٥ أفكار بسيطة يومية تجعلك تتحدث بثقة | دليل متكامل للتحدث بثقة

فكر كده معايا وشوف اذا كانت المواقف دي بتحصل معاك ولا لا. تلاقي مثلا انت بتتسل سؤال وانت عارف الاجابه الصحيحه ولكن انت مش قادر تعبر عنها او تلاقي قلبك بيدق جامد لو اطلب منك انك تتكلم قدام مجموعه من الناس او تروح بالليل وقبل ما تنام تقعد تفكر وتقول انا كان المفروض اقولها بالطريقه الفلانيه انا كان المفروض اقول حاجه مختلفه عن اللي قلتها او بتفكر ان اللي انت بتقوله ممكن يعمل مشكله فبالتالي مش محتاج ان انا اقوله او هفضل اسكت او هحاول اني ماعبرش عن مشاعري وافكاري لان ده ممكن يعمل مشكله ثانيه.

لو انت بتواجه التحديات دي فانا انا بس عايز اقول لك ان انت مش لوحدك لان اكث من 75% من الناس عندهم مشكله فيما يتعلق بالتحدث مع الاخرين سواء بقى كان الاخرين دول هو شخص معين انا عايز اتكلم معاه او مجموعه من الناس موجودين قدامي. ولكن الخبر الجميل اللي انا عايز اقوله لك في البدايه هو ان التحدث بثقه امام الناس ما هواش موهبه فطريه دي حاجه انا ممكن اتعلم. في الحلقه دي انا اوعدك ان انت مش هتقعد تسمع نفس الكلام اللي بيتكرر في كل مكان عن ازاي تتكلم بثقه قدام الناس وتاخد افكار بسيطه تنظيريه ممكن ما تفيدكش في حياتك العمليه.

الحلقه دي هتكون زي كورس كامل دليل متكامل في ازاي انت تكون شخص اكثر ثقه فيما يتعلق بالتحدث امام الاخرين ومش بس كده كمان في اخر الحلقه هدي لك هديه جميله جدا وهشرحها لك جوه الحلقه وهي عباره عن كتيب صغير في تمرينات عمليه انت ممكن تكون بتستخدمها علشان تطور بجد ثقتك وانت بتتكلم مع اي حد. مش بقول لك هو كانه كورس متكامل ولكن هناخده بطريقه الزيتونه في وقت قليل. يلا بينا نبتدي.

[موسيقى]

السلام عليكم انا مايكل راشد وانت بتشوف برنامج الزيتونه. في بدايه الحلقه دي احب افكرك انك تكون عامل اشتراك في البرنامج وفعل خاصيه الجرس عشان تتابع اول باول كل الفيديوهات واللي ممكن تفرق وتغير في حياتك ولو على الاقل بنسبه 1%.

الحلقه دي هنقسمها خمس اجزاء رئيسيه والجزء الاول اللي هنبتدي بيه النهارده هو فهم اساسيات الثقه في التحد. محتاجين قبل ما نكون نكون بنفكر انا عايز اكون واثق في نفسي وانا بتكلم افهم اصلا يعني ايه ثقتي بنفسي وانا بتكلم دي. الثقه في التحدث واني اقول افكاري ومشاعري ما هياش مجرد مهارات لفظيه او لغويه ما هواش طريقه في الكلام وما هياش سرعه الكلام وما هياش الطريقه اللي في ناس كتير جدا بتتعلمها. كل اللي فات دول هو نتيجه لفكره الثقه الحقيقيه اللي موجوده جواك واللي هي بتعبر عن حاله ذهنيه وجسديه موجوده فيك.

حاله ذهنيه في انك مرتب افكارك وعارف ازاي هتكون بتدخل في الموضوع وتطلع منه وحاله جسديه في ان انت تكون مرتاح ومش حاسس باي ضغط او توتر. ولذلك عشان يكون عندك هذه الثقه لازم نشتغل على النقطتين دول نقطه الذهن والجسد. فمثلا لو هنقسمها ونتكلم في البدايه على الناحيه النفسيه فهنلاقي بشكل كبير جدا ان الخوف من الحكم او النقد ده بيخلينا بشكل اساسي ما نحاولش ان احنا نطور من ثقتنا دي او اصلا نبينها او تحدي ثاني بيقابل ناس كتير وهي فكره الكمال ان انا لازم اكون بعمل كل حاجه او بقول كل حاجه بشكل كامل وما حدش يمسك عل غلطه.

