ضياء العوضي⛔️مصر تعلن حظر رسمي ومنع نشر أي شيء له مصور أو مقروء أو مسموع في وسائل الإعلام أو النت

السلام عليكم. أهلاً وسهلاً بحضراتكم جميعاً، اللي بيشوفونا من القاهرة والمحافظات، أخواتنا وأولادنا، العميل والمقيمين بالخارج، واللي بيشوفونا من الأشقاء.

مات ضياء العوضي، ولكن أصداء وفاته لازالت حية، وحية بامتياز. يظنون أنهم بارتفاع الأصوات لهذه الدرجة، وتسليط الضوء والموجه الإعلامية الكبيرة، التي سابت كل مشاكل مصر الكبرى والصغرى، ومسكت في ضياء العوضي، وكأنه خرب مصر، ولع في البلد، ومشي في الناس قتلاً وتشريداً وتجويعاً، وكأنه هو سبب مصايب مصر والمصريين.

بهذا الزخم الرهيب الذي حصل، رغم أن احنا عندنا من أقرب نقطة، أقرب نقطة، أغبى، أو أقرب نقطة تصريحات مغيره للحقيقة، تعويم الجنيه. يعني أنت قلت للناس لو لو الدولار بقى بـ 50 جنيه، ماعرفش نعمل إيه ونسوي إيه، وعمره ما هيبقى بـ 50. ادي أنا الدولار أهو بقى له سنتين ماشي في الـ 50 وانت طالع، وعادي. يعني ما حدش في الإعلاميين ولا حد في الناس عمل حفلة وحملة واتكلم عن مخاطر تعويم الجنيه. بل كلهم بيقولوا إنه حاجة كويسة للغاية، وصلح الاقتصاد.

ما حدش بيمسكهم ليه؟ من قوة المراجعة، النت فضلوا يرجعوا لورا لثلاث حلقات، أربع لثلاث سنين، أربع سنين. وطلعوا حلقة لضياء العوضي مع محمود سعد، وهنبقى نعمل حلقة مخصوصة على محمود سعد بكرة، وموقفه من ضياء العوضي، وهو سبب فصل ضياء العوضي من نقابة أصلاً.

بداية الموضوع، اتصل به الأمين بتاع المجلس بتاع المجلس الأعلى للإعلام، قال له يا محمود، يا تشيل الحلقة بتاع ضياء العوضي وتحذفها من النت، يا شغلك، يا تسيب شغلك. كلام كده. قال له حاضر يا فندم. راح حذف الحلقة وطلع للناس قال لهم: أنا فلان الفلان، اتصل بيا، وأنا بصراحة ما قدرتش أقول له حاجة، والحلقة تم حذفها.

أنا نفسي أفهم عقلية واحد، حلقة بقى لها ثلاث سنين على النت، شافها 5 مليون واحد ولا 4 مليون. فكرة إنه يروح يحذفها بعد ثلاث سنين من وجودها، هل تعد صائبة؟ ولا ده ما بيفكرش بدماغه؟ قعدت ثلاث سنين قدام الناس، عملت 5 مليون مشاهدة. اللي عايز يقطع منها حاجة قطع، واللي عايز يجتزئ اجتزأ، اللي عايز يهاجم هاجم، هاجم، واللي عايز يدافع دافع، واللي عايز يحب حب، واللي عايز يكره كده. بس شوف الفرز اللي بيحصل النهارده على ضياء العوضي. في يوم واحد جابوا حلقات لورا من ثلاث سنين عشان تتشال. واللي بيتصل أمين المجلس الأعلى للإعلام في مصر بأصحاب المنصات عشان يقفلوا الحلقات. ده إيه ده؟ ليه؟ فيها كلام بيقتل الناس؟ فيها معلومات للقتل؟

على فكرة، المجلس الأعلى للإعلام هو نفسه اللي منع الكلام عن سد النهضة والمياه. المصريين هنعطش بسببها. يعني لو موضوع العوضي بيقتل الناس، طب ما موضوع سد النهضة بيقتل الناس برضه. مش ده في حق للمصريين فيه؟ ليه الموقف متلخبط؟ وحالة الخوف هي حقيقية بالمناسبة، وتم إشاعة الخوف بنجاح. ومحاولات إن كل الإعلاميين، لمؤاخذة، اللي مش يمين، طالعين عاملين هذه الحملة بناءً على توجيه برضه، على إنهم يبانوا في صالح الناس، بقت جميعها بالفشل. ما حدش مصدقهم. ما حدش مصدق إن همهم مصلحة الناس.

يعني لدرجة الأستاذ أحمد موسى يقول لك إيه: "أنا بطالب بمحاسبة كل مذيع استضاف ضياء العوضي". ماشي. هو في حد يقدر يستضيف حد بدون إذن؟ ده في قايمة، في قايمة بتتوزع. المجلس الأعلى للإعلام الشهر ده، شهر ده، هيطلع تقرير بأسماء من يظهرون ومن لا يظهرون في الطب، وبعد شوية في الهندسة، وفي العلوم، وفي البتاع. خلاص كده. تم تأميم أكتر من التأميم كمان.

