نظام الطيبات قاتل لماذا #دكتوروليدشوقى

استشارة طبية. وخلونا دلوقتي نتكلم في الطب شوية عشان خاطر نقفل نظام الطيبات ده، لأن الضلالة الأخيرة بتاعته للأسف الشديد هي أقوى من الضلالة الأولى، لأن ناس كتير جداً ابتدت تدخل في هذا النظام. وأنا ده آخر فيديو أتكلم فيه عن هذا الموضوع.

أرجوكم مش عايز عايز حد في التعليقات يتكلم نهائياً عن دكتور ضياء العوضي الله يرحمه، ولا عن سبب الوفاة اللي أنا قلت لكم امبارح على فكرة بالمناسبة. ليه النظام ده قاتل؟ أنا النهارده عايز أقول لك بس معلومتين، ويفضل الفيديو ده يشهد علينا للتاريخ. فسيبونا من الأشخاص، لأن الأشخاص دي في إيد ربنا. أنا نفسي في إيد ربنا، أنا نفسي هيحاسبني ربنا. فإحنا الأشخاص لا يجوز عليهم إلا الرحمة. حد يقول لك تدس السم في العسل والبصل وحاجات كده، ياخدونا لمواضيع جانبية مالناش دعوة بيها.

أنا النهارده طالع أقول لك ليه نظام الطيبات يموت. ولو دخلته، لأن لك الحرية الشخصية المطلقة تدخلوه أو ما تدخلوش، دي حاجة ترجع لحضرتك. لما تبدأ تحس بأي أي أعراض، ابدأ افتكر كويس قوي إن أنت ماشي في الطريق الغلط. ليه نظام طب الطيبات فيه ناس ارتاحت عليه؟ ليه نظام الطيبات في ناس لما بتبتديه بترتاح عليه تاني؟ وبكلام علمي وموضوعي. ودي آخر حاجة. ودي آخر حاجة بقولها.

أنا قلت مراراً وتكراراً أن هذا النظام محمل بأسباب الوفاة المفاجئة. وقلت مراراً وتكراراً أن هذا النظام يؤدي إلى الجلطات. وده اللي حصل. هتبدأ تحس بإيه مع النظام؟ النظام لا نتحدث على أشخاص. أول ما حضرتك بتدخل في النظام بتبدأ تحس حس بتحسن في صورة إيه؟ ده أنا جهاز الهضم ارتاح. ده أنا حاسس نفسي نشاطي أحسن. ده أنا حاسس نفسي عندي طاقة أكتر. ده أنا حاسس الألم اللي في جسمي ارتاح شوية. ليه؟ تعال نفسر علمياً.

النظام بتاع الطيبات بيعتمد على إنك بتوقف اللحمة وتوقف، أو في مش كل اللحوم، هو اداك لحوم معينة كده بتوقف الفراخ وتوقف اللي أنتم عارفينه طبعاً أكتر مني، وتاكل كميات ضخمة من السكر من النوتيلا. قال لك يا دكتور ما قالش ناكل كميات ضخمة، أنت جبت هذا الكلام منين؟ الناس اللي عايزة تفهم، الناس اللي داخلة تشتمني، اشتموا، اشتمتكم وامشوا. إنما الناس اللي داخلة تفهم، افهموا. هو قال لك صوم، بتصوم. ولما بتفطر بتفطر على حاجات معينة. هذه الأشياء المعينة هي قال لك إن جسمك محتاج ربع كيلو من السكر. وسمعنا ده مراراً وتكراراً. قال المخ محتاج 8 كيلو من السكر وجسمك محتاج كيلو من السكر.

ولما الناس بتاكل كمية كبيرة من السكر ومن النوتيلا ومن ما إلى ذلك، هقول كل حاجة. الخبز. أنا شخصياً عشان الناس اللي بتقول لي الخبز. قلت مراراً وتكراراً أن الخبز والدقيق مش حاجة مش أحسن حاجة. وإنهم كل دكاترة الكون قالت الدقيق الأبيض مش كويس. وقالت العيش مش كويس. وقلنا تاكل منه كميات صغيرة. ناكل منه كميات صغيرة. وأنا هنا عشان أرد على كل تساؤلاتكم على فكرة بالمناسبة. فاللي عنده تساؤل يكتبه. ماشي. يعني الدقيق الأبيض مش بيسد المعدة زي ما هو بيقول. لا، هو مضر لأنه بيتحول ول في جسمك لسكر برض. ماشي.

