Transcription
الحكي المليان هو أنه الناس مبره تستعد لتعاطي على المدى الطويل وتبلش تفكر كيف بدها تحافظ على القيم تبعها يلي بنتها على مدى 100 عام من الدولة السورية من عمر الدولة السورية.
وإنه خيو نحن أتينا إلى هنا لكي نبقى وإلى الأبد. يعني ما حدا شايف السوريين بكل هالمعادلة. والسوريين من الآن لازم يبلشوا ينظموا نفسهم على أساس أنه في احتمال أنه الحرب مع إيران تطول عقد عقد من الزمن. أمريكا مستحيل تترك للسوريين أي منفس طالما في خطر عودة إيران وفي خطر عودة روسيا.
هي السلطة هي تعلن انتمائها للطائفة السنية والحديث باسم الطائفة السنية، لكن هي مانها مقبولة سنياً لأنه ببساطة هي متطرفة. بالنهاية أنت لا عم تقدر تمسك الطائفة السنية لأنه قضاياها مطلبيه وواضحة. وفي هله بالخبرة تبع إدارة الدولة وعم تخسر البقايا كلياته. فإجباري احتمال الفوضى قائم.
>> مدير مؤسسة للأبحاث عمار وقاف. يعطيك العافية.
>> صباح الخير. أهلاً وسهلاً فيك.
>> رح أبدأ معك من أمريكا وسوريا. شو عم بصير بيناتهم؟ في عدة نقاط بهذا الإطار. رح أبدأ من كلام ترامب الأحد يلي لمح لإمكانية تدخل سوري بمواجهة حزب الله بلبنان. ولافت أنه هذا الكلام تزامن مع الكلام الصحفي عن احتمالية ترتيب زيارة لأحمد الشرع إلى البيت الأبيض.
>> هلا مبدئياً يمكن هي أول مرة بينحكى فيها بهالشكل العلني من قبل مسؤول أمريكي بارز مثل ترامب. يعني مو تكهنات صحفية حول أنه إمكانية تدخل سوري مباشر في لبنان ضد حزب الله. هلا موضوع ترتيب الزيارة لواشنطن لس مو مبين تماماً. مو ناقصهم زيارات جماعة سوريا يعني. لكن نحن إذا بناخذ الموضوع على خلفية أنه بالأساس تثبيت السلطة الحالية في دمشق قام على أساس محاربة الإرهاب أو انضمامها لجبهة محاربة الإرهاب. وهون أمريكا طبعاً بتتعاطى مع حزب الله على أساس أنه هو يعني منظمة إرهابية. فهذا نحن ما بنشوفه شيء مفاجئ. لكن دائماً نحن بدنا نسأل نفسنا أنه كيف ممكن يصير هذا الموضوع؟ هل نحن مثل ما نتخيل؟ يا هل ترى أنه بدها تنطلق جحافل من سوريا غرباً من أجل الاشتباك مع عناصر حزب الله و يعني نزع سلاحه أو تخريب سلاحه أو إشغاله وتسهيل عملية دخول الجيش الإسرائيلي؟ مو بالضرورة أبداً هيك. وأنا الحقيقة بستبعد كثير هيك لعدة أسباب.
لكن نحن في عنا عدة قضايا. أولها العوامل النفسية ضمن هذا التصريح. لازم نشوف أنه مش بالضرورة القضية إلى علاقة فقط بما يحدث في لبنان. وإنما بما يحدث ضمن الحرب الدائرة بشكل عام. بمعنى آخر فينا نحن نفهم تصريح ترامب على أنه هو نوع من الضغط على إيران. يقابله اليوم حسب ما شفنا من العراق تصريح مقابل بأنه إذا فكرت السلطة السورية أنها هي تشتبك مع حزب الله فقوات الحشد الشعبي والمنظمات الرديفة وما شابه بالعراق هي بدها تقوم بالاشتباك مع السلطة في سوريا. وهيك يعني تهديد مقابل تهديد مقابل. لكن كل هذا هو ضمن إطار الحرب النفسية الموجهة ضد خلينا نقول البيئة الحاضنة لحزب الله في لبنان أولاً. وثانياً ضغط على الطرف المقابل بطاولة المفاوضات وهو إيران. أنه نحن في عنا خيارات. إذا أنتم بدكم تتعنتوا بالمطالب تبعكم نحن فينا نفتح جبهات ثانية وما شابه. ويقابله أيضاً بالنسبة لإيران أنه نحن بنفتح جبهة مضيق باب المندب. وكس على ذلك يعني. حتى الآن لس كل الموضوع محصور بطاولة المفاوضات. ما خرج عن ذلك هي وجهة نظرنا يعني.
