كارثة اسقاط المسيرات و السيسي يرسل كامل الوزير لإرسال ضربة النهاية

سلام عليكم، ازيك؟ طول عمري فخور بجهاز المخابرات المصرية. والحقيقة، لما أجي أعرف اللي بيحصل في الكواليس، بيزداد فخري بالموضوع ده. ليه؟ لأنك خلي بالك، شغل المخابرات تملي بيبقى شغل مش باين. على فكرة، جهاز المخابرات بيبقى فيه أبطال عظام وناس ممكن تكون عملت عمليات عظيمة وماحدش يعرف عنهم حاجة. بيسموهم أبطال الظل. فانت لما تيجي تبص على الكواليس كده اللي بتحصل بعيد عن نشرات الأخبار وبعيد عن الإعلام، بيزداد فخرك بالناس دي.

طب إيه اللي حصل بالظبط؟ والقصه تبتدي منين؟ القصة تبتدي من زيارة قام بها معالي وزير الخارجية بدر عبد العاطي لتركيا. زيارة كده مفاجأة، يعني ما كانتش مترتبة، ما تمش الإعلان عنها. ومعالي وزير الخارجية كان رايح ينقل رسالة لأردوغان شخصياً. الرسالة دي كانت جايه من الرئيس المصري لرئيس رجب طيب أردوغان.

المفارق بالنسبة لي إن اللقاء ده طلع في الإعلام، وكل وسائل الإعلام صورت بدر عبد العاطي وهو بيسلم على أردوغان. ما فيش أي مشكلة. حلو؟ بس ما حدش خد باله إن اللقاء ده ما تمش في القصر الرئاسي بتاع أردوغان. ده أردوغان كان قاعد مستني وزير الخارجية المصري في مقر حزب العدالة والتنمية. واللقاء ده كان لقاء مغلق بعيد عن أنظار الإعلام. ما حدش اطلع على إيه اللي جوه اللقاء ده. ده أمر.

الأمر الثاني، بعد ما خلص اللقاء ده، معالي وزير الخارجية نقل الرسالة لأردوغان، وبعد كده قعد مع وزير الخارجية التركي. وكان لقاء وقعدوا ياخدوا صور مع بعض والكلام ده كله. واتفقوا على تعزيز العلاقات والكلام من البروتوكول اللي انت بتقعد تسمعه ده. بس أول ما اللقاء ده خلص، طلعت طيارة من أنقرة. طيارة رقمها الجاي 001 أو جاي 001. خلاص. طلعت من أنقرة وصلت القاهرة زي ما حضرتك شايفها كده. وزي ما حضرتك شايف الخريطة بتاعتها وصلت القاهرة. والطيرة دي كانت بتحمل شخصية رفيعة المستوى. إيه الشخصية؟ ما حدش يعرف. طب الشخصية جايه برسالة إيه؟ برضه ما حدش يعرف.

بس واضح جداً إن التوقيت اللي بيحصل بيه التحركات بين مصر وتركيا لافت جداً. وصدقني، أنا الفيديو ده مش جاي أناقش معاك العلاقات المصرية التركية فقط، وإيه اللي بيحصل خلف الأبواب المغلقة بين مصر وتركيا. ده أنا جاي أكلمك على ملف تاني خالص هتزداد انبهار بيه. وهو تحركات المخابرات المصرية. فين؟ في جيبوتي. ضربة معلم. يعني شوف اللي بيحصل ده. ضربة معلم. سواء اللي بيحصل في تركيا، سواء اللي بيحصل في السودان، سواء اللي بيحصل في إثيوبيا. وأخيراً في جيبوتي. ملف في جيبوتي ده انت لو عرفت اللي بيحصل فيه، انت مش هتصدق اللي بتعمله المخابرات المصرية واللي بتعمله مصر عامة. خاصة إن في زيارة هيقوم بها كامل الوزير لجيبوتي. وخليني أسبق الناس كلها والعالم كله وأقول لك الزيارة دي هتحصل قريباً جداً من كامل الوزير لجيبوتي. كلام كتير وخطير جداً هتسمعه لأول مرة عن تحركات استخباراتية مصرية هتخليك فخور جداً ببلدك.

