٧ امور اول اليوم غيرت حياتى وصحتي النفسية / ابدء الان فورا

السلام عليكم. كطبيب وكمثرى، في سبع حاجات لا يمكن أعملها عشان أحافظ على قدراتي العقلية وسلامي النفسي طول اليوم. وهقول لكم في الآخر ممارسة، لما تعملوها قدراتكم العقلية ونفسيتكم هتتغير من أول يوم. أنا كريم علي، وانت بتتفرج على برنامج فكري.

ثاني، مستعدين لكثير من الذكاء والذاكرة في هذه الحلقة؟ يلا بينا.

الرياضة الصباحية أول ما تصحى بتزود حاجة أو بتنشط حاجة في المخ اللي اسمها الأمجدالين.

ثاني، أمعائك هي العقل الثاني. خد القاعدة دي: إن اليوم بتاعك بيبتدي بالليل، مش بيبتدي لما تصحى الصبح.

أهلاً بيكم. إحنا محتاجين قدراتنا العقلية عشان الذكاء والذاكرة وترتيب الأفكار وسرعة البديهة وأخذ القرارات السليمة والتصرفات السليمة والعمل تحت استرس. ومحتاجين الحالة النفسية عشان أبقى هادي طول النهار، ما يبقاش عندي انجزايتي وقلق، ما يبقاش عندي اكتئاب، ما يبقاش عندي نوبات هلع، ما يبقاش عندي قلق غير مبرر. عشان كده السبع حاجات اللي هنقولهم النهارده هتغير كل ده من حالة الاضطراب العقلي والقلق والاكتئاب إلى حالة السلام وحالة الذكاء والذاكرة.

الحاجة الأولى اللي لا يمكن أعملها إن أنا أصحى متأخر على منبه وأجري جري على الشغل. ده بيدمر يومك عقلياً ونفسياً طول اليوم. المفروض أول حاجة نعملها في اليوم نصحى بدري ونلعب رياضة. لما نلعب رياضة، حتى لو مش قادر تروح الجيم، اعمل رياضة جنب السرير. اعمل نط الحبل، انزل اتمشى نص ساعة، اعمل استرتشات. الرياضة الصباحية أول ما تصحى بتزود حاجة أو بتنشط حاجة في المخ اللي اسمها الأمجدالين. لما تتنشط، ما يبقاش فيه انجزايتي طول اليوم، ما يبقاش فيه قلق، تبقى هادي، تبقى آمن عقلياً ونفسياً. أوعى تصحى جري على المنبه. العب رياضة الصبح. دي أول حاجة.

النقطة الثانية وهي ك البروبيوتيك أو البكتيريا الحية. في علاقة مهمة جداً ما بين الميكروبيوم والبكتيريا اللي عايشة في أمعائك وقدراتك العقلية وتركيزك وذاكرتك وذكائك. فمن وقت لآخر لابد أن نأكل المتخم أو نأخذ بروبيوتيك مرة أو مرتين في السنة، أو مع الانتيبيوتيك. مع أي حد بياخد انتيبيوتيك لازم ياخد بروبيوتيك. حط لكم حلقة البري والبروبيوتيك مهمة جداً، ولكن لابد للحفاظ على قدرتك العقلية، ومو أن يبقى البكتيريا بتاعة أمعائك مظبوطة. عشان كده بنسميها إيه؟ العقل الثاني. أمعائك هي العقل الثاني. هي اللي بتأثر على المخ وبتأثر على المود. فمن حين لآخر دخلوا الأكل اللي فيه بكتيريا حية أو خذوا بروبيوتيك مرتين على الأقل في السنة لمدة 15 يوم، ويبقى على الريق عشان حمض المعدة ما يموتش البكتيريا.

