السلام/ أسماء ﷲ الحسنى / الحلقة ٧٦ (الجزء الثاني)

السلام عليكم ورحمه الله وبركاته.

أهلاً بحضراتكم في الحلقة السادسة من حلقات تدبر أسماء الله الحسنى. ونحن الليلة مع اسم الله السلام. هذه الحلقة الثانية والأخيرة من حلقات اسم الله السلام.

أعوذ بالله السميع العليم من الشيطان الرجيم. قال تعالى: "ولله الأسماء الحسنى فادعوه بها وذروا الذين يلحدون في اسمائه سيجزون ما كانوا يعملون".

إذاً، الله سبحانه وتعالى أمرنا أن ندعوه بهذه الأسماء الحسنى. وقال النبي صلى الله عليه وسلم: "إن لله تسعة وتسعين اسماً، مائة إلا واحدة، من أحصاها دخل الجنة".

ونحن عارفين أن ربنا سبحانه وتعالى له أسماء كثيرة، يعني في الصحيح يعني عدوا حوالي يعني المتشددين جداً اللي هي منها المدرسة بتاعتي، 220 اسم، لكن ممكن نوصل لآلاف الأسماء. منهم 99 لم يذكرهم لنا النبي صلى الله عليه وسلم، دول مهمين جداً، لأن من يحصيهم يدخل الجنة.

طيب، معنى "يحصيهم" إيه؟ يعني يفهمهم ويهضم معانيهم كويس ويعرف مقتضياته، فيفهم ماذا أعد الله لنا، فيدعو الله بهذه الأسماء. يعني إيه بقى "فادعوه بها"؟ يعني تطلب من الله ما في هذه الأسماء. الحاجة الثانية أن الأسماء دي تدخلك الجنة، يعني تغير من عقيدتك، تغير من عقيدتك أو من أخلاقك ومن طباعك ومن عبادتك ومن كل شيء. إذاً، لابد أن نُعنى أنفسنا بهذه الأسماء حتى نوكلها أنها تغيرنا.

طيب، احنا في الحلقة الماضية بدأنا اسم السلام، وعاوزين نشوف بقى في هذه الحلقة كيف يمكن لهذا الاسم، اسم السلام، أن يغير منا فيكون سبباً في دخولنا الجنة.

طيب، كنا بدأنا نتكلم عن مسألة مهمة جداً وهي أن تحية المسلمين السلام. قال صلى الله عليه وسلم، قال النبي صلى الله عليه وسلم: "لا تدخلون الجنة حتى تؤمنوا، ولا تؤمنوا حتى تحابوا، أولا أدلكم على شيء إذا فعلتموه تحاببتم؟ أفشوا السلام بينكم".

الحديث جميل قوي الحقيقة. أنتم لن تدخلوا الجنة حتى تؤمنوا، بقى شرط دخول الجنة الإيمان. طيب، ولا تؤمنوا حتى تحابوا، شرط الإيمان أن احنا نحب بعض. أمال يعني المؤمنين هيكرهوا بعض؟ لازم نحب بعض. طب نحب بعض إزاي؟ فالنبي قال لنا: "أولا أدلكم على شيء إذا فعلتموه تحاببتم؟" بيعمل عملية تحفيز جوانا عشان نقول له: "آه، إيه؟ قول لنا يا رسول الله". قال: "أفشوا السلام بينكم". انشروا السلام. امشوا في الشوارع سلموا على بعض. انشروا السلام. أيوه. أنت ماشي في الشارع تسلم على الناس. ما هو المجتمع المسلم كده.

إنما النهارده بقت المجتمعات المسلمة تشبه المجتمعات الغربية. الواحد يدخل الأسانسير يطلع الدور العاشر ومعاه واحد، ما فيش حد بيقول له: "السلام عليكم". خالص. ولو حد كده سلم على حد: "السلام عليكم"، يبص له كده: "انت تعرفني؟". للأسف بدأنا نتغير. لا، لازم ننشر السلام. السلام عليكم. السلام عليكم. على بعض.

قال عمر رضي الله عنه، ده إيه؟ مش حديث نبوي، لكنه قول لسيدنا عمر بن الخطاب. قال عمر رضي الله عنه: "ثلاث يصفين لك ود أخيك". ثلاث حاجات يصفين لك ود أخيك، يعني خلوا أخوك يحبك. واحد: أن تسلم عليه إذا لقيته. اثنين: أن توسع له في المجلس. ثلاثة: وأن تدعوه بأحب أسمائه.

يعني إيه؟ قابلته تقول: "السلام عليكم ورحمة الله". أمال هتقابله من غير ما تقوله سلام عليكم؟ من غير ما تسلم عليه؟ حاجة ثانية، توسع له في المجلس. لما حد يدخل من بره وما فيش مكان يقعد، بتبقى محرجة شوية. فلما أنت توسع وتقول له: "تعال اقعد جنبنا"، هو دي تؤثر في علاقته بيك القلبية، تجعله يحبك، لأن أنت وفرت عليه الإحراج، وفرت عليه أنه يطلب من حد يوسع له، وفرت عليه أنه يقعد خلف الصف. الأدب أنه ما يطلب من حد يوسع له، وأنه يقعد خلف الحلقة اللي قاعدة. والأدب من اللي قاعدين هم يوسعوا له يقعدوه.

طيب، وتدعوه بأحب أسمائه. يعني إيه؟ هو له كذا اسم. هو اسمه إسماعيل، وفي ناس بتقول له يا سمعه، في ناس بتقول له يا أبو السباع. أبو السباع ده اللي هو اسم الكنية بتاعته إسماعيل، عشان الخديوي إسماعيل عمل الكوبري، كوبري قصر النيل اللي فيه السباع للسبعين في أول من كل ناحية. يعني، فبيسموه أبو السباع. أنت عارف هو بيحب أكتر اسم إيه؟ فتقول له بالاسم اللي هو بيحبه. تناديه بالاسم اللي هو بيحبه. أيوه. فدي كلها فوائد تعود على المجتمع كله.

