مراجعه شهر فبراير علوم متكامله اولي ثانوي | مراجعه علوم متكامله اولي ثانوي شهر مارس

السلام عليكم ورحمه الله وبركاته. شباب أولى ثانوي، ازيكم عاملين إيه؟ معاكم مستر محمد ياسر، مدرس العلوم المتكاملة على منصة الخطّة. وحشتوني جداً جداً، ويا رب تكونوا كلكم كويسين وفي أحسن حال. معادنا النهارده إن شاء الله مع مراجعة الشهر الأول.

الشهر الأول يا مستر، أخدنا فيه ثلاث دروس. الدرس الأولاني اللي هو بتاع الغلاف الحيوي واستقراره. الدرس الثاني اللي اتكلمنا فيه عن العمليات الحيوية: النقل والتنفس الخلوي. والدرس الثالث اللي إحنا اتكلمنا فيه عن الإخراج. الثلاث دروس دول، دول اللي إحنا هنشرحهم بإذن الله في الفيديو ده.

إحنا عاملين لك مراجعة على فيديوهين. فيديو هنشرح لك فيه الثلاث دروس دول بكل تفاصيلهم، بكل تريكاتهم، كأننا بنشرحهم من أول وجديد. والفيديو الثاني هنحل أهم الأسئلة من كتب خارجية بقى، على كتاب مدرسة، على الثلاث دروس دول. ماشي؟ فهنعمل لك مراجعة كويسة جداً إن شاء الله، مش هنقصك فيها أي حاجة، علشان خاطر تقدر تدخل الامتحان بتاع الشهر الأول وانت مطمن.

يلا بينا نبدأ في الدرس الأول اللي هو كان عنوانه الغلاف الحيوي واستقراره، ونسمي الله كده ونشوفه بيقول إيه.

طيب، سبق وقلت لحضرتك إن إحنا الترم اللي فات في أول حصة خالص قلنا إن كوكب الأرض ده بيتكون من أربع أغلفة: الغلاف الحيوي، والغلاف الجوي، والغلاف المائي، والغلاف الصخري. إحنا الترم اللي فات خدنا غلافين، الترم ده هناخد غلفين. الترم اللي فات خدنا الغلاف المائي والغلاف الجوي. ماشي؟ الترم ده إن شاء الله هنتكلم عن الغلاف الحيوي في الوحدة الأولى، والغلاف الصخري في الوحدة الثانية.

طيب، أول درس كان عنوانه الغلاف الحيوي واستقراره. إيه تعريف الغلاف الحيوي يا مستر؟ الغلاف الحيوي ده من الآخر هو أي جزء فيه حياة. أي جزء موجود على كوكب الأرض فيه كائنات حية عايشة فيه، فده كده بقول عليه غلاف حيوي. يبقى الغلاف الحيوي هو أي جزء يوجد به حياة. والتعريفات أنا ما بحفظهاش، التعريفات أنا بفهمها. أوعى تحفظ أي حاجة، أوعى تحفظ أي تعريف. التعريفات أنا بفهمها. ها؟ لما أقول لك أي جزء يوجد به حياة على كوكب الأرض، يبقى أنا قصدي بيه على إيه؟ على الغلاف الحيوي. أي جزء يوجد به حياة على كوكب الأرض.

طيب، هي الحياة موجودة فين يا مستر على كوكب الأرض بالظبط؟ هتقول لي والله في كائنات حية عايشة على سطح كوكب الأرض، في كائنات حية عايشة في أعماق البحار والمحيطات، في كائنات عايشة على قمم الجبال. إذاً، كل جزء موجود على كوكب الأرض، كل حتة، كل حتة موجودة في كوكب الأرض فيها كائنات حية عايشة، يبقى لما أجي أسألك وأقول لك الغلاف الحيوي ده بيمتد من أول فين لحد فين؟ هتقول لي بيمتد من أول قاع المحيط، من أقصى قاع المحيطات لحد قمم الجبال. كل ده كده، كل ده كده بقول عليه غلاف حيوي. بص، من أقصى قاع المحيط لحد قمم الجبال. من قمم الجبال لقاع المحيط، كل ده كده بقول عليه غلاف حيوي. يبقى الغلاف الحيوي بيمتد من أول قاع المحيطات لحد قمم الجبال. في حاجة صعبة؟

طيب، عايزك تبقى عارف حاجة إن الأربع أغلفة اللي إحنا بنتكلم عليهم دول، هما الأربعة في حالة تفاعل مع بعض. الغلاف الحيوي ده بيتفاعل مع الغلاف المائي، والغلاف الجوي، والغلاف الصخري. إزاي؟ تعالى ناخد مثال. عندي مثلا مثال على النبات. ادي النبات أهو، ادي سطح التربة أهي، وادي النبات أهو. ادي النبات أهو، واخد بالك؟ وادي الجذور بتاعته أهي. دي كده تربة، والتربة إحنا متفقين إن فيها ميه وفيها أملاح. النبات يا مستر بيعمل عملية مهمة جداً اسمها عملية البناء الضوئي. والنبات عشان يعمل بناء ضوئي محتاج إن هو يمتص ميه وأملاح من التربة. النبات هيمتص ميه من التربة. يبقى كده الغلاف الحيوي اللي هو النبات اتفاعل مع الغلاف المائي والغلاف الصخري. صح ولا مش صح؟ النبات امتص ميه من التربة. النبات غلاف حيوي، الميه غلاف مائي، التربة غلاف صخري. مش كده؟

طيب، النبات عشان يعمل برضه بناء ضوئي محتاج يمتص ثاني أكسيد الكربون من الجو. محتاج يمتص إيه؟ ثاني أكسيد الكربون من الجو. يبقى كده الغلاف الـ... اتفاعل مع الغلاف الـ... الغلاف الحيوي اتفاعل مع الغلاف الجوي. المهم يعني إن الأربع أغلفة، الأربع أغلفة في حالة تفاعل دائم مع بعضه. في مشكلة؟

طيب، تعالى بقى نمسك الغلاف الحيوي ده. الغلاف الحيوي ده يا مستر بيتكون من إيه؟ قال لي والله الغلاف الحيوي ده بيتكون من حاجتين: كائنات حية عايشة وسط حاجات غير حية. الغلاف الحيوي بيتكون من حاجتين: كائنات حية عايشة وسط عناصر غير حية. الكائنات الحية زي إيه؟ طبعاً زي الإنسان، ها؟ زي الحيوان، زي النبات، زي البكتيريا والفطريات. أي كائنات حية بقى. الكائنات الحية دي عايشة وسط عناصر غير حية زي التربة، ها؟ زي الميه، زي الضوء. دي كده اسمها عوامل غير حية محوطة بينا. ولازم ده يتفاعل مع ده. لازم العناصر الحية أو الكائنات الحية تتفاعل مع الكائنات أو العناصر الغير حية. لازم هما الاتنين دول برضه يبقوا في حالة تفاعل مع بعض عشان يبقى في توازن بيئي. في مشكلة؟

يبقى تاني، هاجي أسألك وأقول لك الغلاف الحيوي بيتكون من إيه وإيه؟ هتقول لي يا مستر بيتكون من عناصر حية وعناصر غير حية. الاتنين في حالة تفاعل ولا في حالة عدم تفاعل؟ هتقول لي لا، في حالة تفاعل طبعاً.

طيب، امسك لي بقى في العناصر الحية دي أو في الكائنات الحية دي. العناصر الغير حية دي، كل وظيفتها إنها تحدد نوع الكائن الحي اللي هيعيش فيها. مثلاً، أنا لو عندي ميه، هل ينفع الميه يعيش فيها حيوان؟ لا. الميه بيعيش فيها سمك. الميه ما بيعيشش فيها أسد ولا نمر ولا قطط ولا كلاب. طيب، افرض أنا مثلاً عندي تربة، هل التربة ينفع يعيش فيها أسماك؟ هتقول لي لا. التربة بيعيش فيها نباتات وفطريات وبكتيريا. إذاً، العناصر الغير حية دي هي اللي بتحدد نوع الكائن الحي اللي هيعيش فيها.

المهم، امسك لي بقى في الكائنات الحية دي. إحنا بنقسم الكائنات الحية إلى ثلاث أنواع. تاني، إحنا بنقسم الكائنات الحية إلى ثلاث أنواع: كائنات بسميها كائنات منتجة، وهي بتمثل النباتات والطحالب وبعض بعض أنواع البكتيريا. بعض أنواع البكتيريا كائنات منتجة. كائنات مستهلكة، اللي هي الكائنات اللي بتاكل على الجاهز. وآخر نوع من الكائنات كائنات محللة. تاني، هنتكلم على كل كائن بالتفصيل. أنا قسمت الكائنات الحية إلى ثلاث أنواع: كائنات منتجة، كائنات مستهلكة، كائنات محللة.

تعالى نتكلم عن الكائنات المنتجة اللي هي النباتات. أولاً، الكائنات المنتجة. ليه بسميهم كده يا مستر؟ ليه بقول عليهم الكائنات المنتجة؟ قال لي والله لأن دي الكائنات اللي بتنتج الطاقة. دي الكائنات اللي بتعمل بناء ضوئي. بتاخد طاقة ضوئية من الشمس تحولها إلى جلوكوز. هي دي اللي بتنتج الطاقة. ماشي؟ هي دي اللي بتصنع غذائها بنفسها. إذاً، أنا ممكن أقول لك عليها كائنات منتجة، أو ممكن أقول لك عليها الكائنات ذاتية التغذية. الكائنات ذاتية التغذية، الكائنات اللي بتصنع غذائها بنفسها. بتصنع غذائها جوه جسمها، ما بتعتمدش في غذائها على كائنات أخرى. في مشكلة؟ اللي هما مين؟ اللي هما النباتات والطحالب وبعض أنواع البكتيريا. نباتات وطحالب وبعض أنواع البكتيريا.

يبقى تاني، الكائنات المنتجة دي الكائنات اللي أنا تملي ببدا بيه أي سلسلة غذائية. أي سلسلة غذائية بتبدأ بالكائن المنتج، سواء نبات أو طحلب أو بعض أنواع البكتيريا. ليه بقول عليه كده؟ لأن ده الكائن اللي بيعمل بناء ضوئي. طيب يا مستر، فكرني كده بعملية عملية البناء الضوئي. فكرني بعملية البناء الضوئي تاني. عملية البناء الضوئي دي كانت بتتم على الورقة لو نبات اللي هيعملها، يعني بتتم على الورقة. الورقة كان بيتجمع عليها أربع مواد. إيه هما؟ الميه والأملاح في وجود الضوء وثاني أكسيد الكربون. الأربع حاجات دول بيتجمعوا على الورقة، فالورقة تاخدهم تحولهم إلى حاجتين: تحولهم إلى جلوكوز (C6H12O6) زائد أكسجين يتصاعد. دي كده كانت عملية البناء الضوئي. يبقى كده النبات أنتج طاقة ولا لأ؟ أنتج. أنتج الغذاء بتاعه ولا لأ؟ ما هو غذاء يعني طاقة. الغذاء بتاع النبات ده اللي هو الجلوكوز يا شباب. ها؟ في مشكلة؟ يبقى كده في عملية البناء الضوئي، النبات أخد طاقة إيه؟ حولها إلى طاقة إيه؟ هتقول لي يا مستر النبات أخد طاقة ضوئية من الشمس حولها إلى طاقة كيميائية موجودة جوه ذرات الجلوكوز. موجودة جوه ذرات الجلوكوز. يبقى في عملية البناء الضوئي بتتحول الطاقة الضوئية إلى طاقة كيميائية. حاجة أسألك وأقول لك: اكتب المصطلح العلمي: العملية التي يتحول فيها الطاقة الضوئية إلى طاقة كيميائية. هتقول لي عملية إيه؟ البناء الضوئي. الله ينور عليك.

ده كده بالنسبة للكائنات المنتجة. أما بقى يا مستر بالنسبة لتاني نوع. تاني نوع من الكائنات الحية: كائنات كنت بسميها الكائنات الكائنات المستهلكة. الكائنات المستهلكة، اللي هي الكائنات اللي ما بتصنعش غذائها بنفسها. كائنات بتيجي تاكل على الجاهز، بتعتمد في غذائها على كائنات أخرى. فممكن تقول لي عليها كائنات مستهلكة، وممكن تقول لي الكائنات غير ذاتية التغذية. كائن ما بيعملش بناء ضوئي، كائن ما بيصنعش غذائه جوه نفسه، كائن بيعتمد في غذائه على كائنات أخرى. في مشكلة؟

طيب، الكائنات المستهلكة دي من كتر ما هما ياما، بقسمهم لثلاث أنواع، وساعات أربع أنواع. أول نوع: كائنات مستهلكة أولية. أول نوع: كائنات بسميها كائنات مستهلكة أولية، اللي هما بيتغذوا على الكائنات المنتجة. اللي هما بياكلوا نباتات. عشان كده في ناس بتسميهم أكلات العشب. يبقى مين هما أكلات العشب دول؟ مين هما أكلات العشب دول؟ اللي هي الكائنات المستهلكة الأولية. مين هي الكائنات المستهلكة الأولية؟ اللي هي الكائنات أكلات العشب. في مشكلة؟ زي الأرانب، والحصان، والحمار، وزي البهايم: البقر، والجاموس، والخرفان، وكده. أي كائن بياكل نباتات بس، ده اسمه كائن مستهلك أولي.

تاني نوع من الكائنات المستهلكة: كائنات بسميها كائنات مستهلكة ثانوية. كائنات مستهلكة ثانوية. مين هما دول يا مستر؟ مين الكائنات المستهلكة الثانوية دول؟ اللي هما بياكلوا الكائنات المستهلكة الأولية. الكائن اللي هياكل الأرنب، أو اللي هياكل الحصان، أو اللي هياكل البقرة. واخد بالك؟ الكائن اللي هياكل ده، فعشان كده بقول عليهم أكلات لحوم. أكلات أكلات لحوم. يبقى الكائنات المستهلكة الثانوية هما أكلات لحوم. في حاجة صعبة؟

تالت نوع: كائنات مستهلكة ثالثية. كائنات مستهلكة ثالثية. اللي هي الكائنات اللي هتاكل الكائنات المستهلكة الثانوية. ودول برضه بيبقوا أكلات لحوم. دول برضه بيبقوا أكلات لحوم. أحياناً، أحياناً بيبقى عندي كائن مستهلك رابع، بسميه كائن مستهلك نهائي. بسميه كائن مستهلك نهائي. ده اللي هياكل الكائن المستهلك الثالثي. وده برضه أكلات لحوم. ده برضه أكلات لحوم. في مشكلة؟

يبقى إذاً، الكائنات المستهلكة دي أنا بقسمها لثلاث أنواع، وساعات أربعة. النوع الرابع ده مش دايماً بيبقى موجود. كائنات مستهلكة أولية، ثانوية، ثالثية، نهائية. مستهلكة أولية، ثانوية، ثالثية، نهائية. الكائن المستهلك الأولي ده اللي هو هياكل النباتات، اللي أنا بسميه أكل عشب. الكائن المستهلك الثانوي ده اللي هياكل المستهلك الأولي، أكل لحوم. الثالث اللي هياكل الثانوي، أكل لحوم. المستهلك النهائي اللي هياكل الثالثي، برضه أكل لحوم. في حاجة صعبة؟

ده كده بالنسبة لتاني نوع من الكائنات الحية اللي موجودة في الغلاف الحيوي، اللي هي الكائنات المستهلكة. ودي عندي منها أقسام كتير.

آخر نوع بقى، آخر نوع من الكائنات الحية اللي موجودة على كوكب الأرض، أو اللي موجودة في الغلاف الحيوي، كائنات بسميها الكائنات المحللة. الكائنات المحللة. ودي تملي اللي بتيجي في آخر أي سلسلة غذائية. أي سلسلة غذائية لازم تلاقي في آخرها كائن محلل. الكائنات المحللة دي اللي هي مين؟ الكائنات المحللة دي اللي هي الكائنات اللي بتاكل الكائنات الميتة. كائن مات مثلاً، فالكائن ده مين اللي هيحلله؟ الكائنات المحللة دي اللي هما مين يا مستر؟ اللي هما البكتيريا. البكتيريا، ها؟ وبعض الفطريات. أو لأ، البكتيريا وكل الفطريات. البكتيريا والفطريات. البكتيريا والفطريات دول كده بقول عليهم كائنات محللة.

الكائنات دي كائنات مهمة جداً جداً في التوازن البيئي. ليه؟ تخيل كده كوكب الأرض من غير كائنات محللة. إيه اللي هيحصل؟ هتقول يا مستر اللي هيحصل إن الجثث اللي هتموت، مش هتتحلل. لو كائن مثلاً مات، مش هيتحلل. فده هيؤدي إلى تراكم المواد العضوية، تراكم الجثث. واخد بالك؟ الجثث مش هتتحلل. جثة أي كائن بقى. فده هيؤدي إلى تراكم المواد العضوية. إذاً، الكائنات دي من أهم الكائنات اللي عايشة على كوكب الأرض.

طيب، بص بقى الكائنات دي بتعمل إيه؟ الكائنات دي بتحلل الكائنات الميتة. طيب، هو أي كائن حي لما بيموت ويتحلل، بيتحلل إلى إيه؟ بيتحلل إلى عناصر. ما هو أنا جسمي ده عبارة عن عناصر: كربون، وهيدروجين، وأكسجين، ونيتروجين، وفوسفور، وحاجات كده. فدلوقتي الكائن الحي لما يموت ويتحلل، هيتحلل إلى إيه؟ إلى عناصر. العناصر دي هتعود إلى التربة. هترجع تاني للتربة. يبقى كده لما أجي أسألك وأقول لك مين الكائن اللي وظيفته إنه يرجع العناصر إلى التربة؟ هتقول لي الكائن المحلل، بكتيريا أو فطريات. في مشكلة؟ يبقى كده الغلاف الـ... اتفاعل مع الغلاف الـ... هتقول لي يا مستر الغلاف الحيوي اتفاعل مع الغلاف الصخري. هقول لك صح. يبقى الكائنات دي كائنات مهمة قوي قوي قوي.

إذاً، أي سلسلة غذائية متوازنة لازم تبدأ بكائن منتج، بعديه كائن مستهلك أولي اللي هو أكلات العشب، بعديه مستهلك ثانوي، بعديه مستهلك ثالث، بعديه مستهلك نهائي. ساعات المستهلك النهائي ده بيبقى موجود وساعات لأ. وفي الآخر خالص لازم يجي الكائن المحلل اللي هياكلهم كلهم لما يموتوا. الكائن المحلل ده هو اللي هياكل كل الكائنات اللي قبل منه دي لما تيجي تموت. في حاجة صعبة؟

بعد كده، أخدنا مخطط وقلت لك المخطط ده حفظ. الحاجة الحفظ هقول لك عليها حفظ. ماشي؟ المخطط ده حفظ. حاجة اسمها المستويات التنظيمية في الغلاف الحيوي. قلت لك إن الغلاف الحيوي ده هو عبارة عن حاجة كبيرة، تحت منه شوية مستويات أصغر في أصغر فـ أصغر، فـ أصغر، بقول عليها المستويات التنظيمية للغلاف الحيوي. زي إيه؟ أنا مثلاً عندي الغلاف الحيوي أهو، اللي هو كل الأجزاء اللي فيها حياة على كوكب الأرض. فده كده أكبر حاجة. قلت لحضرتك إن الغلاف الحيوي ده بيتكون دون من مجموعة من المناطق الحيوية. مناطق حيوية إيه يا مستر؟ المناطق الحيوية دي اللي هي عبارة عن المناطق المتشابهة في الخصائص. يعني الغابات، الغابات اللي في أفريقيا، الغابات اللي في الأمازون، الغابات اللي في جنوب شرق آسيا. كل الغابات اللي موجودة على كوكب الأرض بسميها منطقة حيوية. الصحاري منطقة حيوية. في مشكلة؟ المحيطات منطقة حيوية، وهكذا.

إذاً، تاني، الغلاف الحيوي عبارة عن مجموعة من المناطق الحيوية. كل منطقة حيوية، كل منطقة حيوية بتتكون من مجموعة من النظم البيئية. كل منطقة حيوية بتتكون من مجموعة من النظم البيئية. النظام البيئي ده بيتكون من إيه؟ بيتكون من عناصر حية وغير حية. يعني مثلاً الغابة، الغابة هي مثال على المنطقة الحيوية. الغابة دي جواها مجموعة من النظم البيئية. الغابة جواها نظام بيئي مائي، نظام بيئي هوائي، نظام بيئي مش عارفة جواها خضرة، جواها حاجات كتير قوي، جواها أنظمة بيئية.

طيب، كل نظام بيئي، كل نظام بيئي عبارة عن مجموعة من المجتمعات الحيوية. المجتمعات الحيوية. مجتمع للحشرات، مجتمع للحيوانات المفترسة، مجتمع للأسماك، مجتمع للديدان، مجتمع للفطريات. مجتمعات مجتمعات. طيب، كل مجتمع عبارة عن مجموعة من الجماعات الحيوية. كل مجتمع عبارة عن مجموعة من الجماعات الحيوية. يعني امسك مثلاً في مجتمع الحشرات. مجتمع الحشرات ده عبارة عن مجموعة من الجماعات: جماعة للنحل، جماعة للنمل، جماعة للفراشات، جماعة لمعرفش إيه. في مشكلة؟

طيب، كل جماعة عبارة عن مجموعة من إيه؟ عبارة عن مجموعة من الأفراد. كل جماعة عبارة عن مجموعة من الأفراد. يبقى تاني، هل المخطط ده حفظ؟ اه حفظ. الغلاف الحيوي عبارة عن مجموعة من المناطق. كل منطقة عبارة عن مجموعة من النظم البيئية. كل نظام بيئي عبارة عن مجموعة من المجتمعات الحيوية. كل مجتمع عبارة عن مجموعة من الجماعات. وكل جماعة هي عبارة عن مجموعة من الأفراد.

فالسؤال هنا هيجي إزاي يا مستر؟ السؤال هنا هيجي يسألك ويقول لك: مجموعة من الجماعات الحيوية تديني إيه؟ هل هتديني نظام بيئي ولا منطقة حيوية ولا مجتمع حيوي ولا غلاف حي؟ هتقول له لا، مجتمع. مجموعة من الجماعات تديني مجتمع. مجموعة من المجتمعات تديني نظام. مجموعة من النظم تديني منطقة حيوية، وهكذا. هقعد بقى ألعب لك براحتي في الأسئلة في في المخ المخطط ده. في مشكلة؟

طيب، بعد كده دخلنا على الفرق ما بين السلسلة الغذائية والشبكة الغذائية. قلت لك إن السلسلة الغذائية دي هي عبارة عن مسار بيوضح اتجاه انتقال الغذاء من فين لفين. مسار واحد، مخطط واحد بيوضح لك اتجاه انتقال الغذاء من فين لفين. يعني مثلاً اللي قدامك دي كده سلسلة غذائية. أي سلسلة غذائية سليمة ومتوازنة لازم تبدأ بالكائن المنتج وتنتهي بالكائن المحلل. فاللي قدامك دي كده سلسلة بدأت أهي بالكائن المنتج اللي هو النبات. مين اللي جا أكله؟ هتقول لي يا مستر اللي جا أكله هو الجرادة اللي هي الحشرة اللي أنا بقول عليها مستهلك أولي أو أو بقول عليها أكلات عشب. مين اللي هيجي ياكل الجراد؟ الضفدع. يبقى الضفدع ده مستهلك ثانوي. مين اللي أكل الضفدع؟ التعبان. يبقى التعبان مستهلك ثالث. مين اللي أكل التعبان؟ الصقر. يبقى الصقر ده مستهلك نهائي. مين بقى اللي هيجي ياكل الصقر أو اللي هياكلهم كلهم لما يموتوا؟ الفطر اللي هو يعتبر كائن محلل. يبقى دي كده سلسلة غذائية بتوضح اتجاه انتقال الطاقة. الطاقة كانت موجودة هنا، اتنقلت لهنا، اتنقلت لهنا، اتنقلت لهنا، وهكذا. في مشكلة؟

طيب، لما اجيب بقى، عايز بس عايزك بس تلاحظ حاجة. رأس السهم عند مين؟ رأس السهم عند مين مثلاً في رأس السهم دي؟ عند الضفدع ولا عند الجرادة؟ لا، عند الضفدع. يبقى الضفدع هو اللي بياكل. الضفدع هو اللي أكل الجرادة. هتشوف رأس السهم عند مين، ويبقى هو ده كده الكائن اللي أكل. ماشي؟ رأس السهم ده عند مين؟ عند الصقر. يبقى الصقر هو اللي أكل التعبان، وهكذا.

طيب، إذاً تعريف السلسلة الغذائية قلت لك هو عبارة عن مسار، مسار واحد بيوضح اتجاه انتقال الغذاء أو الطاقة. طيب، لما أجيب بقى مجموعة مسارات أو مجموعة سلاسل غذائية أدخلهم مع بعض كده، أنا هعمل حاجة اسمها شبكة غذائية. كده أنا هعمل حاجة اسمها إيه؟ شبكة غذائية. يبقى الشبكة الغذائية عبارة عن مجموعة من السلاسل الغذائية المتداخلة. الشبكة الغذائية مجموعة من السلاسل، مجموعة من السلاسل المتداخلة. يبقى لما يجي يسألك ويقول لك: علل أو اكتب المصطلح. مجموعة من أول ما أشوف كلمة "مجموعة من السلاسل" دي، يبقى ده تعريف الشبكة الغذائية.

