وردة .. خيانة و بلا كرامة | خيانة شــ يــاطين

[موسيقى]

اللي في الصوره دي ورد عادل قصتها اعرفنا

ان في بني ادمين بيدوا فرصه للشيطان هو

اللي يقرر ان حياتهم هتمشي ازاي وورده

عملت كده بالظبط خططت واستغلت كل حاجه

لمصلحتها وهتعرف في الاخر انها مش بس

خاينه دي كمان ما عندهاش اي كرامه ورده في

القصه

الكامله 2007 في منطقه بلاء الدكرو ورده

اللي عندها 18 سنه عايشه مع عيلتها الناس

المحترمين واللي سمعتهم كويسه جدا وزي اي

بنت نفسها تعيش حاله حب وفي كتير مننا

الحب الاول بالنسبه لهم بيبقى ساعتها حاجه

كده عاميه العين بس بعد شويه بيعرفوا انها

حاجه ولا ليها طعم ولا ليها لون بس ورده

كانت حاجه ثانيه خالص غير كل الناس

وهتعرفوا ليه ورده وقعت في حب جارها اللي

اسمه محمد حسن وعنده 22 سنه وظروف الماديه

صعبه جدا وشغال في قهوه في نفس المنطقه

اللي ساكنين فيها اللي هي بلاء الدكرور

وبعد ما صارحوا بعض بحبهم قرروا هم

الاثنين ان الحياه بينهم تكون في السر

وفعلا ورده ومحمد قدروا يخلوا العلاقه

اللي بينهم دي سريه تماما سواء على عيلتها

او على عيلته وورده كان حلمها ان محمد

يتقدم علشان يطلب ايديها للجواز ومحمد

كانت دايما حجته انه مش جاهز ماديا للخطوه

دي وانه هيفضل شغال في القهوه لحد ما يقدر

يجمع فلوس وساعتها هيجي لها البيت يطلب

ايديها للجواز وهي كان عاجبها الحاله اللي

هي عايشاها فما كانش فارق معاها قوي ان

الموضوع يحصل بسرعه ومحمد برغم انه جارهم

ويعرف عيلتها من زمان لكن كان مثال للراجل

الواطي لانه عارف انه مش هيتجوزها وكان

عنده هدف ثاني في حياته وطول الوقت كان

بيوهمك بحاجات هي اصلا مش موجوده حتى ما

فكرش انه يتكلم مع حد من عيلتها ويشرح له

ظروفه هو قرر ان العلاقه اللي بينهم هتفضل

في السر وانه لو قدر بعد كده يتكلم هيبقى

يفكر ويعمل كده والعلاقه اطورت بينهم

لحاجات ثانيه اكبر بكتير صعب جدا راجل ابن

بلد يقبلها على جارته او على حبيبته بس

ورده كان عاجبها اللي بيحصل كله وكانت

دايما بتفسر اي تصرف بيحصل بينهم انه بسبب

الحب وفي شهر 6ه سنه 2007 كان في شاب اسمه

احمد نصار عنده برده 22 سنه بس الفرق بينه

وبين محمد جارها ان احمد ده حد شاطر وعنده

طموح وعنده تجارته الخاصه فكان راجل تاجر

خرده وقدر يعني اسم كويس في مجال تجاره

الخرده وبحكم شغله انه بيتنقل لاماكن

ومناطق كتيره فكان من ضمنها منطقه بلاء

الدكرور واللي في مره شاف ورده وعجبته جدا

وسال عليها وعلى عيلتها وعرف انها من بيت

محترم جدا وساعتها قرر انه يتقدم علشان

يطلب ايد ورده للجواز فتعرف على عيلتها

وقعد معاهم وحكى لهم كل ظروفه وطلب ايد

ورده بنتهم للجواز واهلها رحبوا بيه جدا

لانه فعلا راجل محترم وداخل بكل وضوح بس

ورده لما عرفت ان في حد متقدم لها اتضايقت

جدا بس ما كانتش عارفه تعمل ايه المهم ان

احمد خلص قعدته وساب كل تفاصيله وبياناته

للعيله علشان لو حبوا يسالوا عليه وعرفهم

ان ظروفه الماديه كويسه وانه جاهز للجواز

وعنده شقته في قريه اسمها عرب غمازه في

