عاجل | وزير الدفاع السعودي يطلب من باكستان الاستعداد لضرب ايران و الخليج يستنفر

السلام عليكم. ازيكم؟

امبارح وزير الدفاع السعودي الأمير خالد بن سلمان كلم باكستان وناقش معهم اعتداءات إيران المستمرة على الأراضي السعودية. يعني أنت عندك إن إيران ضربت الأول مسيرات على الرياض، ثاني يوم ضربت مسيرات، ثالث يوم ضربت القنصلية الأمريكية في الرياض، بعد كده استهدفت الحي الدبلوماسي، استهدفات استهدفات، وأخيراً ضربوا مصفات رأس النورة في السعودية. استفزازات خطيرة جداً، ماشي؟ وبرغم إن إيران بتؤكد إن السعودية ما فتحتش الأجواء بتاعتها للجيش الأمريكي إنه يستخدمها، عمالة تضرب السعودية كل شوية. خلاص؟ فالأمر ده خلى الأمير خالد بن سلمان وزير الدفاع يناقش الأمور مع باكستان.

طيب، باكستان موقعة اتفاقية دفاع مشترك مع السعودية، وهي إشارة إن السعودية ممكن تعلن الحرب رسمياً على إيران. في ظل السؤال هنا: هل السعودية فعلاً تعلن الحرب على إيران؟ ولا الأمر ده أي كلام وكلام فارغ؟ وعمر ما العرب يعلنوا الحرب على إيران. الحقيقة السؤال ده كل ساعة بيتغير تفسيره، وكل شوية أنت مثلاً تكون شايف إن السعودية قريبة، تحس إن الأمر بعيد. ممكن تشوف إن السعودية مش هتعلن الحرب وتلاقي إن في تطورات. وزير الدفاع السعودي بيكلم باكستان. اللي حصل خلال الساعات الماضية دي حصل تغير خطير جداً في موقف الخليج بالذات. حصلت حاجة خلت الخليج يعيد النظر في موضوع الحرب على إيران، وأصبح أقرب كثيراً لإعلان الحرب. عاوز تعرف اللي حصل؟ هقول لك. بس عشان أقول لك لازم أحكي لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو...

من أشهر الحالات عندنا الأستاذ محمد ممدوح صاحب قناة سامري المشهورة على اليوتيوب. بقى لي أكتر من سنتين عمال أتكلم عن زراعة الشعر وعمال أعمل إعلان عن تشينج مي. ناس كتير بتقعد تسألني تقول لي: طب إيه مضاعفات العملية؟ العملية بتحصل إزاي؟ هل في وجع؟ ما فيش وجع؟ إيه نظام الأمان في تشينج بي؟ إيه اللي بيميز عيادة تشينج بي عن أي عيادة تانية؟ الحقيقة أنا جاي أوري حضراتكم كل ده على الطبيعة وهنشوف خطوات واحدة. هنشوف العمليات بتحصل إزاي، إزاي والدكاترة إزاي. أنا برشحهم لحضرتك إنهم أفضل دكاترة في مصر بزراعة الشعر. تشينج مي تجربة مختلفة جوه مصر، بره مصر.

النهاردة هنرجع فلاش باك لورا بحيث إن دايماً بتسأل: هي القصة ابتدت إزاي؟ الحقيقة هو شرفنا بالكشف، كان بيعاني من الصلع من الدرجة الثانية، الثالثة. بعد كده عملنا فحص للمنطقة المانحة بالتريكوسكوب بحيث إني أُسس جودة الجرافتات أو عدد البصيلات في السنتيمتر المربع. بعد كده دخلنا للنقطة الثانية اللي هي ديزاين هير لاين أو الشكل المبدئي لرسم خط الجبهة عنده. بعد فحص العضلات وإننا نشوف إيه الشكل المناسب، قدرنا نوصل للبلان النهائي إننا نزرع له تقريباً حوالي 2000 جرافت باستخدام تقنية النانو FUE مع الصفائح. مؤخراً ومع التطور الطبي ابتدت تظهر فكرة الاستخدام الـ AI تول في علم زراعة الشعر.