فلما أنت بتاخد كمية ضخمة من السكر، السكر بيفرز في الجسم دوبامين وبيحسسك بنوع من السعادة وبيديلك نوع من الطاقة. تلاقي الطفل الصغير ياخد حاجة فيها سكر. زي ما بقول لكم اشربوا العلب اللي هي بتاعة العصير المصنعة. يعني ده كلام يعقله عقل. طيب اللي هي أصلاً زبالة الزبالة اللي كلها محملة عمالة بالسكر برضه. فلما حضرتك بتشوف إن الطفل الصغير لما بياخد سكر يقول لك ده هايبر. السكر مرتبط بالانبساط، مرتبط بالطاقة، مرتبط بالحيوية في الأول. كمل معايا.

اللي بيحصل يقول لك يا دكتور جهازي الهضمي أنا حاسس بارتياح. الحموضة اللي عندي حاسس بارتياح. والانتفاخ حاسس بارتياح. وقوني حاسس بارتياح. اللي حصل في نظام الطيبات إنه جه على كل حاجة بتعمل حساسية لبعض الناس وراح شايلها. يعني مثلاً على سبيل المثال لو الخيار بيتعب منه 10%، نيجي نقول لكل الناس ما تاكلوش خيار. الخص بيتعب منه 5%، نقول لكل الناس ما تاكلوش خص. الكذا بيتعب منه الفلفل وهكذا. فأصبحت النهاية إنه شال تماماً الخضروات.

أمال إحنا اللي بنقوله إيه؟ العلم بيقول إيه؟ بيقول إن الخضار والفاكهة، الألياف اللي فيهم بتمسك في السكريات اللي موجودة في الوجبة بتاعتك وتبطئ من امتصاصها. حد بيقول أنا عشان قلت أنا ما استني أرد على تساؤلاتكم. ما طلعتش أناظر الدكتور ضياء ليه؟ وهو عايش. وهو كان يناظر حد. هو كان بيشتم الناس. وتاني ما تاخدونيش أتكلم. كلم على أشخاص. فلا يحليه عليه غير الرحمة. ما تاخدوناش في أشخاص. هو كان بيشتم الناس وبيشتم حضراتكم. اتقوا الله. الراجل مات. هيدخلونا بقى في الحتة التانية بقى فاهمين الفكرة إنتوا إيه؟ دي ناس داخلة إيه بقى تاخدنا في حتة تانية. اتقوا الله. الراجل مات. أنا الراجل قلت في حقه كلمة وحشة. يا جماعة أنا الراجل قلت في حق كلمة وحشة. ما قلتش في حقه كلمة وحشة. أنا بتكلم عن نظام الطيبات. بقول لك فيه أعراض. يشهد علينا الفيديو ده النهارده لما ناس كتير تموت من هذا النظام. يشهد علينا الفيديو ده لما شعرك يبدأ يقع. لما عضلاتك تبدأ تروح. لما تبقى عصبي. لما تبقى متوتر باستمرار. لما تبقى يبدأ يحصل لك يا جماعة أنا برضه مش هقول مش هجيب أسرة أسامي برضه همسك نفسي. لما تبدأ تلاقي إن حضرتك جسمك ابت ابتدى يخلص بالتدريج وأنت فرحان.

فاللي قلناه في الخضار والفاكهة. خلينا في المعلومات بالضبط. المعلومة الطبية بالضبط يا جماعة. أرجوكم خلونا في المعلومة العلمية بس. واللي مش عاجبه الكلام العلمي، اعتبرني أنا ما قلتش حاجة. اعتبرني أنا مش موجود في الوجود خالص. يا سيدي روح طبق اللي أنت عايزه. حتى لو مش عايز تسمع الأعراض اللي هقولها لك، ما ما تسمعهاش. تمام؟ طيب سيرة الراجل أحسن مني عشان سيبنا من الكلام ده. خلينا نكمل. أنا مش هبص على تعليقات هؤلاء نهائياً دلوقتي.