مدينه الصف والشقه جاهزه من كل حاجه

ومستعد لاي طلبات سواء من عيلتها او من

ورده ومشي وهو مستني رد العيله ورد ورده

واهلها لما سالوها عن رايها في احمد اللي

اتقدم لها طلبت انها تاخد شويه وقت علشان

تفكر لانها مش هينفع تقول لهم ان في حد في

حياتها وورده في نفس اليوم ده تنزل تقابل

محمد حبيبها او عشقها وتحكي له كل اللي

حصل على امل ان يتقدم لها بسرعه ويطلب

ايديها للجواز لكن محمد وبكل بجاحه يقول

لها مبروك اخر رد ممكن تتوقعه ورده وخدت

صدمه عمرها في الراجل ده اللي حبيته

واديته كل حاجه وباعها في اول فرصه وهنا

ورده تعرف ان ده ما كانش حب وتفضل حاجات

كتير دايره في دماغها وهي بتسمع محمد وهو

بيتكلم وطول ما محمد بيتكلم معاها هي

قاعده معاه اه لكن دماغها في حته ثانيه

خالص لحد ما تلاقي محمد يتكلم معاها في

موضوع غريب جدا ويا ريته ما اتكلم محمد

يقول لها انها توافق على الجوازه دي طالما

الراجل مرتاح ماديا وهم يعيشوا مع بعض

عادي من غير برده ما حد يعرف وبعد شويه

يلاقوا طريقه ينفع محمد يروح لها الشقه

عادي ويقضوا حياتهم بشكل طبيعي طبيعي وكان

ما فيش اي مشكله حصلت الطبيعي هنا ان ورده

تديله بالقلم على وشه لكن لا ورده حست ان

ده احسن اختيار وهنا الكرامه على الارض

خالص لكن الحمد لله تفوق لنفسها في نفس

القاعده دي وتعرف ان محمد ده مش هيتجوزها

وان كل اللي هو عايزه انه يتبسط شويه

وتفضل حياتهم في السر وفي شكل علاقه غير

شريفه وطلبت منه انهم يقطعوا العلاقات

تماما لانها قررت تحترم نفسها وتحترم

اهلها انها تعمل حساب لكرامتها وترجع

البيت وتبلغ اهلها انها موافقه على العريس

اللي اتقدم تاجر الخرده المحترم اللي دخل

البيت من بابه والاهل يفرحوا جدا ويبلغوا

احمد وخلال يومين احمد يجي ومعاه عيلته

وخلال شهرين بس تتم الجوازه وورده تنقل

حياتها من بولاء الدكرور وتروح تعيش في

شقه جوزها في الصف الشقه اللي موجوده جوه

بيت عيله اخوه ساكن في الدور الاول واحمد

وورده مراته عايشين في الدور الثاني وورده

اقرر انها ه تقطع كل العلاقات عن كل

تاريخها القديم ويمر اسبوعين على الجوازه

بس ومره واحده ورده تلاقي التليفون بيرن

وتلاقي محمد جارها حبيبها او عشقها هو

اللي بيتصل فترد عليه بسرعه وكان ما فيش

اي حاجه حصلت وتقول له انها عايشه في عذاب

وجحيم من غيره وانها مش مبسوطه ومش عارفه

ازاي هي خدت القرار ده كانها هي اللي

غلطانه ومحمد بالمكالمه دي كان بس بيجس

نبض ورده هل هترد عليه ولا لا والحقيقه ان

ورده تثبت لنفسها انه لا عندها اخلاق ولا

عندها احترام ولا كمان عندها كرامه وفي

اخر المكالمه محمد يقول لها انه هيتصل

بيها بين كل فتره وفتره علشان يطمن عليها

وورده تفرح جدا ولا كان في حاجه حصلت

بينهم ولا كانها ست متجوزه من راجل محترم

برغم انها عايشه كويس وبكرامته مع احمد

جوزها الا ان الانسان اللي بيسلم نفسه

للشيطان دايما بيحب يعيش في الحرام وتفضل

المكالمات لمده شهرين مستمره عادي و بشكل

طبيعي لحد ما محمد يطلب منها انه ياخد

