لاتوجد طاقة وارهاق مستمر/ اليك مالاتعرفه والحلول النهائيه !

السلام عليكم ورحمه الله وبركاته.

انت على طول تعبان، مهما تاكل بتصحى بعد ثمان ساعات جسمك مكسر، ما بتعرفش تمشي من غير القهوه، حاسس ان قواك بتخور بدري بدري، مع ان الاكل كويس. الطاقه مش اكل، الطاقه وعي وبيوت طاقه. خليكم معايا في حلقه جديده هتنور نقط كتير قوي وترفع طاقتك للسما بمعلومات بسيطه. انا كريم علي، استعدوا هتكتبوا كتير النهارده. نت بعد الفاصل. مستعدين؟ يلا بينا.

جسمك هيفضل مطفي، هتفضل طاقته قليله، هتفضل بيوت الطاقه كسلانه. متعوده على الشاي عشان افوق واعرف اقوم من سريري. انتوا في حته بعيده تماما عن الصحه. اهلا بيكم. لو قلت لك انك الطاقه واقعه مش عشان انت ما بتاكلش كويس، انت عشان جسمك ما بيعرفش يستخدم الاكل اللي انت بتاكله. هو ده مربط الفرس. يعني ايه؟ وضح لنا اكتر يا دكتور.

اول حاجه والنقطه الرئيسيه هي بيوت الطاقه او الميتوكوندريا، اللي هي بيوت الطاقه في كل خليه، محطات المفاعلات النوويه في كل خلاياك اللي اتكلمنا عليها في الانتي ايجين، واتكلمنا عليها في محاربه الفيروسات، واتكلمنا عليها في محاربه السرطانات، واتكلمنا عليها في الوقايه من امراض كتيره قوي، اللي هي بيوت الطاقه. ايه علاقه اللي انت بتقوله بالطاقه يا دكتور؟ او ايه علاقه بيوت الطاقه؟ لو انت اكلت اكل كويس والميتوكوندريا تحت ستريس هتطفي. لو انت مش حاسس بمشاعر كويسه، لو انت قلقان، جسمك هيدخل في حاله القلق وبيوت الطاقه ما تشتغلش باقصى حالتها، ما تطلعلكش طاقه كويسه ابدا.

حاجه ثانيه، لو انت طول النهار قاعد في نور صناعي، الميتوكوندريا ما بتشتغلش كويس. لو انت قاعد في مكان غير مريح، ناس مش مريحه، او المكان سخن قوي، او المكان بارد قوي، كل ده لو انت اكلت بيوت الطاقه ما تشتغلش كويس. فاكنك خدت بنزين بس المكنه بتاعه الجسم ما اخدتش البنزين حولته طاقه. فالاهتمام بالمشاعر والاهتمام بالامتنان. ليه ربنا قال: "فلينظر الانسان الى طعامه"؟ يعني ركز في اللي انت بتعمله، استمتع باللي انت بتعمله. لو دماغك بعيد، لو دماغك ماسكه موبايل، لو انت بتتفرج قدام التلفزيون، لو انت قلقان بتاكل مستعجل، كل ده اكنك بتاكل اكل ما بتستفدش منه خالص. والاعجب من كده، نفس الاكله ممكن يوم تديك الصحه ويوم ثاني تبقى سم عليك، حسب حالتك النفسيه وحسب الجهاز اللي شغال، الجهاز السيمباثاتيك ولا الباراسمباساتيك.

يعني ايه يا دكتور؟ احنا جداد مش عارفين الكلمه دي. طبعا عائله فكرتاني عارفه الكلام ده من زمان. الثمبااتيك اللي هو لو انا متنرفز، متعصب، حزين، قلقان، خايف، عندي استرس شغل بيت عمل اي حاجه، بياخد الدم من الجسم، الم الحاجات المفيده في الجسم، الجسم اللي هو جهاز المناعه، من الجهاز الهضمي، من معظم العضلات اللي هي الصغيره اللي محتاجه ميتوكوندريا، ويوديها لضغطك العالي ومخك اللي بيفكر وعينيك الواسعه، ويشغل الحاجات دي اكتر من الباراسمباساتيك. طب لو الباراسمباساتيك قاعد وسط عيالي، حامد ربنا، حاسس بالاكل، الدنيا هاديه، مسلم اموري لله، الباراسمباساتيك يقوم مواد دم لبيوت الطاقه، مودي دم للجهاز الهضمي، موده دم للهرمونات اللي بتعمل سعاده وبتعمل فرح وبتعمل اطمئنان وبتعمل حب. فالاكل في السمبااتيك يبقى سم وثقيل وما تعرفش تهضم ويجيب لك انتفاخ ويضر جسمك. ونفس الاكله مع الباراسمباساتيك تستفيد منها وتهدى وتبقى طاقتك عاليه طول اليوم.

يبقى بيوت الطاقه وما نشعر به هو السر الحقيقي ان انت عاوز طاقتك طول اليوم وتستفيد من اكلك. الكلام ده ياخدني ان الاكل مش هو الطاقه زي ما ابتديت الحلقه، ولكن الوعي والشعور هو الطاقه. جسمك في وعي الامتنان، جسمك في وعي الراحه، في وعي التسليم، بيبقى الاكل والطاقه والميتوكوندريا وجهازك العصبي في احسن حالاته. لو انت في وعي لعدم الاطمئنان وخايف من بكره ومش ممتن لكم الاكل والنعم اللي قدامك، بيبقى صعوبه اخراج الطاقه وصعوبه الاستفاده من الاكل. فالاكل مش هو الفارق، الفارق احساسي ووعيي انا بعمل ايه في تلك اللحظه.

