Transcription
ليه البنات بتحب الباد بوي؟ والفرق بين الباد بوي والصايع أو السرسجي؟ والفرق بين الجود بوي والباد بوي؟ قبل ما نخش في الإجابات، الأسئلة دي كلها في حاجة لازم ألفت نظرك لها في طبيعة البنات. أغلب البنات لو جيت تسألها كده بشكل مباشر عن مواصفات فتح أحلامها، هتلاقيها بتقول لك مواصفات كتير كلها بتتمحور إن هو يكون جود بوي مش باد بوي، اللي هو راجل مستقيم دغري، ما بيلفش ويدور، ما لوش تجارب كتير مع البنات.
وبيظهر تناقض البنت ده على طول أول ما يظهر الراجل بالمواصفات اللي هي قالت عليها بالظبط. شخص حرفياً ناقص له مرتبتين ويبقى من الصحابة، بجناحين ويبقى من الملائكة، حاجة كده ما توصفش. ساعتها بتقارن إن هي تمسكه بأخلاقه باحترام وبابا غنوج، وتحطه في الفريند زون وياخد اللقب الجميل زي "أخويا". وتلاقي الشخص اللي اتشدت له ولفت نظرها هو الباد بوي اللي ليه تجارب كتير وخبرات أكتر، وبيعرف يتعامل ومش لازم يوفي بكل وعوده، وبيبقى بارع في الهروب، يعرف يعلق البنت ويختفي ويظهر فجأة في الوقت اللي هو عايزه. تفتكر إيه السبب لحاجة زي دي؟ فكر في إجابة السؤال ده على مدار الفيديو. ولو لقيت إجابة يبقى سيبها لنا تحت في التعليقات بعد ما تخلص الفيديو. يلا بينا.
لازم تعرف إن في فرق جوهري ما بين الباد بوي اللي البنات بتحبه في كل دول العالم وكل البنات بتتمناه وبتحلم بيه إن هي تقرب منه ويبقى شريك حياتها، والصايع أو السرسجي اللي كل البنات بتعتبره ندل وبتنفر منه أو المفروض إنها تنفر منه. بس للأسف الصياعة والسرسجي ده عنده من الاستراتيجيات اللي بتخلي البنات تنخدع فيه وتفتكر إن هو باد بوي. ممكن ظاهرياً الاثنين يبانوا واحد، ولكن في فروق ما بينهم كتير جداً هتعرفها في الفيديو ده.
أولاً، مش كل باد بوي صايع أو لعبي، بس كل صايع أو لعبي أو سرسجي فيه جزء بسيط جواه كده، وده اللي البنات بتنخدع فيه. ثانياً، الباد بوي ما بيعملش أي مجهود علشان يلفت نظر البنت ويخليها تعجب بيه. الباد بوي بيعمل مجهود علشان يطور من نفسه ويزود ثقته ويبقى راضي بشكل كبير عن نفسه في المقام الأول، فده تلقائياً بيعجب البنات. بل بالعكس، البنات هي اللي بتعمل مجهود علشان تشد الباد بوي لها.
أما الصايع أو السرسجي، فالموضوع مختلف معاه تماماً. ده بيعمل مجهود وحوارات واشتغالات وأفلام، وبيُعشم بنات ويخلي بيهم، وبيستمع شخصية عكس شخصيته علشان يكذب بها البنات. وليلة كبيرة قوي سعادتك. ولكن الباد بوي ما بيستمعش أي شخصيات، هي دي شخصيته فعلاً. لو في نصيحة أقدر أقدمها لك كده في بداية الفيديو، هتبقى النصيحة اللي قال لك عليها أحمد مكي: "ما تحاولش تبقى أي حد تاني غير نفسك، دور في نفسك جوه نفسك".
