دكتورة تغذية تكشف أصل نظام الطيبات لدكتور ضياء العوضي… مفاجأة لم يتوقعها أحد عن وفاة ضياء العوضي

قال لك إيه ده؟ هو انتوا بجد هتتابعوا نظام الطيبات بتاع الدكتور دي العوضي؟

اه، أنا واحدة من الناس قررت أتبع نظام الطيبات اللي ما كنتش أعرفه بالمناسبة. نزلت اشتريت معظم الأكل المسموح بيه اللي اتكلم عنه الدكتور ضياء الله يرحمه. بنسبة كبيرة جبت الحاجات دي. جيت بقى على التوست اللي بالحبة الكاملة بتاعه الريتش باك اللي الدكتور الله يرحمه قال عليها. أربع أيام دلوقتي بلف على التوست مش موجود.

الدكتور ضياء لما اتكلم على التوست بعينه البني الريتش بيك، يمكن وهو عايش الناس ما كانتش بتدور. ناس كانت بتشتريه وخلاص بقى نظام حياتها بيه، وفي ناس زي كده ما كانتش مهتمة. لما الدكتور توفى الله يرحمه وبدأت أسمع الفيديوهات بتاعته اللي ما كنتش بسمعها بالمناسبة، كان في حملة تشويه زمان عليه. وكان لما يظهر في ناس كتيرة تطلع تاخد أجزاء من الفيديوهات بتاعته، يجتزئوها ويجيبوا أسوأ حاجة في الفيديو ويصدروها للناس والناس تتكلم وتتريق على الدكتور الله يرحمه.

لكن في اللحظة اللي زوجته نشرت فيها الفيديو أو البوست اللي قبله وقالت إن هو اختفى، بدأت تظهر لي على طول فيديوهاته كتير كتير قوي. بقيت أهتم بغياب الدكتور، يا ترى موجود؟ يا ترى يا ترى؟ بقيت بعد كده الفيديوهات بتظهر لي كلها. طب أنا واحدة من الناس أنا ما كنتش بهتم خالص بالموضوع ده، ولكن أنا اقتنعت تمامًا لما شفت ناس كتير جدًا اتكلمت في الموضوع. اهتميت بالموضوع وقلت أنا هجربه. وهجربه مش في كل النظام اللي قال عليه. أنا في حاجات كتير أنا واثقة ومُتأكدة منها مليون في المية إن هي كانت غلط من العادات اليومية.

العيش، العيش يا جماعة اللي إحنا كنا بناكله على طول أو اللي إحنا لسه بناكله لحد حالا البلدي. جرب تبله وتعجنه. المفروض إن أنت المعدة بتاعتك هي اللي بتهضمه. اعجن فيه وقطعه في المية وحاول إنك يعني تفرمه وكأن المعدة هي اللي بتعمل كده. ولو إن ما فيش معدة بتعمل اللي إحنا بنعمله بإيدينا قوي كده. المعدة مش قوية لدرجة إن هي تعمل كده. في الآخر بعد ما هتعمل ده في المية هتطلع لك في الآخر حتة عجين زي بالظبط لما أنت بتعجنها وبتلزق في إيدك. هي نفس الموضوع. بتوصل في الآخر لحتة عجين لينة متماسكة. وحتة العجين دي زي ما قال الدكتور الله يرحمه ضياء بتلزق في المعدة. بتلزق زي اللبانه. بينزل جزء ويتراكم أجزاء ودي بتعمل عفونة، بتعفن. بتلزق، بتلزق.

لكن هات الحبة الكاملة، هات التوست اللي هو بيتكلم عليه البني وانقعه في المية وجرب شوفوا هيحصل له إيه لما تفركه بإيديك. هتلاقيه داب، داب. معنى كده إن هو سهل في المعدة بيتهضم بسهولة. عشان كده لا بيعمل انتفاخات ولا بيتعب القولون ولا المعدة. ده من الحاجات اللي كانت بتعمل لنا بلاوي. ده اللي بيقولوا عليه الدقيق الأبيض ده هو ده السم الأبيض فعلاً.