بس طبعاً عشان أقولها لك وأكشف لك اللي بيحصل ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو باتر هاوس. لو قلت لك إنك ممكن تشتري وحدة سكنية في العاصمة الإدارية الجديدة، أميز كومباوند، وكومباوند مبني بالكامل وبسعر أقل من نص. يعني بدل لما سعر المتر يوصل لـ 57 ألف جنيه، انت هنا هتاخد المتر بـ 27900 جنيه فقط. العرض ده فعلاً ما يتفوتش. لأن الوقت اللي إحنا فيه ده الأسعار بتزيد كل يوم. فشركة باتر هاوس للتطوير العقاري قررت إنها تمشي عكس الاتجاه وتستجيب لمبادرة رئيس مجلس الوزراء لخفض الأسعار بعرض فعلاً غير مسبوق في كومباوند سكاي كابيتال فيو في قلب العاصمة الإدارية الجديدة في حي الـ R8 على النهر الأخضر والممشى السياحي المباشر. فدلوقتي تقدر تمتلك وحدتك في مكان مميز جداً بمقدم بسيط 5% والباقي على أقساط مريحة جداً بتمتد لحد ثمان سنين. ونظام الحجز كمان احترافي جداً. أي أو أي بقيمة 25 ألف جنيه فقط. يعني ببساطة كده خصم من 40 لـ 50% من السعر الأساسي. ده عرض استثنائي بجد في موقع استراتيجي وبسعر مش هيتكرر تاني. لأن العرض ده لمدة شهر واحد بس. وحابب أقول لك إن شركة باتر هاوس شركة مميزة جداً وليها مشروعات كتيرة في السوق العقاري المصري زي منتجع عبد الله في هضبة الجلالة، سكاي نيو هليوبوليس في مدينة هليوبوليس الجديدة. والشركة دي ليها مصداقية في مجال التطوير العقاري لأكثر من 18 سنة. وده اللي بيخلي الاستثمار معاها آمن ومضمون. امتلك وحداتك دلوقتي باتر هاوس واستثمر في مضمون عشان تلحق. لأن العرض ده لفترة محدودة جداً. هسيب لحضرتك أرقام باتر هاوس لو حضرتك حابب تتواصل معاهم أسفل الفيديو في الديسكربشن.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك وأول مرة هتسمعه فيما يخص كش ملك. إيه اللي حصل بالظبط؟ اللي حصل إن إحنا معانا ملف خطير جداً. عاوز أبتديه من حدودك الجنوبية. مش من السودان. ابعد من السودان شوية. هنرجع بعد كده للسودان. بس اللي بيحصل عند إثيوبيا شيء مبهر. ليه؟ خلي بالك إثيوبيا من ساعة ما بنت السد وهي والله واخدة الأمر إنها بتكسر الهيمنة المصرية. وإنها استغلت والله ثورة 2011 وقالت لك والله مصر في عز ضعفها فلازم إن إحنا نستغل الأمر ونبني سد النهضة. وبالفعل شيدوا سد النهضة. والواقع بيقول إن إثيوبيا لحد دلوقتي مش عارفة تشغل سد النهضة. يعني بص، وفقاً للتقارير كلها بيقول لك إثيوبيا حالياً مش عارفة تشغل التربينات. وأصلاً حلم أبي أحمد إنه يبني سد النهضة عشان يولد كهربا ويشغل العملات المشفرة، التنقيب عن البيتكوين والكلام ده كله. فيجيب ثمن السد. خلي بالك السد النهضة ده هتصرف عليه 5 مليار دولار والمفروض ده عزه تيب. حلو؟ بس منذ إنشاء السد لازم تعرف إن ده إعلان حرب على مصر. اللافت في الأمر إن مصر ما واجهتش إثيوبيا بأي شكل كان. ولا قاموا بعملية عسكرية. ولا راحوا ضربوا السد زي ما أنا كنت بقعد أقول. ولا أي حاجة. المصريين سكتوا تماماً وتجاهلوا الأمر. وكان السد ده مش موجود عنيه. وكان السد ده مش بيهدد حصص مصر المائية. بس في نفس الوقت المصريين تحركوا بشكل كبير جداً.