>> تمام. هون الدور السوري إذا حصل بضوء أخضر أمريكي رح يكون له حاضنة تركية وسعودية أو لا؟
>> هلا هون أول شيء بدنا يعني شو ممكن يكون طبيعة الدور السوري أو دور السلطة الحالية في سوريا. بشكل أدق يعني. هو يلي بيفرض مين الحلفاء الإقليميين يلي ممكن يكونوا موجودين.
هلا سابقاً التدخل السوري إن صح التعبير في لبنان ما أجاى بشكل مباشر فقط. اللي هو صار بالحرب الأهلية. وحتى الحرب الأهلية اللبنانية يعني كان في شروط معينة أدت لتدخل مباشر. لكن سابقاً كان يتم دعم جماعات معينة. مثلاً في ظل الصراع الدائر على الشرق الأوسط بالخمسينات ما بين الاتحاد السوفيتي عم يحاول يمد نفوذه والولايات المتحدة عم بتحاول تمنع هذا التمدد. كان في يعني بعد الوحدة بين سوريا ومصر نوع من دعم لجماعات معينة في لبنان. أدى هذا إلى تدخل صريح ومباشر من الولايات المتحدة عام 1958. بعدها بالحرب اللبنانية القضية الأساسية اللي كانت بتشغل بال القيادة السورية في حينه هو عدم تعاون مجموعات في لبنان مع إسرائيل. وهذا بيضعف الموقف السوري أو خاصرة الرخوة أو قص على ذلك. فادى إلى تدخل مباشر تم تسويقه عربياً لاحقاً. لكن وقتها الجيش السوري يعني كان متماسك. كانت الدولة السورية متماسكة. كان في حرب تشرين. كان في قضية دولية. كانت سوريا لاعب دولي. كان في كمان هذا فيك تأخذه بعين الاعتبار ضمن مفاوضات مع العدو الإسرائيلي. وكان ديفيد وكيف بدنا نوازنها وقس على ذلك.
هلا حالياً ما في هالتماسك بسوريا يلي بيسمح بهكذا تدخل مباشر. وما في هالعناصر بلبنان أو هالمشروع بلبنان يلي ممكن دعمه مثل ما كانت مثلاً الجمهورية العربية المتحدة تدعم مثلاً قوى تقدمية داخل لبنان مقابل قوى رجعية.
>> لكن ما في شيء بيمنع أي شرق أوسط معين يتم التفكير فيه على أساس أفضلية للطائفة السنية ضمن لبنان. ويتم دعمها عربياً من قبل مثلاً دول الخليج وتركيا أيضاً. بحيث أنه ينطلق مشروع ما سني في لبنان يوازي المشروع مشروع الشيعي الإيراني سابقاً. وبالتالي بيكون النفوس فيه هون لصالح مملكة عربية سعودية لصالح تركيا كذا. لكن المشكلة في السلطة الحالية السورية هي أنه ما لها أنصار كثير لمشروعها داخل الطائفة السنية نفسها. في لبنان. هو مشروعها إسلاموي. مو مانه تقدمي. وبالتالي مش بالضرورة هي تلاقي هالحامل السني يلي ممكن هي تدعمه مثل ما صار سنة الـ 58 1958.
>> نعم.
>> فهون في عنا إشكالية.
>> أها.
>> لكن على الأغلب التدخل هو لزعزعة إذا بده يصير. مش أنه تدخل سوري مباشر في لبنان إذا بده يصير. لأنه هذا كمان له محاذيره. السلطة السورية أكيد بتخاف أنه هي يكون في عندها خسائر. مين بده يعوض لهي الخسائر؟ كيف بده يرتد عليها سلباً أو داخلياً في سوريا وقس على ذلك.
>> نعم.
>> كيف هم بدهم يدعموا هذا المشروع السني في حال تحليل صحيح؟ يعني نحن مو واضح تماماً. لكن مبدئياً الهدف هو خلخلة المشروع الشيعي.