طيب، هي بتبتدي القصة إن أنا بيجي لي مريض، بعمل له تصوير من كذا زاوية بحيث إني أعمل له 3D model. 3D model ده بدخله على سبيشال أب وببتدي بعد كده أفهم المريض إيه المتوقع كريزلت، إن كانت كرسمة خط الجبهة أو كدينستي. بعد إن أنا أدخل الداتا سبيشال داتا، إن كانت عدد الجرافتات في السنتيمتر المربع، لون السكين، طبيعة الشعر، فده بيسهل على المريض الوصول للسيموليشن أو النتيجة المتوقعة بعد العملية.

نخش في الموضوع على طول. في الموضوع على طول الجديد اللي معايا النهارده ممكن يكون مختلف بالنسبة لحضرتك. وأول مرة هتسمع معايا فيما يخص السعودية تعلن الحرب. إيه اللي حصل؟ اللي حصل إن امبارح قلت لحضرتك وفقاً لصحيفة فاينانشال تايمز إن في صناديق سيادية خارجية قعدوا يناقشوا مع بعض إنهم ممكن يوقفوا استثماراتهم الخارجية، زي صندوق الاستثمار السعودي، زي صندوق الاستثمار الإماراتي، الصندوق القطري، الصندوق الكويتي. قعدوا كده يدرسوا وفقاً لمصدر قال لصحيفة فاينانشال تايمز قال لهم: والله الأمر مش هينفع يستمر كده. ودي اللغة اللي بيفهمها ترامب، فلوس. إن الصناديق الاستثمارية دي لو سحبت استثماراتها، دونالد ترامب والاقتصاد الأمريكي يخسر بشدة. يعني حصل. فالحقيقة إن المقالة دي لما طلعت والتهديد المبطن من الخليج إنه مش عاوز يكمل الحرب، كان رد فعل دونالد ترامب إيه؟ حاجة واحدة بس. إيه هي؟ إن دونالد ترامب امبارح طلع وأعلن إنه غير هدفه في الحرب ده تقريباً لرابع مرة. ماشي؟ قال لك والله أنا غيرت كلامي. إيه يا عم؟ قال لك أصل أنا مش دلوقتي طالب إن يتم إسقاط النظام أو حتى يتم تدمير البرنامج النووي أو برنامج الصاروخي. أمال أنت عاوز إيه؟ قال لك: استسلام غير مشروط من إيران. إيران يا باشا تيجي تسلم السلاح وتوقع كده اتفاقية استسلام غير مشروط بدون أي شروط. يعني تستسلم، وساعتها ممكن أوقف الحرب.

أكد الرئيس الأمريكي دونالد ترامب في تصريحات للقناة الإسرائيلية الثانية أنه لا تراجع عن مطلب استسلام، ولن يبقى أي قادة لإيران ما لم تستسلم بالكامل. كما أوضح ترامب أن الاستسلام غير المشروط يكون بإعلان الإيرانيين ببساطة أنهم يستسلمون.

