كتر الهزار بيموت الهيبة! 🛑 (غلطة تقع فيها قدام البنات)

ازيكم يا شباب؟ بيجيلي كتير في الاستشارات وعلى الرسائل في الخاص إن كتير من الشباب بيعاني إن البنت مش بتحترمه على مدار العلاقة، بتتستخف بيه وبتقل منه. في الديت ده هجيب لكم سر من الأسرار اللي بيأدي للمشكلة دي، اللي يخلي البنت تقل منك على مدار العلاقة وتاخد عنك انطباع إنها تقدر تقلل منك. اتفرج وركز وأعرفك المشكلة فين بالظبط.

>> [ضحك]

>> عاملة إيه؟

>> اسمك إيه؟

>> نه.

مودي رقم واحد ضحك ضحكة يعتبر شديدة شوية. سلم عليها عادي بثقة، ولكن قال لها: "أنا اسمي مودي". المفروض لما الراجل يكون مثلاً بيبادر مع بنت في الأول بيكون مبتسم، مش بيضحك قوي؛ لأن الضحك الكتير ده يعني ممكن يبقى بينك شخص إن أنت، يعني أنا آسف، تافه شوية.

بالإضافة لموضوع مودي، أنا مش ضد الأسماء اللي هي الدلع، ولكن مودي والأسامي دي كلها أنا من رأيي إنها بتقلل من قيمة الراجل بشكل كبير. أنت متخيل تكون مراتك متجوزة مودي أو دودي أو الحاجات دي؟ ضد الرجولة تماماً بالنسبة لي، يعني على الأقل في حياتك.

>> أول سؤال [ضحك] بس أنا عاجبني في الأول إن إحنا مثلاً...

>> بتعمل إيه في حياتك؟ برضه ضحك. فعّمال يصدر انطباعه إن هو يعني شخص بيضحك كتير. يعني في فرق بين الابتسام والضحك. بيضحك، بيضحك كتير أوفر.

>> داخلين ماتشين كده مع بعض يعني، فإن شاء الله خير يعني.

>> ماشي.

>> أه، بعمل إيه في حياتي؟ بغني، بمثل، بعمل إعلانات، عندي براند مثلاً لبس كده، فهروق عليكي لبس كتير يعني.

أه، بيبيع نفسه. "بغني، بمثل، مش عارف بعمل، عندي براند لبس"، اللي هو يعني أنا غني بقى ومشهور وعندي براند، يعني بحاول إن أنا أهيأ نفسي ليكي علشان تقولي ده ما شاء الله ده عنده براند بقى فانا هنجذب ليه أكتر. بالعكس، الموضوع ده بيجي بالعكس. في حاجة اسمها علم النفس العكسي إن أنت مش بتبرز نفسك للطرف التاني، فالطرف الثاني بيحس إن أنت مش محتاج تبرز نفسك فبينجذب ليك تلقائي.

>> مش محتاجة حاجة من حد على فكرة.

لا مش قصدي، يعني قصدي أه طبعاً اديتها له. يعني هو بيحاول يعني بيبيع نفسه علشان هي تعجب بيه، وبرضه اديتها له في وشه: "مش محتاجة حاجة من حد". يعني اديتها له بطريقة مش لطيفة.

>> نزلي لي ستوري كده.

>> أه، قول بقى إن أنت طمعان [ضحك] يعني.

>> لا عادي والله، أنت بتعملي إيه بقى؟

>> أنا بعمل إيه؟ بخرج.

>> أيوه، بتعملي إيه تاني؟

>> بعمل إيه؟ بخرج بس.

إجابة مختصرة وبسيطة. هو يعني اتكلم خمس ست جمل، هي قالت: "أنا بخرج". ده يعني يدل إن البنت يعني مش مستثمرة كفاية في الديت. بالإضافة إن برضه البنت يعني بتاخد الموضوع بالريتم الطبيعي إن أنا لسه بتعرف على حد، مش هتكلم عن حياتي كلها مرة واحدة زي ما هو عمل. لا، هي بتتكلم طبيعي: "بخرج" عشان يسألها: "إيه طب بتخرجي فين؟" وبعدين الكلام يمشي طبيعي يعني.

>> بخرج في حياتي، بتبسط في حياتي.

>> مبسوطة في حياتك؟ أه.

>> طيب، دي حاجة كويسة [ضحك] يعني أنا طبعاً أتمنى...

