طريق النجاح | الحلقة 02 | د.إبراهيم الفقي

بسم الله الرحمن الرحيم. السلام عليكم ورحمه الله وبركاته.

فإذا عزمت فتوكل على الله. إن الله يحب المتوكلين.

من أحلى الكتب اللي أنا قرأتها في حياتي. ولو كنت اكتشفت كتاب زي كده كان أثر كتير جدا فيا. وكان يعني عارف كان عداني على سنين كبيرة من التحضيرات والتوضيب. يمكن الدكتوراه اللي خدت مني ست سنين كانت خدت مني أكتر مافيش. أكتر من سنتين.

كتاب كتبه الشيخ الشعراوي الله يرحمه. هو بيتكلم في اسمه خواطر. ويقول لك في ده عزم فتوكل على الله. اتعلمت منه حاجات كتير جدا جدا. ففتحت لي آفاقي وبدأت أوسع الآفاق إني أفتش أكتر وأكتر. عارفين كلمة "إذا"؟ فإذا يعني معنى كده إنها شرطية. إنك لازم تقرر. فإذا إن الله لا يغير ما بقوم حتى يغيروا ما بأنفسهم.

إحنا اتفقنا إن الناجح. في فرق بين النجاح الكاذب والنجاح اللي هو الحقيقي. النجاح الكاذب اللي الشخص فاكر إن الأسباب هي اللي بتنجح. فاكر إن الحياة هي اللي بتنجح. فاكر إن التكنولوجيا أو فلوسه أو علاقاته أو شخصيته أو جاذبيته. كل ده ماشي هيساعدك. ولكن إذا لم تتوكل على الله سبحانه وتعالى حياتك تبقى ملخبطة آخر لخبطة. لأن لازم تتوكل على الله عز وجل. ربنا خلقك وعاوزك تاخد بالاسباب الأول وبعدين تتوكل عليه. فشوف الروعة في الكلام. فإذا ده قرار. إن الله لا يغير ما بقوم حتى يغيروا ما بأنفسهم.

طب طب يا رب أنا بتوكل عليك. ممكن تساعدني؟ ربنا سبحانه وتعالى يقول لك أنا ساعدت قبل ما تتولد. لأن كل الأسباب جواك. وكل الأسباب حواليك. إنك تتعلم كمبيوتر دي هدية. من رزق. إنك تعرف لغات رزق. إنك عندك علاقات ده رزق. صحتك موجودة ده رزق. أنت بتفكر ده رزق. فأنت لازم تاخد بالاسباب الأول.

فلما تقول "فإذا" يبقى قرار. كلمة قرار هنتكلم عليها بالتفصيل بعد كده. عارف كلمة قرار يعني قاطع. دي جاي من كلمة إغريقية اسمها "دوكاتي". دوكاتي يعني قاطع. يعني بتاخد قرار قاطع إنك تنجح. ربنا سبحانه وتعالى عاوزك تنجح. عاوزك عاوزك تكون سعيد في حياتك. بس ما تنساش إنك ما تتوكلش على نفسك. عارف لو أنت تاخد نقطة ميه من المحيط. ونقطة الميه دي تقول لك أنا خرجت من المحيط فانا حرة. أنا لوحدي ممكن أتصرف لوحدي. نقطة الميه دي تتبخر في لحظات. لكن جوه المحيط قوة. فلما ببص أنت خارج فاكر نفسك إن أنت ممكن تنجح لوحدك. هتلاقي أنت في الدنيا خلاص بتتلخبط آخر لخبطة مع الأسباب. عشان كده "فإذا" يبقى لازم تقرر. قرار قاطع. قرار تقول أنا قررت من أول النهارده إني أنا أنجح. هو نجح أحسن مني في إيه؟ ده سؤال أنا كنت أسأله نفسي من صغري. لما كنت عاوز ألعب تنس طاولة ولقيت إن في أكتر من 2000 لاعب كلهم رائعين كلهم ممتازين. وعارف ولاد الحلال كتير. عمرك ما هتنجح يا راجل بلا خيبة. عارف كان غيرك اشطر. بص على اللي حواليك. في ناس حريفة إن يخليك تقعد في بيتكم مكتئب طول حياتك.

فعشان كده بقول الناس ما تسمعش كلام دول. لكن أنا قررت. كنت بتدرب كل يوم ست ساعات. لغاية ما بقيت بطل مصر. وبعدين مثلت مصر في بطولة العالم. الناس دول يبصوا لك بعد كده يقول لك أنا أنا كنت متأكد إن أنت ممكن تنجح.

