Transcription
لدغة ايران المسمومه ولعبه بن سلمان الخبيثه. ماذا يجري في كواليس المنطقه؟ كواليس سياستها وتحركاتها فيما يخص الحمايه وصفقات العيار الثقيل الخاصه بالتسليح والامن القومي وعمليه نقل النفوس. خد بال حضرتك، علاقه القاهره ايه بالقصه دي؟ هنحكيها بالتحديد في لايف مهم النهارده. معانا كم تقرير مهمين يخص النقطه دي. مش كده وبس، المحظور في سيناء. ماذا فعل الجيش المصري؟ كنت بال حضرتك هناك تحرك عاجل من تحركات العيار الثقيل قام بها الجيش المصري. ويبدو ان التقارير الاسرائيليه كانت قاريه الملف ده او التحرك ده. بس في نهايته ايه التفصيله وايه الجديد؟ وايه اللي اغضب اسرائيل الناحيه الثانيه؟ وايه اللي اغضب برضه امريكا؟ لان مصر بتتحرك في اوقات الازمات الاقليميه لتغيير واقع جيوسياسي على الارض. اه داخل حدودها، لكن في النهايه انت عندك اتفاقيه اسمه كامب ديفيد. هنحكي التفصيله دي بكل وضوح.
زياده اسعار البنزين تشعل مصر. ايه القصه؟ ايه قصه البنزين؟ اتكلمنا فيها امبارح. النهارده بقى اول رد فعل حقيقي للاسواق على زياده اسعار البنزين. ازاي كان رد فعل الاسواق؟ عمليه زياده الاسعار في الاسواق عملت ايه؟ الاسواق تشتعل حرفيا. لكن عندنا كم سؤال مهمين. هل القرار ده كان توقيته؟ هل هناك بدائل؟ هل الحكومه كانت على خلاف على اكتر او معاه اكتر من بديل؟ عندنا نقط كتير هنتكلم فيها الجزئيه دي بالتحديد. لكن عندنا برضه تقرير مهم عن اختيال المرشد الجديد مجتبي خامنئي. القصه هو ما تمش اختياله حتى وقتنا هذا، لكن في تفاصيل ثانيه هنحكيها في لايف النهارده.
اهلا بكم في لايف جديد من لايفات 50 اقتصاد اللي بنعملها بشكل يومي للوقوف على اخر الاخبار، تفاصيل القصص، كواليس ما يدور في الاقتصاد والسياسه والدبلوماسيه والشان العسكري. الجميع مرتبط بحاجه واحده فقط وهي المصلحه. المصلحه هي اللي كل اللي حضرتك شايفه ده. خليني ابدا معاك من الاخر، من اخر عنوان. العنوان اللي قالب الدنيا في الشارع المصري. رسميا مصر بترفع اسعار البنزين والسولار كامل المحروقات بما فيها الغاز الطبيعي بترفع الاسعار. بنتكلم في حوالي 3 جنيه فيما يخص البنزين. وعشان يبقى بنزين 95 بدل ما هو ب 21 جنيه للتريه للتر. الناحيه الثانيه بنزين 92 بدل ما كان 19 جنيه وربع بنتكلم في حوالي 22 جنيه وربع. بنزين 80 بنتكلم بدل ما هو 17 جنيه 75 قرش ل 20 جنيه و75 قرش. السولار وده مهم جدا طبعا بنتكلم فيه 17 جنيه ونص من بعد مكان كده بقى 20 جنيه ونص للتر. بوتاجاز بنتكلم من 225 ل 275 للاسطوانه سعه ال 12.5 نص كيلو جرام. اما من 450 ل 550 جنيه للاسطوانه ال 25 كيلو جرام. وبتتكلم بقى عن غاز المنازل شريحه اولى من 5 الى 6 جنيه للمتر. وشريحه ثانيه من 6 ل 8 جنيه للمتر. وشريحه ثالثه من 9 ل 11 جنيه للمتر. الموضوع ده كان حصل بيه تسريب امبارح بالليل وكنا نشرنا واتكلمنا في لايف امبارح بالليل اللي نشرناه الساعه 11 ونصف بتوقيت امس. اكلمنا فيه عن اسعار البنزين وعن تحركات الحكومه وعن الازمات اللي هي بتلاحق صور النفط عالميه. لكن خلينا نتكلم هنا عن سوءنا السوق المصري. وخلينا نعرف ايه اللي كان رده فعل الاسواق النهارده. ويا ترى ده هيكون انعكاسه ايه على الشارع المصري؟ موجه تضخميه ارتفاع الاسعار رايحه فين والمواطن فين من هذه المعادله؟ عشان برضه تبقى واضح مع حضرتك.