اما العوامل الجسديه يه اللي ممكن نتكلم عليها فممكن تكون حاجه زي التنفس والوضعيه وضعيه الوقوف او وضعيه الجلسه اللي انا قاعد فيها واخر حاجه هي توتر العضلات. ده ثاني كله يرجعنا لفكره ان فكره الثقه امام الناس وانت بتتكلم هي حاله ذهنيه وحاله جسديه. وطالما احنا بنتكلم وبنشرح في هذه المقدمه فاحب اقول لك بعض الاخطاء الشائعه اللي الناس بتعملها وبالتالي بتقلل اكث من ثقتهم وهم بيتكلموا مع ناس ثانيه.

الخطا الاول والاكثر شيوعا عن هو عدم التحضير الكافي. ناس كثير بتكون متخيله ان انا ممكن اتكلم لو انا بس اتحطيت في هذا الموقف ولكن خليني اقول لك وبمنتهى البساطه طول ما انت مش محضر انت كده كان حالتك الذهنيه مش موجوده معاك وبالتالي ده بياثر على ثقتك بنفسك وانت بتتكلم. عامل بالضبط كده زي لما تروح امتحان وانت ممكن تكون مذاكر كل حاجه ولكن ما راجعتش شعورك بان انت ما رجعتش الماده قبل الامتحان بيخليك تتوتر وانت اصلا عارف المعلومه.

الخطا الثاني اللي الناس كتير بتعمله هو التركيز على النفس وعدم التركيز على الرساله او الجمهور. انا مركز جدا في ازاي انا بتكلم وازاي انا بعبر ولكن مش واخد بالي مين الجمهور اللي انا بستهدفه فممكن اكون بستخدم كلمات ممكن هم ما يفهموهاش او مش واخد بالي من الرساله اللي انا بنقلها فمركز في تفاصيلي انا ولكن مش مركز في مجمل الكلام نفسه. وطبعا هذا الخطا بيؤدي الى توتر وبيقلل ثقتك بنفسك وبيزود خوفك مع الوقت.

الخطا الثالث وده خطا شائع جدا هو محاوله تقليد الاخرين. يعني مثلا انا هشوف ان فلان مثلا بيتكلم كويس اه مايكل راشد بيتكلم كويس في الفيديوهات فانا عايز اخد الطريقه بتاعته وابتدي اني اتكلم بيها في شغلي او في انترفيو ولكن كل واحد فينا له مواضع من القوه هو محتاج ان هو يكتشفها وده هدف الفيديو الاساسي على فكره. مواضع القوه بتاعتك دي لما انت بتحط ايدك عليها بتطلع الكلام احسن من اي حد هيتكلم بطريقه. مثال بسيط على الموضوع ده في ناس مثلا دمهم خفيف فبيعرف ان هو وهو بيتكلم لو هو استخدم الفكره بتاعه ان هو بيعرف يهزر بدمه الخفيف من غير ما يب تبوظ الرساله ممكن يكون التواصل بتاعه احسن بكتير ولكن لو انا دمي مش خفيف وحاولت اني اقلده هبان بمنظهر سخيف جدا وهتلاقي ان في الاخر انت ما طلعتش اي نتيجه كويسه.

الخطا الرابع تجنب التحدث في المواقف الصعبه. المواقف الصعبه اللي انت بتتحط فيها هي دي بتكون اكبر معلم ليك ان انت تكون بتعرف بعد كده تتكلم بثقه قدام اي حد. مثلا لما بتيجي تعمل انترفيو وتترفض بنيجي كده ونقول ايه الانترفيو ده هو عباره عن اكسبيرينس خبره. جزء من الخبره دي ان انت لما بتتحط في الموقف الصعب ده وتيجي تتحط فيه مره ثانيه تلاقي في المره الثانيه طريقه كلامك وسرديتك بقت افضل بكتير. فتخيل بقى في حياتك الطبيعيه المواقف اللي انت اخترت من وانت صغير انك تتجاهلها لما انت بتكبر وتشوفها بقى في الشغل او في علاقاتك القريبه جدا ازاي دلوقتي هي ماثره برده عليك.

الخطا الخامس عدم الاهتمام وعدم التعلم لفكره اسمها مهارات التواصل الغير لفظي زي مثلا لغه الجسد ونبره الصوت. وده لان اكث من 55% من الرساله اللي انت بتنقلها لاي حد جايه من الطريقه اللي انت بتعبر بيه عن الرساله دي بجسمك مش بكلامك.