فدلوقتي قلنا إن الخضار والفاكهة مهمين. ولكن النوع اللي بيتعب حضرتك هو اللي تبطله. يعني لما أجي على طبق السلطة بتاعي أحط الطماطم لمدة ثلاث أيام وأشوفها أختبرها. ما بتتعبنيش أبداً. أحط فلفل وأختبره ثلاث أيام. أبدا أحط خيار وأختبره ثلاث أيام. أي نوع بيتعب قولونك وجهازك الهضمي ما بيستحملوش، هو ده اللي تستبعده من الأكل بتاعك. وبالتالي هتاخد فايدة. وده الكلام ده إحنا بنقوله من سنين. هتاخد فايدة إن جسمك هيبدأ يتحسن. تمام. دي حاجة مهمة جداً ناخد بالنا منها.

نكمل بقى. نيجي لكميات السكر الضخمة. أنت منعت مصادر بروتينية مهمة جداً. لما أمنع الألبان وأمنع منتجات الألبان وأمنع البيض وأمنع الفراخ وأمنع وأمنع وأمنع وأمنع. الأحماض الأمينية الأساسية اللي داخلة جسمي بتبدأ تقل. فأبدأ أفقد العضلات بتاعتي. فده غلط. ما تعملوش. وأنا قلت لك مليار مرة. ليه بيمنعوا الألبان في هذه الأنظمة؟ لأن في ناس كمية من الناس حوالي 10 ل 15% عندهم حساسية اللاكتوز. وفعلاً الألبان بتتعبه. فاللي اللبن بيتعبوا ما ياخدوش. لكن مش معناها إن كل الناس تاخد ألبان. قصدي مش معناها إن كل الناس تبطل اللبن. لأن اللبن ده وجبة متكاملة. في أسر ما بتقدرش تدي ولادهم الكمية الكافية من اللحوم والبروتين. وكوباية اللبن والبيضة دي هي اللي بتصلح حياتهم. يقول لك الهرم الغذائي في أمريكا اتغير. اتغير. حط البيض فوق. مش لغاه. قال إن أكل بيضة البيضتين في اليوم صحي جداً. فأنا عايز بس ناخد بالنا من هذه الأشياء.

طب أمال لما همشي على نظام الطيبات؟ طبعاً ناهيك عن إني لازم نقول إن السجاير خطر. السجاير خطر. السجاير خطر. السجاير بتعمل التهاب في الشرايين. السجاير بتقفل الشرايين. تمام. فده في ناس خدتني. ده في ناس داخلين في التعليقات ياخدوني على الدين. طيب حد بيقول لي طيب والفراخ؟ أنا شخصياً وكل أسرتي بناكل الفراخ. بس عشان خاطر ما يدخلوكش في سكة الفراخ المهرمن والفراخ المحقون والفراخ المضروب بالجزمة. يا سيدي فيه فراخ أورجانيك تقدر تاكلها. هتدخل بقى معايا في سكة إن الفراخ من عيلة الديناصورات. وإن اللحوم من عيلة ماعرفش إيه. وفي الآخر تفقد المصادر البروتينية اللي حضرتك بتاخدها. هتوقف كل الخضار زي ما اتقال لك. لأنه أكل حيوانات. زي ما اتقال لك. هتلاقي نفسك بتفقد المينرالز وبتفقد الفيتامينات. يا جماعة انظروا للناس اللي بيدخلوا في هذا النظام. مش أول ما بيحسوا بالتحسن الوقتي. انظروا للناس بعد مرور سنة وسنتين إيه اللي بيحصل فيهم.