هنا ما اتكسر مقلب سوري. نكمل الفيديو. بحكم إن هو جريء واجتماعي وذكي، وغالباً ناجح في شغله، بيكون محط أنظار كتير وبيكون كمان اتعرف واتكلم مع بنات كتير. مش شرط يكون دخل معاهم علاقات أو حصل ارتباط ما بينهم وما بين بعض خالص. هو بحكم إن هو اجتماعي ومتكلم كويس، بيكون في دايرة حياته وبنات كتير أصدقاء، معارف، زميلات، فبيبقى عارف إزاي يتعامل مع البنات. هو بيدور على سعادته الحقيقية، وكمان ممكن يكون الباد بوي ارتبط كتير وفركش. والفركشة دي مش شرط يكون بسبب إن هو كان بيتسلى بيهم، لا، ممكن يكون علشان هو شخص بيدور على المثالية دايماً.
وفي تفصيلة ممكن تبان في نظرك إن هي بسيطة، ولكن بالنسبة له لو مش موجودة في شريكة حياته، التفصيلة الصغيرة دي البسيطة بالنسبة لك، ممكن يفركش بسببها عادي. وارتباطات والكتير اللي ممكن تكون حصلت في حياته استفاد منها بشكل كبير، حسنت معرفته بالجنس اللطيف. والباد بوي عمره ما يرتبط باثنين مع بعض في نفس الوقت ويسيب دي ويروح لدي ويعلق دي ويروح للتانية، لا لا. هو ممكن يكون في صفات وحشة آه، بس الصفة دي مش موجودة فيه. وكمان ما بينكرش ماضيه ولا بيخبيه، عكس الصايع أو السرسجي.
الصايع هتلاقيه مرتبط كبشة بنات، مش بنت أو اتنين، وكل ده في نفس الوقت، وبيمثل عليهم الحب كلهم، وشايف إن هي دي الرجولة، هو ده الراجل الجامد من وجهة نظره. وهو كمان بينه وبين نفسه ما بيكونش عارف هو عايز إيه، لأنه مش مخصص وقت لنفسه يفهم هو عايز إيه ويطور من نفسه. هو مبسوط بالشخصية اللي هو اخترعها ومكمل بها حياته. صفة كمان موجودة في الباد بوي ومش موجودة في الصايع: الدبلوماسية. بيعرف يتكلم كويس قوي معاك وعنك وعن اللي قبلك. ولكن الصايع أو الندل أو السرسجي، أياً يكن بقى مسميه، هتلاقيه دايماً بيتكلم بشكل وحش عن البنات اللي قبلك، وبيتكلم وحش جداً على أغلبية البنات بشكل عام. وما تخافيش، أنتِ كمان هيجي عليك الدور وهيتقال عنك بشكل زبالة بعد لما تبقي خرجتي من حياته أو بعد ما تكشفيه في كتبه.
بطبيعته انتقائي بشكل كبير، مش أي بنت تعجبه. بياخد وقت وتقيل كده في نفسه. ودي صفة بالمناسبة بتعجب البنات جداً وبتشد لها، لأنها عارفة إن الباد بوي لو اختارها هي هتبقى أكيد فيها حاجة مميزة عن كل البنات اللي كانت قدامه. وما بييهم. أما الصايع أو السرسجي، بيشغل باله إزاي يوقع البنت دي ويسيبها، ويشد البنت دي وبعد كده يختفي، وإزاي يجرح البنت دي ويضايق البنت دي، وإزاي يثبت للبنت دي إنها ولا حاجة، وإزاي يثبت إنها مخلولة على الفاضي. حاجات كده كلها لها علاقة بمشاكل نفسية عنده هو.
فنقدار نلاحظ الفرق الجوهري إن الباد بوي يشغل نفسه بنفسه، أما الصايع أو السرسجي شغل باله بكل الناس ما عدا نفسه. والباد بوي غالباً بيكون ناجح في شغله وريدر، بيعرف يدير الناس اللي تحتيه، عارف يمشي الأمور إزاي، وعنده معارف كتير، بيعرف يتعامل مع كل الطبقات ومع كل الناس. لما بيروح مكان حتى بتلاقي الناس كلها عارفاه وبترحب بيه ومسيطر في المكان. وبيعرف كمان إزاي يكسر القواعد، وإمتى الوقت المناسب إنه يخاطر أو يعمل حاجات مجنونة، وإمتى ما ينفعش إن هو يكسر القواعد. البنت وهي معاه بتحس إن هي في أمان تام وبتحس إن هي مميزة جداً وإن كل البنات بتحسدها.
الباد بوي عادة بيبقى شكله حلو، لأنه بيبقى مهتم بنفسه بشكل كبير، بيبقى مخصص وقت لنفسه، ولأنه معتبر شكله ومظهره الخارجي ونجاحه جزء من أولوياته. وعلى العكس الصايع، حتى لو اهتم بنفسه، بيكون مهتم ومخصص وقت ده علشان يبهر الناس بيه، مش عشان هو. إذاً المواصفات دي كلها اكتشف إن الباد بوي في الحقيقة هو مش شخص سيء زي ما هو مشهور عنه. هو شخص ناجح، مهتم بنفسه، ومحترم، بيعرف يتعامل مع الناس، وبيعرف يتعامل مع الجنس اللطيف، وليه تجارب كتير، وده سبب حب البنات ليه.
إزاي أنت تعرف تكسب صفات الباد بوي؟ صفات الباد بوي من المنظور الكويس اللي إحنا اتعرفنا عليها دلوقتي. على الرغم من إن صفات الباد بوي بتبقى جزء كبير منها جينات متوارثة، إلا إن بعض الصفات نقدر نكتسبها زي اللي هقول لك عليها دلوقتي.
أولاً، خلي نفسك أولويتك. ده مش غرور ولا أنانية ولا إنك بتتخلى كده على الناس، لا، ولكن لازم تحط نفسك أولويتك في حياتك، لأنها حياتك أنت وأولوية في حياتك. مثلاً زي أكلك، تهتم بأكلك، وريادتك، وراحتك النفسية والجسدية، ومذاكرتك، وسعيك ورا النجاح، سواء بقى في الشغل أو في حياتك من حيث التعامل مع الناس. دي حياتك أنت، اهتم بيها وخلي نفسك في المقام الأول. من شر نفسك وخلي قيمتك عالية، ساعتها الناس كلها هتحترمك، لأن إزاي تطلب الاحترام من الناس وأنت مش شايف نفسك قيمتك عالية؟
ثاني حاجة، لازم تزود ثقتك بنفسك. خليك عارف إنك هتعيشها مرة، فابريش يجي عليك اليوم اللي تندم فيه على حاجات في الماضي. وادي نفسك فرصة إن أنت تعرف نفسك. اتعرف أكتر على مميزاتك وحاول إن أنت تطورها، واكتشف برضه عيوبك وحاول إن أنت تغيرها وتحسن من شخصيتك وتقويها، وتعرف تتعامل إزاي صح مع الناس. وأوعى تتخلى عن مبادئك. ما تغيرش أي حاجة في شخصيتك علشان حد غيرها، علشان نفسك وبس.
وأهم صفة لازم تشتغل عليها وتحاول تكتسبها، لأن الصفة دي من أكتر صفات اللي تقدر تلاحظها بسرعة وبوضوح في الباد بوي، وهي الرزانه. الرزانه، الهدوء، والحكمة. الباد بوي ما بيتعصبش على التفاهات وبيدي الأمور حجمها الحقيقي. بارع في فن الصمت. ما حدش بيعرف يستفزه بسهولة. وبالنسبة لفن الصمت، فكنا عملنا فيديو عنها قبل كده في القناة، تقدر ترجع تتفرج عليها. بتتكلم بنبرة صوتها دقيقة، وبياخد راحته في الكلام، بيتكلم ببطء وبهدوء وثقته بنفسه، وبتخلي الناس متحمسة إن هي تسمع له مش تقاطعه. لأنك لو بدأت تتكلم بهدوء وثقتك مهزوزة في نفسك، الناس هتبدأ إن هي ما تهتمش أنت بتقول إيه وتبدأ تقاطعك وتقول هي أي كلام تاني أو تغير الموضوع. فثقتك بنفسك مهمة جداً وتعتبر من أول حاجات اللي لازم تبدأ تطورها في شخصيتك. ما تبقاش مهزوز أبداً ولا متردد.