طيب، ما ده تطور خطير جداً. ليه؟ أولاً، خد بالك أنت هنا بتتكلم على تغير خطير في مطالب ترامب. ترامب الأول قال لك برنامج نووي، وبعد كده قال لك برنامج صاروخي، وبعد كده قال لك إسقاط نظام. طب التغير اللي بيحصل كل شوية ده إيه معناه؟ والله أول معنى ليه إن خلي بالك دلوقتي الحلفاء أصبحوا متلخبطين. يعني الخليج معنى كده إنه مش فاهم طلبات ترامب إيه. الراجل كل يوم بيكلمه. ماشي؟ ده أمر. الأمر الثاني الكونجرس مش فاهم ترامب يعني عاوز إيه من الحرب دي. الأمر الثالث إيران نفسها مش عارفة أنت عاوز إيه. خلاص؟ بس الخطورة هنا في إيه؟ خطورة هنا الطلب ده بالذات بيطول مدى الحرب. لأن أنت بتتكلم هنا إن الإيرانيين كلهم يحاربوا لحد آخر راجل، وممكن حتى آخر راجل يتقتل وإيران ما تستسلمش. هتعرف ليه إنهم استسلموا؟ أنت عاوزهم يجوا يقول لك يا باشا سلام، ماشي؟ أو مش عاوزين حاجة ويرفعوا إيديهم. فده تطور خطير جداً. ثاني حاجة، أنت هنا هتجبر الشعب الإيراني إنه يلتحم بالقيادة الإيرانية. استسلام غير مشروط ده أنت بتذل الشعب الإيراني كله. ماشي؟ الأمر الثالث إن أنت هنا قلبت المطالب بدل ما هي مطالب عسكرية، ده أصبح في مطلب نوع من أنواع الإهانة للجانب الإيراني. فمعنى كده إنهم بدل ما هم بيحاربوا لهدف ديني اللي هو قتل خامنئي، الثوار قتل خامنئي ده أصبح عندهم هدف زيادة إنه يشجعهم لمهاجمة الأمريكان. وما تنساش إن رد إيران لحد دلوقتي على كل المطالب الأمريكية حاجة واحدة بس: إنهم عمالين يضربوا القواعد الأمريكية في دول المنطقة كلها، وبيهاجموا دول الخليج، وبيضربوا إسرائيل. فدونالد ترامب كل ما بيطلب حاجة إيران بترد عليه بالصواريخ. ولحد دلوقتي حتى لو عدد الهجمات تناقص زي ما قالت نيويورك تايمز، بس الأمر هنا واقف إن إيران ما زالت بتضرب لحد دلوقتي قواعد ورادارات أمريكية، خليج. فده أمر خطير جداً.

الأمر اللي بعد كده هو يعني إيه أصلاً استسلام غير مشروط؟ والله استسلام غير مشروط تفسيره وفقاً لصحيفة نيويورك تايمز اللي كتبت مقالة دي ديفيد سانجر. قال لك حاجة مهمة جداً: استسلام غير مشروط يعني إحنا هنا بنكرر اللي حصل في الحرب العالمية الثانية. إيه اللي حصل في الحرب العالمية الثانية؟ إن اليابان، إمبراطور اليابان راح على متن مدمرة أمريكية ووقع وثيقة الاستسلام. برغم على فكرة الراجل ده كان ماشي بعصاية. يعني إذلال. أنت جبت إمبراطور اليابان، الحاكم الفعلي لليابان، جا يا باشا قال لك يا باشا أنا مسلم. ماشي؟ طيب وبعديها أمريكا احتلت اليابان سبع سنين. فده أمر. تعالى بص على نموذج ألمانيا، أو ألمانيا النازية. ما تبقى من القادة النازيين جم ووقعوا. اقتصاد الحلفاء كلهم استسلام غير مشروط. أصل استسلام غير مشروط ده يعني هان ما بعدها بس. طيب مين قال لك إن ترامب معجب بالنموذجين دول؟ والله وفقاً لديفيد سانجر قال لك والله بص على الخطابات بتاعة انتخابات ترامب في ولايته الأولى. ماشي؟ قال لك على فكرة أمريكا ما انتصرتش من بعد الحرب العالمية الثانية. كل الحروب اللي خاضتها أمريكا بعد الحرب العالمية الثانية ما كانش فيها انتصار حاسم. ده كلام ترامب ها. فقال لك معنى كده إن ترامب معجب بنموذج اليابان ومعجب بنموذج ألمانيا النازية وعاوز استسلام غير مشروط. بس ديفيد سانجر عنده رؤية تانية. قال لك ممكن ما نروحش للنموذج ده قوي، بس نروح لنموذج تاني. إيه هو؟ فنزويلا. دونالد ترامب بيصعد مماطالبة عشان حاجة واحدة بس إن يبقى بيوصل رسالة لإيران إن القوة الأمريكية فتاكة وإن أنتوا هتتغلبوا هتتغلبوا. وكل ما إيران تطلع تقول لك: إحنا هنكمل، أصل الأمريكان صواريخهم هتنفذ والمخزونات بتاعتهم هتنفذ. فانت هنا بتتكلم إن ترامب بيصعد وبيأكد إن أمريكا داخلة في الحرب بشكل قوي جداً. ماشي؟ وهتكمل للنهاية. وهي إشارة قوية جداً.