طيب، لو واحد جاي من ناحية والتاني جاي من الناحية الثانية، مين فيهم الأقرب إلى الله؟ ربنا هيقرب أكتر منه الذي يبدأ بالسلام. شوف حديث الرسول عليه الصلاة والسلام: "إن أولى الناس بالله من بدأ بالسلام". هذا أولى بالله. يعني يبقى يعني عارفين بيقول لك إيه؟ الولاية، أولياء الله الصالحين دول هم المقربين من الله. طب أقرب الناس هيكون مين في الاثنين اللي ماشيين دول؟ اللي هو يبدأ الأول بالسلام.

طب ليه؟ لأنه هو اللي فكر الآخر بالسلام. واحد سلم على ناس قال لهم: "السلام عليكم". فهم قالوا له: "وعليكم السلام ورحمة الله وبركاته". هو خد حسناته وخد حسناتهم هم كمان، لأن هو اللي فكرهم بالسلام. فهم هيجروا وهو يؤجر على.

وقلنا المرة اللي فاتت إن ليه ربنا سبحانه وتعالى يضع أو يجعل هناك ثواب كبير قوي في حاجة بسيطة قوي زي كده؟ ده دليل إن ربنا لا يريد أن هو يدخلنا النار. ربنا يريد أن يدخل الناس الجنة. وعكس ما يقول أعداء الإسلام إن المسلمين دول عندهم إله متربص قاعد منتظر بس الناس تموت عشان يدخلها النار. لا، بالعكس. ما كانش عمل كده. ما كانش خلى فيه ثواب كبير قوي على حاجات مش مكلفة، لا مال ولا جهد ولا حاجة خالص.

طيب، السنة النبوية بقى وضعت نظام للقصة دي. مين يسلم على مين؟ المفروض يعني. قال صلى الله عليه وسلم: "يسلم الراكب على الماشي، والماشي على القاعد، والقليل على الكثير". الراكب واحد راكب إيه؟ حصان أو حمار أو جمل، وواحد ماشي. مين أعلى؟ الأعلى يسلم على الأوطأ. لأن ده بـ... لأن هو مين الوارد إن مين فيهم اللي يا... يرائي أو يتفاخر على الثاني أو يتكبر على الثاني؟ أكيد اللي راكب يتكبر على اللي ماشي. فسنة إن اللي راكب هو اللي يسلم على اللي ماشي.

ماشي. وواحد ماشي وواحد قاعد. قاعدين يكفيكوا الشر. جايين واحد جاي علينا واحنا قاعدين. يبقى اللي جاي، اللي ماشي يسالم هو على القاعد. طيب، اتنين ماشيين ولهم 10 من الناحية الثانية. الاثنين هم اللي يقولوا السلام عليكم. هم القليل يسلم على الكثير. فالرسول وسلام حط قاعدة كده. لكن مش ده الـ... في في يعني عشان نعرف مين اللي عليه واجب، لكن مفيش مشكلة إن اللي قاعد يسلم على الماشي الأول. ما فيش مشكلة إن اللي ماشي يسلم على الراكب برضه. مش مشكلة. لكن دي قواعد محطوطة عشان لو إيه؟ لو حد غلط يبقى معروف مين الغلطان.

في رواية للإمام أحمد يعني، في بقى زيادة على دي كمان: "والصغير على الكبير". الصغير في السن هو يسلم على الكبير. ده الصح.

أقول لكم على حاجة. لو في مثلا 10 ماشيين و50 قاعدين. هل معقول الـ 10 يقولوا السلام عليكم فالـ 50 يردوا عليهم: "وعليكم السلام ورحمة الله وبركاته". تبقى دوشة جامدة جداً. قال علي رضي الله عنه: "يُجزئ عن الجماعة إذا مروا أن يسلم أحدهم، ويُجزئ عن الجلوس أن يرد أحدهم". خلاص. الـ 10 دول واحد بس يقول السلام عليكم، اكن الكل سلم. ما فيش حاجة اسمها شفت فلان كان ماشي معاهم والل معاه قال السلام عليكم وهو ما قالش؟ مش مهم يقول. هو مش مهم يقول. ده هتركبوا حقه. وهو مش ما فيش حاجة. مدام واحد من الـ 10 سلم خلاص سلم عنهم كلهم. ومدام واحد من الـ 50 رد السلام، كان الكل رد السلام خلاص.

وبخلي بالك بقى، كل صيغة وليها الثواب بتاعها. شيء جميل والله جداً. من أم متع الأسماء الحقيقة وأنا بدرسها. اقرأ كده معايا عن عمران بن حصين. قال: جاء رجل إلى النبي صلى الله عليه وسلم، فقال: "السلام عليكم". فرد عليه السلام، ثم جلس. فقال: "عشر". ثم جاء آخر، فقال: "السلام عليكم ورحمة الله". فرد عليه، فجلس، فقال: "عشرون". ثم جاء آخر، فقال: "السلام عليكم ورحمة الله وبركاته". فرد عليه، فجلس، فقال: "ثلاثون".

ثلاثون. على فكرة مين بقى روى الحديث ده؟ عمران بن حصين. حسين بالصاد مش بالسين. تصغير حصان مش حسين من الحسن والجمال. لا، من الحصان. خلاص. فده أحد الصحابة المعروفين. اسمه عمران بن حصين. عشان بعض الناس ما تعرفش أو بتفتكر إن الكلمة دي مكتوبة غلط. يبقى السلام عليكم بعشر حسنات. السلام عليكم ورحمة الله بعشرين حسنة. السلام عليكم ورحمة الله وبركاته بثلاثين حسنة. إيه ده؟ والحسنة بعشر أمثالها. شيء الحيا جميل جداً. يعني.

