طريقة التشخيص الدقيق قبل الحجامة الرطبة للمتدربين المبتدئين

إذاً، أهلاً وسهلاً بكم ومرحبا بكم في مركز أبو عمران للحجامة والعلاج الطبيعي حي الزيتون مكناس. اليوم بإذن الله، سنتحدث على واحد المسألة اللي هي مهمة جداً، ألا وهي كيفية التشخيص في الحجامة. قبل أن تقوم بحصة حجامة لأي شخص، أكيد أنه المفروض أنك دير له واحد التشخيص اللي هو دقيق ودقيق جداً. وانطلاقاً من يعني هذه الأسئلة والأجوبة، كتختار الخريطة العلاجية اللي غادي تعالج بها، النقاط اللي غادي تحط، عدد الكؤوس، يعني كل التفاصيل. أكيد أنك غادي تحطها يعني انطلاقاً من هذه الأسئلة اللي كتحاول ما أمكن أنك تسول باش تكتشف. أكيد ضروري أي واحد عنده مركز، لأن هذه واحد الحصة اللي هي حصة تدريبية مع الأخت نجاة. بطبيعة الحال، أكيد أن أي واحد عنده شي مركز، أكيد خص يكون عنده بيانات ديال المحتجم ولا المحتجمة. واحد الكتاب اللي كديرو بحال هكا، يكون عندك بيان ديال المحتجم أولا المحتجمة فيه أسئلة وفيه يعني خانات كتعمرهم. وبطبيعة الحال، أكيد أنك يعني كتعرف واحد ستيلو تما، ها هو. كتعرف انطلاقاً من التشخيص، أشمن خريطة علاجية اللي غادي تحط له، وكيفاش غادي تتعامل معه. وأكيد أنه يعني غادي تكون حجامة منضبطة يعني بذاك التشخيص الدقيق إلى غير ذلك.

أول حاجة، يعني بعد ما تكلمنا في الدروس اللي فاتت عن حقوق المرضى والزوار على الحجام، شنو اللي خصك توفر له، شنو اللي خصك دير له، الطريقة كيفاش تتعامل معه، شنو هي الحالات المهمة اللي خصك تركز عليها، يعني قبل ما دير التشخيص. أول حاجة قلنا هي أنك كتسوله على الأكل، شنو، واش واكل ولا ما واكلش. قبل ما تدخل معه في أي تشخيص ولا في أي حاجة، كنسولوه واش واكل شي حاجة، شحال المدة ديال الأكل. وكنسولوه على حسب الهيئة دياله. إلا كان واحد الإنسان اللي هو غليظ، كنعطيه شحال؟ جوج ساعات، ثلاثة السوايع. والا كان متوسط، كنعطيوه ساعتين. والا كان مثلا إنسان نحيف، كنعطيه ساعة ونص حتى لساعتين. يعني على حسب كل واحد والهيئة دياله. وكتختلف، قلنا، الحالة ديال الشخص في اللحظة اللي جا عندك فيها. واش جاك يعني بعد الفطور، أولا بعد الغذاء. إلا جا مور الفطور مثلا، حتى فطر عاد، أكيد أنه كيكون يعني الأكل اللي واكل خفيف. لكن بعد الغذاء ولا بعد العشاء، كيكون مثقل، يعني كياكل الحاجة اللي فيها الدهنيات ولا حاجة اللي فيها يعني اللحم، بحال مثلا، والحاجة اللي هي ثقيلة. وبالتالي، بحال هذه الحالة، يعني كنركزوا عليها بزاف.

ثم قلنا بأننا خصنا نوفروا شي منعش، شي حاجة منعشة، بحال عسل، بحال تمر، بحال يعني مكسرات، خسارات، بحال الماء، بحال إلى غير ذلك. لا قدر الله وقع واحد الهبوط مثلا مفاجئ، مثلا في الضغط ولا في السكر، أكيد أننا كنلقاو هذه المسائل باش كندير الإسعافات الأولية. بطبيعة الحال، كيوقع ك الحالات هكاك. أكيد أن على حساب كل واحد والحالة دياله. كاين اللي كيكون عنده فقر الدم، الأنيميا، يعني كيقول حتماً. أكيد أنه ضروري هذه المسألة خص الإنسان يكون معه باش يعتق الموقف. لا قدر الله وقعت شي مضاعفات.

ثم قلنا أننا خصنا نوفروا له أربعة ديال المستويات. المستوى الأول قلنا هو المستوى الروحي، هو أننا ندعيو معه. ثم المستوى المعرفي، وأننا نشرح له ما هو مقدم عليه، شنو الخريطة العلاجية اللي غانديرو. الثالث هو المستوى العاطفي، أننا نزيل المخاوف ديالهم. والمستوى السلوكي هو اللي خص، أشنو، ماذا يسلك بعد الحجامة. إذا هذه نقاط ضروري خص الإنسان يكون مركز عليها قبل البدء في التشخيص.

إلا كان سالينا هذه المسألة، قلنا بنا، قلنا بأن خص الإنسان يكون يعني عنده صفات ديال الحجام، يكون متوفرة فيه مجموعة من المسائل. وكنلعبوا على ما قلنا الحواس الخمس. الإنسان إلا دخل مثلا عندك المركز، أكيد أن خصه يشوف واحد اللوحات مثلا اللي هي كتعبر على سميته، الحالة اللي راك خدام فيها. يعني بحال مثلا كندخل مثلا نجار، كنلقاو مثلا عنده التصاور ديال النجارة. واحد مثلا ديال الأسنان، كنديرو، نلقاو عنده التصاور ديال الأسنان. ولكن مثلا بحال مثلا واحد الإنسان حجام، خصنا ندير مثلا خرائط ديال الحجامة. باش أي واحد دخل وشاف مثلا ديك الحالة هكا كي دايرة، كيعرف بلي أنه يعني الأمور راه ماشي عشوائية، بطبيعة الحال، راه كاين فيها دراسة وكاين يعني الأمور اللي هي مضبوطة.

ثم قلنا يعني الإنسان يوفر الحواس الأخرى، بحال مثلا الشم. ما يشمش رائحة خايبة مثلا في البياض ولا في المركز. ولا بد الإنسان يستعين يعني بالمعقمات، المطهرات اللي فيها شوية ديال الرائحة تحيد المسائل هكا. ثم السمع، يعني ما يسمع إلا حاجة اللي هي زوينة، الكلام الطيب والكلام النعيم إلى غير ذلك. ثم الحاجة اللي خصه يركز عليها كذلك، قلنا هي مسألة ديال اللمس. كذلك، يعني الإنسان حتى إلا بغيت تقيس واحد الإنسان، تقيسه بلطف إلى غير ذلك. وعليكم السلام ورحمة الله وبركاته. إذا هذه المسائل خصنا ضروري يعني نديروها قبل ما نبدأو في التشخيص.