أنا هقول لكم حاجة. حتى ممكن جدا حد يكون حواليك. حد يكون قريب منك. حد يكون يكون قريب منك جدا. والدتك أو والدك بيكلمك كلام بس ما يقصده بحب. أنا والدتي الله يرحمها كانت تقول لي "أهو لو فلحت إيه يا ماما؟ ربيتي دقنك". يعني عارف إيه إيه؟ "أهو لو نجحت". وبعدين لما دخلت معهد الفنادق قالت لي "قالت معلش يا ابني ما تزعلوش منه ده ضار". لأن وقتها كان تخش الفنادق وقتها تبقى جرسون. تبقى هتشتغل. تروح تتجوز. أنت بتشتغل إيه يا حبيبي؟ تقول له أنا كابتن. إيه كابتن؟ يعني بتشتغل سمك؟ أمشي بتن ما بتتجوزش. هو ده اللي كان الوضع. النهارده بقت كلية بتخش بـ 90% أو أكتر. لكن إحنا في وقتنا كان عيب تشتغل الشغلانة دي. وبعدين معظمنا وصل للإدارة العليا من تحت الصفر. فبعد كده لما وصلت بقيت مدير عام. والدتي الله يرحمها قالت لهم "مش قلت لكم أخوكم عبقري". وبعدين لما جبت سِبت الفنادق بعد ما كنت مدير عام بره وفي كندا. قالت لهم "قلت لكم". معلش ضرب ما حدش ادعوا له. ادعوا له ربنا يهديه. ولما جيت اشتغلت دي وشافتني في التليفزيون بشتكي. أخوكم عد قاري الواد كويس. لو هتقعد تسمع كلام ناس هتجن.

عشان كده توكل على الله سبحانه وتعالى. خد بكل الأسباب. حط أفكارك في الفعل. ولو تقع اقف تاني. لو تقع لغاية إمتى؟ لغاية ما تحقق هدفك. اليابانيين قالوا حاجة عجبتني جدا. قال لك لو وقعت ثلاث مرات اقف أربعة. لو وقعت أربعة اقف خمسة. وقعت خمسة اقف ستة. لغاية إمتى؟ لغاية ما تحقق هدفك. والصينيين قال لك حاجة عجبتني جدا. قال لك لو وقعت والحياة خبطتك خبطة. لما تيجي تقع اقع على ضهرك. لما تقع على ضهرك هتبص لفوق. لما تبص لفوق شد نفسك واقف لفوق. لكن معظم الناس يقع على وشه ويستقر ويقعد يشتكي ويلوم ويتكلم كلام فارغ زي قيتها.

عشان كده لما تيجي تقول دلوقتي "أنا خلاص عزمت يا رب وهاخد بكل الأسباب". خلاص. العزيمة جاية من العزم. جاية من القوة. من القوة الذاتية. القوة دي النهارده بتستخدم قدراتك اللي لا محدودة. هنتكلم عليها بالتفصيل بعد كده. قوة لا محدودة. ما عندكش فكرة عن قدراتك. أنا معظم الكتب اللي أنا قرأتها آلاف. لما أقول آلاف. الناس اللي جول لي على كندا. أول جروب طلعته في التنمية البشرية. اللي هم معظمهم دلوقتي مدربين كبار وكتاب ماكوش صدقين. لكل ده قرأته. اسألني في أي كتاب يا ابني في القراءة السريعة. ممكن تقرا كتاب كله في ساعة. خش في الإنترنت وفتش بنفسك. ما تقولش على حاجة ما تعرفهاش إنها مش موجودة. ما تحكمش على حاجة ما تعرفهاش. حط نفسك في أفضل الأسباب عشان تنجح. مش عاوز تنجح؟ طب إيه اللي أنت بتعمله عشان تنجح؟ أنت مش عايز تخش الجنة؟ أنا ناس عايز تخش الجنة. يقول لك طبعاً. طب إيه اللي أنت بتعمله؟ أنت لو شفت جهنم عندك فكرة. عارف هتشتكي من الناس كلهم. خد يا رب خد كل دول. بس أنا لا. عارف ليه؟ لأن أنت عملت ضيعتك على الفاضي.

فلما تيجي تفكر من أول النهارده تقول "أنا قررت إني أنا أنجح". قررت. ده قرار واعي. قرار واعي إني أنا عايش. عايش. أنا عندي واحد من مدرسيني الأولانيين اللي هو كان دكتور روبرت شولر. اللي عمل الكريستال كاتدرال. دكتور روبرت شولر لما عمل كريستال كاتدرال كانت هتتكلف 75 مليون دولار. فجاله له يعني مهندس معماري وراجل بتاع الميزانية. أدوله الميزانيات. هتكلف المبلغ ده. قالوا له معاك كام؟ قالوا لهم ولا نكلة. قالوا له طب "إمبوسيبل". يعني مستحيل. قال لهم ادي القاموس. طلعوا لي منه كلمة مستحيل. قعدوا فتشوا مالهاش. راح مطلعها من مكتبه. قال لهم أصل أنا قطعتها من 25 سنة. ما فيش حاجة اسمها مستحيل. حتى كلمة "إمبوسيبل". أول حرف "آي". تاني حرف "إم". وبعد كده "بي". "إيه". "بل". مين ده اللي ممكن يقول لك أنا مش الاستحالة اللي أنت بتحطها على نفسك فقط. لما تقعد تشتكي وتقعد تصدق نفسك وتقعد خلاص تكتئب وتصدق إنك مكتئب. بتضيع كل لحظة. وممكن تكون آخر لحظة في حياتك.