الخطا السادس والاخير هو عدم اداره التوتر. انا عندي توتر فبتجاهله واحاول اني اركز اني اقول الكلام بشكل كويس. التوتر ده كانه كائن ضيف جاي معاك كده وقاعد معاك على نفس الترابيزه لو انت تجاهلته هو هيفضل يتكلم ويعلي صوته وده هيسبب لك توتر اكث وخوف اكبر وهتلاقي ان الثقه بنفسك دي مش موجوده. التوتر يجب التعامل معاه كفكره اساسيه وليست فكره اتجنبها عشان اعرف اكمل حياتي.

متالي كده انت اخدت فكره عامه وده هيوصلنا للجزء الثاني اللي موجود معانا النهارده الا وهو الادوات الاساسيه للتحدث بثقه. طبعا زي ما انت متخيل في هذه الادوات احنا هنركز على ادوات ذهنيه وادوات جسديه. واول اداه معانا وهي دي يمكن تكون اهم اداه فيهم هي التنفس. ما فيش اي متحدث بارع لا يتقن هذه الفكره. التنفس بص كده على اي حد هو طالع على منصه تاد مثلا وبيتكلم هتلاقيه بياخد نفس الاول وبيتاكد كويس جدا ان هو اخد نفس. وحتى في نص الانترفيو او حتى في نص المحادثه اللي هو بيقولها والمحاضره اللي هو بيلقيها لازم يقف وياخد نفس. وتقنيه ال 478 دي تقنيه مهمه جدا تقدر تستخدمها في المواقف المهمه والحرجه بالنسبه لك. يعني مثلا زي انت رايح انترفيو انت عندك ميتنج مهم جدا مع عميل انت مثلا رايح تخطب او رايح تتجوز الحاجات الاساسيه والحرجه اللي في حياتك استخدم فيها دايما الاربعه سيه.

الاداه الثانيه اللي هنتكلم عليها النهارده هي لغه الجسد. زي ما قلنا من شويه لغه الجسد بتمثل اكثر من نص التواصل اللي بيحصل بينك وبين اي شخص ثاني. واهم اداه في لغه الجسد هنقوم نتكلم فيها في موضوع الثقه هي الوضعيات المستقيمه دي. وضعيه بتبتدي من رجلك لحد اعلى نقطه في راسك والوضعيه دي ممكن نعبر عنها كده بفكره ان انت لو واقف رجلك متباعده كتفك واخد كل مساحه جسمك ما هواش يعني منحني وزع وزنك بالتساوي على رجليك الاثنين وخلي كتفيك زي ما قلنا كده مفرودين بشكل مستقيم ولكن يعني مش بشكل عسكري وارفع راسك لفوق وكانك بتنظر امامك مباشره. يعني مجال رؤيتك انت الاساسي اللي انا شرحته من شويه بنسميها الباور بوزز او وضعيات القوه ودي نقطه مهمه جدا.

لان كل الدراسات اللي اتعملت على وضعيات القوه بتقول ان انا لو فضلت واقف كده لمده دقيقتين مستوى التستستيرون او مستوى هرمون الذقوره واللي بيديني ثقه اكبر هيكون بيزيد بنسبه 20% ويقل الكورتيزول اللي هو بيعمل لي التوتر بنسبه 20%.

ثاني حاجه غير وضعيه ات القوه هي استخدام الايماءات. الايماءات هي حركات انا ممكن اكون بعملها بايديا او براسي او حتى في بعض الاحيان ممكن اعملها برجلي ولكن هي بتعبر عن اللي انا بحكيه او بقوله. حاول دايما تكون ايمااتك هي خارج جسمك كانك انت بتعبر بايديك بره حدود جسمك ما تخليش الوضعيات اللي انت بتكون واقف فيها او الايماءات اللي انت بتستخدمها تكون ايماءات منغلقه لان ده مش بس بيدي اشاره ان انت مش واثق لا ده كمان بيدي لك انت هذا الاحساس بالتوتر. في ناس اللي هي وهي بتتكلم بتحط ايدي ايديها في جيبها او بتخبي ايديها او بتخلي ايديها ثابته ولكن ده كله بيزيد من فرص توترها.

ويمكن تكون الابتسامه في النقطه دي هي من اهم الادوات اللي انت محتاج تبتدي انك تستخدمها عشان دي بجد بتبين ثقه بالنفس حلوه جدا وفي نفس الوقت برده بتديلك انت هذا الشعور بالثقه.

