البقــاء للأقوى .. إيران تزرع ألغام في مضيق هرمزرسمياً وترامب يهدد بتصعيد الحرب لمستويات غير مسبوقة

السلام عليكم، ازيكم؟ مافيش شك إن أبرز نقطة ضعف للجيش الأمريكي في الحرب دي مش الذخيرة، مش أسعار النفط، مش تكلفة عمليات الحرب اللي تجاوزت 11 مليار دولار في أول ست أيام زي ما رويترز قالت. لا، إحنا هنا قدام نقطة ضعف أمريكا لحد دلوقتي مش عارفة تحلها، برغم إن الحرب في نهاية الأسبوع الثاني. إيه هي؟ مضيق هرمز.

مضيق هرمز، حضرتك لازم تعرف إن معدل العبور اللي كان فيه كان 49 سفينة في اليوم. الرقم ده انخفض لخمس سفن فقط في اليوم. وعلى فكرة، خمس سفن ده تقريبًا، لأن ما حدش عنده علم بالضبط كم سفينة بتقدر إنها تعبر مضيق هرمز بعيد عن الاستهدافات الإيرانية.

بس دونالد ترامب نزل تغريدة أخطر ما يمكن. دونالد ترامب نزل تغريدة على منصة "ذا تروث" وقال: "لو إيران زرعت ألغام في مضيق هرمز، برغم إن إحنا كجيش أمريكي ما عندناش أي تقارير بتقول كده، بس لو زرعوا ألغام يشيلوها فورًا، لأن لو ما شالوهاش هنروح لمستوى الحرب والمستوى العسكري ما اتشافش قبل كده". يعني هياخد الحرب دي المستوى العسكري خطير جدًا إيران ما شافتوش قبل كده.

ماشي. أما لو إيران سمعت الكلام وشالت الألغام دي، لازم تعرف إن إيران هتبقى على الطريق الصحيح. هو ما اداهاش أي وعود ولا اداها أي مكافآت، قال لك هتبقى على الطريق الصحيح. التغريدة دي لازم تعرف إنها كارثة. ليه؟ هي إيران هتسمع كلام ترامب؟ يعني، يعني خلي بالك لو ما سمعتش كلام ترامب هيروح لمستوى عسكري إيران ما شافتوش قبل كده. لازم حضرتك تعرف إن إيران أصلًا بتشوف مستوى عسكري ما شافتوش قبل كده ولا كانت تتوقعه. إن يتم قتل المرشد في أول يوم؟ حرفيًا. فهل لما دونالد ترامب ينزل لهم تغريدة هيروحوا يشيلوا الألغام؟ أكيد لا.

الحاجة الثانية، فين كاسحات الألغام الأمريكية يا باشا؟ زرعوا ألغام، الأمريكان والجيش الأمريكي يخش ينزع الألغام دي وخلاص. عاوز أقول لك إن في تقرير عسكري، أنت هتنبهر. يعني شوف أنا لما قعدت أقرأ التقرير ده، أنا ما صدقتش نفسي. اللي كاتب التقرير ده ديفيد بتريوس. ديفيد بتريوس هو قائد القيادة المركزية السابقة، القيادة المركزية المسؤولة على الشرق الأوسط، ماشي، والخليج. ده الراجل ده كان قائدها السابق. ديفيد بتريوس ده كان قائد كمان المخابرات الأمريكية السابق، فـ راجل ذو ثقل كبير جدًا.

طلع قال لك: "على فكرة الموضوع مش سهل في موضوع الألغام ده وموضوع كارثة". إيه الكارثة اللي بتواجه الجيش الأمريكي وليه الجيش الأمريكي مش عارف يزيل الألغام؟ قصة غريبة جدًا. بس أخطر منها مقالة نازلة في موقع "فورن بوليسي". المقالة بتقول إيه؟ المقالة بتقول إن الصمود هو اللي هيحسم الحرب دي. ماشي؟ الحرب دي مش عسكرية. الحرب دي حرب صمود. مقالة أكتر من رائعة هتشوف الحرب من وجهة نظر ما بتتقالش في الأخبار بالمناسبة، ومقالة قوية جدًا.