فنزلت أحاول. لا هايبر فيه، ولا سوبر ماركت فيه، ولا محل بقالة صغير. والله لحد الأكشاك أنا لفيت الدنيا كلها. وآخر ما زهقت. اه بالمناسبة عشان تعرف بس إن الموضوع مسمع. أنا ما في مكان أدخله وأسأل عليه إلا وما يقولوا لي: "آه، مش أنتِ بتسألي على العيش بتاع الدكتور اللي على النت؟" ناس بتقول اللي مش عارفين اسمه بيقولوا "الدكتور اللي على النت" وبيضحكوا. لأنهم على طول الناس رايحة لهم طول الوقت بيطلبوه. وناس بتقول "الدكتور ضياء". عارفين اسمه؟ ده بيتخطف. ده أول ما بيجي بيتخطف. مش موجود.

أنا نزلت في أوقات مختلفة كتير مش موجود. لأن واضح الناس اللي بتستهلكه عارفة الميعاد بتاعه. هم قالوا لي ده بيجي وبيتخطف على طول. فقررت إني أجيب بالدقيق بتاعه وأعمل أنا في البيت. مش مهم أعمل توست. طب هعمل حتى العيش. أنا بعرف أعمل العيش. قسماً بالله ما في ولا نوع دقيق بتاع حبة الغلة الكاملة موجود في السوق. تمام؟ اللي كنت على طول بلاقيه قدامي ما حدش بيسأل فيه ولا حد بيعبره. ما فيش غير الدقيق الأبيض والدقيق الشوفان. الاثنين دول. الشوفان اللي هو أصلاً مانعه. هو قال لك ملوش 30 لازمة. ما بيتهضمش. مش حلو. ما تجيبوش. طب يا جماعة أنا عايزة أوصي هنا وهنا. طب أي نوع أي نوع من الدقيق اختفى تمامًا. قال لك ده بيجي ما بيلحقش يتحط على الرف وبيتشال. وفي ناس قالت ده عاد بيجي باكته واحدة وبتخلص في ساعتها. وفي ناس قالت ده ما عادش بيجي بقى له كام يوم.

طب هو يعني صدفة إن الناس كلها تجمعت على إن الدكتور ضياء كان عامل نظام طيبات؟ ده نظام مريح فعلاً. بص للموضوع كده تحس إن سبحان الله. يعني الدكتور ضياء ربنا يعني توفاه أو كان هو أجله لحد كده في وقت معين. ربنا له حكمة عشان التوقيت ده الناس كلها يبقى تفكر في الموضوع والناس تدور ويبقى عندها وعي وتقول لك إيه اللي بيتعبنا فعلاً.

أنا واحدة من الناس أنا اللبن بيتعبني جدًا. كنت بدور على أنواع جبن من البيضة. نفسي في نوع من الأبيض طعمه حلو. كله طعمه سيء جدًا لدرجة إني كنت منعت الجبن والألبان من التعب. أنا واحدة من الناس عندي معدة وقولون عصبي. أول ما الألبان بتدخل في أي حاجة من الحلويات اللي أنا بعملها أو مخبوزات أو حلويات بالدقيق الأبيض. أنا مش كان بيجي لي انتفاخ وتعب في المعدة والقولون بس ارتجاع. ارتجاع. مجرد إني بأكلها بعد ساعة في ارتجاع وأنا نايمة. ارتجاع. والارتجاع ده شيء صعب جدًا. عندي حساسية صدرية. عندي جيوب أنفية. وده اتقال إن هو من البيض ومن أكل الفراخ ومن اللبن ومن الدقيق الأبيض.