>> طيب. بدي أرجع للسياق الأمريكي السوري كمان. بالايام الماضية في أمرين لافتين. واحد من ساعات هو أنه وزير الخارجية الأمريكية حذف اسم سوريا من القائمة الأمريكية للدول غير المتعاونة بشكل كامل مع جهود مكافحة الإرهاب. والش هو التعديل يلي صار لقانون موازنة وزارة الدفاع الأمريكية بخصوص النفوذ الروسي بسوريا. كيف بتشوف هال أمرين؟
>> منطقيين جداً وضمن سياسة تدرجية. يعني في شيء متدرج فيما يتعلق بأنه نحن بنعطيهم شوي لهي السلطة. بنشوف كيف ه عم يتعاونوا. هل عم ينفذوا الشيء اللي نحن تماماً بدنا إياه ولا لا. وبالتالي بنعطيهم شيء إضافي. فيما يتعلق بالنفوذ الروسي. هذا فيما يتعلق بالعقوبات. لأنه كمان أنت في عندك الدول اللي هي مش بالضرورة مستعجلة. هون في نقطة كثير أساسية هي أنه الدول المحيطة في سوريا ما كثير واثقة بالمشروع الجهادي أنه هو يستحكم أو يستقر في بلاد الشام. لأنه هي بتخاف أنه إذا في تجربة ناجحة تنتقل لعندهم. نحن عم نحكي على الدول اللي عندها مشكلة مع التيار الإسلاموي بداخلها كمعارضة داخلية. الأردن، مصر، السعودية، الإمارات كذا. هذا الحلف. هذول مترددين في قصة يدعموا بشكل مباشر كم مصاري فورنارك انفستمنت كذا عملية التعافي بسوريا خوفاً من هالموضوع. فهن عم يمشوا بالتدرج مع الولايات المتحدة. أحد أساليب وأدوات هذا التمنع أنه يا أخي أمريكا لسا ما عم نقدر نحول مصاري مضبوط لأنه ما شالتكم من على اللائحة الفلانية أو ما شطبت البند الفلاني من القانون الفلاني علقت كذا. فهذا عم صير عم صير بالتدريج. أنا برأيي من يعني بالتعاون وبالتوافق مع أمريكا وحلفائها في المنطقة أنه صار وقت نرفع هالقصه وكذا. قضية روسيا هي القضية الأساسية بالنسبة للولايات المتحدة. تدخلها في سوريا كان وما زال عبر العقود الماضية كلياتها يهدف لإضعاف النفوذ الروسي بالشرق الأوسط.
هلا يلي عم يحصل هو نوعاً ما أنه السلطة السورية الحالية عم يكون في تشبيك معين مع موسكو. ليش؟ لأنه الجيش السوري مثلاً عتاده شرقي من روسيا. بدهم ذخيرة. بدهم قطع تبديل. بدهم كذا. وهم دور يلعبوه في استقرار استقرار ربما الساحل السوري. فنوع من التحييد. هذا الشيء تم برضا واشنطن. زيارة أحمد الشرع لموسكو في أيلول الماضي أو في شهر 10 الماضي هي ما صارت غصباً عن راس في واشنطن. وما سمعنا ردات فعل عنيفة من واشنطن فيما بعد. فهن كمان ماشيين بالتدريج. لكن الهدف الأساسي للولايات المتحدة هو إخراج روسيا ونفوذها. تقليص نفوذها ما أمكن بالشرق الأوسط. وهي كمشت سوريا الآن يعني أخرجت روسيا عملياً من اللعبة. وهلا شوي شوي بدهم يبلشوا بقصقصة جوانحها إن صح التعبير. أنه خلينا نشوف يعني وليس فقط أنه هل هي ممكن تشكل خطر على قاعدة انجرليك مثلاً على قواتنا الأمريكية. ولكن كمان عم يحكوا مثلاً بمبدأ المحاسبة. أنه هل مارست هي القوات بيوم من الأيام أي دور في قتل المدنيين مثلاً في سوريا. وقس على ذلك. وبالتالي ليس موضوع وقائي ولكن محاسبة أيضاً. فهن ما عم يخلوا أي باب مسكر في عملية أي قصقصة النفوذ الروسي ب بسوريا وإخراجها نهائياً من سوريا. يعني هذا الم.
>> هون بظل بظل ملفان اللي حكينا عنهم. يعني إن كان موضوع التدخل إلى جانب إسرائيل ضد حزب الله بلبنان أو موضوع لجم النفوذ الروسي ب بسوريا لمصلحة أمريكا. البعض بيعتبر أنه وصلت السلطة السورية الحالية إلى أي لحظة حسم الخيارات. قبل كان فيها تكون منيحة مع تركيا ومع إسرائيل بذات الوقت. لا. هلا صار بدها تنقي. قبل كان فيها تكون مع روسيا وأمريكا. لا. صار بدها تنقي. وبالتالي ما تضل منيحة مع كل الأطراف. رح ينعكس عليها بتوافق على هذا التوصيف أو لا؟
>> لا ما بوافق. لأنه أنا ما بشوف أنه السلطة الحالية في سوريا عندها رفاهية الاختيار ورفاهية القرار الوطني يلي بيجي بيقول أنه نحن سوريا شو مصلحتها. وبالتالي بنروح يمين وبنروح شمال وكذا. هذا لسه بكير عليه كثير في حال استقرت هذه السلطة. لحتى ينشأ عندك حالة وطنية مان معتمدة بالكامل بدءاً من شرعيتك وأنت ماشية على الخارج. وبالتالي يكون في عندك القدرة أنت كدولة أنك تقول هي أنا بتناسبني وهي لا بتناسبني أكثر.