أما المقالة الثانية فهي مقالة مطولة أيضًا بتسأل: هو ليه نتنياهو ضرب، يضرب إيران دلوقتي؟ وليه تاني؟ هو قعد يزن على دونالد ترامب عشان يضرب إيران دلوقتي؟ أرجو إن حضرتك تشوف الفيديو ده للنهاية، لأن فيه كم من المعلومات وكم من المقالات كشفها الصحفيين الأمريكان ما بتنزلش في نشرات الأخبار عندنا وهتغير لك وجهة نظرك تمامًا فيما يخص حرب إيران.

بس طبعًا عشان أكلمك على الكلام ده كله وأقوله لك، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جدًا ومحترم جدًا وهو "باتر هاوس". الطلب زاد جدًا الفترة اللي فاتت دي على منطقة الجلالة في العين السخنة، وفيه مشروعات ضخمة جدًا بتعملها الدولة هناك بشركات متعددة، ولسه فيه استثمارات أكبر وأكبر هتتعمل في منطقة الجلالة خلال الفترة اللي جاية. عشان كده بقول لك دي فرصة دلوقتي إنك تستثمر هناك.

والنهاردة شركة "باتر هاوس" قررت تعمل حاجة غير متوقعة. رغم النجاح الكبير جدًا اللي حققوه الفترة اللي فاتت، قرروا يعملوا عرض خاص جدًا وحصري لعدد محدود من الوحدات. ودي فرصة بجد ما تتفوتش في منتجع "فيدالا" في منطقة الجلالة بمقدم 3% فقط، وسعر بيبدأ من 9700 جنيه فقط على 10 سنين، بشرط إنك تحجز معاهم استمارة حجز بقيمة 50,000 جنيه، والتسكين قريب جدًا. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر، وطبعًا فيه مساحات أكبر زي التوين هاوس والتاون هاوس.

والنهاردة مدينة الجلالة في مرحلة نمو وتوسع مستمر، مر وتطوير سريع جدًا وقيمة استثمارية وسعر بيعلى كل يوم. وبالنسبة لمنتجع "فيدالا"، فهو بيقع في منطقة الجلالة، فانت مش بتشتري مجرد مكان تقضي فيه وقت، أنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر. يعني هوا نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جدًا وقريب جدًا من الداون تاون والتليفريك وجامعة الجلالة. يعني حياة كاملة. هسيب لحضراتكم رابط "باتر هاوس" أسفل الفيديو لو حابب تتواصل معاهم. أوعى تفوت فرصة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص حرب إيران ونزع الألغام. إيه اللي حصل؟ اللي حصل كالتالي إن والله الرئيس الأمريكي لما كتب التغريدة بتاعته دي إن ممكن إيران تكون زرعت ألغام، عاوز أقول لك إن أسعار النفط ارتفعت. وكل الحيل اللي كانت بتعملها إدارة ترامب إن والله، يعني الرئيس الأمريكي سحب من الاحتياطي الاستراتيجي، إن والله فرنسا سحبت من الاحتياطي الاستراتيجي، اليابان، كوريا الجنوبية، حتى دول أوروبية زي فرنسا، مجموعة الـ G7 هتسحب من الاحتياطي الاستراتيجي.

لازم تعرف إن أسعار النفط فوق الـ 90 دولار وعمالة تطلع بالمناسبة. يعني هي كانت 98، نزلت 93، وهترد تاني. يعني هي ماشية في اتجاه ده، مش هتنزل زي الأول. ليه؟ لأن ده اعتراف من رئيس أمريكي إن إيران زرعت ألغام. مايك بسيطة، الجيش الأمريكي يودي كاسحات الألغام بتاعته تشيل الألغام دي. الحقيقة أنا هلجأ هنا لمقالة كاتبها ديفيد بتريوس في جريدة "ذا هيل". مقالة ديفيد بتريوس بتمثلك كارثة. بتقول لك: "على فكرة موضوع الألغام ده موضوع مش سهل".

يعني ولو إيران زرعت 10 ألغام أو أقل كمان، ده كافي إنه يعطل الملاحة في مضيق هرمز بشكل كامل. ليه؟ قال لك أصل أنت ما تفتكرش إن الألغام دي حاجة عادية. يعني الألغام دي فيها أنواع كتيرة قوي. فيه اللي بيطفوا فوق سطح البحر، فيه اللي هو ثابت، وفيه اللي هو متمركز في القاع ومجرد ما سفينة تمر فوقيه بيطلع يمسك فيها وينفجر فيها. ماشي؟ ولازم تعرف إن قدرة السفن التجارية لمقاومة الألغام مش كبيرة. فده أمر. وعلى فكرة جريدة "وول ستريت جورنال" كشفت نوعية الألغام اللي هي قدام حضرتك دي، هي الألغام اللي عند إيران. وقالت والله فيه ألغام جاية من الصين وجاية من روسيا.

