشان يوصلك كل جديد واعمل مشاركه عشان غيرك يستفيد والسلام عليكم ورحمه الله وبركاته.

‏Yeah.