أنا جبت تلات أربع سلاسل، دخلتهم مع بعض، عملت بيهم شبكة. فمثلاً عندي الصقر أهو. الصقر، الصقر رايح له كام سهم؟ الصقر رايح له سهم من التعبان، وسهم من الفار، وسهم من الأرنب. يبقى كده الصقر هياكل تعبان، وهياكل الفار، وهياكل الأرنب. في مشكلة؟

أما الضفدع، الضفدع رايح له كام سهم؟ رايح له سهمين. رايح له سهمين أو رايح له سهم واحد. مش سهم من الجراد بس. الضفدع رايح له سهم من الجراد. يبقى كده الضفدع بياكل الجراد. في مشكلة؟

أما البومة، البومة رايح لها كام سهم؟ البومة رايح لها سهمين. سهم من الضفدع، وسهم. يبقى البومة بتاكل الضفدع والفار. وهكذا. يبقى أنت بتشوف رأس السهم فين، ويبقى هو ده كده الكائن اللي بياكل. في مشكلة؟

أنا عندي نوعين من الشبكات الغذائية. أنا عندي نوعين من الشبكات الغذائية: شبكة غذائية بسيطة، ها؟ وشبكة غذائية معقدة. على حسب عدد الكائنات اللي أنت هتحطها، اللي أنت هتحطهم في الشبكة. مثلاً، أنا لو عايز أعمل شبكة غذائية لصحرا. هل الصحرا بيعيش فيها كائنات حية ياما؟ لا. فالشبكة اللي هعملها هعملها بسيطة ولا معقدة؟ هعملها بسيطة. طيب، عايز أعمل شبكة غذائية هي الغابة. الغابة عايش فيها كائنات ياما قوي قوي قوي، فهعملها بسيطة ولا معقدة؟ أكيد هعملها معقدة. في حاجة صعبة لحد كده؟

طيب، بعد كده دخلنا على جزئية مهمة جداً، أاا ليها علاقة بحاجة اسمها تدفق الطاقة. تدفق، كلمة تدفق يعني انتقال. ماشي؟ دلوقتي النبات، مين اللي جا أكله؟ هتقول لي يا مستر اللي جا أكله هو المستهلك الأولي. مين اللي جا أكل المستهلك الأولي؟ المستهلك الثانوي. المستهلك الثالثي. يبقى كده الطاقة عمالة عمالة تتنقل من كائن لكائن. الطاقة عمالة تتنقل من كائن لكائن، عمالة تتدفق من كائن لكائن.

قبل بس ما ناخد معدل التدفق ده، أنا عايز أعرفك على تلات أهرامات موجودين في علم الأحياء. أول هرم اسمه هرم الأعداد. هرم الأعداد ده هو بيوضح لك أعداد الكائنات عاملة إزاي. فمثلاً، أكتر الكائنات اللي ليها أعداد كبيرة قوي على كوكب الأرض هي الكائنات المنتجة. النباتات والطحالب. النباتات والطحالب موجود على كوكب الأرض بأعداد مهولة، بأعداد ياما قوي قوي قوي قوي، فعشان كده بحطها في قاعدة الهرم. الأرقام دي مش عليك، ها؟ الأرقام دي مش حفظ. يبقى إذاً، أكتر الكائنات أعداد هي الكائنات المنتجة، وبحطها في قاعدة هرم الأعداد. في مشكلة؟ وكل ما بطلع بقى، كل ما الكائنات عددها بيقل. مين اللي بعد الكائنات المنتجة؟ الكائنات المستهلكة الأولية، اللي هي الحشرات والحاجات دي. الحشرات والكلام ده كله. مين اللي بعدهم؟ الكائنات المستهلكة الثانوية. مين اللي بعدهم؟ الكائنات المستهلكة الثالثية. يبقى الكائنات المستهلكة الثالثية هي أقل الكائنات عدداً. أقل الكائنات عدداً. يبقى أكتر الكائنات عدداً هي الكائنات المنتجة. أقلهم عدداً هي الكائنات المستهلكة الثالثية. ده بالنسبة لهرم الأعداد.

أاا، في حاجة اسمها هرم الكتلة الحيوية. هرم الكتلة الحيوية. إيه كتلة حيوية؟ يعني كتلة كل كائن لكل متر مربع من الأرض. كل متر مربع من الأرض فيه قد إيه من الكائن ده؟ فهرم الكتلة الحيوية ده، ده اللي هيبقى عليا حفظ. أكتر الكائنات اللي عندها كتلة حيوية هي أكتر الكائنات اللي عندها أعداد ياما، اللي هي الكائنات المنتجة. عشان كده برضه بحطها في قاعدة الهرم. الكائنات المنتجة يا مستر، اللي هي النباتات، كتلتها الحيوية كام؟ قال لي كتلتها الحيوية 800. 800 جرام لكل متر مربع. يعني كل متر مربع من الأرض فيه 800 جرام نبات. في مشكلة؟

طيب، بعد كده المستهلكة الأولية، بعد كده المستهلكة الثانوية، بعد كده المستهلكة الثالثية. الكائنات المنتجة 800، المستهلكة الأولية 37، الثانوية 11، الثالثية 1.5. الهرم بتاع الكتلة الحيوية ده حفظ. ها؟ الحاجات اللي هقول لك عليها حفظ. 837، 11، 1.5. منتجة، مستهلكة أولية، مستهلكة ثانوية، مستهلكة ثلاثية.

نيجي بقى للحاجة المهمة اللي عندنا، اللي هي تالت هرم، أو اللي بيتقال عليه هرم الطاقة. هرم الطاقة. صلي على النبي. مين هو مصدر الطاقة؟ تعالى كده مثلاً نعمل سلسلة غذائية. عندي نبات أهو، اللي جا أكله هتقول لي يا مستر اللي جا أكله هو المستهلك الأولي. مين اللي جا أكل المستهلك الأولي؟ المستهلك الثانوي. المستهلك الثالثي. يبقى كده الطاقة عمالة عمالة تتنقل من كائن لكائن.

يبقى كده النبات أنتج طاقة أو أنتج جلوكوز، الطاقة اللي جوه الجلوكوز ده مقدارها 1000 جول. خلي بالك، الطاقة جوه الكائنات الحية يا إما بتتقاس بالجول، يا إما بتتقاس بالكالوري اللي هو السعر الحراري. بس إحنا هنستخدم الجول. وليكن مثلاً النبات أنتج طاقة أو أنتج جلوكوز، مقدارها 1000 جول. مين اللي هيجي ياكل النبات؟ هتقول لي الجراد. هل الـ 1000 جول هيتنقلوا كلهم من النبات للجراد؟ قال لي لأ، هيتنقل 10% منهم بس. ليه؟ لأن النبات ده في جواه عمليات حيوية محتاجة طاقة. النبات ده بيتنفس وبيخرج وبيحس وبيتكاثر، فكل العمليات دي محتاجة طاقة. فاللي هيتنقل، اللي هيتنقل من الطاقة 10% بس. يعني من الآخر، الجراد لما هيجي ياكل النبات، الطاقه اللي هتتنقل للجراد مقدارها 100 جول فقط. طب الـ 900 جول الباقيين راحوا فين؟ النبات استهلكهم. النبات استهلكهم في إيه؟ في العمليات الحيوية بتاعته. تنفس، هضم، نقل، تكاثر، إحساس، بناء ضوئي. كل العمليات دي محتاجة طاقة.

إذاً، الطاقة دلوقتي موجودة عند مين؟ موجودة عند الجراد يا مستر. موجودة عند مين؟ الجراد اللي هو الكائن المستهلك الأولي. مقدارها كام؟ مقدارها 100 جول. مين اللي هيجي ياكل الجراد؟ الضفدع. صح ولا مش صح؟ الضفدع لما هيجي ياكل الجراد، هياكل الـ 100 جول كلهم؟ هل الـ 100 جول كلهم هيتنقلوا من الجراد للضفدع؟ قال لي لأ، 10% بس منهم. يعني اللي هيتنقل للضفدع طاقة مقدارها 10 جول فقط. طب الـ 90 جول الباقيين راحوا فين؟ الجراد استخدمهم. استخدمهم في إيه؟ في العمليات الحيوية بتاعته. الطاقة دلوقتي واقفة عند الضفدع. مين اللي هيجي ياكل الضفدع؟ الصقر. الصقر هياكل الـ 10 جول كلهم؟ قال لي لأ، الـ 10 جول دول اللي هيتنقل منهم بس 10%، يعني 1 جول فقط. وهكذا بقى. وهكذا. يبقى الطاقة اللي بيتنقل منها 10% بس، وفي 90% منها بيبقى مفقود. في 90% من الطاقة بتبقى مفقودة. الطاقة المفقودة دي فقدت في إيه؟ في العمليات الحيوية بتاعة كل كائن.

أنا أهو، اسمي محمد. أنا جوايا طاقة مقدارها 10000 جول. في أسد جا أكلني. هل الـ 10000 جول بتوعي كلهم هيتنقلوا للأسد؟ لا. أمال هيتنقل منهم قد إيه للأسد؟ 10% بس، يعني 1000 جول. أمال الـ 9000 جول أنا استهلكتهم في إيه؟ الـ 9000 جول الباقيين دول راحوا فين؟ أنا استهلكتهم. استهلكتهم في إيه؟ في العمليات الحيوية اللي عندي. هو أنا مش جوه جسمي في عمليات حيوية، وكل عملية حيوية محتاجة طاقة؟ في مشكلة؟

في حاجة صعبة؟ طبعاً هنحل مسائل كتير على الجزء ده، وهو جزء سهل قوي قوي أصلاً، بس في الفيديو بتاع الحل إن شاء الله.

عندي تطبيق كده في في الدرس ده، حاجة اسمها الأطواق الذكية. الطوق الذكي ده عبارة عن طوق كده شبه الأطواق اللي إحنا بنلبسها للكلاب، بس أاا طوق بيبقى فيه مستشعرات. أاا طوق ذكي بيبقى فيه مستشعرات كده صغيرة. المستشعرات دي بتقدر تقيس أي حاجة في في الحيوان اللي أنت ملبسه الطوق ده. بتقيس نبضه، بتقيس ضغطه، بتقيس مستوى السكر، سكر في جسمه، بتقيس معدل الحركة بتاعته. واخد بالك؟

طيب، أنا بعمل كده ليه؟ أنا بعمل كده عشان أحمي الحيوانات من الانقراض. عندي مثلاً حيوان زي حيوان الباندا. حيوان الباندا ده مهدد بالانقراض. فـ أقوم مركب له طوق ذكي، على أساس الحيوان ده لو حصل له أي حاجة، أعرف أعالجه بسرعة. الطوق الذكي ده بيبقى طبعاً متوصل بلاب توب أو بتليفون، والداتا كلها بتظهر لي على التليفون أو اللاب توب. ده معدل حركته كام؟ ضغط دمه قد إيه؟ سرعة نبضات قلبه قد إيه؟ سرعة الحركة بتاعته قد إيه؟ معدل الهضم عنده كويس ولا لأ؟ وهكذا.

وفعلاً، باستخدام الطوق ده، قدروا إن هم يحموا حيوان من الانقراض اسمه حيوان الوشق. الوشق اللي هي القطط المفترسة. القطة أو القطط البرية، الوشق ده بيعيش طبعاً في مصر وبيعيش أماكن كتير، بس هما حموا الحيوان اللي عايش في سيبيريا في روسيا. وشق عايش في سيبيريا. طبعاً سيبيريا الدنيا كلها تلج. ما فيش كائنات حية يقدر يفترسها. فكان هو خلاص قرب إن هو ينتهي وقرب إن هو يموت. فباستخدام الأطواق دي، عرفوا إن في مشكلة، وعرفوا إن الحيوان ده بيعاني من أمراض كتير قوي، وبياني من ضعف. فقدروا إن هم إيه؟ قدروا إن هم يحموه من الانقراض.

كده هيتفضل لنا في الدرس الأول الجزء اللي هو الثالث منه، اللي هو الخاص بالمركبات الكيميائية. تعالى ناخده عشان خاطر نقفل الدرس الأول ده.

طيب، كده إحنا خلصنا نص الدرس الأول. فاضل بقى النص الثاني، والنص الثاني ده اللي بالنسبة لي مهم. النص الأولاني بتاع الدرس، كل اللي إحنا كنا بنقوله ده مهم طبعاً وكل حاجة، بس اللي جاي أهم. النص الثاني في الدرس الأول كان بيكلمك على حاجة اسمها المركبات الكيميائية اللي موجودة جوه أجسام الكائنات الحية. أي كائن حي جسمه عبارة عن مركبات كيميائية. أنت جسمك ده جواه مركبات كيميائية. ماشي؟ وسبق وقسمنا المركبات الكيميائية أو المواد الكيميائية إلى نوعين: مواد عضوية ومواد غير عضوية. وقلنا يعني إيه مادة عضوية؟ المادة العضوية هي المادة اللي فيها كربون وهيدروجين مع بعض. طب لو مادة فيها كربون بس، أو هيدروجين بس، أو أي عنصر تاني، تبقى غير عضوية. قلنا إن المواد العضوية بتتميز بأن هي مواد كومبلكس، مواد معقدة. المواد الغير عضوية بتبقى مواد بسيطة. المواد الغير عضوية زي إيه يا مستر؟ المواد البسيطة الغير عضوية دي زي إيه؟ زي الميه، زي الأملاح، زي ثاني أكسيد الكربون. طب المواد العضوية بقى اللي في أجسامنا زي إيه؟ زي الأربع مواد اللي قدامك دول: الكربوهيدرات، البروتينات، اللايبيدات اللي هي الدهون، والأحماض النووية.

إذاً، إحنا في النص الثاني من الدرس الأول هنتكلم عن المركبات الكيميائية العضوية اللي موجودة جوه أجسام الكائنات الحية: كربوهيدرات، اللي هي السكريات، بروتينات، دهون، أحماض نووية. تعالى نسمي الله ونبدأ بالكربوهيدرات.

أولاً، الكربوهيدرات أو السكريات. هي المواد الأكثر شيوعاً جوه جسمك. يعني أنت أكتر مادة منتشرة جوه جسمك هو السكر. أكتر مادة منتشرة جوه جسمك هو السكر. وخلي بالك دي ممكن تيجي في المصطلح: المركبات العضوية الأكثر شيوعاً داخل أجسام الكائنات الحية. هتقول له الكربوهيدرات.

الكربوهيدرات يا مستر، السكريات، بتتكون من كام عنصر؟ بتتركب من كام عنصر؟ بتتركب من تلات عناصر: كربون، هيدروجين، أكسجين. دي هي العناصر المكونة. يعني أي سكر في الدنيا لازم تلاقيه مكون من التلات عناصر دول، ولازم يبقوا موجودين بنسب محددة. إيه هي النسبة المحددة دي يا مستر؟ قال لي واحد إلى اتنين إلى واحد. لازم كل ذرة كربون يقابلها ذرتين هيدروجين، يقابلها ذرة أكسجين. زي إيه؟ زي الجلوكوز. هو مش الجلوكوز كان C6H12O6؟ يعني النسبة متحققة ولا لأ؟ على الستة فيها الواحد، على الستة فيها الاتنين، على الستة فيها الواحد. لازم عدد ذرات الكربون تبقى قد عدد ذرات الأكسجين، والهيدروجين يبقى ضعفهم. يعني لو الكربون بـ x، يبقى الهيدروجين بـ 2x، وهكذا. المهم، قسمنا الكربوهيدرات إلى نوعين، أو قسمنا السكريات إلى نوعين: سكريات بسيطة، وسكريات معقدة. سكريات بسيطة، وسكريات معقدة. وقلت لك إن السكريات البسيطة دي ذات نفسها بتتقسم إلى نوعين: سكريات بسيطة أحادية، وسكريات بسيطة ثنائية. تاني، السكريات بتتقسم إلى نوعين رئيسيين: سكريات بسيطة، وسكريات معقدة. السكريات البسيطة ذات نفسها بتتقسم إلى نوعين: سكريات بسيطة أحادية، وسكريات بسيطة ثنائية. في أي مشكلة؟

طيب، تعال نتكلم على كل نوع منهم. أولاً، تعالى نتكلم عن السكريات البسيطة الأحادية. يعني إيه يا مستر سكر أحادي؟ بالكلام ده، الأشكال دي مش عليك، ها؟ الأشكال دي للاطلاع فقط. يعني إيه سكر أحادي؟ سكر أحادي يعني سكر هو كله على بعضه عبارة عن جزيء واحد. سكر مكون من جزيء واحد. وده بيمثل أبسط أشكال السكريات. أبسط السكريات هي السكريات الأحادية دي. وأخدنا مثالين، وأنا ضفت مثال تالت من عندي، وهنعرف ليه أخدنا تلات أمثلة على السكريات الأحادية. أخدنا سكر الجلوكوز. سكر الجلوكوز، اللي هو طبعاً أشهر سكر. وقلت لك إن سكر الجلوكوز ده هو سكر العنب. سكر العنب. السكر اللي موجود في العنب اسمه الجلوكوز. أخدنا الفركتوز. الفركتوز، وفركتوز جاية من فروت. يبقى إذاً، الفركتوز ده هو سكر الفاكهة. سكر الفاكهة. الفركتوز هو سكر الفاكهة. أي فاكهة جواها سكر اسمه الفركتوز، طبعاً ما عدا العنب. وأخدنا سكر تالت اسمه الريبوز. وقلنا إن سكر الريبوز ده هو السكر اللي موجود في الـ DNA والـ RNA. في مشكلة؟ دول كده التلات أمثلة اللي على السكريات الأحادية. يبقى لما أقول لك من أمثلة السكريات الأحادية، هتقول لي: جلوكوز، فركتوز، ريبوز. جلوكوز، فركتوز، ريبوز.

أما يا مستر بالنسبة للسكريات الثنائية. يعني إيه سكر ثنائي؟ السكر الثنائي هو سكر ناتج من اتحاد جزيئين. سكر مكون من جزيئين. جزيء كده وجزيء كده، هما الاتنين ماسكين في بعض. يبقى يبقى ده كده سكر ثنائي. يبقى السكر الثنائي عبارة عن سكر أحادي مع سكر أحادي يعملوا لي سكر ثنائي. أخدنا مثالين بس على السكريات الثنائية: سكر اسمه لاكتوز. سكر اسمه لاكتوز. وأنا قلت لك إن كلمة لاكت باللاتيني يعني لبن، وأوز يعني سكر باللاتيني. فلما أقول لك لاكتوز، يعني سكر اللبن. إيه ده يا مستر؟ هو اللبن فيه سكر؟ آه، بس سكر مش أنت ما بتحسش بطعمه. يبقى اللاكتوز ده هو سكر اللبن. سكر اللبن. وأخدنا مثال تاني، سكر اسمه السكروز. اللي هو السكر اللي موجود عندنا في المطبخ ده. وطبعاً سكر السكروز ده هو سكر القصب.

إذاً، يا شباب، أنا دلوقتي خلصت السكريات البسيطة. أخدت السكريات الأحادية، وأخدت السكريات الثنائية. السكريات الأحادية: جلوكوز، فركتوز، ريبوز. جلوكوز، فركتوز، ريبوز. الجلوكوز سكر العنب، الفركتوز سكر الفاكهة، الريبوز سكر الأحماض النووية اللي هو الـ DNA والـ RNA. أما السكريات الثنائية، أخدت سكرين بس: لاكتوز وسكروز. لاكتوز وسكروز. اللاكتوز سكر اللبن، والسكروز سكر القصب.

أما بالنسبة للسكريات العديدة، بيسموها سكريات عديدة أو سكريات معقدة. يعني إيه سكر معقد؟ يعني سكر ناتج من اتحاد كذا جزيء. يعني هو لما كان جزيء واحد، لما كان جزيء واحد شبه ده، كنت بقول عليه سكر أحادي. لما جبت سكر أحادي مع سكر أحادي، يعني عندي جزيئين، فكده بقول عليه سكر ثنائي. طب لما يبقى عندك أكتر بقى من جزيء من السكريات الأحادية، عندك تلاتة، أربعة، خمسة، فساعتها السكر ده بقول عليه سكر معقد أو سكر عديد. في مشكلة؟

طيب، أنا عندي كذا مثال على السكريات المعقدة. عندي سكر اسمه السليلوز. سكر اسمه اسمه السليلوز. سكر اسمه النشا. سكر اسمه الجلايكوجين. وسكر اسمه الكايتين. تاني، تاني: سليلوز، نشا، جلايكوجين، كايتين. سليلوز، نشا، جلايكوجين، كايتين. كل دي أمثلة على السكريات المعقدة.

طيب، إيه بقى يا مستر أهمية السكريات؟ طبعاً أهمية، أول أهمية وأهم أهمية للكربوهيدرات أو السكريات هي عملية إنتاج الطاقة. السكريات أنا بستخدمها، أنا جسمي بيستخدمها في إنتاج الطاقة. الطاقة اللي حضرتك اللي ممشية حضرتك دي ومخليك ومخليك قادر تقوم وتقعد وتتحرك وكده، جاية من الجلوكوز أو من السكريات عن طريق إيه؟ عن طريق عملية أخدناها واتكلمنا عنها كتير قوي قوي قوي اسمها عملية التنفس الخلوي، أو بيتقال عليها عملية أكسدة الجلوكوز. أنت حضرتك بتاكل أي سكر، أكلت مثلاً، أكلت أي مصدر للسكريات، أكلت معلقة سكر. معلقة السكر دي هتخش جوه جسمك، هتتهضم، هتتحول إلى جلوكوز. صح ولا مش صح؟ الجلوكوز ده هيخش على خلايا جسمك، هيحصل له عملية أكسدة أو تكسير. كلمة أكسدة تكسير. فلما يتكسر، هينتج عنه طاقة. الطاقة دي هي دي بقى اللي هتشغل بقى الخلايا بتاعتك وهتخليك قادر تقوم وتتحرك وتقعد وتك.

طيب، تاني أهمية طبعاً، اتكلمنا عليها حاجة اسمها تخزين الطاقة. فرضا، فرضا أنا هتكلم عن النبات، وهتكلم عن الإنسان والحيوان. ها؟ هتكلم عن الإنسان والحيوان. فرضا إن النبات عنده سكريات كتير، عنده جلوكوز زيادة. عنده إيه؟ عنده جلوكوز زيادة. فساعتها النبات هيحوش الجلوكوز الزيادة ده، هياخده كده ويحوشه ويحوله إلى نشا. يحوله إلى سكر معقد اسمه نشا، ويخزن النشا جوه البلاستيدات الخضراء. إذاً، النبات بيخزن الطاقة في صورة إيه؟ في صورة نشا. تاني، النبات بيخزن الطاقة الزيادة أو بيخزن الجلوكوز الزيادة في صورة إيه؟ في صورة نشا داخل البلاستيدات. داخل البلاستيدات. ده لو نبات.

طب يا مستر، بالنسبة للإنسان والحيوان؟ الإنسان، أنا لو جسمي مثلاً فيه جلوكوز زيادة، فيه سكريات زيادة، هعمل فيهم إيه؟ قال لي برضه هجمع السكريات الزيادة دي، هجمع الجلوكوز الزايد ده، وأعمل بيه سكر معقد اسمه جلايكوجين. اسمه جلايكوجين. وأخزن الجلايكوجين ده في الكبد والعضلات. يبقى تاني، الإنسان والحيوان بيخزنوا السكريات الزايدة أو بيخزنوا الطاقة الزايدة في صورة إيه؟ في صورة جلايكوجين. في صورة جلايكوجين. فين يا مستر؟ داخل الكبد والعضلات. إيه ده يا مستر؟ يعني أنا الكبد بتاعي فيه سكر متخزن اسمه جلايكوجين؟ آه. طب أنا بحتاجه في إيه ده بقى؟ حضرتك بتحتاج الجلايكوجين ده وأنت صايم، لما السكر في دمك...

او لما الجلوكوز في دمك يبقى واقع، فساعتها في هرمون معين كده بيطلع مش عليا اسمه، بيروح على الكبد ياخد الجلايكوجين اللي في الكبد ده يحوله إلى جلوكوز ويرميه في الدم. يفكه إلى جلوكوز ويرميه في الدم. يبقى أنا كده عوضتك ولا لا؟ أنت واحد ما بتاكلش، فانا كده عوضتك ولا لا؟ فده اللي بيحصل.

يبقى اللي أنا عايز أسألك عليه إن النبات بيخزن الطاقة في صورة إيه؟ هتقول لي يا مستر في صورة نشا. النشا ده بيبقى موجود فين؟ في البلاستيدات بتاعة النبات. طيب الإنسان والحيوان بيخزنوا الطاقة في صورة إيه؟ هتقول لي في صورة جلايكوجين. فين؟ في الكبد والعضلات.

ثالث أهمية للكربوهيدرات إن الكربوهيدرات كانت مسؤولة عن بناء الخلايا زي سكر السليلوز. سكر السليلوز احنا أخدنا الترم اللي فات إن الجدار الخلوي بتاع النباتات بيدخل في تركيبه السليلوز، والسليلوز ده طلع سكر معقد أهو. تمام؟ يبقى لما أجي أسألك وأقول لك علل الكربوهيدرات تشارك في بناء الخلايا؟ هتقول لي حيث أن السليلوز يدخل في تركيب الجدر الخلوية للنباتات. الجدر الخلوية للنباتات. فدي كده بالنسبة لثالث أهمية.