يا ناس يا بتدخلوا تقولوا لي الراجل ما تسيبه في حاله. الراجل على عيني وراسي. طب أنت موجود معايا؟ أنا يعلم الله إن الراجل ده بصلي لربنا إنه يرحمه. إيه هو ده؟ ما علاقة إن أنا داخل أقول لك على حاجة دلوقتي الناس ابتدت تدخل فيها بالشخص؟ أنا لا أتحدث عن الشخص إطلاقاً. الشخص لما كان عايش كنا نتخانق مع بعض عادي جداً. نتخانق ونقول ونعيد عادي جداً. لكن الشخص دلوقتي لا يجوز عليه غير الرحمة. أنا ما بتكلمش في الشخص. أنا بتكلم في النظام. في النظام. هذا النظام خطير وخطير جداً. بيبدأ بقى الأعراض بتاعته مع الوقت يحصل إيه؟ إذا كنت أنت مقتنع إن النظام اللي بيقول للناس ما تاخدوش الدواء بتاعكم وخلي السكر بتاعك يعلى. أنا كطبيب شفت الناس لما الهيموجلوبين A1C بتاعها بنظبطه بتبدأ العين اللي فيها ارتشاح يجف. بيبدأ اعتلال الكلى يتحسن. بيبدأ التهاب الأعصاب الطرفية يتحسن.

طب لما حد يقول لك إن علاج السرطان هو التجاهل. ونشوف الناس تبدأ بورم صغير فتتجاهله أو تاكل سكر فيبقى ضخم في أسبوعين ثلاثة وينتشر ويموت. وناس كتير. ناس كتير. هو ده قلب النظام على فكرة. ناس كتير حصل لها كده. لما نقول لطفل عنده سكر من النوع الأول. وأنت إيه اللي مضايقك؟ اللي مضايقني إن الناس بتموت. حد لما يبقى عنده سكر من النوع الأول وما ياخدش الأنسولين. فيجي له غيبوبة. وبعد ما يجي له غيبوبة يتوفى.

فأرجوكم خدوا بالكم من هذا الكلام. الأعراض اللي أنا عايز أقولها عشان يشهد عليا الفيديو ده وهو موجود مع حضراتكم ومش هيتمسح. عشان يشهد عليا الفيديو ده. هو هيتمسح بس من على الفيسبوك بعد شهر. لأن الفيسبوك بيمسح الفيديوهات اللايف بعد شهر. لكن مش هيتمسح من على اليوتيوب وهيفضل على اليوتيوب. اعمل اللي أنت عايزه. كلامي أنا فاضي. أنا متخلف. لكن الفيديو ده هيفضل شاهد علينا. حلو. لما شعرك يبدأ يقع. لما عضلاتك تبدأ تضيع لدرجة إنك تلاقي قي جسمك عضمك ابتدى يظهر. لما عضلاتك تبدأ تضعف. لما السكر الكتير اللي بتاكله يتحول جزء منه إلى ليبتن. وهذه الخلايا الدهنية تبدأ تعمل مقاومة إنسولين وتبدأ تترسب في الشرايين بتاعتك وتعمل لك تصلب في الشرايين. لما ودنك يبقى فيها الخط اللي بيبقى معمول كده ده. أبقى أحط لكم صور ليه. تمام. اللي بيقول إن الشخص ده عنده مشاكل في القلب بتاعته وتتجاهلها.

طيب أنا الفيديو ده ليه؟ الفيديو ده بقول لك كل اللي يريحك وما تاكلش اللي ما يريحكش. لكن هذا النظام قاتل. هذا النظام إنك تمنع الأدوية بتاعتك وتوقفها من غير ما ترجع للدكتور بتاعك ده قاتل. إنك تمنع أدوية الدهون بتاعتك ده قاتل. إنك تمنع أدوية السكر بتاعتك وتسيب السكر بتاعك يعلى. شوف بطل هبد يا عميل الأدوية والأمصال. حاضر حاضر. زي بعضه. أنا طالع. أنت عارف وأنا طالع الفيديو ده عارف إن هشوف هذه التعليقات. على فكرة أنا عارف ده. بس أنا عارف في الآخر إن حضراتكم بترجعوا وتعرفوا الصح فين. أتمنى من حضرتك اللي بتكتب لي هذا التعليق إن أنت تمشي على النظام. بس امشي عليه بحذافيره. وبعد كده شوف إيه اللي هيحصل. وارجع يمكن ترجع تلاقي الكلام بتاعي صح أو غلط.