الفرصه ويجي لها على البيت لكن ورده ترفض

تماما الطلب ده من محمد بس هل ترفض علشان

خاطر حرام او خيانه او غيره خالص ورده

رفضت علشان خايفه ان اخو جوزها اللي ساكن

في الدور الاول يشوفها او اي حد من

الجيران ياخد باله من حاجه وبعد شويه ورده

تقترح على محمد عاشقها انهم يتخلصوا من

جوزها ويقتلوه وخلال الوقت اللي هينفذ فيه

الموضوع ده يكون محمد جهز نفسه ماديا قدم

لها علشان يتجوزها وده بعد ما يكون مر سنه

على وفاه جوزها علشان ما حدش يشك في اي

حاجه طب اطلبي الطلاق من جوزك والموضوع

يمشي بطريقه محترمه لكن لا الناس دي ما

بتفهمش اصلا تعيش صح ويتفقوا ان هم

هيحضروا خطه علشان يتخلصوا من جوزها بس

المشكله انهم مش لاقيين فكره تبقى مختلفه

وبالصدفه تحصل خناقه كبيره في مدينه الصف

بين اهم قريتين هناك والخناقه دي ما كانتش

خناقه عاديه دي كانت معركه كبيره بالسلاح

ناس كتير ماتوا وناس كتير اتصابوا اصابات

كبيره والمعركه دي كانت بين قريتين واحده

اسمها عرب غمازه ودي اللي عايش فيها ورده

مع جوزها والثانيه اسمها عرب الحصار

والخناقه دي كانت كبيره جدا لدرجه ان في

عائلات في كل قريه كان عندها طار من

العيله الثانيه بسبب ان عيله قتلت شخص من

العيله الثانيه فبقى في طار بايت بين

العيلتين وورده قررت انها تستغل المعركه

الكبيره دي لمصلحتها اتصلت بمحمد عشقها

وقالت له ان ده الوقت المناسب اللي ينفذوا

فيه الخطه بتاعتهم وانه بعد ما يموتوا

جوزها يقولوا ان ده طار بين العيلتين وان

في ناس من قريه عرب الحصار هم اللي جم

وقتلوا جوزها ومحمد يفرح بالفكره العظيمه

دي ويبدا في تنفيذ الخطه بتاعتهم ينزل

محمد يشتري دوا منوم ويشتري حقنه فاضيه

وهنعرف كمان شويه ليه وفي نفس التوقيت

ورده تنزل السوق وتشتري سكينتين جداد

وحامي جدا الكلام ده بيحصل بعد اربع شهور

بس من الجواز ويوصل محمد لمدينه الصف

ويروح القريه بتاعتهم الساعه 9:00 بالليل

ويتفق معاها انه هيسيب لها كيس في الدوا

المنوم وفي الحقنه الفاضيه في مكان معين

وان ورده تنزل علشان تاخد الكيس ده وبعدها

هيتصل بيها علشان يقول لها باقي الخطه

هتكون ايه ورده تنزل فعلا وتاخد الكيس من

المكان اللي قالها عليه وفي نفس التوقيت

محمد يروح يقعد على قهوه ويتصل بيها ويقول

لها انها تحط المنوم لجوزها في العص قصير

الساعه 12 بالليل وان الساعه واحده بالظبط

هو هيطلع علشان يخلص عليه وورده تعمل كده

وتكلم محمد وتقول له ان جوزها خلاص نام

ويطلع محمد الساعه ده بالليل وطبعا الباب

مفتوح وورده مستنياه ويدخل على جوزها في

اوضه النوم ويطلع الحقنه علشان يديله حقنه

هواء علشان يموت على طول المهم وهو بيدي

له الحقنه احمد جوز هيصحى بسبب الشكه

بتاعه الابره فيلاقي مراته واقفه ومعاها

واحد فيحاول يطلع صوت بس في الوقت ده محمد

يمسك بقه ويمسك رقبته ويقعد يخنق فيه بس

طبعا احمد كان بيحاول يقاوم وهنا ورده ما

استحملتش تشوف محمد عاشقها بالشكل ده

فطلعت السكينه وضربت جوزها في صدره اكث من

مره ولما حاول يقاوم شويه ضربته في ضهره