أما رابع أهمية، أخدنا إحنا سكر معقد كده من شوية اسمه الكايتين. الكايتين ده بيدخل في تركيب القشور الخارجية بتاعة المفصليات. مين هم المفصليات دول؟ المفصليات دول يا مستر اللي هو الجمبري والاستكوزا والكابوريا والحشرات. كل الكائنات دي اسمها مفصليات. القشرة الخارجية بتاعتهم عبارة عن كايتين، والكايتين ده سكر معقد. قشرة الجمبري اللي أنت بتقشرها دي عبارة عن كايتين، عبارة عن سكر. قشرة الكابوريا دي اللي أنت عبارة عن كايتين. واخد بالك؟ يبقى السكريات أو الكربوهيدرات بتشارك في التدعيم. تدعيم مين؟ تدعيم المفصليات. تدعيم المفصليات زي سكر الكايتين. سكر الكايتين بيشارك في تكوين الهياكل الداعمة للمفصليات. وطبعًا المفصليات دول أنا قلت لك هم مين. في مشكلة لحد هنا؟

طيب بص بقى، تعال نتكلم شوية على أول أهمية دي اللي هي إنتاج الطاقة. أنا قلت لك إن أنت لما بتاكل أي مصدر للسكريات، المصدر ده بيخش جسمك يتهضم يتحول إلى أبسط شكل من السكريات اللي هو الجلوكوز. يعني أنا لو أكلت طبق رز، أكلت طبق مكرونة، أكلت رغيف عيش، أكلت معلقة سكر، أكلت بطاطس، أكلت أي مصدر للكربوهيدرات، المصدر ده هيخش جسمك يتهضم يتحول إلى جلوكوز. فساعتها الدم هيخش على أمعائك ياخد الجلوكوز ويدخله جوه الخلية. الجلوكوز أول ما بيخش جوه الخلية بتحصل له عملية اسمها عملية أكسدة أو تكسير. أكسدة أو تكسير. جلوكوز بيخش يتكسر. فلما الجلوكوز كان بيتكسر كانت بتطلع منه طاقة. الطاقة دي كنت بشيلها جوه شنطة أو جوه محفظة كان اسمها إيه؟ كان اسمها الـ ATP. اسمها إيه يا مستر؟ اسمها ATP. يبقى الـ ATP عبارة عن شنطة أو محفظة أنا بشيل فيها الطاقة اللي جاية من تكسير الجلوكوز. تقوم بقى الـ ATP دي تلف على كل جزء من أجزاء الخلية توزع شوية طاقة هنا، وشوية طاقة هنا، وشوية طاقة هنا. فتقوم الخلية كلها تتشبع بالطاقة. اتفهمت؟

يبقى لما أجي أسألك وأقول لك ما هي عملة الطاقة في الخلية؟ هتقول لي يا مستر الـ ATP. ما هي عملة؟ اكتب معلش عندك كده في أي ورقة: عملة الطاقة في الخلية هي الـ ATP. عملة الطاقة في الخلية هي الـ ATP. المصدر المباشر للطاقة في الخلية هي الـ ATP. تاني، كل اللي أنا بقوله لك ده اكتبه. المصدر المباشر للطاقة في الخلية هي الـ ATP. طب المصدر المباشر للطاقة اللي جوه الـ ATP؟ الـ ATP هي عبارة عن شنطة. شنطة أهي. المصدر، مصدر الطاقة اللي جوه الشنطة دي، الطاقة اللي جوه الشنطة دي جاية منين؟ جاية من الجلوكوز. يبقى لما أجي أسألك وأقول لك المصدر المباشر للطاقة اللي جوه الـ ATP؟ هتقول لي الجلوكوز. يبقى فرق: المصدر المباشر للطاقة في الخلية الـ ATP. طب المصدر المباشر للطاقة اللي جوه الـ ATP؟ هتقول لي الجلوكوز. في حاجة صعبة؟

طيب إيه بقى الـ ATP ده؟ إيه الشنطة دي عبارة عن إيه؟ مبدئيًا الـ ATP ده اختصار لـ أدينوزين تراي فوسفيت. أدينوزين. ها؟ ثلاثي الفوسفات. أدينوزين ثلاثي الفوسفات. ده اختصار الـ ATP. طيب يعني إيه الأدينوزين ده؟ إيه الأدينوزين ده؟ الأدينوزين ده عبارة عن حاجتين. عبارة عن حاجتين: سكر ريبوز اللي هو السكر الأحادي اللي إحنا اتكلمنا عنه، مرتبط بـ ركب كده اسمه أدينين. الأدينين ده عبارة عن مركب عضوي مليان نيتروجين مش عليك يعني. المهم أدينين مع ريبوز يبقى اسمهم أدينوزين. يبقى ما هو الأدينوزين؟ ما هو الأدينوزين؟ الأدينوزين ده عبارة عن ريبوز مع مركب أدينين. هما الاتنين مرتبطين ببعض. فـ أدينوزين ثلاثي الفوسفات يعني في ثلاث مجموعات فوسفات مرتبطة بالكلام ده. ادي مجموعة، ادي الثانية، ادي الثالثة. ثلاث مجموعات فوسفات. فده كده هو تركيب الـ ATP. ده كده هو تركيب الشنطة بتاعتي اللي أنا بخزن فيها الطاقة.

طب يا مستر الطاقة اللي أنا بخزنها في الشنطة دي، يعني دلوقتي الجلوكوز دخل جوه الخلية اتكسر فطالعة منه طاقة. الطاقة دي أنا عايز أشيلها جوه الشنطة بتاعتي دي. هشيلها فين؟ قال لي والله هتشيلها جوه الرابطة دي. هتشيلها جوه الرابطة دي. شايف الرابطة دي اللي ما بين مجموعة الفوسفات الثانية والثالثة دي؟ الرابطة اللي بتبقى شايلة الطاقة اللي جاية من تكسير الجلوكوز. اتفهمت؟ فدلوقتي الـ ATP عايزة تمشي وتمر على الخلية علشان تحرر طاقة من، عشان تطلع الطاقة اللي هي مخزناها وتديها للخلية. يعني أنا دلوقتي محتاج أحرر طاقة. محتاج محتاج أحرر طاقة. فهقوم عامل إيه في الرابطة دي؟ هكسرها. يبقى الـ ATP علشان تدي طاقة للخلية محتاجة إنها تكون رابطة ولا تكسر رابطة؟ لا يا مستر تكسر الرابطة دي. عشان الرابطة دي لما هتتكسر هتتحرر منها طاقة. الطاقة دي اطلعها أديها للخلية. فاذا في مجموعة فوسفات انفصلت. فـ أدينوزين ثلاثي الفوسفات اتحول إلى أدينوزين ثنائي الفوسفات. يعني المنظر بقى عامل كده: الـ ATP اتحولت إلى ADP (يعني داي، ثنائي) + في مجموعة فوسفات أهي تحررت بقت حرة. يبقى إذا العملية دي هي عملية تكوين رابطة ولا تكسير رابطة؟ لا ده كده تكسير. دي كده هي عملية تحرير طاقة. أنا بكسر الرابطة عشان أحرر منها طاقة. يبقى دي كده عملية تحرير طاقة.

يبقى لما أجي أسألك وأقول لك إزاي الـ ATP، إزاي الـ ATP بتمر على الخلية وتوزع على الخلية طاقة؟ هتقول لي عن طريق إنها بتتحول من ATP إلى ADP. من ثلاثي الفوسفات إلى ثنائي الفوسفات. طيب فرضًا إن أنا عايز بقى أشيل، عايز بقى أخزن طاقة في الـ ATP تاني. يعني المحفظة دي عايزة بقى تخزن طاقة. عايزة الجلوكوز دخل جوه جوه في جلوكوز تاني دخل جوه الخلية اتكسر ونتجت منه طاقة. عايز بقى أشيلها تاني في الـ ATP. أعمل إيه؟ أعمل إيه؟ كون رابطة بقى. كون رابطة من أوله وجديد. كون رابطة من أوله جديد. يعني حول الـ ADP ضيف عليها مجموعة فوسفات ثالثة عشان تتحول إلى ATP. يبقى دي كده عملية تكوين رابطة ولا تكسير؟ لا دي كده عملية تكوين رابطة. عملية تحرير طاقة ولا تخزين طاقة؟ لا دي كده عملية تخزين طاقة. أنا بملى الشنطة تاني من أول وجديد. بملاها طاقة تاني من أول وجديد. في حاجة صعبة لحد دلوقتي؟

بعد كده أخدنا تطبيق كده لجهاز. الجهاز ده هو جهاز بيقيس لك مستوى السكر في دمك اسمه جهاز مراقبة الجلوكوز. الجهاز ده عبارة عن قرص لونه أبيض كده حضرتك بتلزقه على دراعك. والجهاز ده بيبقى طبعًا متوصل بالتليفون عن طريق أبليكيشن كده. الجهاز ده كله وظيفته إن هو يقيس لك مستوى السكر في دمك. هل مستوى السكر علي ولا وتي بس. ده جهاز حديث طبعًا بدل الأجهزة اللي هي بالابر وتقعد تشكشك نفسك. وبتعلق الجهاز ده يعني أحسن منهم بكتير. الجهاز ده بيفيد نوعين من الأشخاص: الأشخاص مرضى السكر، والأشخاص اللي هم بيمارسوا الرياضة اللي بيبقوا ماشيين على دايت معين وبيحسبوا أكلهم بالسعرات وبتاع. الجهاز ده بيفيدهم جدًا جدًا. كده إحنا الحمد لله خلصنا أول مادة كيميائية عليا اللي هي الكربوهيدرات. يلا بينا بقى ندخل في البروتينات.

ثانيًا: البروتينات. برضه البروتينات عبارة عن مواد عضوية بتتكون من وحدات بنائية صغيرة اسمها الأحماض الأمينية. يبقى لما أجي أسألك وأقول لك ما هي الوحدات البنائية للبروتينات؟ هتقول لي الأحماض الأمينية. من الآخر يا مستر حضرتك لما تحط حمض أميني جنب حمض أميني جنب حمض أميني، أنت كده بتعمل بروتين. وقلت لحضرتك إن أنا عندي تقريبًا 20 نوع من الأحماض الأمينية. 20 نوع من الأحماض الأمينية. الـ 20 نوع دول بيرتبطوا ببعض بطرق كتيرة جدًا جدًا عشان يكونوا لي عدد لانهائي من البروتينات. يعني أنا عندي عدد محدود من الأحماض الأمينية بيكونوا لي عدد لانهائي من البروتينات. اتفقنا؟ لأن هم بيرتبطوا ببعض بطرق مختلفة، بترتيب مختلف، و هنقول القصة دي يعني.

طيب البروتينات يا مستر بتتكون من كام عنصر؟ قال لي بتتكون من خمسة. كربوهيدرات كانت من ثلاثة: كربون، هيدروجين، أكسجين. دي بتتكون من خمسة: كربون، هيدروجين، أكسجين، بالإضافة إلى النيتروجين والكبريت. يبقى كربون، هيدروجين، أكسجين، بالإضافة إلى النيتروجين والكبريت. يبقى لما أجي أسألك وأقول لك مين معقد أكتر؟ السكريات ولا البروتينات؟ هتقول لي يا مستر البروتينات. البروتينات بيدخل في تركيبها خمس عناصر. السكريات ثلاثة.

طيب البروتينات من أهم المواد العضوية اللي في جسمك. وده ليه؟ لأن هي تقريبًا بتدخل في تركيب حاجات كتيرة قوي قوي قوي قوي. فـ أنا عندي بروتينات كتير زي ما إحنا قلنا. أنا بقسم البروتينات دي إلى نوعين: بروتينات بنائية وبروتينات إنزيمية. بروتين بنائي يعني بروتين بيدخل في بناء حاجة في جسمك. بروتين بيدخل في تركيب حاجة في جسمك. يعني مثلًا عندي بروتين بيدخل في بناء الدم أو في تركيب الدم اسمه الهيموجلوبين. يبقى ده بروتين بنائي ولا إنزيمي؟ لا بنائي. عندي بروتين بيدخل في تركيب الجلد اسمه الكيراتين. يبقى ده بنائي. عندي بروتين بيدخل في تركيب الدم اسمه الألبومين. يبقى ده بناء. أي بروتين بيدخل في تركيب أي حاجة في جسمك يبقى اسمه بروتين بنائي. أنا عليا مثال واحد بس: بروتين اسمه الكيراتين. الكيراتين مش الكرياتين. ده بروتين وده بروتين تاني. بروتين الكيراتين ده بيدخل في تركيب الشعر والضوافر ها والجلد. الشعر والضوافر والجلد. ده بالنسبة للبروتينات البنائية.

أما يا مستر البروتينات الإنزيمية اللي هي الإنزيمات. كل الإنزيمات اللي في جسمك عبارة عن بروتينات. كل الإنزيمات؟ آه. يبقى إذا أنا بصنف البروتينات إلى نوعين: بروتينات بنائية وبروتينات إنزيمية. البروتينات البنائية هي اللي بتدخل في تركيب أي حاجة في جسمك. أما البروتينات الإنزيمية اللي هي الإنزيمات. أنا عليا مثال واحد بس: إنزيم اسمه إنزيم الأميليز. إنزيم الأميليز ده موجود فين وبيعمل إيه؟ مش عليا.

طيب بص بقى، البروتينات بتختلف عن بعضها في إيه؟ قال لي والله يا مستر البروتينات بتختلف عن بعضها في نوع وترتيب الأحماض الأمينية. يعني مثلًا عندي بروتين اسمه X، عندي بروتين اسمه Y. هاجي أسألك وأقول لك ما أوجه الاختلاف بين البروتين ده والبروتين ده؟ هتقول لي نوع وترتيب الأحماض الأمينية في كل بروتين. هنا الأحماض الأمينية مترتبة بشكل مختلف، وهنا الأحماض الأمينية مترتبة بشكل مختلف. نوع وترتيب وزود عليها كمان عدد. البروتين Y بيدخل في تركيبه مثلًا 16 حمض أميني، ده بيدخل في تركيبه 12 بس. يبقى إذا ده بيختلف عن ده. يبقى تاني، البروتينات بتختلف عن بعضها في نوع وعدد وترتيب الأحماض الأمينية. في مشكلة؟

طيب إيه بقى أهمية البروتينات؟ بص، البروتينات بتدخل في تركيب أي حاجة في جسمك. أي حاجة في جسمك تخطر على بالك هي عبارة عن بروتين. البروتينات بتدخل في تركيب الجلد، والشعر، والضوافر، والدم، والعضلات، والعضم، والأربطة، والأوتار، والحوافر، والقرون، والإنزيمات، وبعض الهرمونات، وبعض الفيتامينات، وبعض معرفش أي حاجة في جسمك بيدخل في تركيبها بروتين. أي حاجة. البروتينات بتدخل في تركيب جميع أعضاء الجسم. فعشان تريح دماغك، أي حاجة تيجي على بالك قولها. لما أجي أسألك وأقول لك علل أهمية البروتينات؟ هتقول لي لأن البروتينات بتدخل في تركيب كل ده: شعر، أربطة، أوتار، دم، جلد، عضلات، عظام، أي حاجة. أي حاجة في جسمك عبارة عن بروتين.

ثالث مادة عضوية موجودة في جسمك هي الدهون أو اللايبيدات. بص بقى، اللايبيدات برضه مواد عضوية. عضوية بتتكون من الكربون. بص هو كده كده كلهم فيهم كربون وهيدروجين وأكسجين. كل المواد العضوية فيها كربون وهيدروجين وأكسجين. الكربوهيدرات كانت كربون، هيدروجين، أكسجين بنسبة واحد إلى اتنين إلى واحد. البروتينات كربون، هيدروجين، أكسجين بالإضافة إلى النيتروجين والكبريت. اللايبيدات زيها زي الكربوهيدرات: كربون وهيدروجين وأكسجين. بس هنا ما فيش نسب عليا. كام مثال يا مستر؟ عليا كم مثال على اللايبيدات؟ عليك أربع أمثلة.

أول مثال هي طبعًا الزيوت. الزيوت بتعتبر مواد دهنية ولا لأ؟ بتعتبر. الزيوت شائعة أكتر عند مين؟ عند النباتات ولا عند الحيوانات؟ لا يا مستر أنا اللي أعرفه زيت الذرة، زيت السمسم، زيت النخيل، زيت الصبار، زيت عباد الشمس، زيت الزيتون. يبقى إذا الزيوت شائعة أكتر عند النباتات. فعشان كده بقول عليها الزيوت النباتية. الزيوت النباتية.

تاني مثال على اللايبيدات هي الدهون الحيوانية. الدهون اللي متخزنة تحت جلدك دي، الدهون اللي متخزنة تحت جلدك دي بقول عليها دهون حيوانية. دهون صلبة. الدهون اللي أنت بتلاقيها مع اللحمة، الحتت البيضا دي، اسمها دهون حيوانية. ودي طبعًا موجودة عند الحيوانات والإنسان. بس.

ثالث مثال على اللايبيدات مادة اسمها الكوليسترول. مادة اسمها الكوليسترول. وهناخد الكوليسترول ده إيه أهميته. ورابع مثال على اللايبيدات حاجة اسمها الفوسفوليبيدات. حاجة اسمها الفوسفوليبيدات.

طيب صلي على النبي. إيه بقى أهمية اللايبيدات دي؟ قال لي والله اللايبيدات دي ليها أهميات كتيرة قوي. أول أهمية، أولية هي إنتاج الطاقة. برضه؟ أول أهمية هي إنتاج إنتاج الطاقة. برضه؟ إيه ده مستر؟ أنا جسمي بياخد طاقة من الكربوهيدرات ومن الدهون؟ آه. بس إحنا متفقين إن جسمك بيفضل إن هو ياخد الطاقة من الكربوهيدرات أكتر من الدهون. لأن عملية أكسدة الجلوكوز دي بالنسبة للجسم عملية سهلة قوي. إنما الجسم عشان ياخد طاقة من الدهون، العملية دي بتبقى صعبة شوية على الجسم. يعني لو جسمك فيه سكريات وفيه دهون، ياخد الطاقة من السكريات. اتفقنا؟

طيب إمتى الجسم بياخد الطاقة من الدهون أو من اللايبيدات؟ عند غياب السكريات. لو حضرتك قاطع سكر وما بتاكلش سكر خالص، فساعتها جسمك مش هيموت. يعني هيتصرف. هياخد الطاقة منين؟ هياخد الطاقة من الدهون أو من اللايبيدات. في مشكلة؟ ومتفقين برضه إن لو أنا مثلًا عندي 5 جرام سكر وزيهم زبدة مثلًا أو أي مادة دهنية. 100 عندك 5 جرام، 5 جرام سكر و5 جرام زبدة. لو الاثنين دول موجودين، مين اللي هيدي طاقة أكبر؟ قلت لك الزبدة. يعني بالبلدي كده مين اللي بيدي طاقة أكتر؟ الكربوهيدرات ولا اللايبيدات؟ لا اللايبيدات. اللايبيدات لما بتأكسد أو لما بتتحرق بتدي طاقة أكتر بكتير من الكربوهيدرات. بس على الرغم من كده، إلا إن جسمك بيفضل ياخد الطاقة من الكربوهيدرات. جسمك ما بيحبش مش ياخد الطاقة من الدهون بالرغم من إن الدهون عندها طاقة كتير. الدهون لما بتتحرق بتدي طاقة كبيرة قوي، بس جسمك بيفضل ياخد الطاقة من الكربوهيدرات عشان خاطر الموضوع ده بالنسبة له سهل.

طيب بص بقى، إذا أنا لو عندي كميتين متساويتين من السكر ومن الدهون، الدهون هتديني طاقة أكبر. طب لو أنا عايزهم هم الاثنين يدوني نفس المقدار من الطاقة، أعمل إيه؟ هتقول لي يا مستر يا إما تزود كمية السكر، يا إما تقلل كمية الدهون. هقول لك صح. يبقى إذا كمية الطاقة عند الدهون أكتر من كمية الطاقة عند السكريات. المحتوى الحراري للدهون أكبر من المحتوى الحراري للكربوهيدرات. في مشكلة؟ كلمة محتوى حراري يعني طاقة. طاقة متخزنة. وقلنا إن أنا بقيس الطاقة دي أو بقيس المحتوى الحراري دي يا إما بالجول، يا إما بوحدة اسمها الكالوري اللي هي السعر الحراري. وقلت لك إن الواحد كالوري بيساوي 4.18 جول. هل هيجي لي مسائل على البتاع ده؟ لا مش هيجي لك مسائل. لا أنا بس عايزك تعرف دي إن الكالوري مش بتساوي الجول. الواحد كالوري بتساوي 4.18 جول. اتفقنا؟ فده كده بالنسبة لأول أهمية للايبيدات.

تاني أهمية للايبيدات. تاني أهمية للايبيدات إن اللايبيدات بتعمل كعازل حراري. تاني أهمية للايبيدات إن اللايبيدات بتعمل كعازل حراري. زي إيه؟ زي الدهون الصلبة اللي متخزنة تحت جلدك دي بتعمل لك عازل حراري. الدهون الصلبة اللي متخزنة تحت فرو الدب القطبي بتعمل كعازل حراري. بتمنع أعضائه الداخلية من إنها تتجمد. بتعزل أعضائه الداخلية عن الوسط الخارجي.

ثالث أهمية للايبيدات إن أنا عندي مادة زي الكوليسترول. إيه يا مستر بقى الكوليسترول ده؟ كوليسترول عبارة عن مادة دهنية موجودة في جسمك. في منها كويس وفي منها دار. سيبك من الدار، خليني في الكويس. الكوليسترول الكويس اللي موجود في جسمي ده بيدخل في تركيب بعض الهرمونات وبيدخل في تركيب بعض الفيتامينات زي فيتامين دال. يبقى تاني، الكوليسترول اللي هي تعتبر مادة دهنية موجودة في أجسامنا، في منها كوليسترول نافع وكوليسترول دار. خليني في النافع. الكوليسترول النافع اللي في جسمي ده بيدخل في تركيب إيه؟ قال لي والله بيدخل في تركيب بعض الهرمونات زي الهرمونات الجنسية. الهرمونات الجنسية كلها بتتكون من كوليسترول. وبرضه الكوليسترول ده بيدخل في تركيب بعض الفيتامينات زي فيتامين دال أو بالإنجليزية فيتامين D.

رابع أهمية. قال لي والله إحنا أخدنا مثال على اللايبيدات مادة اسمها الفوسفوليبيدات. مادة اسمها الفوسفوليبيدات. هي عبارة عن مادة دهنية برضه، بس ليه بقول عليها فوسفوليبيدات؟ أكيد يا مستر داخل في تركيبها فوسفور. هقول لك صح. لايبيدات عادية بس داخل في تركيبها فوسفور. هقول لك صح. الفوسفوليبيدات دي قلت لك إنها بتدخل في تركيب الأغشية البلازمية. بتدخل في تركيب الأغشية البلازمية بتاعة الخلايا. إحنا خدنا إن أي خلية لازم يحيط بها غشاء اسمه الغشاء البلازمي. والغشاء البلازمي ده موجود في جميع أنواع الخلايا. الكلام ده قلناه الترم اللي فات. الغشاء البلازمي ده عبارة عن إيه؟ عبارة عن فوسفوليبيدات. في مشكلة؟ في حاجة صعبة لحد دلوقتي؟

طيب كده يبقى إحنا الحمد لله خلصنا من تالت مادة عضوية موجودة في أجسامنا اللي هي الليبيدات. تعال بقى نتكلم على رابع مادة وآخر مادة عضوية موجودة في أجسامنا حاجة اسمها الأحماض النووية. إيه حمض نووي؟ هو الحمض النووي اسمه كده لأن هو عبارة عن حمض موجود جوه النواة بتاعة الخلية، فاسمه حمض نووي. أنا عندي نوعين من الأحماض النووية: حاجة اسمها DNA وحاجة اسمها RNA. ماشي؟ دي الأحماض النووية اللي موجودة في أجسامنا. إيه تعريفها؟ قال لي هي برضه عبارة عن مواد عضوية بتتكون من وحدات صغيرة كده اسمها النيوكليوتيدات. النيوكليوتيدات مفردها النيوكليوتيدة. مفردها نيوكليوتيدة. النيوكليوتيدات مفردها نيوكليوتيدة. يبقى إذا أنت بتحط النيوكليوتيدة تحتها نيوكليوتيدة تحتها نيوكليوتيدة، أنت كده بتعمل شريط من النيوكليوتيدات. النيوكليوتيدة دي يا مستر بتتكون من ثلاث حاجات. أول حاجة هو عبارة عن الحلقة الخماسية دي اللي هي سكر. يبقى الحلقة الخماسية دي عبارة عن إيه؟ عبارة عن سكر. واخد بالك؟ هناخد اسم السكر ده. ادي ذرة الكربون الأولى، الثانية، الثالثة، الرابعة، الخامسة. يبقى ده كده سكر خماسي الكربون. ده كده أول مكونات النيوكليوتيدة. تاني مكونات النيوكليوتيدة هي مجموعة فوسفات متصلة بذرة الكربون رقم كام؟ رقم خمسة. تالت مكون من مكونات النيوكليوتيدة حاجة اسمها قاعدة نيتروجينية متصلة بذرة الكربون رقم واحد. والقاعدة النيتروجينية دي هي عبارة عن مركب عضوي مليان نيتروجين. بقول عليه قاعدة نيتروجينية. فدي كده مكونات النيوكليوتيدة.

طب عشان نفهم الفرق ما بين الـ DNA والـ RNA، تعال نعمل مقارنة سريعة كده ما بينهم. أولًا، سيبك من الكلام اللي موجود في الكتاب ده. تعال إحنا نعمل كأننا شغالين في السنتر. ادي الـ DNA وادي الـ RNA. صلي على النبي. الـ RNA ده اختصار لإيه؟ اختصار لـ Ribonucleic acid. Ribonucleic acid. يعني بالعربي الحمض، الحمض النووي الريبوزي. الحمض النووي الريبوزي. يعني الحمض النووي اللي نيوكليوتيداته فيها سكر الريبوز. يبقى إذا السكر ده لو دي كده نيوكليوتيدة RNA، السكر ده هو سكر إيه؟ سكر الريبوز. سكر الريبوز اللي هو سكر أحادي. واخد بالك؟ سكر الريبوز ده يا مستر، سكر الريبوز ده رمزه C5 H10 O5. واحد إلى اتنين إلى واحد.