طيب، إيران عندها كام لغم؟ إيران عندها من 2000 لـ 6000 لغم. طب مين اللي قال المعلومة دي؟ اللي قال المعلومة دي هي الـ CBS الأمريكية أو محطة CBS الأمريكية. وهجيبها لك بالسطر. يعني أنا مش هحاول أفتي عليك في حاجة وأقول لك حاجة من دماغي. هو كده كاتب لنا في مقالة: "إيران تمتلك من 2000 لـ 6000 لغم". ماشي؟ فده أمر يقول لك إن إحنا قدام تطور خطير.

طيب، فلنفرض حتى إن والله الألغام دي، فيه منها اللي بيطفوا، فيه منها الثابت، فيه منها المتحرك، أو فيه منها اللي في القاع. كاسحات الألغام، فيه مفاجأة من العيار التقيل. الصورة دي فيها أربع كاسحات ألغام كانوا متمركزين في البحرين. دول يا باشا خرجوا بره الخدمة. وأمريكا أصلًا سحبتهم قبل الحرب. أنت متخيل؟ ودي صورهم وهم رايحين فيلادلفيا في أمريكا. ماشي. كاسحات الألغام الأمريكية خرجت بره الخدمة. وما فيش أصلًا من التراس ده، اللي هو تراس "أفنجرز" اللي هو كاسحات الألغام، ما فيش منه غير كاسحات عند اليابان. وقال لك: "على فكرة الموضوع مش سهل برضه إن هم يسحبوهم من اليابان يودوهم الشرق الأوسط". الموضوع مش سهل.

طب هل أمريكا ما عندهاش كاسحات ألغام؟ عندها سفينة واحدة. هي مش بتاعة كاسحة ألغام، يعني هي مش دورها كاسحة ألغام، بس هي مزودة بتقنيات لمكافحة الألغام البحرية اسمها "إل تي". على فكرة، قال لك "سي إس" من أحدث السفن الأمريكية والأكثر تطورًا في البحرية الأمريكية. فقال لك هي السفينة دي ممكن تعمل على إزالة الألغام. بس إيه القصة؟ قال لك خلي بالك عشان سفينة تروح تنزع ألغام بتشتغل لوحدها. يعني إيه بتشتغل لوحدها؟ يعني مالهاش تأمين بحري. يعني ما فيش مدمرات بتروح تحرسها، لأن دي سفينة راحة ينفجر فيها لغم أو إن هي تفجر الألغام. فـ تأمينها قليل.

معنى كده إن إيران ممكن ترشق فيها مسيرة. فـ عملية نزع الألغام بتتم بعد الحروب أو بعد تأمين شامل للمنطقة. لأنك تدفع بوحدات قليلة التأمين. ماشي؟ فـ إنك تخلي وحدة قليلة التأمين أو مش متأمنة بشكل كافي بتبقى عرضة لأي عملية عسكرية أو أي استهداف من قبل العدو. واللي مدي ميزة كبيرة جدًا في الموضوع ده هو إن مضيق هرمز ضيق. فـ إيران عندها ميزة جغرافية كبيرة جدًا في استهداف أي كاسحة ألغام تمر.

فـ أنت عندك كارثتين: كارثة تنوع الألغام. ماشي؟ كارثة ثانية إن كاسحات الألغام الأمريكية اتسحبوا من البحر العربي أو الخليج العربي قبل الحرب. الكارثة الثالثة إن أصلًا عملية كسح الألغام دي بتتم بعد الحرب. ما معناه إن أمريكا أصلًا ما عندهاش رفاهية إنها تعرف تشيل الألغام دي. طب وايه المشكلة؟ مع فكرة أمريكا عندها طيارات اللي هي الـ A-10 دي. الـ A-10 دي طيارات قديمة عندها قدرة على استهداف الألغام. ما تنساش إن أنا قلت لك الألغام فيها ألغام غاطسة. حتى الـ A-10 ما تعرفش تطولها. فاهمني إزاي؟ فـ أنت هنا قدام عملية معقدة جدًا.

