Transcription
الرقم اللي انت لو وصلت ليه تقدر تبطل شغل وتعيش حياتك مرتاح من غير خوف ان الفلوس دي تخلص يا ترى مليون ولا اثنين ولا ثلاثه. الحقيقه بقى لا ده ولا ده ولا ده. في قاعده اقتصاديه لو انت عرفتها هتقدر تغير حياتك بالكامل.
القاعده دي اسمها قاعده ال 4%. ظهرت القاعده دي لما الاقتصاديين حاولوا يجاوبوا على سؤال بسيط: ازاي اقدر اعيش عمري من غير ما فلوسي تخلص؟ الإجابة بسيطة جدا: اجمع مبلغ معين واسحب منه 4% كل سنة للمعيشة وساعتها فلوسك هتعيش معاك 20 سنة أو أكتر من غير فلوسك ما تخلص.
تهت انت مني صح؟ فخليني بقى اشرح لك الموضوع بمثال بسيط. لو انت مصاريفك الشهرية حوالي 1000 دولار أو أكتر أو أقل، بس خلينا نقول 1000 دولار. بس كده هتكون مصاريفك السنوية 12000 دولار. هتضرب مصاريفك السنوية دي في 25 فالنتيجة هتكون 300000 دولار. هتقول لي اشمعنى تحديدا 25؟ لأن ال 4% في 300000 اللي هم ال 12000 اللي هم مصاريفك السنوية. فباختصار كده لو انت بتصرف 1000 دولار شهريا فانت محتاج يكون معاك 300000 دولار وتقدر تقدر تعيش على العائد واصل الفلوس هتسيبها تفضل تستثمر وفي الحالة دي هيتخطى التضخم ويخلي ثروتك مستمرة.
القاعدة دي مش قاعدة نظرية، ده الأساس العلمي لحركة فاير العالمية اللي هي اختصار لـ Financial Independence Retire Early ومعناها الاستقلال المالي للتقاعد المبكر. الحركة دي ظهرت في الولايات المتحدة الأمريكية بعد صدور كتاب Your Money or Your Life اللي انتقد نمط الحياة إنك تفضل تشتغل لحد سن 60. فهو بيدعي الناس في إعادة التفكير فكرة العمل والوقت وتحولت الحركة دي بعد كده لإنما ثورة مالية على نمط الحياة التقليدي خصوصا بين الشباب لأنها بتجاوب على سؤال مهم جدا: هل لازم اشتغل 40 سنة علشان أقدر أعيش؟ الفكرة الأساسية إنك تبني ثروة تقدر تعيش منها من إعادة الاستثمار بدل ما تعيش على مرتب الوظيفة. فبدل ما تعتمد على وظيفتك، لا تعتمد على ثروتك.
ودلوقتي الموضوع بقى ملح أكتر، ليه بقى؟ بسبب انتشار أعمال الفريلانس فبقى في وظائف كتيرة مش مرتبطة بمعاش نهاية الخدمة. هنا بقى السؤال المهم اللي الكل بيسأله: هو الوصول لـ 300000 دولار سهل كده؟ تعال نحسبها بالأرقام الفعلية والعائد المركب. لو انت استثمرت 500 دولار شهريا فاداة بتحقق لك 10% سنويا على المدى الطويل بعد 20 سنة هتلاقي نفسك جمعت 344000 دولار تقريبا كده. في حين بقى لو انت مش بتستثمر المبلغ ده فهيكون بعد 20 سنة 120000 دولار. وده معناه إن انت وصلت لرقم التقاعد بدون ورث ولا شركة ولا معجزة.
طب لو انت فكرت تستثمر 1000 دولار شهريا مش 500؟ بعد 15 سنة هيكون معاك حوالي كده 417000 دولار يعني وقت أقل ورقم أكبر. أما لو شاب عنده 25 سنة مثلا وحب يستثمر 300 دولار شهريا لمدة 25 سنة هيوصل لعمر ال 50 ومعاه 393000 دولار رقم يكفي حياة كريمة جدا في أغلب الدول العربية.
لكن لازم تعرف حاجة مهمة: قاعدة ال 4% مش هتشتغل لو محفظتك مبنية غلط. لازم يكون في توازن بين العائد والأمان. وهنا بقى نوصل لنقطة مهمة جدا إن محفظتك لازم تكون مقسمة ما بين 60% أسهم أو صناديق مؤشرات أو أسهم توزيع أرباح وال 40% تكون في سندات أو أدوات تانية منخفضة المخاطر. وحاليا في مصر وفي الدول العربية انت اصلا ما بتشغلش بالك بالكلام ده هتلاقي في صناديق متوازنة هي بتوزع الفلوس بالطريقة دي 60 40. مش مطلوب منك غير إن انت تشتري وثائق في الصندوق والخبراء بيديروه. وكل ما تقرب للتقاعد لازم تقلل المخاطر وتزود الأمان. وده اللي اعتمدت عليه دراسة ترينت ستديز اكت دراسة محترمة في الموضوع ده واللي أثبتت إن استراتيجية ال 4% فعالة على مدى عقود.
في النهاية القاعدة دي فضلت أقوى طريقة للإجابة على أصعب سؤال: إمتى أبدأ أبطل شغل؟ وماليين حوالين العالم استخدام القاعدة دي لأنها بتديك خطة واقعية مش حلم وبتديك حرية بدل ما تدفع عمرك كله في وظيفة. الخلاصة واضحة جدا: احسب مصاريفك السنوية واضرب مصاريفك السنوية دي في 25 وابني محفظة متوازنة والتزم إنك تسحب من الفلوس دي 4% سنويا بس. وقتها بقى هتضمن دخلك وتضمن مستقبلك كمان وتضمن حياة من غير خوف إن الفلوس تخلص. وطبعا كل ما تبدأ بدري هيكون أفضل. فكر انت بقى فيها واعمل سيف للفيديو علشان هتحتاجه وقولي انت بقى لو حسبتها مطلوب يكون معاك م.