أما الـ DNA اختصار لـ Deoxyribonucleic acid. Deoxyribonucleic acid. يعني الحمض النووي الدي أوكسي ريبوزي. الدي أوكسي ريبوزي. كلمة دي أوكسي ريبوزي يعني منزوع الأكسجين. دي أوكسي يعني منزوع. منزوع الأكسجين. منقوص الأكسجين. كلمة دي أوكسي يعني حضرتك جيت عند ذرة أكسجين شلتها. يعني بدل ما السكر C5 H10 O5، لا هيبقى C5 H10 O4. يعني السكر اللي هيدخل في تركيب نيوكليوتيدات الـ DNA هو سكر الديوكسي رايبوز. الحمض النووي الديوكسيوزي. يعني الحمض النووي اللي نيوكليوتيداته فيها سكر الديوكسي رايبوز.

طيب سكر الديوكسي رايبوز ده رمزه عامل إزاي؟ رمزه عامل كده C5 H10 O4. منقوص الأكسجين. يعني الريبوز C5 H10 O5، ده C5 H10 O4. المهم قلت لحضرتك إن الـ DNA ده بيدخل في تركيبه أربع قواعد نيتروجينية. أربع قواعد نيتروجينية. أربع قواعد نيتروجينية. قاعدة نيتروجينية اسمها أدينين، وقاعدة نيتروجينية اسمها السيتوزين اختصارها C، وقاعدة اسمها جوانين اختصارها G، وقاعدة اسمها الثيامين اختصارها T. أما الـ RNA بيدخل في تركيبه أربع أنواع من النيوكليوتيدات برضه: الأدينين، والسيتوزين، والجوانين. بس الـ RNA ما عندوش T. الـ RNA عنده قاعدة اسمها U أو بالعربي اسمها يوراسيل. يوراسيل. في مشكلة؟

طيب قلنا إن الـ DNA ده عبارة عن شريطين من النيوكليوتيدات. شريط كده وشريط كده عاملين شكل اللولب المزدوج أو شكل الحلزون. أما الـ RNA عبارة عن شريط واحد بس. الـ RNA عبارة عن شريط واحد بس. في مشكلة؟

طيب الـ DNA يا مستر إيه وظيفته؟ الـ DNA وظيفته هي حمل الجينات. حمل الجينات. هو هو ده اللي شايل جيناتك. هو ده اللي شايل الجينوم بتاعك. كلمة جينوم يعني كل الجينات اللي في جسمك. جينوم يعني كل الجينات اللي في جسمك. أما الـ RNA وظيفته هو تصنيع البروتين. قلت لحضرتك الـ RNA ده هو الصنايعي اللي بيصنع لك كل البروتينات اللي في جسمك عن طريق إنه بيحول الجينات دي، بيحول الجينات إلى بروتينات. يبقى مين اللي بيصنع كل البروتينات اللي في جسمك؟ الـ RNA. في مشكلة؟

طيب الـ DNA بتاعي والـ DNA بتاعك هما الاثنين مختلفين. الاختلاف ده بيبقى بسبب إيه؟ بيبقى بسبب اختلاف ترتيب القواعد دي يا مستر. اختلاف ترتيب القواعد النيتروجينية دي. يعني أنا الـ DNA بتاعي في A G T T G مثلًا. أنت الـ DNA بتاعك في C G T. يعني الترتيب هنا غير الترتيب هنا. دي حاجة اسمها شفرة وراثية. مش لازم تشغل دماغك بيها.

طيب كده إحنا الحمد لله قارنا ما بين الـ DNA والـ RNA. ده شكل الـ DNA أهو عبارة عن شريطين، وده شكل الـ RNA عبارة عن شريط واحد. عندي بقى تقنية كده اسمها تقنية كريسبر كاس 9. كريسبر كاس 9. كريسبر كاس 9. التقنية دي يا مستر هي عبارة عن مقص. بستخدمه عشان أقص بيه أي حتة في الـ DNA عايز أقصها. يعني فرضًا أنت مثلًا أنا عايز أقص منك حتة من الجين بتاعك. عايز أقص منك جين معين موجود في الـ DNA بتاعك. أعزله أو أقصه أو آخده باستخدام إيه؟ باستخدام التقنية دي. الجين ده بقى آخده أعدل فيه، أستنسخه يعني أعمل منه نسخ كتير، أعالجه، أعمل فيه اللي أنا عايزه. بس المهم إن أنا أعزله. المهم إن أنا آخده أو أقصه. أقصه إزاي؟ أقصه باستخدام التقنية دي. ماشي؟ في مشكلة؟

طيب بص بقى، هم مستر العلماء عرفوا كل الكلام ده إزاي؟ عرفوا كل الكلام ده إزاي؟ عرفوا كل الكلام ده باستخدام الميكروسكوب. واخد بالك؟ وقلت لحضرتك إن أنا عندي نوعين من الميكروسكوبات: ميكروسكوب ضوئي وده بيعتمد على الضوء وده قديم، وميكروسكوب حديث اسمه الميكروسكوب الإلكتروني. الميكروسكوب الإلكتروني هو ميكروسكوب حديث قوي بيعتمد على حزمة من الإلكترونات. واخد بالك؟ قوة تكبيره مليون. بيكبر الحاجة مليون مرة. بيخليني أقدر أشوف التفاصيل الداخلية الدقيقة اللي جوه أي جزء في الخلية. يعني مثلًا عايز أشوف مكونات النواة، عايز أشوف الفوسفوليبيدات اللي جوه الغشاء البلازمي، أشوف الكلام ده كله باستخدام الميكروسكوب الإلكتروني. الميكروسكوب الضوئي اللي هو القديم الصغير ده اللي بيعتمد على الضوء بيخليني يا دوب أقدر أشوف الملامح الخارجية بتاعة الخلية بس. غشائها كده من بره، النواة بتاعتها من بره بس. طب افرض أنا عايز أشوف النواة من جوه؟ أشوفها باستخدام إيه؟ باستخدام الميكروسكوب الإلكتروني.

كده إحنا الحمد لله خلصنا أول درس. يلا بينا ندخل على الدرس الثاني اللي هو العمليات الحيوية. >> في خطة كلاس بنساعدك إنك تنظم وقتك ومذاكرتك بشكل يومي. وده عن طريق جدول بنكون محدد لك الحصص اللي عليك إنك تذاكرها. كمان بنساعدك إنك تمشي بترتيب المنهج وتوازن ما بين المواد من غير تقصير. وده طبعًا بيوفر لك وقت إنك تراجع بشكل كويس وتحل امتحانات بشكل مستمر. وده طبعًا في وجود المشرفة اللي بتساعدك إنك تلتزم وتطور من مستواك. ولو حابب تعرف أكتر عن خطة كلاس، فتقدر تتواصل مع الأرقام اللي هتظهر لك على الشاشة. >> دخلنا في الدرس الثاني. الدرس الثاني من المنهج كان عنوانه العمليات الحيوية. وقلت لحضرتك إن أي عملية بتحصل في جسمك هي تعتبر عملية حيوية. لأنها عملية بتحصل جوه كائن حي. زي التنفس، زي الهضم، زي الإخراج، زي النقل، زي الإحساس. كل العمليات دي بسميها عملية حيوية. أخدنا أمثلة على العمليات الحيوية. أخدنا ثلاث أمثلة: عملية النقل، وعملية التنفس، وعملية الإخراج. طبعًا الإخراج هي العملية اللي جسمك بيتخلص منها من الفضلات. فدي مش محتاجة تعريف بالنسبة للتنفس. أنا هنا قصدي على التنفس الخلوي. التنفس الخلوي اللي هي عملية الحصول على الطاقة من الجلوكوز. من السكر. الجلوكوز بيخش يتكسر جوه الخلية بواسطة الأكسجين. فكان بيتكسر إلى ميه وثاني أكسيد كربون. وبينطلق عن هذا التفاعل طاقة. فده اللي أنا قصدي عليه. يبقى عملية التنفس، قصدي بيها إيه؟ قال لي هي عملية يتم فيها تحويل الطاقة اللي موجودة جوه الغذاء، الطاقة اللي موجودة جوه الجلوكوز، إلى طاقة تستخدم في أداء الأنشطة الحيوية المختلفة. ماشي؟

أما بالنسبة للنقل، اللي هو موضوع بقى الدرس. خلي بالك، هو الدرس الثاني بتاع العمليات الحيوية ده كان متقسم على جزئين: جزء بيكلمك عن النقل، وجزء بيكلمك عن التنفس. ماشي؟ الدرس الثالث إن شاء الله ده بيتكلم عن الإخراج. بس المهم، عملية النقل. نقل إيه؟ نقل إيه بالظبط؟ قلت لحضرتك أي كائن حي جواه غذاء وأكسجين وجين وميه. الحاجات دي كلها المفروض إنها تتنقل وتتوزع على كل أجزاء الجسم وكل خلايا الجسم. ده المقصود بالنقل. يبقى النقل هو عبارة عن نظام يوفر لكل خلية ما تحتاج إليه. طب هي الخلية محتاجة لإيه؟ الخلية محتاجة لميه وأملاح وأكسجين وغذاء. فالحاجات دي كلها المفروض إنها تتوزع على كل خلايا جسمك. يا ترى هتتوزع إزاي؟ ده المقصود بالنقل. يعني. وقلت لحضرتك إن التعريفات مش حفظ على قد ما فهم. يعني أنت ما تحفظش التعريف، افهمه بس.

بدأنا بسم الله الرحمن الرحيم في النقل. وقلنا إن إحنا هنتكلم عن النقل في النباتات الأول، وبعد كده هنتكلم عن النقل في الإنسان. يا ترى يا مستر النقل في النبات ده بيتم إزاي؟ قال لي والله النقل في النبات بيتم عن طريق جهازين: جهاز اسمه الخشب، وجهاز اسمه اللحاء. جهاز اسمه الخشب، وجهاز اسمه اللحاء. صلي على النبي بقى. صلي على النبي. ادي النبات أهو. ادي النبات أهو. ادي سطح التربة وادي النبات أهو. ادي الساق أهو، وادي الأوراق، وادي الجذور. في مشكلة؟ الورقة دي عشان تعمل بناء ضوئي محتاجة الأربع حاجات: محتاجة الميه، وأملاح، وثاني أكسيد الكربون، وضوء. ماشي؟ الورقة بتاخد الضوء من الشمس وبتاخد ثاني أكسيد الكربون من الجو. يا ترى بقى الورقة هتاخد الميه والأملاح منين؟ هتقول لي يا مستر من التربة. الميه والأملاح بيبقوا موجودين في التربة، فاللي بيمتصهم الجذور. والميه والأملاح اللي الجذور امتصتهم دول بيفضلوا طالعين بقى من الجذور إلى السيقان، ومن السيقان إلى الأوراق. يا ترى مين اللي كان بيطلع الميه والأملاح من تحت لفوق كده؟ الله ينور. هتقول لي نسيج الخشب.

يبقى الخشب. نسيج الخشب ده اللي هو كان بيشمل شكلين: شكل اسمه الأوعية، وشكل اسمه القصيبات. الخشب بينقل إيه بالظبط؟ هتقول لي يا مستر بينقل ميه وأملاح من الجذور إلى الأوراق. يعني من تحت لفوق. يعني في اتجاه واحد. الخشب بينقل ميه وأملاح من تحت لفوق. يعني في اتجاه واحد بس. ممكن أقول لك الخشب بينقل ميه وأملاح، أو ممكن أقول لك بينقل عصارة. لأن كلمة العصارة دي يعني ميه وأملاح. المهم الخشب يا مستر عنده شكلين أهو. الشكل ده والشكل ده. الشكل ده اسمه وعاء خشبي. اسمه اسمه وعاء خشبي. الأنبوبة اللي هي مدورة من تحت ومدورة من فوق دي كده اسمها وعاء خشبي. أما الأنبوبة اللي بتلاقيها مدببة من فوق ومن تحت دي اسمها قصيبة خشبية. المهم إن هم الاثنين خشب. هم الاثنين بيؤدوا نفس الوظيفة. هم الاثنين بينقلوا ميه وأملاح. سواء الأوعية أو القصيبات. وقلت لحضرتك برضه إن نسيج الخشب ده، سواء الأوعية أو القصيبات، هو نسيج ميت. نسيج إيه؟ ميت. هاجي أسألك وأقول لك الخشب ميت ولا حي؟ هتقول لي ميت. سواء أوعية أو قصيبات؟ آه. الاثنين ميتين. يعني إيه ميتين؟ يعني الخلايا بتاعتهم ولا فيها نواة، ولا فيها سيتوبلازم، ولا فيها أي حاجة. الخلايا ميتة. الخلايا بتاعتهم ميتة.

طيب قلت لحضرتك برضه تاني إن الوعاء الخشبي ده أو القصيبة الخشبية هي عبارة عن أنسجة متحجرة. أنسجة ميتة متحجرة. لأن داخل في تركيبها مادة صلبه اسمها اللجنين. اللجنين ده مادة صلبه قوي. لما بتترسب جوه أي حاجة بتخليها متحجرة. يعني أنا لو إيديا دي جواها لجنين، إيديا دي هتبقى متحجرة. يبقى نسيج الخشب نسيج ميت متحجر. يعني إيه متحجر؟ يعني مترسب جواه مادة صلبه اسمها اللجنين. اللجنين ده بيعمل إيه؟ بيكسب الخشب قوة وصلابة. وبيمنع انهيار الخشب. مهما ما أضغط على الخشب مش هينهار. مش هيتكسر. الخشب صلب قوي. صلب بسبب إيه؟ مين اللي أعطيه الصلابة دي؟ اللجنين.

طيب يا ترى يا مستر الميه بتطلع من تحت لفوق كده إزاي؟ أنت قلت لي إن الخشب هو اللي بينقل ميه من تحت. الميه وأملاح طبعًا من تحت لفوق. من تحت لفوق إزاي برضه؟ إزاي الميه والأملاح بيطلعوا من تحت لفوق كده؟ ما هو ده كده ضد الجاذبية. هل في مثلًا مضخة بتضخهم؟ ولا في قوة بتسحبهم؟ ولا إيه بالظبط؟ ظهر في الموضوع ده نظريات كتير قوي كلها كانت غلط. لحد ما جه عالم الله يبارك حط لي نظرية فسرت لي بقى إزاي الميه والأملاح بيطلعوا من تحت لفوق كده. وسماها بإيه؟ وسماها بـ نظرية قوى التماسك وقوة التلاصق وقوى الشد الناتجة عن الندح. قوى التماسك وقوة التلاصق وقوى الشد الناتجة عن الندح. الراجل ده قال لي إن الميه والأملاح بيطلعوا كده من تحت لفوق في الخشب عن طريق تلات قوى أو بفعل تلات قوى.

أول قوة اسمها قوة التماسك. قوة التماسك ما بين مين ومين؟ قوة التماسك ما بين جزيئات الميه وبعضها. صلي على النبي. ادي الوعاء الخشبي أهو. ادي الوعاء الخشبي أهو. لقوا إن الميه وهي طالعة في الوعاء الخشبي كده بتطلع في صورة عمود متصل. عمود متماسك. ليه الميه بتبقى متماسكة وهي طالعة كده؟ لأن جزيئات الميه ماسكة في بعضيها. طيب أنت عارف من الترم اللي فات إن جزيئات الميه بتمسك في بعضيها عن طريق روابط إيه؟ عن طريق روابط هيدروجينية. فالروابط الهيدروجينية اللي ماسكة جزيئات الميه في بعضيها دي بتخلي الميه وهي طالعة في العمود الخشبي بتطلع على هيئة عمود متصل. عمود متماسك. فالراجل سمى القوة دي قوة التماسك. يبقى أول قوة، أول قوة بتطلع لي الميه من تحت لفوق، قوة اسمها قوة التماسك. قوة التماسك ما بين مين ومين؟ قوة التماسك ما بين جزيئات الميه وبعضها. طب هي جزيئات الميه وبعضها ماسكة في بعض إزاي؟ ماسكة في بعض بفعل روابط هيدروجينية. دي في مشكلة؟ في حاجة صعبة؟ طبعًا أثناء ما العمود بتاع الميه ده طالع، ما ينفعش هوا يدخل له. لأن لو في هوا دخل له، العمود ده هيتقطع. لازم يبقى عمود متماسك كده.

تاني قوة بتطلع لي الميه والأملاح من تحت لفوق، قلت لك قوة اسمها قوة التلاصق. العالم اللي حط لي النظرية دي اللي أنا مش عليا اسمه، لقى إن عمود الميه وهو طالع كده في الوعاء الخشبي بيطلع وهو لازق لازق في الوعاء، في الوعاء الخشبي. بيطلع وهو لازق في الوعاء الخشبي. الميه وهي طالعة في الوعاء بتطلع وهي لازقة في الجدار كده. لازقة في الجدار كده. طب ليه الميه بتبقى لازقة في الجدار كده؟ قلت لحضرتك الجدار بتاع الخشب داخل في تركيبه مادة اسمها اللجنين. ومادة اللجنين دي هي مادة غروية. بالغين. مادة غروية. مادة محبة للميه. مادة الميه لما بتشوفها بتيجي تلزق فيها. مادة ده الميه لما بتشوفها بتيجي تلزق فيها. دي كده اسمها مادة غروية. في مشكلة؟ يبقى دي كده تاني قوة مسؤولة عن صعود الميه والأملاح من أسفل إلى أعلى. قوى التلاصق. التناسق ما بين مين ومين؟ هتقول لي يا مستر ما بين الميه وجدار الوعاء الخشبي. الميه بتلزق في جدار الوعاء الخشبي لأن جدار الوعاء الخشبي داخل في تركيبه لجنين.

أما بالنسبة لآخر قوى، تالت قوة وأخر قوة، ودي قوة مهمة قوي اسمها قوى الشد الناتجة عن الندح. حضرتك حضرتك طبعًا عارف من الترم اللي فات إن النبات بيعمل عملية اسمها عملية الندح. بيخرج بيها الميه الزايدة عن حاجته في صورة بخار. وعملية الندح دي بتحصل عن طريق فتحات كده موجودة على الورقة اسمها الصغور. فهنفترض إن الورقة، الورقة ضغط الامتلاء فيها عالي. فيها ميه كتير. فالورقة دي لما هتفتح الصغور بتاعتها، بخار الميه هيطلع ولا مش هيطلع؟ هيطلع. صح ولا مش صح؟ يعني الورقة هتعمل نتح. الميه اللي فيها. فكده الورقة ضغط الامتلاء فيها قل. يعني الورقة ما بقاش فيها ميه. طب الورقة هتعمل إيه؟ هتاخد ميه من الساق. هتسحب ميه من الساق. طب كده الساق ما بقاش فيه ميه. فهيسحب ميه منين؟ هيسحب ميه من الجذر. فكده الجذر ما بقاش فيه ميه. فهيسحب ميه منين؟ هيسحب ميه من التربة. فاذا عملية الندح اللي حصلت دي ولدت لي قوة سحب. الورقة سحبت من الساق، الساق سحب من الجذر، الجذر سحب من التربة. ولدت لي قوة سحب أو قوى شد رفعت لي الميه من أسفل إلى أعلى. يبقى إذا من ضمن أهميات عملية الندح، خلي بالك عملية الندح دي كانت عملية مهمة جدًا جدًا. لو حابب أفكرك، يعني أفكرك لو حابب أفكرك، أفكرك. أولًا عملية الندح دي هي وسيلة لتخلص النبات من الميه الزايدة. عملية الندح دي كانت بتلطف من درجة حرارة النبات. الميه لما كانت بتتبخر كده ده كان بيلطف شوية من درجة حرارة النبات. تمام؟ عملية الندح دي بتساهم في زيادة بخار الميه في الجو، فبالتالي هتساهم في تكوين السحب والأمطار والحاجات دي. زود بقى عليهم إن عملية الندح ليها أثر في شد الميه أو في سحب الميه من أسفل إلى أعلى. ده كان بالنسبة للثلاث قوى اللي بيسحبوا لي الميه والأملاح من أسفل إلى أعلى.

طيب كده إحنا الحمد لله اتكلمنا عن نسيج الخشب وعرفنا الخشب بينقل إيه. تعال بقى هنتكلم.

عن ثاني جهاز بينقل عند النبات اللي هو نسيج اللحاء. نسيج اللحاء، صلي على النبي. دلوقتي الورقة ديت جالها ميه وأملاح وثاني أكسيد كربون وضوء، فعملت بناء ضوئي وكونت الغذاء اللي هو جلوكوز. يبقى إذا الجلوكوز دلوقتي موجود هنا في الورقة دي. طب هو مش الجلوكوز ده المفروض يتوزع بقى على باقي أجزاء النبات؟ المفروض يتوزع على باقي الأوراق ويتوزع على السقان ويتوزع ويروح للجذور ويروح للثمار ويروح للأزهار. المفروض الغذاء ده اللي اتكون على الورقة دي يتوزع بقى على باقي أجزاء النبات. مين اللي هيوزعه؟ مين اللي هينقله؟ اللحاء. يبقى إذا الخشب بينقل ميه وأملاح، اللحاء بينقل غذاء أو بينقل جلوكوز. الخشب كان بينقل من تحت لفوق يعني في اتجاه واحد. أما اللحاء، لا يا مستر، اللحاء بينقل في جميع الاتجاهات، من تحت لفوق ومن فوق لتحت.

طيب، قلنا إن اللحاء بيشمل حاجتين. اللحاء بيتكون من حاجتين. حاجة اسمها أنبوبة غربالية وحاجة اسمها خلايا مرافقة. أنبوبة غربالية وخلايا مرافقة. أنبوبة غربالية وخلايا مرافقة. يبقى تاني، اللحاء بيتكون من جزئين: أنبوبة غربالية وخلايا مرافقة. الأنبوبة الغربالية دي يا مستر هي دي اللي بتنقل الغذاء، هي دي اللي بتنقل الغذاء. بيتنقل فيها وهي بالمناسبة نسيج ميت. الأنبوبة الغربالية نسيج ميت. هل فيها نواة؟ لا، ما فيهاش. يبقى دي كده نسيج ميت. جنب كل أنبوبة بتلاقي خلية كده اسمها خلية مرافقة. الخلية المرافقة دي وظيفتها إيه؟ وظيفتها إنها تدي الأنبوبة الغربالية طاقة. الأنبوبة الغربالية لما تفقد الشغف وتبقى مش قادرة إنها تكمل، مش قادرة إنها تشتغل، ما عندهاش طاقة. مين اللي يزودها بالطاقة؟ مين اللي يديها بالطاقة؟ الخلايا المرافقة. الخلايا المرافقة اللي لازقة في الأنبوبة الغربالية دي بتمد الأنبوبة الغربالية بالطاقة أو بالـ ATP. طبعًا واضح، واضح قوي للأعمى إن الخلايا المرافقة دي فيها نواة، صح ولا مش صح؟ يبقى الخلايا المرافقة حية ولا ميتة؟ لا، حية يا مستر. أفهم من كده إن اللحاء نصه ميت ونصه حي؟ آه، اللحاء نصه ميت ونصه حي. الأنبوبة الغربالية ميتة، أما الخلايا المرافقة حية. إنما الخشب كان ميت، سواء أوعية أو قصيبات، كان نسيج ميت. في حاجة صعبة؟ في مشكلة؟ يبقى إذا الأنابيب الغربالية هي عبارة عن خلايا تصطف بجانبها لتشكل شكل أنبوبة أو قناة لا تحتوي على نواة، مالهاش أنوية. أما بالنسبة للخلايا المرافقة، فهي خلايا حية ترتبط بالأنابيب الغربالية لتزودها بإيه؟ لتزودها بالطاقة. تحتوي على نواة، فإذا هي خلايا حية.

الحمد لله خلصنا النقل في النبات. إحنا كده خلصنا النقل في النبات. تعال بقى ندخل على النقل في الإنسان. قلت لحضرتك إن أنت عندك جهاز جوه جسمك كل وظيفته هي عملية النقل، سميناه الجهاز الدوري. يبقى الجهاز الدوري ده هو عبارة عن الجهاز المتخصص في عملية النقل. أنا في جسمي محتاج أنقل إيه؟ محتاج أدي للخلايا إيه؟ محتاج أدي للخلايا غذاء وأكسجين. ومحتاج ألملم منها إيه؟ محتاج ألملم منها ثاني أكسيد كربون والفضلات بتاعتها. يبقى أنا محتاج أدي للخلية غذاء وأكسجين، ومحتاج آخد من الخلية فضلاته وثاني أكسيد كربون. ماشي، مين اللي بيعمل كده؟ اللي بيعمل كده هو الدم. طب هو الدم ده ماشي في إيه؟ هتقول لي يا مستر ماشي في العروق، ماشي في الأوعية الدموية، شرايين وأوردة وكده. طب هو الدم ده مين اللي بيمشيه؟ مين اللي بيضخه؟ هتقول لي القلب. هقول لك شاطر. هي دي مكونات الجهاز الدوري. يبقى الجهاز الدوري بيتكون من ثلاث مكونات: قلب، وأوعية دموية، ودم.

دخلنا اتكلمنا عن القلب. اتكلمنا بسم الله الرحمن الرحيم عن القلب. رسمنا رسمة القلب وعرفنا القلب بيتكون من كام حجرة ومين الحجرة السميكة ومين الحجرة اللي مش سميكة. الكلام ده كله، الكلام ده كله عايز تعرفه، ارجع بقى للفيديوهات بتاعة الشرح، فيديوهات الشرح بتاعة الحصص. قلت لحضرتك إن الدم ده هو عبارة عن عضلة بيضخ بيها الدم. عضلة بتضخ الدم. وقلت لحضرتك برضه إن أنا عندي في جسمي ثلاث دورات دموية. منهم دورة مش عليا، فهاخد دورتين بس: دورة اسمها الدورة الدموية الكبرى، ودورة اسمها الدورة الدموية الصغرى.