أنا بصراحة أنا ما أعرفش الشاب ده، بالنسبة لي غريب جداً. يعني بتقول لك أنا مبسوطة في حياتي، يعني إيه اللي يضحك؟ يعني مش فاهم إيه اللي يضحك؟ يعني أنا عمال يصدر انطباع مش كويس. ده انطباع، انطباع في العقل الباطن عند البنت إن هو شخص، يعني أنا مش عاوز أقول اللفظ يعني، بس هو أه بيضحك كتير، يعني مش جد، حد مش جد. أنا بقى واحدة مبسوطة في حياتها، يعني بتعملي إيه بقى غير إن أنت تخرجي؟

>> بروح أروح الجامعة لو في جامعة عندي.

>> طيب، ده حلو أهو، يعني طالبة يعني.

>> أه.

>> طب نفسك مثلاً يعني شايفة نفسك فين بعد تلات أربع سنين مثلاً؟

>> مش عارفة، بس شايفة نفسي موديل، شايفة نفسي بشتغل الحاجة اللي علاقة بالماركتينج.

>> مش شايفة نفسك متجوزة مثلاً عندك أسرة وكارير؟

>> لا لا لا [ضحك] لا.

يعني ده أنا كنت لسه هوقف وأقول لكم يا جماعة ده ما شاء الله ده خد القيادة الذكورية وبدأ إن هو يسأل أسئلة وخد الدفة وخلاص بقى يسأل بقى ويفتح كلام. رجع برضه هزر تاني وضحك. يعني المفروض في توازن، يعني مش كل دقيقة ضحك هيستيري زي ما بيضحك كده. فللأسف يعني ضيع السؤالين اللي سألهم. مش شايف حاجة من الحاجات دي.

>> لا خالص بصراحة. يعني أنت قلت عندك أمم سنة أصلاً؟

>> أنا؟

>> تديني كام سنة كده؟

>> 20.

>> 20؟ شكلي صغير قوي كده؟

>> لا مش صغير قوي، بس بالشكل كبير يعني اللي هو 20.

>> لا، 23.

>> فرقت التلات سنين دول فرقوا معاك يعني.

>> يعني ده أنا أنت عندك 19 صح؟ كان عندي أربع سنين وبتنطط كده و...

>> وأنت كنت لسه بابا بابا كان بيفكر يجيب ولد ولا بنت عمال وجاب [ضحك] بنته. أه ما شاء الله. أيوه، أنا قلت حاجة ما شاء الله وماتشينج معايا وكده. كنت أصلاً عارفة إن أنا جاي لابس كده.

>> أكيد يعني مش لابس زيك يعني، أكيد يعني مش هعمل كده يعني.

أه بصراحة يعني من الواضح إن البنت مش يعني مش مبسوطة 100% قوي. يعني الهزار بتاعه يعني برضه هزار قديم شوية، اللي هو أنا وأنا صغير كنت أنا عندي أربع سنين كنت أنت مش عارفة تعملي كذا. يعني برضه طريقته لسه مش جد قوي، يعني بيهزر هزار أه صغير قوي، فاهمين؟ فالبنت حاسسها برضه بتتقفل سنة كده.

إيه قولي لي مثلاً إيه الشخص، يعني إيه إيه الحاجات اللي لو لقيتيها في شخص هتحبي إن أنت الشخص ده يبقى معاك؟ اللي هو إيه ده الله ده أتراكتد مي قوي؟ يكون بيسمع تكنو دي حاجة مهمة جداً.

>> كملي. لا أنا معاك طبعاً. تكنو بقى جينزي والشغل ده. طبعاً مش عاوز أعلق؛ لأن الشاب عامل حركات برضه بتقلل...

>> منه. [ضحك] خاين، شعب بيقفش الخاين.

>> أنا بصي، اللويالتي عندي 100%.

>> وإيه تاني؟ وإن ما يكونش نكّات دي يعني.

>> البنات هي اللي...

أه، بيبيع نفسه تاني. بتقول له أنا ما بحبش الخيانة، قال لها: "أنا اللويالتي عندي 100%". يعني أنا وافي جداً، ما تتخافيش، يعني مش أخونك وبتاع. بيحاول يثبت نفسه برضه إن هو شخص كويس فبيقول لها: "اقبليني". طبعاً مش عاوز أتكلم إن هو برضه اللي ميل على الترابيزة أكتر أه بجسمه وهي فردة ضهرها عادي وقاعدة يعني على الكرسي فردة ضهرها. هو ميل أكتر للترابيزة. فطبعاً أه هو بيحاول يثبت نفسه أكتر للبنت كده. معروفة كده، لاف هم اللي كاديين.

>> إزاي طيب؟

>> أنا واحدة أنا بقول لك أهو، ما فيش حاجة في حياتي غير أنا بخرج وبتبسط.