إيه اللي حصل؟ اللي حصل إن والله مصر ابتدت تتقرب من إريتريا اللي هي انفصلت عن إثيوبيا 1993. وعلى فكرة منذ انفصال إريتريا عن إثيوبيا، إثيوبيا أصبحت أكبر دولة في العالم حبيسة. ما عندهاش أي مواني على البحر. وأبي أحمد عمال يصوت ويقول لك البحر ومش البحر. وناخد ونستعيد ميناء عصب من إريتريا والكلام ده كله. بس لحد ما أنا بكلمك ما تعملش أي حاجة. ولا قامت بأي عملية عسكرية.

"فيما يخص البحر الأحمر، أريد أن أؤكد للشعب الإثيوبي ومجلس النواب أننا نؤمن أن مسألة البحر الأحمر هي مسألة قانونية وتاريخية وجغرافية واقتصادية. حرمان إثيوبيا من منفذ بحري تاج لصراع دام 30 عاماً. لكنني لا أعتقد أن إثيوبيا تحتاج ثلاثين عاماً لاستعادته."

فانت مضيت تعاون عسكري مع إريتريا. تمام. بعد كده طورت الأمر ورحت مضيت تعاون عسكري مع الصومال. قلت يا جماعة إن إثيوبيا لما بتهدد الصومال إنها عاوزة تروح مينا على الأراضي الصومالية وتاخد منفذ بحري من الصومال، سواء عسكري أو مدني، ده أمر غير مقبول في مصر. ومصر هتوقع اتفاقية تعاون عسكري ودفاع عسكري مع الصومال.

"إحنا مش هنسمح إن حد يهدد الصومال. ومش هنسمح إن حد يمس الصومال. وأنا بقول الكلام ده بمنتهى الوضوح. ما حدش يجرب مصر. ما حدش يجرب مصر ويحاول يهدد أشقائها، خاصة لو أشقائها طلبوا إن إحنا نبقى موجودين معاهم."

وبالفعل تم رؤية معدات عسكرية مصرية رايحة للصومال. تم رؤية إن والله مصر هتنقل عساكر وجنود يشاركوا في قوات حفظ السلام في الصومال. وهتتحرك عسكرياً تجاه الصومال بشكل كبير جداً. ده شيء. والحقيقة إن مصر ما اكتفتش بدعم إريتريا لوحدها والصومال لوحدها. لا، ده انت هنا كمان رحت كمان وقمت وقعت اتفاقية تعاون عسكري مشترك وقمت بتحالف عسكري بين مصر وإريتريا والصومال. حلو؟ ده حلو جداً. وما معناه إن والله لا إريتريا هتسمح لإثيوبيا بإنشاء مينا عندها أو إنها تاخد منفذ بحري. ولا الصومال هتسمح بحاجة زي كده. تمام؟

بس الضربة القاصمة جت منين؟ الضربة القاصمة جت من أكتر دولة إثيوبيا بتعتمد عليها. إثيوبيا منذ أن أصبحت حبيسة وهي بتعتمد على دولة واحدة بس إنها تكون المنفذ البحري بتاعها التجاري. ما بقولكش عسكري. تجاري. هي دولة جيبوتي. جيبوتي دولة صغيرة. مش دولة كبيرة. يعني جيبوتي على فكرة فيها قواعد عسكرية كتيرة جداً. فيها قاعدة عسكرية صينية، قاعدة عسكرية إسرائيلية، كمان قاعدة عسكرية أمريكية. هتلاقي بص اللي انت عاوزه. يعني جيبوتي فاتحة الأراضي بتاعتها لأي حد عاوز يعمل قاعدة عسكرية يعمل قاعدة عسكرية. والحقيقة إن الدول بتيجي تعمل قواعد عسكرية وتدي جيبوتي أموال وبتدي جيبوتي تأمين. ما حدش هينفع يعتدي على جيبوتي. وفي قاعدة عسكرية تابعة للجيش الأمريكي مثلاً أو الجيش الإسرائيلي أو أي جيش موجود في جيبوتي. ما ينفعش إن الدولة تعتدي على جيبوتي بأي شكل كان. فالحقيقة ده شيء هائل. وجيبوتي راضية بالقواعد العسكرية اللي عندها وبتتعاون مع إثيوبيا تجارياً. وعاوز أقول لك إن إثيوبيا تقريباً بتعتمد بنسبة كبيرة جداً، ما كانش تفوق 90% من وارداتها اللي بتيجي عن طريق البحر الأحمر، بتيجي عن طريق جيبوتي. وبيعملوا خط سكة حديد يربط البلدين. وحاجة عظيمة جداً. ماشي؟