فهن ما عندهم قدرة على الخيال. هن مجبرين على أنه هن يعني ما بدي أقول ينفذوا ولكن أنه يمشوا مع الأطراف يلي جابتهم. لأنه بقاء هذه السلطة واستقرار الدولة مرتبط برضا هذه الأطراف. فهن لاعب بسنمية يوتيليتي. يعني هو لاعب ما بدي أقول كمان كلمة أداة. ولكن هو أقرب للأداة في مشاريع أوسع بكثير. ما حدا فاضي حالياً يمنح السلطة في سوريا مساحة أنه هي تقرر شو بدها. نحن خ حالياً عم نعيد تشكيل الشرق الأوسط. أنت اجيت استلمنا استلمت أو سلمناك هي البلد منشان لحتى نخرجها من دائرة صراع معين. نخرجها من دائرة نفوذ معينة. وبالتالي أييه يعني بدك أنت تمسك الأوضاع هون ونحن بنساعدك.
>> نعم.
>> بس شو ما بدنا ضمن هذا الإطار الكبير اللي هو إطار إعادة تشكيل الشرق الأوسط. أنت بدك تشتغل. وإلا ما نبلش نقول لك خيو تعال شوف هي القصة بنفتح لك إياها وهي الباب بنفتح لك إياها. يعني مثلاً ما في شيء أبداً بيجبر الولايات المتحدة كان هي تتخلى عن مشروع قسد لصالح الدولة المركزية بالشام مجاناً. هم تخلوا عنه على أساس أنه تصير الدولة المركزية بالشام هي بشكل مباشر ولاحقاً من هون لبضع سنوات دائرة بشكل كامل ضمن الفلك الأمريكي مثلها مثل أي دولة أخرى في في المنطقة. وبالتالي شو خيارات السلطة الحالية حالياً؟ لا يوجد كثير.
>> طيب بهذا الوضع لما قلت لي وهون بدي أبلش أفوت شوي على الشق الداخلي. هيدا كله اللي عم نحكي بالخارج. الوضع بالداخل كيف عم بيكون؟ كيف عم تتابعه؟ بنشوف ضائقة اقتصادية. تحركات مطلبيه. اعتراضات لدى البعض. قوانين أو قرارات بالاحرى خلينا نسميها ما حدا بيعرف أي أي شكلها. غموض حول بنية هذه السلطة.
>> ليتضح للعيان يعني بعد هالعام ونصف تقريباً أو أكثر عام سبعة أشهر هو الهلة اللي موجودة فيها هي السلطة. في شيء اسمه الخبرة التراكمية للدولة. يعني أنت سابقاً سوريا كانت دولة. كان أنت في عندك ناس مثلاً خلينا ناخذ وزارة الإسكان مثلاً. أنت في عندك مهندسين أو إداريين مثلاً ضمن وزارة الإسكان بيتدرجوا من الألف إلى الياء إلى ما هنالك. بيجي وقت بيستلموا مناصب عليا. بيكون بذهنهم بمخهم في كثير قضايا صايرة بهال 20 سنة الماضية. أحياناً بيجي ناس كان بالباراشوت بوصايط معينة بحاجة لـ يعني ملء مقعد شاغر لطائفة ما أو لمجتمع ما في مكان ما. بدنا هلا وزير حلبي أكثر واحد يعني الواحد الحلبي مثلاً الموجود عمره والله 35 سنة. ممكن نحن نتغاضى عن أشياء معينة. لكن كان في شيء اسمه خبرة تراكمية. هي الخبرة التراكمية حقيقة انتهت حالياً أو انتهت بشكل كبير. الناس عم تلمس هذا الشيء. ليش انتهت؟ أولاً تم تسريح أعداد هائلة من الناس. هلا في حديث عن أنه إعادة بعض الأشخاص للاستفادة من هكذا خبرة. لكن الأهم من تسريح مئات الآلاف من الأشخاص هو أنه المدراء اللي ظلوا بمكان مكانهم القرار مو لهم. القرار لأشخاص مؤتمنين أو أي مقبولين أو يمكن الوثوق بهم من هذه السلطة. شيء بيقول لك مشايخ. شيء بيقول لك أمراء. شيء بيقول لك كذا. ففجأة أنت صار وكأنه نحن عم نبني دولة من تحت الصفر. ما عاد في دولة. بدها فترة الأمور لحتى تتعافى لجهة أولاً أنه هي السلطة تكتشف أنه هي ما فيها تضل ماشية بهيك أمور أو بهذا الاتجاه. اتجاه من دون هي الخبرات السابقة. وبالتالي بدهم يلاقوا طرق لحتى استعادة هي الخبرات السابقة. واثنين نفسهم هم عم يتعلموا.
