Transcription
اسعد الله اوقاتكم. يوم جميل وسعيد، ونستقبل أجمل ما فيه.
امبارح خلصت ورشة "وعي الجسد"، كانت الصراحة أكثر من رائعة. وعملنا تأمل "سودي" امبارح. اللهم لك الحمد.
على فكرة، كل الناس اللي مشتركة في "صحبة الروح في رمضان"، بكره اللايف الساعة 9:00 بتوقيت دبي، 8:00 توقيت السعودية. بكره هينطلق قطار رمضان معانا. احنا استعداداً نفسياً وروحانياً وصحياً. هتكلم عن المكملات، هتكلم على الحالة الروحانية، هتكلم عاوز اعمل ايه في رمضان، يعني ايه اللي انا طالبه في تلك الرحلة المباركة. 29 يوم، أول يوم مع بعض إن شاء الله. فالناس اللي اشتركت هيجي لكم على رابط التليجرام لدخول المحاضرة. هتبقى لايف إن شاء الله وهننطلق في رمضان غير أي رمضان، لأن احنا هنصاحب أروحنا، مش هنصاحب الآخرين. هبعتلكم الرابط للناس اللي لسه ما تعرفش أي حاجة عن الموضوع.
كلمة اليوم: السعادة. من أهم كلنا بنبحث عن السعادة. مين لا يريد سعادة؟ ولكن أفضل شيء، مش أفضل شيء، أكثر طريقة مؤكدة 100% تجيب لك السعادة إنك تسعد الآخرين. وده من عظمة ربنا عز وجل. تخيل لو انت عملت حاجة بنفسك تديك السعادة، سوف تستغني عن النفع وتستغني عن الآخرين. تخيل إن البيتزا بتديك سعادة، بتدي متعة. تخيل إن قعدتك لوحدك تديك سعادة. خلاص كلنا هننعزل ونأكل بيتزا ونضرب مخدرات. فلا، ربنا قال: اخرج بره، تصدق، صِل الرحم، اشتغل شغلانة مفيدة، انفع ناس، شافي ناس، داوي ناس، خد بإيد ناس. أعطيك السعادة. فالسعادة بره، يعني السعادة في فعلها. جوه بس هي بره، فعل بره. لما تدي نفعك. جرب النهارده نيتك إنك تحصل السعادة بإسعاد الآخرين. واتحد آخر النهار واحد يقول لي: عملتها وما لقيتش السعادة. فخلوا النهارده دعوة اليوم وكلمة اليوم: دعونا نسعد أحداً حتى بكلمة، مش لازم تصرف. فأنا يعني في ناس بتقلق من الكلام ده. فاسعد أحدهم واشعر في نفس اللحظة كم السعادة التي سوف تأتيك.
النقطة الثانية: امبارح نزلت حلقة، شفتوها ولا لا؟ عن الحب. الحب الحب الحب وتأثيره. بما إن أنا طبيب، أنا مش شاعر ولا فيلسوف. ولا أنا أنفع بقى شاعر وفيلسوف عصري وأواني وزماني. ولكن أنا بتكلم كطب، كيف يؤثر الحب على صحتي؟ طول العمر، تطوير العمر، الالتهابات، المناعة، المزاج، البرودكتيفيتي. علمياً. فامبارح في عيد الحب، حيث نحتفل بالحب، فأنا عملت لكم حلقة خاصة جداً عن الحب. وابعتوه لو أنتم لكم قرايب بالإنجليزية. الحلقة مترجمة بالكامل. فشاهدوها وقولوا لي رأيكم فيها إيه. الحب يعني عبارة عن قوى بيولوجية. ويعني يعني يشفي الالتهابات ولا يشفي التسلخات. شوفوها ونتكلم.