على فكرة عمران بن حسين وأبوه حسين وأبو هريرة أسلموا الثلاثة مع بعض في نفس اليوم أو يعني مع بعض في سنة سبعة هجرية. أظن في نفس اليوم كانوا مع بعض كلهم.

طيب، احنا بقى اتعودنا إن إحنا إيه؟ لا نعطي ظهرنا للشبهات. واحد دلوقتي من الناس اللي بتكره الإسلام بيتفرج علينا يقول لك: "بص بص بص". استحالة هيقول لهم إن النبي قال لهم ما يسلموش أهل الكتاب بالسلام. "فإذا لقيتموهم في طريق فاضطروهم إلى أضيقه". يا خبر أبيض بقى على التنشنة. يلا يا عم. أمال فين السلام؟ عمالين تقولوا من الصبح سلام وترنس وبتاع.

إحنا لا، إحنا ما بنهربش من أي شبهة. عشان نفهم موضوع حكم معين لازم لازم نجمع كل ما ذكر في هذا الموضوع. هل إحنا لا نلقي السلام إلا على المسلمين فقط؟ ولا على كل الناس؟ هو ده مربط الفرس. أيوه. في حديث بيقول: "لا تبادروا أهل الكتاب بالسلام". المسيحيين واليهود. "فإذا لقيتموهم في طريق، فضرهم إلى أضيقه".

ده المفهوم من المعنى. خلاص. لكن القصة إيه بقى؟ هنفهم دلوقتي. لكن دليل إن إحنا بنسلم على الكل الآتي. وأحاديث متفق عليها كلها. عن عبد الله بن عمرو. عبد الله بن عمرو بن العاص رضي الله عنهما. أن رجلاً سأل رسول الله صلى الله عليه وسلم: "أي الإسلام خير؟" يعني أي الأعمال في الإسلام كويسة؟ خير؟ أحسن حاجة؟ قال: "تطعم الطعام، وتقرأ السلام على من عرفت ومن لم تعرف". تطعم الطعام. وتقول السلام عليكم للي تعرفه واللي ما تعرفوش. آه. ما أنت كده ممكن تدي تقول السلام عليكم ليهود أو نصارى. آه. ما هو الحديث بيقول لك كده. هتقول ليهود وهتقول لنصارى. ما أنت تعرف وما تعرفش. هتقول السلام عليكم.

طيب، ده في على فكرة أحاديث كثيرة في إلقاء السلام على الناس عموماً. في أول يوم، أول يوم دخل فيه النبي صلى الله عليه وسلم المدينة، قال إيه؟ "أقرأ أيها الناس، أفشوا السلام، وأطعموا الطعام، وصلوا الأرحام، وصلوا بالليل والناس نيام، تدخلوا الجنة بسلام". أفشوا السلام. يعني انشروا السلام في المدينة. في أول يوم للمسلمين. المسلمين كانوا قل. معظم المدينة كانوا مشركين لسه بيعبدوا أصنام. ده غير خمس ست قبائل يهودية موجودين في المدينة. فاكيد من المتوقع أن هيبقى من بين من نلقي عليهم السلام غير مسلمين.

في القرآن أيضاً ربنا بيصف أهل الجنة، فبيقول إيه؟ سورة القصص: "وإذا سمعوا اللغو أعرضوا عنه وقالوا لنا أعمالنا ولكم أعمالكم سلام عليكم لا نبتغي الجاهلين". إحنا بنتكلم كفار. كفار. المؤمنين لما يسمعوا اللغو يعرضوا عنهم، ما يخشوش في الكلام الفارغ. وقالوا: بيقولوا للكفار: "لنا أعمالنا ولكم أعمالكم، سلام عليكم، لا نبتغي الجاهلين". بيسلموا على الكفار ومش هيخشوا في أخذ ورد وجدال وقلة أدب وشتايم. لا، خلاص.

في سورة الزخرف ربنا بيقول: "فسوف تعلمون، لمن كان عاقبة الدار، إنه لا يفلح الظالمون. وقالوا إن اتخذ الرحمن ولداً، لقد جئتم شيئاً إدا. تكاد السماوات يتفطرن منه وتنشق الأرض وتخر الجبال هدا. أن دعوا للرحمن ولداً. وما ينبغي للرحمن أن يتخذ ولداً. إن كل من في السماوات والأرض إلا آتي الرحمن عبداً. لقد أحصاهم وعدهم عدا. وكلهم آتيه يوم القيامة فرداً. إن الذين آمنوا وعملوا الصالحات سيجعل لهم الرحمن وداً. فإنما يسرناه بلسانك لتبشر به المتقين وتُنذر به قوماً لدا. وكم أهلكنا قبلهم من قرن هل تحس منهم من أحد أو تسمع لهم ركزا".

"فاصفح عنهم وقل سلام". ده عن المشركين. ما تقرا كده السياق عن المشركين.

طيب، إزاي نجمع بين كل هذه النصوص التي تأمر بإلقاء السلام على الناس كلها، أياً كان دينهم، وبين حديث: "لا تبادروا أهل السلام أهل الكتاب سلام، فإذا لقيتموهم في طريق فاضطروه إلى أضيقه". نجمع إزاي؟ ما كده شكلها إن في تناقض.

قال العلماء: هذا في حالة الحرب. ما ينفعش تلقي السلام على واحد أنت في حالة حرب معاه. لا يجوز بعدها أن تحاربه. لو أنت قلت له: "السلام عليكم"، أنك أمنته. المسلمين عارفين إن في قبيلة يهودية مثلاً حاولت تقتل النبي، فرايحين يحاربوه. فالنبي بيأكد على الناس: "ما حدش يقول السلام عليكم". لو قلت السلام عليكم، هنضطر نرجع. مش هينفع نحارب. خلاص. هنحارب. أنت أمنتهم. تقول السلام عليكم بعد تحاربهم؟

فروي عن النبي صلى الله عليه وسلم، اسمع بقى الحديث ده خطير وواضح جداً، وهو ضعيف. خلي بالك. ما أقول "روي عن النبي" يبقى ده ضعيف، لكنه ده بيبين برضه يعني إيه؟ يستانس به، يعني بيزود فهم في الموضوع. لكن إحنا كل اللي قبل كده كان صحيح.