إيه اللي حصل؟ اللي حصل إن شركة السويدي أنا مش هقول لك حد. أنا بقول لك شركة السويدي المصرية راحت عقدت اجتماع مع رئيس المواني الجيبوتية بتاع جيبوتي. وقعدوا يتكلموا معاه وقالوا له يا باشا انت عاوز إيه؟ يعني إيه اللي انت متعطل عندك؟ قال لهم والله إحنا المواني بتاعتنا يعني ممكن تكون بدائية شوية. يعني ما فيش تطوير للمواني عندنا. قال له طب بص، إحنا كشركة سويدي هنعمل لك محطة كهرباء تولد لك 20 جيجا وات وهنطور لك كمان المينا اللي عندك. واللافت إن الوفد اللي جاي من شركة السويدي ما جاش لوحده. ده جه معاه نائب مساعد رئيس الوزراء. نائب مساعد رئيس الوزراء. وقعدوا يتكلموا وقالوا كمان إن مصر هتساعد جيبوتي إنها تطور المواني بتاعتها. ومصر هتعمل مينا وهتعمل منطقة لوجستية لجيبوتي. والحقيقة ده هيبقى أمر مهم جداً. والحقيقة إن الوفد بتاع شركة السويدي ده ومعاه نائب مساعد رئيس الوزراء عجب جداً الناس بتاعة جيبوتي. ده مش بس كده، عاوز أقول لك إن الناس رحبت إن والله تعالوا يا عم طوروا المواني بتاعتنا. طب هل مصر عندها سابقة أعمال في تطوير المواني؟ طبعاً. عاوز أقول لك إن انت عندك قدرة لتطوير المواني بشكل كبير جداً. وأصبحت إن انت عندك خبرة في إنشاء المناطق اللوجستية. خد عندك بقى المناطق اللي عند قناة السويس، بورسعيد، عندك إسكندرية. انت طورت مواني كلها بتاعة مصر. يعني فانت عندك خبرة إزاي تدير مواني وإزاي إن انت تطور المواني. فجيبوتي كانت قالت لك والله لو عملتوا كده ده إحنا هنبقى شاكرين لكم جداً.

طيب الأمر ده لحد دلوقتي أمر إيه؟ يعني على جنب. يعني ممكن يكون الكلام إيه؟ كلام في الهوا. ده شركة سويدي. يعني ده مش علاقات مصرية جيبوتية. تتكلم على شركة السويدي. ده شركة مش دولة. طيب الأمر ده كله حضرتك هتشوف زيارة من كامل اللي هو وزير النقل ووزير الصناعة والتجارة ونائب رئيس الوزراء المصري. هيزور جيبوتي. وهنا انت بتتكلم إن والله المباحثات ما بقتش مباحثات بين شركة ودولة. يعني مش بين السويدي وجيبوتي. بقت بين مصر وجيبوتي. وهنا يقول لك إن في تأكيدات مصرية لجيبوتي إن إحنا والله هنطور لكم بتاعتنا. مش بس كده، مصر هتفتح فرع بنك مصر في جيبوتي. وهتلاقي الفترة القادمة شركات الاتصال المصرية هتروح تتكلم مع جيبوتي لتطوير البنية التحتية في الاتصالات. وهتبتدي تشوف الشركات المصرية بتروح على جيبوتي بشكل كبير جداً.

