Transcription
حبيبتي، ابني حياتك وبعدين يلي بده يجي يا 100 اهلا وسهلا.
في مثل ألماني بيقول لي: "ما بقى تلحق الفراشات، بل ابنِ لهم حديقة حلوة، فلحالهم بيجوا. وإذا ما اجوا، على القليلة بضل عندك حديقة حلوة." وبتعرفي مين الحديقة الحلوة؟ هي انتِ، هي إنجازاتك، هي قيمتك، هي هيبتك، هي جاذبيتك.
أول شغلة بدك توقفيها: تحكي عن حالك، تحكي عن نفسك. "أنا عملت هيك، سويت هيك، أنا عاملة هيك بحياتي، أنا مسوية هيك." الناس متعودين إنه لما يحققوا إنجاز أو ينجحوا بأي شيء بالحياة، بدهم يحكوا عنه، بدهم يتفخروا فيه، بدهم ما يخلوا حدا ما يخبروه عن الإنجاز اللي عملوه. انتِ خلي النتائج هي تحكي أكثر منك. قد إيش حلو بعدين يسمعوا من العالم قد إيش انتِ إنسانة ناجحة. قد إيه حلو لما يشوفوا مثلاً على السوشال ميديا، صفحات السوشال ميديا تبعتك، انتِ مين، انتِ شو عاملة بحياتك، شو أنجزتي، لشو واصلة. استغني عن الاستعراض.
ثاني شغلة بنصحك تعمليها: تاني بالاستثمار العاطفي، وتأخري لتكشفي نواياك ومشاعرك. لأنه في كثير بنوتات شو بتعمل؟ عشان تربح الشخص، عشان بـ معلقة فيه وما بدها إياه يروح، بتروح شو بتقول لهم: "أنا نيتي هيك، أنا بحبك كثير ومش قادرة أعيش بلاك، أنا معلقة بهدا المشروع، وإذا ما مشى هيدا المشروع، مشروع أنا بنتهي، أنا هيك." ما بقى تكشفوا عن نواياكم، ما بقى تستثمروا عاطفياً بالأشخاص الغلط. خذوا نفس وهدوا، ما تبينين قلقك للأشخاص. ليش ما تعملي هيك؟ رح أخبرك ليش. لأنه دائماً الأشخاص اللي قدامك بيستغلوا هيدا الشيء ضدك. احسبي مثلاً إنسان معجب فيك، اوكي؟ جيتي قلتي له: "أنا كثير بحبك، متعلقة فيك، إذا بتتركني أنا بموت." بينتِ استثمارك العاطفي، وبينتي مشاعرك بسرعة، فتحتيهم قدامه. بصير خلص يقول: "هي مضمونه، في اعمل شو ما بدي، وبعرف رح تضل تحبني." مش عم بحكي بس عن شريكك العاطفي، عم بحكي مثلاً عن مشروع. بتحكي قدام العالم: "أنا إذا ما مشي هيدا الشيء، ممكن يخسرني كل مصرياتي اللي معي." هن بصيروا ينقوا عليه الزبونات اللي بدها تشتري من عندك. تتأنعي ليش؟ يمكن بدها تبيعنا إياهم بس عشان هي خايفانة، مش لأن البرودكتس منيح. فما تكشفي عن نواياك العاطفية ومشااعرك قدام حدا. لو قد ما كانوا أقوياء، خليهم لحالك. دائماً بيني للعالم إنه عندك خيارات متعددة، وهيدا الشيء اللي عم تعمليه أو اللي عم تختاريه هو خيار من قصص كثير عندك إياها.
سيطري على ردات فعلك. هيدي شيء كثير مهم تعمليه. إنك مثلاً لما حدا يستفزك، يقول لك كلمة هيك، كلمة هيك، ما بسرعة تبيني عن استفزاز أو تبكي قدام الناس يلي جرحوك. بعرف صعبة، بعرف أوقات مشاعر ما بتكون بالإيد، بس لازم تتعودي ما تبيني إنك استفزيتِ، انجرحتي قدام ولا إنسان. لأنه بصيروا يعرفوا نقطة ضعفك، وقت بدهم يأذوك كثير سهلة عليهم، لأن صاروا يعرفوا وين نقطة ضعفك. ووقتها بدهم يستغلوك، بيعرفوا وين يضربوا على أي وتر بحياتك. فانتِ ما لازم تبيني شو نقطة ضعفك للناس، شو بيستفزك، وين القصص اللي بتلوي لك قلبك. بتقولي: "لا حرام، لازم سامح، هيدا شخص، لازم ما أسامحه." ما تبيني. تقعدي تحكي عن حالك قدام الناس إنه انتِ شو، انتِ كيف بتفكري، انتِ شو بتعملي. وما تعطي كل الناس النسخة مني. مش الكل بيستحق إنك تكوني الإنسانه اللطيفة، مش الكل بيستحق إنك تكوني الإنسانه الصادقة، مش الكل بيستحق إنك تكوني الإنسانه الإنسانية معهم. لا، كل إنسان على قد ما بيعطيك، أعطيه. ما تضلك تعطي تعطي تعطي. اللي بيعطيك واللي ما بيعطيك، كل شيء بتعطي، بتوصلي لمرحلة طاقتك مستنزفة. هيدي الحديقة اللي عم نبنيها، شو بضل فيها؟ كل شيء عم نعطيه، عم نعطيه. إجا حدا من هون، بنعطيه الوردة. إجا حدا ثاني جاب معه سلة شوكولاتة كبيرة، كمان أعطيتيه وردة. إجا واحد ما جاب معه شيء، أعطيتيه وردة. إجا واحد جاب لك قطعة شوكولاتة هالقد، أعطيتيه وردة. طيب، ما شو رح يبقى بهي الجاردن اللي عم نبنيها؟ حافظي على انتِ. كل شخص أعطيه على مقداره، ما تعطي أكثر من ما الشخص عم يعطيك. دائماً، حتى شو عم يعطيك، بالميزان. لأن بطبيعة كل البشر مصلحجية. الإنسان هيك، إنسان مخلوق سبحان الله، عنده أنا، عندي مصلحتي قبل الدنيا كلها. فانت لما يشوف الشخص اللي قدامك عم تعطي تعطي تعطي، رح يستغلي، رح ياخذ كل شيء وما يقصر. فاعطي على قد ما عم ينعطاك.