روي عن النبي صلى الله عليه وسلم أن الله جعل السلام تحية لأمتنا وأماناً لأهل ذمتنا. يعني إيه؟ تشوف واحد بتحيي مسلم: "السلام عليكم". لكن لما يكون واحد من أهل الذمة وتقول له: "السلام عليكم"، أنت كده أمنته. ما ينفعش تعتدي عليه. ما ينفعش تقاتله. خلاص. هو خد الأمان.

"وأماناً لأهل ذمتنا". يبقى في فرق بقى بين أهل الذمة والحربي. الحربي اللي هو من مجتمع محارب. النهارده إحنا بنشوف يهود واقفين معانا وبيطلعوا معانا في المظاهرات وبيطلبوا بالحرية لفلسطين. وفي يهود تانيين ينه. وفي يهود تانيين مقاتلين حربيين. إذاً، لازم نفرق. الناس كلها ما بيحطهاش في سلة واحدة. أهل الكتاب أما ذميين، يعني من مواطنين الدولة المسلمة، دول لهم ما لنا وعليهم ما علينا. قاعدة في التعامل معاهم. أو بينهم وبين ربنا دي قصة تانية. لكن إحنا في التعامل معاهم، لهم ما لنا وعليهم ما علينا. مواطنين عاديين زينا.

أو يكونوا معاهدين. يعني مواطنين دولة أخرى في بينا وبينها سلام وعهد. فيبقى المسيحي أو اليهودي بتاع الدولة دي معاهد. يعني إيه؟ يعني في فيزا بينا وبينه. في إقامة واخدها وقاعد باحترامه. أو حربيين. يعني مواطنين دولة معادية محاربة للإسلام.

المسلم كمان يا جماعة عشان تبقوا عارفين، لما يلقي السلام، لما يدخل البيت والبيت فاضي، بتلقي السلام برضه. لأن هذا يجلب البركة والخير ويطرد الشياطين. المسلم يدخل بيت فاضي يلقي السلام.

عن جابر رضي الله عنه أنه سمع النبي صلى الله عليه وسلم يقول: "إذا دخل الرجل بيته فذكر الله عند دخوله وعند طعامه، قال الشيطان: لا مبيت لكم ولا عشاء. وإذا دخل فلم يذكر الله عند دخوله، قال الشيطان: أدركتم المبيت. وإذا لم يذكر الله عند طعامه، قال الشيطان: أدركتم المبيت والعشاء".

طيب، يبقى لازم تعود نفسك ولازم تعودي نفسك إنكم وأنتم داخلين البيت وهو فاضي، تقولوا: "السلام عليكم ورحمة الله" أو "السلام علينا وعلى عباد الله الصالحين". قال الإمام النووي في كتاب الأذكار: "يستحب إذا دخل بيته أن يسلم، وإن لم يكن فيه أحد، وليقل: السلام علينا وعلى عباد الله الصالحين".

طيب، وكذلك إذا دخل المسجد يقول: "السلام عليكم". أو بيت شخص آخر ما فيش في أحد. لا يوجد أحد في البيت يقول: "السلام علينا وعلى عباد الله الصالحين". وأنت داخل المسجد: "السلام علينا وعلى عباد الله الصالحين". يستحب الإنسان يسلم. هـ... أو إنه يقول: "السلام عليكم يا بيت ورحمته ورحمة الله وبركاته". لو في حد في البيت.

طيب، يعني واحد صاحبك أدالك مفتاح بيته وقال لك: "روح هات لي حاجة من البيت". وما فيش حد في البيت. وأنت داخل تقول: "السلام علينا وعلى عباد الله الصالحين". في حد في البيت؟ هتخبط وتخلي بالك تقول: "السلام عليكم أهل البيت".

قال أنس رضي الله عنه: قال لي رسول الله، أنس ده اللي هو الغلام اللي كان بيخدم النبي عليه الصلاة والسلام. قال له: "يا بني، إذا دخلت على أهلك فسلم، يكن بركة عليك وعلى أهل بيتك". خلي بالك. النبي عليه الصلاة والسلام بيربي الأطفال كده. أنس ده صغير عاش مع النبي 10 سنين بيخدمه. فيعلمه: "دخلت على على بيتك تقول السلام عليكم ورحمة الله". "السلام عليكم أهل البيت". يبقى بركة عليك وعلى أهل بيتك.

إن في ناس بتكسل إنها تلقي السلام بشكل متكرر. دخلت البيت قلت السلام عليكم. أوه، نسيت الموبايل في العربية. قوم نازل جايب الموبايل وداخل. ما قلتش السلام عليكم؟ لا، تقول السلام عليكم تاني. تاني وثالث.

قال رسول الله صلى الله عليه وسلم: "أوريكم الحديث مش حاطه على بتاع، إن أبخل الناس من بخل بالسلام، وأعجز الناس من عجز عن الدعاء". البخيل اللي يبخل بأنه يسلم.

طب والمثل الشعبي اللي بيقول لك: "كثر السلام يقل المعرفة". ما فيش أسوأ وأضل من هذا المثل. يعني اللي اخترع المثل ده يا إما جاهل أجهل من دابة، أو كافر بيحارب الإسلام. لأنه يعلم أن النبي صلى الله عليه وسلم قال ده ضد السنة.

وفي بقى ناس يقول لك إيه: "لا سلام على طعام". جبت منين السلام؟ سلام على طعام؟ لا. في ناس قاعدة بك السلام عليكم ورحمة الله وتسلم عليهم. مش لازم تخش تسلم باليد. الناس قاعدة بتاكل. بس لـ... يعني إيه؟ إلا سلام. لا في سلام على طعام. وكل حاجة. ودخلت وخرجت ودخلت. كل مرة تقول السلام عليكم. كل مرة تقول السلام عليكم.