طيب هي مصر عاوزة إيه من جيبوتي؟ والله بص، مصر عاوزة حاجة ظريفة جداً. إن والله هي بتطور المواني هناك عشان يبقى في خط تجاري بين البلدين. وإن جيبوتي تبتدي تستورد بضائع مصرية أكتر من الأول. تاني حاجة، ما تنساش إن انت لما تعمل كده هتتقرب بشكل كبير جداً لجيبوتي. وجيبوتي هتعتمد عليك. وإيه المشكلة؟ المشكلة هنا إن انت بتلعب لعبة خطيرة جداً. انت ما رحتش أنشأت قاعدة في جيبوتي. خد بالك. انت ما رحتش لجيبوتي قلت لهم إحنا عاوزين نعمل قاعدة عسكرية مثلاً زي الدول اللي عندكم. انت رحت كلمتهم في التجارة. تعال يا باشا ونبتدي نتاجر سوا. ونبتدي نطور لك المواني بتاعتك. ولو طورنا المواني وعملنا لك منطقة لوجستية، انت هتبقى عندك قدرة لاستيراد بضائع من دول أخرى كتير. وهيبقى دخل جيبوتي يرتفع. حلو؟ لما دخل جيبوتي يرتفع، إيه اللي يحصل؟ جيبوتي تبتدي تقلل شوية من الاعتماد على إثيوبيا. وتشوف إن والله جيبوتي مش في حاجة لإثيوبيا زي الأول. خلي بالك نص الناتج القومي بتاع جيبوتي جاي من الفلوس اللي إثيوبيا بتدفعها لها مقابل إن يبقى في خط بحري من البحر الأحمر لإثيوبيا. ما بقولكش مينا. أنا بقول لك التجارة اللي جاية لإثيوبيا بترسو في موانئ جيبوتي وتروح لإثيوبيا. فالخط التجاري ده إثيوبيا بتدفع فيه مبلغ وقدره سنوياً عشان جيبوتي تسمح إن البضائع تروح لإثيوبيا. ماشي؟ فدلوقتي لما الناتج القومي بتاع جيبوتي يرتفع، ده أمر مهم جداً. تاني حاجة، جيبوتي مدينالك بالفضل. تالت حاجة، لما إثيوبيا تيجي تقول لجيبوتي أنا عاوز أعمل عندك قاعدة بحرية، هتقول لها ما ينفعش. ليه؟ ساعتها جيبوتي هتشوف إن والله تواجد قاعدة عسكرية إثيوبية على البحر الأحمر هو تهديد لأمنها القومي. لأن مصر مش هتسكت لو إثيوبيا خدت قاعدة في جيبوتي. مصر ممكن تقوم بعمليات عسكرية ضد القاعدة دي. ما هو أصل مصر عمالة تطلق تصريحات قوية جداً إن إثيوبيا لو عملت قاعدة على البحر الأحمر مصر مش هتسمح بحاجة زي كده. مش هتسمح يعني ممكن تضربها. فانت هنا عندك مخاطر كبيرة جداً لو جيبوتي سمحت بحاجة زي كده. وهتشوف إن إثيوبيا بتجيب لها أخطار، مخاطر كبيرة. إنما مصر بتزود التجارة مع جيبوتي وبتحسن البنية التحتية بجيبوتي. وفي نفس الوقت بتبعد المخاطر عن جيبوتي. يعني انت لما تروح ناحية مصر هيجي لك كاش. مش هيجي لك صواريخ. إنما ناحية إثيوبيا لو عملت قاعدة هيجي صواريخ تنزل على القاعدة دي. طب وليه جيبوتي عاوزة سلام واستقرار وعاوزة تعيش؟ فتأمر.

"ويعزز من العلاقات الوثيقة بين البلدين موقع جيبوتي الاستراتيجي في مدخل البحر الأحمر قرب خليج عدن ومضيق باب المندب، البوابة الجنوبية لقناة السويس، أحد المحاور الأساسية للأمن القومي المصري."