طب ما تيجي نتكلم بشكل اوضح. لا يخفى على الجميع الاداء السيء او المتواضع للحكومه المصريه فيما يخص ملف الاقتصاد. ده بس عشان ابقى صريح ونجيب من الاخر. ملف الاقتصاد واداء الحكومه المصريه اداء متواضع. اداء غير مرضي للشريحه الكبرى من الشارع المصري. اداء غير مرضي حتى للخبراء الاقتصاديين. حتى كمان للعاملين في مجال الاقتصاد سواء كانت مؤسسات بنكيه او غيرها. اه الحكومه قامت بدور قوي جدا فيما يخص البنيه التحتيه والتطوير والدوله النهارده بتتكلم في سياسات دوليه وتقدر تقف ضد مخططات تهجير وغيره. لكن انا بتكلم عن نقطه مهمه جدا وهي نقطه الاداء الاقتصادي للحكومه. جميل عشان بس نكونوا واضحين في النقطة دي. في اداء سيء. اه في اداء سيء للحكومه المصريه فيما يخص ملف الاقتصاد. هل الاداء ده مرضي للشارع؟ مش مرضي للشارع. باختبار بسيط جدا شوف اراء الناس على الفيسبوك وعلى وسائل التواصل الاجتماعي بان هذا الاداء سيء لا يرضي المواطن المصري. اداء سيء فيما يخص عايدات او تسريع عايدات المشروعات القومية الكبرى. طيب ليه المواطن المصري بيقول كده؟ هل المواطن المصري بيتجنى على الحكومه فيما يخص النقطة دي؟ طب ليه المواطن المصري الوحيد اللي ليه كينونة غير أي مواطن في العالم؟ ايوه اقول لحضرتك ليه؟ لانك تحملت بشكل واضح جدا في توقيت سيء جدا. وانا بتكلم من توقيت 2011 وحتى وقتنا هذا تبعات برامج للاصلاح الاقتصادي في مصر. جميل ما بين بقى صندوق النقد الدولي والروشتات بتاعته واكتر من قرض من صندوق النقد الدولي واكتر من برنامج اصلاح. انت دخلت في ثلاث برامج ورا بعض بس ما حدش واخد باله. احنا بتوع اقتصاد قاريين المشهد في النقطة دي. وبالتالي كان البطل في الثلاث مشاهد او الثلاث برامج اصلاحية دي هو المواطن المصري. ليه؟ يعني عمل ايه المواطن المصري؟ اقول لحضرتك تحمل تكلفة الاصلاح الاقتصادي في توقيت العالم فيه واقتصاداته بتقفل او بتقفل من بعد كورونا وانت جاي بتقفل كله بيقفل. ما كانش حد بيط. انت كنت بتبني دولة من جديد. وبالتالي دي كان لها سعر. في نفس التوقيت بتعمل برنامج اصلاح اقتصادي فلها سعر. بتتخلص من الدعم فلها سعر. اوداع اقتصادية سيئة ليها سعر. حصار اقتصادي ليها سعر. كل دي ازمات حضرتك بتلاحق الشارع المصري والمواطن المصري. وبالتالي انا متحمل تكلفتي من الأول. ده غير بقى تكلفة ازمات المنطقة وعملية نزوح الضيوف اللاجئين الناس الموجودة على ارض مصر اللي جوم عند حضرتك اللي هم كانوا بارقام ضخمة جدا وقادرين على انهم يعملوا قوة شرائية تبين لك ان الوضع في مصر لطيف وان المواطن ما بيشتكيش من الاسعار. في حين ان دول اصلا اجانب جايين عندك. 16 مليون واحد كانوا موجودين هنا دلوقتي هم 14 وكسور. 14 مليون وكسور. وحتى الرقم ده او الرقم ده ده تعداد دولة على فكرة او دول من عيين دول الخليج عندنا او الدول اللي هي صغيرة. فدي نقطة لازم نتكلم فيها.
طيب ايه بقى اللي بيحصل دلوقتي؟ النهارده انا كمواطن مصري مستني اخلص من برنامج الاصلاح الاقتصادي المفروض ينتهي بنهاية شهر ديسمبر السنة دي. ده برنامج مع صندوق النقد الدولي المفروض ان انا ابدا اجيب ثماره بدايه من العام القادم والثمار كويسه جدا. المؤشرات كلها على الورق جميلة وحتى على الواقع برضه فيما يخص اداء البورصات واداء يعني مؤشرات مش البورصة. المؤشرات فيما يخص الاقتصاد المصري جيدة جدا. لكن انا كمواطن مصري عندي مؤشر مهم جدا وهو مؤشر جابد دخل لي كام فلوس؟ اتحافظ عليها ازاي؟ ازاي التضخم قيمة الفلوس حصل ولا ما حصلش؟ مش ده اللي حضرتك كمواطن مصري بتعاني منه. طيب جينا النهارده بنتكلم عن رفع لاسعار البنزين مرة أخرى. عشان بس نكون واضحين. الدولة اخدت قرارين مهمين. اول قرار سعر صرف المرج. اعرف ان الدولار امام الجنيه مش هيثبت اطلاقا. والله الدولار عالميا بيرتفع هيرتفع في مصر وبالتالي الجنيه هيتراجع. طب الدولار عالميا بينخفض هكذا الامور. طب النفط. النفط او النقطة الثانية. الدولة قالت لك انا بتخلص من ملف الدعم اطلاقا مش عايزاه مش هشيله. طيب ايه بقى السبب ان الحكومة ترفع اسعار البنزين في التوقيت الحالي؟ وهل كان في بديل؟ قبل ما اقول لك البديل وقصة رفع الاسعار لان كان في حدوته دايرة في الكواليس وكان في خلاف عن ان يتم الرفع من عدمه وكان في حلول تانية وهيتم تطبيقها الايام الجاية. خد بالك ده مش اخر رفع. ده في رفع تاني بس ليه اسلوب تاني. ازاي هحكي لك دلوقتي. لكن انا عايز اقول لك نقطة. ايه الاسباب؟ الاسباب بشكل واضح فيما يخص النقطة دي ان الحكم الحكومة المصرية في قصة رفع البنزين المرة دي برغم ادائها السيء مفعول بها لا فاعلة. ايه؟ يعني بمعنى أدق انا عندي في نقطة مهمة جدا. عندي مضيق هرمز مقفول. وبالتالي 25% من النفط والغاز اللي بيشغل العالم يوميا اتقفل. ده رقم واحد مش هيطلع. طب هل اتقفل وخلاص بسبب الحصار الايراني او ضرب السفن او استهداف ناقلات النفط؟ لا حضرتك ده ما اتقفلش وخلاص. ده ما فيش بديل يتم استخراجه. واللي بيتم استخراجه دلوقتي عينات او كميات اقل عن طريق بقى انابيب عن طريق سفن في منابع في السعودية. القصة دي كلها. طب ده اثر عليا في مصر؟ طبعا اثر عليك. ده اثر على العالم كله. يعني انا بقى فيه معروض قليل من النفط ومعروض النفط القليل هو والغاز بالتالي يرفع الاسعار. بريطانيا كان عندها احتياطات يومين من الغاز وبدأت تزيد دلوقتي لانها عاملة عقود والقصه دي كلها. فانت بتتكلم ان في ارتفاع هناك. اه ماشي. انا ما فيش مشكلة. بس برضه كمواطن ما فيش بديل. هقول لك برضه بس استنى. في رقم اثنين توتر سلاسل الامدادات على مستوى العالم. النهارده عشان يجي لي النفط لازم يكون فيه ضعف التكلفة فيما يخص الشاحنات اللي بتيجي او يخص حملات الغاز والنفط والقصه دي كلها. دي برضه توتر في سلاسل الامدادات. رقم ثلاثة وده برضه مهم جدا وهي قصة حرب ايران المسيطرة على المنطقة كلها اللي هي بتؤذي الجميع. بتضرب كافة مناطق اللي هي مصافي النفط وبالتالي بتعطل انتاجه بقى من الأساس فيما يخص الخليج. وعندنا الكويت أبرز دليل هي والبحرين الناحيه الثانية وكمان عندك قطر. بس قطر عرفت تسيطر على أراضيها شوية وبيتم ضرب منصات أو عمليات إطلاق أو استخراج النفط في السعودية والإمارات. كل ده بيأثر لدرجة أن أرامكو عملاق النفط نفسه بيتأثر دلوقتي. فده كله بيجيب عليك نتيجة الناحية الثانية. ده غير بقى تعالى انت بتتكلم على حصار قناة السويس وتراجع الدولار الداخل لحضرتك. تراجع تحويلات المصريين من الخارج توقع ده. لان في كم كبير من العمالة المصرية هيتم إنهاء عقودها في الخليج. لان أنا النهارده عندي أزمة الشغل هيقف هبدأ أسرح عمالة كمستثمر. ده رقم واحد. انت بتتكلم النهارده عن تحويل السفن حركة التجارة للدوران حول طريق رأس الرجاء الصالح. حتى الفرص اللي جاية لحضرتك. لان احنا عملنا شورت امبارح قلنا فرصة كويسة ان احنا نستغل مناطق لوجستية عندنا هنا مش هتاخدها بشكل كامل. أيوه لسه برضه بتعمل اسم وسمعة ان انت تبقى انت منطقة لوجستية تتحط فيها المنتجات اللي هي الأوروبية وبعد كان دخلها للخليج. فدي برضه مشروعات عايزة وقته عشان تتم التنفيذ. وبالتالي ارتقى الحكومة المصرية مجموعة قرارات كان واحد منها ان يتم رفع أسعار البنزين. طيب الرفع ده هيكون من جنيه ونص ليه 3 جنيه ونص. دي القصة اللي في الكواليس بقى. ده اللي كان موصى به شرايح كده من لجنة تسعير المواد البترولية. والله لو 1.5 جنيه يبقى كويس. بس خد بالك هنضطر نرفع رفعة ثانية. لا 2 جنيه ممكن. ده كويس قوي. بس برضه هيكون لنا رافعة في الآخر. 3 جنيه. لا ده جميل. مش هينفع نرفع تاني بعد ده. وبالتالي ارتقى الحكومة قالت لك لا خلاص. احنا نرفع 3 جنيه. وخد بالك ده كان قرار تشاركي من مؤسسة الرئاسة ومؤسسة رئاسة الوزراء. ما كانش في حد فيه منفرد للقرار لوحده. والتطبيق النهائي كان بايد الرئيس في النهاية بعد التوافق مع الحكومة نفسها. دي معلومات برضه من الكواليس عشان تعرف القصة رايحة فين.
طيب أنا كمواطن مصري خلاص ارتضيت وانت رفعت لي أسعار البنزين لازما بقى في الناحية الثانية تكون معوضني. ليه بقى؟ لان في كارثة سودا بتحصل النهارده. الأسواق بتشتعل حرفيا. زيادة في كل الأسعار والسلع والخدمات. وزي ما تقول دي نقطة مهمة. وبالتالي لازم يكون في تحرك على الأرض. ازاي أدين أو تديني فلوس كمواطن؟ مش فلوس وبس. مش تزود لي علاوات. مش تديني مرتبات زيادة وبس. لا أنا عايز أهم من المرتب أهم من الفلوس وهي الرقابة على الأسواق عشان أعرف آلية التسعير دي ماشية ازاي. أنا فاهم إن الدولة كانت مسعرة سعر برميل النفط في الموازنة السعر الحالي 65 ومتحوطة ب 75. فهتلاقي في الموازنة إن السعر رايح لحد 75 دولار للبرميل. النهارده في ارتفاع في أسعار البرميل. اه صحيح. أسعار البرميل ارتفعت ووصل لحوالي 120 دولار للبرميل النفط الواحد. نزل 110. نزل تحت ال 80. تحت ال 89 دولار. نزل تحت ال 88 دولار. طب انت ليه يا حكومة هت هتنزلي بقى الأسعار ولا مش هتنزليها؟ انت رفعت دلوقتي البنزين هتنزلي؟ لا مش هتنزل. ليه؟ بيلعبوا بقى. أنا بفهمك بقى دماغهم ازاي كحد بقى ايه جوه السوق يقول لك لا أنا مش هنزل. طب مش هتنزل ليه؟ قال لك والله بتحوط. أنا إيه ضمني مش هيرفعاني مرة ثانية بعد كده. بيتحوط بيحتاط للي جاي. فدي نقطة ثانية. وبالتالي من هنا لازم تتغير ثقافتنا كمواطنين مصريين. لان واضح إن الأمور كلها بتروح للنظام الحر. نظام الرأسمالي. نظام والله مصلحة البلد اهي ومصلحتي أنا الشخصية اهي ومصلحتك انتهي. هكذا هي الأمور بتسير. أنا النهارده كمواطن مصري مش عايز منك بس زيادة مرتبات. لا مع زيادة المرتبات أنا عايز حاجة ثانية مهمة جدا. هي إيه؟ هي الرقابة. النهارده مع رفع الأسعار دي انت بتتكلم في موجة تضخمية زيادة مش أقل من 20% في الأسعار عشان بس أبقى واضح معاك. أيوه مش أقل من 20%. ده أنا كده رحيم. ده في أكتر في سلع تبقى أكتر. خد بالك إن التاجر اللي في الشارع ده اللي انت بتقول هيرفع الأسعار بناء على رفع أسعار البنزين والسولار هو أساسا متحوط من أيام الجنيه ب 65 أو الدولار ب 65 جنيه عشان بس أبقى واضح معاك. ما إحنا في السوق وعارفين. ما نزلش بأسعار. وفي بعضهم اللي هيبدأ الأسعار حاجة بسيطة. ما انت ما تطلعليش بال 200 300 جنيه وتنزل بالجنيه ولا الاثنين. يبقى أنا النهارده كمواطن مصري هكون ممتن جدا للحكومة لو زودت آلية الرقابة. لو حطت آلية للتسعير. مش كل واحد يسعر وفق أهواه الشخصية. وفي الآخر تقول لي ده أنا سوق حر. سوق حر يعني مثلا لو عندي قلم بيتباع مفروض بجنيه بره. إنك تكون عايز تشتريه أو تبيعه بأنك طماع تبيعه ب 2 جنيه. تروح تبيعه لي ب 100 جنيه. هل ده منطقي؟ لا مش منطقي. فبالتالي هو ده الضيق. طبعا على النقيض الناحية الثانية. انت برضه عندك دول النهارده بترفع أسعار البنزين. منهم الصين على سبيل المثال. عندك. طب ليه؟ إيه السبب؟ في برضه تقرير لطيف طالع من صندوق النقد الدولي قال لك إن في زيادة في أسعار النفط بتفوق ال 31%. ده النفط. طب هو عشان برضه قلت لك الحكومة مخطئة. مخطئة. بس أنا أنا وانت عايزين نفهم. أنا ممكن أقول لك الحكومة مخطئة وهي اللي رفعت وهي السبب وكان يستدعي الأمر. بس أنا هقول لك إيه اللي كان بيدور في الكواليس في النقطة الثانية. مين اللي كان يشيل الزيادة ومين هيشيل الزيادة اللي جاية دي نقطة مهمة.
طيب التقرير كان بيقول لك إيه؟ أو التقرير طالع بيقول كمان وقود الطائرات زاد 87% سعره. طب الغاز الطبيعي عشان تعرف بعد كده التذاكر الطيران هتطير ليه أو هتزيد ليه. ده إحصائية عالمية يعني شغل عالمي يعني ده دولي مش لمصر بس. طيب الغاز الطبيعي المسال زاد 106%. ف أي حاجة بالغاز هي بتشيل أو بتزيد أسعار ناقلات النفط. ناقلات النفط نفسها العملاقة زادت 2011%. ما قلت لك الحكومة مفعول بها. الحكومة المصرية. طيب النقطة بتاعة أسعار ناقلات الغاز الطبيعي المسال بقى 529% زيادة. الألومنيوم انت بتتكلم 20% زيادة. الأسمدة 36% زيادة. النفتالين 26% زيادة. ف كل ده تأثير في الأكل والشرب والمدخلات الأساسية فيما يخص الطاقة. دي سلاسل الإمدادات الأساسية حضرتك. ما دي الكارثة الكبرى. أمريكا بتيجي تهز ز اقتصادات العالم كل فترة وعشان توقعها تغربلها. وفي الآخر تشوف مين القوي اللي بيستحمل واللي قوي اللي بتستحمل تعمل قصاده مؤامرات عشان تسقطه. زي ما بتعمل مع الصين. فمن وقت لآخر تيجي مغربلة اقتصادات العالم وموقعة يا بأزمة سياسية يا بأزمة اقتصادية يا يا بأزمة باخرة. فدي نقطة مهمة كنت حابب أتكلم معاك فيها.
طيب إيه البديل؟ كان البديل كان هناك مقترح إن المصانع تتحمل جزء من هذه الزيادة. بقى نزود عليهم بقى الغاز الطبيعي نزود عليهم الكهرباء نزود عليهم النفط. الناحية الثانية تبقى الأمور مقبولة شوية. نشيلها أو يبقى المواطن عليه جنيه. الناحية الثانية عليها مثلا 2 جنيه أو 3 جنيه. بس ده برضه قرار هيترجم لزيادة برضه على السلع والخدمات. فقال لك خلاص أنا أجيبها من المنبع وزي ما تيجي تيجي. هي دي الأمور وهي دي القصة وهي دي قصة الغزوة. وكذلك الدولار برضه نفس القصة. تراجع مدخلاتك من الدولار هتكون سبب رئيسي في خفض الجنيه وارتفاع الدولار. فهكذا هي الأمور بتسير وكنا اتكلمنا في ده أكتر من مرة. فحبيت إن أنا أقول لك إن إحنا بنقول للحكومة. إحنا مطلوب من حضرتك حاجة واحدة فقط وهي جنب زيادة المرتبات وهي شبه أعلنت عن حزمة حوافز اجتماعية منها زيادة المرتبات. بس للأسف القطاع الخاص ما بينفذش النقطة دي بشكل واضح. وانت كحكومة ما عندكش آلية تلزم القطاع الخاص ينفذ حد أدنى للأجور. لان القطاع الخاص هيقول لك والله أنا هقع مش هقدر هفلس. فهتضطر إنك تتراجع عن القرار بتاع حضرتك. أما الحكومة فبقت بتزود مرتباتها عادي جدا. دي برضه نقطة ثانية. يبقى هنا نقطة وعندي في حاجة مشكلة كبيرة اسمها المعاشات. الناس اللي هم خدموا الدولة في سنين طويلة برضه نسبة زيادة معاشاتهم مش هي النسبة أو نسبة متواضعة. فدي برضه لازم الدولة تاخد بالها منها. كمان بالاضافة لكده وكده عند الرقابة. دي برضه نقطة أهم من كل اللي فات. بس هي دي القصة وهي دي قصة الأسواق وقصة لعبتها. طولت معاكم في موضوع الغاز ده. بس إحنا هنشتغل نكمل فيما يخص القصص الثانية.