تعالوا نروح للنقطه الثالثه او الفصل الثالث اللي موجود معانا النهارده وهو بيتكلم على فكره بناء الثقه من الداخل. الحاجات اللي فاتت هي تقنيات تساعدك لو انت جوه موقف معين ولكن في شويه تحضيرات محتاج انك تعملها برده في البدايه. فمثلا واحده من اهم الحاجات اللي بجد ممكن تخليك تتكلم بثقه هي تقنيات التفكير الايجابي. شوفوا احنا علنا البشري قوي جدا لدرجه احنا لحد اللحظه دي مش قادرين ان احنا نستوعبها. اذا انا بفكر بطريقه سلبيه عني او اذا انا عندي افكار سلبيه عامه في الحياه صعب جدا اني اتكلم بطريقه ايجابيه واني اوري ثقتي بنفسي وانا بتكلم بشكل بسيط جدا تلاقي الانسان المكتئب والحزين وهو بيتكلم باين عليه.

تقنيه مهمه جدا قبل ما نيجي نتكلم في اي حاجه وانت رايح بقى مقابله عمل او انت رايح بتعمل اي حاجه مهمه ليه انك تاخد بالك ان ما يكونش اصلا عندك افكار سلبيه تبدل بقى كل الافكار بتاعه انا هحرج نفسي انا مش هعرف اتكلم انا الكلام ده هيكون صعب اني اقوله بافكار زي لا انا اقدر اني اعمل كده انا اقدر اني اتكلم واقول واعبر عن اللي موجود جوايا.

التقنيه الثانيه اللي هنتكلم عليها في النقطه دي هي التوكيدات الايجابيه. ان انا احط جمله معينه اكون بكررها على نفسي دي هتكون بتساعدني ان انا يكون عندي هذه الطاقه الايجابيه وانا بتكلم زي مثلا انا افضل متحدث بالعالم انا اكث واحد يعرف يتكلم عن الموضوع ده. كل الكلمات الايجابيه اللي انت بتقولها على نفسك دي عقلك بيترجمها وبيصدقها وبالتالي بيدي لك الثقه بالنفس وانت بتتكلم وبتحكي في اللي انت بتقوله ده.

في تقنيه ثالثه برده بيستخدمها الرياضيين اسمها المنتال ريهيرسر اللي هو التصور الايجابي. وغالبا نفس التقنيه دي برده بيستخدموها الممثلين بكثره. والفكره ان انا بحاول اني اتخيل المشهد اللي انا بكون فيه بتكلم او بعمل اي حاجه واتخيل ان انا بعمل فيه كل الاشياء الايجابيه. عشان كده مثلا بنقول لو انت رايح تتكلم قدام ناس في مكان ما ممكن تروح المكان ده الاول وتتخيل نفسك وانت قاعد في نفس الكورس ده وانت بتتكلم معاهم بالطريقه اللي انت تحب انك تتكلم بيها معاهم. لما بقعد اكرر كل الافكار دي على عقلي عقلي بقوته الخارقه دي بيقدر كمان ان هو يوظف كل قدراتي ان هو يطلع نفس الصوره اللي هو شايفها اللي بقت بالنسبه له الاستاندرد او الطبيعي.

الجزء الرابع اللي هنتكلم فيه هو تمارين عمليه بسيطه وسهله تقدر تبتديها من دلوقتي كل يوم.

التمرين الاول تمرين المرايه. اني اقف قدام المرايه واتخيل محادثه مع نفسي. المحادثه دي انا عايز اعملها بعدين مع حد ثاني.

التمرين الثاني بحبه جدا تمرين الدقيقه الواحده. تعالى كده في وقت عشوائي في اليوم بتاعك قول انا هتكلم دلوقتي حتى لو مع نفسي في دقيقه كامله من غير ما اقطع الكلام عن موضوع معين ايا كان هو ايه. استرسل بقى في الافكار وعيد نفس الكلام ممكن في بعض الاحيان وحاول انك تقول كلام وتضحك عليه مش مهم كل الكلام ده ولكن المهم انك تدرب نفسك انك تحدد وقت تفضل تتكلم فيه وما تقطعش الكلام.

التمرين الثالث تمرين القصه. اختار فرد من العيله او حد انت بتثق فيه واختار ان انت كل يوم تحكي له قصه معينه. ممكن القصه دي تكون حقيقيه او انت عملتها من وحي خيالك ولكن في القصه دي حاول تستخدم كل التعبيرات اللي بجد بتبين الكونتراست او التضاد ما بين الخير والشر ما بين الحلو والوحش. حاول انك تستخدم اساليب سرد القصص في كل مره بتحكي اي قصه.