أول حاجة كنبداوها في التشخيص ديال الشخص اللي غادي يجي ندير الحجامة، أننا كناخذوا الاسم دياله. ضروري خصنا دائما نسولوه، شنو هو الاسم ديالك؟ هذاك الاسم ديالك يعطيه لك مثلا سميت محمد ولا سميتي فاطمة. ولا أنت عاوتاني كتقول له معك فلان. أفضل شيء أنك المعالج فلان، مرحبا بك، مرحبا. يعني بحال كدير واحد من التعارف بينك وبينه. حيت كيقول لك الاسم ديالو، كتسجليه. إلا كان مثلا سميته أحمد، نكتبوا له أحمد. عطاك الكنية، هي هذيك. ما عطاكش، ماشي مشكل. أحمد، كدير التاريخ مثلا اليوم 22 ولا 23/6/2025. كتسجلها هكا ضروري كتسجلها يعني في هذاك. ثم من الأفضل أنك دير له مثلا العدد. كاين واحد مثلا كتقول مثلا هذا رقم الكليان مثلا 13 في شهر 6. هذا رقم الكليان 13/6. كدير 136. إلا جا الكليان 14/6. وربما تعطيه ذاك الرقم هكا تقول له أنت راك يعني اليوم عقل على هذا التاريخ فوق جيت. باش حتى إلا جيت نرجع، رجع مرة أخرى، مثلا عطيتك حصة ثانية، كيجي كيكون عندي الورقة اللي قبل من التشخيص اللي قبل، وكنقارن التشخيص ديالي القديم مع الجديد. شنو يعني هي الملاحظات اللي غادي تطرا هاك. إذا كنسولوه الاسم دياله كامل، كنبدا ربما نسجل التليفون دياله، صفر ستة كذا كذا. بحال خصوصاً ما قلنا المبتدئين والمبتدئات خصهم يسجلوا التليفون باش يتبعوا الحالات يعني من بعد الحجامة. عندها جوج امتيازات. الامتياز الأول هو أنك أنت شخصياً تطمئن على الخدمة ديالك. كونك مبتدئ، يعني تطمئن على كيفاش صبح هذاك الكليان، واش مزيان، واش ما جاتوش الضوخة، واش نعس مزيان، ما جاتوش مثلا الشقيقة. لأن كيكون بعض الحالات، بعض سميته الحالات اللي كيوقع لهم شي حاجة ماشي هي هذيك. بعد الحجامة، كاين اللي تكون عنده مضاعفات مثلا في الشقيقة إلى غير ذلك. فضروري خصنا الإنسان تكون على اتصال. على اتصال باش أنت من واحد الناحية كترتاح، تطمئن على العمل ديالك. وثانياً هو يعني يطمئن وكيقول بأنني ما مشيتش لواحد اليد اللي الهدف ديالها هو المادة فقط. وكيطمئن باش أنه يرجع لك مرة أخرى. وربما يجيب لك كليان آخر. يعني كتكون واحد العلاقة ديال التواصل ما بينك وبينه. يعني ضروري خصك دير واحد العلاقات في المجتمع باش أنك يعني تحاول ما أمكن أنك تتواصل مع الكليان. ولكن كتبقى ديك العلاقات ديال بينك وبين الكليان في إطار الحجامة. أنا كنصح يعني الناس المتدربين والي كيتعاملوا في الحجامة يحاولوا ما أمكن ما يدخلوش العلاقات العائلية والشخصية مع العمل. باش ما كتجيش من وراها يعني إذا خلطتي العلاقات ديالك الشخصية ولا العائلية مع العمل، ربما واحد النهار غادي تندم، ما ينفعكش الندم. فبالتالي ضروري خص الإنسان يركز على هذه الحالة. وهنا كنوصي متدربين جدد بحالك، حولوا ما أمكن يفتحوا علاقات ديال العمل فقط. خلي العائلة، خلي المسائل الشخصية، خليه. ما تفتحوش، ما تعطيش يعني ذاك الشيء اللي عندك في المزود، المزودة تحطها له أولا تحطيها لها. واحد النهار را كيعاود يرجع عليك بومزوين. أنا تنقول تنقول زعما حتى إلا بغى ليان الإنسان كبداية مع العائلة، كيكون المسائل ديال العمل تكون دياله شخصية. فهمتي كما قلتي يا أستاذ.

