التسليم لله إحدى منازل الفهم عن الله ... طريقك لتطهير قلبك وتحصين نفسك | د\عمرو خالد

الحلقة النهاردة خلونا الأول نقول إحنا عملنا إيه لغاية دلوقتي؟ إحنا ماشيين في المنازل السبعة للوصول إلى الإحسان. خلصنا منزلة التقوى، ومنزلة اليقين، وخلصنا منزلة التوكل، والنهاردة إن شاء الله هنبدأ منزلة التسليم.

التقوى واليقين بناء الداخل وتقوية الذات من جوه. الفرق بين التوكل والتسليم: التوكل: عندك مشروع وماشي فيه، والدنيا سلكة، محتاج توكل على الله عشان السند، الدنيا واقفة، الدنيا فيها حاجات مجهولة، محتاج التسليم. وده الفرق بين التوكل والتسليم. التوكل: والحياه بتتحرك، الدنيا وقفت، محتاج تسليم، الدنيا فيها حاجات مجهولة، محتاج تسليم. فده يوريك امتى محتاج توكل، وامتى تحتاج تسليم. إحنا هنبدأ منزلة التسليم.

أما التسليم ده مجح بشكل، أهدأ أنت واجع قلبك ليه؟ التسليم راحة نفسية رهيبة، تسليم إيقاف للتوتر، أوقف المعاناة، هو ده التسليم. أنت مش محتاج تاخد مهدئات، أنت التسليم هو المهدئ الروحي الطبيعي بتاعك، المهدئ الرباني. سلم سلم سلم، يعني إيه تسليم؟ حطني مطرح ما أنت عايز يا سلام على الراحة النفسية. بتقول لربنا: حطني مطرح ما أنت عايز، أنا معاك يا رب، أنا معاك يا رب، يا رب أنا مسلم نفسي ليك. عارفين لما واحد يقول له سلم نفسك، يقول له سلم، سلمت نفسي. ده في عالم البشر، في الحروب وكده. أنا مسلم نفسي، بس أنت هنا مسلم باختيارك مش بإجبار. أنا معاك يا رب، أنا أنا مسلم نفسي.

يعني إيه التسليم بكلام، يعني بكلام كده علمي بقى؟ يعني موافقة مرادك لمراد الله، فمرادُه لنفسك، وموافقة اختيارك لاختيار الله، فاختياره لك خير من اختياري لنفسي. أنت مصدق الكلام ده ولا إحنا بنقول كلام نظري؟ الناس اللي بتسمعنا: موافقة اختيارك لاختيار الله، فاختياره لك خير من اختياري. اه والله العظيم، والله العظيم اختياره لنا أحسن من 1000 مرة من اختيارنا لأنفسنا.

يعني إيه يعني إيه تسليم؟ الدعاء الحلو: دبر لي فإني لا أحسن التدبير. يعني إيه التسليم؟ يعني دعاء النبي اللي كان بيدعي بيه كل يوم: اللهم لا تكلني إلى نفسي طرفة عين ولا أقل من، ولا أقل من، هو إلا أقل من طرفة العين، فإنك إن تكلني إلى نفسي تكلني إلى ضعف، وإني لا أَثِق إلا في رحمتك. إيه الكلام الحلو ده؟ أصل أنا يا رب أنا ضعيف، وأنا ما بثقش في الدنيا دي في حاجة قد ما بَثِق في رحمتك، عشان كده ما تسيبنيش لنفسي طرفة عين. هو ده التسليم، أنا معاك، أنا معاك. التسليم زي ما عمر بن عبد العزيز كان بيقول: هوايا هوايا حيث قدر الله، مزاجي مطرح ما ربنا يحطني. حطني فين يا سلام يا سلام، أهي دي أحلى حتة. طب صدقوني أنا أنا أنا عايش كده والله العظيم، أنا ما كنتش كده، بس مع مشروع الإحسان ومع ذكر بقيت كده، أحلى حتة اللي أنا فيها دلوقتي، أيوة بس في حتة، لا بس أحلى حتة اللي أنا فيها دلوقتي، أيوة بس أنا عندي مشاكل، أيوة بس أحلى حتة اللي أنا فيها دلوقتي، مزاجي حيث قدرِ. تعرف تعمل الحكاية دي وأنت عيان، وأنت موجوع، وأنت عندك أزمة مالية. أنا مزاجي مع قدر الله. بصوا الإمام الشافعي له كلمة حلوة قوي بيقول لك إيه: ندعو الله بما نحب، فإذا وقع ما نكره لم نخالف الله فيما يحب. ده عيد بده حصل العكس، أنا معاك يا رب، أنا معاك، التسليم، أنا معاك.

التسليم بقى عند النبي صلى الله عليه وسلم بينام عليه ويصحى عليه. يعني إيه؟ يعني آخر حاجة يختم بها يومه التسليم، وأول حاجة يبدأ بها يومه التسليم. قبل ما ينام، آخر حاجة وهو في سريره: اللهم أسلمت نفسي إليك. قولوا: اللهم صل وسلم وبارك على سيدنا، سلم وبارك على سيدنا، اللهم أسلمت نفسي إليك، وجئتُ ظهري إليك رغبةً ورهبةً إليك، لا ملجأ ولا منجى منك إلا إليك. ده كلام الأنبياء. طب ولما يصحى من النوم، أول حاجة لما يصحى من النوم وهو بيقوم الليل: اللهم لك أسلمت وبك آمنت وعليك توكلت وإليك أنبّت، وانا بك واليك. ده كله بالعامية: أنا معاك، حطني مطرح ما أنت عايز. شوفوا الكلام وابتدى بإيه: اللهم لك أسلمت وبك آمنت وعليك توكلت وإليك أنبّت، وانا بك واليك.

التسليم، أما حلو بشكل، أما مريح بشكل، أما يزيل التوتر بشيء، لا ومش بيزيل التوتر وبس، بيزيل حاجة خطيرة في الحياة اسمها الأوفر ثينكينج، إجهاد العقل في التفكير فيما لا يملك، إجهاد إجهاد، أوفر ثينكينج: هيحصل إيه؟ وتحط خطط، وفي الآخر مافيش حاجة من اللي أنت بتقولها دي بتحصل، وفي الآخر أنت أرهقت نفسيا إرهاق شديد. يحصل إيه في التسليم؟ أهدأ. طب إيه قاعدة النهاردة؟ تفتكروا إيه قاعدة النهاردة اللي تمشي على الكلام ده؟ ارح نفسك من التدبير بعد التخطيط، هما مش حاجة واحدة، هما حاجتين، هما مش زي بعض. ارح نفسك من التدبير بعد التخطيط، فما قام به الله عنك لا تقم به أنت لنفسك فقط، سلم وأحسن، فاختياره لك خير من اختيارك لنفسك. هما دائرتين مش دايرة واحدة. مننا التخطيط مش هو هو التدبير، ده حاجة وده حاجة. التخطيط إحنا مامورين به شرعًا، ده النبي علمنا إنك تموت نفسك تخطيطًا. أمال التدبير إيه؟ التدبير عالم الغيب لا يديره إلا الله. شوف الآية: يدبر الأمر من السماء إلى الأرض. أنت مالك بالدائرة اللي مالكش دعوة بيها؟ أنت لنفسك في اللي مالكش فيه. أنت تعمل اللي أنت ليك علاقة بيه إنك تخطط، لكن بقى الأوفر وهيحصل إيه؟ ومعلومات مش في إيدك، إرهاق، أنت ليه بترهق نفسك بالطريقة دي؟ مش خلصت اللي في إيدك؟ ليه مشغول؟ التدبير داخل في اسم الله القيوم، القائم على شؤون عباده. شوفوا الآية: آية الكرسي هي كلها تدبير الله في الكون، عشان كده هي أعظم آية في القرآن، النبي بيقول كده: الله لا إله إلا هو الحي القيوم. بصوا وراكم، كل اللي وراكم ده، بما فيه إحنا، القائم عليه هو الله وحده، الكون ليس له قيام بغير الله، الكون يسقط بغير الله، وأنا وأنت نسقط بغير الله. الله لا إله إلا هو الحي القيوم. اطمئنوا سلم، لا يأخذه سِنَةٌ ولا نومٌ، ما في السماوات وما في الأرض، من ذا الذي يشفع عنده إلا بإذنه. مافيش طلبات هتحصل في الكون إلا بإذنه، يعلم ما بين أيديهم وما خلفهم، ولا يحيطون بشيء من علمه إلا بما شاء. تعرف تسلم، تعرف تبقى عامل كده. التدبير غير التخطيط، بمعنى أنت بتشتغل بزنس وعندك مثلًا مشروع إنك ريال إستيت بتبني عمارات. ها خططت، اه هنبني العمارة في قد إيه؟ هنبني في 16 شهر، وهن مع الفريق الفلاني، ماذا لو حصل زلزال؟ أنت أنت ليه؟ أنت ليه دخلت نفسك في دايرة ماذا لو قامت الحرب العالمية الثالثة لا قدر الله؟ طب وبعدين؟ اقف بقى، اقف بقى واهري في نفسك. فرق بين دايرة التخطيط ودايرة التدبير، ما تعملش حاجة مش شغلتك، اعمل شغلتك واسكت، وقف عند كده.

