الاهتمام بصحتك وجسمك مهم جداً D Kareem Ali

السلام عليكم ورحمه الله وبركاته. حي الله الجميع. لحظكم الحلو وحظهم الوحش. لايف لأحد الدكاترة الأمريكان في بودكاست، وهو ده من أحد أعظم الناس اللي اتكلموا على مقاومة الأنسولين عشان التخسيس. قال شوية تخريف. تخريف! إحنا لما نقول الكلام الصح يقولوا إن إحنا بنخرف. ولما يقول واحد أجنبي وبيقول اللي يقولوا، لا ما شاء الله أنت عظيم، أنت جايزة نوبل لحرق الدهون.

ادخل في الموضوع. ركزوا معايا بس. الأول هاخد الأسئلة في الآخر. بس بليز، ده تخين عايز يخس، رفيع عاوز يتخن، عاوز يحافظ على كل الشيب. يعني أنت عاجبك جسمك وعايز تحافظ عليه. كله هينفع. بليز. عارفين الفكرة إيه النهارده؟ الفكرة إنك نفس الحاجات اللي هقولها، إنك تاكل، تاكل كل اللي أنت عايزه بس ما تكترش. هي نفس الفكرة. أنت لما تشيل من الميه كل السيء، هيفضل الحلو. لما تشيل الخرافة، هيفضل الحقيقة. لما تشيل الجهل، يفضل العلم. لما تشيل الخرافات، تخس كويس. وصلت؟ أو جسمك اتظبط كويس. خدوا واحدة واحدة. الأول خدوا الأول وهتتخلصوا من البطن وهتظبطوا الغدة الدرقية وهتستمتعوا بالأكل. وكل ده النهارده موجود. أنا مش همشي النهارده إلا لو أنتم خاسين قدامي. النهارده هطلعكم على الميزان. وده أحد أهم الأخطاء اللي هنتكلم عليها النهارده.

ادخل في الموضوع. أول حاجة. أول خرافة. الخرافة الأولى التي تنتشر بين كثير من أخصائيين التغذية والأطباء: السعرات هي كل شيء. خدوا كده قاعدة. جسمك مش آلة حساب. جسمك نظام هرموني دقيق. فما حدش يقول لك السعرات. هل في حد من اللي متابعيني دلوقتي مازال يعتقد إنه لو قلل السعرات وزود الحركة هيخس ويبقى تمام وعظيم وجسمه رائع قليل الدهون؟ في حد مقتنع باللي أنا بقوله ده؟ قلل السعرات وزود مجهود هتخس وتبقى تمام. في ناس بيقولوا نعم. حقكم مش غلطتكم. غلطة الميديا. غلطة يعني البعض مش هنقول الكل. بص، إحنا مش نظام حساب أبداً أبداً. السعرات هي لما أنت تاخد حاجة تتحرق جوه فتطلع طاقة فتشتغل جسمك. جسمك بس ده ظن السعرات. طب لو أنا عشان أخس مثلاً، هيقول لك نزل 500 سعر. اوكي. أنا 1.5 فهينزل لـ 1000. تمام. واضحة. طيب الـ 1000 دول في اثنين. واحد خد الـ 1000 من البروكلي والرز واللحمة. واحد خدها من الجاتوه والكولا وبطاطس محمرة. اوكي. خد الـ 1000. الاثنين هيخسوا. طبعاً هيخسوا. ما هو جسمك هيجيب منين يعني؟ هياكل هواء. ولكن، ولكن ده خس اللي كان البروكلي والسمك واللحمة والفراخ. ده خس وحافظ على عضلاته وحافظ على طاقته. وهتكلم دلوقتي.