إذا هذا السؤال الأول اللي كنطرحوا عليه في التشخيص هو أننا كنقول له علاش بغيت دير الحجامة؟ شكون هو الهدف من الحجامة؟ لاش بغيت دير الحجامة؟ علاجية؟ هو كيسولك حيت كتهدى كيسولك. أها. أول سؤال كنقولنا كنسولوه، كنقولوا له شنو هو؟ لاش بغيت دير الحجامة؟ شكون هو الهدف من الحجامة؟ علاش باغي دير الحجامة؟ إذا الحجامة كاين اللي كيجي كيقول لك أودي أنا ما بيا والو، أنا بغيت غير نديرها من السنة صافي. أنا سمعت الناس بلي أنا كينصحوا بها، راها مزيانة، ممتازة، جيت نديرها. إذا هذا كنسجل له أنها وقائية. هو يعني بغى يديرها وقاية من المرض، ما كيتحس بوالو، ولكن بغى يديرها كسنة وصافي باش أنه يعني يبعد من المرض، ما يجيهش مستقبلاً، أولا يقلل يعني من الحدة دياله حتى إلا جا مستقبلاً. فبالتالي كتقول له الهدف من الحجامة. كيقول لك أودي وأنا بغيت غير نديرها هكاك. سولوا واش سبق لك درت درت الحجامة؟ يقول لك لا. أنا أول مرة. إلا كان مثلا المرة الأولى، عرف بلي ذاك الشخص راه ماشي بحال ذاك الإنسان اللي دارها ثاني مرة وثالث مرة. يعني ذاك الإنسان اللي كيديرها مرات متعددة، أكيد كتكون عنده يعني حصانة وكيكون عنده واحد المعرفة يعني بالحجامة. واحد الإنسان اللي أول مرة، أكيد راه خايف منها. ما قلنا في القضية ديال أن المستوى العاطفي، أنك تحاول ما أمكن تزيل المخاوف دياله. كان إنسان خايف بزاف، ما ندير لهش الحجامة. يعني راه قلنا الخوف الشديد راه يعني من موانع الحجامة. فبالتالي الإنسان إلا كان خايف من الحجامة، غير يمشي فحاله حسن ما يدير حجامة، ما يستفدش منها. وبالتالي ربما حتى إلا دارها، تولي عليه يعني بشكل عكسي. إذا قال لنا بأنه بغى يدير الحجامة وقائية، ديكروش على وقائية. قال لنا علاجية، ضروري. صافي هذا دابا قال لنا وقائية، حنا ما كيضر والو. حنا عارفين. لكن إلا مشى قال لك لا، أنا كيضرني ظهري. صافي كنقول له واش باغي ديرها للظهر؟ كندير الأم أسفل الظهر، أسفل أسفل الظهر. كنكتب هنا الظهر هاكاك بحال هذا الشكل هكا. وكنكتب الأم أسفل الظهر هنا. كنسولوا واش فايت داير الحجامة؟ إلا قال لي نعم، فايت دايرها، كنسجل هنا نعم. يعني راه فايت دايرها. هذا حيت يقول لي فايت دايرها، كنطمان أنا شخصياً. لأن إلا بغيت ندير الحجامة لواحد الإنسان أول مرة، راه ماشي بحال واحد الإنسان اللي هو كان يديرها له في ثاني مرة أولا ثالث مرة أولا مولفها. فبالتالي كيقول لي نعم، كنقول فوقاش؟ أنا كنعرف الخريطة العلاجية اللي غادي ندير له. مثلا كاين دارول البارح عند شي واحد مثلا وعجباته، ذاك النهار الآخر جا عندك بغيت ندير الحجامة. فوقاش درتها؟ كيقول لك أودي مثلا درتها ثلاث أسابيع. كنسجل هنا ثلاث أسابيع. مزيان. شنو هو السبب اللي درتها ديك الساعة؟ يقول لك أنا لا، ما درتها حتى شي حاجة. أنا غير جيت، كنت درتها وعجبتني وحسيت بالراحة وعاود ديت. إذا دابا كنت درتها ديك الساعة وقائية، واليوم جاي ديرها وقائية. كنكتبها أنها وقائية. أيه. إلا قال لي السبب اللي درتها في الحصة اللي فاتت، كان كيضرني مثلا الراس. وهو راه جاي دابا، قلنا بغى يدير الأم أسفل الظهر. كتقول له ودابا جاي تعالج على الأم أسفل الظهر. وقبل ثلاثة أسابيع درتها على من درتها؟ درتها على الشقيقة. ما كانش عندك الأم فل؟ يقدر يقول لك لا، ما كانش عندي. أولا كان عندي غير بشكل خفيف، ولكن كان الراس ديالي أكثر، ذاك الشيء باش درتها على الراس. ودابا عاوتاني وليت لاباس، وأنا جيت نديرها على أسفل الظهر. فبالتالي أنت تتعامل مع واحد الإنسان كان مريض ومازال المرض. وهاني غادي ندير له، درتها له علاجية، وهاني غادي نعاود نديرها له علاجيا. فرق ما بينك ما بينه وبين واحد اللي دارها وقائية وجا يديرها وقائية. هذيك مثلا اللي جا يديرها مثلا علاجية، كنشوف ال كانت أقل من ثلاثة أسابيع، ندير في مكان آخر. ما نقدرش نديروها له مثلا في الشهر. قل من من ثلاثة أسابيع درتها له على الظهر وجاني في 15 يوم ولا في 17 يوم ولا في 10 أيام وبغى يعاودها، نقدر نعاودها له في الرجلين. نقدر نديرها له مثلا في الصدر ولا في الكرش. يعني ما نعاودوش في نفس المكان. لكن إلا فات مثلا ثلاثة أسابيع وبغاني نعاودها له على الظهر، نعاودها له على الظهر. ما كاين حتى شي إشكال. نفس المكان، غير تفوت 21 يوم. إذا 21 يوم تفوت، نديرها في نفس المكان فاش درتها في آخر مرة. أقل من 21 يوم، نقدر نبدل الأماكن. أنا درتها في الظهر، في الكاهل مثلا، نقدر نديرها مثلا ما بين الكؤوس اللي درنا قبل ديك 15 يوم ولا 10 أيام، ما نحطهمش في نفس المكان مثلا اللي كان اللي كنا درنا فيها التشريط. أولا نقدر نديرها له في رجليه. أولا نقدر نديرها له على حساب البروغرام أولا سميته. مي قلتي لي هذ الفكرة، قارنتها مع هذ السيدة دابا اللي جات. هذ الفكرة اللي قلتي لي نفس تقريبا نفسها. حنا سميته دارتها في الأخب عين ودارت لها في النافخ اللي كتفوخ اليافوخ. وملي سالت لها، قالت لها من 21 يوم عاد اجي. قالت لها غادي نديروها لك هنا وهنا. مزيان، مزيان. إذا هذا هو الطريقة الثالثة، 21 يوم. هذاك على حسب الهضرة هكاك. صافي. إذا حنا كنعطيو مثلا قال لنا ثلاثة د الأسابيع، كنديروها في هذا الماكينة هنا. ديك الساعة كنسولوه السبب. مثلا إلا قال لنا علاجية، وقال لنا بأنه مثلا كان دار الشقيقة ودابا جا يدير على أسفل الظهر. كنسولوه كي درت مع الشقيقة بعدا؟ واش مزيان؟ إلا قال لك لا مزيان، ما بقاتش. كنعرفوا بلي أن الجسم دياله كيستجب. الجسم دياله كيستجب للحجامة. إذا الحمد لله، راه يعني ما بقاتش فيه الشقيقة. ودابا إن شاء الله نتمناو أننا ندير له الأسفل الظهر وغادي نقسلوا الألم. من بعد 21، من بعد 21 يوم. إلا كان مثلا ضاروا الظهر وجا من بعد 21 يوم ومازال كيضر الظهر، أكيد أن هذاك خصه بروتوكول علاجي للألم أسفل الظهر. ضروري خصك تدير له مثلا حصص متتالية، ما بين ثلاثة حتى لستة د الحصات، كل 21 يوم. وكل 21 يوم كنستعنوا بعلاجات أخرى. حجامة مثلا مع أباري صينية، ماساج مثلا بوحدها. حاول ما أمكن ما نخلطوش مثلا العلاجات. إلا درنا الفوطة النارية بوحدها أفضل، وندير الحجامة أفضل، وندير المساج بوحده أفضل. ما نخلطوش بيناتهم يكون أفضل. [موسيقى] وحدة تنبقى كيتبلوك، كيتبلوكا. ولكن كنخاف لما ندير خير إن شاء الله.

إذا هذا قلنا بأنه سولناه على واش سبق لك درت الحجامة؟ كتكون تدرك شنو تتكون؟ خير إن شاء الله. إذا بالنسبة للسؤال اللي قلنا هل سبق لك قمت بالحجامة من قبل؟ إلا كان قالنا وقائية ودابا بغى يديرها وقائية، را حنا عارفين. بلي إلا كان علاجية وبغى يدير علاجية، راه حنا كنمشيو. بالنسبة للعيالات، خلاص، كنهضروا على أن من بين موانع الحجامة هي الدورة الشهرية. الدورة الشهرية والحز. أي، إلا كانت الدورة الشهرية، كنسولوها واش قريبة، واش بعيدة، واش إلا كانت فاتت يومين ثلاث أيام، يمكننا ندير الحجامة. ولكن الأيام ديال الدورة ممنوع ديري الحجامة. صافي. إلا جات شي وحدة مثلا وقالت لك لا، راه عندي الدورة دابا، كنحبس وما نكملش معها الأسئلة. يعني في الأول ديالها ولا في الآخر؟ ياك؟ ديك الأيام ديال أربع أيام ولا خمس أيام ديال الدورة ما كنديرش الحجامة. اللي تفوت يومين أولا نديرها قبل بشي يومين. صافي. هنا كنسولوها، إلا قالت لي عندي الدورة، الدورة الشهرية، كنحبس ونطوي هذا الكتاب ونقول لها أودي سير حتى صافي. يعني ممنوع ندير الحجامة أثناء الدورة الشهرية. هنا كنسولوها مثلا نتفادى؟ لا، حنا كنعطيوك يومين. ما تبقايش الإنسان ما يجتهدش أكثر من القياس. كنعطيو يومين باش زعما باش نكون مرتاحة. في خير إن شاء الله. المهم أنت تبدأ ذاك الشيء اللي تقول لي أنا نطبقوه. غير أنا حنا، أنا قلنا لك دابا يومين. نا شي خطرة حتى الإنسان حيت كيجز أكثر من القياس، ربما كيدير خطأ أكثر من. صافي حنا قلنا ه الحد ما بين هنا وهنا يومين قبل ويومين من بعد. الأيام ديال الدورة ما كديروش الحجاب. صافي. جات شي وحدة كنقول لها سيري حتى تفوت واحد اليومين وتعالي. والسلام عليكم. ما نزيدش الهضرة وما نكملش معها الأسئلة الأخرى. كنحبس ونزيد نزيد. لأن هذيك ضرر غادي تسببي لها واحد الضرر اللي هو شنو هو؟ نقط الحجامة لعلاج أسفل الظهر. جزاك الله خيراً. كديري ال كاط وال سانك و وتهبطي له مع الرجلين. أكيد أن إلا كان عنده ألم أسفل الظهر، غادي يكون عنده مشكل سياتيك. يعني ألم أسفل الظهر كنركزوه بزاف على ال كلاس ان. وكندير النقاط ديال الفخذين ونهبطوا مع الوركين ونهبطوا معهم. بالنسبة للحجامة، أفضل علاج لألم أسفل الألم ديال الراس، الشقيقة. أكيد أنها يعني غالبية ديال الناس، ماشي كلشي. غالبية ديال الناس اللي دار الحجامة على الشقيقة، يعني كيحس بالفرق كبير وكبير بزاف. والحمد لله، وقعوا لنا حالات اللي كانوا جاو عندهم شقيقة حادة، مباشرة مجرد داروا الحجامة، كيحسوا بالفرق يعني كبير وكبير بزاف. وكاين بعض الناس اللي واخا ندير لهم الحج الحجامة مثلا ديال الشقيقة، كتبقى واحد المدة عاد كتحيد. إذا هنا كنسولوه أسئلة أخرى. أولا كنسولوها أسئلة أخرى، بحال مثلا كنقولوا واش عندك شي مرض مزمن؟ مرض مزمنة، بحال مثلا كان عنده السكر، عنده لاطونسيون. كنعرفوا هذا الشخص شنو. ماشي غير الأجي ودير له الحجامة. إلا قال لك أه، عندي. كنسولوه شكون هو نوع المرض. إلا قال لك مثلا عندي السكري، كنكتب له السكري. إلا قال لك را عندي حتى الضغط، كانير لي الضغط. هنا حيت يقول لي عندي مثلا السكري مع الضغط، أكيد نسول على شي حوايج على السكر وعلى الضغط. شحال كيوصل لك الضغط؟ واش الضغط نازل ولا طالع؟ يعني هنا كنسولوا السكري. كنقول له واش كدير الإنسولين ولا غير الكينة؟ إلا كان كيدير غير الكينة، أكيد أن غادي ندير له الحجامة بلا ما نزيد نسول. إلا كيدير الإنسولين، كنقول له واش كيبغى لك الجرح ولا ما كيبرى؟ هو كيعرف راسه. إذا مشى تجرح ولا تقاس بشي حاجة وتجرح، واش كيلتام ذاك الجرح ولا ما كيلتامش؟ إلا قال لك راه كيلتام ولا لا، كيبرالي. دير له الحجامة، واخا كيدير الإنسولين. ولكن إلا ما كانش كيبرا، ممنوع دير له الحجامة. ولكن كمبتدئ، من الأحسن أن الناس اللي كيجيو عندك كيديروا الإنسولين، تبعدي منهم بصفة عامة. لأنه ما غاديش يخبرك، ربما يقول لك هو باغي الحجامة ويقول لك لا، كيبرى ويكذب عليك. وقعات الناس اللي وقعت لهم بحال هذه الحالة. كيقول له لا، كيبرالي وهو ما كيبرهالوش ودار له الحجامة، وقع له تعفن. وبالتالي كمبتدئ، أنا كنصح المبتدئين في الحجامة، اللي جا عنده الإنسولين وكيدير البيكورة ديال الإنسولين، يحبس. ما يديرلوش الحجامة. ولكن نهار فاش كتولي تولفي، يعني يكون عندك تشريط مزيان، يعني وكتولي محترفة في الحجامة، أكيد أنه نديرها له. ولكن باش كنعرفهم، خخا قال لي هو راه كيبرى الجرح، باش كنعرفوا واش كيبرى الجرح ولا ما كيبرىش؟ كنمشي للبيكورة فين كيضربها. إلا كان كيضربها هنا، كنقول له عري هذ البلاصة نشوفها. إلا لقيتها فيها تعفن، أكيد راه ما كيبرهش الجرح. إلا ما فيهاش تعفن وبارية، راه كيبرى له الجرح. كان كيديرها هنا، ولكن كيديرها في كرشه، ما اندناش مشكل ليها. الكرش ديالها وشوفي واش كيبر لها ديك البلاصة، واش ماكينش تعفن ولا ماكينش. إلا كان التعفن، أنا كمبتدئة، كما قلتي. [موسيقى] حنا قلنا لك كمبتدئة، الناس ديال الإنسولين، ممكن تبعدي عليهم بصفة عامة. أنا مريضة بالسرطان، واش نقدر ندير الحجامة؟ لا، من موانع الحجامة أن يكون عندك السرطان، إلى خصوصاً يعني في المراحل المتقدمة. أما إلا كان في البدايات دياله، ممكن تساعدك الحجامة. ولكن إلا كان يواصل واحد الدرجة متقدمة، الحجامة ممنوع أنك ديريها للناس اللي عندهم السرطان. وكاين أنواع ديال السرطان اللي هي بسيطة، يعني كيكون سرطان محمود، ممكن ندير الحجامة. ولكن السرطان الخبيث، أكيد الأورام الخبيثة، ما ندير لهاش الحجامة. باش نحسوا نقط الحجامة، نحسبوا بالفقرات. هو شوف، بالنسبة لمعبات الحر المغربية، الفقرات هي غير كتقرب للأعضاء فقط. يعني كنقولوا مثلا الكي 3 مثلا ولا التي 2، هذه خاصة بالفقرة. هذه الفقرة خاصة بالمرارة مثلا، أولا خاصة بضيق التنفس مثلا. ولكن لما كنحطوا الكاس، را كياخذنا ثلاثة ديال الكيسان. يعني لما نحطوا الكاس مثلا في واحد البلاصة، را كياخذنا ثلاثة ديال الفقرات، طي و طي 2 و طي 3 مثلا. سميته السي س، حيت كنحطوها، را كتشدنا السي س وكتشدنا التي و تي. لأن كندير الكاس كبير، كاس ديال السبعه. فبالتالي ماشي كل فقرة غادي نحط نحطو عليها كويس صغير باش كيتسمى هذه را كتعالج هذا المرض. لا، كنحطوا الكاس، وكيأخذ هو وداكشي باش كنديروها عامة. كنحطوا الجسم كامل فوق من الظهر، وكيخدمنا جميع الأعضاء، ابتداء من ضيق التنفس اللي هو الريا، القلب، الأطحال، الكبد، القولون، الجهاز التناسلي، كنهبطوا عليهم كاملة. أحسن دوا للشقيقة، بطبيعة الحال هي الحجامة. وبطبيعة الحال هذا الشيء تعلم. عمري درتها ونسيت دابا آش المعمول. تعلمت وعمري درتها ونسيت دابا آش المعمول. عاودي تعلمي ولا واش نسيتيها؟ يعني فايت تعلمتيها ونسيتيها؟ ما واضحش السؤال. إذا قلنا هنا كنجيو كنسولوه على الأمراض المزمنة. إلا كان شي مرض مزمن اللي هو خطير، حنا ما قلنا ما نديروش في الحجامة. ولكن بحال السكري والضغط ولا الحساسية، كنشوفوا يعني الضرورة تقدروا بقدرها. إلا كان عنده مثلا الضغط كيفوت مثلا 18، 19 الفوق، كنحبسه حتى ينقص. ما ينقصش، كنصيفطوه للطبيب. أنت الحالة ديالك خصك تمشي للطبيب. أنت العلاج ديالك ما عندناش حنا. كان نازل بزاف على 6، 5 لتحت، كنقولوا دي سير للطبيب. ما نديركش الحجامة. سير أنت للطبيب. بطبيعة الحال، راه كاين عاوتاني حصة أخرى ديال الضغط، فوقاش ندير له الحجامة وفوقاش ما ندير لهش الحجامة. إلا قال لنا ودي، ما كنعاني بحتى شي مرض مزمن، كندير لا وصافي. نكرشي على هذا ديال لا وصافي. هذا هناني تاحيت. لأن نهار فاش كيقول لي مثلا عندي مرض مزمن السكري، راه ماشي بحال إلا قال لي ما عنديش. هذاك اللي قال لي عندي، راه كيقلق شوية. يعني ضروري خصني نحتاط حتى في وضع الكؤوس. ماشي بحال واحد الإنسان ما عنديش. كيقول لي ما عنديش شي مرض يعني مزمن. وبالتالي هنا خير إن شاء الله.

إذا قلنا السؤال الآخر، واش سبق لك درت عملية جراحية؟ هل سبق لك أن قمت بعملية جراحية؟ هنا كيقول، إلا قال لك أودي فايت دايرها، كنكتب له مثلا، نعمله فوقاش؟ التاريخ ديالاش؟ كنسول تاريخ الحجامة. لأن واحد الإنسان داير عملية جراحية دابا، ماشي بحال واحد الإنسان دايرها قديم. واحد داير مثلا عملية جراحية مثلا بالليزر، ماشي بحال واحد دايرها مثلا فتح ديال الجلد مثلا في البطن ولا في الظهر ولا. أنت عينك ميزانك. إذا الناس اللي دايرين عملية جراحية، كنخليهم ست شهور الفوق. إلا كانت جراحية يعني فيها إخراج عضو مثلا ولا صرارة الزايدة ولا مثلا افتق ولا شي حاجة، كنديروها ست شهور. أه، كتفتح الجلد. إلا كانت بالليزر وداكشي، كنعطيو واحد الشهر أولا 15 يوم حتى لشهر. ممكن نديروها، ما كاين حتى شي إشكال. كنشوف الحالة دياله. يعني كل واحد والحالة دياله. واحد الإنسان دار عملية مثلا على الظهر، ماشي هو اللي دارها على البطن، ماشي هو اللي دارها على القلب، ماشي هو اللي دارها. كيجي واحد كيقول لك مثلا أنا درت عملية جراحية فين؟ في القلب. كتقول واش داير الصمامات؟ كيقول لك أه. هذاك شنو قلنا؟ ما يديرش الحجامة. إذا ممنوع يدير الحجامة. صافي كنحبس حداه هنا. هنا ما نزيدش معه. نطوي الكتاب ونقول أودي أنت راه من موانع الحجامة هو أنك تكون داير الصمامات ديال القلب مثلا، ولا داير شي يعني اللي كض شي أباري اللي كضبط دقات ديال القلب. صافي كنحبس معه. إلا قال لي ما درت مثلا، درتها على السياتيك، أولا درتها مثلا على رجلي، أولا درتها أسفل القدم، أولا درتها في الراس. مثلا كنشوف حتى ديك الطريقة ديال الراس، شنو هي نوعية العملية الجراحية. قال لي لا، هناني كنرتاح. كنعرف بلي لأن هذا الإنسان راه هاك. كنسوله، كنقول له أودي واش عندك شي جهاز طبي؟ أما ديال الإنسولين، أولا ديال نبضات القلب. إلا كان عنده شي جهاز ديال ضبط ديال القلب، صافي. قال لي نعم. شنو هو نوع؟ إلا كان ذاك ديال الإنسولين، حنا سولناك. شنو؟ الذا كان مثلا ديال القلب، كنقول حبس. نزيد هنا. كنسولوه واش كياكل شي مسكنات ولا شي أدوية هي يعني متابعة؟ كيقول لك مثلا أنا كناكل مثلا الدواء ديال لاطونسيون، ديال ديال السكر. مثلا اللي كياكلوا مثلا الدواء وما عندهمش مثلا عملية جراحية، مزيان. يعني ما عندهمش مثلا، كيديرش الإنسولين، مزيان. ما كتخلعش. ولكن الإنسولين هو اللي كنتقف نتوقفوا عنده. فبالتالي هنا كنسولوه. هنايا واش عندك كتاخذ شي مسكنات بحال مثلا كثير من الناس اللي كدير، كندير لهم مثلا الحجامة وكنلقاو الدم ديالهم جاري. كياخذ دوك دوك الدواء ديال جريان الدم، بحال ديك الكارديوجيك ولا سميتها، كيكون كياخذها لأن عنده تخثر في الدم. بالنسبة قلنا كمبتدئ، الإنسان اللي كياخذ الدواء ديال التخثر ديال الدم، ما كنديرها لهش. خص على الأقل يقطعها واحد 24 ساعة. واللي يجي ذاك الصباح ما واخذهاش وندير له الحجامة، عاد يمشي ياكلها. صافي. نصحه كمبتدئ. كمحترف، نقدر نديرها له. واخا واخذ هذك الكينة ديال جريان الدم. علاش؟ لأن المبتدئ ربما يغرق شوية في التشريط ويوصل حتى للشرايين ولا يوصل لدوك يعني الأنسجة وربما يكون عنده نزيف. ولكن واحد الإنسان اللي محترف وعنده تشريط سطحي، قدر يقدر يديرها له. أولا يديرها له بوخس ديال الأباري. ذاك الكاس ديال وخز الأباري. إلا قال لك نعم، كتسولوا، شنو هي نوعية المسكنات وداكشي؟ كاين اللي كياخذ مثلا ديال القلب. كاين اللي كياخذ من قال لك لا، هناني كنرتاح. كنعرف بلي. حيت كيقول لي لا، ديما كنسمع ديك لا. أنا كيعجبني الحل هنا. كنسولوه سؤال آخر، زيارة قمت للطبيب. هذه باشي يقول لك مثلا، ورا شي عام هذا، ما مشيتش للي كيقول لك مثلا، وغير البارح أنا مشيت سميته للطبيب. فرق كبير ما بين واحد ولا راه عندي رونديفو مع الطبيب، أنا عام وأنا كل شهر غادي للطبيب. ماشي بحال واحد الإنسان يقول لك لا، أنا كاع ما عمرني مشيت للطبيب، ما كنمشيش. مشيت واحد الخطرة درت واحد الكونترول وصافي. ولكن واحد الإنسان اللي كيمشي بزاف، كتاخذ، كدير اطونسيون منه. يعني هذا الإنسان راه معلول. كنقول له بحال بالدارجة حنا، راه معلول، زعما راه حتى الحجامة ما غاديش تكون بحال واحد الحجامة لواحد الإنسان اللي كيدير حجامة بشكل كبير. بالتالي الزيارة ديال الطبيب كتعطيك الشخصية ديال الشخص، واش كثير المرض ولا ما كثيرش المرض. فهمتي؟ هذاك اللي كيجي وبغى يدير الحجامة وما كيمشيش للطبيب بزاف، ماشي بحال واحد الإنسان اللي كيمشي للطبيب بزاف. هنا خلاص بطبيعة الحال، كنقسم، كنقيسوا له الضغط دياله، نشوفوا الضغط شحال فيه. حنا غادي ندير حصة ديال الضغط بوحدها باش نعرفوا فوقاش ندير الحجامة وفوقاش ما نديروش الحجامة. صافي. وفوقاش نتسناو عاد ندير الحجامة. كاين بعض الحالات اللي كنخليهم يتسناو شوية حتى كيعاود يتقدلهم الضغط عاد كندير لهم سميته الحجامة. كنعبر لهم الحرارة، النبض، خلاص كنعرفوه مع هذا والوزن. إلا بغيتي تتبعي مع شي واحد وغادي تعطيه بروتوكول علاجي ديال سنة ولا ديال ست شهور، أكيد أنه غادي يعني غادي تتبعي معها الوزن ديالها. كانت شي مرا مثلا كتبعي الوزن ديالها اليوم، الحصة الأخرى، واش كاين شي تحسن؟ واش ما كاينش؟ فهمتي؟ يجيك شي وحدة مثلا باغية تغلط، دير الحجامة وديتاخذ مثلا مكملات غذائية باش أنها تفتح الشهية، ربما يعني تزيد تغلط. تبعي معها على هذا الأساس. تجيك شي وحدة مثلا بغدير الحجامة من أجل أنها تنقص الوزن وتاخذ مثلا بعض المكملات اللي كيخفضوا الوزن مع البروتوكول اللي غادي نعطيها، أكيد راه غادي نعبر لها الوزن ديالها باش نقارن ما بين هذه الحصة والحصة اللي فاتت ونشوف فين غاديين. إذا هذا الشيء كامل لما كنساليو، كنسولوا على الشكوى الرئيسية. كاع علاش جاي دير الحجامة؟ شي كامل أنا سولتك هذا الشيء كامل، شنو اللي ضرك؟ كاين شي وحدين اللي كيجي عنده ألم أسفل الظهر وعنده الشقيقة وعنده الكتف وعنده الرجل وعنده الركبة وعنده. كيقول لك أنا راه فيا كل شيء. ولكن شنو هي الحاجة اللي يعني عاطيك الشقيقة بزاف؟ ولا عاطياك مثلا الألم بزاف؟ ولا عندك مديرونجيك؟ يقول لك مثلا عندي آلام أسفل الظهر. نركز له على آلام أسفل الظهر. إذا ذاك السؤال ديال الشكوى الرئيسية هو علاش غادي نركز له في الحجامة. يكون عنده الشقيقة والمصفلظهر وعنده الركبة وعنده. وما غاديش ندير أنا كل شيء في مرة. ولكن شكون هي الشكوى الرئيسية ديالك دابا باش نصاوب لك؟ أيه. بطبيعة الحال، هنا كنسولوا على الأمراض اللي عندك. واش ما عندكش سيولة الدم؟ ما كتاخدش ديك الكارديوجيك؟ واش ما عندكش مثلا القلب؟ واش ما عندكش السكر؟ واش ما عندكش فقر الدم؟ إلا قال لك لا، را عندي فقر الدم. كنشوف الخزان مثلا شحال فيه. نسول على الخزان. إلا كان مثلا طايح، ما غاديش فهمتي، ما غاديش ندير لها الحجامة. فقر الدم مثلا، واش عندها الحاد ولا غير الفقر الدم العادي اللي معروف عند الناس؟ لأن غالبية ديال الناس راه عندهم فقر الدم. ولكن كاين اللي كيكون عنده حاد بزاف. هذاك راه من موانع الحجامة. وخلاص كنسولوه، واش مشيت للطبيب؟ شنو قال لك على الكبد؟ حال، واش مزيان؟ هو أصلاً كيمشي للطبيب، راه كيكون دوز شحال من حاجة عارفها فيه. اللي ما عندوش مشكل، راه خلاص ما كيمشيش للطبيب، راه ما عارفش، ما عنده والو. ولكن نهار فاش كيجي عندك شي واحد مريض وداكشي، راه أكيد حتى مشى للطبيب جا عندك. علاش ما قلنا؟ حنا ما قلنا، وكنقولوها لجميع المتدربين. حنا كنقولوا بأن المعالج يبدأ العمل دياله عندما ينتهي عمل الطبيب. حتى كيسالي الطبيب العمل دياله، عاد كتبدأ العمل ديالنا حنا. فبالتالي ما خصناش ندير روسنا يعني في واحد الميزان مع الطبيب. حنا معالجين طبيعيين فقط. لسنا أطباء. ما نعطي وصفة، ما نعطي دوا لافارماسي. ما نحيد حيد دوا شي واحد يجي عندك وتحيدي له الدوا. لا، ذاك الطبيب اللي عطاك الدوا هو اللي يحيدولك. صافي. ذاك الطبيب اللي قال لك استعمل هذا الدواء، هو اللي يشوف واش غادي ينقص ولا ما ينقص. بالتالي ما خصنيش ندخل في شي دومين اللي هو ماشي الدومين ديالي. أنا معالج طبيعي فقط. ما عنديش علاقة بالطب الحديث أبداً. ما نعطي، ما نصيفط. المال، واش ألم أسفل الظهر هو عرق النسا؟ بطبيعة الحال، كاين الناس اللي كيكون عندهم ألم أسفل الظهر مثلا كيضرهم. وإلا كان كيهبط لهم مع خلف الفخذ وكينزلهم حتى لأسفل القدم، هذاك هو السياتيك، عرق النسا كيتسمى. أنا قريتها في تونس. وصراحة ما قراوناش هكا بزاف ديال الحوايج ناقصانة. بطبيعة الحال، أنا كنقول دوك الدورات ديال كوكوط مينوت غير بلا بلا. وبالتالي الإنسان يعني ما كياخدش مثلا ثلاث أيام ولا يومين، كيقول له سير هكا، شهادة، سير فتح. فهذا راه إجرام في حق الحج. وبالتالي يحتاط الإنسان حيت يبغي يدير مثلا دورات تدريبية، خصه يعرف فين كيديرها. أنا تنقول تنقول مع رئيس. رغم هذيك ست أيام ولا أربع أيام، ما يقبط فيها حتى حاجة. حاجة. حنا دوزناها. حنا باش بدينا. حنا بدينا بثلاث أيام، والومين، وكتمشي تدوز عاوتاني يومين وثلاث أيام في جهة أخرى. والو، ما كتستفد والو. كتخرج كخفاي حنين. ولكن حيت كيكون عندك مثلا كدوز مثلا في مركز، تعاشر مع الكليان، مع المرضى، وهذا، جيك أربعة، ستة، 10 في النهار، كل واحد والمرض دياله، كل واحد والخريطة دياله. أكيد أنك غادي تستفد. هذيك سميته الحجامة ديال كوكوط مينوت ولا الدورات ديال كوكو مينوت ولا الشواهد ديال مثلا بأن معترفة بها دولياً ولأنها يعني راه هذه شهادة إنجليزية، وهذه شهادة بريطانية، وهذه شهادة أمريكية، وفيها الطومبو، فيها كلها ضحك على الدقون، تفليه على البشر. وما عندنا شي شهادة في المغرب اللي معترف بها في الحجامة. عندنا معترف، تعلم، خدم، سلامك، معترف بها. ممكن تفتح بها وداكشي. تخربيق. كنجي نتعلم منكم على أنني عندي ديك الفكرة، خصني ناخذ واحد الحاجة، ناخذها كما يجب إن شاء الله. ماشي غادي ناخذها هكا عشوائية. أنا نخدم مع الناس، غادي نكون مرتبطة مع الناس، خصني يكون بطبيعة الحال. إذا هذا هو الملخص ديال التشخيص. حيت كيجي عندك واحد الشخص باش ناخذ عنده منه هذه المعلومات. على أثر هذه الأسئلة كاملة والأجوبة اللي عطاني، كندير، كنقرر أن الخريطة اللي غادي نخدم له، وفين غادي نحط الكاس. وكنحاول ما يمكن أنا اللي نقرر. ماشي هو. ما عارفش. هو إلا جا شي واحد مثلا عندك يقول لك دير لي هذ البلاصة، زيدني هذ البلاصة، زيدني هذ البلاصة. لا، ركب لي هذ البلاصة. واش حنا راغجيو؟ لا. يعني كاين خرائط اللي كنحطوها لكل واحد. بالتالي ما خصش الإنسان. العلاج سبحان الله، كتكون بركة ميسرة لبعض الأشخاص اللي كيخدموا بنية والمعقول. بطبيعة الحال، يعني الله سبحانه وتعالى كاين واحد الفراسة وكاين كاين واحد ما كنقولوا حنا البركة. كيعطيها الله لبعض الناس باش أنك تكون عندهم سبحان الله. وحتى الإنسان إلا ذا جا الحجامة وارتاح لك أنت كحجام، أكيد أن غادي تكون عندها يعني إيجابيات، غادي تكون عندها نتائج إيجابية. وال مارتاح لكش ودارها غير هكاك وصافي، أكيد أن ما غاديش تكون عندها شي نتائج. علاش؟ لأن يعني ما كاينش ديك الطاقة المتبادلة اللي كتكون ما بينك وبين الكليان. فوق هذا الشيء، أن دار الإنسان هذا المجال، يديرها غير بنيت أنه ياخذ واحد الشهادة. غير باش تبان بلي أنا عندي شهادة ديال واحد الحاجة. راه بطبيعة الحال، هذيك كتلقى مثلا، أنا نقولها يعني الناس اللي كيديروا مثلا دورات تدريبية من أجل الحصول على الشهادة، الشواهد، ويعلقهم مثلا، وراهم، ويدير مثلا فيديوهات، عندي مثلا الشهادة الفلانية، وندير لها ديكور زوين، ونعلق معلقة. هذوك أنا كنحس ب أن عندهم نقص. نقصنا قرينا وشدينا ليسونس. ديك لايسونس ما عرفش أنا فين راها كاع. شنو باش نفعتنا ديك لاريسونس؟ نفعتك أنك صافي فقط. ولكن باش غادي تخدم بها ولا دير بها شي حاجة، والو. مازال ما. والحمد لله، يعني الله سبحانه وتعالى. فبالتالي هذه كاع اللي قريت عليها 20 عام ولا تساوي شيء. فما بالك اللي قريتها ثلاث أيام وكتعلقها وديرها من وراك. هذا هو الطامة. وبالتالي حنا كحجامين، عندنا واحد الفئة اللي عندهم نقص. كيحاول ما أمكن يعوضوا بذاك النقص أنه يدير الشواهد من أجل أنه يبين للناس بلي أنا راني راني راني. هي ماشي عيب. هي ماشي عيب أنها تمشي دير مثلا دورات وتزيد تبحث وتزيد تقلب وتزيد. ما قلنا، ما قلنا البارح أنه الإنسان خصه يعني يزيد يقلب وما يوقفش عند ذاك الشيء اللي قرا فقط. ولكن يزيد يقلب ويسول ويسول الناس اللي عندهم أقدمية سميته في الميدان في المجال. ويزيد يبحث. كاين الحمد لله دابا الإنترنت إلى غير ذلك. إذا إلى هنا ننهي هذا المباشر اللي كنا خصصناه حول التشخيص الدقيق قبل عمل الحجامة. إذا ال بغينا ندير عملية عملية حجامة منضبطة، قواعد ديالها، أكيد أن هذه الأسئلة خصها تكون عندنا. نطرحوها على المريض. خصوصاً إلا كنا مبتدئين. أما إلا كنت يعني محترف وعارف، راه غير كيوقف عندك الكليان، جوج الأسئلة، ثلاثة، كتعرف شنو عندهم بلا ماديري الدفتر والكتاب وتسجل وداكشي. راه ربما يعني. ولكن في الأول من الأحسن أنكم ديروا معشبات الحر العينيه. مرحبا. إلا بغيتي ديري دورة عن بعد، مرحبا. ولكن راه الدورة عن قرب كتكون أفضل. كلامك على صواب بخصوص الكارتونات. الكرتونات، هذوك هما إدراك من الكرتونات. كاين شي وحدين بحال البارح. عمران، أري ذاك البورطابل. اسمح لي نطول عليكم شوية. غير بين قوسين. غادي نسد. ولكن دابا هذا الأخ راه سولني قال كلامك على صواب. حيت أنا في تونس. نعم. شنو طح؟ رابورطابل؟ ماار مش واضح. صافي صافي. خير إن شاء الله. البارح كان جا واحد. لقيت واحد إشكالية. دابا ماقدرش ك ندير نطلع. شوفوا حل هذا الحجب هذا. كي كدير تحله؟ شوفوا واحد واحد الحالة البارح. ها هي دورة تدريبية. ربما ما غاديش تبان لكم حيت مقلوبة. ولكن هذه دورة تدريبية.

أنا غادي نقريكم نقول لكم شنو فيها. هذه شي واحد دايرها عن بعد مع واحد الحصه عند شي حاجة مع الأستاذ. إذا قلنا تكوين، تكوين خبير الحجامة والطب التكميلي. هذا كيمشي دايرين واحد سميته دورة تدريبية عن بعد. بطبيعة الحال أنا غادي نقرا لكم تشوفوا الكوارث اللي كاينة في هذا الدومين. الكوارث اللي كاينة في هذا الدومين ولكن الصراحة علاش غادي ربما نذكر حتى الأسماء ديالهم. الاسم ديال الش ديال ديال سميته ها هي. هذا سيدي ديين صارل أي دي ال ال سي. شي مركز ما عرفتش شنو ذا. قالك هل ترغب في عمل الحجامة والطب التكميلي؟ أولا دايرين التصويره واخذين التصويره ديالي. هذه را أنا أنا الأستاذ هذا والاستاذ النجامي. ها انت الأستاذ النجامي هو هذا. وأنا هو مول الأبيض ودايرين حدانا الفوطة الناريه. هذاك اللي كيدير الفوطة الناريه راه أنا والاستاذ النجامي. وهذيك التصويره اللي فيها الفوطة الناريه الفوق راها ديالي حتى هي. هذو جاو خداو كلشي هذا التصاور من المركز عندي وخداو التصويره ديالي وكاتبين هذه الملاحظة باش تشوفوا بلي أن هذا الإجرام اللي را كيوقع دابا في الساحه ديالك.

"ترغب في احتراف الحجامة والطب التكميلي من منزليك؟" شوف على الضحك على الدقون. اللي باغي معلومات هو اللي يدير تواصل عن بعد. اللي بغى يدير شي دور عن بعد غير باغ معلومات يكون عنده التطبيقي. أما اللي ما عندوش تطبيق وبغى يديرهامارسها كيكذب عليك. قالك أسيدي فرصة ذهبية لتصبح خبيرا معتمدا في مجال الطب البديل. خبير؟ احنا را 15 عام هذه وحنا فيدا ومازال لحد الآن ما عرفناش هذ الخبرة كيفاش لقاوها هما. يعني غادي تلقاها في ثلاث أيام ولا عن بعد؟ فليس قالك أسيدي برنامج تكوين شامل واحترافي. شوف المصطلحات اللي كيستعملوا. شامل واحترافي. يشمل الحجامة الأساسية والمتقدمة. صافي يعني الأساسية تيعطيهاك في الحجامة ويعطيك حتى المتقدمة في الحجامة. الموكسه العلاج بحرارة الأعشاب. ها هي الفوطة الناريه. كلشي هذاشي الفوطة الناريه. ال مادرتهاش تطبيقيا قدامك وخويت الألكول وشعلته وريت كيفاش ديرها راه ماديرهاش معك تخربق. والاسعافات الأولية مجانا. هذه كنعطيوها لك فابور. قالك نظام التكوين عن بعد 100%. ماكينش تطبيقين. خسرنا الفلوس تاحنا ديال ثلاث أيام. ماشي ما يبقاش فيك الحال ولكن الحمد عوض الله خير. إذا نظام التكوين عن بعد 100% من راحة منزلك وفي المصطلحات اللي تستعمله وفي الأوقات التي تناسبك مع دعم وتوجيه مستمر من خبراء معتمدين في الميجا. يا سلام. اللهم طويلك يا روح. مستمر من خبراء معتمدين في المجال. مناش تعتمد؟ شكون اللي اعتمد وشكون شكون؟ هذ الجامعة اللي خرجتهم؟ شكون هذ الكلية اللي خرجتهم؟ شكون هذا المعهد اللي خرجهم؟ شكون هذا التكوين اللي دار خبراء؟ خبراء ياست الحركات اللي عارف التجويد. خبراء. بعد إتمام التكوين ستحصل على أربع شهادات. اسيدي أربعة ديال الشوائد. باش تعرف أن الشواهد راه غير شهادة مغربية بختم رسمي. ختمين رسمي. الختم الرسمي سيدي. شهادة بريطانية. شهادة أمريكية. وشهادة بادج دولي. تضيف لمهاراتك قيمة عالمية. ومصب دابا غير الدولة تعترفتنا بالحجامة. ومصاب الدولة دابا غير اعترفتنا بلي أن الحجامة راها مهنة وماكناش اصلا احنا غير معترف بنا. وعباد هذا اللي كيقولك اودي تعطيك تضيف. قالك أسيدي المهرج قيمة عالمية. العالمية ما فيهاش المد.

تكوين يشمول كذلك العلاج بدودات العلاق. غير العلاج ديال دوداه العلاق خصه بعدا على الأقل واحد 15 يوم انت تقرا عليه بعدا تطبيق عملي مباشر بالفيديو تشوف وانت كدير الفيديو. هذاشي كامل وهازين لي التصور ديالي أنا وسميته وحاطينه يعني بحال هما اللي راهم كيديروا. ها انتما اللي بغى نصيفطها له يدخل عندي الواتساب ونصيفط له هذ الدورة ويشوف. ال ماشافش التصويره ديالي يدخل الفيديوهات ديالي وغادي يبانوا له في اليوتوب وغادي يبانوا له يبانوا له. Eh ابو عمران هذا هو الموقع ديالي. [موسيقى] وغ باش نبين لكم التصاور الفرق ما بين التصاور اللي راهم هازين عندي هازين ل في سميته من الباج وحاطين عندهم بحال راها ديالهم. يعني راه هما كيلعبوا على هذك القضية ديال. هنا شاف دابا ابو عمران. هذه خلاص را وقعت لنا كثير. شحال من واحد دابا واخد غير هذ الايامات جا واحد السيد ودار هنا في مكناس مركز ابو عمران للحجامة والعلاج الطبيعي ومعلقها التصاور دياله وذا في كل موقع في مكناس فين ما كان شي بوطو كيلصق وفيتالي ضرب واحد الايامات ومشى فحاله. يلا يلا نب لكم غير واحد التصويره ديال لي أنا هو فاش خداوها لي والعفاريت. يلا.

إذا نكمل تقريبا حتى نلقى ديك التصويره وغادي نوريها لكم. الله مشاو ديك التصويره ديال العفاريت. الله يهدي ما خلق. على ايا المهم حتى نلقاو شي تصويره وديك الساعة ان شاء الله بعدين هي. إذا هذ التصويره هذه دابا اللي راها نزيد شويه في الضوء. دابا هذه اللي راكم كتشوفوا هنايا. هاهي هذه يعني أنا وسي في مش اللايف على أي المهم التصويره اللي قلنا قلنا هي هذ. يا ودي الله يهديك اسي البورطابل. هي هذه اللي قلنا. أنا كنشوفها في الجهه الأخرى. ها هي هاني أنا وذا في الموقع ديالي دايرينها هنا. شتي اللي بغى يدخل لدا ويشوف يعني التصاور يدخلوقع ديالي ويشوف التصاور ان شاء الله وديك الساعة غادي يكون خير.

إذا قالك أسيدي احنا نزيدوا نكمل العلاج بدوذت العلاق وتطبيق عملي مباشر بالفيديو. شروحات مفصلة لكل تقنية وملفات ديال بيدي اف توضيحية والتواصل كذا. جميع الشواد تخول لك العمل في مجال الطب التكميلي الحجامة والمسه والفوطة الناريه والعلاق بطريقة احترافية. أمين. الله ينعل الكذاب. الله ينعلكم حتى يخزيكم. الله ينعل الكذاب. قالك أسيدي تخويك عمل. والله ما خلاك المقدم تخدم خدمت خربقا. هاهما كان قالك النصب على عباد الله عن بعد. قالك راه الوحي من الله ما كانش من بعد. ربي كلف جبريل عليه السلام. شي وحدين كيعلقوا دابا. الثمانيه ديال التعليقات. ها انت واحدة لالة مريم. واني سميتها مريم. ولكن ماشي من حقكم تاخذوا صور ديال مراكز أخرى وتنسبوها لهذ الدورة التكوينيه. هذا سميته استغلال الناس المعروفين في هذا الدومين. حاولوا تحطوا الصور والخدمة ديال الناس اللي غادي تعطيو الدورة التكوينيه باش تكون المصداقيه والعمل. واش فهمتوا القضية؟ إذا إلى هنا ننهي هذا اللقاء ومازال ان شاء الله ندير شي درس على هذ الدورة المكوكيه. والسلام عليكم ورحمه الله وبركاته.