طيب، ده كلام جميل. بس خد بالك إن طلبات دونالد ترامب دي زي ما هي إشارة للجانب الإيراني على جدية أمريكا، أنت هنا بتتكلم إن الإيرانيين بتوحدهم أكتر. مثلاً البلوش طلعوا امبارح في فيديو قال لك يا باشا إحنا كنا بنرفع الأسلحة بتاعتنا ضد النظام الإيراني، إحنا هنحارب مع إيران. أنت بتوحد الجانب الإيراني أكتر. فده أمر خطير. الحاجه الثانية والحاجه اللي لازم تقف عندها بشكل كبير جداً إن أنت هنا بتتكلم إن خطاب ترامب وطلب ترامب الجديد جه بعد ما تم إثبات من قبل صحيفة واشنطن بوست إن والله الروس كانوا بيزودوا إيران بمعلومات عن تمركزات القيادة الأمريكية والوحدات البحرية الأمريكية والجنود الأمريكان ومكان الرادارات والكلام ده كله. على فكرة واشنطن بوست في المقالة بتاعتها دي كانت مقالة منطقية. لأن دول قليلة جداً عندها تكنولوجيا عسكرية إنها ترصد تحركات الجيش الأمريكي. الدول دي زي روسيا والصين اللي هم حلفاء لإيران اللي ممكن يدوا لها المعلومات دي. لأن باقي الدول هتكون دول الناتو. بس لما أنت بتتكلم على الروس هم اللي دخلوا وادوا المعلومات دي للجانب الإيراني، خلوا طلبات دونالد ترامب أكثر حدة. ماشي؟ هذا أمر مهم جداً.

كشف تقرير حديث لصحيفة واشنطن بوست عن أن الجانب الروسي قدم لإيران معلومات استخباراتية لاستهداف القوات الأمريكية في المنطقة، بما يشمل معلومات عن مواقع حاملات الطائرات والسفن الأمريكية. وأشارت الصحيفة إلى أن إيران استهدفت مواقع قيادة وسيطرة أمريكية بعد معلومات تلقتها فعلياً من روسيا، مضيفة بأن المعلومات التي قدمتها موسكو مكنت طهران من استهداف رادارات إنذار مبكر أمريكية.

الحاجة الثانية، روسيا بتعمل كده ليه؟ والله روسيا بتعمل كده لسبب بسيط جداً إن بتدفع الأمريكان نفس اللي هم دفعوه لهم في أوكرانيا. زي ما خلوا الروس يغرزوا في أوكرانيا وخلوا الأوكرانيين يكصفوا العمق الروسي، دلوقتي الروس بيردوا الجميل للأمريكان وبيخلوا إيران تضرب رادارات وتضرب قواعد أمريكية وتقتل جنود أمريكان زي ما الأوكرانيين بيعملوا في الروس بالضبط. فده خلى ترامب أكثر عناداً. والعناد الأكبر إن خلي بالك وفقاً لصحيفة واشنطن بوست بتقول لك: على فكرة كان في تدريب لقوات المظليين في الجيش الأمريكي. دونالد ترامب الج التمرين ده ما معناه إنه ممكن يستدعي قوات مظليين تنفذ عمليات برية داخل إيران. أنت واخد بالك الحرب رايحة فين؟ الحرب مش رايحة ناحية هدوء تماماً. وهي إشارات من ترامب واضحة جداً إن الراجل ده مش هيوقف الحرب بأي شكل.

أبرز نقطة في الموضوع ده كله، الخليج واضح جداً إن تهديدات الخليج إنه يسحب الاستثمارات ما جابتش النتيجة. وفي نفس الوقت إيران مستمرة ضرب الخليج بشكل كبير جداً. فايه اللي بيحصل؟ الخليج دلوقتي ابتدى يغير رأيه. مين قال كده؟ والله البحرين. البحرين امبارح كان عندها بروتوكول عسكري مع أمريكا وامبارح راحت للمرحلة الثانية في البروتوكول ده. ما معناه إن البحرين تدخل حرب عليا وعلى أعدائي. أنا كده كده بتضرب وواضح الحرب لو كملت أنا كده هتضرب وهخسر كتير.