الدورة الدموية الكبرى، الكبرى اللي هي بيسموها الدورة الجهازية. الدورة الجهازية لأنها كانت بتتم ما بين القلب وباقي أجهزة الجسم. الدورة الجهازية بتتم ما بين القلب وباقي أجهزة الجسم. فبسم الله الرحمن الرحيم، تبدأ الدورة الدموية الكبرى. كانت بتبدأ منين يا مستر؟ كانت بتبدأ من عند البطين الأيسر. البطين الأيسر، البطين الأيسر كان بيدخ الدم المؤكسج في الشريان الأورطي. البطين الأيسر. أنا بفتكر معاك أهو. البطين الأيسر كان بيدخ الدم المؤكسج في الشريان الأورطي. يعني الشريان الأورطي بيحمل دم مؤكسج، يعني دم محمل بالأكسجين. الشريان الأورطي ينقل الدم المؤكسج إلى جميع أجزاء الجسم. الشريان الأورطي ده هو أكبر شريان في جسمك لأنه بيتفرع لفروع كتيرة قوي قوي بتوصل لكل خلايا الجسم. ماشي، المهم الدم المؤكسج هيروح لجميع خلايا الجسم. يديلهم إيه؟ يديلهم غذاء وأكسجين. ويلملم منهم إيه؟ فضلاته وثاني أكسيد كربون. فكده الدم اتحول من مؤكسج إلى غير مؤكسج. الدم الغير مؤكسج ده عايز يرجع تاني بقى على القلب. هيرجع تاني على القلب عن طريق إيه؟ قلت لك عن طريق الأوردة الجوفاء العلوية والسفلية. يقوموا الأوردة الجوفاء يصبوا يصبوا الدم الغير مؤكسج ده على الأذين الأيمن. يبقى كده البطين الأيسر بتبدأ من عنده الدورة الدموية الكبرى وتنتهي عند الأذين الأيمن. تاني، الدورة الدموية الكبرى بتبدأ من البطين الأيسر وتنتهي بالأذين الأيمن. بطين أيسر، أذين أيمن، بطين أيسر، أذين أيمن. في مشكلة؟

بعدها دخلنا على الدورة الدموية الصغرى أو اللي بيسموها الدورة الرئوية لأنها بتتم ما بين القلب والرئة. القلب والرئة بس. الدورة الدموية الكبرى بدأت بالبطين الأيسر. الصغرى هتبدأ بالبطين الأيمن. تملي أي دورة بتبدأ بالبطين. أي دورة بتبدأ بالبطين. البطين الأيمن هينقبض فهيدفع فع الدم الغير مؤكسج. هيدفع الدم الغير مؤكسج إلى الشريان الرئوي. هيدفع الدم الغير مؤكسج إلى الشريان الرئوي. يبقى الشريان الرئوي ده بيحمل دم مؤكسج ولا غير مؤكسج؟ هتقول يا مستر لا، غير مؤكسج. المهم الشريان الرئوي ده هيودي الدم الغير مؤكسج إلى الرئتين. الدم الغير مؤكسج هيروح للرئتين ليه؟ عشان يدي لهم ثاني أكسيد الكربون اللي هو شايله وياخد من الرئتين أكسجين عشان يرجع مؤكسج. يرجع تاني مؤكسج من أول وجديد. طيب دلوقتي الدم اتحول من غير مؤكسج إلى مؤكسج. الدم المؤكسج ده عايز يرجع تاني على القلب. هيرجع تاني على القلب عن طريق إيه؟ عن طريق الأوردة الرئوية. تقوم الأوردة الرئوية تصب الدم المؤكسج ده على الأذين الأيسر. فبكدة الدورة الدموية الصغرى تكون بدأت بالبطين الأيمن وتنتهي بالبطين أو تنتهي بالأذين الأيسر. أنا الكلام ده بشرحه بسرعة لأن الفيديو بتاع الشرح هتلاقيه موجود عندك بالتفصيل بالتفصيل. فلو أنت ما اتفرجتش عليه ارجع اتفرج عليه وبعدين تعال شوفني أو تعال كمل. في مشكلة يا شباب؟ ده كده بالنسبة للقلب. ده كده بالنسبة للقلب.

تاني مكون من مكونات الجهاز الدوري هي طبعًا الأوعية الدموية اللي هي الخراطيم اللي الدم بيمشي فيها. الخراطيم اللي دمك بيمشي فيها بسميها أوعية دموية. أنا جسمي فيه ثلاث أنواع من الأوعية الدموية: شرايين، أوردة، شعيرات دموية. شرايين، أوردة، شعيرات دموية. تعال ناخد الفرق ما بين الشريان والوريد. أولًا، الشريان. جميع الشرايين بتنقل دم مؤكسج. جميع الشرايين اللي في جسمك بتنقل دم مؤكسج ما عدا الشريان الرئوي. الشريان الرئوي زي ما إحنا قلنا بينقل دم غير مؤكسج. الشريان جداره بيبقى سميك. شايفه عامل إزاي؟ جداره سميك. فبالتالي التجويف بتاعه، التجويف بتاعه اللي الدم هيمشي فيه هيبقى ضيق. هيبقى إيه؟ هيبقى ضيق. يبقى الشريان جداره سميك، فبالتالي تجويفه ضيق. فيعني الدم ماشي في حاجة ضيقة، فلما الدم يمشي في حاجة ضيقة هتبص تلاقي الضغط إيه؟ الضغط علي. جرب كده تمسك خرطوم فيه ميه واقفل بوز الخرطوم، هتلاقي ضغط الميه علي. ماشي، يعني الشرايين ضغط الدم فيها عالي. عالي. هاجي أسألك وأقول لك الشرايين ضغط الدم فيها عالي ولا واطي؟ هتقول لي عالي، لأن الشريان ضيق، فضغط الدم لازم يبقى عالي.

أما بالنسبة للأوردة، فجميع الأوردة اللي في جسمك، قلت لك بتنقل دم إيه؟ دم غير مؤكسج. الأوردة اللي في جسمك بتنقل دم غير مؤكسج ما عدا الأوردة الرئوية. ما عدا الأوردة الرئوية. الأوردة الرئوية هي الأوردة الوحيدة في جسمك اللي بتنقل دم مؤكسج. ماشي، بص كده الشريان كان جداره سميك. بص الوريد جداره أقل سمكًا من الشريان. الوريد جداره أقل سمكًا من الشريان. فبالتالي التجويف بتاعه هيبقى واسع. الدم هيمشي براحته، يعني هيمشي بضغط أقل من اللي في الشريان. يبقى مين الضغط فيهم عالي؟ شريان ولا وريد؟ هقول لك شريان. هاجي أسألك وأقول لك مين الضغط فيه عالي؟ الشريان الكلوي ولا الوريد الكبدي؟ مستر، إحنا ما أخدناش حاجة اسمها كده. ما أنا عارف، بس ده شريان وده وريد، يبقى الضغط في الشريان الكلوي أعلى من الوريد الكبدي. ماشي. الأوردة يا مستر، كل وظيفتها، كل وظيفتها إنها ترجع الدم للقلب. الدم لما كان بيعوز يرجع للقلب كان بيرجع للقلب عن طريق الأوردة، يا إما الأوردة الرئوية، يا إما الأوردة الجوفاء. فلازم أي دم ماشي في أي وريد أعرف إنه راجع راجع للقلب. أي دم ماشي في أي وريد أعرف إنه راجع للقلب. لازم الدم يمشي في اتجاه واحد، لازم الدم يرجع للقلب ما يروحش على أي حتة تانية. فعشان كده تلاقي ربنا سبحانه وتعالى خالق جوه الأوردة حاجة اسمها صمامات. ضلفة كده، ضلفة تفتح الدم يعدي، تقفل الدم ما يرجعش تاني عشان تجبر الدم على إنه يمشي في اتجاه واحد. يبقى مين اللي مزود بصمامات؟ الشرايين ولا الأوردة؟ لا يا مستر، الأوردة. ليه؟ عشان أضمن إن الدم يمشي في اتجاه واحد وما يرجعش تاني. طب أنا عايز أمشي الدم في اتجاه إيه؟ في اتجاه القلب. عايز أودي الدم، عايز أرجع الدم تاني للقلب.

ثالث نوع من الأوعية الدموية ودي أوعية دموية دقيقة جدًا جدًا، صغيرة جدًا جدًا اسمها الشعيرات الدموية. ودي بقى اللي بتدخل جوه الخلايا. يعني دي اللي بتبقى في الخلايا. دي اللي عندها بيتم تبادل المواد. الدم يرمي الأكسجين والفضلات للخلية وياخد من الخلية ثاني أكسيد الكربون والأكسجين. دي اللي عندها بيتم تبادل المواد.

ده أما بالنسبة لثالث مكون من مكونات الجهاز الدوري، طبعًا هو الدم. وعرفنا الدم. قلنا إن الدم ده عبارة عن سائل لزج. وخلي بالك قوي من كلمة لزج دي. بيحتوي على كرات دم حمراء، كرات دم بيضا، صفائح، بلازما. الثلاث حاجات دول عايمين في البلازما. بلازما دي اللي هي المكون السائل بتاع الدم. طب البلازما دي فيها إيه؟ البلازما دي بقى فيها حاجات كتير. فيها بروتينات، على ميه، على جلوكوز، على فيتامينات، على حاجات كتير قوي. طيب كل المكونات دي هي دي السبب في لزوجة الدم. هي دي السبب في لزوجة الدم. يبقى علل، هاجي أسألك وأقول لك الدم سائل لزج. هتقول لي بسبب احتواء الدم على كل الحاجات دي.

قلت لحضرتك إن لازم يبقى في تكامل ما بين الجهاز الدوري وباقي أجهزة الجسم. فمثلًا عندي الجهاز الدوري بيتكامل مع الجهاز التنفسي. ليه؟ علشان خاطر أزود الدم بالأكسجين. الدم لما كان بيروح على الرئة ياخد أكسجين، يدي للرئة ثاني أكسيد كربون وياخد أكسجين. ده تكامل ما بين الجهاز الدوري والجهاز التنفسي. في برضه تكامل ما بين الجهاز الدوري والجهاز الإخراجي. هو الدم لما كان بيروح للكلى عشان يتنظف ويستخلص منه البول والحاجات دي. طب ما ده تكامل ما بين الجهاز الدوري والجهاز الإخراجي، صح ولا مش صح؟ المهم يعني.

قلت لحضرتك إن أنا عندي ضغطين للدم، مش ضغط واحد. ضغطين مش ضغط واحد. ضغط ناتج بسبب انقباض البطين بسميه الضغط الانقباضي، وده القيمة الكبيرة. وضغط بينتج بسبب انبساط البطين، وده ضغط بسميه الضغط الانبساطي، ودي القيمة الصغيرة. الضغط الانقباضي يا مستر كان بيساوي 120. والضغط الانبساطي كان بيساوي 80. يبقى إذا الضغط الطبيعي للبني آدم الطبيعي 120 على 80. 120 إيه؟ مليمتر زئبق. 80 إيه؟ مليمتر زئبق. دي وحدة قياس الضغط بتاعك. ها؟ طيب، أنا بقيس ضغط الدم عن طريق الجهاز اللي هو الزئبقي، وممكن دلوقتي برضه في الأجهزة الرقمية، بس طبعًا الزئبقي هو الأدق يعني.

طيب، بص بقى، عندي عوامل مؤثرة على ضغط الدم. آه، عندي حاجات بترفع الضغط وبتقلل الضغط. آه. العوامل دي بقسمها لعوامل فيزيائية وعوامل أخرى. تعال نتكلم عن العوامل الفيزيائية. العوامل الفيزيائية اللي بتأثر على الضغط زي إيه؟ زي اللزوجة والكثافة. هل اللزوجة بتأثر على ضغط الدم؟ طبعًا. فمثلًا لو لزوجة الدم زادت، هبص ألاقي ضغط الدم زاد. لو الدم بقى سائل لزج يعني شبه العسل النحل كده، هل هتعرف تمشيه في الأوعية الدموية؟ لا. فلازم تزود الضغط عشان خاطر تمشيه. يبقى إذا لزوجة الدم زادت، ضغط الدم هيزيد. طب لو اللزوجة قلت، ضغط الدم هيقل. يبقى العلاقة ما بين اللزوجة والضغط بتاع الدم علاقة طردية ولا عكسية؟ علاقة طردية. لو الميه في الدم زادت، معنى كده إن الدم بقى مخفف، يعني اللزوجة قلت. لو الميه في الدم قلت، هتبص تلاقي الدم بقى سائل لزج قوي قوي قوي. يبقى إمتى اللزوجة بتزيد؟ هتقول لي يا مستر عند زيادة أحد مكونات الدم أو عند نقص الميه. إمتى اللزوجة بتزيد؟ هتقول لي عند زيادة أحد مكونات الدم أو عند نقص الميه. يعني واحد جاله جفاف، واحد ما فيش ميه في دمه، فدوس تلاقي الدم لزج. يبقى عند الجفاف اللزوجة بتاعة الدم هتزيد فالضغط هيعلى. ماشي. طب لما واحد الميه في دمه تبقى كتيرة، يعني الدم يبقى متخفف، هتقول لي اللزوجة هتقل فالضغط هيقل. وهكذا. ده بالنسبة لأول عامل فيزيائي بيأثر على ضغط الدم.

ثاني عامل فيزيائي طبعًا هي الكثافة. من أحد المكونات اللي بتغير من كثافة الدم هو الهيموجلوبين اللي جوه كرات الدم الحمراء. فالهيموجلوبين ده لو اتغير، كثافة الدم هتتغير فالضغط هيتغير. إيه اللي هيحصل بالظبط؟ مش عليا. أما بالنسبة للعوامل الأخرى اللي بتأثر على ضغط الدم، فطبعًا حاجة اسمها مرونة الأوعية. لازم الأوعية الدموية تبقى مرنة. ما ينفعش تبقى متصلبة. لو واحد عنده تصلب شرايين، ضغطه هيبقى عالي. ما ينفعش الشريان أو الوريد يبقى متصلب كده أو متخشب، وإلا الضغط هيفضل عالي على طول. لازم الشرايين تبقى مرنة والأوردة برضه تبقى مرنة. عضلة القلب برضه دي من ضمن العوامل اللي بتأثر على ضغط الدم. لو عضلة القلب ضعيفة ومش بتضخ الدم بقوة كبيرة، ضغط الدم إيه؟ هتبص تلاقيه وقع. واخد بالك؟ فاذا لازم عضلة القلب تبقى قوية.

ده كده بالنسبة للعوامل المؤثرة على ضغط الدم. طيب، بص بقى، آخر حاجة قلنا تطبيق كده درسنا تطبيق كده في الدرس ده. عندي عصب اسمه العصب الكلوي. لقوا إن العصب الكلوي ده من ضمن الحاجات اللي بتأثر على الضغط، من ضمن الحاجات اللي بتعلي الضغط. فلجأوا دلوقتي إن هم يعملوا عمليات يعطلوا بيها العصب ده فالضغط يرجع إيه؟ يرجع يتضبط. كده إحنا الحمد لله خلصنا النص الأول من الدرس الثاني. النص الأول من الدرس الثاني اتكلمنا عن النقل في النبات واتكلمنا عن النقل في الإنسان. يلا بينا بقى ندخل على النص الثاني من الدرس الثاني اللي هو كان نص مهم جدًا ونص غلس شوية كده اللي هو كان بيكلمك عن التنفس الخلوي.

طيب، عملية التنفس الخلوي. عملية التنفس الخلوي دي هي المقصود بيها عملية أكسدة الجلوكوز جوه الخلية لإنتاج طاقة. هي دي المقصود بيها التنفس الخلوي. هو هو أكسدة الجلوكوز. يبقى تعريف التنفس الخلوي إيه؟ قلت لك التنفس الخلوي هو عبارة عن سلسلة من التفاعلات الكيميائية التي تحرر الطاقة من الجلوكوز وتخزنها كطاقة قابلة للاستخدام في صورة جزيئات ATP.

المعادلة العامة للتنفس الخلوي كانت كالاتي. المعادلة العامة للتنفس الخلوي كانت كالاتي. قلت لك الجلوكوز اللي هو C6H12O6 كان بيخش جوه الخلية يتكسر بواسطة الأكسجين إلى ميه وثاني أكسيد كربون وطاقة. الطاقة دي كان مقدارها كام؟ كان مقدارها 38 ATP يا مستر. كان مقدارها 38 ATP. دي كانت المعادلة العامة لعملية التنفس الخلوي. بس قلت لحضرتك إن دي كده هي معادلة عامة، يعني ما بتتمش على خطوة واحدة، بتتم على كذا خطوة. بتتم على خطوتين. يبقى لما أجي أسألك وأقول لك عملية التنفس الخلوي دي بتتم على خطوة ولا خطوتين؟ هتقول لي لا يا مستر، بتتم على خطوتين.

الخطوة الأولى أو المرحلة الأولى ودي بتتم في السيتوبلازم. أول ما الجلوكوز يخش كده برجله في الخلية تحصل المرحلة دي. مرحلة اسمها مرحلة تحلل الجلوكوز. يبقى مرحلة تحلل الجلوكوز بتتم في السيتوبلازم. الجلوكوز أول ما بيخش في السيتوبلازم يتحلل، يتكسر، يتحلل تحليل جزئي، يتكسر تكسير جزئي. طب بيتحلل إلى إيه؟ مش عليك. هو بيتحلل إلى حاجة اسمها نواتج التحلل. نواتج التحلل دي اسمها إيه؟ مش عليك. وبينتج عن هذه العملية 2 ATP من أصل 38. يبقى إذا الـ 38 ATP دول، الـ 38 ATP دول في 2 ATP منهم بيتكونوا في المرحلة الأولى، بيتكونوا في السيتوبلازم. أما باقي الـ 36، أما باقي الـ 38 اللي هم 36 هيتكونوا أكيد في المرحلة التانية يا مستر اللي هي اللي بتتم جوه الميتوكوندريا يا مستر. هقول لك صح.

تيجي بقى نواتج التحلل دي تروح تخش جوه الميتوكوندريا. قدامها احتمال من الاثنين: يا إما تلاقي أكسجين، يا إما ما تلاقيش أكسجين. لو لقت أكسجين كانت هتمشي شي تنفس هوائي. لو ما لقتش أكسجين هتمشي تنفس لا هوائي. معنى كده مستر إن المرحلة الأولى دي هي مرحلة مشتركة؟ سواء التنفس هيمشي هوائي أو لا هوائي؟ آه. هنفترض إن نواتج التحلل دي دخلت جوه الميتوكوندريا ولقيت أكسجين. ساعتها التنفس الخلوي هيبقى إيه؟ هيبقى هوائي. فهينتج كام ATP جوه الميتوكوندريا؟ 36. يبقى كده 36 تم إنتاجهم جوه الميتوكوندريا، واثنين اثنين تم إنتاجهم في السيتوبلازم. يبقى كلهم على بعضهم 38 اللي هي المعادلة دي. يبقى لما أجي أسألك وأقول لك المعادلة دي كده هي معادلة التنفس الخلوي الهوائي ولا اللا هوائي؟ هتقول لي لا هوائي، بدليل إن في أكسجين أهو. يبقى ده كده تنفس خلوي هوائي. في 38 ATP أهو. يبقى ده كده برضه تنفس خلوي هوائي. في حاجة صعبة؟

هنفترض إن نواتج التحلل بتاعة الجلوكوز دي دخلت جوه الميتوكوندريا ما لقتش أكسجين. التنفس هيمشي إيه يا مستر؟ التنفس ساعتها هيمشي تنفس لا هوائي. والتنفس اللا هوائي ده تنفس وحش. تنفس وحش قوي. كلمة تنفس لا هوائي هي كلمة تخمر. كلمة تنفس لا هوائي هي كلمة تخمر. والتخمر أو التنفس اللا هوائي كان عندي منه نوعين. التنفس اللا هوائي كان عندي منه نوعين أو التخمر كان عندي منه نوعين: تخمر حمضي، وده وده كان بيتم في العضلات، وتخمر كحلي، وده كان بيتم عند الخميرة. إيه يا مستر اللي كان بيحصل في التخمر الحمضي؟ هتقول لي والله الجلوكوز كان بيتحول إلى 2 حمض لاكتيك. C3H6O3. C3H6O3. فجزيء الجلوكوز الواحد يتكسر ويتحول إلى 2 حمض لاكتيك وينتج عن هذا التفاعل طاقة مقدارها 2 ATP بس. اللي هم أصلًا اتكونوا في المرحلة الأولى اللي هي مرحلة تحلل الجلوكوز. يبقى إذا التنفس اللا هوائي أو التخمر الحمضي بينتج عنه كام ATP؟ 2 ATP.

طب إمتى كان بيحصل البتاع ده يا مستر؟ التخمر الحمضي ده كان إمتى بيحصل؟ قال لي والله التخمر الحمضي ده بيحصل لما حضرتك تبقى بتتمرن تمرين عنيف. أنت لما تتمرن تمرين عنيف عضلاتك مش لاحقة تاخد أكسجين، مش لاحقة تتنفس. فاذا مش هتعرف تعمل تنفس هوائي، فهتضطر إنها تعمل تنفس لا هوائي اللي هو التخمر الحمضي، فهتكون حمض لاكتيك و 2 ATP. هل الـ 2 ATP دول هيكونوا هيكفوا العضلة؟ لا. العضلة محتاجة 38. فالعضلة هتلجأ إنها تعمل التفاعل ده 19 مرة. 19 مرة عشان تعرف تكون الـ 38 ATP اللي هي عايزاها. فكل مرة حمض اللاكتيك يتراكم جوه العضلة. كل مرة حمض اللاكتيك يتراكم جوه العضلة ده هيؤدي إلى إجهاد العضلة. يبقى لما أجي أسألك وأقول لك أي مما يلي يؤدي إلى إجهاد العضلة؟ هتقول لي تراكم حمض اللاكتيك. تراكم حمض اللاكتيك بسبب تكرار التخمر الحمضي أو تكرار التنفس اللا هوائي جوه العضلة.

ثاني نوع من أنواع التنفس اللا هوائي أو من أنواع التخمر، تخمر كنت بسميه تخمر كحلي. وده كان بيحصل عند الخميرة. الخميرة بس هي اللي كانت بتعمل كده. الخميرة اللي أنت بتحطها في العجين دي. الخميرة يا مستر، مستر، لازم لها سكر عشان تشتغل، لازم لها جلوكوز. فالخميرة هتاخد الجلوكوز ده تحوله إلى 2 كحول إيثيلي. 2 كحول إيثيلي C2H5OH. كحول الإيثيلي هو الإيثانول. 2 كحول إيثيلي أو 2 إيثانول زائد ثاني أكسيد كربون هيتصاعد اللي هو وده اللي بيفسر لي إزاي العجينة بتنفش لما أنت بتحط الخميرة فيها. زائد برضه 2 ATP اللي هم اتكونوا في المرحلة الأولى. يبقى إذا التنفس اللا هوائي يا مستر بيطلع لي 2 ATP بس. أما الهوائي بيطلع لي 36. اللا هوائي بيطلع لي 2 والهوائي بيطلع لي 36. في مشكلة؟

بعد كده خدنا تجربة تافهة بتوضح لي أثر درجة الحرارة على عملية التنفس. جبت لك أنبوبتين وحطيت في كل أنبوبة بذور منبتة، يعني بذور بتتنفس كائنات حية. وجوه كل أنبوبة حطيت ماء جير رائق. وماء الجير الرائق ده أنا كنت بستخدمه في الكشف عن وجود ثاني أكسيد الكربون. خدت الأنبوبة رقم أ دي حطيتها في درجة حرارة الغرفة اللي هي 25 درجة. وخدت الأنبوبة B حطيتها في الثلاجة. هنفترض إن درجة حرارة الثلاجة 2 درجة. وجيت بصيت عليهم تاني يوم. لقيت إن ميه الجير هنا اتعكرت أكتر من هنا. معنى كده إن هنا في ثاني أكسيد كربون كتير طالعة. معنى كده إن هنا حصل تنفس كتير. البذور اتنفذت بمعدل عالي أكتر من هنا. يبقى إذا كل ما قليت درجة الحرارة كل ما معدل التنفس قل. كل ما قليت درجة الحرارة كل ما كل حاجة قلت. أي تفاعل كيميائي بيقل لما درجة الحرارة بتقل. في مشكلة؟ وكل ما زودت درجة الحرارة كل ما التفاعل الكيميائي حصل بشكل أحسن. في مشكلة؟

بعد كده دخلنا على حتة كده كيميا شوية. قلت لحضرتك إن أي تفاعل كيميائي هو عبارة عن مواد متفاعلة بتتفاعل مع بعضها وتكسر الروابط بتاعتها عشان تكون لي مواد ناتجة. فدي كده بسميها متفاعلات. ودول كده بسميهم نواتج. المتفاعلات بالإنجليزية يعني reactants يعني برمز لهم بالرمز R. يبقى الـ R دي اللي هي المتفاعلات. والـ C والـ D دول بسميهم نواتج. والنواتج بالإنجليزية يعني products يعني دول كده هسميهم P. P تقيلة طبعًا. ها؟ في مشكلة؟ فـ أنا عندي نوعين من التفاعلات الكيميائية. عندي نوعين من التفاعلات الكيميائية: تفاعلات طاردة للحرارة وتفاعلات ماصة للحرارة.

التفاعل الطارد للحرارة هو التفاعل اللي بيطلع لك طاقة أو بيطلع لك حرارة في الآخر مع النواتج. يعني تفاعل حصل عادي أهو A + B يديك C + D + حرارة أو طاقة. طالما ما حضرتك شفت الطاقة أو الحرارة في الآخر كده مع النواتج يبقى ده كده تفاعل طارد. يبقى ده كده إيه؟ يبقى ده كده تفاعل طارد.

