Transcription
بصراحه حياتي السابقه كلها تخبيص سهر وشباب وشرب والله هداني من بعدها وتبت يا ريت تعلموني كيف اقلب بالصفحه 100%.
اخ محمد كيف بنقله بالصفحه 100%؟ وسؤال حلو انه الامام علي عليه السلام بيقول التوبه تقوم على اربعه دعائم، اربعه ركائز. ركيزتين تسقط ثلاثة ركائز تسقط لازم يكونوا أربعة دعائم مثل هي الطاولة مثلاً اللي بيكون لها أربع دعائم، أربع ركائز وثابتة عليها.
فيقول الدعامه الأولى هي الندم بالقلب، طالما هي نادمة على كل ما فات وتشعر فعلاً بالندم والحرج الشديد من نفسها. وبس تتذكر هذا الذنب مثلاً تقول أنا عن جد كيف عملت هذا الذنب فعلياً نادمة.
الركيزة الثانية هي الاستغفار باللسان، طبعاً تكثر من الاستغفار. وعمل بالجوارح، هون بيجي الدور الدعامه الثالثة بعد التوبة، عملهم بالجوارح يعني.
100% الجوارح هي أعضاء الجسد. لما هي عم بتقول إنه أنا بدي أقلب الصفحة، أنا قبل ما أقلب الصفحة لابلش صفحة جديدة أو أنا لو افترض بلشت هالصفحة الجديدة بدي اطلع شو علي حقوق للناس، شو علي حقوق مثل شو علي صلاة، شو علي صيام. هذا كله بدي أركز إني أبلش أقضي شو علي صلاة، شو علي صيام، شو علي كفارات، شو علي حقوق للناس. هذا عمل بالجوارح.
والركيزة الرابعة والتي هي عزم أن لا يعود، يعني خلص عندي عزيمة بصير عندها هي عزيمة أنه ما ترجع لهذا الذنب، يعني بطل عندها ميل أو اشتياق للذنب اللي كانت تعمله. تتكل على الله، توبة، استغفار كما قلنا، عمل بالجوارح، وعزم أن يعود. ما بترجع لهي المعاصي.
هون بتكون الصفحة بلشت صفحة بيضاء مع الله سبحانه وتعالى. بلشت أقضي صلاتي، بلشت تقضي صيامي. هون ببلش أهتم بالأمور اللي بتقربني من الله سبحانه وتعالى أكثر. صلاتي بوقتها، إن الصلاة تنهى عن الفحشاء والمنكر، بركز على أثر هذه الصلاة بحياتي بدها تنهاني عن الفحشاء والمنكر. بصلي على الوقت، بتزم بقراءة القرآن، قراءة الأدعية والأذكار. كل هيدا بيؤثر. يعني حتى العمل الصالح بيؤثر نفسياً على الإنسان، يعطيه دافع روحي ومعنوي للاقتراب أكثر من الله سبحانه سبحانه وتعالى.