تاني أنا ما بتكلمش عن أشخاص. أرجوك. لأن النظام هيصيبك ويصيب ناس كثيرين. وناس كتير عليه دلوقتي عندهم إمساك مزمن. وهذا الإمساك المزمن من اللي عندهم نتيجة إن ما فيش ألياف. والألياف دي هي اللي بتعمل البلك اللي بيزق عشان خاطر يعمل امتلاء القولون عشان خاطر حضرتك تقدر تعمل هذا التبرز. فلما يجي لحضرتك الإمساك المزمن وتسيبه وعضلة القولون بتاعتك تبدأ تضعف مع الوقت. هيبدأ يحصل لك إمساك مزمن وضعف في عضلة القولون لفترات طويلة جداً. هتلاقي نفسك بتدخل الحمام بتصوت عشان خاطر يحصل تبرز. هذا النوع من الأكل السكر الكتير وعدم أخذ الألياف سيؤدي إلى زيادة في سرطانات القولون. لما يحصل زيادة في سرطانات القولون عند الناس اللي ماشية على النظام. يبقوا يفتكروا كلامي.

أنا ليه ما بحط الفيديو ده النهارده؟ ما أنا عارف إن 70 80% منكم مش هيعجبهم الكلام. تمام. وأنا عارف الناس كتير هتروح تمشي على هذا الكلام. بس عشان لما يحصل لهم هذه الأعراض تنور في مخهم بس. ويبقوا عارفين إن إحنا عملنا اللي علينا وحذرنا. وكل واحد مشي على النظام هيبقى عارف اللي أنا بقوله كويس قوي إيه اللي بيحصل فيه. تمام. يا سيدي أنت شايف هناك نتائج. أنا ما بمنعكش منها. أنا في 5 مليون واحد متابعيني. لازم أطلع وأقول لهم هذا الكلام بكل أمانة شديدة جداً. هم بقى يمشوا زي ما هم عايزين. ما كل واحد يمشي زي ما هو عايز. تمام.

يبقى هذا النظام سيصيبك بالاعتلال. إن العضلات بتاعتك هتبدأ بعد شوية تضعف قوي. قولونك هيحصل فيه إمساك لفترات مزمنة جداً. ضعف في عضلة القولون. الإصابة. الإصابة بسرطان القولون هتزيد جداً جداً. الإصابة بتصلب الشرايين هتزيد جداً جداً. الناس اللي عندها كوليسترول ومش هتعالجه هيجي لهم تصلب شرايين وهيجي لهم انسداد في الشرايين بتاعتهم وهيموتوا بجلطة في القلب. عدم شرب الميه بيؤدي إلى لزوجة في الدم زيادة. زي زي ما. لما ما بشربش ميه حجم الدم بتاعي بيقل وبيزيد اللزوجة بتاعته وبيحصل فيه ركود في الدورة الدموية وبيحصل تجلطات. وده بيزود الجلطات. ده بيزود الجلطات في الجسم. فخلوا بالكم إن لازم نشرب ثمان كوبايات ميه. وإحنا داخلين على الصيف يعني المفروض ده يزيد. لأن مع العرق اللزوجة دي هتزيد. تمام. والجلطات دي ممكن تزيد.

فأرجوكم شرب الميه مش رفاهية. شرب الميه أساسي بالنسبة للجسم بتاعي. واللي ماشيين على النظام عارفين إنهم ما بيشربوش. ما بيشربوش. يعني. يعني أنت شايف إن المنطق إن أقول لك ما تشربش ميه؟ ما تاكلش خضار؟ كل نوتيلا؟ كل سكر؟ ما تاكلش بروتين؟ ما تاخدش ألبان؟ ما تاخدش بيض؟ ما تاخدش فراخ؟ أنت شايف إن ده صح؟ روح اعمله. لو أنت شايف إن ده صح روح اعمله. ما فيش حاجة اسمها مريض بياخد دواء عشان خاطر مرض مناعي زي ذئبة حمراء. زي الدكتورة اللي توفت ربنا يرحمها بسبب إن هي وقفت الكورتيزون بتاعها فجأة والجسم عمل ردة مناعية عنيفة جداً وماتت. الله يرحمها أو توفت الله يرحمها بسبب هذا النظام. بسبب هذا الكلام.