طيب عندي عنوان مهم جدا. المحظور في سيناء. ماذا فعل جيش مصر؟ التقرير ده مهم. حابب أحكيلك كواليسه بالتحديد. عندنا تقرير لطيف قوي النهارده نشراه صحف إسرائيل وبالتحديد يديعوت أحرانوت اللي بتتكلم في تقرير شبه مسرب عن شخصية بارزة. الشخصية دي استخباراتية. بتتكلم عن إيه؟ يعني حد في الاستخبارات بس مش قايل اسمه. قال لك والله إن خلال الفترة الأخيرة إحنا بندرس الواقع في مصر. لكن إحنا كمان في نفس الوقت بنراقب الواقع في مصر. الاثنين مع بعض. وشايفين إن برغم الأزمات الاقتصادية اللي بتعاني منها مصر. وإن المصريين صابرين على هذه الأزمات في التوقيت الحالي. وإنهم مش راضيين ينصروا على القيادة السياسية المتواجدة حاليا. وده شيء يعني غريب عندهم. حتى هم مسرحين الكتاب بتوعهم النهارده يرموا علينا شوية حاجات. بيديك قفص الطماطم أبو 500 جنيه ومش عارف أسعار البنزين والسولار. وبيقول لك إن الأوضاع في مصر سيئة جدا. الولد إيدي كوهين اللي بيتكلم كل شوية. الولد الغير مسؤول التعبان في دماغه ده. بس في النهاية مش في دماغنا. المهم إن انت في الآخر بتتكامل عندك أركان مؤامرة معينة. إن في ناس بتتلاعب فيما يخص القصة بتاعة حضرتك دي.
طيب بنتكلم بيقول لك إن إحنا بنراقب الوضع في مصر. لكن هناك أمر أثار يعني حافظتنا شوية. وهو الأمر الذي يستدعي تدخل الولايات المتحدة الأمريكية. إيه اللي حصل؟ عايزين تدخل الولايات المتحدة. ليه؟ قال لك والله إن مصر استغلت الفترة الأخيرة عملية انشغال إسرائيل بأزمات ما بعد غزة وصدامها في الضفة الغربية. بالإضافة إلى أزماتها أو الضربات اللي قامت بها مع الجانب الإيراني. وإن هي خلال الفترة دي قدرت إن هي تغير كافة البنية التحتية العسكرية المتواجدة الناحية الثانية فيما يخص سيناء. عملنا إيه في سيناء؟ قال لك إن المصريين غيروا كل السلاح الموجود في سيناء. وإن الأسلحة اللي كانت موجودة في سينا كانت مش متطورة بالقدر الكافي. أصبح الجيش المصري دلوقتي بيضع في سيناء في مناطق معينة أو كل المناطق في سيناء المناطق العسكرية بتاعته كافة الأسلحة المتطورة. كما أنه بيدفع بفرق متطورة قادرة على مدربة جيدا جدا على التعامل في أوقات اشتباك. أوقات اقتحام. تنفيذ عمليات خاصة. مراقبة الحدود بقوة. فرق من القوات الخاصة. فرق النخبة في الجيش المصري. فهنا اختلاف في نقطة مهمة جدا. هم بيقولوا كده. بيقول لك إن إزاي مصر بتعاني من أزمة اقتصادية. وإزاي مصر في نفس الوقت عندها أزمة داخلية فيما يخص الاقتصاد وتمويل المشروعات. هم اللي بيقولوا كده. بالإضافة بقى إلى عملية سقوط المصريين على القيادة السياسية هناك. وعدم ثورتهم. وهم ده دي النقطة اللي كانت امبارح القيادة السياسية في مصر بتراهن عليها. إن المصريين عندهم برغم الأزمات وبرغم ضيقنا من عملية زيادة الأسعار وزيادة البنزين. إلى أن خد بال حضرتك قصة نزول الشارع مرة ثانية مش سهلة. فانت النهارده ادي واحد أهو. أنا بقول لك ده تقرير بالصدفة. أنا مش مرتب التقرير ورا بعض. العكس ده كان ده المفروض آخر تقرير. بالصدفة الإسرائيلي بيقول لك إن الوضع السياسي والاقتصادي جوه في مصر مختلف. وفي نفس الوقت الجيش نقل أسلحة ومعدات حديثة إلى الجانب الآخر في سيناء وبقت متمركزة على الحدود وبقت بعضها يرى مراه العين أو رأي العين. إيه ده؟ إيه القصة دي؟ طب طب إيه اللي عمله الجيش المصري؟ قلب الدنيا هناك. قال لك والله نقل أسلحة متطورة فعلا. سواء كان سلاح مدرعات فيما يخص كمان رادارات متطورة. منظومات دفاع جوي متطورة حصل عليها مؤخرا. مش بس الصين. ده بدأ يتكلم في إن منظومات غريبة. لكن ما فيش أو مش مخول للشخصية الاستخباراتية تعلن عنها وتكشف عنها في الوقت الحالي. وده استدعى بإسرائيل إنها ترسل بإنتاجون وزارة الدفاع الأمريكية إن هي تبدأ تتحدث مع الجانب المصري. في إن مصر تقدر تقول أطاحت بعرض الحائط باتفاق كامب ديفيد خالص من الأساس. وإن كامب ديفيد لم يعد اتفاق من الأساس. ده بقى حبر على ورق. ما عادش يلبي طموحات السلام ما بين البلدين بشكل واضح. وإن مصر بالفعل اخترقت اتفاق كامب ديفيد. وإن أصبح الجيش المصري بيتواجد بتعداد قوي جدا. مش تعداد ال 40 ألف أو ال 100 ألف اللي بيتكلموا عنهم. ده بيتكلموا عن ربع مليون جندي. وكمان بيتكلم الكاتب إن الجيش المصري مش تعداد 400 ألف جندي في الخدمة و 400 زيهم في الاحتياط. 