نضرب أمثلة: النبي في الهجرة. لا يا رسول الله، إيه التخطيط ده يا رسول الله؟ لا بصوا يعني حاجة حاجة رائعة. أول حاجة هي قريش عايزة تقتل النبي، عايزة تغتال النبي، وهو لازم يخرج. فينيم سيدنا علي بن أبي طالب في سريره، حد عارف نيمه ليه في سريره؟ عشان يكسب وقت، عشان يفضلوا مشغولين إن محمد في سريره، يكون هو لحق يبتعد، بيكسب وقت، يا سلام على الخطة. نمرة اثنين: يطلع يروح بيت سيدنا أبو بكر الصديق، يلاقي العيلة قاعدة، فيقول له يا أبو بكر أخرج من عندك في البيت، عايز يقول له كلام سر، قال يا رسول الله إنهم أهلك يا رسول الله، دول مننا، إيه ده يا رسول الله؟ أنت واخد بالك من التفاصيل للدرجة دي؟ فيقول له أذن الله لي بالهجرة، قال الرفقة يا رسول الله، قال أنت رفيقي. تقول السيدة عائشة: ما رأيت أحدًا يبكي من الفرح كما رأيت أبو بكر يومها، مع إنه بيعرض حياته للموت. فخرج من قُوّة في ظهر البيت، ما طلعش من الباب، طلع من ظهر البيت وهو مُلْثَم. يا رسول الله أنت بتاخد بالتخطيط قوي قوي قوي للدرجة دي. وبعدين مكة هنا، المدينة في الشمال، يقوم النبي راجع ثلاثة أيام غار ثور في الجنوب، عشان هم هيقعدوا يدوروا في السكة. لا تخطيط إيش إيه التخطيط ده؟ إيش التخطيط ده؟ أنا بصيت لك لقيت نفسي بنطق سعودي، إيش إيش التخطيط ده؟ جميل يعني حاجة، يقوم راجع الجنوب يطلع غار ثور. أنا طلعت غار ثور، عارفين غار ثور؟ أنا طلعته في قد إيه وأنا بصور على خطة الحبيب، عارف كم ساعة؟ ثلاث ساعات، ست ساعات، طلعنا ٦ الصبح وصلنا ١٢ الظهر. يا الله! طول ما إحنا طالعين بنعدي، هو مش الغار الوحيد، غرور في غارات في النص، فكل شوية أقول: طب مش كان النبي صلى الله عليه وسلم تعب؟ يعني بعد ساعة أو ساعتين مش قادر؟ طب مش كان النبي يبقى في واحد من من آخر غار في آخر حتة؟ بصوا شايفين التخطيط لغاية إيه؟ لا أنا بعمل لغاية آخري عشان ما حدش يفتكر إن التسليم عمل سلبي بعد ما عملت اللي آخري. وبعدين مين اللي بيجيب لهم الأكل؟ السيدة أسماء بنت أبي بكر، اشمعنى السيدة أسماء بنت أبي بكر؟ أصلها حامل في الشهر السابع، ما حدش هيشك فيها، يا الله! مين يصدق إن واحدة حامل في الشهر السابع هتطلع ست ساعات وتنزل ست ساعات؟ طب بس طب ما هو آثار أقدام السيدة أسماء، وهما بيفهموا في آثار الأقدام، يبقى يجي خادم سيدنا أبو بكر عبد الله بن يقطان ويرعى الغنم تحت الجبل عشان ي لا لا لا لا إيه التخطيط ده؟ وفي الآخر وصلوا ليه؟ ووصلت قريش لغاية الغار، كان ربنا بيقول لك إيه؟ أنت خلصت الدايرة بتاعتك، وهخلي كل الخطط تقف، أنت مسلم ولا مش مسلم؟ شوفوا هو ما وصلوش، طب ما كانت الخطة تنجح لغاية الآخر؟ هتنجح بس بتسليمك للقيوم القائم على شؤونك. وصلوا لغاية عندهم، يا جماعة أنا صورت في الغار، لو حد شايفين الترابيزة دي، تخيل إن الترابيزة دي عالية شوية وفي حد تحتها، لو أنا بصيت كده أشوفه ما حدش عمل كده اهو، وأبو بكر بيقول للنبي يا رسول الله لو نظر أحدهم أسفل قدميه لرآنا، ما حدش عملها، هيوصلوا لغاية عندكم بس مش هيشوفوك. قال يا أبو بكر ما ظنك باثنين الله ثالثهما، لا إله إلا الله. يا خلصتي دايرتك، اقفِي بقى، سلم للقيوم بقى، اطمئن بقى، سلم لمالك الملك. ما أنت لو عملت كل حاجة، إزاي هتفهم إن الذي يدير الكون هو الله؟ إزاي هتفهم اسم الله القيوم؟ أنت مش خلصت شغلتك؟ ارح نفسك من التدبير بعد التخطيط، فما قام به الله عنك لا تقم به أنت لنفسك فقط، أحسن وسلم، فاختياره لك خير من اختيارك لنفسك.

بصوا غزوة بدر، غزوة بدر فيها حاجة رهيبة جدا جدا جدا، قريش ١٠٠٠ وحنا ٣٠٠، طب طب وبعدين هنواجه العدد ده إزاي؟ فالنبي صلى الله عليه وسلم يصف الجيش فيجي له سيدنا حباب بن المنذر، قال يا رسول الله إن هذا ليس بمنزل، أنت نازل في حتة غلط، قال يا رسول الله هو أنا من حقي أتكلم ولا ولا هو الوحي، هي الحرب والمكيدة، أم هو أمر أمرك به؟ قال لا بل الحرب، ما فيش وحي، قال يا رسول الله فإن هذا ليس بمنزل، الحتة اللي أنت فيها دي مش مش صحيحة، قال فما ترى يا حباب؟ قال يا رسول الله ننزل خلف الأبار فنشرب ولا يشربون، هما جايين من سفر بعيد محتاجين ميه، إحنا نبقى إحنا اللي ماسكين الميه، فإحنا نشرب وهم ما يشربوا، فيبقى معانا سلاح الميه. قال: أَشِرْتُ للرأي، فبقى المسلمون حاطين البار وراهم عشان يضمنوا إن القبار بتاعتنا حلوة الخطة، يقوم ربنا ينزل المطر، مش كده؟ وينزل من السماء ماء في غزوة بدر. طب ما هي باظت الخطة، وممكن أنت تفقد تسليمك في اللحظة دي. طب وليه نزل المطر؟ لا ما هو الآية بتقول لك إيه: إنكم بالعدوة الدنيا وهم بالعدوة القصوى. الأرض عند قريش رملية، والأرض عند المسلمين متماسكة، فلما ينزل المطر عند قريش الأرض تبقى وحل، فالحركة فيها تبقى صعبة جدا، ولما ينزل المطر عند المسلمين الأرض تبقى متماسكة أكتر، فتبقى الحركة خفيفة جدا جدا. أنت مالك أنت ومال التدبير؟ ما تسيب ملك الملك يخطط، فتوصل قريش المعركة مرهقة إرهاق بدني رهيب، ويوصل المسلمون خفافًا، ٣٠٠ يكسبوا ال١٠٠٠ وهو هو نفس سلاح المطر اللي أنت كنت عايز تكسب بيه بس هتكسب بيه بطريقة تانية، فاختياره لك خير من اختيارك لنفسك. لأن هما كانوا جايين معاهم ميه كتير، أنت خططت على قد قدرتك. ارح نفسك أحيانًا، الناس تتحايل على التدبير. القصة دمها خفيف، هما هما ولدين، أنا مسميهم الطيب والشاطر. هما الاتنين سافروا إنجلترا يعملوا ماستر، بيعملوا الماجستير، والاتنين نفسهم يكملوا الدكتوراه، بس هما الاتنين معهمش فيزا تخليهم يكملوا الدكتوراه، وغالبا مش هتتجدد الفيزا، هيعملوا الماستر ويرجعوا. هما الاتنين الأول، الأولاني اختار الإحسان، الطيب، أنا هعمل اللي أقدر عليه. التاني حب يلتوي، قام عامل إيه؟ راح اتعرف على بنت مصرية ما بيحبهاش، معاها باسبور إنجليزي، يتجوزها وياخد بيه الباسبور فيقعد في إنجلترا ويعمل الدكتوراه، ويقول لصاحبه التاني: إيه عبيط، هتروح، أنا اللي قاعد. إنما بعد ستة أشهر البنت المصرية خدت بالها إن هو خطيبها عشان الباسبور، على ما خلص الماستر طلعت شاطرة، فسخت الخطوبة، روح بلده، والتاني اللي موت نفسه شغل الجامعة قالت له: إحنا متشرفين بديلك سكولارشيب إنك تكمل وتعمل دكتور. الطيب اللي كمل، واللي فاكر نفسه شاطر وتحايل رجع. ما تتحايل على التدبير، اعمل الحلو اللي جواك. ارح نفسك من من التدبير بعد التخطيط، طبعًا تخطط، اهو النبي صلى الله عليه وسلم بيقول لك خطط، لكن اقف بقى.

محمد سقراط ده شاب حبيب إلى قلبي عنده ثلاث بنات بيقول لي يا دكتور أنا مش عارف هعيش بناتي إزاي، أنا لو مت البنات دول ما لهمش حتى حتة يقعدوا فيها، أنا تعبان، شعري بيتساقط من كتر التوتر اللي أنا فيه. قلت له يا محمد أنت بتعمل اللي عليك اه، تعرف يا محمد تسلم ستة أشهر؟ قال لي: يعني إيه أسلم ستة أشهر؟ يعني تعيش بفكرة أنا معاك يا رب، أنا مسلم ليك ستة أشهر، وشوف ربنا هيعمل إيه، لازم يكرمك. أنا أعتقد إن محمد بعد تجربة تسليم لله جميلة، عقد في السعودية في أكبر مركز أبحاث في الرياض خمس سنين، بقلة دلوقتي، ربنا يبارك له، وعمل البيت اللي كان نفسه فيه. يا عم سلم، يعتيك، ارح نفسك من التدبير بعد التخطيط. أنت أنت روحتي للدكاترة عشان تتعالجي اه، قالوا لك كذا كذا كذا كذا كذا واعملي كذا كذا كذا، خلصتي اللي عليك اه، وبعدين أنا تعبانة، ما بنامش بالليل من خوفي من المرض، إيه ده؟ سلم سلم، التسليم مش عمل سلبي، التسليم عمل إيجابي جدا، عارفين ليه؟ لأنك مع عدم مع عدم التسليم أنت حاطط ضغوطات على ذهنك، أنت تحت الضغط، أنت سترس سترس سترس سترس، أول ما تسلم إيه؟ تشيل الضغط ده، كلام علمي ده، ساينس اللي أنا بقوله ده، فيحصل إيه؟ فيبدأ العقل يفكر في البدائل، اليفز، إزاي أنجح في الحياة؟ لأن أنا مش تحت الضغط، لأن التسليم شال الضغط اللي كان مانعك إنك تفكر، فبدأت تفكر بإيجابية، التسليم عمل إيجابي مش عمل سلبي.