ثلاثة. النوم. يومك. خد القاعدة دي: إن اليوم بتاعك بيبتدي بالليل، مش بيبتدي لما تصحى الصبح. أنا يومي بيبتدي الساعة 12 أو 10 بالليل. لو نمت صح، نوم كواليتي عالية، نوم عميق في أوضة ضلمة، ثاني يوم الذاكرة بتزيد أو بتتحسن فوق الـ 40%. تركيزك وقدرتك على اتخاذ قرارات وسلامك النفسي وعدم وجود اكتئاب أو قلق بيعتمد على نمت إزاي قبل ما أدخل اليوم الجديد. عشان كده الناس اللي ما بتنامش بتت نرفز على طول. الناس اللي ما بتنامش ما بتعرفش تركز، بتنسى الأرقام، بتنسى الأسماء. فمهم جداً. هحط لكم رابط حلقة النوم. النوم للث الصحة. نومك العميق الليلة دي يخليك اليوم الثاني أكثر ذكاء وأكثر هدوء نفسي. أهم حاجة النوم.

النقطة الرابعة. ودي مهمة جداً. التليفون والموبايل أول ما تصحى. أوعى تاخد عقلك من موجات فيتا أثناء النوم لموجات 1 ألف بتاعة الصحيان. انت بالظبط اللي انت بتعمله أكن أخذت واحد نايم تحت البطانية دافي، تاخده ترميه في حوض ميه باردة أو ميه ساقعة. بالظبط ده اللي إحنا بنعمله. لما تمسك الموبايل بتعمل شيفت لمخك بطريقة انت مش متخيلها. أوعى تاخد الموبايل أول ربع أو نص ساعة لغاية مخك ما يعلي الويفز بتاعته ويبتدي في موجة النشاط. دي المصيبة الأولى. المصيبة الثانية إنك لما تمسك الموبايل أول ما تصحى بتعمل دوبامين زي ما هقول على حتة الفطار كمان شوية. لما تعمل دوبامين، يعني انت أخذت سعادة أو أخذت شيء حلو الصبح، بتفضل طول اليوم رايح جاي على موبايلك. قاعد في اجتماع بتبص على الموبايل، ماشي في الطريق بص على الموبايل. كل عارفين الحركة الأوتوماتيك دي بسبب إنك ابتديت يومك بدوبامين الموبايل أو السوشيال ميديا. أوعى تمسك الموبايل أول نص ساعة. بتحافظ على تركيزك، بتحافظ على قدراتك العقلية، بتحافظ على على عدم علو الدوبامين. والأهم من كل ده إنك تقطع اتصالك طول اليوم وضياع وقتك ومجهودك عشان ماسك الموبايل طول اليوم. نص ساعة لا يمكن أمسك التليفون. قاعدة مقدسة.

النقطة الخامسة. وعت فكر ثاني. حافظ الكلام ده. ما تفطر. ولكن الناس اللي مصرة تفطر، ابعد عن المخبوزات والسكريات. يدمر يومك طول اليوم. لما بتاخد حاجة سكرية أول ما تصحى أو بتاخد حاجة حاجة مخبوزات فيها دقيق أول ما تصحى، السكر بيعلى. ومش ده اللي يهمني قوي. يهمني الدوبامين اللي بيعلى. فبتفضل طول اليوم تطلب أكل. تفضل الساعة 12 عايز تاكل، والساعة 2 عايز تاكل، الساعة 4 عايز تاكل. تفضل مرتبط بالأكل طول النهار وخصوصاً السكريات. مصر تفطر. هحط لكم حلقة ثانية ليه ما بحبش الفطار أو ليه فطار أكلة غير صحية. لو مصر تفطر، افطر بروتينات ونشويات معقدة. يعني ممكن تاكل رز الصبح أو خبز من الطحين اللوز أو طحين جوز الهند أو تاخد بطاطا مهروسة أو بطاطس مهروسة. لو انت مصر على الفطار، فالنشاط ما تعليش الأنسولين قوي. فيفضل الأنسولين هادي طول اليوم. مش كل ساعتين يحصل كراش ومخك يفصل وعايز تاكل وبتفكر في الأكل. فوزنك يزيد وقواك العقلية وتركيزك وذاكرتك تبقى فيه مكان تاني خالص. النقطة الخامسة. ابعد عن الفطار أو افطر صح.