هذا وعقدت كل من البحرين والولايات المتحدة وبريطانيا مشاورات استثنائية بموجب المادة الثانية من اتفاقية التكامل الأمني والازدهار الشامل. استعرض مستشار الأمن الوطني الأمين العام لمجلس الدفاع الأعلى البحريني الشيخ ناصر بن حمد آل خليفة مشاورات مع قائد القيادة الوسطى الأمريكية الأدميرال برات كوبر ورئيس الأركان البريطانية ريتشارد نيتن المشهد الأمني بالمنطقة، ولا سيما العدوان الإيراني الذي يسعى إلى زعزعة أمن واستقرار البحرين والمنطقة.

فالبحرين كانت بتضرب عشان عندها الأسطول الخامس الأمريكي والقيادة المركزية الأمريكية والكلام ده كله. فدلوقتي بتقول لك إيه؟ خلاص كده. انتهينا. أنا هعلن الحرب. البحرين لو هي راحت للمرحلة الثانية، أنت هنا بتتكلم إن البحرين بتعلن الحرب. والسعودية دلوقتي بتكلم باكستان فيما يخص إعلان الحرب على إيران. وبمناسبة باكستان كانت حذرت إيران من كام يوم إنها موقعة اتفاقية دفاع مشترك مع السعودية. وعلى فكرة باكستان يعني دولة نووية. ماشي؟ فالأمور دي تقول لك إن الخليج هنا يغير رأيه عسكرياً.

طيب، أنت هنا قدام كم سؤال مهم جداً. يحصل إيه لو السعودية أعلنت الحرب؟ والله لو السعودية أعلنت الحرب ما معناه إن السعودية عاوزة تمتلك زمام الأمور في الحرب دي بشكل أو بآخر. يعني إيه؟ يعني أنت هنا بتتكلم إنك هتفتح القواعد العسكرية بتاعتك للأمريكان فهتخلي الجيش الأمريكي عنده مرونة أكبر في توجيه ضربات أقوى في الجانب الإيراني. فانت هنا شبه كده هتأكد بشكل أو بآخر إنك ممكن تسرع من وتيرة الحرب دي. ده أمر. الأمر الثاني أنت هنا بتتكلم إن قوة جوية جديدة زي القوة السعودية اللي بتمتلك التايفون وبتمتلك أسطول ضخم جداً من الأف 15 والكلام ده كله تخش الحرب هتدي مرونة للجيش الأمريكي إن الضربات تعمل على مدار الساعة بشكل أقوى بكتير. بدل ما يبقى سرب واحد طالع من إسرائيل أو طالع من أمريكا، لا يا باشا ده أنت بتتكلم على عدد من الأسراب خطير جداً.

الحاجة الثانية، ارتفاع أسعار النفط بشكل كبير. وصحيح السعودية بتواجه خطر إن الحوثيين يعلنوا الحرب عليها، بس خلاص أنت هنا عاوز تخش الحرب عشان تضمن إنها تنتهي وعاوز عاوز تلعب دور في الحرب دي بشكل كبير جداً. والظاهر كده إن في إشارات وصلت للخليج إن ابتدى يبقى في ضعف بسيط في قدرات إيران الصاروخية. خلاص الظاهر الخليج جت له إشارة إن في ضعف بسيط في قدرات إيران الصاروخية. فده بيشجع أكتر الخليج إنه يخش ومش عاوز إن إسرائيل إنها تكسب كل المكاسب لوحدها بعد الحرب. إشارات خطيرة وتطورات خطيرة. بس النقطة اللي حضرتك مش واخد بالك منها حاجة مهمة جداً اللي إن اللي أنا قلته لحضرتك إن الحرب دي كل ما تطول لازم تعرف لاعيبة جدد هتخش. السعودية لو أعلنت الحرب، الخليج كله حان الحرب. السعودية مش لوحدها. السعودية بس شافت إن في تغير من دولة خليجية، قالت لك خلاص ماشي. خلاص إحنا لازم نناقش بقى إننا ممكن نتحرك عسكرياً. هو بالمناسبة ده مش تحليل عسكري. أنا بقول لحضرتك وزير الدفاع السعودي كلم باكستان فيما يخص الأمر. بيكلمها يقول لها إيه؟ يعني يقول لها والنبي كلم لنا إيران خليها توقف؟ أكيد لا. يعني أكيد لا.