طب ليه إني أنا ما أقعدش كده وأفكر وأقول أنا هجرب؟ إن شاء الله أجرب أسبوع. طب أنتِ بتاخدي أدوية؟ يعني أنا من الواحدة من الناس اللي مش بتحب تواظب قوي على الأدوية عشان كده مش هقول لك إني همشي على النظام وأمنع الأدوية. أنا بأخذها لما بتعب. ولكن أنا قررت إني هجرب وهجرب أسبوع 10 أيام أسبوعين وهشوف الدنيا. وعايزة أقول إن مش كل اللي هو قال عليه أنا همشي عليه كله حرفيًا. أنا عارفة الحاجات اللي بتتعبني من أولها. العيش، اللبن، البيض، الفراخ. دول في القايمة. أنا مش هاجي ناحيتهم خالص. ههتم باللي هو قال عليه أنواع معينة سمك، أنواع سلمون، تونة. الجبن اللي هو عليها الصفراء بأنواعها كلها اللي قال عليها. الجبنة المثلثات، لانشون حلواني. أنواع معينة كده لحمة معينة قال عليها برضه. قال البتلو والضاني. الكبدة. أنواع سمك البلطي والبوري والحاجات المزارع ما ندوقهاش.

أنا بحاول وهجرب الموضوع. ولكن أنا لحد حالا أنا مش عارفة أمشي على النظام لأني لا لاقيه الدقيق ولا لاقيه التوست الريتش بيك. بيتخطف. وده بيخليك تنتبه كده للموضوع وتقول الدكتور ضياء ده كان فكرة والـ فكرة لا تموت. دكتور ضياء كان ربنا ربنا يرحمه ويجعله في ميزان حسناته. اجتهد وكان ربنا مديله العلم وكان متفوه جدًا. له كاريزما وله طريقة في الإلقاء. رغم إن ناس كتير ما بتحبش طريقته. وأقول لكم انتوا كلكم في ناس كتير جدًا بتقول لك ده نظامه كله غلط. مش كله نظامه غلط. آه أنا معاكم إن في حاجات قال عليها أنا عن نفسي أرفضها ومش هعملها. التدخين مثلاً. هو حر في نفسه. هو كان شارح في التدخين. مدخن ما يقدرش يستغنى عن التدخين. هو حر. بس أنا برضه شايفه إن مش هو ده سبب إنه يجي له التعب المفاجئ ويتوفى. ومش هتكلم في الموضوع بتاع وفاته المفاجئة في دولة تانية. أنا مش مش هخش في القصة دي اطلاقًا.

أنا هتكلم في حتة إن ده دكتور كان هو مش دكتور عادي. ده دكتور نبغة. ده ده من طفولته هو نبغة. دراسته كلها في مدارس واحد كان نبغة وكان بيطلع من الأوائل. والكلية بتاعته كان بيطلع بامتياز. واختار أصعب تخصص كان بتاع عناية مركزة وتخدير. وده على فكرة بتوع العناية المركزة دول ده مش بيكونوا أي حد. ده دول ناس بتكون قوية جدًا في ال في الموضوع ده. ولكن هو كان. وقبل ما أنسى. النظام الغذائي اللي هو مشي عليه. أنا سمعت فيديوهات كتير للدكتور مصطفى محمود وهو بيتكلم في الموضوع اللي زي كده. بيتكلم في الدقيق واتكلم في كذا حاجة. والكلام ده من زمان كمان. الدكتور كريم علي اتكلم في الموضوع ده. غير كده قال لك موضوع أكل طبق السلطة ده سم. ما حدش اتكلم ليه؟ ما حدش اتكلم ليه على دكتور كريم علي لما قال طبق السلطة ده سم بيجيب أمراض وبيتعب القولون والمعدة وبيعمل وبيعمل؟ ما حدش اتكلم ليه؟

الدكتور كريم اتكلم على الفراخ وقال إن هي سم واوعى تاكلها. وقال لك البيض نفس الموضوع. ما هو ده من ده. مش بس كده. ده الدكتور كريم قال لك هات لي فرخة بتمشي بتمشي بتتحرك في مكان مفتوح بتاكل دود من الأرض هتاكلها ولها طعم. لو جبت لي فرخة ثانية محطوطة في قفص واللي بتاكله بينزل وبترجع تاكله ثاني. ده سم. ده لا يمكن تكون حاجة بتدخل الماء. ده سم. دي سموم. شوف قال لك على اللي بتاكل دود من أرض أنضف منها. قال لك دي سم. ما هو اللي هي بتاكله هو اللي بيرجع لك ثاني. وقال لك أوعوا تاكلوه ولا تاكلوا لأولادكم. دي كلها سموم. ليه ما حدش اعترض؟ ليه ما حدش قال له أنت بتقول إيه؟ وأنت كده هتخسر الناس وأنت كده؟