الأمر الثاني، خد بالك إن جيبوتي ممكن تتنمرض على إثيوبيا. تالت حاجة، إن والله جيبوتي هتشوف إنها مش في حاجة تامة للتعاون مع إثيوبيا زي الأول. ليه؟ أولاً خلي بالك إن إريتريا وإثيوبيا الاثنين ضد بعض بشكل كبير عسكرياً على الأقل. ماشي؟ والاثنين بيهددوا بعض بالحرب. طيب جيبوتي لو اتحدت عسكرياً مع إثيوبيا، إريتريا هتشوفها إنها تهديد ليها. ما هو عسكري بقى. قارن جيبوتي. انت دلوقتي قدمت حل وابتديت تشتغل الشغل الأمريكي. إيه الشغل الأمريكي يا باشا؟ فلوس. عاوز فلوس. تنمية موارد والكلام ده كله. خليك حبيبنا. ما تروحش مع الناحية التانية. طيب. ولما انت تعمل كده، إثيوبيا مالهاش أي دولة تعرف تنفذ فيها على البحر. ما فيش. وعلى فكرة إثيوبيا ما ينفعش تهدد جيبوتي. لأن أنا بقول لحضرتك إثيوبيا معتمدة بشكل كبير جداً على الجانب الجيبوتي بشكل رهيب في تجارتها. لو عطلت جيبوتي، جيبوتي هتقبل. طب ما كده إثيوبيا مش هتجيب تجارة من أي حتة خلاص. فانت هنا بتتكلم على أمور خطيرة جداً. لعبة في منتهى الذكاء. الأمر الثاني إن انت والله لما تطور التقارب التجاري ده مع جانب الجيبوتي، الجانب الجيبوتي ممكن كمان يفكر في التقارب العسكري. وانت هنا بتتكلم إن جيبوتي شاركت في المناورة العسكرية اللي اسمها الموج الأحمر. المناورة العسكرية دي هي الأضخم. اسمها مناورة الموج الأحمر 8. ودي مناورة نظمتها السعودية. شاركت فيها مصر، شاركت فيها الأردن، شاركت فيها السودان، شاركت فيها اليمن، شاركت فيها جيبوتي. جيبوتي لما بتقرب منك تجارياً، هي كمان بتضمن إنها هتشارك في تحالف عسكري ضخم. تحالف البحر الأحمر ده. ما بقتش دولة بتربط نفسها بإثيوبيا اللي مستقبلها ممكن ما يكونش واضح قوي.

"تشهد قاعدة الملك فيصل البحرية بالأسطول الغربي في جدة مناورات التمرين البحري المختلط الموج الأحمر 8، الذي تستضيفه القوات البحرية السعودية بمشاركة القوات البرية والجوية السعودية. التمرين البحري شهد أيضاً مشاركة قوات بحرية من الدول المطلة على البحر الأحمر، بالإضافة إلى مراقبين من باكستان وموريتانيا."

تاني حاجة، خد بالك اللي بيخلي جيبوتي تراهن أكتر عن الناحية التانية، ما تراهنش ناحية إثيوبيا. إن إثيوبيا أصلاً عندها حرب أهلية في الداخل. إثيوبيا موقفها صعب جداً. وبالمناسبة، في المعارضة الإثيوبية دلوقتي ضد أبي أحمد قالت له والله بيتك انت من ساعة ما بنيت السد ده إثيوبيا ما استفادتش أي حاجة. لا عرفنا نشغل التربينات، ولا عرفنا نجيب كهربا، ولا عرفنا نقطع المية على مصر، ولا عرفنا نغرق مصر. نشوف قد إيه بقى. ولا عرفنا نغرق راق مصر. وعمالين نخسر إن إحنا بقينا دولة حبيسة أكتر ما إحنا حبيسة. وانت دلوقتي رجعت المصريين للقرن الأفريقي وزودت النفوذ المصري. انت ما ضرتهوش في أي حاجة. ولا منك حتى عرفت تستدرج الجيش المصري لمعركة. ما عرفتش. خلاص. إثيوبيا كل يوم بتخسر. بس مش في إيدها حاجة تغير بيها المعادلة دي. وخلي بالك إن انت كمان معاك تحالف سعودي أردني. بكل دول البحر الأحمر تقريباً اللي بتطل على البحر الأحمر عمالين يتحدوا بشكل كبير ضد إثيوبيا. مش عايزين يشوفوا إثيوبيا. ولو جيبوتي تعرضت لخطر، هتشوف التحالف ده بتاع الموج الأحمر هيجي. خلي بالك مناورات الموج الأحمر دي دي تامن مناورة يتم تنظيمها السنة دي. لأن أول مناورة تمت في 2019. فانت بتتكلم موج الأحمر ده يثبت لك إن والله في تحالف عسكري قوي جداً بيدعم جيبوتي. وانت ابتديت تتكلم في التجارة. وخد بالك مش لوحدك. السعوديين كمان بيتقربوا من جيبوتي. السعوديين برضه بيحطوا التجارة. عاوزين يطوروا مواني جيبوتي. تبص ليه أبي أحمد كل يوم بيخسر. ما بيكسبش. ما فيش أي حاجة. أبي أحمد أصبح محاصر. والحصار الأكبر لو حرب السودان وقفت. لو حرب السودان وقفت، أبي أحمد هيبقى محاصر من كل حتة تقريباً. لأن خلي بالك مهما كان تقدم ميليشيات الدعم السريع، بس الجيش السوداني محافظ على شرق السودان. ماشي؟ شرق السودان ده هو اللي عند سد النهضة. هو عند الحدود الإثيوبية. وده الأمر اللي قال أبي أحمد. أبي أحمد بيدعم ميليشيات الدعم السريع عشان يخليها تحاول تسقط شرق السودان. مصر مش عاوزة حاجة كده. تمام؟