>> طب يعني مثلاً أهو أنا بقى لو جالي فرصة إن أنا أخرج وأتبسط مع حد، إزاي تخرج وتتبسط مع حد غير...

>> ماشي، هو مين قال لك؟ ما أنا ممكن أخرج مع أصحاب البنات. ليه أخرج مع أصحاب الولاد؟ ما أنا بسطت. أنت كويسة أهو، أمال في إيه؟ لكن أنا الناحية التانية عندي كل أما بعرف حد ألاقي...

>> لا بس أنا عندي بيست فريندز ولاد طبعاً.

>> بجد والله؟

>> أه.

>> ده لحد إمتى؟

شفتوا بقى اللي بتكلم فيه؟ شفتوا اللي بتكلم فيه؟ أنتم متخيلين إن لو في بنت معينة مثلاً قاعدة مع راجل قدامها شديد كده وشخصية قوية وجد، مش بيهزر إلا بالقليل، واضح إن هو ما يقبلش أصلاً موضوع البيست فريند ده. بيبان على فكرة من بره، بيبان إن الشخص ده جد مش بتاع هزار ولعب. أنتم عارفين لو فرضنا حتى إن البنت هتقول له إنها عندها بيست فريند ولاد، هتحاول تحطها له بالعافية كده من تحت لتحت وهي مرعوبة وخايفة من رد فعله أو مقلقة من رد فعله. لكن البنت حرفياً بترميها له كده بكل ثقة، بكل ثقة بالنفس؛ لأن هي عارفة إنها قاعدة قدام شخص مش جد. يعني فعادي لما أقول له إن أنا عندي بيست فريند ولاد، إيه اللي هيحصل يعني؟ عادي ده هو أصلاً عمال يهزر ويروش بقاله ساعة.

>> ده لحد على طول.

>> يعني...

>> لحد على طول.

>> أه، يعني دول إخواتي أنا صغيرة قوي وعمري ما أعرف أبدأ...

ضحك. وطبعاً حركة المناخير دي إن هو لو أخدتوا بالكم هرجع لكم تاني ركزوا فيها تاني كده: "ما بعرف حد ألاقي... لا بس أنا عندي بيست فريندز ولاد طبعاً. بجد والله؟ ده لحد إمتى؟ ده لحد على طول يعني. لحد على طول. أه، يعني دول إخواتي أنا صغيرة قوي وعمري مرة..." الحركة اللي عملها دي ضحك وبعدين حرشة المناخير دي أو حركة المناخير دي دي بتدل على التوتر أو بتدل إن هو ما عندوش رد. هو مش عارف يرد فعلاً، هو اتزنق مش عارف يرد؛ لأن هو أنا آسف يعني هو مش جد، يعني هو مش عارف يتكلم في موضوع جد. فلما جينا لموضوع جد البنت حرفياً زنقاه بتقول له أنا عندي بيست فريند ولد من صغري، هتتصرف إزاي؟ قال لها: "لحد على طول" وضحك. ما هو ما عندوش رد فعلاً.

>> طب ما أنت هتعرفيه، يعني هم لما يبقوا موجودين أنا...

>> لا عادي، أعرفك عليهم.

>> ماشي، يعني أنت دلوقتي هيبقى عندك بيست فريندز ولاد وكده.

>> طب وأنا بيبقى عندي بنات عادي؟

>> لا طبعاً، لا طبعاً.

>> إزاي يعني أنت...

أولاً، أولاً إنك تتناقش مع بنت أصلاً في مشكلة بالنسبة لك ريد فلاج. بيدي البنت فرصة إنها تتناقش معاك في الموضوع ده وإنها ممكن تأثر عليك في الموضوع. زي مثلاً يجي لي كتير برضه في الرسائل إن هو بيتناقش مع البنت اللي مرتبط بيها أو خطيبته أو زوجته إنها تغير لبس معين أو كده. فلما بفهم منه التفاصيل بلاقي إن هو تناقش معاها، فضل يسعى يقنعها. يا جماعة، إحنا مش بنقنع البنات بحاجة معينة، إحنا بنقول للبنات دي حدودنا 1، 2، 3. لو موافقة عليها هنكمل مع بعض، مش موافقة عليها والحدود دي بتمس رجولتي ونخوتي، فأنا للأسف أنا مضطر أسحب نفسي؛ لأني ما أقبلش على نفسي حاجة زي كده.