أقول لك على حاجة. أبو هريرة بيقول عن أبي هريرة رضي الله عنه عن رسول الله صلى الله عليه وسلم: "اسمع دي. إذا لقي أحدكم أخاه، فليسلم عليه، فإن حالت بينهما شجرة أو جدار أو حجر، ثم لقيه فليسلم عليه". يعني أنت قابلت واحد صاحبك: "السلام عليكم". "وعليكم السلام". تتمشوا مع بعض. وجاء عمود نور. فكل واحد راح من ناحية. بتقول له: "السلام عليكم" تاني. إيه مشكلة الشجرة؟ "السلام عليكم". "وعليكم السلام". إيه مشكلة؟ سلموا كتير. في ثواب ببلاش. يعني ببلاش الثواب.

لم أمس. لم الثواب. إحنا طول النهار عمالين نتبرع. عمالين ناخد في سيئات من الحاجات البلاوي اللي بنشوفها دي.

طيب، عن المقداد أن النبي صلى الله عليه وسلم كان يجيء من الليل فيسلم تسليماً لا يوقظ نائماً ولا ويسمع اليقضان. يعني إيه؟ السنة بقى. الإتيكيت بقى. الدنيا ليل. في ناس نايمة. نعمل إيه؟ "السلام عليكم". اللي صاحيين سمعوا. واللي نايم مصحش. فدر صوتك. لا تبقى عالية قوي وتبقى صاخب فالناس اللي نايمة تصحى. ولا في نفس الوقت أنت تخش تهمهم كده ما حدش سمع أنت بتقول إيه. يقول لك يا عم أنت مش تسلم وأنت داخل؟ سلمت؟ لا، ما سمعكش.

طيب، لو واحد دخل ألقى السلام واللي قاعدين ما سمعوش. مسؤولية مين؟ مسؤولية مين؟ مسؤولية اللي بيتكلم. يعني أنا وأنا كنت بقرا لما كنت بقرا على الشيخ بتاعي وكان يصلح لي حاجة. فاقول له: "بس أنا قلتها كده". يقول لي: "مش مشكلتي لو أنا سمعتها غلط". مسؤوليتك أنت. كان يقول: "المتكلم كالحالب والمستمع كالشارب". مسؤوليتك إنك تحلب لي في بقي. يعني عا بقي كدهه وأنت بتحلب. أنت اللي تنشن. فأنت لازم تسمع الناس اللي صاحية. وربنا أمرنا بقى برد التحية.

طب ونردها إزاي؟ بما هو أفضل منها. ولا يوجد أفضل من السلام. قال قال الله تعالى في سورة النساء: "وإذا حييتم بتحية فحيوا بأحسن منها أو ردوها إن الله كان على كل شيء حسيبا". بيحسب. بيحسب. أنت اتحيت بتحية. حي بتحية أحسن منها. واحد قال لك: "صباح الخير". قلت له: "وعليكم السلام ورحمة الله وبركاته". صباح الفل. أحسن منها بكتير.

قال لك: "السلام عليكم". قولوا: "السلام عليكم ورحمة الله". قال لك: "السلام عليكم ورحمة الله". "السلام عليكم ورحمة الله وبركاته". لازم تزود. يا إما تقولها زي ما هي. قال لك بقى: "السلام عليكم ورحمة الله وبركاته". خلص. ما عندكش غير هي زيها بالضبط.

"إذا حييتم بتحية فحيوا بأحسن منها أو ردوها". زي ما هي. ده يوريك أهمية. مش أهمية وجوب رد السلام. وصل الأمر إن في بداية الإسلام كان يجوز رد السلام من المصلي. يعني واحد بيصلي كان يتقال له: "السلام عليكم". كان يقول: "وعليكم السلام ورحمة الله وبركاته" ويكمل صلاة. ده في الأول. ثم نسخ هذا الحكم. ومنع طبعاً. بس ده يورينا أهمية رد السلام. يعني صحيح الحكم ده منسوخ. بس أنا بقوله ليه؟ عشان أوريكم أهمية رد السلام.

في يوم من الأيام كان المصلي يرد سلام ويكمل صلاة. إيه رأيكم بقى؟ والدليل ده حديث متفق عليه عن عبد الله بن مسعود. قال: "كنا نسلم على رسول الله صلى الله عليه وسلم وهو في الصلاة، فيرد علينا. فلما رجعنا من عند النجاشي". لما رجعوا بقى من هجرة الحبشة. "سلمنا عليه فلم يرد علينا". فقلنا: "يا رسول الله، كنا نسلم عليك في الصلاة فترد علينا". فقال: "إن في الصلاة شغلاً". يعني إيه؟ يعني خلاص. الكلام ده كان زمان. المصلي دلوقتي وظيفته إنه ينشغل بصلاته فقط. يبقى شغله الشاغل هو الصلاة. خلاص. الصلاة ستشغل عن كل شيء. حتى رد السلام. وده يوريك أهمية رد السلام.