إيه أعرف إزاي يا دكتور إن النظامي صح ولا غلط؟ أعرف منين؟ أنت هتقول لي: "أوعى تطلع على الميزان". أمال أعرف إزاي؟ هقول لكم. هقول لكم النهارده. وطاقتي صح. وهدومي بتقل. ده تمام. ده بقى ده بقى وشه عجز وعضلاته راحت وهيرجع يتخن من الأول وجسمه مليان التهابات. بمعنى ذهنه غير صافي. لسه بيشتاق للسكر وبيتعذب. وهتكلم عن النقطة دي كمان شوية. نومه مش مظبوط. ابتدى شعرها يقع. ابتدى جسم جلدها يخشن أو ينشف. وده عامل رجيم. وده عامل رجيم. وصلت؟ يبقى أوعى واحد. أوعى تعامل جسمك كآلة حاسبة. عامله كنظام هرموني. كل ما سوف يدخل فمك هيتحاسب. يا يروح يعمل التهابات، يا يبني خلايا جديدة وصحة وحياة كويسة. أنت اللي تختار. فشيلوا خرافة السعرات تماماً تماماً. والناس اللي عاملة كيتو وهتكلم عليهم النهارده. فاهمين كلامي كويس؟ دي الخرافة الأولى.

الخرافة الثانية. بدام جعان يبقى أنت صح. الجوع علامة صحة. الرجيم أو الدايت أو النظام كارثة. كارثة. لو نظامك صحي يا سيدي ومقلل سعراتك وبتاكل كويس. الجوع هيقل. الكرافينج عايز أكل. عاوز على طول. عاوز حاجة حلوة على طول. جعان. ده خطأ في الرجيم. ده خلل هرموني. أنت لو فضلت جعان لمدة طويلة زي ما إحنا بنعمل في الصيام المتقطع. جسمك بيقول في حالة جوع. فيقلل السعرات. يقلل الأيض بتاعك. أنت المفروض تسأله كده. الكارنيفور: هو أنت بتجوع؟ لا، ده أنا باكل وجبة. تمام. بلاش الكارنيفور. الكيتو. تمام. بلاش الكارنيفور وبلاش الكيتو. اللو كارب. كلين دايت. إحنا فاكريننا بنجوع. بتجوع إزاي؟ لو أنت جسمك الحساسية بتاعته ربنا خالق مكونات مخصوصة تقول لك إمتى تاكل وإمتى تبقى شبعان. طول ما عندك دهون المفروض تبقى شبعان. أكلت أكل كويس تبقى شبعان. لو ما فيش طاقة تبقى جعان. لو ما فيش دهون في جسمك تبقى جعان. ده اسمه جريلين. وده اسمه لابتين. الاثنين دول لو مش سنسيتيفيتي صح عندك. مقاومة أنسولين يا ريس. أنت مريض. اللي بيجوع جوع طول النهار مريض. الجوع علامة مرض.

أمال يعني إيه؟ ما نجوعش؟ لا. أجوع بالراحة. واحدة واحدة. تزيد لغاية ما يجي ميعاد أكل. آكل. إنما جوع فجأة ده مرض. وخصوصاً ده مرض عصبي وتوتر وأكل زهقان. مش لاقي حاجة أعملها أو متنرفز. فجأة عايز أكل حاجة. فجأة. حاجة اسمها فجأة. ما حدش بيجوع فجأة. ما حدش بيعطش فجأة. جسمك مش عبيط. يصحى كده فجأة جعان. كان إيه؟ نايم. كان بيلعب بلاي ستيشن. جسمك فجأة جعان. فجأة جعان طول الوقت. عايز آكل حاجة مسكرة. دي علامات مرض يا حبيبي. عالج مقاومة الأنسولين اللي عندك. عالج الأنسولين العالي. عالي. عالج أكلك السيء. فما فيش حاجة اسمها الجوع علامة الصحة. خدوا كده القاعدة. الدايت الصح يهد الجوع. مش يعذبك. الدايت الصح يهدي الجوع. مش يعذبك. مش عذاب. عذاب مش هينفع. عذاب مش هتكمل.