شوفوا شوفوا سيدنا إبراهيم إذ قال له ربه اسلم، قال اسلمت لرب العالمين. أما أنا بحب الآية دي جدا، ووصى بها إبراهيم بنيه ويعقوب: يا بنيَّ إن الله اصطفى لكم الدين فلا تموتن إلا وأنتم مسلمون. سلمته قبل ما نصور الحلقة دي، علي ابني قاعد بره، قلت لهم مش هصور إلا ما يجي عشان اسمعه الآية دي، عشان وصى بها إبراهيم وبنيه، فأنا بعصي ابني بيه، يا ابني لو الدنيا صعبة عليك سلم. شوفوا سيدنا إبراهيم وهو بيذبح إسماعيل، حاجة صعبة جدا، حاجة رهيبة يعني، وبعدين حطه على على وشه، فالعين جت في العين، فما قدرش يذبحه وهو عينه في عينه. قال يا بني إنِّي أرى في المنام أنِّي أذبحك، رؤيا الأنبياء حق، فانظر ماذا ترى. يعني إيه انظر ماذا ترى؟ يعني لو قال له لا مش هيدبحوا، لا هيدبحوا، بس حابب يخليه ياخد الثواب معاه بدل ما أنا مسلم لوحدي نبقى إحنا الاتنين مسلمين. قال يا ابتي افعل ما تُؤْمَر، يا ستجدني إن شاء الله من الصابرين. أكبر نموذج تسليم في تاريخ البشرية، فول مارك تسليم. كان ربنا بيقول لنا: شايف الماكسيمم؟ طب أنا حطيتك في اختبارات تسليم أقل من كده؟ ده أنا جايب لك أصعب حاجة في الدنيا، فقام حطه على وشه، فجت العين في العين، والسكينة ما قدرش يذبحه، قام قلبه على ظهره، حطه على جبينه. بص الآية تقول لك إيه: فلما أسلم وتله للجبين. إيه ده؟ إيه اللي جاب كلمة فلما أسلم هنا؟ إحنا بنتكلم على موضوع، إيه اللي إيه تحس إن هي بين قوسين، هو ده التسليم اللي أنا عايزه تعرفوا تجيبوا منه ٢٠٪ مش ١٠٠٪ زي إبراهيم. ولما أسلم هما الاثنين، عشان هو خد رأيه وناديناه: يا إبراهيم قد صدقت الرؤيا، إن هذا لهو الفوز العظيم، إن هذا لهو البلاء العظيم. وبعدين الآية اللي بعديها: كذلك نجزي المحسنين، يا سلام ١٠ على ١٠. إحنا دين اسمه دين الإسلام، مُشتق من التسليم. والله يا جماعة معقول يا جماعة مالناش نصيب من اسم ديننا؟ معقولة تبقى مسلم وأنت مش مسلم؟ يا عم اسم دينك الإسلام، اسم دينك الإسلام يعني أنت مش مُحقق حقيقة دينك. التسليم مُشتق من الإسلام. أنت أنت بتهزر. جاري الإنجليزي، يعني وأنا عايشة في إنجلترا، الراجل ابنه مات، فدخلت عليه لقيته هادي، فبقول له أنت هادي كده إزاي؟ قال لي: اتعلمنا في المدرسة وإحنا صغيرين فكرة الأكسبتانس، اقبل الحياة. معقولة هو له نصيب من ضلنا أكتر مننا؟ معقولة هو فاهم في حتة وإحنا مش فاهمينها؟ يا عم سلم يا عم يا ناس يا اللي بتسمعوني كفاية بقى، اوقف التفكير القاتل الزيادة، وخلي بالك هما مُتعلمين القبول للحياة، القبول أقل من التسليم. القبول إنك تقبل الحياة، لكن التسليم قبول الحياة زائد قناعة إن ده الخير لأن ربنا اللي بديه لي. أحلى بكثير، أكبر بكثير. في واحد اسمه مو جودت، الراجل ده كان شغال في شركة جوجل، بيعمل أبحاث عن السعادة، فجأة ابنه مات، فساب شركة جوجل وراح درس دكتوراه في علم النفس، وبقى عالم نفس من المشاهير، فبيقول لك إيه: سبب التوتر والقلق المخيف في حياة الإنسان تكرار أسئلة صعبة على العقل لا يجد لها إجابة. رحنا لعلم النفس الإيجابي، عمال تكرر أسئلة: ماذا لو فقدت شغلي؟ ليس عندي إجابة. ماذا لو مات أبي؟ ليس عندي إجابة. ماذا لو لم أجد عريس؟ ليس عندي إجابة. النتيجة إيه؟ التوتر مذهل. طب الحل إيه يا مجودت؟ قال لك: أن تُحيل هذه الأسئلة على الخالق، الأسئلة الصعبة اللي مش عارف ترد عليها حلها على الخالق. ماذا لو فقدت وظيفتي؟ ماذا لو فقدت شغلي؟ ربنا عالم إن أنا اجتهدت قدر الإمكان وسأجعل لي مخرجًا. ماذا لو فقدت فلوسي؟ سأبدأ من جديد، والله هو الرزاق. ماذا لو لم أجد عريس؟ سأبذل وأخرج كل الحلو اللي جوايا، وأهتم بشكلي ومنظري وأناقيتي وروحي الحلوة وثقافتي، وانشغل في الحياة، ومكتوب اسم العريس، لأنه ما فيش حد بيتجوز مراة حد، لأن ربنا كاتب مين هيتجوز مين. ماذا لو مات أبي؟ سأسلم أمري لله، وأدعو له، وأبذل كل جهدي في إخراج الحسنات ليه. أنا كل الأسئلة الصعبة بحلها على الله. تعرف تحل الأسئلة الصعبة؟ ماذا لو المرض ده تمكن مني؟ ماذا لو ابني حصل له كذا؟ لا لا لا لا لا لا ده أوفر ثينكينج، ده قري، إحنا نفسك من التدبير بعد التخطيط، فما قام الله به عنك لا تقم به أنت لنفسك فقط، سلم وطلع الحلو اللي جواك، فاختياره لك خير من اختيارك لنفسك. كلمة اختياره لك، آخر حتة في القاعدة: فاختياره لك خير من اختيارك لنفسك، دي رهيبة. ما هو أنتم مش فاهمين قصة الوجود، قصة الوجود في الكلمة دي، قصة وجودنا في كلمة اختياره لك خير من اختيارك لنفسك. ما هو سيدنا آدم كان نفسه يخلد، فإبليس نفسه يفضل عايش، فإبليس قال له: كل من الشجرة دي، قال يا آدم هل أدلك على شجرة الخلد؟ لأنه فهم آدم وملك لا يبلى، وقاسمهما، يعني إيه وقاسمهما؟ إنِّي لك من الناصحين، أقسم لهما، لو كلت من الشجرة دي تخلد، أكل منها يا آدم، أنت مكتوب لك الخلود بس على طريقة ربنا مش على طريقتك أنت، اختياره لك خير من اختيارك لنفسك. أنت كائن مش هتموت يا جماعة، إحنا مكتوب لنا إن إحنا نبقى، يعني هذا الكائن اللي اسمه الإنسان نفخ فيه من روح الله، أنت مش هتخلص، بس مش على مش على طريقتك، الأول جسد وروح في الدنيا، وبعدين الجسد ده ولا حاجة، لكن الروح دي حتة الكريستال الرقيقة النفخة من الله، مش مش ميتة، موجودة موجودة في عالم البرزخ، بين بين الدنيا والآخرة، مرحلة انتقالية كده، الجسد مش مهم إيه الجسد، لكن روحك موجودة، وحاسة، ووعيها، وأكثر نضجًا، وشايفة الملائكة، وشايفة الناس في الأرض، ولما بتتبعت لها حسنات من ولادك بتفرح جدا، الروح موجودة، أنت ما خلصتش، ده أنت أكثر نضجًا، ده أنت أكثر فرحة، وبعدين تيجي يوم القيامة يرجع الروح مع الجسد تاني، وبعدين تخش الجنة روح وجسد وتعيش خالدين فيها، أنت مكتوب لك الخلود بس على طريقة ربنا. والله العظيم اختياره لك خير من اختيارك لنفسك. أنا أنا المشكلة إيه؟ إن العقل بتاعنا بيرسم سيناريو لنجاحه ويفضل ماسك في السيناريو هو ده، ويتشعب فيه زي العيال الصغيرة ويقعد يمد بركلي أنا عايز ده أنا عايز ده، وربنا راسم لك سيناريو أحلى. ارسم لنفسك ١٠٠ سيناريو وسيناريو، وفي الآخر ربنا هيعمل لك الأحلى على طريقة ربنا. وأنا وأنا صغير كان عندي لسه ١٦ سنة ولسة متدين جديد وبقيت بحب الإسلام قوي قوي قوي، وهو ربنا مديني الغيرة دي من صغري، بحب الإسلام قوي ونفسي أعمل حاجة، نفسي أعمل حاجة، نفسي أعمل حاجة، فقررت أعمل إيه؟ قررت أذن نفسي صوتي يطلع، طب وتأذيني وحش؟ طب أذن فين؟ المساجد الكبيرة ما ينفعش أذن فيها، ولسة كان نضجي على قد يا زكريا يعني واحد لسة ولد صغير كده، فقمت لقيت مسجد تحت عمارة ما حدش بيصلي فيها، وقررت إن أنا أذن في المسجد، آخد كوفون وأذن إن يجي حد يصلي، ما حدش بيجي، وأذن إن يجي حد يصلي، وأنا مستغرب جدا يعني يعني ما فيش حد بيجي المسجد، وأصلي لوحدي، وإيه وبجدية شديدة، وفي رمضان آخد كوباية الميه وأروح ساعة الفطار، والمسجد بعيد شوية عن بيتي، كان في شارع اسمه خان يونس مازلت فاكرة لغاية دلوقتي، وأروح تحت المسجد وأذن وما حدش يجي، أطاري صاحب العمارة ساكن فوق متضايق من صوتي جدا، فقفل عليا الإذان، فأنا بقيت صوت مشحون، بأذن لنفسي والمايك ما بيوصلش للناس، أما لما عرف إن بعد سنين هكون بفضل الله سبحانه وتعالى برضه بالمايك بس بطريقة تانية، وبكلم الناس بطريقة لم تخطط، والله عمري ما فكرت إن أنا همسك ميكروفون أو أقف قدام كاميرا، أنا كان نفسي أعمل حاجة بس على طريقتي. ارح نفسك من التدبير بعد التخطيط، اختياره لك خير من اختيارك لنفسك. ممكن تسلم بقى، أهدأ بقى، والله والله يا جماعة اللي بتشوف والله اطمئنوا يا جماعة، والله اختياره لك، والله العظيم اختياره ليكي خير من اختيارك لنفسك مهما كنتي موجوعة وبتعيطي، والله العظيم ما هيضيعك. بقى أنت تختاري وربنا يضيع؟ طب أسلم إزاي؟ تقول له كده يا رب أنا مسلم، أيوة، تقول له وأنت ماشي، تقول له الصبح، تقول أدعية النبي في الصباح، تقول له دعاء النبي: اللهم لا تكلني إلى نفسي، ترفض، تمسك السبحة وتقول: لا حول ولا قوة إلا بالله، وتكثر من لا حول ولا قوة إلا بالله، لأن لا حول ولا قوة إلا بالله باب التسليم. اعمل كده، اه تكلمه يا رب أنا مسلم، موجوع بس بعيط، مش على فكرة مش عيب إنك تعيطي، بعيط بس مسلم، يا سلام على الراحة اللي في قلبك. وشوفوا معقوله تسلم ويضيع؟ يعني تسلم ليه ويسيبك؟ ده لازم يكرمك، كرم، ده لازم يعوض. بصوا سورة الضحى، إحنا فاهمينها بشكل جزئي، ولا الآخرة خير لك من الأولى. إحنا فاهمين الآخرة القيامة، القيامة بس، الجنة، والدنيا كمان. كل أمرٍ أولُهُ صبرٌ وتسليمٌ، آخِرُهُ فَتحٌ كبيرٌ، ولا الآخرة خير لك من الأولى. مش للنبي بس، لينا كلنا. كل أمر تبدأه منا بتسليم، أخره كرم كبير. ويقوم ربنا مدلل للنبي: ألم يجدك يتيماً فأوى؟ بص أولها وبص آخرها. ووجدك ضالاً فهدى، بص أولها وبص آخرها. ووجدك عائلاً فأغنى، بص الصورة ماشية إزاي؟ ها ولا الآخرة خير لك من الأولى؟ شايف أولها وشايف آخرها؟ شايف أولها وشايف آخرها؟ شايف؟ ممكن تقرأ سورة الضحى بالطريقة الجديدة دي، أول مرة تسمعوها كده. التسليم، ارح نفسك من التخطيط، ارح نفسك من التدبير بعد التخطيط، فما قام الله به عنك لا تقم به أنت لنفسك فقط، سلم وأحسن، طلع الحلو اللي جواك عشان تبقى عملت اللي عليك، فاختياره لك خير من اختيارك لنفسك. إحنا مازلنا مع منزلة التسليم، خلصنا منزلة التقوى.

