Transcription
البعث. أكثر مشكلة شفت خوف ورعب منها، على الرغم من أنها فعليًا ما تستاهلش حجم الخوف اللي الناس بتخافوا منها، خصوصًا السيدات. المشكلة دي هي الاتش بي في، أو الفيروس الحليمي البشري، أو فيروس الورم الحليمي البشري.
أنا برضه مش جاي أقول إنها مشكلة تافهة، ولا يلا نستهون بيها ونتجاهلها ونتعامل كأنها مش موجودة. لا، هي مشكلة تستدعي الانتباه والحل السريع العاجل. لكن في حلول، في حلول كتير جدًا ومش صعبة، وتقدر تقضي عليه بسهولة. الإصابة بالاتش بي في مش نهاية الحياة، ولا تعني بالضرورة إصابتك بالمستقبل.
أمال الخوف والرعب الكبير جدًا منه ده جه منين؟ هقول لك. هو أنا لو عندي منتج عايز أبيعهولك بس أنت مش مقتنعة قوي إنه مفيد، وأنا في نفس الوقت ما عنديش دليل قاطع بنسبة 100% إنه مفيد، هتشتريه مني؟ غالبًا لا. الحل هنا إني أخلي قرار الشراء عندك مش جاي من تفكيرك المنطقي، أخليه جاي من مشاعرك. وأسهل مشاعر ممكن ألعب عليها لما أكون عايزة تاخدي قرار سريع ومش منطقي هي مشاعر الخوف. اضخم الخوف من المشكلة، فصدقيني هتشتري أي حاجة أقول لك إنها دي المنقذ، وأنت مش هتسأليني عن الدليل، لأن الخوف بيلغي التفكير المنطقي.
وهو ده اللي حصل لما الشركات أنتجت لقاح الاتش بي في وقررت إنها تبيعه، رغم إنه مش بيعالج الفيروس بعد الإصابة، ولا حتى عنده القدرة على الوقاية من كل أنواع الاتش بي في. أوسع لقاح بيغطي تسع أنواع منه بس، رغم إن في أكتر من 200 نوع من الاتش بي في موجود. قليل جدًا جدًا منهم هو اللي يعتبر عالي الخطورة، وحتى ده إصابتك بيه لا تعني حتمية الإصابة بالسرطان.
في كلام كتير وتفاصيل أكتر هنحاول نغطي أغلبها في حلقة النهارده، ونجاوب على الأسئلة اللي ممكن تكون بتدور في دماغك. وطبعًا هنتكلم عن الحلول وطرق العلاج الطبيعية. بس قبل ما نبدأ، هفكرك بسرعة إن حجز الاستشارات بيتم عن طريق الموقع الإلكتروني أو عن طريق أرقام الواتساب الموجودة في التعليق المثبت. ما تنسيش تعملي لايك وشير للحلقة، سبسكرايب للقناة لو أنت أول مرة تشوفيني. ويلا بينا نبتدي. أنا ندى حرفوش، ودي قناة بينج.
الاتش بي في هو عيلة كاملة من الفيروسات، فيها أكتر من 200 نوع زي ما قلنا. منهم اللي بيصيب المناطق التناسلية، وده اللي هنتكلم عنه على وجه الخصوص النهارده. وفيه منه اللي بيصيب الفم والحلق، واللي بيصيب الجلد والأطراف زي الإيدين والرجلين. طرق انتقاله مرتبطة بالاحتكاك الجلدي المباشر بين شخص مصاب وشخص غير مصاب. وهو بيعيش في خلال الجلد والأغشية المخاطية، وما عندوش قدرة على النفاذ للدم، فمش بيتنقل من عضو لعضو تاني. هو عادًة بيعيش في مكان معين وبيظهر فيه، لأن كل نوع أصلًا بيفضل نوع معين من الخلايا علشان يقدر يعيش فيه.