هتكلم على النقطة اللي بعدها. ودي الصراحة دي أهم أحد أسباب اللايف ده. الحرمان غلط. أوعى تحرم نفسك من حاجة نفسك فيها. وكل كل حاجة بس ما تكترش. دي كارثة. كارثة. آمنتم أم لم تؤمنوا؟ سبحان الله. اللي بيؤمن معانا بيدخل الصحة. الذي لا يؤمن معانا كمان سبع ثمان تسع سنين بعد ما يكون عندك مقاومة أنسولين وسكر وماشي على دوا الضغط. الأبحاث تكتشف اللي إحنا بنقوله دلوقتي. فبراحتك. براحتك. الحرمان. بتكلم على إيه؟ الحرمان. ويطلع لك المتدينين: "كلوا واشربوا ولا تسرفوا". يا ابني، "كلوا واشربوا ولا تسرفوا" مش على الأكل اللي في السوبر ماركت اللي أنت بتشوفه خالص خالص. مش أنت. أنت مؤمن. واسألوا أهل الذكر إن كنتم لا تعلمون. أنا أهل الذكر في التغذية. بقول لك لما أمنع الخبز والدقيق. لما أمنع الحليب البقري. لما أمنع الحلويات. والله العظيم الدكتور العظيم اللي شاف البودكاست ده قال: "ما تحرمش نفسك". بس يوم ما تعرف إنك هتاكل أكلة سكرية. بلاش تبقى الصبح. وبلاش يبقوا وجبتين. برضه حطها ليه؟ هو أنت خايف من الناس؟ في حاجة تانية مهمة قوي. فاكرين اللقاء الأخير اللي أنا عملته؟ أو المناظرة الأخيرة؟ اتقالت كلمة في النص كده. الدكتور قال لها: "كل الاحترام وصديق عزيز". قال: "أنا ما أقدرش أعمل اللي أنت بتعمله. شركات الحليب هتتهاجمني وترفع عليا قواضي". والله العظيم قال كده على الهواء. على الهواء. مش بجنى عليه. أجيب لكم اللايف كامل أحطه على اليوتيوب. المناظرة. هي بقت كده. هي بقت كده. أنا مع صف الناس. أنا مع الناس. أنا مع الصحة. الناس ما تمرضش. أنا مش لو خمسة بيتعبوا من 10 همنع الكل. هو ده الطب الوظيفي. مش أنا اخترعته. ده الطب الوظيفي. إن تعب البعض أمنع الكل. وبعدين أمنع الكل. مش مثلاً أقول لك: "أوعى تاكل لمدة خمس أيام بموتك". أنا بقول لك بطل أكل دي. في بدائل. أي حاجة في الدنيا ليها بديل. في 1000 نوع أكل وشرب وبروتين. في أنت مش بترضع من لبن ماما. لو قفلنا لبن ماما مش هتلاقي أكل وتموت. في 1000 أكلة. فارجع لموضوع الحرمان. لما أمنعك من الخبز والحليب البقري كازين A1. ومن السكريات. ومن الزيوت المكررة. أنا مش بحرمك. أنا بمنع التهاباتك. أنا بعمل وقاية لجسمك. أنا بأسسك الصحة اللي هتتعذب لو راحت منك بسبب "كلوا واشربوا ولا تسرفوا" اللي الناس فاهماها غلط. وصلت؟ مش حاجة اسمها حرمان. ما فيش حاجة اسمها حرمان. أنا ما بحرمش. طب على فكرة. على فكرة. هذا المبدأ. طب ما تطبقوه على السجاير. أنا بحب السجاير. أ. بلاش حرمان. مرة سيجارة في اليوم يا دكتور. ما هو بلاش حرمان. المشروبات الكحولية. غير ديننا الإسلامي. أو على فكرة في كل أديان هتلاقي الخمر حرام. بس أنا بشرب بس ما بسكرش. حبة قد كده يا دكتور. ما الفرنساويين بياخدوا الواين مع كل أكلة. ما حصل لهمش عشان بيشربوا وما بيسكروش. حبة صغيرة. أيوه. حبة صغيرة دول يضروا مع الوقت. بيجيب لهم كبد في الآخر. فهو كده. ما فيش حاجة اسمها. ما فيش حاجة اسمها أنت بتحرمنا. أنت كل ما ناس كتير قابلها في الشارع. أنت حرام تحرمت على الناس عيشتها. هي عيشتها خبز ودقيق وسكر وحليب. خلاص. بيسمعوني ليه؟ ما يسمعونيش. ما يسمعونيش. ما في 1000 قناة على فكرة. في 1000 دكتور طبيب تغذية بيعندونا وبيشتمونا. وجايبين سيرتنا عشان بنقول الحليب غلط. كلامكش علمي. لا. أنا علمي. اكت من أنا علم الحياة وعلم الطب الوظيفي وعلم الناس اللي جربت وعلم شخصي. أنا تعبت. تعبت. تعبت من دكتورات بيكلمونا في التغذية وعندهم لغط. ده مش تنمر. دي زيادة وزن. تعبت من دكتور بيكلمني في التغذية وتحت عينيه أسود. تعبت من دكتور كل سنة يعجز. إحنا كل سنة بنكثر شباب. ودي حاجة ما تجذبش. يعني ما ينفعش تستلف جسم. تستلف بشرة. تستلف شعر. ما ينفعش الحاجات دي. ما حدش بيستلفها. ما حدش بيستلفها. الحاجات دي بتبان. دكتورك سنة بعد سنة ماشي إزاي؟ امشي معاه. أو أقول له: "خد بالك يا دكتور. تحت عينيك أسود. خد بالك يا دكتور وزنك زايد شوية". أخدي بالك يا أستاذة يا أخصائية يا عظيمة اللي مش عاجب الكلام. اشفطي لغدك وانت بتكلميني. اشفطي لغدك. بقى في كرش. مش تنمر. دي حقيقة. أريني الصحة قبل أن تحدثني عنها. وإلا اسكت. كلام ما يزعلش حد. أنا مش عارف الناس بتزعل ليه. أريني الصحة يا ريس. أريني العنوان. أريني الصحة. فين الصحة؟ ارجع للموضوع.

الحاجة الثالثة. الرابعة. كل الدهون بتتخن. يا الله! في في أجيال ضاعت باللو فات دايت. أجيال ذكورته راحت ولخبطت دورتها وشعرها وقع وجفاف في البشرة وعدم امتصاص. و و عشان بس مش مفرقين. كل الدهون بتتخن؟ نو واي. ده في دهون تخسس. فاكرين أول الحلقات 2018؟ فاكرين قلت جملة؟ قلت: "Eat fat, lose fat". والله العظيم. النهارده كنت مع طبيب عزيز صديق. بيقول لي: "يا دكتور، إحنا يعني بنفخر إنك ابتديت الوعي قبل الناس كلها. أنت ابتديت تكلم الناس لما ما كانش في حد عارف. ما كانش حد يقدر يقول: ما تاكلوش فاكهة. الفاكهة مضرة. زيادتها مضرة. حدش يقدر يقول: كلوا زبدة وسمنة. وكل زبدة كيلو زبدة في اليوم. ما كانش حد يرضى يقول الكلام ده ساعتها". إحنا قلناه. دلوقتي الهرم الغذائي بقى ماشي معانا. المهم الخلاصة. ليست كل الدهون زي بعض. إم سي تي أويل. هتكلم عليه حالا. مش كل الناس. الكيتو روعة. ما فيهوش كلام. والكيتو بياكلوا دهون. بس بصوا الدكتور اللي بيخوفنا أو المرشد الصحي اللي يخوفك من الدهون. هو لسه في دماغه إن الكوليسترول مضر. يا عكر تاني. لما تيجي سيرة الكوليسترول نقول إيه؟ "لك الحمد على نعمة الكوليسترول". وصلت؟