فعشان كده لما تيجي تفكر أول حاجة خد بكل الأسباب. قرر قرار واعي. أنا قررت أكون كويس. قررت أن أكون أفضل حاجة في حياتي. طالما أنا عايش. عايش. مش عايش. عايش. ما تخلي حياتك رائعة. طالما عايش. عايش. ما تعلي حياتك رائعة. الكلمة دي مش سهلة. خلي حياتك رائعة. يكون وزنك رائع. ليه تكون تخين؟ ليه تكون وزنك زيادة عن اللزوم؟ ليه تشيل وزن يتعب ضهرك ويتعب ركابك؟ تلاقي نفسك ماشي تعبان. ليه أنت تكون على طول أصابك بايظة؟ ليه يعني؟ ليه ما تكونش رائع؟ فن الاتصال. ليه ما تكونش مبتسم؟ ليه حياتك ما تكونش رائعة؟ ليه لا؟ فاهم إزاي؟

لما تيجي تفكر "ليه لا". في ناس تقول لك "ليه أنا؟". بقول "ليه لا". "ليه لا". "ليه لا". يعني إيه السبب إن أنا؟ أنا ممكن أحط على نفسي أحكام وأسجن نفسي مع مع السجن الداخلي. مع مع الحاكم الداخلي. هكلمكم عليها بالتفصيل الحاجات دي في قوة الإدراك. القاضي الداخلي ممكن يحكم عليا بالأحكام. عارف بالإعدام. إعدام ده إيه ده سجن داخلي. عمال يقول لنفسي أنا فاشل. أنا ضعيف. أنا ما عنديش ذاكرة. أنا ما عنديش تركيز. أنا عصبي. أنا ما عنديش صبر. أول ما تقول "أنا" أي حاجة بعدها بقت اعتقاد. ولما تكررها خلاص بقت جزء منك. فلازم تاخد بالك أنت بتقول لنفسك إيه.

عشان كده أول حاجة معانا "فإذا عزمت". العزم قرار. الأول قرر. وبعد كده العزم. هتعمل إيه بقى؟ أول حاجة فيها لازم تعرف قدراتك وتعرف إمكانياتك. هنتكلم عن الفرق بين الاثنين. لناس تيقول لك أنا ضعيف. لا. ثانية واحدة. ده ده قدرات لا محدودة. دي معجزات. دي القدرات. طب إيه هي الإمكانيات؟ الإمكانيات اللي أنت اتعلمتها دي. اللغات اللي أنت اتعلمتها. الدراسات اللي أنت أخدتها. التجارب اللي أنت شفتها في الحياة. دي نشاطات حياتك. لكن اللي أنت بتتكلم عنها دي قدراتك الرائعة. بتستخدمهم في إمكانياتك. بتستخدم إمكانياتك وتحطها في الفعل.

فأول حاجة لازم يكون عندك معرفة تامة بقدراتك. وهنتكلم عليها بالتفصيل. وعندك عندك فكرة عن إمكانياتك. وتاخد الاثنين دول. اللي بعدها على طول أهداف. مش ممكن إطلاقاً تقدر تحقق حاجة ما تعرفهاش. تخيل أنت واحد مثلا ماسك. عارفين السهم. عملية ماسك سهمه بيحدفه ويبص ورا. وبعدين يقول لك الله ده ما مسكش في حاجة. هو أنت عارف أنت رايح فين؟ فالنهار في مصر بيقول لك إزاي إنسان من غير هدف زي مركب من غير دفة. الاثنين بينتهوا على الصخر. لأنك مش عارف رايح فين. عارفين فيلم أليس في بلاد العجائب؟ رايحة بتقول للقطة اسمها "سو شاير بوس". بتقول لها يا قطة قولي لي أروح فين من هنا؟ قالت لها يتوقف. عايزة تروح فين؟ قالت لها ما أعرفش. قالت لها باي طريق ممكن يوديك. اللي ما نعرفش ده. فما تزعليش بقى لما أي طريق يوديك. ن أنت مش عارفة طراح فين. يبقى أي طريقة ممكن تجيك هناك.