الـ 200 نوع دول بيصنفوا بشكل مختلف من حيث شدة الخطورة. في أنواع منخفضة الخطورة زي الاتش بي في 6 و1، وأنواع متوسطة الخطورة زي الاتش بي في 31 و33، وأنواع تانية بتصنف على أنها عالية الخطورة، أشهرها الاتش بي في 16. طيب، هل لو جالي نوع عالي الخطورة ده معناه إني بالضرورة هيجي لي سرطان عنق الرحم أو غيره من الأنواع المرتبطة بالاتش بي في؟ لا. علشان ده يحصل، بيكون لازم يكون في عدوى نشيطة ومستمرة لفترة طويلة بدون سيطرة، أو عدوى متكررة.
طيب، أنا أعرف إزاي إن في عدوى موجودة وفي حالة نشاط فعلي؟ في ناس كتير بتكون فاكرة إن السقاليل اللي هي بتظهر في مكان الإصابة هي دي العلامة المميزة للاتش بي في النشط. والحقيقة إنه لا، مش دايماً. السقاليل، أيوه طبعًا بتكون علامة، لكن أحيانًا بيكون في عدوى وبتكون العدوى دي نشطة بس مالهاش أعراض، مافيش سقاليل. طيب، هنعرف إزاي؟ أهم حاجة لازم تكون موجودة علشان نبدأ نفكر إذا في إصابة، إن يكون في شريك مصاب. حتى لو ما ظهرش عليكِ سقاليل أو أعراض، لازم في الحالة دي تشكي، خصوصًا لو بدأت تظهر عليكِ أعراض غريبة شوية ومالهاش سبب. يعني مثلًا يحصل لك نزيف بعد العلاقة، أو يحصل لك إفرازات غريبة مش معتادة.
طيب، إزاي نتأكد فعلاً إن في إصابة بالاتش بي في؟ إزاي نحدد نوعه؟ نعرف هل العدوى نشيطة ولا لأ؟ أو حتى ابتدت تسبب ضرر فعلي ولا لأ؟ عن طريق الفحوصات. الفحوصات تقدر تقول لك حاجات كتير حسب نوعها. أول فحص ده الفحص المبدئي اللي هو الاتش بي في دي إن إيه. ده يقول لك هل في إصابة بالاتش بي أصلًا ولا لأ، ويقول لك كمان هي ريسك ولا لو ريسك. ممكن لو عايزة تعرفي نوع الفيروس اللي عندك بشكل أدق، تطلبي تحليل الاتش بي في دي إن إيه بلس الجينو تايبينج. ده يقول لك النوع اللي عندك مثلًا هو 16 ولا 18 ولا حاجة تانية. التحليل ده لو نتيجته إيجابية، ده معناه إن في إصابة والفيروس موجود ونشط فعلاً.
تاني فحص هو الـ E6 والـ E7 إم آر إن إيه. وده تحديدًا التحليل اللي بيقول لنا هل الفيروس بدأ يسبب ضرر ولا لأ. التحليل ده لو إيجابي بيكون معناه إن الفيروس بدأ إنتاج البروتينات اللي بينتج عنها تغيرات خلوية. وهشرح لك ده بيحصل إزاي بعد شوية. طيب، هل معنى إن التحليل ده طلع إيجابي إن أنا عندي مرض خطير، أو بالضرورة هيجي لي مرض خطير؟ برضه لا. علشان تحصل الإصابة بالأمراض دي، ده محتاج تغيرات خلوية كتير جدًا متراكمة على فترات طويلة من الزمن.
خليني أقول لك إن 60 لـ 70% من المصابين جسمهم أصلًا بيقدر يقضي على الفيروس لوحده تمامًا بدون أي تدخلات خلال السنة الأولى من الإصابة. وحوالي 90% من المصابين جسمهم بيقدر يقضي عليه خلال سنتين. 10% بس هم اللي بيحتاجوا متابعة وعلاج. الـ 10% دول كم واحد منهم ممكن يطوروا؟ أقل من 1%، وبشرط إن العدوى تكون نشطة ومهملة لسنوات طويلة.