فالشاب ده بيتناقش معاها أصلاً في موضوع البيست فريند، فهي عندها أمل إنها إن هو عادي يقبل الموضوع، وأصلاً هو قابل الموضوع أصلاً. الحاجة التانية بيسألها: "طب أنا بقى هل يبقى عندي بيست فريند أه بنات؟" أنت طالما سألت السؤال ده فانت أصلاً يعني أنت متقبل الموضوع بتاعها، فده بيزود الطين بلة. ده بدل أصلاً ما أنت ترجع ضهرك لورا كده اللي هو كأنك قفشت من الكلمة بتاعت بيست فريند ولاد، "أنت غريبة قوي يعني إزاي بيست فريند ولاد؟ يلا ما علينا ما علينا" وتكمل الديت عادي ولكن وأنت مقفول. هي هتبدأ تقلق إن أنت خلاص يعني بتروح من إيديها فممكن تبرر وتصلح كلامها من أول وجديد. ولكن طبعاً من بداية الديت الشاب ده مش جد في الكلام قوي فبرضه ده ما كانش هيحصل يعني.

>> قوي لا.

>> ولا أنت توكسيك ولا أنت إيه؟

>> لا هو أنا أه ماشي هو في نسبة.

>> لا ما أصل دي مش الشنطة بتاعتك يعني عندي بيست فريندز ولاد دي.

>> لا ماشي بس أنت ممكن تكون عارف، أنا ما أعرفش البنت دي بس أنت كده كده لو شفتهم أنا متأكد.

>> طب هقول لك حاجة، أنا هقنعك، هقنعك.

>> ماشي.

>> أنت الولدين دول بيحققوا لك إيه في حياتك؟

>> كل حاجة بجد، كل حاجة.

>> يعني مثلاً يعني بيعملوا إيه؟ أنا ممكن ما أعرفش أعمل.

أنا بس عاوزكم يعني تتخيلوا نظرة البنت ليه غريزياً من جواها من الفطرة، عشان ده كله على فكرة عقل لا واعي. البنت شايفة إزاي راجل قدامها بيحاول يقنعها ما تكلمش رجالة غيره؟ فيعني قد إيه هتشوفه قليل أصلاً؟ فـ وما زال بيتناقش، يعني عدى كذا دقيقة وما زال بيتناقش ولسه هيتناقش. المهم...

>> أه كل يعني عامل هو صغير تسع سنين مع بعض.

>> بجد والله؟

>> أه والله، وأهلنا صحاب.

>> طب مش كفاية كده ولا؟

>> لا طبعاً مش كفاية كده، 10 سنين.

>> يعني أنت واحد دلوقتي مثلاً يكون لسه عافاك سيب بقاله سنة أو سنتين، فأخسر بقى أصحابي اللي هم أنا متربية معاهم وعاشوا معايا كل ده خاطر عشان خاطر بني آدم عادي دخل حياتي؟ يعني مش قصة يعني [ضحك].

>> أيوه بس أنا... ماشي هتتكلم على بيست فريند.

>> لا ليه؟ أنا ما دوستش ده، أنا بهرش، أنا بهرش لسه يا جت في الت...

>> حسيتك [ضحك] هتض... شفت الغدر في عينيك.

>> يا بنتي ده أنا لسه هفتح التوبيك وأقول دي عاقلة شكلها عاقلة وري...

عامة يعني أنا الديت ده اتعمدت إن أنا أجيبه أه بسبب موضوع إن كتير من الشباب أه مثلاً يبعت لي شات لي أو يحكي لي عن تفاصيل مبادرته البنت فلقى إن هو كان بيضحك كتير جداً، بيهزر كتير جداً. والجانب الآخر البنت بترد ردود مقتضبة أو يعني ردود مقفولة وباردة شوية. وبعدين يرجع يستغرب إن البنت بتكرف له ليه؟ طب ما هو طبيعي، أنت مش عارف تماثل الطاقة بتاعتها.

يا جماعة، اعرفوا إن أنت لازم تماثل طاقة اللي قدامك. اللي قدامك مديك قدر من الطاقة، لو أنت زودت عنها هيشوفك أقل منه، لو اديته أقل منها أه يعني مش أفضل حاجة. ماثل الطاقة، الطاقة، ماثل الطاقة.

فللأسف الشاب ده مش جد، بيهزر كتير قوي، بيضحك أوفر، يعني هزار ما فيش كلام جد، ما سألش على بعض كام سؤال جد. قعد خمس دقايق تقريباً بيتناقش معايا في موضوع البيست فريند الولد والبنت والشغل العبيط ده. فأنا حبيت بس أجيب لكم الديت ده علشان المشكلة دي تاخدوا بالكم منها. أتمنى يكون الفيديو عجبكم وأفادكم. اللي عاوز يحجز معانا استشارة أو يشترك معانا في الجروب الخاص السري اللي هينزل عليه محتوى خاص ومميز في تليجرام يتواصل معايا على الخاص. مع السلامة.