احنا عملنا حلقة الساعة 8 ولا 9 مساءً مع حضراتكم، نص ساعة مختصرة عشان نبحث، وقلت لكم هكلم الجماعة في ميتا عشان أشوف إيه اللي مسموح بيه ومش مسموح بيه. المجلس الأعلى للإعلام خاطب رسمياً منصة الفيسبوك ميتا بمراجعة أي شيء يخص ضياء العوضي، وباسمه، وباسم منظمة الصحة، وباسم كذا حاجة. فدلوقتي أي كلام في داخل نظام الطيبات، تاكل إيه وما تاكلش إيه، خاصة حصة حصة الأدوية منه. الكلام بتاع الأدوية هيعرض صفحتنا للمشكلة. فاحنا هنتجنب ذلك. وأنا أصلاً مش بتاع دواء، فما بعرفش أتكلم في الموضوع.

لكن في النهاية، في النهاية، اللي أنت عملته مع الناس بغير قناعة ولا فكر، بل بالأمن والمنع والبتر والحجب والاتصالات السريعة في توجيه: "قفلوا، اقفلوا، الغوا، ما حدش يتكلم، ما حدش يقول". عمل زحف جماهيري رهيب على الحلقات بتاعة ضياء العوضي، وهيخلي اللي ما تابعش البرنامج يتابعه، واللي ما شافهوش يشوفه، واللي ما طبقهوش يطبقه. وأنت بقى إن شاء الله تكون مبسوط من كده.

صدى البلد في العادي لا تتوافق مع إم بي سي. النهارده كان يوم التوافق على جثة ضياء العوضي. هقرأ لكم حاجة عناوين بس، يعني عناوين مثلاً. شوف فتنة الطيبات. أطباء يحذرون المرضى من الاستجابة لدعوة ضياء العوضي. هو مات أصلاً. ما بيدعو ولا بيعمل بالتوقف عن تناول الدواء. ما حدش يقدر يقول ما تاخدش دواء أو خد دواء إلا طبيب مختص. أنا مش مع، ماليش دعوة بالحكاية دي. أحمد موسى يطالب بمحاسبة من استضاف ضياء العوضي. ده مش طب، ده ماتش كورة. عمرو دياب اللي عمله ضياء العوضي جريمة. ما ينفعش توقف أدوية السكر والضغط والسرطان، لأن كله جاي في سياق الأدوية. الأعلى للإعلام يلزم وسائل الإعلام كلها بعدم نشر أي محتوى. نقابة للضيق العوضي. نقابة الأطباء تكشف مخاطر نظام الطيبات.

بصوا بقى صدى البلد العنوان ده: "ارتياح في الأوساط الطبية بعد منع نشر أو حجب كل فيديوهات ضياء العوضي". ارتياح؟ التنفسوا الصعداء. تمام. كلام كويس خالص. وحصل ارتياح من إيه كمان؟ من إيه كمان؟ الدواء السنة اللي فاتت، الأدوية المزمنة زادت 300%. ده عمل لكم ارتياح؟ يعني مرضى الأدوية، الأمراض المزمنة فرض عليهم يا عيني زيادة 300% في الدواء. كان فين الإعلاميين دول؟ ولا دول؟ ولا دي الزيادة؟ بيجيبوها منين؟ الغلابة يجيبوها منين؟ ما حسبتوش المسألة دي إزاي؟

النهارده إحنا في شهر خمسة، يوم من أبريل، من يناير، عندنا ثلاث زيادات لحد دلوقتي. ثلاث زيادات في الدواء. ولا واحدة منها تم التوافق عليها مع الحكومة أو رسمي أو مع وزارة الصحة أو مع هيئة الدواء. ولا مرة. كلها زيادات بالمزاج. والصيدلية اللي على البث يقولوا دي نماذج حية دلوقتي. ده ما كانش ضد الناس اللي بتاخد الدوا. ساعد الناس تاخد الدوا. خلي الدوا في أي في مقدورهم. وبعدين المجلس الأعلى للإعلام يقول لك: "منع نشر أو إعادة نشر أي شيء لضياء العوضي". مسموع، مقروء، مرئي. ده بتر، ما يخفيه من على وش الأرض. تمام.

قول لي بقى حالة واحدة لحد تم محاولة منعه ونجحت في أي سنة من السنين؟ أي شخص؟ أي واحد؟ أنا مش بتأنى في الطرح، لكن بشوف لسه إزاي ندخل داخلة ما تعورناش، وفي نفس الوقت، لأن أنت تاخد نموذج مثلاً. المحامي بتاع ضياء العوضي، قبضوا عليه. طلعوا عليه ماضي شيكات، ثلاث شيكات بدون رصيد. وبعدين أفرج عنه من ساعتين ثلاثة ولا الليلة دي. طلع إنه عشان مكالمة عمرو دياب. محامي ضياء العوضي طلع في المداخلة مع عمرو دياب أول امبارح. صبح الصبح قبضوا عليه. قال له عشان القضية فيها حظر نشر، وأنت عارف ونشرت وقلت تصريحات. ما حدش قال إن في حظر نشر. وبعدين دلوقتي كده أنت بتقول إن في حظر نشر جاي من النائب العام. فجأة طلع تقريرك الأول بتاع الطب الشرعي، وبعدين يبقى اعمل حظر نشر. فمحامي نفسه بعد ما قال إن زوج ضياء العوضي قالت الجثة المدفونة دي مش جوزي، وشوفوا لنا ضياء فين. اتقبض عليه. أنت تخيل إن أنت النهارده عندك قضية حياً أو ميتاً. عندك محامي. محاميك اتقبض عليه وخرج بكفالة 5000 جنيه. تفتكر هيصرح بحاجة تاني؟ عرفت إن أنا آخر بس قلت له أنا مقدر جداً، أنا مقدر جداً إنك بتتكلم بالطريقة دي، وعمال يشكر في النيابة، ويشكر في النائب، ويشكر في المحقق، ويشكر في. والشكر ما نفعوش. قبض عليه. قعد يوم بليلة ولا يوم بنص ليلة. خرج بكفالة 5000. ولو ما فتحش بقه نهائياً يبقى معذور. عرفت ليه برضه ماسافرش دبي قبل الجثة ما تنزل؟ مين اللي منعه؟ خلاه ما يعرفش يسافر؟ عرفت ليه طلع بيان رسمي أول يوم على طول بعد الخارجية يشكر الخارجية المصرية والداخلية، رغم الداخلية لسه ما كانتش جت؟ ويشكر كل الناس اللي فوق واللي تحت واللي في الجيران. شكر ونشكر الدولة المتعاونة والجمال. عرفت ليه طلع البيان ده؟ شفت أنت ماشية إزاي؟ اضغط، اضغط، اضغط. اقلب، اقلب، اقلب.

في النهاية، لازال السؤال الأساسي: فين جوز ضياء العوضي؟ مش عايز تجاوب خلاص. هو مات إزاي؟ قولوا للناس مات إزاي. مسلطين النهارده كل القنوات التلفزيونية بلا استثناء، حتى قناة الطبخ. قناة الطبخ الزرقاء بتناقش ضياء العوضي في الماكولات. فالشيف يجيب ودي فيها إيه؟ دي ما هي حلوة أهي، وبتتأكل أهي، وراحوا ياكلها على الهواء. فده ما ما نفس البتاعة دي لو حطيتها قدام خروف هياكلها برضه على الهواء عادي، مش هيحصل له حاجة. بس هو الفكرة بيقول لك: "ده لو حطيت زلال البيض للفار يجي له جيوب أنفية". أنت بقى قول: "لا، الدراسة العلمية الفلانية قالت إن إحنا لو حطينا زلال البيض للفار يطلع كويس، ما يجيلوش جيوب أنفية". واجه الفكرة بفكرة، النظرية بنظرية، المقال بمقال، الكلام بكلام كده.

لكن ما تحجبش الكلام اللي قدامك عشان هو مش عاجبك أو بيموت الناس. لأن ما فيش حد هيجري على حاجة تموته. ما فيش حاجة حد هيجري على حاجة تموته. ما حدش عايز يموت نفسه. وبعدين طالما الدولة تقدر تتحرك والإعلام يقدر يتحرك على قدم وساق وبسرعة كده في موضوع ده العوضي ده، حياة الناس عطلانة في مواضيع تانية كتير قوي قوي ما بتتحركوش فيها ليه نفس السرعة؟ إقالة إقالة شهر أبريل في أربع مستشفيات أمراض عقلية خرجت المرضى اللي فيها على الطرق. فتحوا لهم الأبواب وسابوهم يمشوا عشان ما فيش تمويل. ما كلمتوش عليهم ليه؟ خرجوا على الطرق يوقفوا أي عربيات ماشية. خدنا معاك، أخدك معاك. هو مش عارف رايح فين ولا جاي منين. إيه اللي مخرجه؟ متعذبين، واللي محروق، واللي مضروب، واللي مقطوع. ما حدش ليه يتكلم في الإعلام ده كله على الموضوع ده. والحكومة ما لمّتهمش ليه؟ أني من الشوارع؟ ما تكلمتوش ليه على المخدرات اللي مالية الشوارع؟ والبنت حشيش اللي مالية الحشيش الطبيعي والصناعي، البانجو. مش محتاج أذكره. ده ده كده هيبقى خلاص عادي. السلاح ما تكلمتوش عليه ليه؟ الدعارة ما بتتكلموش عليها ليه؟ تجارة الأعضاء ما بتتكلموش عليها ليه؟

طالما أنتم قادرين على حشد كل الإعلام في ليلة واحدة على واحد مات، لا خلوه الموضوع قضية ينتج عنها تحرك الداخلية مثلاً لمواجهة كل اللي بيتاجروا في المخدرات في البلد وبيستهدفوا شبابنا في المدارس والجامعات، زي ما دي كده نتج عنها تحرك وزارة ومجلس إعلام وجهاز اتصالات عشان يفتشوا في الفيسبوك يشوفوا مين مشير ومين كاتب كلمتين ومين بتقول إنها اتعالجت على نظام ضياء العوضي فهاتوها وهاتوه واقفله. قال لك هنلم الروابط ونبلغ ونعمل. طب ما أنتوا شطار. ما بتحاربوش الفساد ليه؟ ما بتحاربوش الفساد ليه في البلد؟ ما عملتوش كده ليه؟ ده أنتم من أسبوعين ثلاثة في واحد اسمه محمد الخشن، اسمه ده حوت الأسمدة في مصر، أكبر متعثر في تاريخ جمهورية مصر العربية أو في تاريخ القطاع المصرفي. سلف من 30 بنك فلوس. ما عملتوش عليه ده. ضياء العوضي ما خدش 40 مليار من البنوك. بل إنه قعدتوا معاه وزعمتوه، عملتوا منه زعيم وخادم للوطن واتصالحتوا معاه. ولأول مرة في تاريخ البنك المركزي المصري يطلع تقرير وبيان عن حالة تعثر ويجدول له ويصالحه. هو اللي يسعى لأن هو حط إيه؟ فلوس الناس عنده. ضياء العوضي ما خدش 40 مليار بتوع حد خالص.