أمال الخوف والرعب ده كله جه منين؟ من التركيز الإعلامي عليه علشان نبيع لقاحات. طيب، هل اللقاح أصلًا بيقضي على الفيروس اللي هو في حالة الإصابة الفعلية، يعني لو موجود؟ لا. هل بيحمي من تكرار العدوى في المستقبل؟ أكتر نوع لقاح بيغطي أنواع كتير، يعني يحمي من الإصابة بها في المستقبل، بيحمي من تسع أنواع، في الوقت اللي قلنا إن في حوالي 200 نوع من الاتش بي في موجودين. يعني هو مش بيضمن حماية من تكرار الإصابة.
الأصل في القضاء على الاتش بي في والسيطرة عليه هو الوقاية من البداية، ثم المناعة القوية. الوقاية عن طريق وسائل الوقاية المعروفة من كل الأمراض المنقولة جنسيًا. يعني أعتقد إننا أغلبنا في المنطقة بتاعتنا ما عندناش علاقات متعددة، خصوصًا السيدات. فلو أنتِ عارفة إن الزوج/الشريك متعدد العلاقات، لازم تبدأي تحمي نفسك، لأنك هتكوني معرضة لتكرار الإصابة حتى لو بأنواع مختلفة. وده يعتبر من الحاجات اللي بتشكل خطورة.
وبالنسبة للـ Pap smear أو مسحة عنق الرحم، دي بيتم اللجوء ليها لما يكون في عدوى نشطة وبقالها فترة طويلة، علشان نكتشف هل بدأ فعلاً يحصل تغيرات ولا لأ. لكن ده مش من أنواع الفحوصات التشخيصية.
طيب، نتعامل إزاي مع الاتش بي في بالطرق الطبيعية اللي تضمن لنا القضاء عليه؟ إحنا قلنا طبعًا إن المناعة هي المفتاح. لكن النقطة دي فيها تفصيل شوية، لأن الاتش بي في مختلف عن بقية أنواع الفيروسات. لأن هو زي ما قلنا ما بيدخلش للدم، هو بيعيش في مكان محدد في طبقات الجلد أو الأغشية المخاطية، ولا ينفذ للأوعية الدموية. وده معناه إنه بيحتاج تقوية المناعة الموضعية.
تعالوا نفهم الكلام ده ببساطة وبسرعة. الفيروسات اللي بتعيش في الدم، بتقدر المناعة تكتشفها وتكون أجسام مضادة علشان تقضي عليها. لكن القضاء على الاتش بي في بيستلزم مناعة موضعية قوية. ودي بتتكون من مجموعة حراس بيحرسوا الجلد والأغشية المخاطية. الحراس دول لو هم مصحصحين، يقدروا يقضوا عليه بسهولة. لكن لو نايمين في العسل، ماحدش شايفه، فهو تمام جدًا عايش معانا ومكمل.
خطورة الاتش بي في في إنه بيقدر يعطل أنظمة أمان الخلية. الخلية عندها بروتين اسمه البي 53، ده بروتين رقابة الجودة. وده قبل ما الخلية تبدأ تدخل في مرحلة الانقسام، يبص عليها كده، يقلب فيها يمين وشمال. الخلية دي سليمة ولا حصل فيها أي تغيرات أو أخطاء؟ لو سليمة، يقول لها تمام، عدي وانقسمي. لو لأ، يخليها تدخل في موت مبرمج. في بروتين تاني اسمه الـ RB، ده اللي يمسك الخلية ويمنعها من الانقسام لما يكون وقت انقسامها لسه ما جاش. فبيمنع الانقسام العشوائي للخلايا.