أما التفاعلات الماصة للحرارة هي التفاعلات اللي محتاجة طاقة أو محتاجة حرارة عشان تتم. محتاجة طاقة أو محتاجة حرارة عشان تتم. فبتبص تلاقي الحرارة أو الطاقة موجودة مع المتفاعلات. فالمنظر هيبقى عامل كده: A + B + حرارة أو طاقة هيكونوا لي C + D. يبقى هنا ده كده تفاعل طارد. عرفت منين؟ لأن الحرارة أو الطاقة طلعت أهي. طلعت أهي. أما ده كده تفاعل ماص للحرارة. المتفاعلات احتاجت حرارة أو طاقة عشان خاطر إيه؟ عشان خاطر تتفاعل مع بعض. إذا يا مستر التفاعل الطارد بيطلع لي حرارة إلى الوسط المحيط. درجة حرارة الوسط المحيط بتبقى عالية، بتعلى. أما التفاعل الماص للحرارة هو تفاعل بياخد طاقة من الوسط المحيط، بياخد حرارة من الوسط المحيط. يعني درجة حرارة الوسط المحيط بتقل. اتفهمت؟

وقلت برضه لحضرتك إن في التفاعلات الطاردة للحرارة كمية الطاقة اللي في المتفاعلات أكبر من كمية الطاقة اللي في النواتج. يعني الـ E بتاعة الـ R أكبر من الـ E بتاعة الـ P. كمية الطاقة اللي عند المتفاعلات أكبر من اللي عند النواتج. في التفاعلات الماصة العكس. الـ E بتاعة الـ P هي اللي أكبر من الـ E بتاعة الـ R. الـ E بتاعة الـ P هي اللي أكبر من الـ E بتاعة الـ R. وادي الرسمة بتاعة التفاعلات الطاردة. وادي الرسمة بتاعة التفاعلات الماصة. في التفاعلات الطاردة الـ E R يعني الـ E بتاعة المتفاعلات هي اللي أكبر من الـ E بتاعة النواتج. في التفاعلات الماصة الـ E بتاعة المتفاعلات أقل من النواتج اللي أكبر من المتفاعلات. وقلت لك إن الفرق ده كده، الفرق ده كده حاجة اسمها طاقة التنشيط. طاقة التنشيط. طاقة التنشيط في التفاعلات الطاردة صغيرة. طاقة التنشيط في التفاعلات الماصة بتبقى كبيرة. في مشكلة؟

أخدنا أمثلة على التفاعلات الطاردة وأمثلة على التفاعلات الماصة. قلت لك أشهر تفاعل طارد للحرارة هو طبعًا تفاعل التنفس الخلوي اللي إحنا لسه متكلمين عنه. لأن في الآخر طاقة أهي بتنتج مقدارها 38 ATP. في طاقة بتنتج مع النواتج أهي. يبقى التنفس الخلوي طارد للحرارة. التنفس الخلوي طارد للحرارة. عندي تفاعل تاني برضه طارد للحرارة بسميه تفاعل التعادل. هو أي تفاعل بتفاعل فيه حضرتك حمض مع قاعدة لتكوين ملح وميه. ده اسمه تفاعل تعادل. كل تفاعلات التعادل هي تفاعلات طاردة للحرارة. زي مثلًا حضرتك لما تيجي تفاعل حمض الـ HCl مع قاعدة هيدروكسيد الصوديوم هتكون ملح وميه وحرارة. يبقى جميع تفاعلات التعادل هي تفاعلات طاردة.

أما بالنسبة للتفاعلات الماصة للحرارة فطبعًا أشهر تفاعل محتاج حرارة عشان يتم هو تفاعل البناء الضوئي. تفاعلات البناء الضوئي دي أشهر التفاعلات الماصة للحرارة. بناء ضوئي أهو. ميه وثاني أكسيد كربون في وجود الضوء. يعني لازم الاثنين دول يبقى معاهم ضوء. فبيتحولوا إلى جلوكوز وأكسجين. ماشي. وعندي تفاعل تاني برضه من أمثلة التفاعلات الماصة للحرارة هو تفاعل انحلال كلورات البوتاسيوم. كلورات البوتاسيوم ده مركب KClO3 عشان ينحل أو يتكسر لازم له حرارة. هينحل إلى كلوريد البوتاسيوم واكسجين.

بعد كده أخدنا مصطلح اسمه مصطلح المول. وقلت لك المول ده هو كتلة الجزيء. كتلة الجزيء. يعني مثلًا لو أنا عندي جزيء ثاني أكسيد كربون عايز أحسب كتلته كده أنا هحسب كتلة واحد مول من ثاني أكسيد الكربون. ماشي. فمثلًا ثاني أكسيد الكربون أهو. ده كده واحد مول من ثاني أكسيد الكربون. ده كده جزيء من ثاني أكسيد الكربون. أحسب كتلته. أحسب كتلة المول منه بكام؟ فحضرتك هتجيب كتلة كل ذرة وتجمعهم مع بعض. يبقى أنت كده جبت كتلة واحد مول من ثاني أكسيد الكربون. فـ أنا هاجي أسألك وأقول لك احسب كتلة ثاني أكسيد الكربون إذا علمت أن كتلة الكربون بـ 12 وكتلة الأكسجين بـ 16. هتقول لي بسيطة. الكربون بـ 12 زائد الأكسجين بـ 16 بس مضروبة في 2. 16 × 2 بـ 32. 32 + 12 بـ 44 جرام. يبقى إذا كتلة 1 مول من ثاني أكسيد الكربون بـ 44 جرام. كتلة جزيء ثاني أكسيد الكربون بـ 44 جرام. طب لما أجي أسألك وأقول لك احسب كتلة 2 مول من ثاني أكسيد الكربون؟ هتقول لي 44 × 2. 3 مول من ثاني أكسيد الكربون؟ هتقول لي 44 × 3 وهكذا. احسب كتلة 1 مول من جزيء الميه. جزيء الميه أهو. إذا علمت أن كتلة الهيدروجين بـ 1 وكتلة الأكسجين بـ 16. يلا نحسب كتلة واحد مول من الميه. الهيدروجين بـ 1 مضروبة في 2 زائد الأكسجين بـ 16. 2 + 16 هيديني 18 جرام. يبقى كتلة 1 مول من الميه، كتلة جزيء الميه بـ 18 جرام. طب احسب كتلة 2 مول من الميه؟ هتقول لي 18 × 2. 3 مول من الميه؟ 18 × 3 وهكذا.

بعد كده أخدنا حاجة اسمها المحتوى الحراري. المحتوى الحراري اللي هي الـ H يعني كمية الطاقة اللي جوه أي مادة. أي مادة بيبقى جواها طاقة بسميها محتوى حراري أو طاقة. ماشي. فممكن أقول عليها H، ممكن أقول عليها E. قول عليها زي ما تقول. يبقى إذا المحتوى الحراري هو كمية الطاقة المختزنة في مول واحد من المادة. وحدة قياسه كيلو جول لكل مول. فرق ما بين المحتوى الحراري ومعدل التغير في المحتوى الحراري. معدل التغير في المحتوى الحراري بسميه الدلتا H. الدلتا H ده بيساوي إيه بقى يا مستر؟ الدلتا H ده بيساوي الـ H B يعني كمية الطاقة اللي في النواتج ناقص الـ H R اللي هي كمية الطاقة اللي في المتفاعلات. بتجيب الـ H B تطرحها من الـ H R تجيب الدلتا H.

إذا يا مستر، إحنا قلنا يا مستر إنه في التفاعلات الطاردة للحرارة الـ H R بتبقى هي اللي أكبر من الـ H B. صح؟ في التفاعلات الطاردة للحرارة كمية الطاقة عند المتفاعلات بتبقى أكبر من كمية الطاقة عند النواتج. فإذا لما أجيب لك تفاعل طارد للحرارة وأقول لك احسب الدلتا H بتاعته وتيجي تطرح الاثنين دول من بعض، الناتج هيطلع لك بالسالب. يبقى إذا في التفاعلات الطاردة للحرارة تملي الدلتا H بتاعتها بتكون بالسالب. يبقى لما أجيب لك تفاعل وفي آخر التفاعل خالص كاتب لك الدلتا H بسالب كذا، يبقى ده تفاعل إيه؟ تفاعل طارد للحرارة.

أما لما تيجي تطبق القانون ده على التفاعلات الماصة للحرارة. التفاعلات الماصة للحرارة الـ H B هي اللي بتبقى أكبر من الـ H R. فإذا النتيجة هتطلع لك بالموجب. الإشارة على طول هتطلع لك بالموجب. يبقى في التفاعلات الماصة الدلتا H على طول بتبقى موجبة. على طول بتبقى موجبة. في مشكلة؟

بص بقى، هناخد أمثلة كتير ومسائل كتير على الجزء ده، بس طبعًا باذن الله هنسيبه في الفيديو بتاع المسائل. إحنا هنا بنشرح بس. في الفيديو بتاع حل المسائل هناخد مسائل كتير قوي على الجزئية دي لأن الجزئية دي مهمة جدًا خلي بالك ها.

>> في الخطه كلاس بيكون عندنا جروب في طلاب من نفس شعبتك هتذاكروا نفس المواد الدراسيه وتتناقشوا فيهم مواضيع مختلفه علشان ما تحسش انك منعزل او لوحدك. كمان في الجروب ده تقدر تشارك زمايلك اهتماماتك طول السنه وهيكون عندنا روح منافسه ومسابقات وجوائز للناس المتميزه طول السنه. وطبعا كل ده بيكون تحت اشراف مشرفه خاصه بالجروب. ولو حابب تعرف اكتر عن الخطه كلاس تقدر تكلمننا على الارقام اللي هتظهر عندك على الشاشه.

الدرس الثالث والدرس الأخير في منهج الشهر الأول كان بيكلمنا عن الإخراج. عملية حيوية برضه اسمها الإخراج. وقلت لك إن أنت جسمك بيكون شوية فضلات. الفضلات دي لو فضلت تتراكم في جسمك كفاءة عمل الخلايا بتاعتك هتتوقف أو هتفضل تقل تقل لحد ما تتوقف وحضرتك هيجي لك تسمم وتموت. الفضلات دي بتبقى ناتجة بسبب إيه؟ بتبقى ناتجة من تفاعلات الأيض أو تفاعلات التمثيل الغذائي اللي إحنا اتكلمنا عنها. الفضلات دي يا مستر اللي هي إيه؟ اللي هي طبعًا الميه والأملاح أول حاجة. ثاني أكسيد الكربون. وحاجة اسمها فضلات نيتروجينية. الفضلات النيتروجينية دي اللي هي إيه؟ اللي هي أمونيا ويوريا. أمونيا ويوريا. مين اللي بيصنع الأمونيا؟ قلت لك الكبد. يقوم الكبد محول الأمونيا دي إلى يوريا. لأن الأمونيا دي مادة سامة جدًا. فالكبد يحولها إلى يوريا وبيتم التخلص من اليوريا دي عن طريق البول والعرق. في مشكلة؟

طيب، قلت لحضرتك إن أنت جسمك فيه أربع أعضاء كل وظيفتهم إن هم يخرجوا لك الفضلات دي: الكليتين، الجلد، الكبد، الرئتين. كليتين، جلد، كبد، رئتين. تعال نتكلم على أول عضو إخراجي اللي هي الكليتين. أولًا، الكليتين. موقعهم على جانبي الظهر. على جانبي العمود الفقري. على جانبي العمود الفقري. في مشكلة؟ حجمهم قد حجم قبضة الإيد. حجم الكليتين بتوعك. قلت لك قد حجم قبضة الإيد. وصفهم عامل إزاي؟ ده شكل كليتك أهي. ده شكل الكلية. عاملة شبه حبة الفاصوليا كده. ده وصفها. وظيفتها إيه الكلى؟ وظيفتها حاجتين. الكلية بتعمل حاجتين. أول حاجة الكلية بتعملها بتعمل اتزان للميه والأملاح في جسمك. بتعمل توازن ما بين الميه والأملاح في جسمك. وخلي بالك أنا ممكن ما أقولكش أملاح، ممكن أقول لك أيونات. ثاني حاجة الكلية بتعملها وأهم حاجة الكلية بتعملها إنها بتنقي الدم. الكلية بتنقي الدم. في مشكلة؟

تعال نتكلم على أول وظيفة اللي هي بتاعة الاتزان ما بين الميه والأملاح. قلت لحضرتك إن أنت جسمك فيه ميه وفيه أملاح. ما ينفعش حد فيهم يزيد قوي أو يقل قوي. ما ينفعش. لازم يبقوا هم الاثنين متوازنين. فمثلًا من أهم الأملاح اللي في جسمك أملاح الصوديوم، وأملاح البوتاسيوم، وأملاح الكلور. الثلاث أملاح دول كانوا ضروريين جدًا جدًا لعمل العضلات والأعصاب. عضلاتك وأعصابك ما بتشتغلش غير بالايونات دي أو بالأملاح دي. كانوا مهمين جدًا جدًا في ضبط ضغط الدم. جسمك من غير أملاح ضغط دمك هيقع. فلازم يبقوا هم الاثنين متوازنين. لو الأملاح في جسمك زادت، معنى إن الأملاح زادت يبقى الميه قلت. فتقوم الكلى تعمل إيه؟ تقوم الكلى تعيد امتصاص الميه. الميه اللي عايزة تخرج في البول، لا تقول لها ما تخرجيش في البول، ارجعي تاني للدم. يبقى عند زيادة الأملاح، عند زيادة الأملاح، معنى إن الأملاح زادت يبقى الميه قلت. فالكلى تعيد امتصاص الميه. الكلى ترجع الميه تاني للجسم. طيب عند نقص الأملاح، معنى إن الأملاح قليلة في جسمك يبقى الميه إيه؟ كتيرة. الميه في جسمك كتيرة. فتقوم كلياتك عاملة إيه؟ تخلصك من الميه. تزود الميه في البول. ده اللي الكلية بتعمله. فاذا الكلية بتخلق حالة من التوازن ما بين الميه والأملاح. فـ اهو عند زيادة تركيز الصوديوم أو تركيز أي ملح، تعيد الكليتان امتصاص الميه. طيب عند انخفاض تركيز الملح، تطرح الكليتان كمية أكبر من الميه. وهكذا.

أما يا مستر بالنسبة لثاني وظيفة للكلية وهي وظيفة تنقية الدم. الوظيفة دي عايز تتفرج عليها بالتفصيل. إحنا هنشرحها وهتفهمها، بس عايز تتفرج عليها بالتفصيل ارجع لفيديو الشرح. قلت لك الكلية بتستخلص البول من دمك. بتستخلص الفضلات من دمك. بتنقي دمك. طب الكلية بتعمل كده عن طريق كام مرحلة؟ عن طريق مرحلتين. عن طريق مرحلتين. أول مرحلة حالة كنت بسميها عملية الترشيح. إيه ده؟ يعني الكلى تاخد من دمك الحاجات اللي حجمها صغير زي الميه والأملاح والجلوكوز والفيتامينات واليوريا. ماشي. وإيه اللي ما بيخشش الكلى؟ الحاجات اللي حجمها كبير في دمك. اللي هي خلايا الدم الحمراء، وخلايا الدم البيضاء، والصفايح، والبروتينات. يبقى إذا كليتك ما بتاخدش دمك كله. لا. كليتك بتاخد الحاجة اللي حجمها صغير. عشان كده بسميها ترشيح. يعني باخد الحاجات اللي حجمها صغير بس. إيه الحاجات اللي موجودة في الدم وجزيئاتها صغيرة؟ هتقول لي يا مستر الميه والأملاح والجلوكوز والفيتامينات واليوريا. طب إيه هي الحاجات اللي حجمها كبير اللي ما بتدخلش أصلًا الكلية؟ ما بتدخلش الكلية لأن حجمها كبير. هتقول لي كرات الدم الحمراء والبيضا والصفايح والبروتينات اللي موجودة في الدم. ما بتدخلش. دي كده بالنسبة لعملية الترشيح.

ثاني عملية ودي كانت عملية مهمة جدًا كنت بسميها عملية إعادة الامتصاص. صلي على النبي. أنت دلوقتي اللي دخل كليتك هي الميه والأملاح والجلوكوز والفيتامينات واليوريا. أنت عايز تتخلص من إيه؟ أنت عايز تتخلص من اليوريا اللي هي الفضلات النيتروجينية دي. لأن دي مادة سامة ما ينفعش تفضل في جسمك. وعايز أو محتاج ترجع إيه للجسم تاني؟ محتاج ترجع للجسم تاني معظم الميه ومعظم الأملاح والجلوكوز والفيتامينات. محتاج ترجعهم تاني للجسم. ما هو أنا لو فقدت كل الميه لو نزلت كل الميه اللي في جسمي في البول، ما أنا كده هيجي لي جفاف. صح؟ لو نزلت كل الأملاح والجلوكوز اللي في جسمي في البول، ما أنا كده هموت. مش كده؟ ده اللي بيحصل في عملية إعادة الامتصاص. اليوريا بتفضل مكملة بتنزل في البول. وكل الحاجات دي بترجع تاني للجسم. مع شوية ميه.

زايده وشويه املاح زايدين يخرجوا مع اليوريا لو في يعني لو في شويه ميه زايدين واملاح زايدين عن حاجه الجسم الجسم مش محتاجهم ينزلهم مع اليوريا ينزلهم مع اليوريا في صوره ايه؟ في صوره بول. يبقى إذا البول ده إيه تعريفه؟ قال لي والله البول ده عباره عن سائل بيخرج من الجسم بيحتوي على ثلاث حاجات: ميه زايده، املاح زايده، ويوريا بنسبه كبيره. يوريا بنسبه كبيره. في حاجه صعبه؟ ده كده بالنسبه لأول عضو إخراجي اللي هو الكليتين.

ثاني عضو إخراجي عندك وهو أكبر عضو في جسمك اللي هو الجلد. بص بقى أنا قسمت الجلد لثلاث طبقات. الطبقة اللي فوق دي سميتها طبقة البشره وهي بتحتوي على طبقة صلبة جدا أو طبقة قرنية جدا. قرنية يعني صلبة. الطبقة الصلبة بتاعة البشره اللي فوق دي هي دي اللي بتحميك وبتحافظ عليك ضد أي مرض أو ضد أي ميكروب خارجي مثلا.

وتاني طبقة سميتها طبقة القدمة. وطبقة القدمة بتحتوي على حاجات كتير. بتحتوي على غدد عرقية. غدد عرقية وظيفتها استخلاص العرق من الدم. أوعية دموية. الغدة العرقية بتستخلص العرق من الدم فلازم يكون جنبها أوعية دموية. أمه بتحتوي على أعصاب. القدمة بتحتوي على بصيلات الشعر. الأدَمَة بتحتوي على غدد دهنية. كل الحاجات دي موجودة في طبقة الأدَمَة. المهم عندي هي الغدد العرقية. ها الغدة العرقية دي وظيفتها يا مستر استخلاص العرق من الدم. والعرق ده عباره عن ثلاث حاجات.

آخر طبقة طبقة اسمها تحت القدمة ودي مليانة دهون. تعال بس نتكلم عن الغدة العرقية دي. الغدة العرقية دي يا مستر بتستخلص العرق من الدم. والعرق عباره عن سائل زيه زي البول في نفس مكونات البول: ميه وأملاح. بس اليوريا في العرق بنسبة بسيطة جدا. العرق عباره عن ميه وأملاح ويوريا بس اليوريا موجودة بنسبة بسيطة قوي قوي قوي. يبقى لما اجيب لك اكتب مصطلح علمي: سائل يطرح من خلال الجسم يحتوي على ميه وأملاح ويوريا بنسبة كبيرة يبقى ده بول. طب ميه وأملاح ويوريا بنسبة صغيرة يبقى ده عرق.

وظائف الجلد إيه؟ طبعا الجلد له دور في حماية الجسم لأن طبقة البشره دي طبقة صلبة بتحمي أي كائن بتحميك من أي كائن أو أي ميكروب عايز ياخذه جسمك. الجلد بيخرج الفضلات الأيضية في صورة عرق. الجلد بينظم درجة حرارة الجسم لأن أنا قلت لك العرق اللي بيطلع على جلدك ده لما بيتبخر درجة حرارة جسمك بتقل. وعلى فكرة دي الوظيفة الأساسية للعرق. ده الغرض الأساسي من عملية التعرق. ولا التخلص من الميه ولا من الأملاح ولا أي حاجة. الغرض الأساسي للعرق إن هو يلطف درجة حرارة جسمك.

آخر حاجة الجلد بيعمل كعازل حراري لأنه بيحتوي على طبقة كثيفة من الدهون موجودة في تحت الأدَمَة. الحاجات دي مش حفظ الحاجات دي للفهم بس.

ثالث عضو إخراجي عليك وأهم عضو في جسمك هو الكبد. الكبد بيعمل حاجات كتيرة قوي. أنت عليك ثلاث وظائف بس.

أول وظيفة: البروتينات اللي حضرتك بتاكلها سواء لحمة أو فراخ أو سمك بتخش جسمك تتهضم وبينتج عن هضمها أمونيا. الكبد هو اللي هو اللي بيعمل الأمونيا دي. هو اللي بيفصل الأمونيا دي عن البروتينات عشان الأمونيا دي مادة سامة جدا ما ينفعش تفضل في جسمك. يقوم الكبد محول الأمونيا دي إلى مادة تانية أقل سمية اللي هي اليوريا. بعد كده الكبد يبعت اليوريا دي على الكلى تقوم الكلى مخلصاك منها عن طريق البول. دي أول وظيفة للكبد.

تاني وظيفة للكبد: قلت لحضرتك إن خلايا الدم الحمراء بتاعتك خلايا الدم الحمراء بتاعتك ليها عمر افتراضي معين كده بعد ما بتعدي العمر ده بيكون اسمها خلايا دم حمراء مسنة. المهم في عضو في جسمك اسمه الطحال بياخد الخلايا الدم الحمراء المسنة دي يكسرها وبينتج عن تكسيرها البروتين اللي جواها اللي هو اسمه الهيموجلوبين. اسمه هيموجلوبين. يقوم الكبد واخد الهيموجلوبين ده يكسره يحوله إلى مادة تانية اسمها بايليروبين. يحط البايليروبين من ضمن العصارة الصفراوية وحضرتك تتخلص من البايليروبين ده عن طريق البراز. طب لو البايليروبين ده يا مستر فضل موجود في الجسم وما تخلصتش منه عن طريق البراز قلت لحضرتك هيجيلك الصفرا. هيجيلك مرض اسمه اليرقان. في مشكلة؟

ثالث عضو أو ثالث وظيفة للكبد: إن الكبد ده عباره عن محطة لمعالجة السموم. أي سم موجود في جسمك مين اللي بيعالجه؟ مين اللي بيحوله من مادة سامة إلى مادة أقل سمية؟ هو الكبد. ده كده بالنسبه لثالث عضو إخراجي.

رابع عضو إخراجي هو الرئتين. وطبعا الرئتين بيخلصوك من ثاني أكسيد الكربون وبيخلصوك من الميه الزايدة برضه في صورة بخار عن طريق النفس أو عن طريق هواء الزفير. يبقى كده ثاني أكسيد الكربون بيخرج عن طريق عضو واحد بس اللي هو الرئة. أما الميه بتخرج عن طريق ثلاث أعضاء اللي هم الكليتين في صورة بول، الجلد في صورة عرق، والرئتين في صورة بخار. كده الحمد لله احنا خلصنا الإخراج في إنسان.

بعد كده هيكون عندي شوية تطبيقات. أول تطبيق جهاز كده أخدناه اسمه جهاز الكلى الصناعية. الجهاز ده اللي بيركبوه مرضى الفشل الكلوي. وقلت لك الجهاز ده بيعتمد على مبدأين: مبدأ فيزيائي ومبدأ حيوي. المبدا الحيوي إن الجهاز ده جواه خلايا كده الخلايا دي بتقوم بالحفاظ على توازن الميه والأملاح في جسمك. الخلايا اللي جوه الجهاز دي بتحافظ على توازن الميه والأملاح في جسمك. ده المبدا الحيوي.

المبدا الفيزيائي ده بقى إيه بقى؟ قال لي والله المبدا الفيزيائي ده عن طريق إن الجهاز ده من جوه متقسم لنصين. النص اللي على الشمال ده بيخش فيه دمك اللي هو اللي مش نضيف. الجزء اللي على اليمين ده بيبقى فيه سائل تنقية أو سائل تنظيف. المكونات اللي حجمها كبير بتفضل موجودة هنا ومين اللي بيعدي دي للناحية بتاعة سائل التنظيف؟ الحاجات اللي حجمها صغير: ميه، أملاح، يوريا، مش عارفة إيه. يقوم سائل التنظيف ده مخلصك من اليوريا. مخلصك من اليوريا. يقضي على اليوريا تمامًا. يبقى كده دمك اتنضف ولا ماتنضفش؟ اتنضف. فكده جهاز الكلى الصناعية ده قام بوظيفة الكلية. حافظ لك على توازن الميه والأملاح عن طريق الخلايا اللي جواه ونضف دمك من الفضلات أو من اليوريا.

تاني تطبيق عندي جهاز كده بيطلع أشعة تحت حمراء حرا اسمه جهاز قياس الإشعاع الحراري. الأشعة تحت حمراء دي بتستخدم في قياس الحرارة بتاعة جسمك. تشوفك أنت فقدت حرارة قد إيه؟ طب اكتسبت حرارة قد إيه؟ وهكذا. السؤال هنا هيجي لي إزاي؟ السؤال هنا هيقول لك: يتم قياس الإشعاع الحراري بالأشعة نقط؟ فوق بنفسجية ولا تحت حمراء ولا مش عارفة إيه؟ تقول له تحت حمراء.

ثالث تطبيق أخدته قلت لك جهاز السونار. جهاز السونار أو بالعربي عربي اسمه جهاز الفحص بالموجات فوق الصوتية. لأن الموجات اللي بتستخدم في الجهاز ده موجات فوق صوتية. الجهاز ده أنا بستخدمه في الكشف عن إيه؟ بستخدمه في الكشف عن جميع الأعضاء الداخلية. عايز أكشف عن المثانة، عايز أكشف عن الحالب، عايز أكشف عن الكلية، عايز أكشف على رحم، أكشف على الأعضاء دي باستخدام إيه؟ باستخدام السونار.