هلا إلى حينه إلى حينه الناس عم تشعر بالفقد. والناس عم تشعر بانعدام الأفق. باللحظة اللي وصلت فيها هي السلطة للحكم على أنقاض السلطة السابقة على أنقاض الدولة السابقة. كان في نوع من الأمل يلي الناس أملت حاله. العالم كلياتها كانت شايفة طبيعة هذه السلطة وكانت شايفة أنه الفصائل غير متفقة مع بعضها. لكن على الأقل ما عندهم حل. ما أضيق العيش لولا فسحة الأمل. ما عندهم حل كان أنه إلا يتأملوا أنه خلص هلا أمريكا بدها تدعمها. الدول العربية كلها بدها تدعمها. يلي هم كانوا عم يحاربوا السلطة السابقة. لكن مع حالة التردد العربي والإقليمي في دعم ه السلطة مخافة من انتقال المشروع الجهادي لها. الناس بلشت تشعر بالضيق. هلا صار مثلاً في زيادة رواتب سابقاً. عفواً يعني مؤخراً. لكن وهذا أعطى شعور ارتياح عند مجموعة من الناس. لكن هو هذا انعكاساته الإيجابية مهما أتت سريعاً لا يمكن أن توازي تسريح مئات الآلاف من الناس. مئات الآلاف من العائلات وقطع أرزاقها. يعني إجباري بده يكون في خلل معين. فكيف بدها تنحل هي القصة على القضايا المطلبيه؟ هي شيء مانه واضح. هل سوف ينعكس هذا على استقرار البلد؟ الناس ما عندها خيارات أخرى غير أنه هي ترفع صوتها. وبالتالي ربما تشجع الناس الداعمين لهي السلطة أنه هم يتدخلوا.
هلا باللحظة اللي بتفقد فيها الناس الأمل في هذه السلطة. نحن بنوقع بمشكلة كبيرة. لأنه برجع يعني كيف بدك تعيد تشكيل الأمور. وهذا شيء يعني حالياً ما في سيناريو عم يتخيله. ومانه بالسهولة يلي كانت الناس تتخيلها بيوم من الأيام. أنه نحن خيو خلال أسبوع بطير مثل ما طار اللي قبله. خلال أسبوع للي قبله طار خلال 14 سنة شغل. وإذا بدك من سنة من أيام كان ديفيد عم يشتغلوا فيه لهذاك النظام. يعني فايه بلحظة الانفجار أو بلحظة الانهيار. يعني صحيح ما استمرت أكثر من عشرة أيام. لكن بالحقيقة هو التقويض ضل على مدى كبير. شو الخيارات أمام الناس مانه واضح. لكن ممكن كثير تندفش الأمور باتجاه اللاعودة بأي لحظة لأي مشكلة صغيرة. ليش؟ لأنه الناس جوعانة يعني.
>> نعم.
>> طيب إذا عطفنا السلطة الأداة مثل ما استعملت حضرتك التعبير بالش الأول مع التردد العربي والإقليمي بالدعم مع الوضع الداخلي مع خلفية هذه السلطة وقله الخبرة التراكمية تبعها. عطفناهم كلهم على بعضهم. فينا نروح لاستنتاج أنه حكماً في تغيير مقبل. وبنرجع نشوف شو نوعه هذا التغيير أو لا. في هيدا ستاتيكو يضل عشرات السنوات؟
>> ما فينا نتأمل بتغيير من وجهة نظر سياسية. لأنه الجهات اللي هي قادرة على التغيير همها هالحالي ينحصر في استقرار الأمور بأي ثمن كان. من أجل يتخلصوا من النفوذ الروسي ومن النفوذ الإيراني. وهي عملية عم تاخذ أكثر من الوقت اللي كانوا هم مفكرين تاخذه. في ظل الشيء اللي عم نشوفه بالحرب الدائرة مع إيران. يعني إيران حالياً هي بموقف ما كانوا هم يوم اللي اتخذوا قرار بنهاية شباط أنه يدخلوا بهي الحرب. ما كانوا متوقعين أنه إيران تكون بموقف ما بدي أقول حاكم تفاوضي يعني بموقف حاكم بموقع حاكم على طاولة المفاوضات. لكن هي بموقع أفضل بكثير من ما هم كانوا متخيلين. ليش؟ لأنه إيران استطاعت أنه هي توسع دائرة توسع طاولة المفاوضات وتقعد عليها لاعبين آخرين ما كانوا مدعوين للطاولة من البداية. اللي هن دول الخليج. اللي هن أوروبا. اللي هن الصين. يلي كلياتهم متأثرين بشكل مباشر بش بما يحدث.
>> أها.
>> وكلياتهم عم يلوموا الولايات المتحدة وإسرائيل. فالسلطة الحالية رح تتمسك فيها وجهة نظري الولايات المتحدة أكثر خوفاً من الموضوع الأساسي. اللي هو عودة روسيا وعودة إيران. فهذا بده ياخذ وقت. إلى أن يتم الإفراج عن الشعب السوري والقول أنه الشعب السوري يستحق شيء أفضل. حالياً كلياته عم يدهن الهواء بويا سكلة. ما بنقول قول يعني. أنه ليك ما أجمل الأمور وليك وما أجمل الأمور. فقط مشان نفسياً يقولوا لهم للناس أنه نحن راضيين. والأمور أفضل. في هناك ضوء في نهاية النفق. لكن حقيقة الناس كلياتها شايفة أنه الوضع كثير سيء. أمنياً. اقتصادياً. في عندك كثير مشاكل. عندك قضية المعتقلين. عندك قضية اختطاف النساء. عندك قضية المسرحين من الوظائف. المهجرين من بيوتهم. الاستملاكات اللي عم تصير. شيء بيقول لك القانون العصملي. شيء بيقول لك كذا. في إحساس عند الناس بسوريا أنه هناك من يسن أسنانه ويريد أن يهبش ما أمكن. لـ لـ لا يحدث تغيير لاحقاً. لكن قناعتي هي أنه التغيير هذا مو بالسهولة اللي بده يصير. مو لأنه الدول ما بدها أي السوريين يعيشوا بحياة أفضل. مو همهم حالياً. همهم استكمال استبعاد روسيا. استكمال استبعاد إيران. وهذا بيفرض على الناس أنها تفكر على المدى البعيد. مو على المدى القريب. لا بقى حدا يفكر أنه نحن هذا بيطير خلال يومين والفصائل بتعلق ببعضها. وإسرائيل بتحتل دمشق وبيعيد روسيا استيلاء على الساحل كله. هذا حكي فاضي.
الحكي المليان هو أنه الناس مغبرة تستعد لتعاطي على المدى الطويل. وتبلش تفكر كيف بدها تحافظ على القيم تبعها يلي بنتها على مدى 100 عام من الدولة السورية من عمر الدولة السورية. وكيف تتعايش مع بعضها بغض النظر هي السلطة حالياً باقية ولا ما باقية. وانتهى المشروع الأمريكي بإخراج روسيا وإخراج إيران. ولا لسماتها.
>> أم يعني على السوريين الانتظار أول شغله يشوفوا ملف إيران شو بده يصير فيه. وبعده بنشوف التبعيات كيف ممكن تنعكس. وليس بالمدى السريع. منه ما أنه شحطة قلم.
>> مش الانتظار. العمل. البدء بالعمل على أساس أنه ما بقى حدا يفكر أنه نحن بدنا ننتظر. لأنه هذول أكيد بدهم يغيروها. وما بتتوافق مع الأردن. وما بتتوافق مع مصر. ولا بتتوافق مع إسرائيل. أنا برايي التفكير بهذا الشكل هو بيؤدي إلى خسارة وقت كبير. ينبغي العمل من الآن على تثبيت قضايا مفاصل صغيرة. أنه أنت فلانه تقدر تدخل على مكان من دون ما تضطر تتحجب أو إلا تحط مكياج. شايف هي المسائل البسيطة. قضايا الاعتقالات اليومية. قضايا القتل. قضايا الاختطاف نساء ورجال بالمناسبة. قضايا أنه فلان عم يتهجر من مكانه. قضايا لها علاقة بقيم قيم السوريين اللي طوروها على مدى عام 100 عام أو قرن من الزمان بعد الانفصال عن الدولة العثمانية. هي بحاجة لشغل من لا الآن. في ناس شايفين هذا الشيء. لكن أغلبية الناس متواكلة أنه مستحيل هذا يضل بمحله. ليش بترضى أمريكا أنه القاعدة ومهما كذا؟ طيب كل الإشارات اللي عم تصدر من أمريكا هي أنه نحن خيو عم ندعم السلطة الحالية. هذا مو كرمال يجاكروا السوريين. لا. كرمال يفكروا. كرمال يفهموا الروس أنه خيو نحن أتينا إلى هنا لكي نبقى وإلى الأبد. يعني ما حدا شايف السوريين بكل هالمعادلة. والسوريين من الآن لازم يبلشوا ينظموا نفسهم على أساس أنه في احتمال أنه الحرب مع إيران تطول عقد عقد من الزمن. شو بيعرفنا؟ ما هم صار لهم عم يشتغلوا بإيران قديش؟ ما صار لهم 25 سنة 30 سنة عم يشتغلوا بإيران من انتهاء الحرب العراقية الإيرانية. وهن عم يضغطوا على إيران وحصار وعقوبات وإيش. وهلا بسلموا صواريخهم. وهلا بيوقفوا النووي. وهلا كل ما الأمور عم تتعقد وما بتعرف أي متى بتنتهي. وأنا يعني شبه متأكد أنه أمريكا مستحيل تترك للسوريين أي منفس أي متنفس طالما في خطر عودة إيران وفي خطر عودة روسيا. فالكل لازم من هلا يبلش يشتغل أنه هي السلطة ممكن تضل بمحلها لفترة أطول من المتوقع. وبالتالي تعال نشوف شو فينا نعمل لحتى نضغط باتجاه الحفاظ على حقوقنا والحفاظ على قيمنا. وما نحن نقطع نقطة اللاعودة. شوف نحن مثالنا الأساسي بسوريا هو أفغانستان.
>> نعم.
>> أفغانستان صار كان في نظام تقدمي بأفغانستان. كان مرتبط بالاتحاد السوفيتي. وكان جزء من امتداد روسيا ضمن آسيا الوسطى ومع الصين وكذا. يعني نوع من امتداد اشتراكي. شيء بيقول لك بيهدد الهند. شيء بيهدد باكستان كذا. بدهم يحاربوا. علقوا بقصة القبائل. وعلقوا بقصة أنه نحن أخي هي ما بتمثل قيمنا كأفغان. وصاروا يمولوا هال القيادات الأفغانية والفصائل الأفغانية. قلب الدين حكمتيار. أحمد شاه مسعود. عبد الرشيد دستم. قص على ذلك. طيب بالنهاية استطاعوا أنه هم يلحقوا خسائر كبيرة بالقوات السوفيتية. انسحب الاتحاد السوفيتي. ونهار الحكم في أفغانستان تبع نجيب الله بالعام 1988. استلموا الشباب بعدين تخانقوا بين بعضهم. اجت أمريكا دعمت فصيل بالتعاون مع باكستان آخر اللي هو فصيل طالبان. طلاب المدارس الدينية في باكستان من الأفغان أفغانيين يعني طالبان. وراحوا باتجاه كابول ودعموهم وأخذوا كل هذا. طيب في ثريشولد. في خط معين هو نقطة لا عودة. ما بقى أنت فيك تتخيل أفغانستان بعد هالخط هذا ما انقطع أنه هي ترجع باتجاه الحريات بسهولة. خلص صار في شيء متجذر. خصوصاً بالجيل الجديد يلي هو ما بيعرف. يعني نحن في عندك أنت جيل عمره تقريباً من اللي وقع على الدنيا من 15 سنة وهالحل اللي هلا صار عمرهم فيك تعتبر 25 و 30 سنة. هذول ما بيعرفوا سوريا من قبل. ما بيعرفوا كيف أنت كان بإمكانك تعمل اللي بدك إياه. وتلتقي مع بدك إياه. وتتزوج اللي بدك إياه. وتشترك اقتصادياً مع اللي بدك إياه. كان الموضوع مختلف كلياً. هذول نحن بحاجة لحتى نشتغل عليهم لحتى نفهمهم شو هي طريقة الحياة بسوريا كانت.
>> مشان هيك.
>> واللي نحن أه.
>> نعم. مشان هيك في كثار بيعتبروا أنه عودة سوريا كجغرافيا وكمجتمع وكعقد اجتماعي اللي كان قائم هي مستحيلة. ويعتبر أنه الذهاب هو حتماً أما تقسيم أما فوضى أما صيغ من هذا الشكل. خلينا نتذكر أنه اللاعب الأساسي هو لاعب خارجي سواء إقليمي أو سواء الولايات المتحدة. تقسيم سوريا يعني في كثير من الإخوة اللي كانوا مثلاً بيحكوا عن موضوع الفيدراليات. أنه أخي نحن بالجنوب كذا. بالشمال شرق كذا. بالساحل كذا. طيب عظيم. بالنسبة للاعب الأساسي يلي بحلّه بيربط وجود منطقة مثلاً بالساحل هي مدعاة لعودة روسيا. هي مدعاة لعودة إيران. طيب ما رح يرضوا. يعني في في قضايا بديهية أنه هذا التقسيم مستحيل يصير بهذا الشكل. حتى موضوع السويداء حالياً. عم يتم ربط أنه والله نحن ممكن يتدخل السلطة الحالية تتدخل في لبنان ضد حزب الله. لا في مقابل أنه إسرائيل تلين موقفها فيما يتعلق بالسويداء. طيب موضوع السويداء بشكل عام هو موضوع مؤقت. المثال الأساسي هو شمال شرق سوريا. تجربة المشروع الكردي القسد.