رابع تمرين تمرين الاسئله. في اي محادثه بينك وبين اي حد حط لنفسك تحدي انك لازم هتساله ثلاث اسئله على الاقل. حتى لو انت في انترفيو حاول دايما تسال على الاقل ثلاث اسئله. ده بيخليك انت معلومات تطور من مهارات المحادثه اللي موجوده عندك واللي هي في اساسها مهارات الأسئلة.

قبل ما نروح للنقطه الاخيره واللي فيها مفاجاه كبيره جدا حابب اقول لكم ان في برنامج جديد لسه معمول وحل عنه دلوقتي حالا وهو برنامج لكل الناس اللي بتدور على وظيفه ولكن مش عارفين يبتدوا ازاي. مثلا اذا انت لسه طالب او اذا انت مثلا عايز تغير وظيفتك فمن الصعب دلوقتي ان انت تلاقي شغل يكون بيناسبك. ده نتيجه افكار كتيره جدا زي مثلا ازاي انا بعمل السي في بتاعي ازاي انا بهتم بمهاراتي ازاي انا مثلا دلوقتي باخد بالي اني اكون عندي خطه معينه اني اوصل لوظيفه معينه. وعشان كده في برنامج مسجل اسمه وظيفتك الأولى في 30 يوم. البرنامج ده هو برنامج فيه خمس افكار رئيسيه بتساعدك ان انت تجيب وظيفه في خلال 30 يوم فقط. في بقى تحديات وفي تمارين ممكن تكون بتعملها والبرنامج مسجل فتقدر تسمعه او تقدر تشغله في اي وقت انت عايز. ولان الناس اللي هتكون داخله البرنامج ده هي ناس بتكون بتدور على تطوير وظيفي او بتدور على شغل من البدايه فالبرنامج نازل بتكلفه بسيطه جدا. هتطلع بشهادات بتقول ان انت اخدت هذه المهارات اللي هتنفعك في سوق العمل. هتطلع منه بان انت تعرف يعني ايه اصلا سوق العمل وتعرف مهاراتك وتعرف شخصيتك باستخدام الام بي تي اي والديسك انالسيس وافكار ثانيه كتير وهتطلع منه بخطه عمل لمده شهر كامل. انا اضمن لك لو انت مشيت على هذه الخطه انك هتعرف تلاقي شغل في اقل من 30 يوم. فلو عايزين تعرفوا اكث عن هذا البرنامج ممكن تبصوا على اللينك الموجود في الديسكربشن تحت برنامج وظيفتك الأولى.

النقطه الاخيره وهقول لكم فيها المفاجاه هي فكره ان اي مهاره في الدنيا انا بتعلمها زي مهارات التحدث او اي فكره جديده بتدخل جوه حياتي وانا عايز استفيد بيها لازم دايما يكون فيها حاجه اسمها عمليات القياس للتقدم والتحسن. يعني مثلا انا محتاج دايما اكون عارف نسبه مئويه او رقم بيكون بيعبر عن مهاراتي دلوقتي عامله ازاي وبعد شويه بقت عامله ازاي. ده ممكن اعرفه ازاي لو انا بعمل جورنالين او بكتب كل حاجه انا بعملها لو انا بسال الناس اللي حواليا ايه رايكم في مهارات التحدث اللي عندي الناس اللي انا بثق فيهم يعني واخليهم يدوني رقم من 10 مثلا لو بعمل تقييم ذاتي شهري ليا او بعمل لنفسي تحدي زي اني اتكلم في موضوع انا كان صعب اني اتكلم فيه من قبل كده.

وعلشان اقدر اساعدكم في النقطه دي من غير ما نتكلم كتير عملت لكم حاجه اسمها دليل التمارين العملية للتحدث بثقه. في افكار كثير جدا من اللي احنا حكيناها في الفيديو ده وفي افكار زياده وفي كمان دليل تقدر ان انت تمشي فيه يوم ورا يوم عشان تقدر تقدر ان انت تقيس نجاحك في ان انت تكون بتتحدث بثقه.

لو وصلت معايا لهذه المرحله فانا كده بالنسبه لي انا كفيت ووفيت ولكن الدور الاساسي هيكون معاك انت دلوقتي. اذا انت محتاج اي مشاهده او عندك اي سؤال ما تترددش انك تكتبه في التعليقات اللي تحت وحاول انك تحفظ هذا الفيديو عندك او تبعته لحد هو فعلا محتاجه. وفي النهايه طبعا شكرا لكم وشكرا لدعمكم دايما لبرنامج الزيتونه واشوفكم على خير الحلقه الجايه ان شاء الله. كان معاكم مايكل راشد.

[موسيقى]