النقطة السادسة. ودي مهمة جداً وتمهيد للي إحنا هنعمله كل يوم الصبح. كلامك مع نفسك الصبح أو كلامك مع نفسك طول اليوم. الكلام اللي انت بتقوله السلبي مع نفسك بيعمل واير إن في المخ. يعني أنا فاشل، أنا ما فيش فايدة فيا، أنا حظي كده، أنا الدنيا جاية عليا، أنا مراتي بتضربني، وات إيفر انتوا بتقولوا إيه بينكم وبين نفسكم. ده بيعمل واير إن يعني بيشغل حاجات في المخ. وات واير إن والمانيفست يعني الحاجة اللي بتسخن المخ بتحصل في الواقع. خدوها كده. يعني مش لازم ندخل في في عميق العميق. ولكن اللي انت بتفكر فيه سيء هتلاقيه سيء. حلو هتلاقيه حلو. لو انت مثلا حاجة كده سريعة ومهمة قوي. لو انت دلوقتي بتفكر تشتري عربية حمراء مرسيدس، بتلاقي البلد كلها اتملت عربيات مرسيدس. ليه؟ لأن انت لما عملت واير إن حاجة في المخ اسمها آر إيه إس (RAS) ريتيكولار أكتيفيتينج سيستم. الريتيكولار أكتيفيتينج سيستم ده لما انت تديله فكرة حلوة أو وحشة، هو ملوش دعوة. هو بيتعامل بالفكره. هي فكرة أنا وحش أو أنا عظيم. محمد علي كلاي كان وهو عنده 12 سنة بيقول: "آي آم ذا جريتست" (I am the greatest). أنا عظيم. هو أصلاً ما كانش يعني خد بنيتين في دماغه لسه فعلاً. عشان عمل واير إن الريتيكولار أكتيفيتينج سيستم عليت أو زودت الطاقة. فتبتدي تعمل إيه؟ تدور على كل حاجة تؤيد الفكرة. تدور على كل حاجة تسهل وجود الفكرة. تدور على كل حاجة توصل لك الفكرة. بالظبط زي لما تكون عايز تشتري عربية مرسيدس، تلاقي كل البلد بقت عربيات مرسيدس. عشان كده اللي انت هتقوله: أنا سعيد، هيدور طول النهار على السعادة. أنا غني، هيدور طول النهار على الغنى. يعني إيه؟ هتلاقي الفلوس في الشارع؟ لا. يعني لما تلاقي اتنين بيتكلموا بزنس، هو يقول: ده انت عايز غنى. بيتكلموا في البزنس. تروح تسمع الكلام. تتكلم كلمتين. تفتح مشروع تبقى غني. أو تلاقي حد بيقول لك في استثمار كويس. لو انت الريتيكولار أكتيفيتينج سيستم مش شغالة في جسمك، مش هتاخد بالك إن دول بيتكلموا في الفلوس. أو الخبر في الجريدة عن أسهم. أو حد بيتكلم عن غلطة في الاقتصاد لما صلحها فلوسه اتحسنت. أو فيديو في اليوتيوب إزاي يبقى عندك حرية مالية. كل ده مش هتشوفه لأن انت ما حطيتش الفكر في دماغك. عرفتوا بالبلدي كده إيه هو قانون الجذب مثلا؟ مش قانون الجذب بنتكلم تقول: أنا عايز أبقى غني، عايز أبقى غني. وأنا قاعد. العلم بيقول إيه؟ هو الفكر. لما تيجي تنشط حتة في المخ. فتبتدي تدور أو تبدأ تشوف العربيات المرسيدس الكتير. هو أنا زودت العربيات المرسيدس؟ أو خزعبلات تزويد العربيات المرسيدس؟ لا خالص. أنا مخي خلاني أشوف اللي أنا عاوزه اللي أنا بفكر فيه. ريتيكولار أكتيفيتينج سيستم. أناتومي. فيسيولوجي. علم أعصاب ما يقدرش ينكروا هذا الكلام. فالأول خمس دقايق الصبح أو طول اليوم، أوى تكلم نفسك في حاجة سلبي. هتعمل واير إن ومانيفست أو تحصل في الواقع. أنا خايف من المرض. هو ملوش دعوة مخك انت مريض ولا مش مريض. مرض فيه مرض. هو خايف يحصل له مرض. فيفتح التلفزيون. فلان مات بالإيدز. ينزل يصاحبه سبعة قاعدين. واحد قال: أنا عندي إنفلونزا وبكح. مخك هيروح: آه ده في إنفلونزا في الأوضة. وفي فلو جاية. وفي إغلاقات هتيجي. وأروح أدور على التطعيم والأنتبايوتك. وخالتك كلمتك بتكلمك في 100 حاجة وتقول لك: أنا عندي مغص. مخك يروح لمنطقة المغص. مش هزود في النقطة دي كتير. ولكن أفكارك اللي انت بتقولها لنفسك بتحصل في الواقع وبتأثر على قواك العقلية وسلامك النفسي والقلق أو تحس بسلام وتلاقي السعادة في كل مكان. مهم قوي النقطة دي. ركزوا فيها. حياتكم هتتغير عقلياً ونفسياً.