حلو. إحنا قدام إيه بقى يا باشا؟ إحنا قدام إن مضيق هرمز كده اتقفل ومش هيتفتح وما حدش يعرف يفتحه. وعشان كده دونالد ترامب على فكرة ما قالش إن لو إيران حطت ألغام هو هيروح يشيلها. لا، هو قال لك لو إيران حطت ألغام هي تشيلها، لأن أمريكا مش هتعرف تشيلها. كارثة مضيق هرمز اتقفل وأسعار النفط كل يوم ما هيتم تأكيد الخبر ده هتلاقيها طف زطب. فـ ده أمر مهم جدًا.

طيب، نروح عند مقالة أخرى. مقالة عجبتني جدًا. مقالة نازلة في "فورن بوليسي". المقالة بتقول لك إيه؟ بتقول لك: "على فكرة الحرب دي لازم تعرف إنها حرب حرب صمود". يعني إيه حرب صمود؟ يعني دي مش عملية عسكرية بالمعنى الحرفي بين جيشين نظاميين خالص. أنت بتتكلم على جيش عنده تفوق عسكري ضخم جدًا، الأفضل والأقوى في العالم اللي هو الجيش الأمريكي، وبقدرة عسكرية جبارة أضعاف اللي عند إيران. وجيش ثاني مش بيبحث عن النصر العسكري اللي هو إيران. أمريكا وجيش أمريكي عاوز يبيد الحرس الثوري الإيراني وعاوز نصر عسكري حاسم على الحرس الثوري الإيراني. ماشي؟ ومش عاوز يلجأ لعملية سياسية. صح؟

الحرس الثوري الإيراني بيلجأ لنفس الأمر على فكرة، مش عاوز عملية سياسية. بس هو مش بيبحث عن نصر عسكري لأنه ما ينفعش ينتصر عسكريًا. إيران بتبحث عن فوضى عسكرية وفوضى اقتصادية في المنطقة. ولو خدت بالك بيقفلوا مضيق هرمز، بيستهدفوا السفن المارة بمضيق هرمز، بيحاولوا يرفعوا أسعار النفط، بيستهدفوا الدول الخليجية، بيضربوا فيها أهداف مدنية وتجارية وسياحية، بيستهدفوا إسرائيل ومصافي النفط الإسرائيلية، بيستهدفوا أهداف مدنية. وإيران بتحرك مليشياتها في الخارج للقيام بعمليات ممكن تكون إرهابية كمان. إيران بتحرك وحداتها النائمة في أمريكا، وده باعتراف الـ FBI أو الشرطة الفيدرالية. فوضى. بيعملوا حالة فوضى في العالم كله عشان العالم كله يضغط على أمريكا لإنهاء الحرب.

فـ أنت هنا قدام حاجتين: أول حاجة، إلى أي مدى الجيش الأمريكي هيصمد في الحرب دي؟ تكلفة نقص ذخيرة، مشاكل سياسية مع الكونجرس، مشاكل داخل الوحدات العسكرية للتعامل مع أهداف طلعت فجأة نتيجة لنقص المعلومات. إنك بتتكلم كل يوم بيعدي الجيش الأمريكي ما يبقاش عنده نفس المعلومات الاستخباراتية عن الحرب زي الأول، وممكن يكون خلص بنك أهدافه الأساسي اللي هو عارفه، أو بنك الأهداف ده ابتدى ينفذ. فـ إلى أي مدى يصمد الجيش الأمريكي؟ وفي نفس الوقت، إلى أي مدى تصمد إيران في استراتيجيتها إن هي مش بتبحث عن نصر عسكري، إن هي بتبحث عن الفوضى؟ خلاص. فـ إلى أي مدى تعرف إيران تسبب فوضى في العالم كله؟ الصمود هو ده اللي هيحسم المعركة.

إنما لازم تعرف إن واضح جدًا إن مفيش نهاية واضحة. لا أمريكا عندها خطة خروج، ولا إيران نفسها عندها خطة خروج. فـ أنت هنا قدام نهاية مش موجودة. والظاهر كده إن الاثنين بيبدعوا في حرب جديدة تمامًا أول مرة العالم يشهدها. لأن أول مرة يتم غلق مضيق هرمز، وأول مرة نكون قدام حرب بين أمريكا وإيران. وده أمر خطير جدًا.

