عااااجل : ترامب يقصف جزيرة خرج الإيرانية ، وطهران تصيب خمس طائرات أمريكية داخل قاعدة جوية سعودية

في خبر عاجل، ترامب يعلن قصف جزيرة خرج الإيرانية بعدد كبير من القنابل في ضربة عسكرية لم تشهدها منطقة الشرق الأوسط في تاريخها، وفقًا لمقالة على منصته الخاصة "تروث سوشيال".

النهاردة السبت 14 مارس، الساعة دلوقتي 2 صباحًا بعد منتصف الليل بتوقيت القاهرة. طبعًا لسه 13 مارس في الولايات المتحدة، لأنه في فرق خمس ساعات أو سبع ساعات تقريبًا بين القاهرة والولايات المتحدة.

ترامب كتب تغريدة من نص ساعة تقريبًا بيقول فيها على منصته الخاصة "تروث سوشيال" أنه بناءً على أوامره، نفذت القيادة المركزية الأمريكية ضربات صاروخية وقنابل على جزيرة خرج الإيرانية. هذه الجزيرة هي درة التاج للنفط الإيراني. الضربات دي لم يشهدها الشرق الأوسط في تاريخه. وبالتالي ترامب بيوجه رسالة لإيران: "لازم تفتحوا مضيق هرمز". وبيقول إننا، إيران مش هتمنعنا من أي ضربة إحنا عايزين نعملها في الجو ولا في البر ولا في أي مكان، لأنهم ما لهمش أي سيطرة على المجال الجوي بتاعهم ومش هيقدروا يدافعوا عن أرضهم.

لكن ترامب لفت النظر لحاجة، أن الضربة دي لم تستهدف البنية التحتية النفطية في جزيرة خرج الإيرانية. وقال: "لو إيران صممت على إغلاق مضيق هرمز وعدم عبور السفن، فهو هينفذ ضربة عسكرية للمنشآت النفطية".

إيه خطورة الجزيرة دي؟ اتكلمنا عنها في فيديو من يومين، قلنا إن جزيرة خرج هي تقريبًا 90% من النفط الإيراني بيتم تصديره عبر هذه الجزيرة. مساحتها 22 مربع، بتتوجد على بعد 55 كيلو بحري أو ميل بحري من مدينة بوشهر الإيرانية. المنطقة دي أو الجزيرة دي تعتبر هي شريان الحياة الاقتصادي والنفطي لإيران. فيها منشآت نفطية، فيها مطار عسكري، فيها أماكن لتحميل الحاويات النفط، فيها أماكن لمرسى السفن. هي جزيرة مهمة جدًا بالنسبة لإيران، بيتم تصدير 90% من النفط عن طريقها. وبالتالي محمية بشكل كبير من الحرس الثوري، في ألغام بحرية، في زوارق، في صواريخ بالستية.

لكن ترامب بيعلن أنه دمر كل ده. وفقًا ليه طبعًا. إحنا ما نعرفش هو صادق ولا لا، الكلام فيه مبالغة ولا لا. لكن كان واضح أن الطيارات البي 2 طالعة عشان تنفذ ضربة عسكرية. واتكلمنا من شوية في فيديو آخر من كذا ساعة عن "ليلة الحسم"، وأن الولايات المتحدة الأمريكية بتتحرك في ضربة عسكرية قوية. هذه الضربة بيعلن عنها دلوقتي أنها جزيرة خرج الإيرانية.

إلى أي مدى ستتأثر إمدادات النفط؟ إلى أي مدى ستتعامل إيران مع هذه الضربة؟ لأنه إيران قالت: "لو استهدفتوا المنشآت النفطية عندنا، إحنا هنستهدف المنشآت النفطية في العالم كله في المنطقة كلها". يعني إيه؟ يعني دول الخليج دلوقتي منشآتها النفطية في خطر. يعني لو إيران قررت توجيه ضربات عسكرية للمنشآت النفطية في الخليج، إحنا بنتكلم على كارثة عالمية ستؤذي الولايات المتحدة الأمريكية، وستؤذي دول الخليج، وستؤذي الإقليم. وطبعًا هتشنق إيران اقتصاديًا، لأنه إيران كمان بتستفيد من موضوع تصدير النفط إلى الصين.

الخبر اللي قاله دونالد ترامب قال إنه هيتابع الموضوع، وأن إيران لن تمتلك سلاح نووي، وإنه مش هيسمح لإيران تعمل الكلام ده، وإنه الضربة دي هتكون مستمرة، والضربات الأمريكية هتكون مستمرة بشكل كبير جدًا.

في نفس التوقيت اللي ترامب بيتكلم فيه وكأنه انتصر، وول ستريت جورنال بتطلع خبر غاية في الخطورة، أنه في خمس طائرات شحن للوقود، طائرات أمريكية، تم إصابتها بشكل مباشر داخل قاعدة الأمير سلطان الجوية في المملكة العربية السعودية في الأيام الماضية عن طريق صواريخ بالستية إيرانية ومسيرات.

يعني إيه الكلام ده؟ يعني إيران قادرة تستهدف الطيارات الأمريكية والرادارات الأمريكية ومنظومات الدفاع الجوي الأمريكية في البلدان العربية وبلدان الخليج والأردن اللي هي فيها منشآت عسكرية أمريكية. اللي قال الكلام ده هي صحيفة وول ستريت جورنال. يعني حضرتك بتتعامل دلوقتي مع حرب ترامب بيقول لك إن أنا بنتصر فيها، لكن الخسائر الأمريكية كبيرة جدًا. بنتكلم كلم تقريبًا عن 15 جندي أو 13 جندي تم قتلهم من بداية الحرب، أكثر من 250 مصاب حتى الآن، بينهم عدد ليس بالقليل إصاباته خطيرة.

إيران بتكبد أمريكا خسائر، أمريكا بتمتلك المجال الجوي الإيراني. الحرب هتروح لفين؟ خلي عينكم النهارده على القنوات، خلي عينكم النهارده على القناة عندنا على المتابعة اللي بنعملها والتغطية المستمرة، لأنه هذه الليلة كما أطلقت عليها منذ ساعات، يبدو أنها ليلة الحسم العسكري.