النقطة السابعة والأخيرة. وهقول لكم بقى الحاجة اللي تغير يومكم تماماً. أول أفكارك لما تصحى. إيه الحاجة اللي انت بتاخدها الصبح أول ما تدخلها العقل بتفضل طول النهار معاك؟ يعني إيه؟ يعني لو فكرت: أنا رايح الشغل والمدير عاوزه. وانت لسه على السرير. أنا رايح الشغل عندي مصاريف العيال. البيت فيه مشكلة. يا هقابل اسمه إيه الفلاني. الميتنج هيبقى طويل. دخلت المعلومات في مخك بشيء اكتئابي أو شيء انت مش حابه. يفضل طول اليوم مودك مش كويس. الحاجة السحرية اللي اعملوها وتأكدوا إن اليوم هيتغير تماماً. أول ما فتح عينك بص. افتكر أفضل خمس حاجات في عمرك كله. مثلاً يوم جوازك، يوم تخرجك، يوم مثلاً استلامك الجائزة الفلانية، يوم ما خسيت فلاني، يوم ما تابعت دكتور كريم علي الله يعمر بيته. لما تحط أفضل خمس لحظات في حياتك بتلاقي أوتوماتيك انت ابتسمت. لما تبتسم تعرف إن مودك اتحسن. تعرف إن انت ابتديت يومك صح. تعرف إن انت حسيت بال أبريشيشن (appreciation) أو بالامتنان للنعم العظيمة اللي مرت في حياتك. يفضل طول اليوم مخك يدور على السعادة والحاجات اللي بتسعد واللحظات السعيدة والبحث عن السعادة. يومك ومودك وتركيزك وأفكارك بتتغير بدقيقة واحدة. تفتكر أحسن خمس لحظات في حياتك. دول السبع نقاط اللي لازم نحطهم أمامنا كل يوم عشان نحافظ على قدراتنا العقلية ونحافظ على سلامنا النفسي. جربوا مرة واتنين وثلاثة. الخمس نقاط بتاع الصبح. وده هيغير حياتكم تماماً.

أنا كده خلصت الحلقة. ما تنسوش الاشتراك وتأكد إن الجرس مفعل عشان الفيديوهات الجديدة توصل لك عن العقل والجسم وسلامة الروح. أنا كريم علي. وفي الآخر وما توفيقي إلا بالله. عليه توكلت وإليه أنيب. سلام عليكم في حفظ الله.