ما هو إحنا لو إحنا مش هنتكلم وهنسيب الناس اللي هم عاملين من هذه القصة إن إن هي سبيل للنجاة. وإن يا جماعة يا جماعة أرجوكم خدوا بالكم. براحتكم. براحتكم. ولكن سيبقى هذا النظام. يعني هو نظام الكيتو هو اللي صح؟ ما هو بيبعد عن الدهون. طب بيعتمد على الدهون. طب أنتم عارفين إن أنا قلت إن نظام الكيتو مش صح؟ أنا كم مرة أقول نظام الكيتو مش صح؟ أنا كم مرة أقول إن الكيتو لما اتعمل اتعمل عشان خاطر الناس اللي عندهم السرطان. بعد كده بتوع التغذية لقوه بيخسس فابتدوا يطبقوه على الناس. أنا كم مرة أقول نظام الكيتو بيعمل تصلب في الشرايين؟ كم مرة أقول نظام الكيتو بيعمل حصوات في الكلى؟ كم مرة؟ كم مرة؟ حد سمعني؟ ما حدش سمعني. ما حدش عايز يسمعني.

أنا كم مرة أقول إن التخسيس اللي بيعملوه بتوع التغذية هو غلط. غلط. ما فيش حاجة اسمها في التخسيس إن أنت فجأة عايز تخس. فجأة عايز تخس في يومين ثلاثة. غلط. أنا كم مرة أقول تغيير أسلوب الحياة عشان تخس؟ كم مرة أقول يا جماعة الأكل يكون كالاتي: طبق السلطة رقم واحد. اللي أنت بنيته مناسب لنفسك. اللي ما فيهوش مكون بيتعب قولونك تاخده رقم واحد. بيقلل كمية السكر ومنحناه بعد الأكل بنسبة 35 ل 45%. كم مرة أقول بعده خد البروتين على طول مباشرة. يعني لو فيه طبق فول خده بعده. لو في حتة لحمة خدها بعده. البروتين يأتي بعد الخضروات. كم مرة أقول نقص كمية العيش أو الرز أو المكرونة اللي في الوجبة بتاعتك. ولما تحط حطهم في الآخر في الوجبة بتاعتك هيقلل امتصاصهم الحاجات اللي سبقتهم. كم مرة أقول ما تعتمدش على الشبع بالامتلاء. لأن أنت على بال ما بتاكل السلطة والإنزيمات عمالة بتطلع وشوية البروتين لما بتوصل للكربوهيدراتس بتحس نفسك شبعت أساساً. كم مرة وأنا أقول اعمل سوليس بوش أب بعدها عشان خاطر تقلل العضلة بتاعة التمرين اللي عملناها مع بعض بتاعة الرجل عشان تقلل السكر. كم مرة أقول قوم واتمشى بعدها. هو ده الصح. هو ده النظام اللي يخلي حضرتك ما تزيدش في الوزن.

كم مرة وأنا أقول لما تصحى من النوم ما تاخدش وجبة الفطار بتاعتك كلها سكر. لأن اللي بيحصل لما بتاخد كحك كتير مع شوية شاي ولا سكر كتير الصبح سكرك بيعلى في السما. البنكرياس بتاعك بيطلع كمية كمية ضخمة من الإنسولين. فيحصل لك بعدها كراش ساعة ساعتين تحس نفسك جوعت. تقول الله إزاي اليوم اللي ما أفطرش فيه ما جوعتش واليوم اللي أفطر فيه الصبح أحس بجوع وأفضل أدور على سكر طول اليوم. وقلت لك إن السكر اللي أنت بتاكله. السكر اللي أنت بتاكله خطورته. كم مرة أنا أقول لك الكلام ده بيفرز دوبامين يخليك سعيد وتفضل طول اليوم تدور على سكر. كم مرة أقول لك هذا الكلام. كم مرة أقول لك لو عايز تخس ما تجيش تقعد سبع ثمان ساعات على التليفون أو قدام الشاشات. لازم تتحرك.