طب أنتم عارفين دلوقتي إن ثمن البيضة دلوقتي نزل؟ عارفين إن طبق البيض بقى بـ 100 جنيه دلوقتي؟ آه والله أقسم بالله طبق البيض دلوقتي بـ 100 جنيه والبيض كتير جدًا. طب أقول لك على أنواع الجبن الغالية اللي هو موصي بيها. انزل شوف الناس وهي واقفة في السوبر ماركتات وفي الهايبرات واقفين طوابير بيشتروا الحاجات اللي زي كده. روح بقى دور على الأماكن اللي فيها الجبن القرفف مليانة هتلاقيها زي ما هي دلوقتي. هو الدكتور لما توفى الدكتور ضياء الله يرحمه ويجعله في ميزان حسناته. الناس كلها دلوقتي بدأت تفكر. على الأقل خالص بتقول لك نجرب النظام. إحنا خسرانين حاجة؟ إحنا هنجرب. ارتحنا على الموضوع والمعدة ارتاحت والانتفاخات والضغط.

أنا واحدة من الناس كان التعب بيطلع يضغط على الحجاب الحاجز. يعني لو أكلت أكلة فيها اللبن أو عيش ونمت. أنا بقوم. أنا بنام ضغط هنا على قلبي والحجاب الحاجز مش قادرة أتنفس. وده كله عشان النظام الغذائي اللي إحنا بناكله بقى لنا سنين وما إحناش عارفين إيه اللي بيتعبنا. خلاص هو بقى نظام حياة. وبعدين إحنا المعدة واحنا صغيرين غير واحنا في فترة الشباب غير فترة السن. كل ما بتقدم المعدة بتتهلك وكمية السموم اللي بتدخلها في القولون وفي المعدة بيتراكموا والتعب بيزيد بيزيد. لأن طبعًا كل ده فيه في حاجات كتير جدًا بتفضل لازقة. قال لك الإنسان مدخلات ومخرجات. آه بس أنت بتاكل كتير. لكن مش كله بيخرج في القولون بيثبت فيه حاجات هو والمعدة وبيعفن. وده سبب الحاجات اللي أنت يعني. هو مش طول عمرنا بيتقال لنا بيت الدواء. جرب كده تنضف قولونك ومعدتك وشوف نفسك هيرتاح إزاي. وشوف أنت القوة اللي هترجع لك إزاي. هتقوم نشيط إزاي.

أنا واحدة من الناس الأكل ده أنا قسماً بالله أنا بقالي فترة بقوم أقعد. أنا أنا دايخة وتعبانة ومش قادرة أقف. أنا قاعدة تايهة. بقوم من النوم أقعد تايهة. هو أنا هقوم أعمل إيه؟ بفضل قاعدة ساعة كده قاعدة. أنا مش عارفة هو أنا قايمة أعمل إيه؟ هو أنا المفروض أقوم أعمل كذا. قاعدة تعبانة حاسة إن في تعب. الناس اللي سبقوا وجربوا من النظام قالوا لك بيرجع الصحة كويسة وتمام. لسه الفنان علي الحجار بيقول لك أنا كنت بتبع النظام بتاعه بقى لي 11 شهر وكان عندي انزلاق غضروفي والعظم تعبان وعندي الارتجاع. ولوحده كان بيتفرج عليه من 11 شهر وثلاث شهور. أقل من ثلاث شهور وبقى ما عندوش أي حاجة. اتعالج تمامًا من الموضوع.

