Transcription
ازاي تورط نفسك علشان تنجح او عشان ما يبقاش عندك اختيار تاني غير ان انت تنجح؟ في ناس بتقول لك احرق كل مراكبك يعني بتقول لك ان انت ورط نفسك بشكل غبي يعني اللي هو احرق كل الكروت اللي معاك بحيث ما يكونش عندك اي اختيار ثاني غير انك تنجح.
وأنا مش مع 100% يعني هو لازم يكون في عامل مخاطره في الموضوع ولكن ما تحرقش كل مراكبك لانك مش ضامن انك هتوصل 100% او على الأقل دي وجهه نظري. ولكن في نفس الوقت أنا كل مره ورطت نفسي بشكل ما بس عارف توريطه محسوبه. كنت بضغط على نفسي وبنجح. لأنك بتعلي التطلعات بتاعتك او الحاجه اللي انت عايز توصل لها وفي نفس الوقت بتحط مجهود على قد الخطر اللي انت فيه.
احنا يعني كبني ادمين او كائنات حيه دايما بندخل في وضع سيرفايفل مود او وضع نجاه لما بتبقى في خطر. لما بتطلع بره الكونفورت زون. فمن ضمن الامثله مثلا انا بورت نفسي في موضوع مثلا ان انا اخد مكان المكان ده ممكن يكون غالي مكان سواء كانت شقه او مثلا عربيه او اي حاجه مثلا هتخليني ان انا اضطر ادفع مبلغ كبير من المال. فما عنديش اي اوبشن ثاني غير ان انا اشتغل على نفسي علشان اتحمل هذا المبلغ شهريا. فانت بتبقى في وضع خطر عارف اللي هو انت ما فيش عندي اوبشن ثاني غير ان انا اضغط على نفسي علشان اتحمل نفقات الشقه دي او الحاجه اللي انا اشتريتها دي.
ولكن لو كنت خايف عارف او لما بخاف عارف جنب الحيط خلي الدنيا ماشيه مصلبه وكده زي ما بيقولوا ما فيش تطور يعني بتلاقي نفسك اليوم بيومه وما فيش اي اثاره او اكشن في الموضوع. فمن وقت للثاني بقوم عارف اللي هو بقوم ضاغط على نفسي ضغطه كده خلاص انا هطلع هصرف في سافريه مثلا مبلغ كبير وما عنديش اي اوبشن ثاني غير ان انا ارجع الفلوس دي او اعمل الفلوس دي بعد ما ارجع من السفريه.
ممكن تكون محتاج انك تورط نفسك بس مش عايز اقول انت تورط نفسك عشان ناس ما تروحش عارف اللي هو تضيع كل اللي معاها وكده. بس ورط نفسك بشكل محسوب الى حد ما يكون عندك حساب شويه للمخاطر او الخطر اللي ممكن يحصل. بس توريط نفسك بشكل ما يخليك ان انت تضغط على نفسك علشان عارف تشتغل على نفسك عشان تعوض الحاجه اللي انت دفعتها وتعوض المبلغ اللي انت دفعته. دي الحاجه الاولانيه هي يعني بتفرق معاك جدا.
الحاجه الثانيه بتبقى نفسيه. عارف لما بتجرب حاجه اعلى من اللي انت قادر انك تتحملها في الطبيعي سواء كانت بقى بلد انت ممكن مثلا نفسك تعيش فيها وتروح تقعد فيها شهر مع انك مش قادر بالكد تكون تتحمل نفقاتها او مثلا تركب مثلا زنس كلاس او تروح تقعد في شقه ممكن تكون في الطبيعي ما بتقدرش تحمل نفقاتها. انت بتعلي التطلعات بتاعتك عارف ان الموضوع ده يعني ممكن تكون اتقال كتير ماعرفش مين اللي قاله قبل كده ستيف هارفي تقريبا او حاجه قال لك جرب تطلع على زنس كلاس او كده. بس الموضوع ده بينفع صدقني الموضوع ده بينفع.
لما بتيجي تروح جرب روح سفريه كده يعني تكون انت مثلا قاعد في بلد مش احسن حاجه والمكان انت تعبان فيه شويه. جرب كده اطلع سفريه مثلا اوروبا او اطلع سفريه تكون غاليه شويه واقعد في بلد نظيفه شويه صدقني هتبقى راجع انا مش قادر استحمل انا عايز اطلع من البلد اللي انا فيها دي وهتلاقي نفسك بتشتغل علشان تطلع من البلد اللي انت في الطبيعه عايش فيها او مقيم فيها. فاجبار نفسك على ان انت تروح مكان ثاني جديد بيخليك انت تشتغل على نفسك انك تطلع من المكان القديم ده. الموضوع بيبقى نفسي مش قادر انت تتحمل او مش قادر تقبل بالوضع اللي انت كنت عليه. ورط نفسك بشكل محسوب ده اللي انا عايز اقوله صح اخويه او على الأقل تجربه يعني تجربه شخصيه.
وعايز اقول على حاجه تانيه بقى لاحظتها. عارف بالرغم من ان الفرص بقت متاحه لينا كلنا كافراد يعني عارف اللي هو انت لو جيت فكرت في الفرص المتاحه لشخص من حوالي 10 او 12 سنه ما كانتش الفرص متاحه الا الاقليه من الافراد. يعني كان اصلا مدخلنا على النت حتى ان انت تدخل على النت ما كانش كتير كان بس الشخص اللي هو معاه فلوس اللي كان ابوه عنده ابوه جايبه جايب له كمبيوتر وكان بيدخل له نت في البيت. دلوقتي فرصه انك تعمل مثلا فلوس اون لاين بقت سهله جدا بقت سهله سهله للشخص العادي سهله للشخص اللي ذكاءه متوسط او اقل متوسط. بس الفرق ما بين الشخص ده اللي هو بيعمل فلوس وذكاه متوسط والشخص الثاني الذكي اللي هو ما بيعملش فلوس هو ان الشخص اللي ذكاء متوسط ده بيحط مجهود بس وبيعافر.
فانت الحته بتاعه المعافره والتركيز في اللي انت عايز توصل له بقت عمله نادره حاليا نظرا للي بيحصل من موضوع التشتت والكلام ده كله. فانت لو شخص عندك اهتمام ما وما بتعملش فلوس مش عايز اقول ان انت فاشل بس بجد انت محتاج تشتغل على نفسك انك تعمل حاجه لأنه اللي ناقصك هو ان انت تركز. انا مقتنع بالموضوع ده جدا. الموضوع كله في الاخر نصيب طبعا وكل حاجه بس ان للانسان ما سعى.
في عصر التشتت وعصر ان ما فيش حد اصلا قادر يقعد ان هو يقرا كتاب او يذاكر منهج معين او يقعد يا اخي يتفرج حتى على بودكاست هيفيده هي عمله نادره في الوقت الحالي. فعلى قد ما المدخل لينا على التكنولوجيا ومدخلنا على ان احنا نعمل فلوس ومدخلنا ان احنا نطور مهاراتنا بقى اسهل بس التركيز بقى اصعب اللي هي الحاجه اللي كانت موجوده زمان فالموضوع اتقلب دلوقتي. ففرصتك ان تدخل مجال وتنجح فيه سهله في الوقت الحالي لان مش كل الناس بتعافر واللي بيبدا ما بيكملش.
وده ردا على الناس اللي بتقول لك طب انا لو دخلت مجال وما لقيتش شغل طب المنافسه فيه عاليه صديقي صدقني مش كل الناس بتكمل الموضوع للاخر. مش كل الناس بتكمل المسار للاخر. في ناس حرفيا مش قادره تقعد اقول لك تتفرج على فيديو زي ده مثلا لمده دقيقتين ثلاثه. في ناس كتيره ممكن تكون قفلت الفيديو ده من اول دقيقه لانها مش قادره مش مستحمله.
وأنا قابلت الناس دي كتير اللي هو انا هشتغل امتى يا ابني انت بداتش اصلا. انا هعمل فلوس امتى انت اصلا ما نشرتش فيديوهات فانت بتسال على النتيجه قبل ما تحط المجهود ازاي فاهمني. بدون اي تنظير ولا اي حاجه بس الكلام ده يعني ده اللي انا ده اللي انا حاسه. فرصة النجاح وان انت توصل لمكان كويس صعبة لان مش كل الناس بتحط المجهود وممكن تستغل الموضوع ده في صالحك.
أنا مقتنع ان ان انا مشكى حد بس انا مقتنع ان ما فيش حد بيشتغل قدي او ما حدش هيشتغل قدي وده تحدي بقى بتحدى نفسي بيه شخصيا. لو عملت الموضوع ده هتلاقي نفسك بتوصل لحتت كتيره جدا مش عايز اقول احسن من حد عشان ما تقارنش نفسك بالحد بس هتلاقي نفسك بتطور بشكل كبير جدا. بس دي حاجتين كنت عايز اتكلم فيهم. السلام كم.