خد بالك من بعض الأمور اللي هقول لك عليها دي. إمبارح في السودان حصل. حصل إن المسيرات التركية ابتدت تشتغل بشكل كبير جداً في السودان في جانب السودان. والحقيقة إن المسيرات دي ابتدت تقوم بطلعات قوية. بس مسيرة اسمها "أقينجي" دي مسيرة تركية متطورة جداً. المسيرة دي بتطير على ارتفاع كبير. المسيرة دي سقط منها ثلاثة إمبارح في السودان بفضل منظومة دفاع جوي اسمها "إيه بي كي 2000". دي منظومة دفاع جوي صينية عند ميليشيات الدعم السريع. أسقطت ثلاث مسيرات تركية. بس برغم إسقاط ثلاث مسيرات تركية، لازم تسأل نفسك من كام؟ يعني هما أسقطوا ثلاثة من كام مسيرة؟ خلي بالك المسيرة دي مسيرة رصد واستطلاع وقتال. ممكن تطلق بشكل كبير جداً. ودي بتجمع معلومات وفي نفس الوقت ممكن تشترك بشكل كبير وبتقدر تشيل حمولة عسكرية كبيرة. ماشي؟ تقدر تشيل صواريخ. الكلام ده كله. فالمسيرة دي. ميليشيات الدعم السريع بتفتكر إنها أسقطت ثلاثة بس ما قالوش من كام. تاني حاجة واللي انت لازم تاخد بالك منه. إمبارح مارك روبيو كان عنده اجتماع مع وزراء خارجية مجموعة الدول السبعة الـ G7. وكان الاجتماع ده في كندا إمبارح. والحقيقة مارك روبيو بعد ما خلص الاجتماع طلع إمبارح قال إن هو شبه كده أمريكا هتدخل في ملف السودان. وإن أمريكا كانت متجاهلة ملف السودان بقى فترة. بس واضح إن أمريكا هيكون في تغير في موقفها تجاه ملف السودان.

"رحبت وزارة الخارجية السودانية بتصريحات وزير الخارجية الأمريكي ماركو روبيو حول الوضع في السودان، واعتبر وزير الخارجية محي الدين سالم أن تصريحات روبيو واعترافه بوحشية ممارسات الميليشيا الإرهابية وضرورة التعامل معها ووقف تزويدها بالسلاح يبعد بين مساواة جيش نظامي مع ميليشيا قبلية خارجة عن القانون. في المقابل، انتقد مستشار قائد قوات الدعم السريع الباشا طبيق تصريحات وزير الخارجية الأمريكي ماركو روبيو الأخيرة واصفاً إياها بغير الموفقة وقال إنها لا تخدم مسار الرباعية أو المبادرة الأمريكية المتعلقة بوقف إطلاق النار."