400 وكسور و 400 وكسور. لا قال لك إن الجيش المصري رفع تعداده لأكثر من مليون جندي نشط اللي هم العاملين الخدمة بالفعل. لكن هو ما بيحبش يعلن عن هذه النقاط. لكن هو بالاخر قال لك تم رصد أقمار صناعية عسكرية بتحبسناء شبكات حماية أو تقدر تقول حماية بتحب سيناء. بيقول لك إن إحنا بعض الأوقات بيبقى في تشويش على سيناء مش عارفين نشوف حاجة فيها. وبعض الأوقات الثانية بتبقى مفتوحة قدامنا وكانها كتاب مفتوح. وكان في رسالة بتوصل من الجيش المصري. قال لك إن في حوائط للصواريخ اتعملت في سيناء بالفعل. وده ما كانش منصوص عليه في اتفاق كامب ديفيد. قال لك إن خلاص إن السلاح اللي بقى في سيناء بقى متطور. الفرق العسكرية لم تعد هي الفرق العسكرية بتاعة المشاة المعتادة. قال لك لا ده بقت فرق قوات خاصة. قال لك إن في قواعد عسكرية متواجدة في الداخل فيما يخص سيناء بالتحديد. قواعد عسكرية ضخمة. القاعدة العسكرية بتبقى حاجة زي الهايك ستيب يعني أو محمد نجيب بيخرج منها أفواج والأفواج دي طبعاً لواقات وفرق. فانت بتتكلم بقى الفرق أو بتبقى فرق وتحتها لواقات وتحت اللواقات أفواج. كتائب بقى كل كتيبة بتنتشر. فانت بتتكلم إن القاعدة دي مش سهلة. مش حاجة كده إيه أوضتين وصالة زي ما بيقولوا. لا قواعد كبرى. قواعد ضخمة لإحكام السيطرة على سيناء. قال لك كمان في تنمية بتحصل دلوقتي في سيناء. فهناك تخوف من هذا الاتجاه الكامل من المصريين للجانب الآخر فيما يخص سيناء. وبالتحديد من الجيش اللي بيحكم قبضته دلوقتي أكتر من أي وقت مضى على سيناء. ده وفق التقرير الإسرائيلي. أنا ما قلت لكش حاجة من عندي.
طيب طالما اتكلمنا عن سيناء نتكلم عن ضربة إيرانية جت على الحدود المصرية بجد؟ اه بجد. بس ما وصلتش الحدود قوي. وصلت فين؟ وصلت في منطقة اسمها الموقع 512. إيه قصة الموقع 512 ده؟ موجود في صحراء النقب. صحراء النقب تقع شرق شبه جزيرة سيناء. هي جزء من شبه جزيرة سيناء. المنطقة دي كلها جغرافياً اسمها شبه جزيرة سيناء. مش بتاعتنا. مش صحراء النقب بتاعتنا. هي كلها جغرافياً علم الجغرافيا بيقول لك إن دي جزء أو دي كلها اسمها شبه جزيرة سيناء. قال لك والله ده سقطت أو تم إطلاق رادارات امبارح. إنذارات امبارح. سفارات إنذار في المنطقة دي. ففوجئ بكم كبير من الصواريخ بتسقط على القواعد الأمريكية المتواجدة في المنطقة دي. هي قاعدة أمريكية كبرى أو سلسلة قواعد صغيرة كلها مترابطة ببعضها. ضربتوا إيه يا جماعة يا إيرانيين؟ قال لك الإيرانيين ضربوا أهم حاجة في المنطقة دي بالتحديد. طب إيه اللي حصل؟ قال لك رادار اسمه تايب 2. ده إيه ده؟ ده اسمه أو ده عين المنظومة الساد. ده واحد من الرادارات. طبعاً منظومة الساد دي منظومة دفاع جوي متطورة. وفي نفس الوقت ليها حائط صاروخي. ده اللي الناس ما تعرفوش. هي منظومة دفاع جوي بس برضه ليها حائط صاروخي يقدر يطلق صواريخ في نفس التوقيت كصواريخ هجومية. المفروض إن الرادار ده ليه جزء متنقل كمان. تم ضربه. إيه؟ كان قادر على اكتشاف وتتبع الصواريخ البالستية من مسافات طويلة جدا. ما قدرش يتتبع أو يكشف هذا الصاروخ. فوجئ بضربه. وده اللي بيوضح لك إن التقنية والتكتيك اختلف. طيب تقدر التكلفة بتاعة الصاروخ ده بالتحديد الرادار ده ب 300 مليون دولار. بالإضافة إلى شوية حاجات ثانية حواليه كده بحوالي 50 مليون دولار. انت بتتكلم كده في 350 مليون دولار. وما تكلمناش خالص على قصة إيه اللي اتضرب وإيه اللي راح وإيه اللي جاه. خد بالك الرادار ده في المنطقة دي مش سهل. الرادار ده كان بيتم توجيهه من وقت للثاني ناحية مصر وناحية سيناء للكشف عن الأمور دي كلها. وكان بيعدي من ضمن نقاط الحصينة اللي بتعتمد عليه إسرائيل. وعشان لو حصلت لا قدر الله مثلا بالنسبة لهم يعني. لكن بالنسبة لنا إحنا مرحبين حرب مع مصر. وإن الأمور والأزمات ممكن تتطور في وقت من الأوقات. فكان من ضمن الرادار ومن ضمن المنظومات المتواجدة هو الرادار ده اللي يعتبر لقط كل حاجة بتحدث في الجانب المصري. وكان تقدر تقول واحد من خطوط الدفاع الإسرائيلية اللي كانت بتعتمد عليه. فقال لك إن تم تدمير الرادار ده بكافة ملحقاته. وحدات كاملة. بتتكلم إن في أزمة كبيرة في المنطقة دي نتيجة عملية الاستهداف من وقت للثاني. طالما إحنا قلنا بقى موضوع الجيش فحبيت إن أنا أجيب لك ده كمان معانا فيما يخصه.