فمن أول النهارده قرار قاطع. قرار قاطع. قررت بإذن الله إني أنا أنجح. فانا ده قرار. "إذا". والعزم إنك تعرف قدراتك وتعرف إمكانياتك وتحسن فيها. وتعرف أهدافك. وبعدين تخطط لأهدافك. خطط لحياتك. إنك تقعد تخطط. امسك ورا وقلم. وهنتكلم على دول بالتفصيل برضه. بس أنا بتكلم دلوقتي على الجملة دي. على الروعة دي. "فإذا عزمت". فالعزم تعرف قدراتك وتعرف إمكانياتك. ومن هنا طالما عرفت الاثنين دول. قدرات وإمكانيات. لازم تعرف أهدافك. ومن الأهداف تبدأ تخطط. ولما تخطط تحطها في الفعل. ولما تحطها في الفعل تقيم اللي أنت بتعمله وتعدل في تقييمك وتتعلم منه. وتحطها تاني في الفعل. عملت خلاص كل دول؟ كل ده رائع. يبقى لازم تكون متفائل. لأن أول ما توصل لمرحلة التفاؤل هنا. أنت عارف أنت بتقول: أنا يا رب عزمت وقررت وعندي رغبة عالية. وعرفت قيمي. عرفت أفكاري. عرفت قدراتي. عرفت إمكانياتي. عرفت أهدافي وكتبتها وبخطط لها. وأحطها في الفعل. وبعدين وأنا بحطها في الفعل هبدأ ألاحظ وأقيم وأعدل وأتعلم. طول ما أنا ماشي في السكة. وبعدين أحطها تاني في الفعل. عملت دول وعملت اللي عليا. يبقى لازم تكون ملتزم. دول أنا بسميهم القوة الثلاثية. إيه هي الالتزام والإصرار والانضباط؟ دول لازم تعرفهم الثلاثة. وفي فرق على فكرة بينهم. بس كل واحدة بتوصل للتانية. أنا ممكن أكون ملتزم شوية. وبعدين ما أكونش ملتزم تاني. ما الناس اللي عايزة تنزل وزنها. ما هو ملتزم ملتزم شوية. طب مش عايز ينزل؟ مش عارف ينزل وزنه. مش عاوز؟ عاوز. طب ما بينزلش وزنه ليه؟ العادات. وإحنا نتكلم برضه عليها إن شاء الله بالتفصيل.

فلما ترجع تبص تلاقي أنا ملتزم ومصر على التزامي ومنضبط فيه. فالانضباط ده الاستمرارية. وأنا شفت الروعة. شوف الرسول عليه الصلاة والسلام بيقول لك إزاي "أحب الأعمال إلى الله أدومها ولو قل". دي الاستمرارية. شوف الرسول عليه الصلاة والسلام بيكلمنا في إيه من كام سنة؟ وإحنا بنتكلم على الاستمرارية. "كونسيستنسي". الانضباط. الانضباط النهارده بيخلي الإصرار أقوى. والإصرار يقوي الالتزام أقوى. ودول ثلاثة بمثابة القوة الثلاثية. لأن ملتزم ومصر ومستمر في ده. ففي الحالات دي أنت عرفت بالضبط قدراتك. كل إحنا بنتكلم في العزم. عرفت قدراتك. عرفت إمكانياتك. عرفت أهدافك. خططت لها. حطيتها في الفعل. وطول ما أنت بتحط في الفعل بتقيم وبتعدل وتتعلم. وتحطها تاني في الفعل. وتستمر على كده لغاية ما تحقق هدف. تكون ملتزم. وأنت ملتزم بتصر. وأنت بتصر منضبط. بتعملها باستمرار. عملت كل دول؟ لا. فاضل حاجتين كمان. اللي بعدها على طول التفاؤل. "تفائلوا بالخير تجدوه". الجملة دي فيها 672 قانون من قوانين نشاطات العقل الباطن. قانون العقل الباطن إن كل حاجة تفكر فيها تتسع وتنتشر. "تفائلوا" ده أمر مباشر مستمر في الزمن. "تفائلوا" مستمر في الزمن. بإيه؟ بالخير. يعني دي الوسيلة. طب يحصل إيه؟ تجده. يعني معنى كده حاجة. ده قانون التوقع. وده قانون الجذب. وده قانون العودة. وده قانون الرجوع. لما تيجي تفكر فيها. يبقى معنى كده إن "تفائلوا بالخير تجدوه". هنتكلم على دول. عشان بس تبقوا فاكرين معايا. اعرف قدراتك. اعرف إمكانياتك. بكلم في "إذا عزمت فتوكل على الله إن الله يحب المتوكلين". هنتكلم تاني بالتفصيل عليهم. لا ما نعرفش إزاي نستخدمهم بإذن الله. بس خليك معايا. أوع تروح كده ولا كده. أنا شايفك. أوع تروح كده ولا كده. خليك معايا. هنكمل بعد [موسيقى] الفاصل.

