Transcription
Hello, 大家好！歡迎嚟到香港看世界。
今日係2026年2月20日，踏入呢個新嘅一年，我相信大家，尤其係fresh grad，對於未來嘅憂慮感一定比以往更大。點解噉講？因為最近無論係新聞定係身邊嘅聚會，大家都離唔開一個話題：人工智能。
對於準備踏入職場嘅年輕人嚟講，呢個話題唔再係科幻電影入面嘅情節，而係切實影響緊大家嘅未來。其中一個最熱門嘅話題就係AI時代下白領工作會唔會被取代。大學畢業又如何？喺職場中跑出又點樣做？今日我哋會探討幾個好關鍵嘅問題。
究竟AI點樣徹底改變緊香港嘅就業結構？以前俾人視為鐵飯碗或者高尚職業嘅白領工作，而家反而變成高危一族。相反，又有啲咩聲音話其實唔使咁驚？重要嘅係，作為一個香港嘅fresh grad，喺職場打滾咗幾年嘅你，應該點樣裝備自己，先至唔會被AI取代？
最後，我哋亦會講下大學、企業同政府應該點樣出手，又有咩行業係值得揀？內容非常豐富，大家準備好未？我哋即刻開始。
首先，我哋要正視一個現實。根據早前《南華早報》嘅報道，2025年嘅數據真係令人心驚膽跳。大家知唔知，2025年香港fresh grad搵到嘅工作機會，比前一年足足少咗55%？即係話，以前你有十份工可以揀，而家得返四份。仲有呀，20歲到24歲呢個年齡層嘅失業率，喺2025年12月竟然超過咗12%，係有史以來第二高。
呢啲數字背後代表咩？代表香港社會嘅就業結構正經歷劇烈嘅變動。以前，我哋覺得大學畢業，拎住張沙紙入大公司做management trainee，或者入律師會計師行做初級職員，係理所當然嘅事。但而家呢條路似乎行唔通啦，因為AI令到成本大幅下降咗成40倍。
試下如果你係老闆，你需要人幫你寫一份法律文件，或者做一份市場分析報告。以前你需要請一個大學畢業生，教佢點做，又要俾強積金，又要擔心佢做做下跳槽。而家你用ChatGPT加plugin，幾分鐘就搞掂，成本可能只係幾毫紙。大家要承認一個事實，老闆請人嘅決定其實係直接同簡單，一切都係基於經濟學，唔係基於社會學。呢個說話真係好殘酷，但又好真實。
大學畢業生係需要被取代嘅。點解要請一個毫無經驗、冇領域知識嘅年輕人，而唔係用一個24小時唔駛瞓、不斷學習嘅AI？以前，職場係一個累積學習、實踐嘅地方。你入去幫手做下research，整理下Excel，寫下meeting minutes，雖然係瑣碎工作，但係喺過程中學識咗行業運作。但而家呢啲工作全部被AI做曬。
結果係點？職場變成咗一個零和結構。一邊係極少數能夠駕馭AI嘅高層精英，另一邊係AI做唔到嘅體力勞動、高度人性化嘅工作。而中間嗰層，亦即係傳統大學畢業生最常去嘅白領初級職位，正在急速萎縮。
香港作為一個服務業為主嘅經濟體，衝擊特別大。我哋冇太多工廠，我哋靠嘅係人力。當努力可以被低成本複製同外判俾AI嘅時候，香港嘅競爭力喺邊度呢？係每一個香港人都要深思嘅問題。
咁係咪即係話白領已死？其實個競爭好激烈。網上都充斥住AI會唔會消滅白領工作嘅討論。對於支持「被取代」嘅觀點，有一位Reddit嘅網友指出，一份工作其實係由好多個任務組成嘅。你唔需要自動化曬所有任務先至會摧毀嗰個位，你只需要自動化當中60%到70%嘅核心任務，老闆就會覺得：「咦，我唔需要請咁多人喎。」一個人加AI，勝過一個人。
另一個網友就分享咗佢嘅親身經歷。佢自己唔識寫程式，唔識整網站，亦唔係作家。但係佢用GPT寫咗個軟件，取代咗外判商，用GPT整好咗屋企，慳咗幾百蚊美金。佢話：「如果我呢個普通人隨便搞下都做到咁多嘢，咁嗰啲真正有技術嘅人加埋AI會幾恐怖？」呢個正正係AI點樣降低咗專業門檻，令到好多原本需要專業資格嘅白領工作「平民化」。