وأهم نقطة لنبني هيدي الجاردن الحلوة المليانة ورود، هي إنك تستثمري بنفسك. هيدا أكثر شيء ما لازم تبخلي فيه. استثمري بشكلك، استثمري بعلمك، استثمري بثقافتك، استثمري بجسمك، كل نواحي حياتك. استثمري كورس حقه 1000 دولار انتِ محتاجتيه، بتحسي نفسك محتاجتيه، حطيهم. ما تسألي. انتِ منه عاجبك تمك؟ بتحسيه إنه هيك صغير شوي؟ ع بالك تروحي تعملي فيلر؟ الكل بقول لك: "لاقي لوك سو فيك، ما تعمليه، ما تساوي، ما ما تروحي." اعمليه. وروحي استثمري بشكلك لتوصلي للشكل اللي انتِ راضية عنه من جواتك. بس انتبهي، ما تجري العاطفة. يعني مش مثلاً تكوني تركتي انتِ وحبيبك، تروحي بـ تغيري شكلك، مش منذية من موضوع تعوضيهم بشكلك. أنا عم بحكي عن الإنسانه اللي عندها بلانس بحياتها. انتِ كل ما هي قراراتك عن وعي، اعملي كل شيء بحياتك. سافري، اطلعي، اعملي شوبينغ، جيبي الشنطة اللي بدك إياها، صرفي على حالك. كل شيء على نفسك اعمليه.
وبدي أحكي عن موضوع كثير موجود على السوشال ميديا: ما تنطري هيدا الفارس أحلام الملياردير الجاي ينقذك على حصان أبيض ويشيلك من حياة انتِ ما بدك إياها، ومسلسل تركي. حبيبتي، ابني حياتك وبعدين يلي بده يجي يا 100 اهلا وسهلا. بس ابني حياتك، ما تنطري توقفي حياتك ناطرة مين يجي لابنيها. واللي بده يجي يا 100 اهلا وسهلا، ما بده يجي يصطفل. يعني إذا على نفسك ما بدك تصرفي وتحطي وتعملي كل شيء بيبسطك، على مين بدك تصرفيهم؟ وتتذكري نفسك الصغيرة؟ وعدتيها إنه تعيشيها حياة حلوة، تعيشيها حياتي تكون مبسوطة. إيه، هيدي البنت اللي بدك تستثمري فيها، هيدي البنت اللي رح تقولي لك: "أنا فخورة فيك" بعد كم سنة لقدام. انبسطي بنهار. كل يوم، ما تعيشي على وضع الانتظار، ما تعيشي على وضع: "ليصير هيك، بنبسط." لا، انبسطي كل دقيقة وكل ثانية، كل يوم. خليه سبيشال. كل يوم بده يكون نهار حلو. كل يوم، حتى لو كان كثير بايخ، ما في شيء فيه رح يكون حلو. قعدي مع أهلك، مع رفقاتك، انبسطي. حتى لو ما في شيء، ما في شيء، خليه حلو. انبسطي بكل أداء تفاصيل عم تعمليه. المج اللي حلو اللي شريتيه، اشربي فيه اليوم، اشربي فيه كل يوم. العطر اللي جايبتيه اللي بتحبيه كثير، رشي منه كل يوم. ما في أحلى منك، وما في أغلى منك على نفسك.
رح أقول لك شغلة سمعتها مرة وعن جد أثرت فيني كثير. بقول لك: "إذا بتحبي نفسك 10%، بيجي إنسان ثاني بحبك 20%." بتقولي: "واو، هي لافز مي سو ماتش، كثير بحبني هيدا الإنسان، إنه كثير بحبني يا الله." بينما إذا بتحبي حالك 50%، لـ 20%، رح تطلعي هيك، رح تقولي: "لا، ما بحبني هيدا. شو هيدا؟ شو جابه على حياتي؟ روح، روح، شو مفكر حالك؟ انت شو عم تعمل لي؟" انت إذا بتحبي حالك 100%، بدك الـ 100%. بدك إنسان يحبك عن حقيقة. الـ 20% ما كان بحبيه.
وبتقول لك شيء كمان: بعد ما تستثمري بنفسك وبراحتك وبأسعار، ما تتصرفي عشان تثبتي أي شيء لإنسان. ما بفيديو عم بقول: "ما عم بصير عندك بستان حلو." بتعرفي ليه؟ لأنه كل ما طلعت وردة عم تقطفها، روح تعطيها لحدا لتثبت لهم إنك مزارع. وما تثبتوا شيء لحدا. جست عيشوا حياتكم، وانبسطوا بحياتكم، وخلوا كل أيامكم حلوة. وصار وقت نعيش لنفسنا، مش للناس. بحبكم قد الدنيا. انتبهوا لحالكم كثير.