وبعدين أنا عايزة أسأل حاجة. كل واحد بيقول لك هو نظام ما يمشيش على كل الناس. طب ماشي تمام. أنا معاك. وهو يعني الأدوية. أنت بتروح لدكتور وبيكون في اثنين عندهم نفس المرض ونفس الأعراض. هل الدوا الدكتور بيكتبوا للاثنين؟ الاثنين بيخفوا عليه؟ لا. وبيغير لك العلاج. في دكتور بيعالج ناس وناس ثانية تقول لك ده ما بيعرفش أي حاجة. ده في اختلاف. في اختلاف طبعًا. أكيد الأجسام كلها مش زي بعضها ومش كل الأجسام بتتقبل الأدوية. وحاجات كتير جدًا أنت بتتكلم فيها. مش كل الناس زي بعضها. فاه. أنا هجرب. أنا واحدة من الناس نفسي ألاقي الدقيق ده. وأقسم بالله أنا لو لقيت الدقيق ده موجود ومتوفر لهاش شري منه باكيتات وهعمله بإيدي.

وأنا لحد حالا مش عارفة أبدأ النظام غير برز. هو ما هو قال لك يا رز يا توست. يا توست الريتش بيك. مش لاقياه ولا لاقيه الدقيق. أنا لحد حالا مش عارفة أنا هعمل إيه. ولكن أنا لو لقيته أنا هتبع النظام وهمشي عليه على طول. هجرب. إذا لقيته وهقول لكم. بس أنا عايزة أقول لكم إن عدم وجود الدقيق والتوست أكبر دليل على إن الناس فعلاً بقى عندها وعي وعارفة إيه الصح وإيه الغلط. وإن الدكتور ده ما كانش بيقول أي كلام. وإن الدكتور ده الكلام اللي قاله. طب أقول لك بكرة قاطع أنت. هي في ناس كتير قاطعت الفراخ. شوف بكرة الفراخ هتبقى سعرها كام. شوف البيض لسه هينزل سعره كام. وشوف كل الحاجات اللي قال لك عليها امنعها. شوف بكرة أسعارها هتكون عاملة إزاي.

آه في ناس ثانية بتقول لك أنتوا حرين. كلوا من اللي بيقول عليه وسيبونا إحنا ناكل الفراخ. كلوا وتهنوا. واللي عايز أي حاجة ياكلها. لكن كل واحد حر في نظامه. أنا همشي على نظام. وده هيمشي على نظام. وده بيقول لك أنا مش مقتنع. والناس كلها مش زي بعضها. واللي مقتنع يعمل. واللي مش مقتنع ما يعملش. أنا عندي أزمة واحدة دلوقتي مش عارفة أكمل عشان نوع الدقيق اللي ما بقاش موجود. ونفسي أفهم اللي ما بقاش موجود ده ما بقاش موجود ليه؟ هل هترفعوا ثمنه مثلاً؟ ولا هو أنتم بتقولوا من الناس مرة واحدة خدت الدقيق ده وهتسيب لنا الدقيق الأبيض اللي ما عادش له لازمة؟ مش عارفة.

هم هيلاحقوا إزاي على الناس اللي بتدور دي. ده أنت تدور على أي حد. الناس بتضحك. كل ما تروح تسأل على الريتش بيك يقول لك البني مش كده. الأبيض مال الدنيا الرفوف واللي باللبن وده وده كتير جدًا. إلا النوع اللي بالقمح كامل بالحبة الكاملة مش موجود اطلاقًا. اطلاقًا. شباب بتجري بتدور وستات وكله عمال يدور. وأول ما تدخل تسأل أي حد عندك الكيس الدقيق الحبة الكاملة يضحك يقول لك أنت تبع الدكتور ضياء؟ أنت تبع نظام الطيبات؟ الله يرحمه الدكتور ضياء ويجعله في ميزان حسناته إن شاء الله.

وبإذن الله زي ما بقول لكم أنا بس ألاقي الدقيق أو التوست وهمشي على النظام وهقول لكم أنا حصل معايا إيه. أنا بشكركم.