Transcription
ثلاث حركات هيخلوا اي حد يشوفك باشا ملو هدومه.
اولا لو مضطر تنتقد حد وسط الناس ما تقولوش انت غلطان الصح كذا. قول له بصراحه ليك حق تقول كده لحد ما تشوف الموضوع من وجهه نظري ما تيجي نبص عليها مع بعض. الاولى هتخليه يحس انك احرجته او بتقول له انا بفهم وانت حمار. والثانيه هتخليه يحس انك محترمه وحريص انك توصل له المعلومه من غير ما تصغره. فمش بس هيسمعك لا ده هيحترمك قوي كمان.
اثنين لما تلاقي حد ثالث بيتدخل في موضوع شخصي بينك وبين حد ثاني. قول له وجهه نظر محترمه بس بعد اذنك سيبني اخلص كلام معاه وبعدين نبقى نتكلم انا وانت لوحدنا. اوكي يا باشا انت كده قلت له اقعد ساكت ما تدخلش بس من غير ما تحرجه.
ثلاثه لما حد يجاملك ما تقولش يا عم ده انا غلبان انت بتبالغ. قول له شكرا كلك ذوق. الاولى هتطلعك شخص بيقلل من قيمه نفسه. والثانيه بتحسس اللي قدامك انك عارف انك فعلا جامد بس بطريقه تحسسه ان انت اللي كلك ذوق.