طيب، يعني هو تدبر القرآن اللي بيقراه ويستشعر الذكر والدعاء اللي هو بيقول لهم يخلوا الواحد يفهم أهمية المسألة دي. طبعاً عشان تبقوا فاهمين الصحابة اللي هاجروا الحبشة في مكة رجعوا على تلات دفعات. عشان ما حدش يفتكر إن دول رجعوا قبل خيبر. مش كلهم. الصحابة اللي راجعوا اللي راحوا الحبشة منهم دفعة رجعت مكة قبل الهجرة. منهم مصعب بن عمير. ورجع بعد كده راح على يثرب مع الأنصار عشان يعلمهم قبل ما تبقى المدينة. ودفعة تانية رجعت بعد الهجرة على طول ورجعت على المدينة مباشرة ووصلوا قبل غزوة بدر. ومنهم عبد الله بن مسعود. فالل عبد الله بن مسعود بيقولوا دول مش في آخر الفترة المدنية بعد خيبر. لا، ده بيتكلم في قبل غزوة بدر. خلاص. بيقول الكلام ده ليه؟ المهم كده نبقى فاهمين كده مين راح فين ورجع إمتى عشان نفهم التعاليم. التعاليم دي نزلت إزاي ونزلت إمتى. الدفعة التالتة رجعت عند فتح خيبر. يعني بعد الحديبية على طول سنة سبعة هجرية. وكانوا بقيادة جعفر بن أبي طالب وزوجته أسماء بنت عميس. عشان حتى الدليل. الدليل على كده. النبي عليه الصلاة والسلام كان يقول: "لا أعلم بما أفرح أكثر بفتح خيبر أم بعودة جعفر". خلاص. فجعفر رجع على فتح خيبر.

من الآداب أيضاً عدم إلقاء السلام أثناء خطبة الجمعة أو درس. طبعاً لا تلقي السلام على المصلي. خلاص. لا يجوز أن تلقي السلام على المصلي. ولا تلقي السلام أثناء خطبة الجمعة أو أثناء درس العلم. دخلت المسجد خلاص. الناس قاعدة. "السلام عليكم ورحمة الله". لكن لو في درس ما تقولش السلام عليكم. ما تلقيش السلام. تقعد أو ما تقعدش. بس المهم ما تلقيش السلام على الناس قاعدة بتاخد درس.

طيب، في خطبة الجمعة ما تلقيش السلام أيضاً. للأسف في ناس بتتنطط وبتلقي السلام على قارئ القرآن. س واحد قاعد بيقرأ القرآن. أوى تقولوا السلام عليكم. وبص كده في المسجد. لاقي واحد قاعد بيقرأ قرآن. فواحد ما عاد يالله: "السلام عليكم". فـ "وعليكم السلام ورحمة الله وبركاته". بص حصل إيه؟ عد يبص. هو مش فاكر هو كان واقف فين. وعد يقلب بالصفحة بالصفحة الثانية. وعد يقلب في المصحف ويحطه ويمشي. طب أنت ليه عملت له إنتربشن؟ ليه شغلت الراجل؟ سيبه.

فسلام لا يلقى على قارئ القرآن. لا يلقى على المصلي. لا يلقى على الناس في درس العلم. لا يلقى على خطبة. لا يلقى على الإنسان وهو في الحمام. بقى تخبط تقول: "السلام عليكم". وهو في الحمام. ما ينفعش.

من السنة إلقاء السلام حتى على الموتى. يعني إيه؟ عن بريدة عن أبيه. كان رسول الله صلى الله عليه وسلم يعلمهم إذا خرجوا إلى المقابر، فكان قائلهم يقول: "السلام عليكم أهل الديار من المؤمنين والمسلمين، وإنا إن شاء الله بكم لاحقون، أسأل الله لنا ولكم العافية". تلقي السلام على على أهل على الناس اللي في في المقابر. "السلام عليكم أهل الديار من المؤمنين والمسلمين، وإنا إن شاء الله بكم لاحقون، أسأل الله لنا ولكم العافية".

طيب، يبقى إذاً، ده كل ده إحصاء اسم السلام. لك تستشعر المعنى ده وتلقي السلام وتفشي السلام وتعرف أن السلام ده هو اسم من أسماء الله. لذلك عمرنا ما نقول: "السلام على الله". ما ينفعش. إن الله هو السلام.

إحصاء اسم السلام أيضاً أنك تبقى إنسان مسالم. إزاي؟ المسلم مسالم لمن سالمناه، محارب لمن حاربنا. دي بقى مهمة جداً عشان نبقى فاهمينها. ما إحناش مسالمين قوي طول الوقت. يعني. لكن اللي يسلمنا نسلمه.

عن أبي هريرة رضي الله عنه عن رسول الله صلى الله عليه وسلم قال: "المسلم من سلم الناس". في رواية: "المؤمنون". وفي رواية تانية صحيحة: "المسلم من سلم الناس". كل الناس. من لسانه ويده. والمؤمن من آمنه الناس على دمائهم وأموالهم". خلي بالك. هنا النبي صلى الله عليه وسلم بيسلط الضوء على أن الأذى الأذى مش جسدي فقط، بل باليد واللسان أيضاً.

"المسلم من سلم الناس من لسانه ويده". لا يشتم حد. ولا يتكلم على حد. ولا يمد إيده على حد يضرب حد أو يقاتل حد. ناس مسلمة هنسلم.

وقال رسول الله صلى الله عليه وسلم: "إن شر الناس من تركه الناس اتقاء فحشه". في ناس يا جماعة ألفاظها مش نظيفة وبتشتم وبتشتم بالأم وبتشتم قذرة. فاحياناً يقولوا حاجة أنت عايز ترد عليه وعايز تناقشه. بس أنت خايف تناقشه تتشتم وأمك تتشتم. فبتسمع. "شر الناس من تركه الناس اتقاء فحشه". يعني الناس بتتجنب ما تشتمش وما تسمعش. فاس قذر.

طيب، هنا بقى مين فيكم لما سمع الكلام ده فكر على طول في واحد مشهور مؤخراً بقى بيعمل فيديوهات غريبة ويشتم الناس ويقول ألفاظ مش نظيفة. لو هو ده اللي أنت فكرت فيه، يبقى أنت عندك مشكلة. الأسماء الحسنى وتدبر القرآن مش هيدخلك الجنة بأنك تاخد الكلام ده عشان تصدر بيه أحكام على الناس. لا. أنت فكر وحاول تفتكر. هو أنت بتعمل كده؟ هو أنت ممكن تكون بتتكلم على حد؟ هو أنت ممكن تكون بتشتم حد؟ أنت لازم تفكر في نفسك أنت وتحاكم نفسك أنت. يمكن هو في مشكلة في عقله وربنا يسامحه هو. لكن أنت كان لازم تسمع هذه العظات والنصائح وتفكر في نفسك. هل في إنسان بيخاف منك من لسانك أو من بطشك؟ هو ده اللي يدخلك الجنة. مش إنك تعمل فيها قاضي ومفتي. هو ده.