ومنزلة اليقين، ومنزلة التوكل. ودخلنا امبارح في منزلة التسليم، والنهاردة تاني حلقة في منزلة التسليم. وأنا مسلم أمري لله، لأني معايا ثلاثة مشاغبين يا دكتور. يعني إحنا عمرنا ما طلعنا حلقة فيها الثلاثة دول مع بعض، ده عمدًا يعني يا حبيبة. إحنا بنتجنس وعليه مع بعض، هشوف هتشوف إن أنت هتشوف إن ده ظلم، وإن إحنا النهاردة هنعمل الملتزمين التسليم التسليم لله. وحلقة حلقة، بصوا يا جماعة الناس اللي بتشوفنا، حلقة النهاردة أنا من الحلقات اللي أنا بحبها جدًا، وعايش بيها. الحلقة بتقول إيه؟ اوعى تفقد صحتك النفسية. اخسر أي حاجة في الدنيا إلا صحتك النفسية. اخسر فلوسك بس ما تخسرش صحتك النفسية. اخسر شغلك بس ما تخسرش صحتك النفسية. أصل صحتك النفسية أغلى ما تملك، اوعى تفرط فيها، اوعى تفقدها. اتعصر في الدنيا بس ما تفقد صحتك النفسية. اجري لغاية ما يتقطع نفسك في الدنيا، بس اوعى تفقد صحتك النفسية. صحتك النفسية هي الشيء الغالي يا جماعة. أصل الدنيا بتلف، يعني إيه بتلف؟ يقلب الله الليل والنهار، وتلك الأيام نداولها بين الناس. فإذا كانت الدنيا ضدك النهاردة، فغدًا تحلو. فلو حلوة الدنيا وأنت خسران صحتك النفسية، أنت خسرتِ كل حاجة. أكبر خسارة في الدنيا، الثمن الذي لا تستطيع أن تعوضه. أنت مش هتعرف تقوم على رجليك ثاني، أنت خسرت صحتك النفسية. يعني هي الحلقة دي بتتكلم عن إيه؟ أنا جاي للتسليم، بس ده منطلق الحلقة، ده أنا صحتي النفسية فرت فيها أبدًا. عارفين كلمة لائق بدنيا؟ كمان فيه كلمة اسمها لائق نفسيا. اوعى تخش العشرة الأواخر وأنت غير لائق نفسيا. روح لربنا لائق نفسيا عشان تستمتع بالعشرة الأواخر. إيه ده؟ هو إحنا لسه في الحلقة 12؟ أيوة، ما أنت ما أنت بتستعد للعشرة الأواخر من الآن. روح لربنا لائق نفسيا. عارفين فيه مهتمين جدًا بصحتهم الجسدية، زي عاصم كده، وزي علي، وفيه شباب عندهم أوبسشن إن هو لازم محفظ الأكل الصحي، والله العظيم صحتك النفسية أهم. عارفين، عارفين كلمة لائق بدنيا؟ يعني في عالم كرة القدم، أسهل حاجة تخلي المدرب يستغنى عن لعيب غير لائق بدنيا. اوعى الدنيا تستغنى عنك لأنك غير لائق نفسيا. اوعى الحياة تبعدك لأنك غير لائق نفسيا. ادخل العشرة الأواخر لائق نفسيا، كلمة جميلة جدًا. أنت أنت ليه بتقول لنا الكلام ده؟ لأن فيه ناس تعبانة. خد القرار الآن إنك تفضل محافظ على صحتك النفسية، لأن بعد كده مش هيبقى بايدك، هيبقى بايد الدكتور، لأنك هتروح تتعالج. وفيه ناس عيانة وهي مش واخدة بالها، وفيه ناس تعبانة وهي مش واخدة بالها. عارفين بتبان فين؟ في الانفعال الحاد، الهستيرية الغير منطقية. يا عم الموقف ما يستحملش كل الغضب ده. إيه ده؟ فيه إيه؟ أنا أنا أنا ما لحقتش أزعلك عشان تنفجر بالطريقة دي. هو تعبان، هو تعبان وهو مش واخد باله. اوعى تسمح لبني آدم كائنًا من كان إن هو يخصرك صحتك النفسية. اوعى تحت اسم الحب إن واحد عمال يحطم فيك نفسيا، ما تقبليش حاجة زي كده أبدًا. اوعى تسمح تحت تحت أي مسمى من المسميات إنك تسمح لإنسان يحطمك نفسيا. اوعى تسمح لأي موقف كائنًا من كان إن هو يضيع صحتك النفسية. أنت أنت مش قد إنك تفقد صحتك النفسية. طول ما صحتك النفسية بخير، أنت بخير، والله العظيم. طول ما صحتك النفسية حلوة، أنت زي الفل. ممكن تكون مش عارف تقف على رجليك من المرض في جسدك، لكن صحتك النفسية طول ما هي واقفة طول ما أنت بخير. تكلفة خسارة صحتك النفسية لا تقدر بثمن. يعني هو بايدي؟ آه، بايدك. يعني إيه بايدك؟ آه، تاخد قرار: أنا متماسك نفسيا. ياه بالطريقة القوية دي. آه والله، ده قرار. هو الموضوع يبدأ بقرار: لن أتنازل عن صحتي النفسية. خلص القرار. الأدوات إيه بقى؟ هتيجي نمرة اثنين هقولها بعد شوية. ما هي دي قاعدة النهاردة، بس الأول قرار. لازم تاخد القرار. ما أنت لو ما خدتش القرار هتلاقي نفسك وقعت، حتى لو بتعمل الثلاثية اللي أنا هقولها، الثلاث حاجات، بس لازم الأول قرار. طب نروح شوية لعلم النفس الإيجابي. قال لك ست علامات تعرف بيهم إن صحتك النفسية جيدة ولا سيئة، وأنا الحقيقة هقول الست علامات، بس ساعات هقول لكم أنا عملت فيها تعديل، بس أنا خدتهم زي ما هم. وأنا طول ما أنا بقول العلامات، أنت أدي نفسك درجة من 10. آه، يعني يعني يعني حتى الناس اللي قدامنا ممكن تكتبوا الستة على فكرة، ومش لازم تجيب الفول مارك في كلهم، بس لو الغالب، لو في الآخر لقيت نفسك فوق الـ70%، أنت صحتك النفسية كويسة. فمش أنا اللي عامل الإكسرسايز ده، أنا جايبة من علم النفس الإيجابي. الأولى: الابتسامة أو العبوس. العبوس ده اللي هو عكس الابتسامة، اللي هو ما شاء الله عليك، أنا أنا سعيد بيك. يعني قلت لكم إنتوا معايا ابني، آه ماشاء الله. الابتسامة أو العبوس، أنت الغالب عليك إيه؟ أنت الغالب عليك إنك شخصية عابسة؟ عابسة يعني ما خلاص وصلت بـ خلاص وصلت؟ ولا الغالب عليك إنك شخصية مبتسمة؟ الغالب عليك إيه؟ تاخد كم من عشرة؟ العلامة الأولى. العلامة الثانية: الروح المرحة. روحك إيه؟ روح مرحة مبتهجة؟ ولا روحك كئيبه مهمومة؟ الغالب عليك إيه؟ كلنا بيجيلنا لحظات مهمومة، لكن الغالب عـ تاخد كم من عشرة؟ عندي ثلاثة مخلصين، وخدين على فكرة هم طلعوا في الحلقة دي صدفة، بس هم فيهم ما شاء الله يعني عاصم على طول مبتسم وبيضحك بصرف نظر بيقول إيه، بس هو على طول. وعلي على طول مبتسم بصرف نظر بيعمل بيقول إيه، وذكر طيب ثاني. يبقى أول علامة الابتسامة أو العبوس، روحك إيه؟ روح كده خفيفة وحلوة، روح كده تثقيلة؟ تاخد كم من عشرة؟ إيه ده؟ أنت كده بتقول لي أقيس صحتي النفسية؟ آه، تقيس وتقول: لا أنا كده مش كويس، أنا عايز أدخل العشرة الأواخر لائق نفسيا، أنا هغير. القرار هو يبدأ بقرار، والقرار تاخده في اليومين دول. طيب، العلامة الثالثة، هم مسمينها عندهم متفائل أو متشائم، أنا غيرتها: حسن الظن بالله أم سيء الظن بالله، ما هي تؤدي في الآخر هتدي ليها. أنت إيه؟ أنت يغلب عليك إيه؟ دايماً حسن الظن بالله. هو بيقول: أنا عند ظن عبدي بيه. سبحانه وتعالى بيقول لك كده عشان يحافظ لك على صحتك النفسية. ها، تاخد كم من عشرة؟ أدي العلامة الثالثة. العلامة الرابعة عجيبة جدًا، هم اللي بيقولوها: شخصية كتومة ولا بتحب الفضفضة؟ عندك حد تفضفض له؟ إن شاء الله واحد. لو أنت كتوم مهما كنت قوي هتتعب نفسيا، لازم يكون فيه حد بتحكي له إن شاء الله واحد، تفضفض عشان تفرغ الطاقة المكبوتة جواك، فضلًا إنك تناجي ربنا وتفضفض لربنا. واحد، الابتسامة أو العبوس، ها، راجع معايا. اثنين، روح مرحة ولا روح مكتئبة. ثلاثة، حسن الظن حسن الظن بالله أو حسن الظن أو سيء الظن. أربعة، كتوم ولا بتفضفض. الخمسة: شخصيات صحابك، شخصيات إيجابية ولا سلبية؟ تخيل واحد، أنا قعدت ما بين الدنيا الحمد لله. تخيل أنت قاعد في وسط ناس، تخيل كل اللي حواليك عمالين بيشتكوا: الحياة وحشة، الدنيا وحشة، أنا مش طايق، دي حاجة لا تطاق. إيه القرف اللي إحنا فيه ده؟ إيه ده؟ إيه ده؟ إيه ده؟ يا عم إيه؟ أو كلهم فاسدين، أو كلهم صحبة سيئة، أو كلهم أصحاب سوء، أو الجو كأنه بيقول لك، الجو اللي حواليك شكله إيه؟ أنا آسف يعني، جو جو نقي ولا جو مسمم؟ تعرف صحتك النفسية من نوعية صحابك. الخامسة، لا دي الخامسة، السادسة. السادسة: بتقضي قد إيه وقت على السوشيال ميديا والإنترنت في الفراغ؟ مش دي شغلتك، ما هو فيه ناس بتشتغل على السوشيال ميديا. وقت الفراغ على السوشيال ميديا والإنترنت، لو أكتر من ساعة في اليوم، أنت معرض إنك تعي نفسك. ساعة اليوم، علامة تاخد كم من عشرة؟ السابعة والأخيرة عجيبة جدًا: هل فيه أخطاء جسيمة في حياتك ضد معتقدك وقيمك؟ أقو ا لو فيه كده أنت معرض كتير إنك تخسر نفسيا لأنك مش متوازن، مش منسجم مع نفسك من الداخل، فيه فجوة بين بين قيمك وبين تصرفاتك. بس لو فيه توبة، لو فيه توبة أو استغفار، يا سلام يا عاصم، إيه الجمال ده يا عاصم؟ إيه الإضاءة؟ والله العظيم 10 على 10. ترجعها بالتوبة. يعني إيه أول مرة يا حبيبة؟ عيب الكلام ده. بتقول لي دي الحقيقة، معلش يا عاصم. تاخد شوفوا الروح اللي إحنا فيها دي، دي روح صحة نفس جيدة. شوفوا يا جماعة إحنا إحنا عايشين مع بعض هنا، إحنا إحنا عايشين مع بعض 10 أيام في التصوير، شوفوا الروح اللي بينا عاملة إزاي، بنصلي مع بعض، بنبكي ساعات وإحنا بنصلي، بندعي مع بعض، بنضحك مع بعض، بناكل مع بعض، بنصور مع بعض، عندنا نفس الهدف، عايزين نطلع البرنامج مع بعض. إنتوا حاسين صحتنا النفسية عاملة إزاي؟ في السما، في السما، رغم إن إحنا بنصور في 10 أيام ولازم ننجز والحق وبسرعة، لكن الروح النفسية ها، الناس اللي بيشوفونا، شفت السبعة دول؟ يا ترى أنت عيان ولا سليم؟ يا ترى أنت كويس؟ اوعى، خد قرار من الآن. القاعدة بتقول إيه؟ خد قرار الآن لعمرك كله. أيوة، أيوة، هو الموضوع بيبدأ بقرار. أيوة، خذ قرار الآن، الآن يا جماعة اللي بتشوفونا، اوعى تخسر صحتك النفسية مهما كان التمن. طول ما صحتك النفسية حلوة، أنت زي الفل. خذ قرار الآن لعمرك كله: لن أفرط أبدًا في صحتي النفسية. إزاي بقى بهذه الثلاثية؟ هم دول الحل بعد ما تاخد القرار: واحد، اذكر ربك يوميًا بكل إحساسك، 20 دقيقة بس. اثنين، سلم ودع الله يشكل حياتك. أما الجملة دي أنا فرحان بيها بشكل، سيب ربنا يشكل حياتك، هقول لكم إزاي. ثلاثة، أخرج أحسن ما عندك في أعمالك. يبقى إحساسك، ها، حياتك، أعمالك. اذكر ربك يوميًا بكل إحساسك، سلم ودع الله يشكل حياتك، أخرج أخرج أحسن ما عندك في حياتك. والله العظيم الثلاثة دول قمة الصحة النفسية. هو هو أنت بتقول والله ليه؟ والله العظيم أصل أنا جربت كده يا جماعة، والله العظيم أنا حياتي مش سهلة، والله العظيم حياتي صعبة. أنا اللهم لك الحمد عايش حياة اللهم لك الحمد، حياة حلوة زي ما ربنا إن شاء الله بيقول: فلنحيينه حياة طيبة، رغم إن فيها مغصات، وفيه وجع، وفيه وفيه وفيه ضيق، وفيه وساعات صعوبات مالية، وفيه في الآخر، لا والله لما أبص عليها من فوق، حياة حلوة. أنا خدّت قرار مع نفسي إلا صحتي النفسية ما يحصلها إيه أبدًا أبدًا. الأول ابتدأت قرار، وبعد كده بعمل مع نفسي حاجة جميلة جدًا جدًا. ما فيش زعل أكتر من 24 ساعة. عيط وأزعل وأحزن وأشيل الهم وأدخل أنام بدري لأنك مش قادر تشتغل ومتألم وبتبكي. صحينا الصبح، طب خلاص ما إحنا ما إحنا عيطنا، طب إيه؟ ما خلصنا العياط، يلا بقى نشتغل بقى نعمل حاجة مفيدة، وأدي نفسي فرصة إن أنا أعيط وأدي فرصة إن أنا أحزن وأقضي اليوم مزاجي وحش جدًا 24 ساعة. طب يعني إزاي بتظبط دي؟ خلاص دربت نفسي عليها. صحينا الصبح، يلا بقى يوم جديد، وبعمل مع نفسي شوية حاجات حلوة. لازم الرياضة كل يوم، ثلاثة أربعة أيام في الأسبوع، يا بادل يا راكيت يا يا كرة، علشان الرياضة بتفك. و ووم أنامش بالليل بعد مجهود يوم رهيب إلا وأنا بتفرج على ماتش كرة. أحيانًا الولد ده ماتش ريال مدريد ولا مش عارف هو زملكاوي ويعني ما علينا وأنا أهلاوي، بس يعني مستحملين بعض. لكن لكن ما بنامش بالليل إلا وأنا متفرج على ماتش كرة، متفرج على فيلم كوميدي، أبيض وأسود، نخرج نتعشى، عش عشوة حلوة أنا وهو وعمر وأمه ونعيش كده. يعني إيه يعني؟ يلا نتفسح، ونحب الأكلة الحلوة، ونحب الخروجة الحلوة. إنما واخد قرار في حياتي إزاء على 24 ساعة. طب وإيه اللي مساعدك قوي؟ مكنة شغل، يلا نشتغل، يلا نطلع الحلو معلش إذا كنت اتخبطت الخبطة دي امبارح، طب ما نطلع الحلو عشان نكسب بكره. آه، الإحسان. وبعدين أحلى حاجة اللي ربنا حطّني فيها، حطّني زي ما أنت عايز، أنا مسلم شكل حياتي كما تشاء. أنا بطلع الحلو اللي جوايا، وسايبك أنت تحطّني يا رب في الطريق اللي أنت عايزني. أحلى وقت اللي أنا عايشه فيه، وورد الذكر ما أقدرش أعيش من غيره. شوفوا إحنا هنا في وسط التصوير بعد صلاة الفجر بنقعد قد إيه؟ بنقعد الساعة بتاعتنا يلا نذكر ربنا مع بعض. أما بتبـ أما الساعة دي طاقة وهمة وحيوية. هم الثلاثة دول تعرف تعيش كده؟ والله العظيم يا علي. أنا أنا الوصفة اللي حكيتها لكم، أنا عايش بالطريقة دي. مهموم مهموم مهموم 24 ساعة. طيب، نمسك الثلاثية يلا. أول واحدة: اذكر ربك بكل إحساسك. حاجة عجيبة في القرآن، حبيبة. لا يمكن يجي الانهيار النفسي في القرآن إلا مع ترك الذكر. إيه ده؟ بص الثلاث آيات: ومن أعرض عن ذكري فإن له معيشة ضنكا، محطم نفسيا. ده معنى الضنك، مش معنى الضنك معوش فلوس، ضنكا محطم نفسيا، بلغة العصر. طب اسمع الآية ثانية: ومن يعش يعش، يعني ينام وينسى، ومن يعش عن ذكر الرحمن نقيد له شيطانًا فهو له قرين، يخترقك الشيطان. إيه ده؟ إيه حكاية الذكر؟ طب واسمع الآية ثانية: ولا تطع من أغفلنا قلبه عن ذكرنا واتبع هواه وكان أمره فرطا. السبحه دي متماسكة، لو اتقطعت أفرطت، هو نفسيا كده من جوه متشتت، فرط. إيه ده؟ إيه يا جماعة الثلاث آيات دول؟ ومن يعش عن ذكر الرحمة، كله فيها ذكر، نقيد له شيطانًا، ومن أعرض عن ذكري فإن له معيشة ضنكا، آآآ، ولا تطع من أغفلنا قلبه عن ذكرنا واتبع هواه وكان أمره فرطا. والعكس بقى في القرآن: التماسك النفسي والصحة النفسية مرتبطة بالذكر. ها، الآية إيه؟ بذكر الله تطمئن القلوب. قمة الصحة النفسية بذكر الله. إلا بذكر الله تطمئن القلوب. عايزة تحافظي على صحتك النفسية؟ لو سمحتى اذكري ربنا كل يوم بإحساس. كون إن أنت بقى بقيت عيان نفسيا، أنت أنت مش ماشي على ربنا. ما هو مداك الكتالوج، الدواء المضمون للصحة النفسية: الذكر. طب وهو الذكر بيعمل إيه يا جماعة؟ الآية بتقول: تبارك الذي بيده الملك وهو على كل شيء قدير، الذي خلق الموتى والحياه. أنا أعرف الذي خلق الحياة، لكن هو الموت مخلوق يا جماعة، الموت متعشق في الحياة. يعني إيه؟ يعني أنت كل يوم الصبح أنت من جواك خلايا بتهدم وخلايا بتتبنى. خلايا بتتهدّم وخلايا إيدك دي مش إيدك من يومين، لا لا لا لا، ده كل الخلايا فيه الجديدة ملايين الخلايا. ووشك ده مش هو وشك من يومين، كل الخلايا اتجددت. وعيونك دي ورموشك دي وشفايفك دي، كله كله بيتجدد، موت وحياة، موت وحياة. الموت جزء من الحياة بس ده مش في الجسد وبس، وكمان داخليًا عوامل الهدم وعوامل البنى موجودة في نفسيتك. عوامل الهدم: اكتئاب ويأس وإحباط وقلق وتوتر. ده هدم للمعنويات. في الله، وشعور بالإقبال وروح حلوة. بيقول لك امتى الذكر دوره إيه؟ الذكر دوره إنه يقلل عوامل الهدم في نفسيتك، ويزيد عوامل الحياة. عشان كده النبي قال لك مثل الذي يذكر ربه والذي لا يذكره مثل الحي والميت. مش حـ طب ما أنا حي؟ لا، بيتكلم عن نفسية. النبي بيتكلم على النفسية من جوه، لأن عوامل الهدم والبناء مرتبطة بالذكر. هو اللي بيزق عوامل الهدم ويكبر عوامل البناء في الداخل. الموت والحياة داخلك. طيب، أدي الأولى. طب والثانية: التسليم. سلم ودع الله يشكل حياتك. أجيبه إزاي؟ التسليم، كلمة: لا حول ولا قوة إلا بالله. معناها إن أنا مسلم لله. ليه؟ لأن يعني إيه لا حول ولا قوة إلا بالله؟ لا فاعل في الكون إلا الله، لا يكون في ملك الله إلا ما يريد الله. بص وراك على الكون اللي حوالينا دون، لا يكون في ملك الله إلا ما يريد الله. ما فيش ما فيش همسة، ما فيش ورقة بتتحرك في الكون إلا بإرادة الله، ما فيش حبة رمل بتتنقل سنتي إلا بإرادة الله. فما حياتنا؟ قل: لا حول ولا قوة إلا بالله، وأنت فاكر حديث النبي صلى الله عليه وسلم: لا حول ولا قوة إلا بالله دواء لأدنى هم. يا الله لما أدنى هم. طب 100 آية، كل الحاجات اللي تبوظ صحتك النفسية: لا حول ولا قوة إلا بالله دي عشان صحتك النفسية، دي تقولها. لا فاعل في الكون إلا الله، لا يدير الكون إلا الله، لا يجري تحت سمائه إلا ما يريد هو. خلصت. سلم الله على التسليم والراحة النفسية. عايزة توصلي لصحتك النفسية؟ واحد ذكر، اثنين تسليم. سلم أمرك لله. تعرف تسيب ربنا يشكل حياتك؟ يعني إيه يشكل حياتي؟ اعملني زي ما أنت عايز، وديني ما أنت خليك خليك سالك، ما تسكش مع ربنا، ما تسدّ سيب القدر يسري في حياتك. دكتور مصطفى محمود، مفكر إسلامي عظيم لغاية دلوقتي بنتفرج على فيديوهاته على السوشيال ميديا. الدكتور مصطفى محمود أصلًا كان دكتور وفي سنة ثالثة طب، وفاضل له ثلاث سنين جاله مرض ما يتحركش من السرير لمدة سنتين، مرض شبه شلل، بس يعني بس خد وقته وعدى. بيقول: لو كنت عندت مع نفسي كان زماني اتحطمت، لأن سنتين وبعديه أدرس ثلاث سنين طب، أنا مش ممكن أحضر أكمل دكتور بالطريقة دي، فبدأت ما عنديش حاجة أعملها، فجبت كل كتب الفلسفة في التاريخ وبدأت أقرأ فيها وأكتب، لأن أنا قاعد في السرير ما بعملش حاجة سنتين. الدكتور مصطفى محمود طلع من المحنة دي مفكر إسلامي عظيم لغاية النهاردة بعد ما توفى. لو كان طلع دكتور كان واحد من دكاترة الملايين اللي موجودين، لكن هو ما فيش غير مفكر إسلامي كل 100 سنة بيطلع واحد أو اتنين. سيب ربنا يشكل حياتك هيكلك الأحلى. سلم سلم، لما الدنيا تضغط عليك قوي قل: يا رب أكيد أنت عاملي تشكيلة أحلى من التشكيلة القديمة اللي أنا كنت فيها. الأخيرة: طلع الحلو اللي جواك. ليه أطلع الحلو اللي جوايا؟ عشان تحس إنك عملت اللي عليك، عشان لما تسلم ما تحسش إنك سلبي، عشان ما يجيش الشيطان ويقول لك أنت مسلم وما بتعملش حاجة. كل الحلو يطلع وتروق. وأنا عايش كده اللي هو إيه؟ هو أنا مش طلعت الحلو اللي جوايا؟ طب يا رب أنا جيت تصوير البرنامج ده، البرنامج ده هينتج عليه إيه يا رب؟ شكله زي ما أنت عايز، بس أنا طلعت الحلو، فمروق. لأن أنت وعدتني: أنا لا نضيع أجر من أحسن عملًا. يا سلام يا رب على الضمان اللي أنت مديه لي اللي مخليني مروق ومخلّي ومساعدني على التسليم إن أنت وعدت، والله لا يخلف الميعاد. أنا لا نضيع أجر من أحسن عمل. ثلاث حاجات، يا سلام لما تعمل بقى خليطة الإحسان مع التسليم، هم الخليطة إيه؟ يعني ذكر وإحسان وتسليم. مش هم دول الثلاثة؟ والله العظيم، والله يا جماعة دي خليطة الصحة النفسية. طب واشمعنى خليطة الإحسان مع التسليم؟ ديك قوة، مطلع أحسن ما عندي ومكبر دماغي، ومسلم، اعمل لي اللي أنت عايزه. يا سلام على القوة النفسية، يا سلام على الطاقة النفسية. خبطي يا دنيا فيا زي ما أنت عايزة، أنا قوي من جوه. أنا بصوا القرآن ثلاث مرات. ربنا يحط لك خليطة الإحسان والتسليم مع بعض. ثلاث آيات: ومن أحسن دينًا ممن أسلم وجهه لله وهو محسن. أحسن واحد متدين اللي عمل تسليم مع إحسان. بص الآية دي: بلا من أسلم وجهه لله وهو محسن فلا خوف عليه فله أجره عند ربه. ولا خوف عليهم ولا هم يحزنون. هتفوت في الحديد معاك الإثنين. عملت الخليطة، إحسان وتسليم، فوت في الحديد، فوت في الحديد. طب بص الثالثة: ومن يسلم وجهه لله وهو محسن فقد استمسك بالعروة الوثقى. أقوى قوة نفسية موصولة بالله، أنت ماسك في أقوى حبل موصول بالله، قد استمسك بالعروة الوثقى، لانفصام لها، مش هتتقطع. إيه ده؟ ده ربنا دايماً يجمع الإثنين مع بعض، إحسان وتسليم. ثلاثة، ثلاثة حاجات: اذكر ربك يوميًا يوميًا 20 دقيقة بكل إحساسك، من فضلك حس وأنت بتذكر. اثنين، سلم ودع الله يشكل حياتك. اعصرني يا حياة، أنا معاك يا رب. ثلاثة، أخرج أحسن ما عندك في أعمالك. حلوة القاعدة، والله العظيم يتعاش بيها، والله العظيم دي دوا، والله العظيم الكلمتين اللي على دول أنا يعني عدّلنا فيهم 10 مرات عشان يطلع بالكلمتين دول. وكده تكتب ونصلح، وكده تكتب نصلح تاني. ها، ممكن تملى عيكم من الكلمتين اللي مكتوبين دول. خد قرار الآن لعمرك كله: لن أفرط في صحة النفس، لن أفرط أبدًا في صحة النفسية بهذه الثلاثية: ذكر، تسليم، إحسان، وأنت مطمئن إن ربنا جمع الإثنين وعمل لك الخليطة مع بعض، إحسان وتسليم. تعيش كده. مش أنت ابني يا حبيبي؟ والله علـ والله يا علي، يحصل في الدنيا اللي يحصل، لو معاك يا ابني الثلاثة دول، أنت وأخوك عمر، والله العظيم إنتوا بخير. يا عاصم يا زكريا ماشي. توعدوني يا علي مهما طلبك العمر تحافظوا على الثلاثة دول. لا بجد إن شاء الله، مهما مهما الدنيا اتقلبت بكم. هتفتكر يا جماعة الكلمتين دول، يعني حلقة النهاردة حلقة لتنقية القلب، عارف اللي عمال ينظف حاجة كده ويخليها سليمة، و و أول مرة أبدأ بالقاعدة على طول، وهي لها احنا مازلنا في منزلة التسليم، ودي آخر حلقة في منزلة التسليم. بكرة هنبدأ منزلة جديدة، الرضا إن شاء الله. يبقى خلصنا كده كل ما يؤدي للوصول إلى الإحسان. خلصنا التقوى، منزلة التقوى، وخلصنا منزلة اليقين، وخلصنا منزلة التوكل، اللي عايز يراجع الحاجات دي كلها يرجع لهم. وخلصنا حلقتين في منزلة التسليم، والنهاردة آخر حاجة في منزلة التسليم. يعني أربعة منازل إلى الآن. وحلقة النهاردة القاعدة بتقول: نقي قلبك من الأمراض الثلاثة القاتلة: الغل، والحقد، والحسد. يحصل إيه؟ لتدخل الجنة سليم الصدر. بين قوسين الآية، العنوان الكبير: إذ جاء ربه بقلب سليم. نقي 100%، نقاوة ثاني. القاعدة: نقي قلبك من الأمراض القاتلة، هما ثلاثة: الغل والحقد والحسد، لتدخل الجنة بقلب سليم. إذ جاء ربه بقلب سليم. أنا عايزك تتخيل وإحنا دلوقتي في نص رمضان وبنق على الليالي العشر الأخيرة وليلة القدر، وأنت داخل لله القدر مليان غل وحقد وحسد، حاجة مش حلوة قوي. تخيل إن أنت عمال تنظف تنظف تنظف، ونيتك أدخل العشرة الأواخر وأنا نقي الصدر، لأنها ليالي العفو فإنا عفونا عشان هو يعفو، أنت تعفو هنا وهو يعفو هناك، أنت تسامح هنا وهو يسامح هناك. ومش مهم اللي آذوك، المهم أنا الموضوع شخصي، إذ جاء ربه بقلب سليم. إيه الفكرة؟ الفكرة إن عملية التنقية دي عملية مجدية نفسيا جدًا، دواء، دواء وسعادة وراحة بال وهدوء نفسي وسكينة وطمأنينة وسلام نفسي وسلام داخلي، كل ده لما يحصل تنقية للصدر من الثلاث أمراض القاتلة. فين؟ على فكرة النبي صلى الله عليه وسلم بيقول لك هي الحلقة لا أقول تحلق الشعر ولكن تحلق الدين، تأكل الدين جواك. ويقول على الحسد إيه؟ يقول لك الحسد ياكل الحسنات كما تأكل النار الحطب. أنت من جوه حريق، حريق عمال كانها نار فعلاً على فكرة الحاسد شوية يحس إن الدنيا الدنيا نار جوه. إيه ده؟ واحدة تحلق الدين، والثانية تأكل الحسنات كما تأكل النار الحطب. تخيل بقى أنت داخل العشرة الأواخر كده: يا عم نقي، يا عمي اللي قدامك اللي آذاك ده ما يستاهلش، يعني هو آذاك، أدي مرة، وأنت بتأذي نفسك المرة الثانية إنك شايل الغل والحقد والحسد. يا عم هو أنت بتعاقب مين؟ هو أنت بتعاقب ولا بتعاقب نفسك؟ ده هو نسيك ومشي وأنت اللي مهموم بيه لغاية النهاردة. ده أنت كانك بتعاقب نفسك. ده أنت مش فاهم حاجة. هو هو إحنا المنزلة، منزلة إيه؟ التسليم. هو إيه علاقة اللي إحنا بنقوله ده بالتسليم؟ بيقول لك أكتر حاجة تساعدك على التنقية من الثلاثة: التسليم. ليه؟ الأول نروح لعلم النفس، بيقول لك إن الحقيقة علميًا، مين اللي بيقول الكلام ده؟ مارتن سيليجمان. علميًا علميًا 60% من غضبك من الآخر مش سببه الحقيقي أخطاء الآخر، ولكن سببه الحقيقي إن أنت عندك تراكم من الغضب في الحياة مش عارف تخلص منه. فـ60% مش الموضوع، 60% من الشخص 60% إن أنت شايل تراكمات من الغل والغضب بتفجر في اللي قدامك. على فكرة هو آذاك ويستاهل إنه يتخبط، يعني أنا مش بقول إن هو ما عملش فيك حاجة، لا هو فعلاً آذاك، بس أنت نتيجة تراكمات عندك. طب وهي التراكمات دي بتروح بإيه؟ بالتسليم. فدي واحدة. نمرة اثنين: إن التسليم بيعمل معاك حاجة رهيبة جدًا. مش إحنا كنا عمالين نقول إن التسليم دوره إنه يشيل الضغط النفسي اللي عليك، إنك تقبل اللي ربنا حطك فيه. طب ولما يتشال الضغط النفسي اللي عليك، يبدا عقلك يفكر، طب ننجح إزاي بقى؟ ونفكر في البدائل إزاي؟ لأن تشال الضغط اللي كان مانعك إنك تفكر. مش هو ده اللي إحنا كنا بنقوله إن التسليم عمل إيجابي مش عمل سلبي؟ إن التسليم معناه أنت عليك ضغط، طول ما أنت مش مسلم: أنا ليه وضعي كده؟ أنا ليه بيحصل لي الضغط ده؟ مانعك من التفكير. شيل الضغط بالتسليم، يحصل إيه؟ طب نعمل إيه بقى؟ فيبدأ عقلك يشوف البدائل. أول ما عقلك يبدا يشوف البدائل هتبدا تركز إنك تنجح في الحياة مش اللي ظلموك. هو معنى التسليم في الله إيه؟ لا فاعل في الكون إلا الله. ما حدش واقف في طريقك، هو ربنا ماشاش إن