طيب ده كان كمان خبر معين. طيب في بقى خبر تاني لطيف وهي لدغة إيران المسمومة ولعبة محمد بن سلمان الخبيثة. إيه القصة فيما يخص لدغة إيران؟ عايز أقول لحضرتك في نقطة مهمة جدا إن إيران النهارده عندنا فيها ثلاث حاجات مهمين. أول حاجة بتعلن للعالم كله إنها قادرة على إنهاء الأزمة الاقتصادية والمعاناة اللي بيعاني بالفعل. ده تقرير منشور النهارده. وبتقول إن هي إيران أهي بتعلن سنلحق سنلحق تعترف علنا سنلحق الضرر بالعالم اقتصادياً حتى تتوقف الحرب. ده نقطة مهمة. قال لك إن أسواق العالم مضطربة. إحنا ممكن بقى نكون رحماء بالعالم ونهدي اللعبة شوية. طب هتعملوا إيه؟ المطلوب؟ قال لك والله عندنا حل وعندنا طلب. اطردوا السفارات الإسرائيلية. اطردوا السفارات إسرائيل من عندكم. ما يكونوش موجود على الأقل في منطقة الخليج. ما يكونش أي مكتب أو أي تمثيل لأي حد من السفارات الإسرائيلية أو التواجد ليهم. ده في الخليج وفي منطقة أفريقيا فيما يخص القرن الأفريقي بالتحديد. بدأت بقى إيران تشتبك وفي تخوف من إن الحوثي يوجه ضربات لأرض الصومال وللقواعد الأمريكية المتواجدة الإسرائيلية المتواجدة في النطاق ده. نطاق بقى إثيوبيا. النطاق استهداف كمان السفارات الإسرائيلية المتواجدة في حيز الحيز. فقالت إحنا ممكن نشيل عندكم الأزمة دي. بس تسمعوا كلام. نسمع كلامكم إزاي؟ قال لك اطردوا السفارات الإسرائيلية وما يكونش ليها تواجد. وكمان لو في قواعد إسرائيلية يتم طردها. طب دي نقطة. طب إيه اللدغة بقى؟ اللدغة إن في تقرير خطير جدا منشور في واشنطن بوست بيقول إيه؟ بيقول إن أمريكا اكتشفت من ساعات بسيطة إن إيران أدخلت فرق فرق انتحارية. ده في دي متواجدة في الداخل الإيراني؟ لا مش في إيران. ده خدت من إيران دخلت دول سواء بقى كندا سواء المكسيك سواء أي حاجة. ودخلت إلى الداخل الأمريكي. متواجدة دلوقتي في أمريكا من الداخل. دي قلبت الدنيا هناك في الداخل الأمريكي. دنيا مقلوبة حرفياً على المعلومة دي. في تخوفات من إن يكون في عمليات تفجير وعمليات استهداف. وقال لك إن الفرقة دي تم دخولها بكميات كبيرة جدا. وإنها معاها أسلحة متطورة قادرة إن هي تحدث عمليات في الداخل الأمريكي. الموضوع ده في تخوف. لان ده جه رداً رد رد من مسؤول بقى بارز في الجانب الإيراني. رداً على إن أمريكا بتقول إن إحنا عندنا فرع قوات خاصة متواجدة في الداخل الإيراني في التوقيت الحالي. وإن فرع القوات الخاصة دي بكل وضوح جدا يعني بتحاول تتتبع اليورانيوم وعشان تخطف وتسرق بيه أو إنها تختل المرشد. المرشد. اه ده في عندنا النهارده عنوان باسم اختيال المرشد الجديد مشتبي خامنئي. إيه القصة؟ قال لك إن والله إسرائيل بالفعل شبه دلوقتي شغالة على مخططها. وده وفق مصدر بارز إسرائيلي. المخطط ده بالتعاون مع الولايات المتحدة الأمريكية لإسقاط مشتبي خامنئي. لان إيران حتى وقتنا هذا ما زالت منتصرة. الحرب هي تقدر تقول تبعتها بقت في إيد إيران خلاص. هي كسبانة على الأرض بجد؟ اه بجد. إيران كسبانة حتى وقتنا هذا. طالما لم يسقط النظام الإيراني فايران كسبانة. فالنهارده عايزين يسقطوا أهم شخصية دلوقتي وهي شخصية المرشد. فالمرشد اللي فات تم اغتياله. عليه خمن إيه؟ انت بتتكلم في ابنه اللي جاي. وابنه هيكون أشد شد وغليظ في النقطة دي. واحتمال يصدر فتوى بإتاحة إنتاج القنابل النووية. لان المرشد اللي فات كان دايماً متريث في قراراته لدرجة البطء. وكان بيحاول إن هو يشوف الأمور ماشية في أي اتجاه وأي تحرك. وبالتالي كان بطء في قراراته بيضيع عليه فرص. قال لك ابنه لا. ابنه قوي. ابنه شديد. عائلته كلها ماتت. فجاي بروح الانتقام. فهيقدر يتعامل إزاي؟ وحتى هينتقم نيابة عن بلده نفسها. كمان قدر إن هو يدخل فرق والفرقة دي قيل إن في متواجد منها في بريطانيا وفي فرنسا وفي دول أوروبية كتير. اللي هي الفرق الانتحارية اللي ممكن في أي وقت من الأوقات تحدث تغير حادث أو حاصل في الداخل الإيراني. فدي برضه نقطة كنت حابب إن أنا أكلمك فيما يخصها.