طيب الموجات فوق الصوتية دي بتشتغل إزاي؟ الموجات فوق الصوتية بصدرها على العضو. تصطدم بالعضو. يحصل لها ارتداد أو انعكاس. ثم تشتت. ثاني. الموجات فوق الصوتية إزاي بتكون لي صورة للعضو؟ هتقول لي عن طريق ثلاث خطوات. أول خطوة إنها تصطدم بالعضو. أنا بوجه مثلا الموجات فوق صوتية عند الرحم. فالموجات فوق الصوتية هتصطدم بالرحم. بعد ما تصطدم هتنعكس أو هيحصل لها ارتداد. وهي بتنعكس هتتشتت الموجات فوق الصوتية دي. وهي بتنعكس هيحصل لها تشتت. فلما يحصل لها تشتت تكون لك صورة للعضو بحجمه الطبيعي. لو في مثلا واحد عنده حصوة على الحالب أو حصوة في المثانة تحدد الموجات فوق الصوتية دي تحدد لك مكان الحصوة وحجمها وهل هي قابلة إنها تنزل ولا مش هتنزل. كل ده بستخدمه باستخدام السونار. تمام؟ يبقى السونار بيشتغل إزاي؟ هتقول لي عن طريق اصطدام ثم ارتداد ثم تشتت للموجات فوق الصوتية. في حاجة صعبة؟

هندخل بعد كده على آخر جزء هو الجزء الخاص بدورات العناصر. يلا بينا.

بص بقى أنا أخدت ثلاث عناصر أو ثلاث دورات لثلاث عناصر. أول دورة أخدتها هي دورة الكربون. بسرعة كده بسرعة قلت لك الكربون بيبقى موجود في هيئة غاز. بيبقى موجود في الهواء في هيئة غاز اسمه ثاني أكسيد الكربون. مين اللي بيمتص ثاني أكسيد الكربون؟ النبات. فكده الكربون اتنقل من الهواء للنبات. النبات هيمتص ثاني أكسيد الكربون عشان يعمل بناء ضوئي عشان يكون جلوكوز C6H12O6. فالكربون دلوقتي بقى موجود جوه النبات على هيئة جلوكوز. اهو. هتيجي أنت كإنسان هتاكل النبات ده. فكده الكربون اتنقل من النبات ليك. صح؟ أنت كإنسان مش هتتنفس يعني هتطلع ثاني أكسيد الكربون في هواء الزفير. فكده الكربون راجع تاني للهواء ولا لا؟ راجع تاني للهواء. يبقى الكربون كان في الهواء لف لفة ورجع تاني للهواء. هي دي دورة الكربون. الكربون كان موجود في الهواء في صورة غاز اسمه ثاني أكسيد الكربون. النبات امتصه عمل بيه بناء ضوئي حوله إلى جلوكوز. فالكربون دلوقتي بقى موجود في النبات. أنت جيت أكلت النبات ده. فالكربون اتنقل من النبات ليك. في مشكلة؟ طيب أنت بعد ما أكلت اتنفذت يعني خرجت خرجت الكربون تاني في صورة غاز اسمه ثاني أكسيد الكربون. يبقى كده الكربون راجع للهواء تاني. في حاجة صعبة؟

طيب دورة النيتروجين برضه. النيتروجين بيبقى موجود في الهواء. مين بياخد الهواء ده؟ النبات. عن طريق بكتيريا كده موجودة في الجذور بتاعة النباتات اسمها بكتيريا تثبيت النيتروجين أو البكتيريا العقدية. البكتيريا هتاخد البكتيريا اللي في النبات هتاخد النيتروجين من الهواء تدي النبات. طب هو النبات محتاج نيتروجين ليه؟ عشان يكون بروتينات. صح؟ فكده النيتروجين اتنقل من الهواء للنبات. هتيجي حضرتك تاكل النبات ده. فكده النيتروجين اتنقل من النبات ليك. صح ولا مش صح؟ أنت كبني آدم قدامك احتمالين. يا إما تخرج فضلات. فالفضلات دي طبعًا مليانة نيتروجين. صح؟ العرق والبول والكلام ده. فالنيتروجين دلوقتي بقى موجود في الفضلات اللي هي بقت بقت في الأرض حاليًا. هيجي نوع آخر من البكتيريا هياخد النيتروجين اللي في الفضلات هيحوله إلى غاز ويرجعه تاني للجو. ده الاحتمال الأول. الاحتمال الثاني إن أنت ككائن حي تموت. ف أنت لما هتموت هتيجي البكتيريا اللي هتحللك هتحللك إلى إيه؟ هتحللك إلى عناصر. من ضمنها النيتروجين. هتيجي بكتيريا تانية تاخد النيتروجين اللي أنت اللي هو جاي من تحللك ده تحوله إلى غاز وبرضه تطلقه للجو. يبقى كده النيتروجين كان موجود في الجو ورجع تاني مرة أخرى للجو.

إني النيتروجين يا مستر كان موجود في الجو. ماشي. كان موجود فين؟ كان موجود في الجو. مين اللي أخده؟ البكتيريا المثبتة للنيتروجين اللي موجودة عند النبات. أخده عطته للنبات. النبات أخد النيتروجين عشان يكون بروتينات. جيت أنت أكلت النيتروجين ده أو أكلت النبات ده. فالنيتروجين اتنقل من النبات ليك. صح ولا مش صح؟ أنت قدامك احتمالين. الاحتمال الأول إن أنت تخرج فضلات. الفضلات دي طبعًا مليانة نيتروجين. الفضلات دي موجودة في الأرض دلوقتي. هتيجي بكتيريا اسمها البكتيريا النازعة للنيتروجين هتاخد النيتروجين اللي في الفضلات ده تحوله إلى غاز وتطلقه للجو مرة أخرى. الاحتمال الثاني إن حضرتك تموت. ماشي؟ ف أنت لما هتموت هتتحلل. هتتحلل إلى عناصر كتير. من ضمنها النيتروجين. هتيجي برضه البكتيريا النازعة للنيتروجين على الجثة بتاعتك أو الجثة بتاعة الكائن اللي مات ده تاخد النيتروجين تحوله برضه إلى غاز وتطلقه للجو مرة أخرى. يبقى كده النيتروجين كان في الجو ورجع تاني للجو.

آخر دورة عندي هي دورة الفوسفور. وقلت لحضرتك إن الفوسفور بيختلف عن العنصرين الكربون والنيتروجين في إن الفوسفور ما بيبقاش موجود في الجو. الفوسفور بيبقى موجود في التربة وفي الصخور. ماشي؟ النبات بيمتصه من التربة يكون بيه بقى الـ ATP ويكون بيه حاجات كتير قوي. فدلوقتي الفوسفور بقى موجود عند النبات. في مشكلة؟ ده اسمه فوسفور عضوي أو فوسفات عضوي. هتيجي حضرتك تاكل النبات. فكده الفوسفور أو الفوسفات هيتنقل من النبات ليك. تمام؟ هتيجي أنت هتموت برضه. تمام؟ ف أنت لما هتموت هتتحلل إلى عناصر كتير قوي. من ضمنها الفوسفور. فالفوسفور دلوقتي هيبقى موجود في الأرض ولا لا؟ هيبقى موجود في الأرض. يبقى الفوسفور كان موجود في الأرض وراجع تاني للأرض. في مشكلة؟ في حاجة صعبة؟ طيب أنا كبني آدم بستخدم الفوسفور في إيه؟ بستخدم الفوسفور في حاجات كتيرة قوي. الفوسفور بيدخل في صناعة الأسنان والعظام والـ ATP والـ DNA. بيدخل في تركيب كل الحاجات دي.

كده احنا الحمد لله خلصنا الـ فيديو الشرح. لو حضرتك ملاحظ آخر درسين أنا شرحتهم بسرعة لأننا لسه واخدينهم. فاكيد هم لسه في بالك. ماشي؟ لو في بقى أي مشكلة فيهم ارجع لفيديوهات الشرح الأساسية و وشوفها. كده احنا خلصنا نص المراجعة. فاضل النص الثاني اللي هو حل الأسئلة. وده بالنسبة لي هو النص الأهم. الفيديو بتاع حل الأسئلة هو الفيديو الأهم. أهم بكتير قوي من الفيديو ده. فحضرتك لازم تشوفه. أنا مجمع لك حوالي 100 سؤال كده من كتب خارجية على كتاب المدرسة. دولت أهم 100 سؤال في الثلاث دروس بتوع محتوى الشهر الأول. اتفرج عليهم وباذن الله تدخل الامتحان تقفل.

في الخطه كلاس بنتابع معاك حضورك وغيابك من خلال حلك للواجب والامتحانات الشامله. وبنساعدك تحدد وتطور مستواك خطوة بخطوة. وطبعًا المتابعة مع ولي الأمر من خلال التقارير بعد كل الامتحانات. وكمان ببلغ بالتزام أو حضور الطالب بشكل أسبوعي. لو عايز تعرف تفاصيل أكتر عن الخطه كلاس تقدر إن أنت تتواصل معاهم من خلال الرقم اللي هيظهر قدامك على الشاشة.

إحنا النهارده باذن الله هنحل على منهج الشهر الأول. أنا منقي لك حوالي 100 سؤال كده مجمع لك كل الأفكار اللي ممكن تيجي في امتحاناك على الثلاث دروس بتوع الشهر الأول. الفيديو ده بالنسبة لك أهم بكتير من فيديو الشرح. لأن الشرح أنت أصلًا كنت سامعه. طبعًا كلامي للطالب اللي كان متابع معايا من أول الترم. الفيديو ده أهم بكتير قوي بالنسبة لك من فيديو الشرح. ف أنا عايزك تتفرج على الفيديو كله. مش عايزك تسيب أسئلة. عايزك تركز في كل سؤال. حتى لو سؤال تافه. حتى لو سؤال أنت شايفه تافه. ركز فيه برضه علشان خاطر تجمع كل الأفكار اللي ممكن تجيلك. يلا بينا نسمي الله ونبدأ.

السؤال الأول بيقول لي: أي العمليات التالية لا تعتبر جزء من دورة الكربون في الطبيعة؟ طبعا احتراق الوقود الحفري. الوقود الحفري اللي هو الفحم والبترول والغاز الطبيعي. لما بيتحرق بيطلع ثاني أكسيد الكربون يعني بيدي كربون للجو. فإذا ده يعتبر جزء من دورة الكربون. البناء الضوئي طبعا جزء من دورة الكربون. النبات كان بيمتص ثاني أكسيد الكربون من الجو فالكربون اتنقل من الجو للنبات. تحلل المواد العضوية طبعا جزء من دورة الكربون. أي كائن حي لما بيموت ويتحلل بيتحلل إلى عناصر. العناصر دي من ضمنها الكربون. إنما عملية تحلل الصخور ما كانتش بتعتبر جزء من دورة الكربون. دي كانت بتعتبر جزء من دورة الفوسفور. الفوسفور كان موجود في الصخور. الصخور دي تتحلل تتفتت فالفوسفور يتنقل من الصخور للتربة. مين يمتص الفوسفور من التربة؟ النبات. وهكذا. فدي لا تعتبر جزء من دورة الكربون.

السؤال الثاني بيقول لي: في الشبكة الغذائية المقابلة، أي الكائنات التالية تحصل على أعلى قدر من الطاقة من الكائنات المنتجة؟ مين في دول بيتغذى على الكائن المنتج؟ مين في دول بيتغذى على النبات؟ ادي النبات أهو. ادي النبات أهو. طالع منه ثلاث أسهم: سهم للمعزة، وسهم للارنب، وسهم للفار. يبقى هم الثلاثة دول اللي بيتغذوا على النبات. يعني هم الثلاثة دول اللي بيحصلوا على طاقتهم من الكائن المنتج. وإحنا طبعًا متفقين إن الكائن المنتج هو الكائن اللي عنده أعلى طاقة. اللي عنده أكبر كمية من الطاقة. فإذا أنا عندي المعزة والارنب والفار. هم دول الثلاثة اللي بيحصلوا على أعلى قدر من الطاقة. يعني أ غلط وب غلط ود غلط. الإجابة الوحيدة اللي تنفع هي رقم ج: المعزة والفار. وهو هنا مش حاطط الارنب فمش مشكلة.

سؤال رقم ثلاثة وخلي بالك السؤال ده مهم. بيقول لي: في الشكل المقابل، أي الأوعية الدموية تحمل دمًا مؤكسجًا؟ ادي القلب أهو. وخلي بالك من اتجاهات الأسهم. الوعاء رقم ثلاثة ده بيحمل الدم من القلب لباقي أجهزة الجسم. صح؟ يبقى مين رقم ثلاثة ده؟ مين اللي كان بيحمل الدم أو اللي كان بينقل الدم من القلب لجميع أجزاء الجسم؟ هتقول لي يا مستر الشريان الأورطي. هقول لك صح. يبقى رقم ثلاثة ده هو الشريان الأورطي.

تعالى على رقم واحد. رقم واحد ده بياخد الدم من جميع أجزاء الجسم يرجعه تاني للقلب. هو الدم بعد ما كان يروح لجميع أجزاء الجسم يدي لهم الغذاء والأكسجين وياخد منهم الفضلات وكده كان بيرجع على القلب عن طريق إيه؟ هتقول لي يا مستر عن طريق الأوردة الجوفاء. هقول لك صح. يبقى رقم واحد ده وريد أجوف علوي وسفلي.

رقم أربعة. رقم أربعة ده بيحمل الدم من القلب للرئة. من القلب للرئة. اهي الرئة دي كده. الرئة. فمن القلب للرئة يبقى رقم أربعة ده شريان رئوي. شريان رئوي.

رقم اثنين. رقم اثنين ده أكيد هيبقى يبقى وريد رئوي. صح ولا مش صح؟ مين بقى فيهم بيحمل دم مؤكسج؟ هتقول لي يا مستر الشريان الأورطي أكيد. والوريد الرئوي برضه أكيد. يبقى إذا الإجابة هتكون رقم ج. أما الأوردة الجوفاء والشريان الرئوي كانوا بيحملوا دم غير مؤكسج.

سؤال أربعة بيقول لي: ينتج عن التنفس الخلوي اللا هوائي في العضلات. في العضلات يا مستر كان الجلوكوز C6H12O6 كان بيتاكسد إلى اثنين حمض لاكتيك C3H6O3. وبينطلق عن هذا التفاعل طاقة مقدارها اثنين ATP. ده اللي كان بيتم في العضلات. ده التنفس اللا هوائي في العضلات. يبقى إذا الإجابة هتبقى رقم ج: حمض لاكتيك وطاقة. أما في الخميرة كان بينتج كحول إيثيلي وثاني أكسيد كربون وطاقة.

سؤال خمسة بيقول لي: إزالة غطاء نباتي بالكامل من منطقة. يعني أنا جيت عند منطقة مثلا جيت عند بلد زي مصر دمرت كل النباتات اللي فيها. هيؤدي إلى إيه؟ أنا طبعًا لما أدمر الكائن المنتج الكائن المستهلك الأول مش هيتغذى فهيموت. فبالتالي المستهلك الثاني مش هيتغذى فهيموت. فإذا السلسلة الغذائية كلها هتنهار. لأن أنت دمرت أهم حاجة. أنت دمرت النبات. دمرت الكائن المنتج. دمرت الحاجة اللي بتنتج لك طاقة. فإذا دي لما تتدمر كله هيتدمر بعد كده. يبقى الإجابة هتبقى رقم ج: انهيار الشبكة الغذائية بالكامل.

سؤال ستة بيقول لي: تراكم ثاني أكسيد الكربون في الدم يزيد من إيه؟ ثاني أكسيد الكربون لما بيتراكم في أي حاجة بيزود الحموضة بتاعتها. زي ما كان في الميه كده الترم اللي فات. الميه لما بتبقى محملة بثاني أكسيد كربون كتير كان بيزود الحموضة. كانت بتتحول إلى ميه حامضية. فثاني أكسيد الكربون لو اتراكم في الدم هيزود حموضة الدم. وده طبعًا شيء خطير جدًا جدًا.

قطيع من الغزلان في السافانا. دي اسمها إيه دي؟ اسمها طبعًا إيه؟ اسمها جماعة. لأن الجماعة عرفنا الجماعة قلنا الجماعة هي عبارة عن مجموعة من الأفراد المتشابهة. مجموعة من الأفراد المتشابهة دول كده اسمهم جماعة. جماعة من الغزلان. جماعة من الأسود. جماعة من النمور. جماعة من النحل. جماعة من النمل. مجموعة من الأفراد المتشابهة دول كده اسمهم جماعة.

سؤال ثمانية بيقول لي: أي مما يلي يعبر عن المعلومات الوراثية؟ فطبعًا المعلومات الوراثية اللي بيعبر عنها هو الـ DNA. والـ DNA الـ DNA كان بيتكون من مجموعة من النيوكليوتيدات. واخد بالك؟ النيوكليوتيدة دي كان فيها إيه يا مستر؟ النيوكليوتيدة كان فيها سكر وكان فيها فوسفور أو مجموعة فوسفات وكان فيها قواعد نيتروجينية. القواعد النيتروجينية دي هي بقى اللي بتعبر عن المعلومات الوراثية. أنا لما أحب أعبر عن أي جين بحب أعبر عنه بالقواعد النيتروجينية اللي هي دي. اللي هي مثلا A T C G. دي كده اسمه جين. في جين تاني عامل كده. في جين تالت عامل كده. واخد بالك؟ أنا بعبر عن الجينات بالقواعد النيتروجينية بتاعة الـ DNA. يبقى إذا الإجابة هتبقى رقم ج.

في الجهاز الدوري للإنسان تنقل المواد الغذائية المهضومة من القلب إلى جميع أجزاء. من القلب لجميع أجزاء الجسم. مين اللي بينقل الدم من القلب لجميع أجزاء الجسم؟ شرايين ولا أوردة؟ لا شرايين. من القلب لجميع أجزاء الجسم كانوا الشريان الأورطي. من القلب للرئة كان شريان رئوي. يبقى أي وعاء بينقل دم من القلب إلى أي حتة ده كده اسمه شريان. ومن أي حتة للقلب ده كده اسمه وريد. في مشكلة؟ يبقى الإجابة هتبقى رقم ب.

يتخلص الجسم من مادة البيليروبين. مادة البيليروبين دي للكبد كان بيكونها. الجسم كان بيتخلص منها عن طريق إيه؟ عن طريق البراز. يبقى الإجابة رقم ج.

أي المركبات التالية يعد المصدر الرئيسي للطاقة في الخلية؟ طبعًا الإجابة هتبقى رقم ج: الكربوهيدرات.

النباتات الراقية قادرة على نقل الماء لمسافات طويلة رغم عدم وجود عضو متخصص بسبب إيه؟ هل بسبب اعتمادها على الجاذبية الأرضية؟ غلط. ده الميه أصلًا بتطلع عكس اتجاه الجاذبية الأرضية. هل بسبب وجود أنظمة نقل متخصصة وآليات فيزيائية؟ صح. إيه هي أنظمة النقل المتخصصة؟ الخشب واللحاء. مش الخشب واللحاء دول عبارة عن أنظمة نقل متخصصة موجودين جوه النبات؟ صح ولا مش صح؟ فإذا الإجابة هتبقى رقم ب.

أي مما يلي يصف الغلاف الحيوي بدقة أكبر؟ الغلاف الحيوي ده هو عبارة عن مجموعة الكائنات الحية اللي عايشة على كوكب الأرض. يعني مش غازات. ده كده الغلاف الجوي. ولا ميه. ولا صخور. ده كده غلاف جوي. ده غلاف مائي. ده غلاف صخري. إنما الإجابة الوحيدة الصح هي رقم ب. كل دي أسئلة سهلة. كل دي أسئلة سهلة قوي.

سؤال 15 وده برضه سؤال سهل قوي. بيقول لي: الشكل المقابل يمثل تغير الطاقة في تفاعل كيميائي. ماذا نستنتج من هذا التفاعل؟ ده طبعًا تفاعل كيميائي. الطاقة اللي في المتفاعلات أكبر من الطاقة اللي في النواتج. يعني الـ ER أو ممكن تقول لي الـ HR أكبر من الـ EP. مين من التفاعلات اللي كانت كمية الطاقة بتاعة المتفاعلات أكبر من كمية الطاقة في النواتج؟ هتقول لي يا مستر التفاعل الطارد للحرارة. هقول لك صح.

سؤال 16 بيقول لي: يطلق على الصحاري الكبرى التي تشترك في خصائص مناخية قاسية ونباتات متكيفة مع الجفاف مصطلح إيه؟ قلت لك لما يبقى عندك شوية مناطق كده متشابهة دي كده اسمها منطقة حيوية. يعني الصحاري كلها منطقة حيوية. الغابات كلها منطقة حيوية. البحار كلها منطقة حيوية. واخد بالك؟ مجموعة المناطق اللي ليهم خصائص واحدة بسميهم مناطق حيوية. يبقى الإجابة رقم د.

السؤال رقم 17 وده برضه سؤال سهل قوي. بيقول لي: كتلة مول واحد من الميه بتساوي كام؟ والله مستر الواحد مول من الميه عامل كده H2O. ده كده واحد مول من الميه. الـ H بواحد مضروبة في اثنين زائد الـ O بـ 16 زائد 2 بتساوي 18 جرام. طب لو كان قال لي كتلة 2 مول من الميه يبقى 18 × 2. كتلة 3 مول من الميه 18 × 3 وهكذا.

سؤال 18 بيقول لي: النسبة بين كتلة المول من غاز ثاني أكسيد الكربون إلى كتلة المول من غاز أكسيد النيتروز تساوي كام إلى كام؟ تعال نشوف. تعال نجيب ثاني أكسيد الكربون الأول. السي بـ 12 صح؟ السي بـ 12 زائد الـ O بـ 16 مضروبة في 2. 16 × 2 بـ 32. زائد 12 هيديني 44 جرام. يبقى كتلة المول من ثاني أكسيد الكربون بـ 44 جرام. تعال نجيب كتلة المول من ده. الـ N بـ 14 مضروبة في 2 زائد الـ O بـ 16. الـ O بـ 16. 14 × 2 بـ 28. 28 + 16 برضه 44 جرام. يبقى النسبة هتساوي واحد إلى واحد.

سؤال 19 بيقول لي: في الشبكة الغذائية التالية عندي حبوب ذرة اللي أكلها الدجاج اللي أكلها الفار اللي أكل الفار التعبان اللي أكل التعبان البومة. كم عدد الكائنات المستهلكة؟ طبعًا هيبقى واحد ده مستهلك أولي. اثنين ده مستهلك ثانوي. ثلاثة ده مستهلك ثالث. وأربعة ده مستهلك نهائي. يبقى إذا عدد الكائنات المستهلكة أربع كائنات. ده طبعًا كائن منتج. ها؟ مستر السلسلة الغذائية دي ما فيهاش كائن محلل؟ آه ما فيهاش لا بكتيريا ولا فطر ولا ولا نسر ولا أي حاجة من الحاجات دي.

تتمتع القصيبات والأوعية الخشبية اللي هو الخشب يعني اللي كان بينقل ميه وأملاح من تحت لفوق بأنها تراكيب إيه؟ طبعًا الخشب حضرتك أخدت سواء أوعية أو قصيبات هي عبارة عن تراكيب ميتة. ميتة يعني أ غلط وج برضه غلط لأن الخشب ما بيعملش بناء ضوئي. ود برضه غلط. طالما هو ميت إذا لا يحتوي لا على نواة ولا على سيتوبلازم. فالإجابة الوحيدة الصح هتبقى ب: تراكيب ميتة مجوفة يعني فاضية من جوه لتسهيل تدفق الميه.

سؤال 38 بيقول لي: الكتلة المولية لحمض الكبريتيك H2SO4 تساوي كام؟ تعال نشوف. الـ H بـ 1 مضروبة في 2 زائد الـ S بـ 32 زائد الـ O بـ 16 مضروبة في 4. اجمعهم كلهم كده الناتج هيطلع لك 98 جرام لكل مول.

سؤال 39 بيقول لي: النسبة بين كتلة المول من غاز ثاني أكسيد الكربون إلى كتلة المول من غاز أكسيد النيتروز تساوي كام إلى كام؟ تعال نشوف. تعال نجيب ثاني أكسيد الكربون الأول. السي بـ 12 صح؟ السي بـ 12 زائد الـ O بـ 16 مضروبة في 2. 16 × 2 بـ 32. زائد 12 هيديني 44 جرام. يبقى كتلة المول من ثاني أكسيد الكربون بـ 44 جرام. تعال نجيب كتلة المول من ده. الـ N بـ 14 مضروبة في 2 زائد الـ O بـ 16. الـ O بـ 16. 14 × 2 بـ 28. 28 + 16 برضه 44 جرام. يبقى النسبة هتساوي واحد إلى واحد.

سؤال 40 بيقول لي: في التفاعلات الماصة للحرارة إيه اللي بيحصل؟ الحرارة بتتنقل من فين لفين؟ أنا قلت لك التفاعل الماص للحرارة باين من اسمه أهو. هو بيمتص حرارة من الوسط المحيط. يعني الحرارة بتتنقل من الوسط المحيط إلى النظام. إلى التفاعل. صح؟ بس فتلاقي درجة حرارة الوسط المحيط قلت. يبقى الإجابة الصح هتبقى رقم أ: تنتقل الحرارة إلى النظام من الوسط المحيط.

عند إذابة كلوريد الصوديوم في الماء تنخفض درجة حرارة المحلول. معنى كده إن المحلول أطلق طاقة. طلع طاقة. أي من الاختيارات التالية يعبر عن كل من نوع هذه العملية وإشارة الدلتا اتش؟ درجة حرارة المحلول أو درجة حرارة التفاعل انخفضت. معنى كده إن التفاعل أطلق طاقة. يبقى التفاعل طارد للحرارة. وطالما هو طارد للحرارة فالدلتا اتش هتبقى بالسالب ولا بالموجب؟ هتبقى بالسالب. يبقى إذا الإجابة هتبقى رقم د.