الرزق ده يجيل لك دلوقتي. خلصنا. ما حدش مانع ترقيتك هو ربنا ما أذن لوقتي. خلصنا يا عم. لا فاعل في الكون إلا الله. لا يكون في ملك الله إلا ما يريد الله. البشر دول ستاير يعني يعني يعني يستروا القدرة. لأن القدرة لو تجلت هو هو ربنا عايز يوديك في في الطريق ده. طب واللي ظلمني ده هيتحسب يوم القيامة وهيتعاد في الدنيا. لكن أنا مكتوب لي كده مكتوب لي كده لأن ده الأحسن ليا وده الخير ليا. خلصنا.

فالتسليم بيعمل بقى معاك ثلاث حاجات: أول حاجة التسليم بيقلل الغضب وبالتالي ما تصب غضبك على اللي قدامك فما يزيدش الغل. اثنين: التسليم بيخليك بتفكر طب إيه البدائل للنجاح وبالتالي بدل ما تركز على ظالمك تركز في نفسك. ثلاثة: التسليم بيخليك عارف أن القدر كله بيد الله. فأنت يعني إيه أنت أذيتني هتتحاسب بس أنا ربنا راسم لي اللي حصل ده لأن اللي حصل ده خير ليا. حلوة الفكرة.

حصل في حياتي إن حد أذاني جدا جدا جدا جدا فبدأت أدعي عليها. قعدت أدعي أسبوع بعدين ما لقيتش نفسي يعني أنا من حقي إن أنا أدعي وشرعًا من حقي إن أنا أدعي. دعوة المظلوم مستجابة. طب ما خلاص ما دعيت يعني طب هقعد أدعي كله يعني ما خلاص. طب ما دعينا. أصل في ناس بتقعد تقول لك ما هو أنا ربنا أداني الحق إن أنا أدعي فأنا بدعي بقي 20 سنة. أيوه بس أنت شايل شايل المشكلة عشان ما أنت دعيت خلاص إن شاء الله استجاب إن شاء الله. بس بقى ما تقعدش أنت. فبعد أسبوع قلت لنفسي ما كفاية كده. طب ما أنا بدل ما أدعي عليه طب ما أدعي لنفسي عشان مشوار حياتي ينجح. لأن أنا في الآخر قدرتي على الدعاء لها وقت وطاقة معينة هم 10 دقائق ربع ساعة. طب طب طب ما أدعي لنفسي. فوقفت دعاء فلقيت نفسي مرتاح أكتر. فدي تجربة شخصية ل مع الموضوع ده. وكنت أصل الناس تقول لك أصل أنت مش عارف أنا أذيت قد إيه وأنت مش عارف أنا أذيت قد إيه. طيب شفنا الفكرة دي حلاوتها بقى.

سلامة الصدر. بعد ما شرحنا الفكرة دي يقول النبي صلى الله عليه وسلم: "يدخل عليكم الآن رجل من أهل الجنة". كلنا حافظين الحديث. أنت متخيل إنك تشوف واحد اللي اللي هيدخل من الباب ده ده متخيل تشوف واحد ده أكيد من أهل الجنة. فدخل رجل عادي جدا جدا. إيه ده مين ده؟ فدخل صلى ركعتين بسيط خالص يعني مش بقى صلى 10 أيام. ركعتين وجلس. تاني يوم: "يدخل عليكم رجل من أهل الجنة". هو هو. ثالث يوم: "يدخل عليكم رجل من أهل الجنة". هو هو. فعبد الله بن عمرو بن العاص قال لك أنا عايز أجيب أخره فقام رايح له البيت وقال له أنا عندي مشكلة مع أبويا وأبويا يعني كأنه طردني من البيت ممكن أقعد في بيتك تحيل عشان يدخل بيته. طب وليه عايز يدخل بيته؟ عشان نشوف الراجل ده جوه البيت عامل إزاي بيدور على إيه على العبادة. فوجدته لا يزيد عن في العبادة شيء يعني عبادته عادية جدا قام حافظ على الصلوات الخمس ممكن يصلي ركعتين قيام لكن عادي يعني مش حاجة غير عادية عشان النبي يقول عليه ثلاث أيام ورا بعض من أهل الجنة. خلصوا الثلاث أيام فسألته قال لا من الآخر بقى ليس بيني وبين أبي شيء ولكن أخبرنا رسول الله صلى الله عليه وسلم أنك من أهل الجنة فماذا تفعل؟ قال لا أدري يعني خلاص ما عرفتش حاجة. قال انظر ولكنه شيء واحد أبيت وليس في صدري شيء لأحد من الناس. يا الله لما بحط دماغي على المخدة مش شايل غل لحد من الناس. قال بذلك قال عنك رسول الله أنك من أهل الجنة. تاخد كام من عشرة؟ أبيت وليس في صدره شيء لأحد من الناس. بايت والغل بياكلني بايت وأنا مطنشة على فكرة ينفع مش مسامحة ينفع مش مسامحة كويس بس مطنشة يعني إيه مش مطنشة؟ بره بره بره بره حياتي متجاوز باص عفين في بعض الألعاب يقول لك أنا باص أنا بره اللعبة أنا ب أنا مش شايفك. إيه ده بسبي صح؟ طب بلاش كل يوم بلاش كل يوم خمس أيام في الأسبوع. طب الغالب على حياتي تجيب بيها جنة يا جماعة يا اللي بتشوفونا إحنا بنتكلم على الجنة إحنا بنتكلم على الجنة من غير عبادة كتير إحنا بنتكلم على واحد النبي ما قالش على أغلب الصحابة يدخل عليكم رجل من أهل الجنة قال العشرة المبشرين بالجنة لكن النبي ده ده يعني يعني بلغة العصر ده كريديت كبير قوي قوي قوي قوي قوي. "يدخل عليكم رجل من أهل الجنة" ده تدي نفسك كام من عشرة؟

سلامة الصدر هو يعني إيه سلامة الصدر؟ يعني خلو من الأمراض الثلاثة عشان بس تبقى الكلمة سهلة يعني يعني إيه يعني إيه؟ "إذ جاء ربه بقلب سليم" سيدنا إبراهيم يا يا بخته "إذ جاء ربه بقلب" يا رب يا رب فإحنا كمان نيجي كده أهو يعني يعني إيه سلامة الصدر؟ يعني إيه قلب سليم؟ خلو من الأمراض الثلاثة غل وحقد وحسد اللي هنعرفهم دلوقتي بدقة بس بس ده معنى كلمة سلامة سلامة الصدر. وشوفوا الآية "ادخلوها بسلام آمنين ونزعنا ما في صدورهم من غل" وكان دي لها علاقة ب دي شوف الجنة كتير ذكر الجنة ولقاء الله مرتبط بالقلب السليم. لو ربنا بيحبك ينقي لك قلبك. لو ربنا بيحبك كلام النهاردة ما يتحولش لكلام تاخد القرار هنقي يعني إيه القلب نقي؟ يعني إيه النبي قال على الراجل ده يدخل من أهل الجنة يعني قلبه بيور 100% نقي نقاوة عارفين يقول لك 100% بيور 100% سلك حرير نقي. طب ويعني إيه قلب مريض؟ فيه عطب. عارف الفاكهة لما يبقى فيها عطب في حتة سودا في حتة بيضه وتوشك إنها تعطب كل كل ما حولها. لا لا لالالا أنا دايمًا بنقي قلبي أنا دايمًا أنا محافظ على قلبي على قلبي نقي. ساعدك على كده إيه؟ التسليم. أنا مسلم ليك يا رب. لا حول ولا قوة إلا بالله ده بيعمل أدوار في الحياة. في الحلقة اللي فاتت قلنا ذكر لا حول ولا قوة إلا بالله بيعمل دور في الحياة كان عبارة عن إيه؟ صح النفسية. والحلقة دي ذكر لا حول ولا قوة إلا بالله بيعمل إيه دور في الحياة؟ تنقية الصدر أول بأول. يا عم لا فاعل في الكون إلا الله. هو يا عم كبر دماغك ما حدش أذاني ده هو ربنا مرتب لي الخير وهو هياخد جزاءه. خلصنا بقى يلا نشتغل على نفسنا بقى وننجح بقى وندعي لنفسنا بقى. خلاص دعينا عليه امبارح هنقعد ندعي عليه كل يوم وبعدين ما يمكن اتغير وبعدين ما يمكن ربنا لما يلاقيني بطلت أدور عليه يعفو عني ويعوضني أكتر. خليك كده سهل كده ما تبقاش عنيد ما تبقاش عنيد ما تبقاش مغلول. اهدى بقى كده خليك يقول لك فلان شخصية سالكة خليك سالك. وشوف النبي صلى الله عليه وسلم ودعاء النبي أما أدعية النبي جميلة جدا. "اللهم جنبنا الفواحش ما ظهر منها وما بطن". طب أنا عارف مظاهرها منها طب وإيه ما بطن؟ الغل والحقد والحسد. ياه بص في الآية بتقول لك إيه؟ "وَذَرُوا ظَاهِرَ الْإِثْمِ وَبَاطِنَهُ". طب ظاهر الإثم الذنوب اللي إحنا عارفينها ها في الظاهر. طب وإيه باطنه؟ الغل والحقد والحسد ذروها جنبنا. دعاء النبي شوفوا دعاء النبي جميل أنا بحب الدعاء ده قوي وبنصحكم إن إنتم تحفظوه وتدعوا بيه. "اللهم أعني ولا تعن علي وانصرني ولا تنصر علي واغفر ذلتي واقبل توبتي واجب دعوتي واسلل سخيمة صدري". يعني إيه كلمة سخيمة؟ الحاجات اللي مش نظيفة اللي هي إيه؟ خد الحس يا ده ده ده للدرجة دي للدرجة دي دول عشان أقبل ما فيش عطب عشان أقابلك "إذ جاء ربه بقلب سليم". بص الآية: "لا يَوْمَئِذٍ يَنْفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيمٍ". اللي هينفعك يوم القيامة شايلة حقد إيه مشيغة إيه ومش عايز تسامح ليه ومش عايز تنساه ليه؟ معاقب نفسك وكمان حارم نفسك من كلمة "إلا من أتى الله بقلب سليم". وكان النظر لقلبك يوم القيامة أول حاجة في الثلاثة دول والله العظيم الموضوع ده يستاهل يا جماعة إن إحنا ندخل العشر الأواخر بقلب سليم. انوي أدعي أدعي دعاء النبي "اللهم جنبنا الفواحش ما ظهر منها وما البطن" الله واسلل سخيمة صدري. حطها في الدعاء واحفظ الدعاء اللي قلناه دول.