ما فيش حاجة اسمها أعتمد على الدهون بس في الأكل بتاعي. ولا البروتين بس في الأكل بتاعي. كم مرة أقول لك لو النظام اللي إحنا قلناه ده عملته أنت هتخس. ولو خسيت هيقل عندك الدهون. ولو قلت الدهون هيقل عندك الليبتن. ولما يقل عندك الليبتن حساسية الإنسولين في جسمك هتتحسن. ولما حساسية الإنسولين في جسمك هتتحسن. ممكن كتير جداً من السكر النوع الثاني يحتاجوا يقللوا دواهم. وكتير جداً يخفوا ويمنعوا الدواء أصلاً. لكن السكر نوع أول ما فيش حاجة اسمها منع دواء. وما فيش حاجة اسمها أمنع الدواء الأول. في حاجة اسمها آخد خطوات. ولما نتيجة سكري الدوايا هيبقى زيادة دكتوري هيبدأ يقلله لي. كم مرة قلنا هذا الكلام.

لما تعبنا. لما أجي أنا دلوقتي عايز أضحك عليك وأقول لك وقف دواك كله. في حاجة اسمها كده؟ في حاجة اسمها إن اللي دهونه عالية ما ياخدش دوا كوليسترول؟ أصل إيه؟ أصل دواء الكوليسترول ممكن يوجع عضلاتي. لو حصل التهاب في العضلات والكرياتين علي. في أدوية كوليسترول تانية يا جماعة. أنا هذا الفيديو ليشهد علينا. لما تلاقي عضلاتك بتضيع ومش قادر تتحرك كويس بعد شوية. بعد سنة. في بعد سنتين. في بعد ثلاثة حسب كتلتك العضلية اللي أنت بادئ فيها. وحسب أنت ماشي على هذا النظام بجد ولا شوية وأخدته جد ولا شوية. لما تلاقي نفسك كليتك ابتدى يحصل عليها جريفلز وحصوات. لما تلاقي نفسك كبدك ابتدى يتكون عليها دهون. لما تلاقي نفسك بيحصل لك مقاومة إنسولين وأنت فرحان بأرقام السكر اللي بتعلى.

أنا قلت لكم اللي عندي هذا النظام قاتل. وشرحت لكم. وأنتم براحتكم. براحتكم. امشوا على اللي أنتم عايزينه. واعتبروني أنا الإنسان السيء. الإنسان اللي بتجنى على الناس. أنا ما يهمنيش رأيكم. رغم إني بحبكم. أنتوا أسرتي بجد. أسرتي الكبيرة. بحبكم جداً. بس عارفين ليه ما يهمنيش رأيكم؟ لأن يهمني أكتر رأي اللي خلقنا ربنا. ربنا اللي هيقول لي أنا أدت لك أمانة في 5 مليون واحد كانوا واثقين فيك. وأنت كنت عارف العلم ده. واسكت عشان خفت لا يشتموك. هيحاسبني على ده. عارفين إن أنتوا 5 مليون أمانة اتعلقت في رقبتي. يا ريتني ما ابتديت السوشيال ميديا. يا ريتني ما ابتديت سوشيال ميديا. ما كنتش هبقى مضطر. أنا فتحت التليفون يجي 10 مرات وأنا أقفله. أقول ولا ما أقولش؟ أقول ولا ما أقولش؟ أفتح التليفون هيشتموك. طب وبعدين؟ وبعدين لما تتسأل على الأمانة دي. فقررت إني أقول.

ربنا يوفقكم. وأشوفكم على خير في فيديو جديد ومعلومة يمكن تكون تفيدكم. وسلام.