سؤال 42 بيقول لي: أي مما يلي يعبر عن قيمة الدلتا اتش للتفاعل التالي؟ التفاعل اللي قدامك ده بيقول لك إن الـ X زائد الـ Y زائد الـ Z بيطلع لك A زائد B. يبقى الـ X والـ Y والـ Z دول يا مستر المتفاعلات. اللي هم الـ R. والـ A والـ B دول النواتج. اللي هم الـ P. لما هاجي أجيب الدلتا اتش للتفاعل ده فالدلتا اتش هتساوي الـ HP ناقص الـ HR. الـ HP دي يا مستر لما هاجي أفكها. الـ P دي اللي هي النواتج. صح؟ اللي هي عبارة عن A زائد B. ناقص الـ HR. الـ R دي لما هاجي أفكها هفكها إلى المتفاعلات دي. اللي هي الـ X زائد الـ Y زائد الـ Z. مش دول المتفاعلات؟ مش كده؟ فالإجابة الوحيدة الصح هتبقى رقم د: الـ A زائد الـ B ناقص الـ H. الـ A زائد الـ Y زائد الـ Z. الـ H بتاعة النواتج ناقص الـ H بتاعة المتفاعلات. الـ H بتاعة النواتج مع بعض ناقص الـ H بتاعة المتفاعلات مع بعض.

سؤال 43 بيقول لي: أي مما يلي يعبر عن التفاعل الذي يكون فيه المحتوى الحراري للنواتج أقل من المحتوى الحراري للمتفاعلات؟ يعني الـ HR هي اللي أكبر من الـ HP. المتفاعلات أكبر من النواتج. فطبعًا ده تفاعل طارد. والتفاعل الطارد إجابته هتبقى رقم ب: التفاعل الطارد الدلتا اتش فيه بتبقى سالبة. فالإجابة هتبقى رقم ب.

سؤال 44 جايب لك تفاعلين وبيقول لي ما نوع التفاعلين؟ فتعال نشوف. التفاعل الأولاني N2 فاعلته مع H2 طلع لي NH3 زائد طاقة. يبقى في طاقة طلعت مع النواتج. يبقى التفاعل ده طلع لي طاقة مع النواتج. طلع لي طاقة. أطلق لي طاقة. يبقى التفاعل ده تفاعل طارد. قلت لك لما تشوف طاقة مع النواتج يبقى ده تفاعل طارد.

التفاعل الثاني NO مع O2 طلع لي NO2 والدلتا اتش بتاعة التفاعل ده بالسالب. يبقى ده برضه تفاعل طارد. لأن الدلتا اتش بالسالب. يبقى كلا التفاعلين بيعتبروا طارد للحرارة.

التفاعل التالي يعبر عن إيه؟ عندي SO2 زائد O2 زائد طاقة طلعوا لي SO3. الطاقة مع المتفاعلات مش مع النواتج. معنى كده إن التفاعل ده عشان يحصل امتص طاقة. احتاج طاقة عشان يحصل. واخد بالك؟ يبقى التفاعل ده ماص للحرارة. وطالما هو ماص للحرارة.

يبقى إذا المحتوى الحراري للنواتج أكبر من المحتوى الحراري للمتفاعلات فالإجابة الصح هتبقى رقم د تفاعل ماص للحرارة والمحتوى الحراري للمتفاعلات أقل من النواتج يعني النواتج هي اللي أعلى.

سؤال 46 بيقول لي الشكل المقابل يعبر عن تفاعل تكوين النشادر من عنصريه النيتروجين والهيدروجين. فعلت دول فكونوا لي النشادر دول هم المتفاعلات ودي هي النواتج. باين إن المحتوى الحراري للمتفاعلات أكبر من النواتج يبقى ده تفاعل طارد صح؟ وطالما هو تفاعل طارد يبقى الدلتا اتش بالسالب فالإجابة هتكون رقم أ.

إحنا من أول هنا بقى ابتدينا نعلى شوية بالليفل بتاع الأسئلة يعني ما عليناش حاجة خرافية علينا حاجة بسيطة قوي علينا بالأسئلة علينا بمستوى الأسئلة حاجة بسيطة قوي وهناخد أسئلة كتير قوي على الدرس بتاع التنفس الخلوي والتفاعلات الطاردة والمصة لأن في الامتحان بتاعك هتلاقي أسئلة كتير من الدرس ده. ماشي فهنهتم بيه جامد يعني.

سؤال 47 بيقول لي ادرس الرسم المقابل لأحد التفاعلات ثم أجب ماذا نستنتج من خلال الرسم ده؟ طبعًا تفاعل كيميائي المحتوى الحراري بتاع المتفاعلات أكبر من النواتج فإذا ده تفاعل طارد. في مشكلة؟ وطالما هو يعني أنا هستبعد أ وهستبعد ب. وطالما هو تفاعل طارد يبقى الدلتا اتش بالسالب وفي نفس الوقت الدلتا اتش دي هي عبارة عن الفرق ما بين النواتج والمتفاعلات يعني الفرق ما بين الـ A والـ C. الـ B دي هي طاقة التنشيط ماليش دعوة بيها. يبقى إذا ده الغلط. الإجابة الوحيدة الصح واللي تنفع هي رقم.

سؤال 48 بيقول لي ما نوع التفاعل؟ عندي متفاعلات احتاجت طاقة عشان تتفاعل فاتفاعلت نتجت لي نواتج أهي. يبقى ده إذا ده كده تفاعل ماص لأن الطاقة أو الحرارة موجودة مع المتفاعلات. يبقى ده كده تفاعل ماص للحرارة يعني الدلتا اتش هتبقى باشارة موجبة.

سؤال 49 بيقول لي أي التفاعلات التالية يمثلها الرسم المقابل؟ ده تفاعل X + Y يدوني XY يعني دي متفاعلات ودي نواتج. المحتوى الحراري بتاع النواتج أكبر من المحتوى الحراري بتاع المتفاعلات يبقى ده تفاعل ماص للحرارة. مين بقى في التفاعلات دي تعتبر ماصة للحرارة؟ هتقول لي يا مستر أكيد أ غلط لأن أ ده طلع لي حرارة مع النواتج يعني أ ده طارد. الإجابة الصح هي رقم ج. X + Y + حرارة. الحرارة موجودة مع المتفاعلات أهي طلعت لي XY. يبقى إذا الإجابة الوحيدة الصح هي رقم ج اللي تفاعل ماص للحرارة. ب غلط الحرارة موجودة مع المتفاعلات أه بس كاتب لك ناقص ناقص يعني ناقص غلط يعني المفروض زائد.

ما الحرف الدال على طاقة التنشيط؟ طاقة التنشيط هو السهم الكبير دوت اللي يعتبر من أقصى من أقصى نقطة في التفاعل لحد المنحنى السيني ده كده كلها طاقة التنشيط. يبقى الإجابة الصح هتبقى رقم ب.

سؤال 51 جايب لك أربع تفاعلات كيميائية وبيقول لي مين فيهم يعتبر ماص للحرارة؟ في التفاعلات الماصة للحرارة أنا أخدت مثالين. البناء الضوئي طبعًا وتفاعل انحلال كلورات البوتاسيوم. البناء الضوئي اللي هو أول واحد ده اللي هو W ثاني أكسيد كربون وميه كونوا لي جلوكوز وأكسجين يبقى ده معانا. انحلال كلورات البوتاسيوم اللي هو الأخير ده اللي هو Z يبقى ده معانا برضه. إنما X و Y. X و Y دول مش تفاعلات ماصة دي تفاعلات طاردة. X ده تفاعل تعادل و Y ده تفاعل تنفس خلوي. واخد بالك؟ يبقى إذا الإجابة هتبقى W و Z يبقى رقم ج.

سؤال 52 وده سؤال حلو برضه بيقول لي أي الأشكال التالية يعبر عن مخطط الطاقة لتفاعل التنفس الخلوي؟ والله يا مستر التنفس الخلوي ده كان تنفس خلوي هوائي. التنفس الخلوي ده كان من التفاعلات الطاردة للحرارة اللي بتطلع بطلع حرارة أو بتطلع طاقة يعني الـ H بتاعة المتفاعلات أكبر من الـ H بتاعة النواتج. ماشي؟ فانا هستبعد أ وهستبعد د. الإجابة يا ب يا ج. طيب فين المتفاعلات؟ والله يا مستر التنفس الخلوي الهوائي كان عامل كده. C6H12O6 + O2 دول كده كانوا متفاعلات والنواتج كانت ميه وثاني أكسيد كربون. يعني الإجابة الصح هتبقى رقم ج. ادي المتفاعلات وادي ادي النواتج. الـ H بتاعة المتفاعلات أعلى من الـ H بتاعة إيه؟ بتاعة النواتج.

سؤال 53 ده برضه سؤال حلو بيقول لي أي من الدلتا اتش التالية؟ أي من القيم التالية تمثل تفاعل يحتاج إلى تسخين مستمر؟ تفاعل محتاج تسخين محتاج تدي له حرارة محتاج يمتص حرارة يبقى ده تفاعل إيه؟ تفاعل ماص. تفاعل ماص للحرارة صح ولا مش صح؟ وطالما هو تفاعل ماص للحرارة فاذا الدلتا اتش بتاعته هتبقى بالموجب يعني الإجابة تبقى رقم د.

سؤال 54 بيقول لي أي الأشكال التالية صحيحة في حال تعرض الجسم لجو حار؟ جو حر يعني العرق هيزيد وطالما العرق زاد فالبول هيقل لأن الاثنين ما ينفعش يزيدوا مع بعض أو يقلوا مع بعض. طالما واحد زاد فالتاني يقل. العرق هيزيد يعني الخط الأحمر ده هيزيد والخط الأسود هيقل فالإجابة هتبقى رقم ج.

الأعضاء يعد مركز رئيسي لمعالجة الفضلات أو معالجة السموم طبعًا طالما قال لي معالجة يبقى الكبد.

سؤال 56 بيقول لي ما هو التسلسل الإخراجي الصحيح الذي يوضح دور الكبد والكليتين معًا؟ صلي على النبي. أنا قلت لك إن الأمونيا دي أو الكبد بياخد الأمونيا يحولها إلى يوريا. يقوم الكبد باعت اليوريا على الكلى. الكلى تخلصك من اليوريا دي في صورة بول. يعني التسلسل الوحيد الصح اللي ينفع هو التسلسل رقم د. الأمونيا هتروح على الكبد هتتحول إلى يوريا. اليوريا هتطلع من الكبد تروح للكليتين. الكليتين يخلصوك من اليوريا على صورة بول أو في طريق البول. يبقى الإجابة الصح رقم د.

يتم تصنيع وإخراج اليوريا على الترتيب في إيه؟ طبعًا اللي بيصنع اليوريا هي الكبد واللي واللي بيخرج اليوريا هي الكلى فالإجابة الصح على الترتيب هتبقى رقم د.

أي المواد التالية يمكن استخدام تركيزها في الدم كمؤشر على كفاءة الكبد في أداء وظيفته؟ فطبعًا الإجابة تبقى البايليروبين لأن اللي بيصنع البايليروبين هو الكبد.

لو اللي بيصنع البيليروبين هو الكبد يتم التخلص من الفضلات غير القابلة للذوبان في الماء من خلال إيه؟ أنا قلت لحضرتك إن العصارة الصفراوية اللي الكبد بيفرزها دي بتخلصك من أ من بعض الصبغات وبتخلصك من الكوليسترول الزائد. الكوليسترول الزائد ده هو دهون صح ولا مش صح؟ يعني غير قابلة للذوبان في الماء. الصبغات برضه غير قابلة للذوبان في الماء. الحاجات دي كلها اللي بيخلصني منها هي العصارة الصفراوية.

جميع المواد التالية يتم تكوينها بالكبد ما عدا إيه؟ اليوريا بتتكون في الكبد. الجلايكوجين بيتخزن في الكبد. البايليروبين بيتكون تكون في الكبد. إنما السليلوز ملوش علاقة بالكبد. السليلوز ده موجود عند النبات.

كل المواد دي كل الأسئلة دي حاجات سهلة. كل الأسئلة دي سهلة. أي المواد التالية يتم التخلص منها بشكل أساسي من خلال البراز؟ فطبعًا البايليرو بي.

إيا مما يلي يساوي كتلة المول من كربونات الصوديوم؟ تعال نشوف الـ Na بـ 23 مضروبة في 2 + الـ C بـ 6 16 الـ C بـ 12 سوري الـ C بـ 12 يبقى 23×2 + 12 + الـ O هي اللي بـ 16×3. تعال نجمع ونشوف. 23×2 بـ 46 + 12 + 16×3 بـ 48. 46 + 12 بـ 58 + 48 هيديني 106.

جميع المركبات التالية مواد عضوية ويدخل الكربون في تركيبها ما عدا إيه؟ كل دي مواد عضوية طبعًا ما عدا ثاني أكسيد الكربون ده الوحيد اللي مش مادة عضوية.

سؤال 64 بيقول لي ادرس المخطط المقابل. إيا مما يلي يمثل السكر المشار إليه بالرمز س؟ سكر س ده ناتج من البناء الضوئي. طب هو البناء الضوئي بينتج لي سكر إيه؟ البناء الضوئي بينتج لي سكر الجلوكوز صح؟ وسكر سكر الجلوكوز ده هو سكر إيه؟ سكر العنب يا مستر. هقول لك صح. سكر القصب ده كان اسمه السكروز. سكر الفاكهة كان اسمه الفركتوز. سكر اللبن كان اسمه اللاكتوز وهكذا. أوعى تنسى الحاجات دي ها.

سؤال 65 وده سؤال حلو قوي بيقول لي إيا مما يلي صحيح عن الوعاء س؟ أولًا الوعاء س ده هو وعاء لونه أزرق متصل بالقلب والرئتين. بيوصل ما بين القلب والرئتين وعاء لونه أزرق يعني وريد. بيوصل القلب بالرئتين يبقى ده وريد رئوي. مش دول الرئتين دول وده القلب وده وعاء أهو لونه أزرق أهو يبقى س ده وريد رئوي. إيا مما يلي صحيحًا؟ الوريد الرئوي هل الوريد الرئوي يعتبر جزء من الدورة الدموية الجهازية اللي هي الكبرى؟ غلط. الوريد الرئوي ده كنت بسمعه في الدورة الرئوية اللي هي الصغرى. هل ده يشاور أورطي؟ غلط. هل بيحمل دم مؤكسج؟ أه الوريد الرئوي يا مستر بيحمل دم مؤكسج صح. الشريان الرئوي هو اللي كان بيحمل دم غير مؤكسج.

ما نسبة عدد جزيئات الـ ATP الناتجة من جزيء جلوكوز واحد في التنفس الهوائي والتخمر الكحلي؟ التنفس الهوائي بيطلع لي 36 والتخمر الكحلي بيطلع لي 2. على الاثنين فيها الواحد على الاثنين فيها الـ 18 يعني نسبة 18 إلى واحد على الترتيب هوائي إلى لا هوائي.

سؤال 67 بيقول لي ادرس المخطط ثم استنتج إيا مما يلي يمثل العضو س؟ أنا عندي دم به تركيز مرتفع من اليوريا يعني دم غير نقي دم مش نضيف دخل على العضو س ده اتنظف اتحول إلى دم به تركيز منخفض من اليوريا. مين اللي كان بينظف الدم دم من اليوريا ويطرد اليوريا في صورة بول؟ أكيد الكلى. فالإجابة هتبقى رقم أ. مش كده؟ هو هي دي مستويات الأسئلة اللي باذن الله هتلاقيها موجودة في الامتحان بتاعك ها.

سؤال 68 بيقول لي في الهرم الطاقي المقابل تتواجد الغزلان في المستوى إيه؟ طبعًا المستوى A دوت هو مستوى الكائنات المنتجة. مستهلك أولي C مستهلكة ثانوي وهكذا. فطبعًا للي ما يعرفش الغزالة هي مش أكلات لحوم. الغزالة هي أكلات عشب يعني كائنات مستهلكة أولية بتتغذى عن النباتات بس. يبقى إذا الغزالة هتتواجد في المستوى.

سؤال 69 وده سؤال حلو بيقول لي في السلسلة المقابلة تشير الأسهم الرأسية إلى الطاقة المفقودة يعني A وسي وإي دي طاقة مفقودة طاقة فقدت من النبات طاقة فقدت من الغزالة وهكذا. وتشير الأسهم الأفقية إلى الطاقة المنقولة. أي أسهم تمثل أكبر قدر من الطاقة؟ هو أكبر قدر من الطاقة موجود عند مين؟ موجود عند الكائن المنتج اللي هو النبات. إذا الأسهم اللي طالعة منه سواء الـ A أو الـ B هي دي الأسهم اللي هتكون بتحمل أكبر كمية من الطاقة. فالإجابة هتبقى رقم ب.

سؤال 70 بيقول لي ادرس التفاعل المقابل ثم استنتج إيا مما يلي يعبر بشكل صحيح عن هذا التفاعل. ده تفاعل كيميائي الدلتا اتش بتاعته بالسالب يعني التفاعل ده تفاعل طارد. وطالما هو تفاعل طارد يبقى المحتوى الحراري للمتفاعلات أكبر من المحتوى الحراري للنواتج. فالإجابة هتبقى صح هتبقى رقم أ. الإجابة الصح هتبقى رقم أ. المحتوى الحراري للمتفاعلات أكبر من النواتج والتفاعل طارد للحرارة.

سؤال 70 بيقول لي ادرس التفاعل المقابل ثم استنتج. عندي تفاعل كيميائي أهو الدلتا اتش بتاعته بالسالب يبقى إذا ده تفاعل طارد. وطالما هو تفاعل طارد يبقى المحتوى الحراري للمتفاعلات أكبر من النواتج صح؟ فالإجابة الصح هتبقى رقم أ. المحتوى الحراري للمتفاعلات أكبر من النواتج والتفاعل طارد للحرارة.

سؤال 71 بيقول لي إيا مما يلي يمثل مسارًا لا يمكن أن يعود فيه الكربون إلى صورة المركبات العضوية إلا عبر المرور بعملية البناء الضوئي؟ يعني مين في دول كربون مش عضوي؟ مين في دول كربون ما يعتبرش موجود جوه كائن مش موجود جوه كائن؟ فطبعًا أ غلط. الكربون المنتقل عند تغذية أكل عشب على النبات. في أكل عشب جا أكل نبات فالكربون اتنقل من النبات لأكل العشب يعني عضوي من كائن لكائن يعني ده كربون عضوي. ده برضه نفس الكلام. ده برضه نفس الكلام. طالما كربون موجود جوه كائن فده اسمه كربون عضوي. إنما الكربون الوحيد اللي مش عضوي هو الكربون الناتج عن تحلل المواد العضوية. عندي كائن حي مات واتحلل اتحلل إلى كربون فالكربون دلوقتي يبقى موجود في الأرض. هل ده اسمه كربون عضوي؟ لا.

سؤال 72 بيقول لي إيا مما يلي يفسر قدرة الخشب على مقاومة الانضغاط؟ ليه نسيج نسيج الخشب نسيج جامد؟ ليه نسيج صلب؟ هتقول لي يا مستر أنت قلت لنا إن نسيج الخشب سواء أوعية أو قصيبات بيدخل في تركيب جدرانه مادة اللجنين. ومادة اللجنين دي مادة صلبة هي اللي بتكسب الخشب الصلابة وبتمنع انضغاطه وبتمنع انهياره. هقول لك صح.

الشكل المقابل يوضح إصابة إصابة أحد الأطفال باليرقان. اليرقان اللي هي الصفراء. وطبعًا مرض الصفراء ده ناتج بسبب تراكم مادة البايليروبين.

سؤال 74 بيقول لي المخطط المقابل يوضح شبكة غذائية. فإن دور الكائن واحد هو إيه؟ طبعًا الكائن واحد ده هو كائن احتاج ضوء. احتاج ضوء يبقى واحد ده هو النبات. طبعًا النبات هو مصدر الطاقة لجميع الكائنات الحية الأخرى. فالإجابة هتبقى رقم أ.

سؤال 75 بيقول لي أي السلاسل الغذائية التالية تعبر عن انتقال الطاقة بشكل صحيح؟ صلي على النبي. تملي أي سلسلة غذائية لازم تبدأ بالكائن المنتج. الكائن المنتج هو اللي يدي الطاقة لباقي الكائنات. وفي الآخر خالص كلهم بيروحوا للكائن المحلل. الكائن المحلل هو اللي بيحللهم كلهم هو اللي بياكلهم كلهم لما يموتوا. يعني الإجابة الصح هتكون رقم ج. ادي النبات أهو. أدى طاقة للثعلب وأدى طاقة للفطريات وأدى طاقة للغزلان. وفي نفس الوقت الفطريات اللي هي الكائن المحلل أخدت منهم كلهم. أخدت الطاقة من الثعلب ومن النبات ومن الغزال. فاهم؟ فالسلسلة الوحيدة الصح هي السلسلة رقم ج.

سؤال 82 بيقول لي المعادلة التالية توضح تفاعل الاحتراق التام للميثانول. الميثانول لما اتحرق أعطاني القدر ده من الدلتا اتش. احسب كمية الحرارة الناتجة من احتراق 80 جرام من الميثانول. صلي على النبي. هو الواحد مول من الميثانول بكام؟ طبعًا هو المفروض هنا يكتب لك إن الـ C بـ 12 والـ H بـ 1 والـ O بـ 16. ماشي؟ تعالى نجيب كتلة واحد مول من الميثانول. الواحد مول من الميثانول كالاتي: الـ C بـ 12 + الـ H بـ 1 مضروبة في 3 + الـ O بـ 16 + 1. 12 + 3 بـ 15. كلهم هيطلعوا 32 جرام. الـ 32 جرام دول لما اتحرقوا أطوني الرقم ده اللي هو -726.5. نص. طب يا ترى الـ 80 جرام بقى اللي هو عايزهم دول لما هيتحرقوا هيدوني كام؟ هعمل طرفين في وسطين. -726.5 في 80 على 32 هيديني سالب 1816 وربع كيلو جول. في مشكلة؟

في الشكل المقابل اذكر نوع التفاعل وإشارة الدلتا اتش. هنا النواتج هي اللي أعلى من المتفاعلات. فإذا التفاعل ده تفاعل ماص للحرارة والدلتا اتش هتبقى باشارة موجبة.

سؤال 84 بيقول لي ما المقصود بالمحتوى الحراري؟ المحتوى الحراري كان تعريفه كالاتي: هي كمية الطاقة المخزنة في مول واحد من المادة. كمية الطاقة اللي موجودة جوه أي مادة بقول عليها محتوى حراري.

سؤال 85 بيقول لي ما المقصود بكلا من الضغط الانقباضي؟ الضغط الانقباضي هو الضغط الناشئ عن انقباض البطين أو انقباض البطينين. وهتزود له بقى وتقول وقيمته في الشخص السليم بتساوي 120 ملم زئبق. ده لو انت عايز تبين له إنك فاهم يعني. إنما لحد لحد كده ممكن يحسبها لك صح عادي.

سؤال 86 بيقول لي ما الدور الذي يقوم به الكبد في عملية الإخراج؟ هقول له والله يا مستر يقوم الكبد ده بيقوم بتحويل مادة الأمونيا إلى مادة أقل سمية اسمها اليوريا. بس ده اللي الكبد بيعمله في عملية الإخراج.

سؤال 87 إيهما أفضل من حيث الطاقة أن يتغذى الحوت على الفيتوبلانكتون مباشرة أم يتغذى على الأسماك الكبيرة ولماذا؟ أنا اللي أعرفه أو اللي باين قصادي في الرسمة دي إن الحوت بيتغذى على السمكة الكبيرة. السمكة الكبيرة بتتغذى على السمكة الصغيرة. السمكة الصغيرة بتتغذى على الطحالب اللي هي الفيتوبلانكتون دي. إحنا متفقين إن الكائن المنتج اللي هو النباتات والطحالب ب هي اللي عندها أعلى قدر من الطاقة وكل ما بتتنقل كل ما الطاقة بيقل. فانهي الأحسن من حيث الطاقة إن الحوت يتغذى على السمكة الكبيرة ولا يتغذى على الفيتوبلانكتون مباشرة؟ لا طبعًا يتغذى على الفيتوبلانكتون مباشرة لأن الفيتوبلانكتون هي اللي عندها أعلى معدل من الطاقة. فهقول له الأصح هو إن هو يتغذى على الفيتوبلانكتون مباشرة. ليه؟ لأنها بتمتلك أعلى قدر من الطاقة. في حاجة صعبة يا شباب كده؟ يبقى إحنا الحمد لله خلصنا فيديو حل أهم الأفكار الخاصة بمنهج الشهر الأول. أه تقريبًا حلينا على كل الأجزاء بتاعة الثلاث دروس مش ناقص لك فيها أي حاجة الحمد لله. أنت كده تقدر إن أنت تدخل بعد العيد إن شاء الله الامتحان بتاعك وانت مطمئن. أا طبعًا مش محتاج أقول لك إن لو أنت مش عارف حاجة في أي حاجة اتفرج على الفيديوهين. فيديو الشرح وفيديو الأسئلة. لو أنت مجمع الشرح ومش محتاج فيه أي حاجة اتفرج على فيديو حل الأسئلة بس أنت واحتياجك يعني. أشوفك إن شاء الله على خير في الحصة الحصص اللي عليك في المنهج. حصة بتكلمك على موضوع مهم جدًا جدًا اسمه الإحساس. فباذن الله هفهمها لك بطريقة سهلة وبطريقة بسيطة. وعيد براحتك كل سنة وأنت طيب. أشوفك إن شاء الله على خير بعد العيد. مع السلامة.