طب تعال نمسك تعريف الثلاثة. تعريف الثلاثة الغل هو إيه؟ كلمة غل الشيء أي غرسه يبقى مش هو الكراهية. غرس الكراهية في نفسك حتى تستحكم منك. لأن أنا بكره إنسان حقك مافيش تحريم في الدين أنا ما بحبش فلان أو أنا بكره فلان ف يعني مثلًا سيدنا عمر بن الخطاب اللي قتل أخوه سيدنا زيد بن الخطاب الراجل بعد ما قتل سيدنا زيد أسلم فقال عمر ولكن لا تريني وجهك يا عم أنت بص بس مش يشوف شك بتفكرني بأخويا فأني لا أحبك. قال هل يمنعني حقي؟ هتمنعني حقي؟ قال لا. قال إنما يبكي على الحب النساء تحبني ولا ما تحبنيش الستات هم اللي بيزعلوا على الحب. طالما مش فمش هيمنع حقه بس ما بحبكش وقالها له في وشه والراجل أسلم فاهمني؟ إذًا ربنا لا يحاسبنا أنا ما بحبش فلان لكن يحاسبك أنا بغل لفلان يعني إيه الغل؟ ما بقتش كراهية استرسلت مع الكراهية لغاية ما بقت مغروسة في قلبك. وأنتم عارفين يعني إيه بكره فلان ما بحبوش وبغل على فلان إن أنت عارف من جواك الفرق بين الاثنين لا الغل لا. طب ودواؤه إيه؟ هنقول بعد شوية يبقى ده تعريف الآية الغل. طب والحقد إيه؟ الاسترسال مع الغل شوفوا وهي سلسلة الكراهية لغاية دلوقتي أنت ما وقعتش في الحرام لكن استرسلت معاها بقت إيه غل آدي أول أول أمراض القلب. طيب هتسترسل مع الغل لغاية ما تضمر الإيذاء لا أنت لحقت فهو غل مربوط بس ذيك وهنقر بس لما أتمكن منك فتفضل شايلة 10 سنين لغاية بقى ما يجيلك الفرصة تتمكن منه تقوم خبطه. عشان كده يقول لك الجمل في صفة الحقد أنت فيك الصفة دي يعني أنت شخصية من جواك مش كويس ده بعد شوية مش سوي ليه؟ لأن أنت مبين إنك عادي وبتتعامل مع مديرك على إنك عادي عادي عادي عادي وأنت بتقول بس أتمكن ويوم أترقى وهعمل فيه وحعمل فيه ض حقت. شفتوا ها شايفين السلسلة عشان الناس بس تبقى فاهمة. يبقى الأول كراهية مافيش لسة عندك حاجة ع أنت ليه بتسترسل ليه مكمل معاها بقت غل طيب ها غل عمال تسترسل معاه وسايبه يكبر بقى حقد ذيك بس عامل نفسك ساكت فعامل وشين فحطت ماسك وبتبتسم في وشه وأنت بتضمر الحقد ده الحقد. طب وإيه الحسد؟ لا الحسد مختلف. تمني زوال النعمة عن الغير. طب نفسي يبقى عندي زيه ده مش حرام ده غبطة. فرق بين الغبطة والحسد. نفسي أنا كمان يبقى عندي. أمال الحسد إيه؟ يا رب يروح من عنده طب يا أخي طب ما تتمنى إن أنت كمان يبقى عندك لا طب ما يبقى في الحلال كده لا يروح من عنده ويجي لي لا الأسوأ بقى يروح من عنده حتى لو ما جاليش يعني مش عايز بس يروح من عنده. تحصل بين الأقران أولاد مهنة واحدة أولاد كار واحد زي ما بيقولوا بتبقى أسوأ ما فيها. ممكن كل واحد يسكت ممكن الناس اللي بيشوفونا ممكن تسكت لمدة دقيقة أنت فيك واحدة من الثلاثة شفتوا يا جماعة التفصيلة بين الثلاثة أنت فيك غل ها أنت فيك حسد أنت فيك حقد لا مبروك قلب سليم مبروك قوي هتدخل العشرة الأواخر الله عليك. لا أنا فيا شوية أنت محتاج تستغفر كتير وتكتر التسليم محتاج لا حول ولا قوة إلا بالله كتير عشان تنظف أنت محتاج تنظف ومحتاج تستغفر يا شوفوا الآية اللي بتقول "ويخرج أضغانهم" الضغينة الحقد. طيب العلاج العلاج جميل جدا جدا جدا جدا. واحد: عدم الاسترسال مع النفس وساوس الشيطان. يعني إيه؟ أعوذ برب الناس من شر الوسواس الخناس. يعني إيه وسواس؟ عمال يمد لك السلسلة يعني شغلة الشيطان إيه الاسترسال؟ يعني شغلة الشيطان إيه؟ ولا تتبعوا خطوات الشيطان لأن هو ما بيبتدي مره واحدة واحدة على حقد وحسد هو بيبتدي هو بيبتدي يعني أخوه يوسف الأول ابتدت حسد لغاية اقتل يوسف الحقد شايف الخطوات. طب يعني إيه عدم الاسترسال؟ اقطع يعني إيه اقطع؟ يعني كل ما تيجي فكرة الحقد والحسد أعوذ بالله من الشيطان الرجيم. كل ما تيجي كراهية اه بس مش حاسس لا خلاص كفاية كده. كل ما تيجي كلمة الحسد يا رب أكرمه وأعطيه زي ما بتعطينا. اوعى تسمح لها إنها تسترسل. على فكرة من علاج الحسد لو عندك حتة حسد إنك تدعي للي قدامك يا رب ارزقه وافتح عليه وارزقني معاه ما هو في ملك بيقول لك ولك بمثله. خلصنا. طيب يبقى واحد عدم الاسترسال. اثنين: السماح. تعرف تعفو تعرف تسامح تعرف تعمل كده. بيقول لك مافيش حد بيقدر ياخد نفسين في نفس الوقت. يعني إيه؟ يعني ما تقدرش تاخد اثنين أكسجين عشان تاخد أكسجين لازم تطلع إيه ثاني أكسيد كربون عشان تدخل حاجة حلوة لازم تطلع حاجة وحشة. حلوة الفكرة. اطرد وبعدين أنت بتسامح الحقيقة الحقيقة مش عشانه الحقيقة أنت بتسامح عشان نفسك ص عشان تغش الجنة عشان يبقى قلب سليم عشان ما تبقاش عايز شايل شنطة مليانة طوب والله العظيم اللي شايل الغل وال كأنه شايل شنطة مليانة طوب يا عم ارمي الشنطة وفضي الطوب وزلط أنت ماشي أنت بقيت تقيل قوي اطلع كده خفيف. سامح سامح عشان ربنا يسامح. سامح عشان داخلين على العشرة الأواخر. سامح عشان النبي عشان ربنا قال "وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ". وفي مين؟ سيدنا أبو بكر الصديق لما ابن خاله ابن خاله السيدة عائشة اللي أبو بكر الصديق بيصرف عليه اتكلم في عرض السيدة عائشة على فكرة يعني الدنيا دنيا فقام ربنا قايل "وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ" فقال أبو بكر بلى يا رب أحب أن يغفر الله لي ورجع له العطاء ورجع له الفلوس وهو كلم في عرض بنته. أصل الستات تقول لك إلا اللي يتكلم في عرض بنتي لما يمكن أنا حد عليها العمر كله قصها حرمتها الجوازة ما كانش ربنا مقدر الجوازة وهي هتاخد جزائها لكن لو أنت سامحت أنت الكذبة. مش قادر أسامح. الحل الثالث تجاوز عنه. يعني إيه تجاوز عنه؟ مش موجود. يعني إيه مش موجود؟ بلوك يعني إيه بلوك؟ على السوشيال ميديا والواتساب أ وجوه قلبك وجوه عقلك هو مش موجود. ليه؟ عشان ما تشيلش الغل والحقد والحسد عشانك مش عشانه عشان ما يبقاش كسبك مرتين أنت بتعاقب نفسك إن تخليه كسبك مرتين ده هو نسيك وأنت شايل الغل والحقد والحسد. حلوة الفكرة. رابعًا التسليم خاصة ذكر لا حول ولا قوة إلا بالله عشان تركز على نفسك بدل ما تركز عليه عشان التسليم هو اللي هيساعدك تعمل الثلاثة الأولانيين لأن أنا ممكن أحكي لك لغاية من هنا للسنة الجاية وتقول يقول لي مش قادر مش قادر مش قادر. طب كتر من لا حول ولا قوة إلا بالله هيكتر التسليم في قلبك هتبدا تركز على نفسك يخلص الموضوع. حلوة الفكرة. طيب هنختم بتمرين. اعمل قائمة بـ 10 أشخاص في حياتك أكتر 10 مش طايق اللي هم يعني حاجة يعني عارف مخنوق لو ما فيش إن شاء الله طايق. يا سلام يا عص عاصم قال لك طب ولو ما فيش 10 أحلى أحلى كتبت القائمة 10 8 7 يا ترى ههم كام صحيح يا نهرب العش ده كتير قوي يلا نقسم العشرة ناس هسامحهم الله اشطب اشطب اشطب. ناس تتجاوز عنهم بلوك مش موجودين في حياتي بس مش مسامحهم يفضل واحد لا مسامحة ولا عامل له بلوك وهو ده بس اللي أنا مش طايقه مش طايقه مش طايقه بس بدل ما بقوا 10 بقوا كام بس الحقيقة الأحلى عشان يبقى قلب سليم سليم. قسم والله والله يا جماعة الناس اللي بتشوفنا اعمل التمرين ده النهاردة هات ورا وقلم واكتب ست أسامي دول أسوأ ناس أذوني في حياتي وامسح قدام ربنا أنت وربنا يا رب مسحت ده خلاص بقى خلاص بقى يا أخي لازم تفضل لا يا عم عشان كمان ربنا عشان الناس الثانية تسامحك وأنت كمان بتغلط. امسح امسح امسح وتعالى الاتنين إلا دول بلوك من حياتي وفجأة أقول لنفسي إذًا الآن نشوف حاجة قبل القياس قد إيه الآن قلب سليم وحافظ بقى على اللي اتفقنا عليه النهاردة عشان تخش العشرة الأواخر سليم القلب شكلك إن شاء الله تجيب ليلة القدر إيه رأيكم في ال فاكرين القاعدة ها نقي قلبك من الأمراض القاتلة الأمراض الثلاثة الغل والحقد والحسد ها لتدخل مش بس الجنة وتدخل ليلة القدر سليم الصدر "إذ جاء ربه بقلب سليم" في الآخرة وإذ جاء ربه بقلب سليم إن شاء الله في العشر الأواخر.