لو الأمريكان تدخلوا في ملف السودان ده، الملف ده هيق من الجانبين. ولاول مرة هتشوف إن هيبقى في عملية سلام حقيقية في السودان. والحرب لو وقفت في السودان، أبي أحمد موقفه هيبقى زي الزفت. هيبقى خسر كل حاجة. كل حاجة خلاص. وصدقني مصر هتبقى كسبانة كل حاجة.

أما فيما يخص العلاقات المصرية التركية والحاجة اللي أنا بدأت بيها في فيديو دي أهم حاجة أنا سايبها للآخر. خد بالك انت ما كذبتش. ما وقفتش عند القرن الأفريقي أو جيبوتي أو إريتريا أو الصومال والحتت دي. أهم مكاسب ليك إن خلي بالك أردوغان ده كان بيشتغل ضدك بشكل كبير جداً. ده أمر. الأمر الثاني أردوغان حب إنه يستثمر في أفريقيا. أولاً لأن أردوغان عنده فكر يعني اللي هو الإمبراطورية العثمانية. بس الفكر الأكبر إن الراجل ده عاوز إنه كان يضايق مصر. دلوقتي انت بتتكلم على تحالف عسكري تركي مصري. ما بالك إن التحالف العسكري ده عنده أصلاً مهمة في الصومال. خلي بالك تركيا عاملة اتفاقية تعاون عسكري في الصومال وانت معاها. ماشي؟ فالنفوذ المصري التركي عمال يتعاظم. العلاقات بشكل كبير جداً. وانت ما بتحاربش حد بالمناسبة. انت ما عندكش حرب. يعني ملف غزة واقف. آه انت بتدعم الجيش السوداني. بس حرب حرب السودان دي المفروض هتقف. ماشي؟ بشكل أو بآخر بعد تدخل أمريكي. فانت طالع كسبان في كل حاجة. يا جماعة إحنا عندنا رئيس كان رئيس جهاز استخبارات. بكلامه يعني هو الرئيس السيسي قال لك أنا كنت رئيس مخابرات قبل كده. فإحنا بنلعب صح وبنلعب على الهادي. وما جريناش في ولا حرب. كل الأخطاء اللي إحنا عملناها في الماضي بنستفيد منها. مثلاً الرئيس جمال عبد الناصر انجرف لحرب اليمن ودي كلفتنا 67. ماشي؟ مثلاً الرئيس أنور السادات كان بيقطع علاقات. على فكرة أنا مش بأسيء لأي رئيس. أوعى تفتكر إن أنا بقارن رئيس برئيس. لا لا. أنا عاوز أوصل لك فكرة تانية. إن مصر بتستفيد من أخطائها السابقة. مصر اتعلمت من دروسها السابقة. انت ما بقتش حد يجي يستفزك كده فتقوم قالب الترابيزة وتقوم طالع ضارب والكلام ده كله خالص. انت كان ليك نظرة أبعد من كده بكتير. انت ضريت إثيوبيا أكتر بكتير ما انت كنت حاربتها. إثيوبيا فيها حرب أهلية والميليشيات هناك عمال يجيلها أسلحة وأسلحة ضخمة وأسلحة ثقيلة وأسلحة صينية. مين بيروح يجيب الأسلحة الصينية دي يديها ميليشيات؟ أمور كتير جداً تقول لك إن لا، انت قدام دولة متحكمة في المشهد بشكل كبير. والأمور كلها ما بتحصلش صدفة. يعني خلي بالك السياسة ما فيهاش صدف. ماشي؟ هو ما ينفعش تتمنى الحظ الجيد. يعني الجود لاك ده مش هيجيلك وانت قاعد. لا ده انت لازم تغير المشهد بإيدك. فأنا شايف إن مصر بقت تقيلة قوي وكبيرة قوي ومش أي حد يلعب معاها. وما تستقلش من مصريين. يا رب أكون شرحت لحضرتك الموضوع بشكل مبسط. ويا رب مصر. يا رب انصر العرب. ويا رب انصر فلسطين. يا رب. تحيا مصر. سلام.

"انت مش عارف إحنا مين. إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب. وكرم بيتضرب به المثل. جدعنة وشهامة مش موجودة في زماننا. ورحمة بتطلع من عينينا قبل قلبنا. إحنا بسمة بتفتح ألف أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر."