Transcription
القدره على الترك اساس النجاح. يعني ايه القدره على الترك؟ اني اعرف اسيب حاجه علشان امسك في حاجه تانيه.
يعني انا عايز اخس فمش قادر اسيب الاكل فمش هخس. متدمر ليه؟ بس بحبها وهي مش معبراني. وانا متحطم وحياتي بتنتهي وشغلي بينتهي ومذاكرتي بتنتهي.
طب خلاص انسى الموضوع ده. سيب الموضوع ده. ما اقدرش ليه؟ لان انا ضعيف. ما عنديش القدره على الترك. ما بعرفش اسيب حاجه. ده انا لما بتفرج على فيلم وعندي حاجه مهمه جدا الصبح يا اما الفيلم يخلص يا اما انا انام. انا ماعرفش اسيب. انا ما عنديش القدره على الترك. لازم الحاجه هي اللي تسيبني.
فاللي عايش اول ما يتساب يروح لغيره. اول ما يتساب يروح لغيره. مش ماسك حياته. مش مالك نفسه. النجاح عايز قوه والقدره على الترك قوه.