فإذا عزمت فتوكل على الله سبحانه وتعالى. إن الله يحب المتوكلين. بنتكلم على "فإذا" يعني شرطية. شرط لازم تقرر. أنت تقرر. لأن "الله لا يغير ما بقوم حتى يغيروا ما بأنفسهم". فكل جواك. "وفي أنفسكم أفلا تبصرون". ده أنت جواك الصورة الذاتية والتقدير الذاتي وتحقيق الذات والثقة في النفس والمثل الأعلى الذاتي والقيم والاعتقادات والقدرات. كله جوه. فتبصر. لما تقعد تقول يا رب غيرني. ما ينفعش كده. لازم تاخد الأول بكل الأسباب. عشان كده "فإذا". إن الله لا يغير ما بقوم. لازم تاخد. لازم تقرر. القرار. تقرر زي ما قلنا المرة. يعني أقرر. أنا قررت أنجح. زم. أنا وأنا صغير قررت أنجح. ليه ما تكونش متميز؟ ليه تقعد تشتكي طول النهار؟ "ولما مفيش شغل". هقول لكم حاجة. قررت دي. أنا كنت بلد من بلاد الخليجية. وكنت برنامج تليفزيوني. واحد كلمني كون على الهوا. قال لي يا دكتور "فنشي" هناك عندهم "فنش" و"بلش". قلت له طب وبعدين "فنشي" ليه؟ قال معرفش. هو أنت "أفنش" كده وخلاص؟ ما هي "فنشي" تاني. قال لي عايز أعرف. أنت تعرف لغات؟ قال لي مش بطال. أخلاقك عاملة إزاي؟ قال لي بيقولوا عليها عصبي. إيه تاني؟ بيقولوا عليها كسلان. حسن دول قبل ما تدور تاني. يبقى لازم تحسن نفسك. اتعلم من التحدي. اظبط نفسك فيه. ارجع تاني. زي ما أنا بسميها "ماسيف أكشن". يعني بتوصل لمرحلة تحط نفسك في الفعل. في كم شركة موجودين عندك هناك؟ قال لي معرفش. بس كتير. شفتهم كلهم. قال لي لا. وأكتر من مرة. قال لي لا. شوفهم كلهم وأكتر من مرة. لغاية ما يزهقوا منك ويبلشوك. اشتغل. سافرت على كندا. كلمني هناك. مش عارف أشكرك إزاي. أنا بلشت. أكني قلت له معجزة. طالما أخدت بالاسباب صح. وتتوكل على الله سبحانه وتعالى. إن الله لا يضيع أجر مع أحسن عملا. افتكر كده. ربنا سبحانه وتعالى مش ممكن يضيع أجرك إطلاقاً. بس لازم تاخد بالاسباب الأول. قرر معايا الأول. وبعدين اعرف قدراتك اللي لا محدودة. ربنا خلقك في أحسن تقويم. سخر لك السماء والأرض وما بينهما. ده أنت ما عندكش فكرة عن معجزاتك عاملة إزاي. فدي ما تبقاش اكتئاب ولا إحباط. دي قدرات. خد القدرات دي. وبعدين اعرف إمكانياتك وحسن فيها. بتعرف لغات كويس؟ بتعرف إيه؟ إيه اللي أنت كويس فيه؟ إيه الحاجة الوحيدة اللي أنت كويس فيها؟ ومن هنا أهدافك. امسك ورا. اعرف إيه اللي نفسك فيه. ما تقعدش تحدد الناس. الناس بتقعد تقول أهداف. هنتكلم عليها بالتفصيل بعد كده. وروح حطت الهدف. وحط هدف كبير عليه. وقول لك أنا مش قادر عليه. معلش. هو الهدف في المستقبل. أنت بتحل له بإيه؟ باللي أنت عندك النهارده. ما أنت رايح له هناك. أنت النهارده أول سلامة تطلعها. وكل سلامة حط ديك للسلامة اللي بعدها. ودي الرؤية الكبيرة. لكن ركز على الرؤية. وبعد كده أنت كله على اللي أنت بتعمله دلوقتي. هتلاقي نفسك كل يوم بتطلع سلامة. بس هنا في مشكلة مع الأهداف. الناس عايزة يروح أهدافه من غير ما يعمل حاجة في الماضي. ما الماضي مليان كلاكيع ومليان تعبان نفسي ومليان حاجة بابا وماما وإخواتي والمدرسة والمدرسين. يبقى لازم تغير إدراكك في الواقع بتاع الماضي ده. عشان كده هنتعلم مع بعض إزاي تعمل تحويل في الإدراك اللاواعي. بحيث إن العقل الباطن. العقل اللاواعي ما يروحش بإحساس سلبي جامد ويدخلك تاني جوه الدايرة السلبية. هنظبطها مع بعض. وبعد كده بتبدأ هنا وترتب قيمك وتعيش اللحظة دي. وهناك بتبني المستقبل. لو ما تعملش كده. طول ما أنت ماشي في المستقبل هتلاقي نفسك وقفت.

إحنا كل ده بنتكلم "فإذا عزمت". قررت قرار قاطع. وأنت هنا على كده خلاص. طيب العزم. اتكلمنا إن أول حاجة بتعرف قدراتك. وبعدين بتعرف إمكانياتك. والفرق بين الاثنين. وهنتكلم عليهم بالتفصيل في الإدراك. القدرات هي اللي أداها لك الله سبحانه وتعالى. الإمكانيات اللي أنت اتعلمتها بنفسك. مش مبسوط من الفعل؟ مش مبسوط من النتيجة؟ غير حسن في نفسك. ما تقعدش تقول النتائج. أنا النتاج دي في أيدينا. الله سبحانه وتعالى. من هنا التوكل بقى. لأن العزيمة جاية من العزم. بتستخدم فيها الجوارح. بتستخدم فيها كل الأسباب. بتستخدم فيها الحواس الخمسة. بتستخدم أفكارك. بتستخدم حواسك. بتستخدم عينيك. بتستخدم ودانك. بتقرا. بتفتش. بتدور. بتاخد بكل الأسباب. بتحسن نفسك.

فإذا عزمت. قررت الأول. أنا بسألك دلوقتي. خد بالك. قررت ولا لا؟ ولا بس عمال تتفرج عليا؟ هي أغنية؟ أنا عايزك تحطها في الفعل. وبعدين تقعد يقول لك النجاح حظ. النجاح دول ناجحين. وأنا تعرف لو مطرحه أنا أكون أحسن منه بكتير. آه. الفرق بين الاثنين. ده بيحطها في الفعل. أنت بتشتكي. في ناس بيكون معاها دكتوراه ومش ناجح. إيه السبب؟ يقول لك أنا معايا دكتوراه. مستني وظيفة كبيرة. أنت بتبدأ من المكان اللي أنت فيه. وبعدين شوية شوية هتوصل للي أنت عايزه. وكلام ده مش كلام مجرد كلام وخلاص. أنا نفذته. وغيري نفذه. والناجحين اللي أنا قابلتهم في العالم والمعروفين عالميين. والحسابات بتقول بدأ من تحت تحت تحت الصفر. إن إحنا عندنا مثلا يقول لك أنا أنا كنت على الحديدة. أنا ما كانش معايا حديدة. عارف بتبقى من تحت الصفر بطريقة لن تتخيلها. التحديات. وهنتكلم فيها بعدين. كيف تتعامل مع التحديات.

"فإذا عزمت". العزم إنك تاخد بكل الأسباب. كل الأسباب كلها. يعني استخدم كل قدراتك وكل إمكانياتك. وخطط لأهدافك. وحطهم في الفعل. وأنا بحط حاجة في الفعل بقيمها وبلاحظ. يا ترى دي للنتائج اللي أنا عايزها؟ لو لا. أقيم وأعدل وأتعلم. وبعدين أحطها تاني في الفعل. واحدة واحدة. ومن هنا تلاقي نفسك أصبحت أفضل. وكل ما تتحط في موقف بتبقى أحسن. فلما ترجع للماضي تقول أنا تعبت من الماضي. لكن أنت اتعلمت من الماضي. فما تقعدش تقول الماضي كان صعب بالنسبة لي. له. هو ما كنتش أصبحت أنت عندك مهارة. فريح الماضي وركز على قدراتك.

من هنا خلاص. خدت كل دول. عرفت قدراتك. عرفت إمكانياتك. شايفين في ناس كتير بتقول لي يا دكتور لما بنيجي نبص عليك في التليفزيون بتكلمنا بسرعة. هقول لكم ليه دلوقتي. العقل الواعي اللي أنا بكلمك بيه ده لا يستطيع استيعاب أكتر من سبع معلومات زائد أو ناقص معلومتين. مين اللي قال الكلام ده؟ جورج ميلر من جامعة هارفارد. من خمسة لتسعة. عشان كده أرقام التليفونات تسعة. عشان أكلمك بشويش هتنام. طب أنا أكلمك بسرعة دي. لما بوصل على الأفكار بعدها سبع مرات مع مراكز الطاقة بتاعتك. لكن لما بكلمك في طاقة المعلومة. خد المعنى. خد قوته. خد طاقته. لكن كلمة بكلمة بكلمة بكلمة. ما دي المشكلة اللي إحنا بنتعلم بيها. بتتعلم بالمخ الشمال اللي قدراته لا تزيد عن 7% من قدراتك اللي موجودة بالنسبة لقدرة مخك. فانا بقول لك الفكرة وكررها تاني.

"فإذا عزمت فتوكل على الله إن الله يحب المتوكلين". "فإذا" ده قرار قاطع. العزم عزيمة. القوة. قوة ذاتية. يبقى لازم تاخد بكل الأسباب. استخدم قدراتك. استخدم قدراتك وإمكانياتك. وخطط للفعل اللي هو إيه؟ من أهدافك. يبقى أول حاجة القدرات. وبعدين الإمكانيات. وبعدين الأهداف. وبعدين الفعل. وبعدين تقيم وتعلم. وبعدين عدل وحطها تاني في الفعل. كده أنت ماشي بيهم. وبعدين أعمل إيه؟ إخواني الثلاثة. الالتزام والإصرار والانضباط. الالتزام إنك ملتزم بهدفك. مش هتسيبه إطلاقاً. ومصر عليه. ومنضبط فيه. دي يعني مستمر فيها. لو تعمل الثلاثة دول. يبقى فاضل حاجتين. التفاؤل والصبر. إنك تكون متفائل. لأن "تفائلوا بالخير تجدوه". أنا قلت لكم قبل كده إن كلمة "تفائلوا" ده فعل. ده أمر مباشر مستمر في الزمن. "تفائلوا" مش دلوقتي وبعدين لا. ده كل وقت. "تفائلوا" بإيه؟ إيه الوسيلة؟ بالخير. هتدينا إيه نتيجة؟ تجدوه. أنت عارف الحتة دي. أنا قلت قبل كده 672 قانون من قوانين الع. دي دكتورة أنا اللي عملتها. من قوانين العقل الباطن. قانون نشاطات العقل الباطن. أي حاجة تفكر فيها تتسع وتنتشر من نفس نوعها. قانون التفكير المتساوي. هتجيب لك أخواتها. قانون المراسلات. العالم الداخلي بيفكر بالتفاؤل. قانون الانعكاس. تنعكس عليه. 600 و7 قانون في الآخر خالص. حضراتكم القوانين دي تعمل إيه مع النجاح؟ بمجرد ما تقول "تفائلوا بالخير تجدوه". قانون التوقع. أي حاجة تتوقعها وتحط فيها أحاسيسك بتنجز بيك من نفس نوع أفكارك. عشان كده "تفائلوا بالخير تجدوه".