وزير الداخلية الباكستاني الاعتداءات السفيرة التي استهدفت المملكة، مؤكداً تضامن بلادي في مواجهة أي تهديدات تمس أمن المملكة واستقرارها.

ولا بيكلمها يقول لها والله إحنا ضربنا برضه. لا هو بيقول لها أنت مستعدة ولا مش مستعدة؟ فدي أمور خطيرة جداً. على الجانب الآخر اللي حضرتك لازم تعرفه بشكل كبير جداً إن الحرب دي عمالة تبقى مدمرة أكتر بكتير ما أنت ممكن تتخيل. لأن النهارده مثلاً لو السعودية أعلنت الحرب لازم تعرف إن أسعار النفط هترتفع أكتر من 85 دولار. وكل اللي إحنا بنتكلم فيه إن الأسعار ممكن توصل 130 دولار. لا يعني ممكن يبقى واقعي. إشمعنى؟ لأن أولاً مع إعلان السعودية إعلان الحرب لازم تعرف إن إيران هتستهدف مصافي النفط السعودية وكل مصافي أرامكو اللي عند السعودية هتبقى هدف بالنسبة لإيران. على الجانب الآخر النقطة اللي ما حدش واخد باله منها إن الدول النفطية لو الحرب طولت هيبقى عندها كارثة إنها تعطل إنتاج النفط اللي عندها. إشمعنى؟ دولة مثلاً زي الكويت، دولة الكويتية عندها إنتاج نفط مش عارفة تصدره. مضيق هرمز. طيب بتعمل إيه؟ خلي بالك آبار النفط بتفضل شغالة كده كده بتشتغل. فبياخدوا إنتاج النفط ده يودوه مخازن. طب مخازن الكويت هتستحمل قد إيه؟ كده وكده الكويت والدول الخليجية كلها ما ينفعش تفضل تنتج نفط وتدين مخازن أو تخزنه. مخازن مش هتتسع. ولو أنت وقفت حقل نفط، أنت عشان ترجعه ده أنت عاوزك سنين. حقل النفط غير حقل غاز. وأكبر دليل على كده بص قطر. قطر لما وقفت إنتاج الغاز عندها قالت لك والله عشان نرجع إنتاج الغاز ده إحنا عاوزين أسابيع. أسابيع فقطر ثاني أكبر منتج للغاز في العالم. فالخليج عنده أضرار خطيرة جداً تجبره إن الحرب دي تنتهي بالذوق. يحاول يقنع ترامب بالعافية. يخش الحرب. يخش الحرب ويحاول يبقى له دور فيها. وعليا وعلى أعدائي. خلاص؟ فده أمر بمنتهى الخطورة.

الحاجة الثانية اللي إحنا لازم نقف عندها حاجة غاية في الأهمية إن خد بالك إن ضربات إيران تخطت الأهداف العسكرية وراحت أهداف مدنية. ما يعني إن السعوديين نفسهم والشعوب الخليجية أصبحوا في حالة غضب. فلو ولي العهد السعودي أعلن الحرب بشكل أو بآخر هتلاقي موافقات كبيرة جداً في الشعب السعودي. ما حدش هيبقى زعلان. القصة كلها في الجالية الشيعية أو الجاليات الإيرانية اللي موجودة في الدول الخليجية. الجاليات الإيرانية اللي موجودة دي مع إعلان دونالد ترامب إنه عاوز من إيران استسلام غير مشروط، ده هنا إحنا قدام وضع خطير جداً. الجاليات دي ممكن تنتفض بعمليات برية. بس تقدر تقول إن قدام الجيش البري السعودي أو الخليجي مش مشارك في الحرب زي إيران بالضبط، لازم تعرف إن ده بيديله أريحية للتصدي للمظاهرات دي. أولاً الأعمال التخريبية لأن القوات البرية هتكون فاضية للتعامل مع الكلام ده كله. بس هيكون في محاولات تهريبية بشكل أو بآخر من الجاليات الشيعية اللي موجودة في الخليج بالذات. فده أمر خطير جداً.