ولو دخلت علاقة عاطفية، لازم تبقى أنت المتحكم. وما أقصدش بالمتحكم طبعاً المفهوم الذكوري المتعفن، لا، أقصد بالمتحكم إن أنت تقود العلاقة، تاخد وضعك الطبيعي كرجل في العلاقة. وما تنساش إن أنت تهتم بالمظهر الخارجي. حاول إن أنت تحسن من شكلك على قد ما تقدر. ومن أول الحاجات اللي لازم تبدأ تشتغل عليها في المظهر الخارجي هو جسمك. حاول إن أنت تبدأ تتمرن وتحسن نظامك الغذائي وتهتم بروتينك اليومي وتاكل أكل صحي. واهتمام بمظهرك بشكل عام، لبسك بقى وشكلك، تسريحة شعرك، كل حاجة. ومهما الناس حاولت تقلل من المظهر الخارجي وتقول لك أهم الجوهر والكلام الجميل ده، ماشي، فعلاً الجوهر والشخصية مهمة، ولكن المظهر الخارجي هو المفتاح للدخول لشخصيتك وجوهرك. ما فيش بنت هتروح تقف مع شحات وتدي له فرصة إن هو يتعرف عليها. مظهرك المهندم وشكلك بيقول الكتير عنك، فزي ما الجوهر مهم، الشخصية مهمة، الشكل والمظهر الخارجي مهم برضه.
النصيحة اللي بعد كده، إن أنت تصنع يومك وحياتك. لازم يبقى عندك هوايات واهتمامات في يومك، عندك حياة فعلاً، عندك حاجات بتعملها وبتحاول تطور فيها. زي مثلاً لعبة رياضية، فن مثلاً بتمارسه وبتحاول إن أنت تطور مهاراتك فيه، حرفة بتحاول إن أنت تتعلمها. لازم يبقى عندك حاجات مهمة في حياتك علشان ما حدش يحس إن حياتك فاضية. هو ده بقى اللي بيفرق ما بين الباد بوي والبني آدم اللطيف زيادة عن اللزوم اللي هو الجود بوي. الجود بوي للأسف بيلغي كل حاجة في حياته وهدفه الوحيد إن هو يبقى مع الناس في الوقت اللي هم عايزينه وفي المكان اللي هم عايزينه، بايع لهم حياته بشكل مقزز وحرفياً ببلاش. كل ده علشان يسمع منهم كلام إيجابي زي "أنت حد جميل وخدوم وكريم" والكلام ده. وحياته بالنسبة له مش أولوية، نظرة الناس أهم بكتير بالنسبة له من نظرته لنفسه. ودي صفة بالمناسبة بيتشابه فيها الجود بوي مع الصايع أو السرسجي، رغم اختلاف أهدافهم.
يعني بالاختصار المفيد، حط نفسك قبل أي حاجة وقبل أي شيء. ما تخليش إعجاب بالبنات بيك تارجت بالنسبة لك لازم تحققه. حسن من نفسك وطور منها على قد ما تقدر. ساعتها لما تعلم من قيمة نفسك، كل الناس هتعجب بيك، مش البنات بس. كل الناس هتعرف تلفت نظرهم بثقتك وبجاذبيتك وبجزمتك. لو ما حطتش نفسك في المقام الطبيعي وفي الأولوية، أوعى ترجع تعيش دور الضحية وتقول الناس ظلمتني وعملوا لي وسوت فيا. أنت نفسك ما قدرتش نفسك، فما تستناش التقدير من أي حد.
وبس، شكراً لمشاهدتك الفيديو لحد هنا، وأتمنى تكون استفدت من الفيديو فعلاً. ولو استفدت، ما تنساش تدعمني بلايك وتكتب لي تعليق عن رأيك في الفيديو وتكتب لي كمان اقتراحات عن الفيديوهات الجاية. ولو مهتم بالنوع ده من المحتوى، ما تنساش تشترك في القناة. سلام.