فإحنا وصلنا لمرحلة دلوقتي عرفنا شوية الحاجات دول. طب وبعدين؟ بعد ما أنا تفائلت وتوقعت الإجابة. الصبر بقى. الصبر هنا جا في الآخر. الصبر بعد ما عرفت قدراتك وإمكانياتك وأهدافك وخططت لها وحطيتها في الفعل وتفائلت وتوقعت. ومن كل ده تصبر بقى. هو الصبر ما جاش في الأول. واحد يقول لك أنا والله إن الله مع الصابرين. وتقعد في البيت تتفرج وما تعملش حاجة خالص. ودعوتك على الفاضي. هتصبر كتير. لأن هي ما تشتغلش كده. لازم أول آخد بكل الأسباب. خلاص أخدت بكل الأسباب. عملت كل اللي عليا. ومليون مرة عايز أدور على شغل. واحد يقول لي "مالقيش شغل". هو أنت دورت على كل الناس؟ دورت على كل الشركات؟ أنا لما سافرت على كندا. كنت قاعد مع ناس. في واحد فيهم ما بيشتغلش بقى له أكتر من سنة. الحكومة كانت بتصرف عليه. وعمال يدخن طول النهار ويتفرج على التليفزيون. وقال لي أنت إيه اللي جابك؟ عارفين البغبغان؟ إيه اللي جابك؟ ارجع مصر. بغبغان يا راجل. ارجع بلا خيبة. كان واحد من دول. نزلت دورت على شغل. لقيت شغل في 24 ساعة. شغل إيه؟ غسيل الصحون. عمري ما كنت بشتغل غسيل الصحون. كانت أول سلامة في درجات النجاح للإدارة العليا اللي أنا شايفها بوضوح. وفضل الله سبحانه وتعالى حققتها في ست سنين. هو قعد عمال يشتكي. بيدعي وقته عمال يدخن ويضيع ويشتكي. أصبح رائد في الشكوى. أصبح رائع في الشكوى. لأن العقل البشري بيكبرك على اللي أنت بتقوله له. بتقول له أنا فاشل. يقول لك أنا مصدقك وهدك على رأيك. وأنا قررت إني أكون ناجح.

فمن هنا "فإذا عزمت". وخدت خلاص بكل الإمكانيات. وخدت بكل القدرات. وبدأت تحطها فعلاً في الفعل. وتصبر. تتفاءل. ومن هنا تتوكل على الله. من القلب بقى. يا رب أنا عملت كل أسبابك. أنت خالق الأسباب وأنت بتحبني. أنا خدت كل أسبابك وتعبت واشتغلت بيهم وسافرت ودورت وتعبت ودرست. وتوكل على الله. فإيه ده؟ عزمت الأول. فتوكل على الله. طب إيه النتيجة؟ إن الله يحب المتوكلين. ربنا يحب دول. اللي بيعملوها كده. اللي بياخدوا بأسبابه. القدرات اللي أداها لك. كل الأسباب اللي جوه. ومن هنا بتحطها في الفعل. وتوقع الإجابة. وهنا في حاجة جميلة جدا. ربنا بشرك إن "الله لا يضيع أجر مع أحسن عملا". خايف ليه؟ الرزق ربنا وزعه. والعمر ربنا وزعه. ما تخافش من حد ولا تخاف من حاجة. حط نفسك في الفعل. وتوكل على الله. إن الله يحب المتوكلين.

هنا كلمة التوكل بقى. تتوكل على الله بقلب وبصدق وتوكل حقيقي. مش على الله 50 تانيين جنبه. زي أقول لك يا دكتور الحسد والحسد والسحر. ويقول لي كلام عجيب. وبعدين أقول له يا ابني ما عندك المعوزات. يعمل بيروح لحد يشوف له حجاب. أنت بتعمل إيه؟ يبقى ده مش توكل. ده التوكل على الله لوحده. تتوكل على الله سبحانه وتعالى. كلمة توكل يعني مستسلم. عارف لما أوكل محامي. لأن أنا بوكله. لأن هو يعرف حاجات أنا معرفهاش. لما تقول توكل يعني أنا عندي ضعف معين في حاجة. فانا بوكل محامي. أنا بوكل دكتور. أنا بوكل صديق. أنا بفوض لحد. هنا أنت بتوكل لمين؟ بتوكل على الله سبحانه وتعالى. فانا بقول يا رب أنا بتوكل عليك باستسلام تام. بحب تام. بقول لك قد إيه أنا ضعيف. لأن النتائج عندك أنت. وأنت يا رب طمنتني إن "الله لا يضيع أجر مع أحسن عملا". وهنا ده التوكل الصح. لما تقول "لا".