خطورة الاتش بي في بقى إنه بيطلع بروتينات اسمهم الـ E6 والـ E7. دول اللي بيعطلوا أنظمة الحماية دي. فالنظام ما يقدرش يسيطر على عمليات انقسام الخلايا. وهي دي خطورته الحقيقية. طيب، إيه بقى اللي يمنع العملية دي إنها تحصل؟ زي ما قلنا، إن حراس المناعة الموضعية يكونوا مصحصحين. اللي هما مين؟ اللي هما لانجر هاند سيلز، إن كي سيلز، سي دي 8 تي سيلز، سي دي 4 تي سيلز، والسايتوكاينز المحلية. كل دي أسماء خلايا مناعية.
طيب، دول نقويهم إزاي؟ أول حاجة هكلمك عنها قبل أي حاجة تاني هي التوتر. خففي توتر، خففي قلق. التوتر لوحده كافي إنه يقتل مناعتك ويخليها عاجزة عن القضاء على فيروس مجرد فيروس. التوتر أهم كابح للمناعة وأهم مسبب للالتهاب. فلو سمحتي، كفاية توتر.
وترتيني معاكي تاني حاجة هي قلة النوم. لأن قلة النوم بتعمل بالضبط زي التوتر، هي بترفع الكورتيزول، بلس إنها بتعطل عمليات التنظيف والإصلاح في الجسم أصلًا. فنامي. نامي. عندك أرق، خدي مغنيسيوم، سيترات. وعندنا حلقات كتير اتكلمنا فيها عن النوم وننام أحسن إزاي ونحسن نومنا إزاي. ممكن ترجعي لها. يعني لو أنتِ عندك مشكلة في النوم، بلاش سكر، بلاش أكل معالج. لو سمحتي، دول بيخدروا جهازك المناعي. السكر العالي بيثبط السي دي 8 تي سيلز، دي الخلايا المناعية اللي هي شغلانتها إنها تقتل الخلايا المصابة بالفيروس.
واهتمي بأكل البروتين. من غير بروتين ما عندكيش خلايا مناعية. وطبعًا مش محتاجة أشرح لك الصيام المتقطع بيعمل إيه لمناعتك، ولا محتاجة أشرح لك إزاي بيساعد جسمك يتخلص من الخلايا التالفة. الصيام من أهم وسائل الحماية من انقسام الخلايا العشوائي، ومهم كمان للتخلص من الخلايا اللي حصل فيها أخطاء ومشاكل. الحاجات اللي قلناها دي مش هتكلفك أي حاجة، لكن هي بتمثل حوالي 50% من الحل.
نتكلم بقى شوية عن أهم العناصر للقضاء على الاتش بي في. طالما بنتكلم عن مشكلة مناعة، إحنا بنتكلم عن فيتامين دي. طبعًا كلنا عارفين هو قد إيه مهم لكل وظائف الجسم، مهم للمناعة. لكن مع الاتش بي في، إيه أهميته؟ في دراسات وجدت إن المستويات المعتدلة من فيتامين دي بتعتبر عامل مهم جدًا في الحماية من الإصابة بالفيروس. يعني نقصه مرتبط بارتفاع معدلات الإصابة. عن طريق تقوية المناعة الموضعية، تعديل مستويات فيتامين دي كمان في الجسم عنده القدرة على تحسن أو ارتداد التغيرات البسيطة في خلايا عنق الرحم، وحتى كمان التغيرات في المستوى المتوسط. فطبعًا ما فيش خلاف على أهمية فيتامين دي. هتاخدي 10000 وحدة دولية من فيتامين دي يوميًا مع 100 ميكرو جرام من فيتامين كي 2.
نفس الكلام ده ينطبق على فيتامين سي. دراسة وجدت إنه انخفاض مستويات فيتامين سي في الدم ارتبط مع ارتفاع معدلات الإصابة بالاتش بي في. كلنا عارفين أهمية فيتامين سي للمناعة، وكمان لصحة خلايا الجلد والأغشية المخاطية، وتقليل عمليات الأكسدة. كل ما كانت البيئة نفسها أفضل وكانت سليمة أكتر، كل ما الحماية المناعية الموضعية كانت أفضل. كل ما ده قلل من فرص الإصابة واستمرار الفيروس في التواجد. جرعة فيتامين سي بتكون من 500 لحد 1000 ملجم في اليوم. فيتامين سي هناخده المستخلص من الأطعمة الكاملة اللي هو الفود. هسيب لك كل الحاجات اللي أنا هتكلم عنها دي في التعليق المثبت.
صحيح، فيتامين دي وفيتامين سي مهمين، لكن الأهم منهم مع الاتش بي في، معلش، أهم منهم العنصر الأهم للقضاء على الاتش بي في، لأن تأثيراته متعددة. كلنا عارفين قد إيه هو معدن مهم للمناعة، لكن هنا أهميته بتتضاعف. الزنك. الزنك بيدعم المناعة الموضعية عن طريق دعم التي سيلز والإن كي سيلز، اللي هما بيلعبوا دور مباشر في القضاء على الفيروس. ونقصه يضعف الخلايا دي ويضعف كمان إنتاج السيتوكاينز اللي بتشغل الخلايا المناعية. دعم تجدد خلايا الجلد والأغشية المخاطية، دي كمان حاجة بيعملها الزنك، وهي من أهم طرق التخلص من عدوى الاتش بي في.
دراسة اتعملت على مجموعة سيدات مصابات بالاتش بي في تناولوا الزنك لمدة ثلاث شهور، زادت عندهم معدلات الاتش بي في كليرنس وحصل تحسن في تغيرات عنق الرحم الموجودة بالفعل. كمان في دراسة ربطت نقص الزنك بزيادة السقاليل التناسلية. هنا بنحتاج تناول الزنك لفترة طويلة بتوصل لثلاث شهور بجرعة حوالي 30 ملجم. وده معناه إننا هنحتاج نرفق معاه النحاس. في مكملات بتوفر زنك ونحاس مع بعض. أما ناخدهم، أما ناخد الرو زنك اللي هو بيجي في مصفوفة غذائية تحمينا من تراكم الزنك اللي ممكن يسبب مشاكل على المدى الطويل، لأن الجسم بيتعامل مع النوع ده من الزنك كزنك طبيعي فمش بيراكم أكتر من احتياجه. أنا شخصيًا بفضل استخدام الرو زنك في الاستخدامات طويلة المدى، وده هتلاقيه برضه في التعليق المثبت.
إحنا دايماً بنتكلم عن أهمية البروبايوتك للمناعة والصحة العامة. بس هنا البروبايوتك مابقاش رفاهية، هنا البروبايوتك لاعب أساسي في القضاء على الاتش بي في. البروبايوتك مش بيقضي على الفيروس بشكل مباشر، لكن هو بيغير البيئة اللي هو محتاجها علشان يقدر يستمر، خصوصًا في الأغشية المخاطية. بيرفع كفاءة الخلايا المناعية اللي بتقدر تقضي عليه. وخليكي عارفة إن دايماً المايكروبيوم الضعيف بيساوي احتمالية إصابة أعلى.
الدراسات أظهرت إن البيئة المهبلية المسيطر فيها أنواع من البكتيريا النافعة زي اللاكتوباسيلس مثلًا، كانت مرتبطة بمعدلات اختفاء أسرع للفيروس ومعدلات تغير في خلايا عنق الرحم أقل. طبعًا في مجموعة معينة من سلالات البكتيريا هي الأفضل في التخلص من الاتش بي في. هكتب لكم أسماءها على الشاشة اللي حابب يدور على أنواع بتحتوي على نفس السلالات بنفسه. واللي مكسل يدور، هم كلهم تقريبًا موجودين في النوع ده اللي هيظهر على الشاشة، وهتلاقوه موجود مع أخواته في التعليق المثبت.
في حاجة تاني ممكن تساعدك في القضاء على الاتش بي في؟ طبعًا ده إحنا لسه ما تكلمناش عن أهم حاجة. أقوى مركب طبيعي ثبتت فعاليته بالدراسات للقضاء على الاتش بي في، مركب اسمه الـ AHCC. ده عبارة عن مستخلص طبيعي من فطر الشياتاكي. ده طبعًا أحد الفطور الفائقة. المركب ده مش مجرد مضاد فيروسي، ده منشط للمناعة الخلوية. بيزود نشاط الـ NK سيلز والـ CD8 تي سيلز، دول بيقتلوا الخلايا المصابة ويقضوا على العدوى.
الاتش بي في فيروس هادي، ما بيعملش مشاكل، ما بيعملش التهاب شديد. وده بيساعده إنه يقدر يتخفى من المناعة أحسن. الـ AHCC بيرفع من كفاءة المناعة في اكتشافه، وبيُعزز إنتاج السيتوكاينز اللي تقضي على العدوى، مش تعمل التهاب غير مفيد. وده مهم جدًا مع فيروس موضعي زي الاتش بي في. بيقوي الخلايا المناعية الموضعية اللي هي بتلعب دور في القضاء عليه. وده مش مجرد كلام أبحاث في معامل. في عدد من الدراسات اتعملت عليه، وكلها أكدت قدرته على القضاء على الفيروس. وصلت نسب فعاليته في بعض الدراسات لـ 80%. جرعته من 1 لـ 3 جرام يوميًا، ولكن الجرعة الأكثر استخدامًا في الدراسات كانت 3 جرام يوميًا لمدة ثلاث شهور.
حاجة كمان من أقوى المركبات الطبيعية اللي هي بتضعف تمامًا فيروس الاتش بي في وتقلل من خطورته، هي مركبات الـ EGCG الموجودة في الشاي الأخضر. مش بس علشان هي واحدة من أقوى مضادات الأكسدة ومضادات الالتهاب. هو كل ده مهم، لكن مش هو أقوى حاجة بتعملها مركبات الـ EGCG. أقوى تأثير ليها هو إنها بتقدر تقلل من تأثيرات البروتينات المعطلة لأنظمة أمان الخلية اللي بينتجها الفيروس، اللي هي الـ E6 والـ E7. البروتينات اللي هي بتعطل من عمليات الحد من الانقسام العشوائي وعمليات الموت المبرمج للخلايا التالفة واللي حصل فيها أخطاء. وده بيوفر بيها أفضل فرصة للخلايا إنها تبدأ تصلح نفسها أو تدخل في موت مبرمج. ودي عملية محورية جدًا في الحماية من أي تأثيرات خطيرة ممكن يتسبب فيها فيروس الاتش بي في مع بقائه ونشاطه لفترة طويلة. مستخلصات الـ EGCG متوفرة في المكملات الغذائية بجرعات من 200 لحد 400 ملجم يوميًا.
وآخر حاجة هتكلم عنها هي ساحر المناعة وقاهر الفيروسات، البروبوليس أو العكبر. من أفضل الحاجات اللي ممكن تساهم في التخلص من الاتش بي في. ولكن البروبوليس مش شيء واحد، مش نوع واحد. الأفضل هنا هو البروبوليس الأحمر والأخضر. الاثنين يشتغلوا مع بعض، يشتغلوا بصورة تكاملية أحسن ما لو كل واحد لوحده. الجرين بروبوليس بيتميز بمركبات الارتيبلين سي، ودي مش موجودة في أي نوع بروبوليس تاني. دي بتعدل المناعة، تهدي الالتهاب، تحسن المناعة الموضعية. وده مهم جدًا مع الاتش بي في، لأن هو مش بيعيش في الدم، فلازم له مناعة موضعية قوية.
البروبوليس الأحمر فيه مركبات فريدة جدًا بتعطل تكاثر الفيروسات وتأثر على انقسام الخلايا. فالجمع بين الاثنين يعتبر دعم ذكي للمناعة بلس سلاح ضغط قوي على الفيروس وعلى الخلايا المصابة. ولحسن الحظ مش مضطرين إننا ناخد كل نوع فيهم لوحده. في مكملات غذائية بتحتوي على البروبوليس الأخضر والأحمر والبني مع بعض، زي الـ Ultimate Propolis.
طبعًا السقاليل اللي بتظهر على الجلد كمان هي من أكتر الحاجات المزعجة جدًا اللي بتيجي مع الفيروس ده. لكن المفاجأة إن ظهور السقاليل بيكون غالبًا علامة على إن النوع اللي حصلت الإصابة بيه يعتبر من الأنواع اللي هي منخفضة الخطورة. الأنواع الأخطر غالبًا بتكون صامتة، خبيثة، نشطة. طيب، بس السقاليل دي ليها حل طبيعي برضه؟ زيت شجرة الشاي من أقوى الحاجات، بس ده لازم يستخدم مخفف. نقطة واحدة بس من زيت شجرة الشاي قصادها تسع نقط من أي زيت حامل، زي مثلًا زيت جوز الهند المجزأ أو زيت الزيتون. ونحط من الخليط ده نقطة واحدة بس على المكان. ممكن كمان خل التفاح. معلقة خل تفاح لمعلقة ميه، نخلطهم مع بعض ونمسح مكان السقاليل بنقطة إحنا نقعناها في الخليط ده، وتتغسل بعد كده بحوالي 30 دقيقة تقريبًا.
اللي إحنا قلناه ده كله يعتبر بروتوكول قوي جدًا جدًا للقضاء على الاتش بي في والسيطرة عليه والحماية من تطور مشاكله. لكن طبعًا بيكون محتاج استمرارية والتزام. وخلونا نجاوب على السؤال المنطقي جدًا اللي طبيعي إن أي حد يفكر فيه. يعني هم بيخوفونا علشان يبيعوا لنا المصل؟ طيب، ما هي المكملات دي برضه منتجات، يعني الموضوع كله في الآخر تجاري، الهدف منه برضه إننا نشتري وخلاص؟ سؤال يبدو منطقي جدًا، لكن الفرق كبير.
المركبات الطبيعية اللي إحنا اتكلمنا عنها كلها بتستهدف إنها ترجع للجسم قدرته الطبيعية على القضاء على الفيروس، مش بتستهدف الفيروس نفسه. هي بتستهدف تقوية الجنود والحراس المناعيين اللي هم شغلتهم أصلًا حماية الجسم من العدوى والقضاء عليها. فهي مش بس بتساعد في القضاء على الفيروس، هي بتساعد كمان في الحماية منه في المستقبل، لأنها بتساعد الجسم على استرداد حالة التعافي الطبيعية اللي المفروض تكون موجودة طول الوقت. وتشكل حماية كبيرة جدًا من العدوى والأمراض، سواء الاتش بي في بأنواعه أو غيره. المركبات الطبيعية مش بتدي وعود زائفة بالحماية من الإصابة المستقبلية، وهي فعليًا غير قادرة إنها تعمل ده بشكل شامل. فالفرق كبير طبعًا وكبير جدًا.
وبس كده، دي كانت كل حاجة عندي عن الاتش بي في. هستنى تكتبوا لي في التعليقات تحبوا الحلقات اللي جاية تكون عن إيه. ما تنسوش تعملوا لايك وشير للحلقة، سبسكرايب للقناة لو أنتوا أول مرة تشوفوني. ما تنسوش كمان تبصوا على رابط وأرقام حجز الاستشارات في التعليق المثبت، وتبصوا كمان على رابط قناة المراجعات. أشوفكم الحلقة الجاية. باي باي.