النقطه اللي بعد كده الضوء. ايه يا دكتور؟ انت قلت كلمه في الاول خضتني. يعني ايه لو قاعد في ضوء صناعي؟ ربنا من عشرات آلاف السنين جسمنا بيحس بالضوء. انتم عارفين ان المايتوكوندريا بيوت الطاقه، والكلام ده انا بقوله كتير قوي في دورات الانتي ايجينك. كل بيوت الطاقه اللي في جسمك فوتو سنسيف، يعني مش مش الجلد ومش الخليه اللي جوه الخليه، بيت الطاقه اللي جوه الخليه عنده مستشعرات لضوء ربنا. انا قاعد في ضوء صناعي تقفل، قاعد في ضوء طبيعي تفتح تزيد نشاط. عرفتوا كده؟ انت لما تطلع في الشمس وتحس بحرارتها بتنشط ليه؟ موتك بيتحسن ليه؟ تحس بسعاده ليه؟ كورتيزولك يقل ليه؟ الاكتئاب يروح ليه؟ انك تحس ان انت عاوز ز تعمل وتجري وتلعب رياضه وانت قاعد في الشمس ليه؟ عشان بيوت الطاقه حاست بالنور. فانت طول ما انت قاعد في ضوء صناعي، طول ما انت قافل ستائره، طول ما انت ما بتحضرش صلاه الفجر وخروج الشمس وانتقال من الظلام الى النور، جسمك هيفضل مطفي، هتفضل طاقته قليله، هتفضل بيوت الطاقه كسلانه، لان هي بتشتغل مع الضوء وبتقفل لما الدنيا تضلم عشان ننام كويس وننام نوم عميق والميلاتونين يفرز. فمهم قوي لو انت عاوز طاقتك تزيد والميتوكوندريا تشتغل احسن، اطلع اقعد في الشمس وبطل النور الصناعي.

النقطه الاخيره اللي مهمه قوي في الطاقه وهو احد اسرار الميتوكوندريا ان هي تشتغل كويس اسمه المجنيزيوم. قلت لكم حلقه المغنيسيوم انواعه واهميته. كم مره اتكلمنا على ماجنيزيوم فكر ثاني. ايه دور الجنيزيوم في الطاقه؟ عارفين لما انا الوعي بتاعي وعي امتنان وراضي وباكل باستمتاع وعارف الاكل بتاعي صحي وبتعرض لضوء الشمس، ادى الاوردر للميتوكوندريا تشتغل، تاخد الاكل تطلع طاقه. الانزيم اللي مسؤول عن العمليه دي في انزيمات كتير، ولكن اهمهم على الاطلاق الجنيزيوم. لو ما عندكش مغنيسيوم في جسمك، مهما تاكل هتبقى مكتئب ونومك صعب وهضمك صعب ومناعتك مش تمام وطاقتك رايحه. لو ما عندكش مجنيزيوم بيوت الطاقه لا يمكن تطلع كميه الات بي اللي تخليك نشيط لاخر اليوم. لو ما عندكش مجنيزيوم الجهاز السمباساتيك بيشتغل اكتر والباراسمباساتيك بيفصل. لو المغنيسيوم مظبوط البارا سمبااتيك بيشتغل اكتر والثمباساتيك بيشتغل اقل. فمهم جدا استخدامنا الجنيزيوم بانواعه واشكاله. اي نوع ما عنديش مشاكل الا المجنيزيوم اوكسايد. راجعوا حلقه الجنيزيوم. فالمغنيسيوم هو حلقه مهمه جدا في دوره الطاقه ودوره الوعي ودوره عمل الميتوكوندريا ودوره الاستفاده من الاكل. المجنيزيوم، ثم المجنيزيوم، ثم المغنيسيوم.

من الكلام اللي انا بقوله ده، الناس اللي معتمده على القهوه عشان تصحى وتصحصح والصداع يروح وافوق، متعوده على الشاي عشان افوق واعرف اقوم من سريري، متعود على التدخين عشان ابتدي يومي، انتوا في حته بعيده تماما عن الصحه. الميتوكوندريا بتاعتكم الشغاله في مشكله في اهم جزء في جسمك اللي هو بيوت الطاقه. المفروض اول ما تفتح عينيك قبل صلاه الفجر تبقى نشيط وفايق ومبسوط وممتن لنعم ربنا. اي حاجه غير دول في مشكله لازم تتعالج ولازم تحط ايدك على الجذور عشان تحل مشاكل الفروع. ده كل اللي انا كنت عايز اقوله ليه بنبقى مكسلين؟ ليه بنبقى بناكل بس الطاقه مش موجوده؟ عشان احنا بصين في حته ثانيه خالص.

من فضلكم خلاصه الحلقه: كل بوعي، اشعر بالامتنان والسعاده، واحكم مشاعرك، اهتم بالمغنيسيوم، واطلع لنور ربنا. هتلاقي الطاقه اعلى مما كنت تتخيل. شير ترك الحلقه واحط لكم حلقه ازاي نزود نشاط بيوت الطاقه بالكيو انزايم 10 والاسبيرولينا و و. هحط لكم الحلقه مش هحرقها لكم. وشيروا تلك الحلقه لصحابكم اللي بيناموا في الشغل، اللي نام طول النهار، اللي تعبان ومش عارف يتكلم كلمتين على بعض. في الاخر، وما توفيقي الا بالله، عليه توكلت ولايه. سلام.