"فإذا عزمت فتوكل على الله إن الله يحب المتوكلين". بتاخد بكل الأسباب. قرار. خد بكل الأسباب. وتوكل على الله. وتأكد إن الله سبحانه وتعالى لن يضيع أجرك إطلاقاً. هو ده ربنا طمنا. فانت خايف ليه؟

فأنا عايزك معايا. عارف في الحلقة الثانية دي. عشان بعد كده هنتكلم في القدرات. قدراتك اللامحدودة. هنتكلم في الإمكانيات. هنخش في المفهوم الذاتي. هنخش في الإدراك وتفاصيله. هنخش في المثل الأعلى الذاتي. هنتكلم بعد كده في الصورة الذاتية وتحقيق الذات. تدير الذاتي. هنتكلم في العادات وإزاي نغيرها. عندنا طريق إلى النجاح مليان قدرات. مليان روعة. هي دي الحاجات اللي بتنجح هنا. بس بشرط. ما تنساش أبداً إن الله سبحانه وتعالى هو صاحب الأسباب. اعمل بدول. وتأكد إن إن شاء الله هتنجح. بس في حاجة. حذرك من حاجة. ما تخليش الأسباب تفتنك. يعني إيه تفتنك؟ تفتكر الأسباب هي اللي بتنجح. هي هي بتنجح. أنا كنت في برنامج تليفزيوني. قال لي يا دكتور هل العلوم الحديثة هي الحل؟ قلت له حل مين؟ الرسول عليه الصلاة والسلام قال لنا "تركت فيكم شيئين اثنين إن تمسكتم بهما لن تضلوا من بعدي أبداً. كتاب الله وسنتي". طب إيه الباقي ده كله؟ توسيع آفاق. توسيع آفاق. ربنا بيكرم علينا ببعض المعلومات. توسع آفاقك. متلخبط شوية. ربنا يديك هدية. فتلاقيها موجودة عندك. فتفرح أكتر. تلاقي هو دي الروعة. لما جت البرامج العصبية بتتكلم مع البصريين والسامعين والحسيين. موجودة في القرآن. "أفلا تبصرون". ربنا بيكلم بصريين. "أفلا تسمعون". بيكلم السمعيين. "أفلا تعقلون". بيكلم الكل والعقل. "أفلا تشعرون". بيكلم الحسيين. فربنا بيوسع آفاقك. فما تخليش الأسباب تفتنك. وتفتكر إن الحل في الأسباب. وتلاقي نفسك ضايع في الدنيا. فلوس ورا فلوس ورا فلوس. وتلاقي نفسك أحلامك وأهدافك كلها دنيوية. عشان هنا 90% منهم حسب جامعة هارفارد مصابين بإيه؟ بالاكتئاب. فخلي الأسباب تخدمك.

"فإذا عزمت فتوكل على الله إن الله يحب المتوكلين". وافتكر باستمرار. لا أنت طولك ولا عرضك ولا العنوان اديته لنفسك. ولا اداه لك الناس. ولا أنت اكتئاب ولا إحباط ولا قلق. أنت مين؟ أنت أفضل مخلوق عند الله عز وجل. أنت اللي سخر لك السماء والأرض وما بينهما. أنت اللي مخك فيه 150 مليار خلية عقلية. أنت اللي جسمك لو توصل الطاقة بتاعته ببلد تولد كهرباء لمدة أسبوع. ده أنت عندك روعة. ده أنت حقيقتك. ففرق بينك وبين نشاطات الحياة. إحباط. دي نشاطات وتحديات الحياة. لكن أنت معجزات في معجزات في معجزات في معجزات. استخدم هذه المعجزات وحطها في الفعل. وعشان تفتكر باستمرار عيش كل لحظة. لأن والله ممكن تكون آخر لحظة في حياتك. ما تضيعش وقتك. عيش كل لحظة كأنها آخر لحظة في حياتك. عيش بحبك لله سبحانه وتعالى أولاً. وبعدين بتطبع بأخلاق الرسول عليه الصلاة والسلام. والرسل والأنبياء والصحابة والأوس. اتعلم من أخلاقهم. اتعلم من الروعة. بعدين على طول إيه؟ الكفاح. وطالما في كفاح يبقى الفعل. وطالما في فعل يبقى التزام واصرار. فاكرين الثلاثة دول؟ وانضباط. وطالما عملت دول. تفاءل بالخير هتجد. وبعدين بالصبر. وقدر قيمة الحياة. ولغاية ما أشوفكم المحطة الجاية في الطريق إلى النجاح. وهنتكلم بالتفصيل على القدرات اللامحدودة للإنسان. أقول لكم من أول النهارده اصحى. نظف التراب اللي عليك. وتأكد إن الله لا يضيع أجر أحسن عامله. وأشوفكم المرة الجاية والسلام عليكم ورحمه الله وبركاته.