بلاش من أسبوعين. عمرو ده نفسه جاب طلعة مصطفى في الحلقة ليلة اليوم اللي أعلنوا فيه الصبح على مشروع ذا سبين، ذا سبين. ده هيعمل 165 برج وفنادق وبتاع وشوية حاجات اتكلمنا عنها كذا مرة. البنك الأهلي هيخش بفلوسه المصرية بـ 24%. أصلاً هشام طلعة مصطفى إن أنتم بتنجموه وبقالكم زمن. ده قاتل يعني. المحاكم المصرية أقرت إنه قاتل مع سبق الإصرار والترصد واتحبس يقضي عقوبة. بعد ما القذافي تدخل والحكومة العراقية والأطراف اللبنانية، مبارك زهق راح حبسه وداه للمحكمة. المحكمة حبسته. جه الرئيس السيسي طلعه وبتعظموا فيه وتمجدوه وتزعموه وحاطين الاقتصاد المصري كله في إيده. ضياء العوض لا حطينا له في إيده ولا في جيبه ما حطلوش حاجة ولا كان قاتل. يعني إيه؟ إيه الدولة الجميلة دي اللي أنتم بتجيبوهم تقعدوا معاهم دول؟ ما هم كده. اللي استضفتوه من ثلاث أيام ده أيام مبارك. اللجنة المحكمة اتهمته بأنه حرامي وثبتوا عليه الحكم واتصالح. يعني فاسد، حرامي، لص. فمستضيفه على إنه رائد في حل مشاكل الاقتصاد والبتاع. ماشي، ماشي. فلا عارفين تحاربوا اللي بيسرقوا فلوس البلد، ولا عارفين تحاربوا المخدرات، ولا السلاح، ولا حتى الأدوية المغشوشة، ولا أدوية السوق السوداء. ده وفي النهاية بتتجمعوا على جثة واحد مات. مش عايزين تقولوا مات إزاي؟ ولا فين؟ ولا إمتى؟ ثلاث أسئلة. ولما أنت تهد المحامي بتاعه عشان بيشوفونا أشقاء كتير من دول عربية، تخوفه يعني؟ تجيبه تحبسه وتشده وتملص له ودانه. خلاص ما هو كده مش هيقول ولا كلمة تاني. مش هيتكلم خلاص. وزمان يا ويل مراته دلوقتي بعد ما قالت الجثة مش جثتنا. يا ترى إيه اللي هتعمل فيها؟ وهددته؟ تخيل أنت ده من أكبر تهديد يتعرض له الشعب المصري. فكرة إنه اللي هيكتب، اللي هيشير، اللي هي نشر مكروء أو مسموع أو مرئي لضياء العوضي مش هنسيبه. يا نهار أبيض. وتاني يوم المجلس الأعلى للإعلام طلع بيان 30 40 سطر. والاستضافات. نقيب الأطباء. قول أنت نقيب الأطباء مش عارف تدبر مرتب كويس للأطباء في مصر بقى لك ست سنين. وآخر جمعية عمومية لغيتوها عشان الأمن قال لك لو عملتها هيطلع فيك وهنعمل ونسوي. مش تفتح بقك؟ أنت مش عارف تجيب بدل عدوى كويس للأطباء؟ ده أنت يا نقيب الأطباء، الأطباء في مصر أعلى معدل هجرة كان السنة اللي فاتت. يعني بيطفشوا ويسيبوا البلد في ظل وجودك أنت والمنظومة اللي خلقت هذا الظرف. مش تشوف شغلك الأول وبعدين تجري تصرح أو ما تشوفش ده ولا ده. يعني أما تبقى خيبان على عينك، خليك خيبان في الاثنين. إنما مش شايف شغلك نهائي وجاي في واحدة فيها هيصة رايح تهيص. قلت طب شوف بيان نقابة الأطباء ده إيه؟ لقيته مش بيان. ده هو الراجل عمال يطلع القناة دي للقناة دي للقناة دي للقناة دي. طب ما تقول لهم كده: "عندنا أزمة، أزمة أطباء، شوك بره في الشارع". مش هيخلوك تقول ولا كلمة. تقول لهم كده: "عندي عجز أطباء، أصل المرتبات ضعيفة والمش عارفين نوظف، وعندنا الشباب بتوع الامتياز مش عارفين ندخلهم، ولنا حقوق مش عارف إيه". قول عايز حق كده في أي حاجة هتتشد مكان مصطفى مجدي المحامي كده. تقعد لك ليلة بيوم وبعدين يبقى يشوف هيسيبوك إمتى. مش هتشوف الأول اللي وراك. نقيب الأطباء ممثل الأطباء كلهم في البلد عمال طالع نازل. اللي قاله ضياء، اللي قاله ضياء مات ومش هيقول تاني خلاص. اللي قاله ضياء ده كلام غلط. كلمتين صح والباقي غلط. مش عارف عمل إيه. وبعدين خلاص. مش طلعت قلت الكلمتين في قناة امبارح؟ النهارده طالع على خمس ست قنوات ليه؟ تنزل من دي تطلع على دي. هو إيه أوردر؟ يعني لو أوردر أكل وطلبنا وكلنا وجيب واحد تاني جايب أكل وقاعد جنبنا، ما خلاص هناكلنا مرة خلاص. لو سرشت النهارده حالا أو دلوقتي ضياء العوضي، إحنا دلوقتي الساعة 7 صباحاً بتوقيت مصر. لو عملت سيرش آخر 12 ساعة، شوف كم الزخم اللي على ضياء. خلاص. اعمل سيرش بقى على أي حاجة مهمة في الحياة المصرية. مش هتلاقي حاجة. مش هتلاقي حاجة. جميعهم سخروا ساعات الهواء لخدمة القضية. ضياء على ضياء العوضي، وكأنه عايش، مش كأنه مات. وفي شكوك حوالين موته وجثته والبلد اللي راح مات فيها أو رجع منها جثة. والإجراءات اللي جاية بدون ورق وبدون كلام. الراجل قال لك: "أنا شاكك في طبيعة الوفاة". واحد قبل ما يموت عمال يقول: "Game over". ولو لقيتوني مت يبقى أنا اتقتلت ما انتحرتش. ولو عمل يعني الراجل سايب شوية مقدمات وزيادات أهو. هناك رايح جاي عايش أحلى عيشة مع الفراخ بتاعته. عايز رواية التسميم عليها دلائل وعملناها مع حضراتكم هنا في بثات سابقة. عايز رواية القتل عملناها برضه مع حضراتكم هنا في بثات سابقة. عايز رواية إنه اتسجن وراح اسأل طارق وغيره، خدوه إزاي من الأوتيل والشرطة إيه اللي دخلها تاخد واحد مصري موجود في الأوتيل تاخده ليه وترجعه تاني ليه؟ ولا ما رجعش؟ ولا إيه اللي حصل عليه دلائل؟ أنت اللي مش عارف تقدم ولا دليل واحد. ما استضفتش ليه رئيس الطب الشرعي؟ كلمنا شاف إيه في الجثمان بتاع ضياء العوضي؟ وأنتم ما استضفتوش ليه واحد من المحققين؟ يقول: "ما يسمح به التحقيقات". ما ما اتصلتوش ليه بواحد من مكتب النائب العام؟ يقول: "متى سيخرج تقرير الطب الشرعي؟" وإيه رأيهم؟ هل مطابق تقرير الإمارات مع التقرير اللي حصل؟ هل ولو فات طبيعية ولا ما أحيتوش للموضوع بتاع حق مواطن مصري مات في الخليج أو في دولة خليجية زي الإمارات؟ ما أحيتوش ليه؟ مش له حق؟ أشمعنى بتحيوا القضية اللي عليه وبتمسحوا وجوده من على وش الأرض؟ في حتة فيديو ولا مقطع ولا رزق؟ وأنا أقول لك أهو: عمركم ما هتقدروا. شوف أنا أول ما محمود سعد جه بيقول لي: "خلاص أنا هحذف الحلقة". الشيطان وزني، أخد الحلقة أحط عليها حقوق وأروح رافعها وقافلها. بس على إيه يعني؟ هل هل هو إيه الكلام اللي قاله فيها أصلاً؟ الدكتور العوضي الله يرحمه، هو قال إيه فيها؟ بيتكلم على شوية أكل. يعني مع أي حد يتكلم على الأكل. يعني دي ما فيهاش أي حاجة. وبعدين عمرو دياب نفسه استضاف واحدة من ست شهور تتكلم على الهرمونات الجنسية. يعني نفس البرنامج ده، نفس المذيع ده جاب واحدة تتكلم عن إنه الإنسان منا يروح يطلب الهرمون يديه يبقى زي الحصان. ستات ورجالة بيروج لهرمون. قال لك العلاج بالهرمون والمنشطات. لا النقابة قالت حاجة، ولا المجلس الأعلى للإعلام قال حاجة. وبالمناسبة، المجلس الأعلى للإعلام النهارده أما اتزنق قال له: "هو أنت ينفع تطلع بيان وبتاع؟" قال له: "والله وزارة الصحة هي اللي خطبتني". عايز أكلمه اللي عايز يتكلم يروح لوزارة الصحة. وزارة الصحة دي نفسها مش قادرة ترفع أجور العاملين فيها بقى لها ثلاث سنين بما يرضي الله ويرضي الظروف ويناسب الظروف الاقتصادية اللي حصل في البلد. مش عارف ياكل الناس أصلاً. يعني تخيل أنت طبيب مش عارف يعيش. يعني زمان يقول لك إيه: "فلان ده بيمنع عن نفسه اللقمة عشان عياله يطلعوا دكاترة". يطلعوا دكاترة. بقول لك ده فلان عنده دكتور. الدكتور ده بقى مش عارف ياكل، مش عارف يشرب، مش عارف يقبض مرتب كويس. يعني وزارة مش عارفة تصرف على عيالها اللي هم متكلفين جداً. راح مكلم نفسه على الإعلام يمنع الظهور. طب يا أخويا اظهر أنت قول الحقائق. اظهر أنت قول لنا عندك إيه وفيك إيه. شوف أنا هوري حضرتك العلاج الهرموني إزاي تاخد العلاج الهرموني في حلقة مع عمرو دياب. أنا بالنسبة لي لا كنت أعرف حاجة اسمها علاج هرموني ولا علاج جيني ولا إزاي جرعاته وإزاي بيرجع لك شبابك وشبابك. يعني هو عمرو جاب جاب واحدة على الهواء تشرح الكلام ده في نظام. هو أصل هو يمكن الـ ID Plus ده يعني أقراص أو ممكن بيتحقن. إنما الهرمون ده ليه نظام يعني عشان بس ما حدش يروح يقول: "أنا عايز أديني الهرمون وحقني". بيبقى الدورية بتاعته كل قد إيه؟ >> مين اللي الحلقة دي من ست شهور؟ مين اللي من ست شهور بيروج لنظام الهرمون؟ بقى الناس بتحارب الهرمون في الدنيا كلها وجاء ضياء العوضي يحارب الهرمون. ما حدش ياخد هرمون ولا تاكل نبات واخد هرمون ولا فرخة محقونة مش عارف إيه. كلام من ده. يعني أنت نفسك اهو في البرنامج بتروج لنظام الهرمون. هو بقى عامل نظام مسميه الطيبات ضد الهرمون. فزي زي ما أنت بتستضيف ده، كنت تستضيف ده. زي ما الناس بتسمع ده، تسمع ده. ليه بقى الداخلية ما قامتش تقبض على الناس اللي بيكتبوا عن نظام الهرمون؟ يعني لو أنت عادل ما تبص على نظام الهرمون. بص بقى واحدة ملهاش جمهور ولا نفر واحد حتى. >> بنتحقن كل قد إيه؟ >> يلا. >> حسب طبعاً الدوا نفسه. في حاجات بتتاخد كل أسبوع، في حاجات كل 10 أيام، في حاجات بتتقسم على يومين على قصدي على مرتين في الأسبوع. عشان كده زي ما أقول لحضرتك هو لازم يتاخد تحت إشراف طبي. ما ينفعش حد ياخده مع نفسه. لأن بيختلف نوع التستسترون نفسه من نوع للثاني. بيتاخد كل >> هيديك هرمون التستسترون أو التستوستيرون ده الهرمون بتاع العملية الجنسية. قالت لك ممكن نحقنك بقى مرتين في الأسبوع أو على مرتين يومين أو كل أسبوع مرة. لكن إحنا هنحقنك. يعني مش عايز أبسط حمادة وميادة. عندنا الهرمون بس ده ما بيتاخدش إلا تحت إشراف طبيب. فهتبقى أسير للطبيب عشان تتبسط يا حمادة وعشان تتبسط ميادة. خلاص كده شكراً. ادعي للشركة بقى اللي إيه هتشتغل في الهرمون. سلسلة الأطباء اللي هيشتغلوا في الهرمون. وكتر لنا بقى من الجماعة اللي محتاجين ياخدوا هرمون دول. الزباين دول اللي هيدفعوا الفلوس. جالهم بقى ضياء العوضي يقول له: "ولا هرمون ولا بتاع ولا الكلام من ده غلط". علاج مش عارف إيه موجود في الـ... وحاجات من الطبيعة ومقدور عليها. وإزاي بقى؟ قال لك ده ضد العلم. يعني أنت هو اللي مع العلم جايب الهرمون وجاي. فأنت مع العلم والتاني ضد الهرمون. فانت فبعت نظرية تعبانة. هات هو يثبتها. مش بتوع هرمونات ولا بتوع خضار عشان كنا نثبت لك دي أو عكسها. بس أنتوا حجبتوا الصوت ده. بل إن الراجل بعد ما مات بتحجبوه. ونفس البرنامج بيروج. سبحان الله. أول كلمة بقولها في الحلقة إيه؟ "نظام الهرمونات". فبيقول لها: "قولي لي أنت كل قد إيه تحقنيني؟" هو بيسأل السؤال كده. نظام الحقن ده مش حقن لعلاج السكر زي ما كان بيجعر امبارح ولا لنظام ولا للسرطان. ده للهرمون. يعني هرمون السعادة عشان الناس تنتشي تتبسط. اسمع حتة بس. نفس البرنامج اهو. كم مرة والجرعة بتختلف؟ >> لا، اللوكس يعني التستسترون اللوكس، النوع المحترم ده بيتاخد كل قد إيه؟ >> مرة من أسبوع لعشر أيام. لو هيتاخد كل 10 أيام يعني ثلاث مرات في الشهر. >> بالضبط. وفي رجال مش بتحب طبعاً تحقن نفسها. ففي أنواع منه بتتاخد عن طريق الدهن على الجلد اللي هو الترانسيرم. يعني بدهنه كده على الجلد. وده بتاع الجلد ده موجود. >> موجود. >> ده سهل ده. >> سهل ولطيف جداً. و >> بس أنت اشتري بقى. يعني عايز تتحقن هرمون التستسترون؟ نحقنه. عايز تدهن؟ ندهن لك براحتك. بس أنت المهم تاخد مننا. يعني مش أنت هت هتدي لازم تاخد وهتدفع. حلو قوي كده. أنت بتعمر اقتصاد البلد. إنما ضياء ما يقول لهم: "ما تاخدوش الهرمون ده بقى بيخرب". قال له: "ده اقتصاد مصر". اقتصاد مصر هو محتاج لسه. أنا بس بقول لك شوية الهزليات دي. ما إحنا على مدار اليوم، حلقة محمود سعد لوحدها قصة ورواية. وإزاي ملابسات الحذف الحلقة، وإن محمود يحذفها دي قناته الخاصة. هم كلموه بالتي هي أحسن. بس هي مش أحسن. مش هي التي أحسن. راح حذف الحلقة فوراً. إن كان اللي بيتكلم المستمع عاقل ولا كانوا بيقولوا مين اللي مجنون؟ اللي بيتكلم مجنون يبقى المستمع عاقل. فاللي بيسمعه ده يا عم قول له دي حلقة بقى لها ثلاث سنين. ده مش ده كان أيامها لسه ضياء العوضي ما طلعش في المستوى العالي جداً بتاع التحشي ده. إن الناس لمّت عليه بشكل كبير زي الشهرين ثلاثة اللي فاتوا مثلاً. كان لسه من سنتين ثلاثة يعني ده يعتبر ربع اللي وصل له جماهيرياً حتى أو قياساً بنسب هو وصفها إنها نسب نجاح للبرنامج. فاللي شاف شاف واللي علق علق وخلاص انتهى الموضوع. فاقول له يا فندم ده كلام غلط. روح شوف الحاجات اللي اتنشرت آخر شهر، آخر شهرين. ثم هو أنا حاسس في الحلقة هيفيد بإيه في الدنيا؟ أصل فيها معلومات مغلوطة. يا عم الريس نفسه بيقول معلومات مغلوطة تقريباً بمعدل نص الكلام اللي بيقوله. وبيبقى يوم مبارك يوم ما يخطب ويسيب الورقة. إحنا بنعمل هنا أحلى بثات بالأرقام لتصحيح الأخطاء. عادي. معلومات مغلوطة. فتعمل إيه بقى؟ هي ظروفها ماشية كده. ده لو معلومات مغلوطة فعلاً. ده لو معلومات مغلوطة فعلاً. فتجري محمود يحذف الحلقة. فدي هتبقى حلقة النهارده بعنوان: "محمود سعد أبو حطب". لأن في ناس كتير قالت له: "حذف الحلقة". أصلاً وهي استوفت المطلوب منها. الحلقة دي... الحلقة نفسها من اليوتيوب فقط مش أقل من 4000 دولار مثلاً دخله لمحمود سعد من الحلقة دي فقط. من الحلقة المقاطع بقى والريلز والفيلز والكلام ده كله والشورتس والكلام ده لسه هيبقى في حاجات تانية. استوفت كل حاجة. وآخر أربعة أيام قبل الحذف كل يوم بتعمل 100 ألف جديدة. 100 ألف جديدة. عندي صور على الإثباتات على كده. بكرة هوريها لكم في الحلقة بتاعة محمود سعد. طيب أنت كده معناها تقفل له قناة اليوتيوب بتاعته. ماشي. وبعدين لقيت الناس لسه ماشية على الموضوع. هتعمل إيه؟ إيه المتبقي؟ طب فكر إنك تقدر تمنع حاجة ما بتتمنعش. وبعدين نفسي أفهم مين اللي قرر يحبس محامي يا العوضي فجأة؟ ثم في طرف عاقل قرر يفرج عنه. يعني مين اللي قرر فجأة ويطلع عليه إشاعات ثلاث شيكات وبتاع؟ أصل هو جنه برجليه الاسم فاستعلام أمني لقيناه عليه ثلاث شيكات. يا ابني ده كان واقف مع الطب الشرعي امبارح وبايت عندكم في النيابة مع المحققين بقى له ثلاث أيام. فجأة طلع عليه شيكات. قال لك لا، طلع مع الشكات ده كان عشان خالف قرار حظر النشر. طب هو اتنشر فين قرار حظر النشر ده يا سعادة النائب؟ يعني أنت عامل حظر نشر في قضية؟ نشرته فين؟ صفحة النيابة ما عليهاش حاجة. قلبت فيها لما عيني وجعتني. ما عليهاش حاجة. طلع فين حظر النشر ده؟ يعني أنت قايل له ما تطلعش تعمل تصريح إعلامي وهو طلع؟ لا. ولو أنت عملت حظر النشر بعد ما هو عمل مداخلة مع عمرو دياب يبقى هو ما خالفش. طب افرض إنه خالف؟ تحبسه يعني؟ كل مخالف في مصر محبوسش هتلاقي ولا واحد في الشارع. وطبعاً قصقصت له ديله. والصور بقى المنشورة مع الخبر إيه؟ صور مجرم حرب. هنلتقي النهارده أكتر من مرة إن شاء الله باذن الله. بس امسك الموضوع. هندخل فيه منين بما لا يفقدنا... المنصات بتاعتنا ونفلت إزاي من الخناق الشديد اللي هم عاملينه؟ خناق شديد جداً هم عاملينه. والرباطية جاية بسبب إنه ميتا نفسه المركز الإقليمي بتاعه في الإمارات وطلع لدبي. طلع في دبي برضه مكتب اليوتيوب. فهم متواصلين بشكل رهيب. فلذلك مصادر القوة اللي هنا اللي عندهم حالاً هم هيقدروا يوصلوا لفكرة إنه يحذفوا الفيديوهات ويقفلوا. مش إيه؟ على الأقل على القنوات الكبيرة. وبيخدموا على بعض. يعني الإمارات ما بتخدمش مصر. لكن ده هو ميتا أصلاً في الإمارات. فده حتة مهمة إن هم يحصلوا عليها. إن هم يحصلوا عليها. فالجميل الجميل دي دي جمايل دول وأنظمة. مش عايزين نروح في الرجلين. عندي كلام كتير بس مش عارف أقوله إزاي ولا هيطلع بيه إزاي. إحنا فـ يعني أنتم دلوقتي الساعة 7:30 بتوقيت مصر. إن شاء الله باذن الله على ممكن الساعة 6:00، 7:00، 6 آخر النهار هيبقى عندنا بث مباشر. وهنعتمد من نظام بقى بث مباشر خاطف مالوش موعد. مش هنبقى قايلين موعد. ده آخر اللي بتاع ستة ده أو آخر مرة أقول موعد يخلص نحذفه على طول. بحيث إحنا نقول اللي إحنا عايزينه. أنتم دول تسمعوه. على ما يجوا يبلغوا عليه يكون إحنا خالصين خلاص. ما يلاقوهوش يعني. هحاول أعمل كده. وأنا بكتب أفكاري بخصوص إزاي نعمل مدخل للنقاش، فقلت ما أقولش ضياء العوضي. قلت طب ما يبقى عملت اللي هم عايزينه. يعني على الأقل ما أقولش ما نقولش اسم الراجل. هقول اسم ضياء العوضي وهكتب اسم ضياء العوضي. في هم بيقولوا إيه؟ "ما تنشرش مقاطع ضياء العوضي". أنا ما بنشرهاش ولا شيء مرئي له ولا مسموع ولا مقروء. ماشي. لما قال لك في قرار حظر نشر. نشر جنائي. يعني قرار طالع من النائب العام. ما لقيتهوش. انشروه كده يا جماعة القرار الحظر ده عشان لو في فعلاً قرار منشور يبقى إحنا ما نخالفهوش. إنما أنتم ما نشرتوهوش. فخلاص. آسفين. فهنتكلم عن ضياء العوضي على مدار النهارده والليلة اللي جاية. وهنسلخ جلد كل واحد يتكلم عن الموضوع من باب إخفاء الحقيقة. بعد وفاة ضياء العوضي ما شفناكمش ليه وهو صاحي؟ مش عشان هو كان هيعمل لهم حاجة. لا هو مش هيعمل حاجة. هو مش بلطجي. بس يعرف يرد. كان هيعرف يرد. نظامه بقى وفكرته. طب وبعدين بدل ما أنت بتحجب كل حاجته كان وهو حي. قول له والله من غير ما يموت بقى. كنتوا سبتوه يعيش لياليه. على الأقل منعتوه من زيارة دبي زي ما منعته المحامي بتاعه. وهاتوه واقفل قنواتك على اليوتيوب. إحنا قفلنا لك العيادة. روح بقى افتح لك أي مشروع سمكارة ولا بتاع وكل عيش على كده وخلاص. مش كان أريح؟ متحدث وزارة الصحة. متحدث وزارة الصحة عامل تقرير عن الموضوع. طب كلمني كده عن آخر تقرير يخص صحة المصريين أنت طلعته في أي جانب من الجوانب؟ على أي فيروس؟ على أي حاجة خالص؟ طب أي خدمة عريقة أو غير عريقة أو صغيرة قدمتوها للشعب المصري في القطاع الصحي آخر خمس سنين؟ خدمة واحدة. خدمة واحدة بس. شكراً. نلتقي إن شاء الله على مدار اليوم. مش هحط الإعلانات في قناة التليجرام. لكن ممكن نعمل إشارات كده بحيث إحنا الغرض إن اللجان ما تجيش. ما يلحقوش ياخدوا الرابط ويبلغوا عليه. لكن أوعدكم إن هتكمل في نفس الطريق وبكل وضوح. وهقول اسم ضياء عادي. مش أنا كنت أنا أقول اللي بالي بالك. لكن مش هنعمل الحكاية دي خلاص. هنكمل عادي جداً. هنفتح الحلقة بتاعة محمود سعد. هنتكلم على طريقة إزاي الحذف والاتصالات اللي تمت بيه. وإزاي كلفوا لجنة تقعد تتصل بالناس واحد واحد. الغي، اقفل، اعمل. والهجوم الإعلامي الكبير ده. وهنكمل في إطار المافياوات. عندي تقرير سعودي وتقرير عماني وتقرير ليبي. دول منعوا دخول المزروعات المصرية بلادهم السنة اللي فاتت. المحاصيل لأنها غير مطابقة للمواصفات الآدمية. يعني ما ينفعش البني آدم ياكل هذه المأكولات. وأكلوها للناس. ودي اللي بتجيب السرطانات. هو يقول لك إيه؟ ما ينفعش تخلي حد يوقف دوا السرطان. طب ما هو ما ينفعش برضه تاكلهم أكل يجيب لهم سرطان. ما استضفتش لنا قبل الفلاحين؟ طب استضفتهم؟ ما استضفتوش ليه؟ طبيب يقول لك إيه عن الفراولة ويقرأ التقرير بتاع السعودية عليها بتاع الحجر السعودي؟ ما جبتش حد ليه يقرأه؟ وأنت راجل سعودي أصلاً؟ ما جبتش ليه؟ أنا هجيب أنا بكرة إن شاء الله. شكراً يا حضرات. أتمنى لكم يوم سعيد. تروحوا ترجعوا بالسلامة من أشغالكم. وربنا يكفيكم شر الناس الواطية والغلسة والمبوظة اللي موجودين في الأشغال والمدراء العجر والمديرات. شكراً. صباحكم يومكم سعيد. الناس اللي بقى ليلهم نهار ونهارهم ليل. تصبحوا على خير. ألتقي إن شاء الله الساعة 6 ولا حاجة. الجزء من الناس اللي هو: "كفاية كده يا جماعة كلام على ضياء العوضي". من فضلك ارجع كلمنا على الاقتصاد. في فيديوهات صغيرة بتنزل على الاقتصاد. يعني أنا نفسي مقفولة كتير إن أقدر أتكلم على الاقتصاد بشكل في بث مباشر طويل وغيره. إحنا واصلين لنقطة مأساوية جداً في إنك تقول. فأنا بعمل فيديوهات قصيرة دي بناءً على القرارات الجديدة. هتلاقي قرار رفع الغاز الجديد بتاع الليلة اللي فاتت هعمل لكم حاجة عنه النهارده. والموبايلات برضه عملت لك حاجة عليها. هو النهارده حط 35% مش عارف إيه جمارك. حاول ألخص لكم شوية حاجات. فهتلاقوا فيديوهات قصيرة. خش خانة الفيديو هتلاقيه. تمام. شكراً. إلى اللقاء. السلام عليكم ورحمة الله وبركاته. في حفظ.