الخرافة اللي بعدها. يا دك. دايت للجميع. أنتوا بتروحوا الأخصائيين يديكوا أنا. وتروحوا أنتوا ليه؟ ليه؟ أنا قلت الحكاية دي قبل كده. لما كنت في طب كنت بقلوظ وبكرش وحبيت أخس. رحت لدكتور. أشهر دكتور في مصر. أنا من القاهرة. كان عنده عيادة في المهندسين وعيادة في مدينة نصر. أقسم بالله. أقسم بالله. تحجز قبلها بـ 10 أيام. وتقعد في العيادة بره مرة وسط ناس. والله العظيم 30 40 واحد. كل ما أروح. والله بقى بكذب. مش فاكر اسمه أصلاً. بس مشهور. إيه؟ بدل ده كبرهم الذي علمهم السحر. دخلت. طلعني على الميزان. وشاف الميزان. ميزان عادي اللي هو كده ده. وفي ورقة قدامه صفراء وورقة بينك وورقة بيضا. مطبوعين عليهم. الشوربة الصبح. لو الزبادي بتاع. عيش قبل الجبنة. زيتونة. نص فرخة. اوكي. خدي اتفضل الورقة يا حبيبي. أوعى تلعب رياضة. والله. أوعى تروح تلعب جيم. تمشي كل يوم. والمرة الجاية لما تخس هديك يوم فري. والله ده اللي بيحصل. ما عرفش ده بيحصل لغاية دلوقتي ولا لأ. أروح أنا. طبعاً ما بلعبش رياضة. ومنعت النشويات. قللت النشويات. لأن هو قلل لي أكل خالص. فالجلايكوجين وقع. والجلايكوجين وقع والميه وقعت. فبعد سبعة أيام. أطلع الميزان 3 كيلو في الأسبوع. 3 كيلو. 3 كيلو. 3 كيلو. هم ميه وجلايكوجين. أعمل النهارده يوم فري. وأنا كان مزاجي. مزاجي اليوم الفري إيه؟ آكل سنيكرز كبيرة اللي هي 1500 سعر. 90 مش عارف إيه حراري. وبعدين بالليل آكل بيتزا أو فطيرة. ما فيش رجيم للكل. أنا لما حد بيجي لي في الاستشارة يقول لي: "عايز أخس". أقول له: "مش بتاعك". أنا مش عايز اسمها خس. أنا بروح للصحة. وجسمك يظبط وزنه. بروح لطريق الصحة. وجسمي يظبط وزنه. يعني إيه؟ يعني أقلل الالتهابات. أعالج مقاومة الأنسولين. أظبط الأمعاء. طبعاً الكلام ده كل واحد ليه حاجة. يعني لازم أسأل على نومك ورياضتك ونوع شغلك واسترسك ومعادنك وفيتاميناتك وأكلك. وآخر أكلة. الناس اللي غتشرات عارفة الكلام ده. وآخر لقمة الساعة كام؟ وبتنام من كام لكام؟ وبتقوم مكسر ولا لأ؟ كل ده. وطبعاً فيتامين B12 بقيسه. ودال بقيسه. والتراكمي لازم أقيسه. في لستة كده لازم الحاجات الدورية. لما ده العيان ده ليه حالته. أنت تنفع لو كارب؟ ما ينفع. ما تنفعش كيتو. واحد شايل مرارة. عندك أملاح مرارة؟ لا. خلينا لو كارب. أنت اللو كارب شيل الفاكهة. اكتب له فاكهة كيتو فقط. يعني ما أنت لو كارب بس ما تروحليش لعنب واللي حاجات اللي سكرها وتمر مثلاً. أنت كيتو. كيتو بس. ممكن تعمل معاه كده. كارنيفور. ممكن تدخل بطاطا. وهكذا. كل واحد ليه حاجة. اللي يديكم من ورقة أو يديكم نظام ثابت لكل الناس دي مش خرافة. ده صنم. ده صنم يجب هدمه. كل شخص عالم متكامل لا يشبه الآخر خالص. أكلك غير أكله. وشربك غير شربك. استرسك غير استرسك. وصلت؟ فدي خرافة. ما فيش اثنين شبه بعض. ما فيهاش كلام. الدايت للكل. ده ارمي.