الجانب الثاني والأمر الأخطر إن لو السعودية عملت الحرب هتقف المجال الجوي بتاعها. ومجال الجوي السعودي، هم فقط مجالين اللي شغالين: مطار عمان والمجال الجوي السعودي. الخليج كله بيعتمد عليهم في الطلب كله. صحيح الإمارات بتقول إنها هتفتح المطار بتاعها قريباً، بس أنا بقول لك اللي شغال غال دلوقتي مجال الجو السعودي ومجال الجو العماني. لو السعودية أعلنت الحرب، إيران هتضرب مطارات، هتغلق الأجواء الجوية السعودية. عمان هتبقى هي الوحيدة اللي شغالة. خلاص؟ فدي أمور خطيرة جداً. أنا شايف إن ده رهان. وأنا شايف إن ده تحول مهم. بس هل السعودية فعلاً تاخد قرار بضرب إيران ولا لا؟ هو ده السؤال الأبرز اللي كل الناس عمالة تسأله. السعودية هتاخد قرار ولا لا؟ أنا أعتقد إن دخول البحرين في الحرب وإنها بتنقل طريقة تعاملها مع إيران بشكل مختلف وإنها بتصعد ضد إيران ودخولها الحرب، أعتقد إن السعودية هتبقى هي التالية ومن خلفها قطر والكويت والإمارات وهتبقى الأمور غاية في الخطورة. الحرب بتتوسع. والسؤال هنا إزاي ترامب لحد دلوقتي واثق في إنهاء الحرب بقوات عسكرية وهو شايف إن الأمور أصبحت مش بتسري زي ما هو كان حاسب. ماشي؟ إحنا يا جماعة دخلنا في الأسبوع الثاني. والأسبوع الثاني هو الأسبوع الحاسم. هتقدر تستشف فيه الحرب دي هتنتهي قريب تقريباً ولا هنسرح. بس واضح إن ترامب عمال إن هو يتكلم إن الحرب في صالحه وإن هينهي الحرب. والدليل على كده قال لك والله أنا بعد ما أخلص إيران ده أنا هروح على كوبا. وبكده هكون قضيت على ثلاث أبرز أعداء لأمريكا ويكون المناطق أصبحت أكثر تحرراً ويكون الأمريكان أكثر سلاماً وأنا أقدر آخد قرارات سياسية أكبر. على فكرة بالنسبة لكوبا، كوبا سهلة. أنت تقطع عنهم النفط وصادرات النفط والفلوس، هم هيقعوا لوحدهم. هو مش محتاجين تدخل عسكري ولا غزو بري ولا بالطيارات ولا أي حاجة. هم كوبا هيقعوا لوحدهم. النموذج الفنزويلي اللي تم تطبيقه في فنزويلا إن ترامب عين نائبة الرئيس تبقى هي الرئيسة، ده عاجب جداً دونالد ترامب وشايف إن هو لازم الحرب تخلص بهذا السيناريو: استسلام غير مشروط. وهو يجيب الحاكم، مش حد يجيبه. والحاكم ده هو قال لك على فكرة حتى لو حاكم ديني، أنا ما عنديش مشكلة. يعني لو حد ديني شيعي يعني ما عنديش مشكلة. المهم يبقى متوسط، وسطي، يعني ما يبقاش متطرف، ما يبقاش يعني عاوز يضرب أمريكا والكلام ده كله. وبالمناسبة أنا كترامب يعني بتعامل مع قادة دينيين كتير، ما عنديش مشكلة في الأمور دي كلها. فهنشوف الأمور ماشية إزاي. الأمور بتختلف وبتتسارع وكلمة حرب دي كلمة كبيرة جداً. هنشوف الأمور رايحة على فين في الآخر. يا رب أكون شرحت لحضرتك الموضوع بشكل مبسط. ويا رب نصر مصر. يا رب ينصر العرب. ويا رب نصر فلسطين. يا رب تحيا مصر. سلام.

أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

وكرم بيضرب بيه المثل. جدعنة وشهامة مش موجودة في زماننا. ورحمة بتطلع من عينينا قبل قلبنا.

إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر.

يا محروسة بسيف شاطر وسيف حارس عليكِ يا مين. ومن فوق السماء السابع حاميكِ رب العالمين.