كمان كذا مره يوم محمد يمسك منها السكينه

ويكمل عليه لحد ما يموت ويقع على الارض

غرقان في دمه وبعدها يكملوا الخطه محمد

يضرب ورده على راسها باي حاجه وتتعور

وبعدين يربطها بحبل علشان يبان الموضوع ان

حصلت خناقه ومشكله كبيره وبعدين ياخد منها

شويه ذهب وياخد التليفون بتاعها ويمشي من

البيت وبعد نص ساعه ورده تقعد تصوت بصوت

عالي وتنده على اخو جوزها علشان يلحقها

فلما يطلع اخو جوزها ومعاه ناس من الجيران

فيلاقي ان ورده متكتفه ومتعوره وتقول لهم

ان في ناس هجموا عليهم وربطوها وسرقوا

منها الدهب والتليفون بتاعها وانها مش

عارفه تتحرك من مكانها وكل اللي سمعته ان

احمد جوزها بيتخانق معاهم وعرفت من

الخناقه ان الناس دي من قريه عرب الحصار

فواضح ان الناس دي كانت جايه تنتقم من

احمد جوزها وبعد ما الناس دي خلصوا

الخناقه فجاه تلاقي ان صوت احمد جوزها

اختفى تماما وهي مش عارفه تعمل ايه وقالوا

لها لو طلعت صوت هيقتلوه هي كمان اخوه

والجيران يدخلوا بسرعه عليه في اوضه النوم

علشان يلاقوه واقع على الارض وغرقان في

دمه فيكلم رجال الامن في ساعتها وخلال وقت

قليل رجال الامن ورجال المعمل الجنائي

يوصلوا علشان يفحصوا مسرح جريمه وبعد ما

يسمعوا كمان اللي ورده قالته يبدا رجال

المعمل الجنائي يحددوا كل التفاصيل اللي

جوه مسرح الجريمه واول حاجه ان ما فيش اي

اثار عنف في دخول المكان وثاني حاجه واضح

جدا من طريقه الضرب وطريقه الربطه اللي

كانت فيها ورده طريقه ما كانتش مقنعه

لرجال الامن بس سابوا ورده تحكي زي ما هي

عايزه وخلال ساعه واحده بس ورده تتفاجئ ان

رجال الامن داخلين عليها ومعاهم محمد وفي

ايده الدهب والتليفون بتاعها وكمان معترف

بكل حاجه ورده مش فاهمه فيه ايه وازاي

قدروا يوصلوا لمحمد بالسرعه دي بس اللي

حصل لما رجال الامن شكوا في اللي بتقوله

ورده ومش مقتنعين باللي حصل فاول حاجه

عملوها انهم فحصوا الخط بتاع ورده وشافوا

اخر مكالمه كانت مين فعرفوا ان المكالمه

الاخيره كانت مع محمد فتتحرك قوه امنيه

علشان تشوف محمد ده فيلاحظ ان في ايده عدد

كبير من الجروح ده غير انهم لقوا معاه

الدهب والتليفون المحمول بتاع ورده وطبعا

ده غير حاله التوتر اللي عنده لانه مش

مصدق انه اتجاب بالسرعه دي وطبعا ورده هي

كمان ما كانتش مصدقه ان رجال الامن قدروا

يجيبوه بالسرعه دي بس الحقيقه ان الشيطان

بيقعد يقنعك بحاجات كتير ويقنعك انك ذكي

جدا وقوي وانك بتعمل حاجه ما حدش هيعرف

يكتشفها بس اول ما ربنا بيظهر الحق فجاه

بتلاقي الشيطان سابك ومالوش دعوه بيك

وطبعا يعترفوا هم الاثنين بكل اللي عملوه

وبعد المحاكمات يتحكم عليهم بالاعدام

الاثنين احقر من بعض واحد مالوش علاقه

خالص بكلمه رجوله ولا يعرف ازاي يحافظ على

بنات الناس والثانيه قررت انها تعيش في

الخيانه وتعيش بلا كرامه وربنا يرحم احمد

واعتقد لو كانت طلبت منه الطلاق كان هيعمل

كده لان الراجل المحترم اللي بيدخل البيت

من بابه باحترام لما بيجي ينفصل برده

بينفل باحترام بس هي قررت انها تعيش كده

سلام عليكم