طيب، قلنا يبقى المسلم لازم يصبح مسالم. طيب، ما هو المؤمن بيعاقب المعتدي اللي بيعتدي عليه. آه صحيح. والقرآن والسنة مليانين بال أوامر بالقتال والجهاد ورد العدوان بالقوة. ده في حالة الاعتداء باليد يا جماعة. في حالة القتال. إنما في حالة الشتائم وقلة الأدب والفحش في القول، لا. اللسان اللي بيذكر الله وبيقول: "لا إله إلا الله" وبيقول: "أستغفر الله" وبيقول: "الحمد لله" وبيقول: "سبحان الله". ما ينفعش يقول ألفاظ مش نظيفة وخادشة للحياة وفيها فحش. تاني صفة من صفات عباد الرحمن. فاكرين؟ "نادي عباد الرحمن" اللي صفاتهم أظن 12 صفة مذكورين في 10 آيات في أواخر سورة الفرقان. "وعباد الرحمن الذين يمشون على الأرض هونا". ادي أول صفة. بيمشوا بتواضع. "وإذا خاطبهم الجاهلون قالوا سلاما". ولما حد يجهل عليهم. الجاهلون هنا مش معناها ناس مش متعلمة. لا. جاهلون يعني ناس بتقل أدبها. الجهل يعني الاعتداء اللفظي من ضمن المعاني. الجاهل يعني الذي يعتدي علي باللفظ بالكلام. واحد راح قال للنبي عليه الصلاة والسلام: "لي قرابة اللي هي قرايب يجهلون علي وأصبر عليهم". يعني بيشتموني وأنا بسكت. تمام.

وقال الشاعر عمرو بن كلثوم في قصيدة من المعلقات. ودي قصائد شعرية كانت في الجاهلية وكانت تعتبر مراجع في اللغة العربية من شدة البلاغة بتاعتها. قال في يعني البيت المشهور: "ألا لا يجهلن أحد علينا، فنجهل فوق جهل الجاهلين". يعني ما حدش يقل أدبه علينا. بدل ما نمسح بكرامته الأرض. "ألا لا يجهلن أحد علينا". ما حدش يعتدي علينا باللفظ. "فنجهل فوق جهل الجاهلين". فإحنا نرد عليه بأكثر من الكلام الأدب اللي هو قاله. طبعاً المسلم مش كده. المسلم التقي مش كده خالص. لو اعتدي عليك جسدياً، دافع عن نفسك وقاتل من يقاتلك واديله علقة. ولكن اللسان اللي يذكر الله ما ينفعش يرد بألفاظ قذرة حتى على اللي بيشتم. الألفاظ القذرة لا يليق باللسان اللي بينطق باسم الله أنه ينطق بألفاظ تخدش الحياء. مش إحنا.

طيب، يبقى المسلم لازم يكون إنسان مسالم. شوف بـ... إحنا دلوقتي بنحصي اسم السلام. والمسلم لازم يفشي السلام ويسلم على الناس كلها. ده معناه إن الإنسان المسلم بيعيش في سلام. سلام مع الله. ده أهم شيء. سلام مع نفسه. تاني شيء. سلام مع أهل بيته. مش طول النهار في خناق وشد وجذب. سلام مع الناس. مع جيرانه. مع زملائه. يعيش في سلام. حتى مع البيئة المحيطة به من حيوانات وأشجار وأحجار. كله. لنادي كلها بيئة مسبحة. إحنا ما بنقطع الشجرة من غير لازمة. ما بنقتل حيوان غير الليون عشان عايزين ناكل. غير كده إحنا مش بنقتل حاجة. إحنا إحنا عايزين في سلام.

اسم الدين نفسه مشتق من هذا الاسم يا جماعة. الإسلام مشتق بنفس الجذر بتاع اسم السلام. س ل م. أنت لما بتسلم بتستسلم تماماً لقضاء الله وقدره. ولا واحد ساجد سجود التلاوة بيقول إيه؟ "أسلمت وجهي للذي فطره وشق سمعه وبصره". "أسلمت وجهي". وأنت بتنام بتقول إيه؟ "أسلمت وجهي إليك، اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجا منك إلا إليك".

فهذا الاسم مهم جداً. لأن روح الإسلام في هذا الاسم. هذا والله أعلى وأعلم.

إني داعٍ فآمنوا. اللهم أنت ربنا خلقتنا ونحن عبيدك، ماؤك وابناء عبيدك وأماؤك، نواصينا بيدك، ماض فينا حكمك، عدل فينا قضاؤك. اللهم إنا نسألك بكل اسم هو لك سميت به نفسك أو أنزلته في كتابك أو أطلعت عليه أحداً من خلقك. اللهم إنا اللهم ربنا رب السماوات ورب الأرض ورب كل شيء ومليكه، فالق الحب والنوى، منزل التوراة والإنجيل والقرآن العظيم. نعوذ بك من شر كل دابة أنت آخذ بناصيتها. أنت الأول فليس قبلك شيء، وأنت الآخر فليس بعدك شيء، وأنت الظاهر فليس فوقك شيء، وأنت الباطن فليس دونك شيء. اقض عنا الدين وأغننا من الفقر. اللهم أنت الله لا إله إلا أنت، أنت الغني ونحن الفقراء إليك. اللهم أغننا بالافتقار إليك، ولا تفقرنا بالاستغناء عنك. نعوذ بك من الفقر إلا إليك، ومن التذلل إلا بين يديك. اكفنا بحلالك عن حرامك، وأغننا بفضلك عمن سواك.