النقطة اللي بعد كده. إحنا قلنا كل السعرات مش زي بعض. الجوع علامة النجاح ده غلط. الدهون بتتخن غلط. الميزان هو الحكم خطأ تماماً. دايت للجميع. الحرمان يضايقك وما تحرمش نفسك يا حبيبي. كل. أنا كنت رايح للسنيكرز وأضرب لي بيتزا بالليل. أرجع التخين نفس التخن تاني. وأروح له الأسبوع اللي بعده. طبعاً ما أنا علّيت في يوم. فابتدي أنزل. أنزل. أنزل. أنزل مثلاً برضه ميه. لأن أنا بعد اليوم الزيادة منعت النشويات. فالميه نزلت والجلايكوجين نزل. أطلع 3 كيلو. 3 كيلو. أول ما أسيب من الدكتور ده وأرجع آكل عادي. في خلال يومين أزيد 20 كيلو. ما أنت جسمك ماشي غلط. وما عالجتش مقاومة الأنسولين. لأنك بتاكل سكر يوم الفري. اليوم الخرافة اللي بعد كده. اليوم الفري. ودي هقفل بيها. مش يوم فري من إيه؟ من الصحة. يوم فري من إيه؟ من إن جسمك بيتظبط. بتدي جسمك إجازة من الصحة. يعني بتدي جسمك إجازة. ما فيش. موجود في مصر؟ مش موجود في كل شمال أفريقيا. ولا في سوريا ولا في لبنان ولا في الأردن حالياً. والله هنفتح أسواق هناك إن شاء الله. واحدة واحدة. فانت بتاخد إجازة منين؟ من صحتك. حلو. الأحمر عليك. والله العظيم ده من ذوقك. ده مش أحمر. ده فوشيا. أنتوا شايفينه أحمر. بس هو مش أحمر. وصلت؟ فانت بتاخد إجازة من إيه؟ يوم فري من إيه؟ ما هو أنت يوم هيضيع لك الأسبوع. حتى لو أنت آخر الأسبوع باين إنك تخس. بالله عليكم. أنا عايز الناس اللي قدامي دلوقتي. كم واحد عمل دايت وخد يوم فري وفضل سنة بعد ما ماشي وزنه ما رجعش تاني؟ في حد؟ قولوا لي أيوه. أنا. قولوا لي أنا عملت كده يا دكتور. باخد يوم فري وبخس وبقيت تمام. ها؟ ما في حد. تعال نعمل عليه موزة. قولي لنا قصتك يا موزة. بتاخدي يوم فري وما عندكيش التهابات ولا مقاومة أنسولين وماشية بتخسي. بتخسي. بتخسي. عمالة تخسي. دهونك راحت ومحيط وسطك بقى قليل. ليه يا موزة؟ الموضوع أين أنت يا موزة؟ ما فيش.

ينفع؟ آه صح. حلو السؤال. المرضع. ما تاخدش إم سي تي أويل ليه؟ هل مضر؟ لا. ما فيش أبحاث. ما عنديش أبحاث تقول المرضع تاخد أو ما تاخدش. الحامل. نقطة ونقطتين. مش هيعمل حاجة. لأن ده دهون. يعني أكلت معلقة زيت زيتون. في حد يمنع زيت زيتون في الحمل؟ فالحمل عادي. الرضاعة ما عندناش لا صح ولا غلط. ما عندناش. يعني ما عندناش معلومات. فبلاش المرضعة أفضل. اللي شايل المرارة. خده عن طريق الفم. ما تبلعهوش. عندك كبد متدهور. كبد مش دهني. كبد متدهور. لأن مين اللي بيعالج؟ مين اللي بياخد الدهون يحولها كيتون؟ الكبد. فدهن كبدك متدهور الحالة. أو كليتك متدهورة الوظائف. ما تاخدوش. إنما عندك ضغط؟ ما فيش مشاكل. عندي سكر؟ رائع. رائع. عاوز أسد نفسي؟ رائع. عاوز أبطل الاعتماد على القهوة في الطاقة؟ رائع. عايز بري ورك أوت؟ رائع. عايز أنام كويس؟ حطه ثلاث أو خمس نقط تحت اللسان قبل النوم. وادعوا لي. على عمق النوم. هيخلي طاقتك ثابتة طول الليل. الكلام ده والله العظيم بقوله في الورش الخاصة. يفضل ثابت. فما تقومش وسط الليل. مخك لاقي الطاقة مستمرة. مش زي السكر طالع نازل. طالع نازل. ده ثابت. والجرام بيدي تسعة كالوري. فيومك يبقى هادي. ومخك بالليل يحلم. يحلم. ضبط الوزن وتقليل الدهون وخصوصاً دهون الوسط. ليست حرب على الدهون. ليست حرب على التغذية. ليست حرب على النظام. هي تصالح مع جسدك. تصالح مع الجسد. افهم رسائله. أعطيه ما يريد. هيخف لوحده. هيخس. ناس كتيرة بتقول لي: "ثبات الوزن". ثبات الوزن. ليه؟ جسم ثبات الوزن لو أنت فاع. اوكي. بس ثبات الوزن وانت مليان. ليه؟ ماسك في إيه؟ ماسك الدهون. إيه الخطر اللي جسمك حبيبك خلقه ربنا حاسه؟ فمش راضي يخس. إيه علامات الخطر؟ إنه خايف يبقى فيه مجاعة. فماسك الدهون. في برضه. والله العظيم سنوات وسنوات. هخلصها لكم في جملة. جملة. جملة. لا يوجد شخص محافظ على أنسولين هيحافظ هيخلي الدهون زي ما هي. قاعدة. تكلموني بايوكيمستري. صيدلة. تغذية. طب بشري. بطنة. أستاذ كبد. أي حد في العالم. لو أنسولينك قل. دهونك نزلت. حتى لو سعراتك أعلى. تخيلوا بقى. وده يفسر لنا الكيتو. الكيتوجينك دايت. حتى لو كتر السعرات. بس أنسولينه. عارفين الأنسولين ده بالظبط. بالظبط. عايز لغير الأطباء. الأنسولين هو وجوده. وجوده البعبع. البعبع بتاع الخلايا الدهنية. أول ما يشوفوه يقفلوا على طول. يقفلوا على نفسهم. أخاف أفتح. في أنسولين بره. الأنسولين بيطلع من السكر. أكلت السكر. الأنسولين عالي. أول ما الأنسولين حين يذهب. إن غاب القط العب يا فار. لخلايا الدهون تقوم فاتحة على طول. ما فيش أنسولين. افتحي. طلعي الدهون. واحرقيها. ومتعينا. احفظوها كده. منتهى البساطة. ما فيش دكتور في العالم يقدر يقول لي العكس. اللي أنا بقوله. لا. ممكن يطلع لك واحد بتاع جيم. ولا بتاع. ولا حبايبنا كلهم. هو بس. على فكرة. في مدربين الجيم كتير قوي بيهاجمونا. أنا عارف. التستسترون ضارب في دماغهم. وعندهم حبوب طالعة في ظهرهم. فمش عاجبهم كلامنا. فالله يهديكم. روحوا ادرسوا طب. بدل ما تضحكوا على الناس اللي عندكم. وتشغلوا لهم هرمونات. مش عايز أحطكم في دماغي عشان ما نزعلش من بعض. كبتة الجيم بالذات. خفوا عشان أنتم عارفين.

أرجع للموضوع. فـ أنسولينا كويتي. كارنيفور. كيتو. كل كتير. مهما تاكل كتير. ما أنت جسمك فاتح دهونه. لا هيخزن من غير أنسولين. ولا هيحافظ على الدهون زي ما هي من غير أنسولين. في وجود أنسولين. أول ما الأنسولين يختفي. دهونك بتنزل على طول. عشان كده أول ما تبطل سكر تخس شوية. أول ما تدخل كيتو تخس شوية. أول ما تلعن فور تخس شوية. أول ما بتبطل حلويات ومكرونة ورز وخبز. خسيت يا دكتور؟ خسيت. عشان الأنسولين هو الكي ماستر. هو العلامة الفارقة في إنك هتخس ولا تزيد. عندك أنسولين ولا لا. واضحة؟ واضحة ولا مش واضحة؟ ما فيش أكتر من كده. ما فيش أكتر من كده. الناس اللي عايزة تزيد في الوزن. كلمتين. مشكلتكم لو الغدة الدرقية مش عالية. أنت عملت تحليل يا دكتور؟ غدتي الدرقية سليمة. أول حاجة أتأكد منها. يا دكتور. عندي امتصاص كويس؟ ما عندكش. سيبه بياكل أكلك. عندك امتصاص؟ ما عندكش هضم. عندك ما عندكش إنزيمات هضم. فاكلك اللي بتاخده بتنزل في الحمام. أكله ياخده ينزل في الحمام. فلازم تاخد بالك. فأنت هضمك كويس يا دكتور؟ وظبطت حمض المعدة بخل التفاح والإنزيمات الهضمة. يا دكتور. أعمل إيه؟ إيه؟ خلي جسمك يبوس إيدك. أبوس إيدك. عايز أرفع الوزن. هو اللي يتحيل عليك. تعمل إيه؟ تكسر عضلاته وتعلي بروتينه. فالجسم هيبوس إيدك. أرفع وزني ليه؟ لما كسرت عضلاتك في الجيم. راجل أو ست. رحت ثلاث أربع مرات 45 دقيقة لساعة. شلت أوزان أو لعبت أجهزة أو لعبت. يعني حر. اوكي. فالعضلات اتقطعت. أي حركة بتعملها. الحركة بيحصل التهاب خفيف اسمه مايكرو تير. بتتقطع. فلما تتقطع عايز أبني. اتقطعت العضلة. لازم أبنيها. الديكو كشري وبسبوسة هيعبيها دهون. إنما دي بروتين. الحمد لله. ما بقاش نخاف من البروتين. صدقتونا دلوقتي. قلنا البروتين هو أهم حاجة. والدهون أهم حاجة. صدقتوه. لما الغرب جه قال لكم تحبون. قلنا الكلام ده. ولكن تحبون الشاب أبو شعر أصفر. الحليوة المحلوة أبو عين زرقاء. الراجل بتاعنا إحنا كلامه غلط. هرجع للموضوع. فالنقطة دي مهمة قوي. وصلت؟ واضحة؟ يعني أنا بدام عندي كتلة عضلية بتموت في الجيم وبديها بروتين. لازم جسمي يكبر. لازم. ما فيش. ما أنبوبة حطيت فيها هنا حاجة. لازم يطلع من الناحية الثانية. مش هيسرب. جهازك الهضمي سليم. احتياج العضلات زاد. اديته بروتين. هيطلع من هنا فاصوليا؟ يعني هيطلع من هنا إيه؟ كوتشي؟ هيطلع إيه؟ عضلات. دي بروتين ومحتاج عضلات. يطلع عضلات. فالعضلات تزيد. فجسمك يزيد. عضلاته يزود الميتوكوندريا. بيوت الطاقة. مش يزود دهون. الناس اللي زمان والله كانوا يقولوا لنا: "كل مفتاه كتير". المفتاه دي حاجة في مصر. قنبلة. أعتقد. المفتاه بتتعمل من إيه؟ بابا المفتاه بتتعمل من إيه؟ عسل وسم. إيه؟ وايه؟ عسل وسم. عسل وسم وطحينة. يعني بيحطوا كل الحاجات الزيوت والسكريات مكثفة جداً جداً في برطمان قد كده عشان الواحدة تتخن. دي بتبقلظ. وهيجي لها لغط. وتبقى دكتور التغذية ما يعجبهاش كلام كريم علي. والله كله كتير. مش كل كتير. مش عايز بقى كل مكرونة بالليل. كل بطاطس محمرة كتير يا ابني. أنت هتتخنوا مرض. هتتخنوا مرض. والله. ففي الآخر ناس حبايبنا: "يا دكتور نسينا". والله ما نسيكم. لو كتبتوا كريم علي النحافة. في حلقة مخصوصة عنكم. بس أنتوا ما بتدوروش. والحلبه صحيح. الحلبه برضه باظت هرمونات الرجالة. بس الستات بتكبر اللبن لو أنت بترضعي. الخلاصة. فزود عضلات في الجيم. وكل بروتين. هتدعي لي. في أربع شهور هتدعي لي. وصلت؟ خلاصة. إحنا مش داخلين حرب مع جسمنا. إحنا داخلين مصالحة مع الجسم. ما فيش رجيم اللي ينفع للجميع. أوعى تخاف من الدهون. خاف من نوعها. يعني إم سي تي أويل. من أعظم أنواع الدهون. البطاطس المحمرة. من أمم. والفراخ البانيه. أمم. والناجتس. مش هتكلم. مش هتكلم. وصلت؟ الميزان هو الفيصل. خالص. دهون وسطك ومقاسات ملابسك وطاقتك وبشرتك وأنيتك. هو ده الفيصل. صحتك هي الفيصل. مش الميزان. وصلت؟ الجوع. تبقى أنت كده شاطر خالص. بدام جعت بقى في مصيبة. جسمك المفروض كفايته قفل. تجوع كل شوية. دي مقاومة أنسولين. لازم تعالجها. مقاومة أنسولين يعني أنسولين مش شغال كويس. يعني ماه. لا يعني مش بيفتح الخلايا. يعني سكر بيعلى في الدم. يعني التهابات العين. والتهابات الكلية. والتهابات الأطراف. وتراكمي عالي. وبعدين تجلط في الشرايين. وتصلب شرايين. وجلطات. وكبد دهني. وتكيس مبيض للستات. حصلت دي خرافات ولا مش خرافات؟