>> في البداية، مضيق هرمز ممر بحري طبيعي عرضه لكل اتجاه حوالي 33 كيلومترًا فقط، وبالتالي لا يمكن غلقه بأي بوابة أو حاجز، بل بتعطيل الملاحة أو جعل المرور خطيرًا جدًا. يمر عبر المضيق نحو 3000 سفينة شهريًا، أغلبها لنقل النفط والغاز والتجارة عبره. ينقل يوميًا قرابة 20 مليون برميل نفط، أغلبهم إنتاج دول الخليج. >>

على الجانب الآخر، مقالة أخرى مكتوبة في "فورن بوليسي". المقالة بتقول: "هو ليه نتنياهو ضرب، يضرب إيران دلوقتي؟ أو اختار إن هو يشن الحرب دلوقتي على إيران؟". المقالة دي مكتوبة من واحد اسمه يوسف مونيار، وده فلسطيني على فكرة، فلسطيني الأصل، مواطن إسرائيلي. قال لك والله نتنياهو اختار إن هو يشن الحرب، الحرب دلوقتي، وأصر إن الحرب تبتدي دلوقتي لكذا سبب.

أول سبب، لازم تعرف إن إيران أصبحت إنها بتصر على عملية تخصيب اليورانيوم مش لأغراض لاستنزاف الإدارة الأمريكية. يعني الأول كانوا بيلجأوا لأن هم يخصبوا اليورانيوم عشان يعملوا صفقة مع الأمريكان وياخدوا منهم تنازلات، رفع عقوبات، تنازلات إن هم يفكوا الأموال المجمدة. فهم واخدين السلاح النووي ده نوع من أنواع الابتزاز. إنما بعد سقوط المليشيات الإيرانية، سواء حزب الله، ضعف الحوثيين، ضعفوا ميليشيات شيعية، سقوط بشار الأسد، الكلام ده كله خلى إيران: "لا، ما تبصش للسلاح النووي إنه سلاح ابتزاز، تبص له إنه سلاح عسكري". أو ده من وجهة نظر الراجل يعني.

فقال لك: "خلي بالك إن تفكير إيران اتغير فيما يخص السلاح النووي". طب ثاني حاجة؟ قال لك ثاني حاجة، لأن إيران أصبحت على ثقة إنها بتحارب حرب النهاية. ولازم تعرف إن حاليًا إيران أضعف بكتير في نسختها. ودي النسخة اللي إيران بتحارب على أرضها، مش بتحارب عن طريق المليشيات بتاعتها. كأنك خالص، ده الحرب انتقلت لقلب إيران. وهنا نتنياهو اختبر ضعف إيران في حرب الـ 12 يوم، لما سلاح الجو الإسرائيلي كان بيتمشى فوق سماء طهران. فـ دي إشارة إن والله الموضوع ده سهل جدًا. وده عدو اللي هو إيران، نعرف نذبحه ونخلص عليه. مش بيقول لك: "لما تشوف عدوك بيترنح، خلص. ما تقعدش بقى إيه، يعني تستنى عليه". أو ممكن تقول مثل: "اترك الحديد وهو ساخن". هو بالضبط كده. هو شاف إن إيران ضعيفة، فيلا نخش.

طيب، إيه البند الثالث بقى؟ البند الثالث هو الأخط. قال لك لأن ببساطة نتنياهو مش هيلاقي أي رئيس ثاني يقدر يقنعه بأن هو يخوض حرب شرسة بالشكل ده فيها خطر على الاقتصاد العالمي وفوضى في العالم كله غير دونالد ترامب. ليه؟ لأن دونالد ترامب كان لسه طالع من عملية فنزويلا. توقيت أقنع نتنياهو هو دونالد ترامب إن أنت يا باشا، ده أنت خطفت رئيس وأنت راجل عظمة وخلصت الحرب في كام ساعة بتاعة فنزويلا. ده ما تيجي نكرر السيناريو ده في إيران. وادي مرشد رايح يعقد اجتماع ضخم مع القيادات بتاعته. نروح نخلص وننجز ونشوف أنت بقى الدنيا هتمشي إزاي وهننجز الحرب دي في قد إيه. فـ أنت هتلاقي نفسك كسبان وهتبقى تستحق نوبل للسلام وهتبقى قضيت على ثاني عدو لأمريكا في الخارج في نفس السنة الانتخابية. وحتى قبل انتخابات التجديد النصفي، فـ أنت هتكون حققت نجاحات باهرة.