但亦都有人，甚至係專業人士，持有相反嘅意見，認為AI係放大器，唔係替代品。佢哋認為AI係重塑工作，而唔係取代工作。佢哋認為AI係人類能力嘅延伸。例如喺醫療領域，AI幫手解決咗好多解決唔到嘅難題，好似AlphaFold預測蛋白質結構咁。呢啲突破會創造新嘅需求同新嘅職位。
歷史上每一次技術革命雖然會消滅工種，但都會創造更多新工種。以前有打字員，宜家冇咗，但多咗軟件工程師。
仲有一個好重要嘅觀點，就係「勞動」嘅集體。雖然大家聚焦喺白領，但其實國家最需要嘅係勞動同技術工人。美國製造業到2030年可能有190萬個職位空缺。AI仲未能夠完全取代需要雙手、需要喺複雜物理環境中操作嘅工作，好似水電工、理髮師咁。所以未來可能係「白領貶值」，而「藍領」更受重視。
咁，你憑咩？
講咗咁多危機，我哋嚟講下解決方案。祖克柏喺一篇P文章入面提出咗一個非常核心嘅概念，叫「Productive Struggle」（生產性掙扎）。咩叫生產性掙扎？佢話真正嘅學習嚟自思考困難、經歷失敗、再嘗試，最後取得突破嘅過程。呢個過程係痛苦㗎，係充滿磨擦㗎，正正係呢種掙扎鍛鍊咗我哋嘅大腦，建立咗深度嘅理解同解決能力。
但係而家嘅問題係咩？AI幫我哋消除咗呢種掙扎。你想寫文章？只係GPT秒出。你想搵資料？AI幫你總結。年輕一代被稱為「AI原住民」，佢哋習慣咗冇磨擦嘅生活。結果係咩？你嘅記憶力、創造力同批判性思維會慢慢退化。
所以，香港fresh grad要點樣裝備自己？
一、 刻意去擁抱嗰種冇AI輔助嘅思考。刻意唔用Google，唔用GPT，自己去圖書館搵書。閱讀會令大腦習慣深度思考。而只讀一本書迫你進行線下深度嘅思考，呢種能力係批判性思維同創造力嘅關鍵。喺工作上，當你遇到一個難題，唔好第一時間問AI，試下自己用白板畫個mind map，自己推一次。當你有自己嘅框架之後，先再用AI去做execution或者check錯。你要做AI嘅主人，唔係AI嘅奴隸。
二、 街頭智慧與人際連結。AI可以處理數據，但處理唔到複雜嘅人際關係同微妙嘅辦公室政治。AI正在侵蝕年輕人嘅社交技能，你要反其道而行，多啲面對面溝通，學習點樣喺冇標準答案嘅情況下，同唔同背景嘅人協作。例如做一個項目經理，你需要的唔單止係排schedule，而係要知道點樣搞掂脾氣唔好嘅客，點樣鼓勵士氣低落嘅團隊。呢啲係情感智能，AI暫時仲未完全做到。
三、 建立跨領域嘅知識。僱主唔想請冇經驗、冇領域知識嘅人，但係初級職位又冇咗，點樣有經驗？你就要透過實戰學習。唔好介意做啲辛苦嘅、需要落手落腳嘅工作。另外，唔好以為知識係單一嘅嘢。AI係專才，你要做通才。你要識得將法律知識結合金融運作，或者將市場學知識結合藝術設計。跨界別嘅整合能力係人類目前仲稍微領先AI嘅地方。
不過呢場革命唔係靠個人努力就搞得掂，成個社會結構都要調整，先至幫到班年輕人。
首先，教育系統徹底改革。大學必須重新思考評估方式。如果考試仲係考背誦式嘅論文，咁其實係考緊邊個用GPT用得啲？考試應該改為推理過程，而唔係打磨好嘅產出。例如口頭匯報可能會變得更加重要，教授反應同邏輯，呢啲係AI好難即時幫你作弊嘅。
其次，職業資格認證要升級。監管機構應該喺專業牌照，例如會計師、律師入面，加入認知能力標準。即係話你要證明你可以喺冇演算法輔助嘅情況下解決問題。就好似學揸飛機，你一定要識得手動飛行。如果你連手動都唔識，旦AI出錯或者遇到極端情況，你就死得。呢啲可以為社會創造出對市場有需求嘅人才。
另外就係重新定義學徒制。以前嘅學徒係跟師傅學手藝，未來嘅學徒應該係認知學徒。政府嘅資助，好似香港嘅Research Talent Hub，唔應該只係幫企業慳錢請技術工，而係要附帶條件，企業必須證明佢哋有俾年輕人真正嘅訓練，而唔係叫佢哋去睇住部AI運作。
我哋又睇下大學、企業、政府應該如何協助fresh grad。佢哋三方可以做啲咩呢？
大學方面，應該更加著重體驗學習。唔好只係坐喺課室，學生要去真實、陌生嘅環境去解決真實問題。好似我哋喺亞洲做咗20年嘅嘢咁，當學生要去一個貧窮嘅村落，親手設計水系統。佢面對嘅唔係數據，係真實嘅村民、有限嘅資源、複雜嘅文化。呢啲經驗、判斷力同人際性格，呢啲係AI搶唔走嘅。
對於企業，企業要明白，如果你今日唔投資培養新人，聽日你就冇層管理人用。你唔可以永遠外判。我建議係企業可以重新設計初級職位，新人喺做某啲缺測試禁止，或者只能用AI嚟做最後檢查。呢個聽落好似好反效率，好無效率，但其實係為了未來嘅人才儲備。另外，企業可以考慮類似「綁約」機制。既然怕新人學完就走，咁就簽合約，公司提供高強度、高成本嘅真人導師，員工承諾服務一定年期。呢個係一種互相承諾。
對於政府，佢哋嘅角色最關鍵。面對可能出現嘅結構性失業，唔可以袖手旁觀，置身事外。第一，要檢討政策，唔好再盲目資助數碼化。如果轉型只係單純用AI取代人手，政府應該資助啲人機協作、能提升員工技能嘅項目。第二，社會安全網。如果結構性失業真係可避免，政府可能要開始研究全民基本收入（UBI）或者針對年輕人嘅過渡性津貼，讓佢哋有時間去轉型、去學習新技能，而唔會因為生計所迫去做啲冇前途嘅散工。
好，講完社會層面，我哋轉返嚟講錢。作為fresh grad喺呢個AI顛覆就業嘅時代，佢哋應該點樣選擇行業？
首先，避開「中間人」行業。任何純粹做信息傳遞或者初級內容生產嘅公司都要小心。例如一啲低端嘅外判客服公司、初級嘅翻譯公司，或者係依賴大量初級分析員嘅資訊公司，佢哋嘅價值鏈正在被AI填補。
其次，關注實體資產與體驗經濟。既然AI做唔到實體互動，擁有資產嘅公司更有價值。例如高端互動媒體、演唱會、主題公園、精緻餐飲。呢啲行業嘅人性化部分係溢價嘅來源。
第三，投資AI基礎設施與AI應用嘅龍頭。雖然AI取代人，但AI本身係一大生意。數據中心、能源，以及能夠成功將AI轉化為生產力嘅軟件公司，都係未來前景光明嘅行業。有機會一定要爭取相關經驗。
第四，留意教育科技嘅轉變。如果傳統教育失效，能夠提供高思維、分層訓練、模擬嘅新一代教育大有潛力。唔係嗰啲教你用AI嘅課程，而係教你點樣唔靠AI都能夠巧妙學習嘅培訓機構。所以教育行業仍然大有可為，必須不斷學習，唔係嘅話，佢哋就會被淘汰。
AI時代對於未來嘅發展，我可以大膽推斷，香港會出現一種新嘅階級分化。一種係「AI數據員」，佢哋只係負責數據輸入，比AI做啲好低層次嘅監控工作，人工會被壓得好低。另一種係「AI指揮官」，佢哋擁有強大嘅利思考能力，係AI嘅上司。呢班人會攞走市場上絕大部分嘅利潤。
而中間嘅普通白領，我哋必須承認，係會有好大一批會逐漸消失嘅。呢個話社會可能會經歷一段陣痛，甚至會有動盪，因為大量受過高等教育嘅年輕人，發現自己冇向上流動嘅機會。呢個係政府必須提早防範嘅政治風險。
各位聽眾，今日我哋講咗好多比較沉重嘅話題，由2025年香港fresh grad嘅產量，到白領工作嘅危機，再到如何自救。我想同所有年輕朋友講，AI時代嘅確殘酷，但亦好公平。佢攞走咗我哋嗰啲運氣日子嘅機會，迫我哋迴歸到人類最原始、最核心嘅價值：思考、創造同連結。
唔好因為AI嘅強大覺得自己渺小，因為選擇在於你。係選擇自動化嘅輕鬆，定係刻意嘅磨擦？如果你選擇咗讓AI代替你思考，你就會慢慢變成機器嘅一部分。如果你選擇咗去掙扎，去面對困難，你就會建立起你自己嘅無窮潛力。希望大家都能夠選擇嗰條難行，但有意義嘅路。
好啦，今日嘅節目時間差不多。大家對於AI取代工作有咩睇法？你覺得香港嘅大學生仲有冇出路？抑或有獨門嘅方法對抗AI？歡迎喺下面留言區同我哋分享。
如果你鍾意今日嘅內容，覺得有啟發，記得要訂閱「香港看世界」呢個頻道，撳埋個鐘仔，咁你就唔會錯過我哋下一次關於未來趨勢嘅深度分析。
我係看哥，我哋下集見。
お哈！