طيب القصة دي مش هتقف لحد هنا. القصة بتقف عند دخول الصين اللي أرسلت جيشها إلى الخليج بجد؟ اه إزاي؟ قال لك والله ده في النهارده في أكتر من فرقة صينية متواجدة بالقرب من مدخل مضيق هرمز. ده رقم. بالإضافة إلى قطع كثيرة جدا ومدمرات من الأسطول الصيني متواجدة برضه عند مدخل مضيق هرمز. وكان الصين بتوصل رسالة مهمة جدا لأمريكا إن إحنا واقفين وشايفين كل حاجة. دي حاجة. الحاجه الثانية بقى وكانهم برضه بيشاركوا في الدفاع عن إيران. بس من بعيد لبعيد بيراقبوا المشهد. لكن الكلام ما كانش هنا. الكلام إن ده اتفاق ما بين المملكة العربية السعودية وما بين الصين. المملكة العربية السعودية بتحاول توجيه معادلة حماية جديدة لحماية الخليج. أنا عندي أكتر من تقرير. خد عندك بقى. الخليج استدعى الأوكرانيين. الأوكرانيين ناجحين جدا في تشغيل وصناعة وإدخال المسيرات عندهم. تطور في هذا المجال وقدروا يتغلبوا ويمكنوا بشكل واضح بيعوقوا الجانب الروسي عن إتمام مهمة في أوكرانيا بقصة المسيرات. ولهم أكتر من ضربة قوية جدا ما كانتش روسيا مهتمة بإنتاج المسيرات. فبالفعل ده اللي حاصل. ادي رقم واحد. طيب رقم 2 بيدخلوا شركات أجنبية. اللي هو شركات المرتزقة. اللي هي شركات تجنيد المقاتلين بالبلدي كده. هجيب شركات أمنية تشتغل لي كجيوش. طب ما نحاول نؤهل الجيوش الخليجية المتواجدة بالفعل. هو بص هقول لحضرتك حاجة. لا يخفى عليك إن طبعاً لكل جيوش الخليج التقدير والاحترام ولها دورها ولها مكانتها. إحنا ما قلناش أي حاجة. لكن عايز أقول لك نقطة صغيرة قد كده جيوش الخليج مش بالقوة اللي ممكن تتخيلها. إيه؟ ما عندهمش الجلد الصبر. لكن لو أعيد تدريبها مثلاً على إيد قادة في الجيش المصري. لو جم دخلوا الكلية الحربية المصرية والأكاديميات العسكرية في مصر. لو تم إلحاقهم مثلاً على سبيل المثال. خدوا نفس التدريب اللي هو بياخده الجندي المصري. أعتقد إن الأمور هتنشف شوية عند الجندي الخليجي. دي لها سيكولوجية نتكلم فيها بعدين عشان برضه نشيل دي على جنب. لكن النقطة الأهم إن الجيش الخليجي أو الجيوش الخليجية نفسها غير مؤهلة للقتال فيما يخص النقطة دي. يعني ومش هيتعاملوا عن طريق سلاح الجو. وحتى القتال بيتوقف على خبرات معينة متراكمة. يمكن الخليج تنحى عن الدور ده وأداه لأمريكا وفشلت. يمكن إحنا عملنا امبارح عملية غلق القواعد أو طرد القواعد الأمريكية من المنطقة. خد بالك مش هيبقى الطرد بمعنى الطرد. لان اتجاه الكتاب الخليجيين النهارده ويسأل الإعلام الخليجيين والأنظمة الخليجيين. إحنا دفعنا لأمريكا وما حمتناش. يبقى مالهاش لازمة القواعد الأمريكية اللي بنصرف عليها على حسابنا واللي جابت لنا في الآخر الضرب والمشاكل لحد بيتنا وعدم الاستقرار لحد بيتنا. لحد عتبة بيتنا زي ما بيقولوا. طيب خلاص يبقى مالهاش لازمة. ده كانت موجودة بس كعين للولايات المتحدة الأمريكية. وفي الآخر أمريكا طالعة بتقول إن الخليج لابد إنه يدخل الحرب. عايز يدخلني الحرب عشان يطلع هو. فده لا شكراً. فإيه اللي بيعمله الأمير محمد بن سلمان؟ بيعمل قاعدة أو ا يعني قاعدة جديدة في حماية أمن الخليج. استدعى الصين. استدعى شركات المرتزقة أو شركات الأمن. حلو كده. شركات الأمن. بلاش المرتزقة. بعض الناس بيسموها هي شركات الأمن. ومش هو لوحده. ده تنسيق مع قطر ومع الإمارات ومع الكويت ومع البحرين. يبقى في تواجد لكل هذه النقاط دلوقتي. وأنا بكلمك في عندنا عاجل. انفجار أبـاتشي. اللي هي طائرة أبـاتشي إماراتية. المفروض معروفة في الخليج بالجنيه السوداء. الجنيه السوداء دي اللي هي طائرات أبـاتشي هناك عندهم. دي طيارات متطورة. خد بالك غالية جدا. أسعارها مش قليلة. كانت بتلاحق درونـات ومسيرات إيرانية. قدرت إنها تستهدف أكتر من مسيرة وتسقطها باعتبار إن ده البديل الأرخص من الصواريخ. ما أنا مش هطلع صاروخ بمليون دولار يوقع لي درون ب 30 ألف دولار. فدي برضه مشكلة كبيرة بتواجه الخليج دلوقتي. فللأسف الظاهر إن الطيار الإماراتي يعني اخترق الموضوع. فقرب من الطيارة شوية وهو بيقتلها. فالشاصية قدرت تفجر الدرون تفجر الهليكوبتر اللي هي الأباتشي الإماراتية. فدي نقطة. عند الله شهداء في النهاية. هم بيدافعوا عن سمائهم. وفي النهاية كل واحد ليه الحق فيما يخص الدفاع عن أرضه من عدمه. لكن في النهاية انت متورط نتيجة تواجد قواعد أمريكية على أرضك. ودي كارثة زي ما بيقولوا.
طيب فدي معادلة حماية. طب هل معادلة الحماية دي من ضمنها مصر؟ اه طبعاً. معادلة الحماية من ضمنها مصر. قصتها إيه؟ هنحكيها إن شاء الله في لايف النهارده. هيكون الساعة 11 ونصف بتوقيت القاهرة. عندنا أكتر من معلومة وأكتر من قصة حابين نتكلم فيها مع حضراتكم. لحد ما أشوفكم النهارده. أترككم في رعاية الله وشكراً. سلامكم.