و نتنياهو أقصى حاجة هو أكد عليها إن إيران في أضعف نسخة ليها. ده وقت إن إحنا نذبح إيران يا ريس ونخش إحنا الاثنين ونخلص على إيران. فـ قال لك الثلاث عوامل دول ساهموا إن نتنياهو يختار التوقيت ده بالذات. وخلي بالك نتنياهو نفسه هو شايف أو اتغر إن والله هو خلص على أعداء ممكن يكونوا مليشيات. هو حارب مثلاً إيه؟ حزب الله، حارب حماس. إنما ما خدش حرب حقيقية تجاه إيران نفسها. فهو برضه رتبة غرور وقال لك والله أنا ممكن أخوض الحرب دي. فـ ده أمر مهم.

طيب، حاجة ثانية، هي الصين فين؟ يعني ده سؤال بيتسأل مهم جدًا. قال لك والله خد بالك، الصين بتسقف. نعم، بتسقف. يعني عمالة تشوف الحرب دي ومبسوطة منها جدًا. ليه؟ أولًا، لو حضرتك فاكر إن والله الصين أكبر متضرري الحرب دي، لأن ما فيش نفط بيطلع للصين، فالموضوع ده مش صحيح على فكرة. إيران صدرت سبع شحنات من النفط للصين منذ بداية الحرب. سبع شحنات ده وفقًا للإعلام الأمريكي. ده أمر. الأمر الثاني، الصين أصلًا عندها مخزون ضخم جدًا يكفيها 200 يوم. حتى لو انقطع النفط بتاع الخليج، حضرتك لازم تعرف إن الصين عندها مخزون يكفيها 200 يوم. فـ ممكن تقعد تشوف الحرب دي وتقعد تسقف عليها. ما فيش مشكلة خالص.

طيب، حاجة ثالثة، إن الصين متأكدة إن أمريكا هتطلع من الحرب دي أضعف. وإن الصين ابتدت تنظر وترى شواهد إن الروس ابتدوا يدخلوا في الحرب دي وبيحاولوا يطولوها على الأمريكان. إزاي؟ خد بالك إن الروس ابتدوا إن هم يدوا تقنيات لضرب مسيرات شاهد 136 بتكتيكات معينة بحيث إنها تجتاز الدفاعات الجوية وتقدر تصل لأهدافها. أنا مش بقول لك تكنولوجيا، أنا بقول لك تكتيك في الضرب. مسيرة. طب مين اللي قال كده؟ هو مراسل الـ CNN. مراسل الـ CNN قال لك: "على فكرة الروس ما بقوش فقط يدوا إحداثيات المواقع والأهداف والكلام ده كله ويساعدوا إيران استخباراتيًا، لا ده ابتدوا إن هم زي ما أوكرانيا بتحاول تساعد أمريكا للتصدي لمسيرات شاهد، الروس ابتدوا يدوا تقنيات إزاي تضرب المسيرة بحيث إنها تتفادى الدفاعات الجوية وتصل لهدفها". زي ما حضرتك هتسمع منه كده بالضبط.

"Russia is giving Iran specific help with drone tactics to hit US and Gulf targets. That's what Western intelligence official told me and it is a remarkable development. Look, we knew that Russia was giving intelligence helping officials."

أمر سي. طب الأمر الثاني؟ قال لك والله خد بالك إن الصين أول أولوياتها إنها تحارب تايوان. وما فيش أي التزام عسكري بين الصين وإيران بأي شكل. يعني خد بالك الصين مش موقع اتفاق دفاع مشترك مع إيران خالص. فـ إيه اللي مطلوب من الصين؟ دعم استخباراتي. ممكن يكونوا بيدوا دعم استخباراتي. إنما الصين مش تجار الحرب دي. ما فيش أي حاجة تلزمها للحرب دي. الصين هدفها واحد: هو تايوان. النقطة اللي بعد كده، لا خد بالك العلاقات مع الخليج. الصين لو دخلت دعمت إيران دلوقتي، دلوقتي لازم تعرف إنها بتقف في موقف ضد الخليج. وأبرز نقطة على كده، بص لجلسة استماع مجلس الأمن الأخيرة، لما الصين وروسيا ما اعترضوش أو أدوا فيتو على قانون بيدين الهجمات الإيرانية. وعلى فكرة دي حاجة أمريكا نفسها ما كانتش بتعرف تعملها، إنها تقنع الصين وروسيا إن هم ما يرفعوش الفيتو تجاه قرار من مجلس الأمن يدين الهجمات الإيرانية. دي حاجة أمريكا نفسها كانت بتتصادم بيها.