>> الولايات المتحدة تخلت عنه رغم أنه دعمته ومولته واستفادت منه في مقارعة النفوذ الروسي بسوريا. يعني هذا المشروع عملياً ما وضع أيديه رجليها على الأرض لوقت اللي فاتت روسيا على سوريا عام 2015 على حميميم. طيب هذا تخلت عنه الولايات المتحدة طوعاً في سبيل أنه تكون سوريا واحدة كلياتها تحت نفوذها. طيب إذا أنت قسمت سوريا. طيب هي بتصير الولايات المتحدة بدل ما تتعامل مع لاعب بدها تتعامل مع خمس لاعبين.
>> موضوع أصعب بكثير. بيسهل أنه هي تضل سوريا واحدة.
>> الفوضى.
>> أه.
>> احتمالية الفوضى احتمالية قائمة. لأنه السلطة برجع لـ فكرة أنه السلطة الحالية بالرغم من مستشارينا الكبار أي والكثار عفواً. واللي شيء بيقول لك تركيا. شيء بيقول لك بريطانيا. أكيد الولايات المتحدة كذا. كل هاللاعبين والعرب وهذا. إلا أن التحديات تبعها كبيرة. والشيء اللي سوته في البداية وما زالت تمارسه هو بيؤدي إلى انفض الناس عنها اقتصادياً. أمنياً. أنت شو في مبرر أنك أنت تضل عم تعتقل الناس؟ شو في مبرر بعدين بكره جايتك قصص مثل موضوع العدالة الانتقالية.
هلا شوف مثلاً كيف السلطة تتصرف. أنه باللحظة اللييلي بلشت فيها المطالب تطلع على السطح أنه أخي نحن موضوع الكهرباء. يعني تشجع قسم من الناس يقول يا أخي أنا بدي أبلش أحكي بالمطالب تبعي. رح أموت من الجوع. واجوا بدهم ينزلوا على الشارع منشان لحتى يعبروا أنه أخي موضوع الكهرباء موضوع. يا أخي الاستملاك موضوع كذا. كان في 20 بند ما هيك؟ طيب عظيم. شو اجت عملت السلطة مباشرة؟ فتحت موضوع العدالة الانتقالية. وفتحت موضوع التجريش ضد الطائفة العلوية. شوف هي السلطة فيها نقطة كثير أساسية. هي السلطة هي تعلن انتمائها للطائفة السنية والحديث باسم الطائفة السنية. لكن هي مانها مقبولة سنياً. لأنه ببساطة هي متطرفة. يعني هي متطرفة. مانا وسط.
>> نعم.
>> ولانا يسار. هي متطرفة نحو اليمين. طيب هي بتخاف دائماً أنه أنا أخسر قدرتي على التحكم بالطائفة السنية. لأنه هي هي بيئتي الطبيعية. هي بتشوف الطائفة السنية بيئتها طبيعية. فوقت اللي بتيجي الطائفة السنية مثلاً بدمشق. بيطلع مظاهرة مطلبيه. أو بحلب أو بمكان آخر. أو حتى إدلب إذا بدك يعني. شو الحل؟ الحل أنه نحن نجيش هذه الطائفة السنية مذهبياً. وبالتالي على خيويا يا أمجد يوسفي اللي بجوز نحن بنعرف مكانه من سنة ونص. هلا بده يطلع. هلا بدنا نطلع ملفات صيدنايا اللي نحن كامشينها من سنة ونص. هلا بدنا نطلع فيديوهات مشفى تشرين اللي نحن بنعرفها وكامشيناها من سنة ونص. هلا بنطلعها. منشان شو؟ منشان يصير في احتقان مثلاً ضد الطائفة العلوية. وبيصير سهل حكم الطائفة السنية. يعني استخدام الطائفة العلوية. استخدام الدروز. استخدام الأكراد. من أجل يضلوا كم هي الطائفة السنية. طيب أنت وقت اللي عم تشتغل هيك بالنهاية. أنت لا عم تقدر تمسك الطائفة السنية. لأنه قضاياها مطلبيه وواضحة. وفي هله بالخبرة تبع إدارة الدولة. وعم تخسر البقايا كلياتهم. فإجباري احتمال الفوضى قائم. وهذا بشكل طبيعي.
>> نعم.
>> فما بالك أنه أنت في ناس عم تشتغل لحتى تصير هي الفوضى. يعني أنت مثلاً في عندك كمية هائلة من الأخبار الكاذبة والمنحولة عم تنضخ بشكل يومي على صفحات التواصل الاجتماعي. طيب هي في مين عم يدفع مصاري. عم يستثمر فيها. من أجل إيش؟ من أجل إبقاء هي الفوضى أو احتمالها قائم وقائم واحتمالها أعلى. فبالتالي نعم هو احتمال قائم. والله يستر ساعتها.
>> شكراً لك على هذا اللقاء. يعطيك العافية.
>> شكراً لك أستاذ. شكراً للاستاذ.