اللهم ما أمسى بنا من نعمة أو بأحد من خلقك فمنك وحدك لا شريك لك، فلك الحمد ولك الشكر. يا ربنا لك الحمد كما ينبغي لجلال وجهك وعظيم سلطانك. ربنا اغفر لنا ذنوبنا كلها، دقها وجلها، أولها وآخرها، علانيتها وسرها، ما قدمنا منها وما أخرنا، ما أسررنا منها وما أعلنا، وما أنت أعلم به منا. وأدخلنا في رحمتك وأنت أرحم الراحمين.

ربنا إنا نعوذ بك من همزات الشياطين، ونعوذ بك ربنا أن يحضرون. وتب علينا إنك أنت التواب الرحيم. اللهم أعزنا بطاعتك ولا تذلنا بمعصيتك. حسن أخلاقنا بالصفات الجميلة والأخلاق الكريمة. اللهم إنا نسألك حبك وحب من يحبك وحب كل عمل يقربنا إلى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغاً لنا فيما تحب. تحب. اللهم اجعل حبك أحب إلينا من أهلينا وأموالنا ومن الماء البارد على الظمأ. اللهم حببنا إليك وإلى ملائكتك وأنبياء ورسلك وعبادك الصالحين. واجعلنا ممن يحبك ويحب ملائكتك وأنبياء ورسلك وعبادك الصالحين. اللهم أحيي قلوبنا بحبك واجعل لك كما تحب. اللهم اجعلنا نحبك بكل قلوبنا ونرضي بكل أجسادنا. اللهم اجعل حبنا كله لك وسعينا كله في مرضاتك. اللهم اجعلنا ممن أحصوا أسماءك الحسنى وبلغتهم بها جنتك.

اللهم اجعل القرآن الكريم ربيع قلوبنا ونور صدورنا وجلاء أحزاننا وذهاب همومنا وغمومنا ومغفرة ذنوبنا. أسأل الله العلي العظيم أن يجعل هذا التدبر في ميزان حسناتي وحسناتكم جميعاً. اللهم فاطر السماوات والأرض عالم الغيب والشهادة، أنت تحكم بين عبادك فيما كانوا فيه يختلفون. فبحق كل حرف في كتابك تلوناه أو تدبرناه، اكفنا وأهلينا وإخواننا وأخواتنا شر كل من يكيد لنا ولهم. واحفظنا وإياهم من شرورهم. اللهم نجعلك أنا نجعلك في نحورهم، فانت الوكيل ولا حول ولا قوة إلا بك. اللهم بحق كل حرف في كتابك تلوناه أو تدبرناه، أيد بنصرك المرابطين المجاهدين في الأرض المباركة فلسطين. يا حي يا قيوم برحمتك نستغيث. اللهم سدد رميهم وخيب رمي عدوهم. اللهم إنك إن تنصرهم تنصر أولياءك على أعدائك. اللهم انصر أولياءك على أعدائك. اللهم اهدِهم واهدِ بهم واجعلهم سبباً وسبيلاً لمن اهتدى. ارحم شهداءهم، داوي جرحاهم، عافي مرضاهم، وحد صفوفهم، احفظهم من بين أيديهم ومن خلفهم. وأذن لكتابك أن يحكم ولشعبهم آية يرفع بها لواء الإسلام. اللهم نكس راية أعدائهم وأعدائك. نكس راية اليهود المعتدين الصهاينة. أزل دولتهم واجعلهم لكل ظالم عبرة. وكن مع إخواننا في تركستان الشرقية وفي الشام وفي كشمير وفي الهند. انصر من نصرهم واخذل من خذلهم. وطهر المسجد الأقصى من الدنس. فإنهم لا يعجزونك. اللهم احفظ المسلمين من الزلازل والغرق والهدم والأمراض. اللهم يا من جعلت النار برداً وسلاماً على إبراهيم، اجعل السجن برداً وسلاماً على عبادك المسجونين وأماك المسجونين. أنس وحشتهم، عجل بفرجهم، أحسن خلاصهم، فرج كربهم. كن مع المبتلين من عبادك المهجرين من ديارهم. ضاعف ثوابهم. ثبتهم على دينك. إن كانوا جياعاً فأطعمهم. إن كانوا حفاة فاحملهم. إن كانوا عراة فكسهم. إن كانوا مرضى فعافهم. إن كانوا مقهورين فانصرهم. اشف صدور عبادك ممن ظلمهم. أرِ فيه يوماً كاليوم الذي شققت فيه البحر لموسى وهارون وأغرقت فيه عدوك. وحسبنا الله ونعم الوكيل. اللهم اشف مرضانا واهد شبابنا وارض عنا وردنا واجمعنا في ظل عرشك يوم لا ظل إلا ظلك. واسقنا من يد سيدنا محمد شربة هنيئة لا نظما بعدها أبداً. ولا تحرمنا لذة النظر إلى نور وجهك الكريم. اللهم أسلمنا وجوهنا إليك، وفوضنا أمرنا إليك، وألجأنا ظهورنا إليك، رغبة ورهبة إليك، لا ملجأ ولا منجا منك إلا إليك. اللهم إنك تعلم أن هذه القلوب قد اجتمعت على كتابك وعلى محبتك، والتقت يا ربنا على طاعتك، وتوحدت على دعوتك، وتعاهدت على نصرة شريعتك، فوثق اللهم رابطتها، وأدم ودها، واهدها سبلها، واملأها بنورك الذي لا يخبو، واشرح صدورها بفيض الإيمان بك وجميل التوكل عليك، وأحيها يا ربنا بمعرفتك، وأمتها يا مولانا على الشهادة في سبيلك. إنك نعم المولى ونعم النصير. وصل اللهم وسلم على سيدنا محمد وعلى آله وصحبه ومن تبع هداه. والسلام عليكم ورحمة الله، ونراكم الأسبوع القادم بإذن الله إن كنا من أهل الدنيا. السلام عليكم.