فـ الخليج هو اللي ضغط على الصين وروسيا عشان القانون ده يمر. فـ الصين مش هتتحط في موقف إنها تخسر الدول الخليجية. بالعكس، ده هي شايفة إن أمريكا بتخسر الدول الخليجية، لأن أمريكا ما عرفتش تحمي الخليج بشكل مناسب. أمريكا شايفة إنها والله خسرت، كانت بتدي صورة أجمد بكتير للمواقع العسكرية بتاعتها داخل دول الخليج. وأديك شايف إن إيران، زي ما طلع جنرال قال لك والله ده إيران عمت أمريكا وقدرت تضرب رادارات في قاعدة موفق السالمي في الأردن، ضربت رادارات كبيرة جدًا في البحرين، ضربت رادارات قطر. يعني فاهم إزاي؟ فـ الظاهر إن إيران وجهت ضربات متقدمة بالنسبة للأمريكان. والخليج كان شايف كل ده.

طيب، الحاجه اللي بعد كده أيضًا، صورة إسرائيل في المجتمع قدامها. لازم تعرف إن دي حاجة برضه بتشوف إن الصين شايفة إن صورة إسرائيل قدام شعبها أضعف. لأن والله خد بالك إن إيران ضربت إسرائيل ضربات ثاقبة. ضربوا مواقع عسكرية خاصة بالرادارات في إسرائيل زي قاعدة بالمخيم. ودي قاعدة عسكرية إسرائيلية حساسة جدًا بتقع في تل أبيب على نحو 15 كم من تل أبيب، وتعد واحدة من أهم قواعد سلاح الجو الإسرائيلي المرتبطة بالاختبارات الصاروخية والفضائية. يعني دي قاعدة حساسة جدًا. إيران ضربتها. وبالمناسبة، القاعدة دي فيها مركز إطلاق أقمار صناعية وتجارب صاروخية، وتضم أنظمة دفاع جوي صاروخي مثل مقلاع داود، وطائرات مسيرة زي مثلاً هيرميس 900، وبتستخدم كـ "دمية" لاختبار الصواريخ الإسرائيلية، ومركز رئيسي لتشغيل منصات الاستطلاع والهجوم التابع لسلاح الجو الإسرائيلي. فـ دي قاعدة مهمة جدًا.

قاعدة عويدة، قاعدة عويدة دي قاعدة كان الأقمار الصناعية الصينية كشفت تمركز فيها مقاتلات F-35 و F-22 موجودة داخل القاعدة دي قبل الحرب على طول. إيران ضربتها. ودي منشأة استراتيجية وقاعدة تدريب لسلاح الجوي الإسرائيلي، واحدة من أهم القواعد العسكرية التابعة للسلاح الجوي الإسرائيلي، وبتقع في صحراء النقب جنوب إسرائيل بالقرب من إيلات، ومركز لتدريب القوات الجوية في إسرائيل، ويمكن استخدامها قاعدة بديلة في حالات الطوارئ. ماشي؟

فـ الصين لما تدي معلومات زي كده أو تبين صور لأقمار صناعية وإيران تضربها، والله دي اختبار لقدرة الأسلحة لاختراق المنظومات الدفاعية الأمريكية. فـ الصين قاعدة تراقب الكلام ده كله وبتسقف. فـ دي إجابات لكل الأسئلة اللي ممكن تكون جايه في بالك: أين إيران؟ ليه الحرب بتاعت دلوقتي دلوقتي؟ هل أمريكا تعرف تفتح مضيق هرمز ولا لا؟ ليه دونالد ترامب ما عرفش إن هو يشيل الألغام ومنزل تغريدة مخصوص يقول لإيران شيل الألغام وبيطلب منهم؟ فـ ده أمر مهم جدًا.

في الآخر، يا رب أكون شرحت لحضرتك الموضوع بشكل مبسط. ويا رب نسور مصر، رب العرب، نسور فلسطين، يا رب. تحيا مصر. سلام.

>> أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب. >>

وكرم بيضرب به المثل. جدعنة وشهامة مش موجودة في زماننا. ورحمة بتطلع من عينينا قبل قلبنا.

إحنا بسمة بتفتح ألف أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.