Transcription
قدم أي حالة نفسية بتمر بها خلال اليوم، بيفضل مفعولها مستمر معاك عدة ساعات ويمكن أيام. لما بتشعر بالغضب في موقف، بالتوتر، بالخوف، بالضغط، بيفرز في جسمك مواد زي الكورتيزول. ولما بتضحك أو بيحصل موقف يسعدك، بيفرز مواد دي. لما بتفرز، حتى لو الموقف انتهى، بتحتاج شوية وقت علشان يعاد تنظيمها في جسمك مرة أخرى، مش في لحظة.
علشان كده لو الموقف بدأ بخوف أو قلق أو توتر من موقف محدد، فجأة بقيت مش طايق أي حاجة تانية. كل ضاغط عليك، كله قلقك، كله مخوفك، لأنك دلوقتي بقيت في الحالة دي، حالة القلق والخوف. نفس اللي بيحصل وقت الغضب، أفكار كتير وحشة بتكون مستعدة تقاطع وتجرح ولا فارق معك.
وأول ما تهدى شوية، بتقول: استغفر الله العظيم. ووجهة نظرك نفسها بتتغير تماماً لمجرد إنك سمحت أن مستوى المواد في جسمك يتوازن شوية.
علشان كده مهم جداً تاخد بالك من الحالات اللي بتدخل فيها، وإنه في كتير من الأوقات بيكون جسمك وعقلك في حالة غير منطقية. قلقك غير منطقي، خوفك غير منطقي، اللي بتفكر فيه وأنت غضبان غير منطقي، وممكن تفضل كده عدة ساعات، ولو الموقف شديد، أيام.
استوعب إنك في الوقت ده جسمك بيمر بحالة معينة. مش مناسب أبداً إنك تاخد قرار دلوقتي، إنك تفكر دلوقتي. هتخاف أكتر، هتقلق، هتزعل. وعيك بالنقطة دي بيصنع كل الفارق، إن مش أنا اللي بتكلم دلوقتي. ادي نفسك فرصة من الوقت تعمل شيء مختلف، شيء بتحبه: تنام، تلعب رياضة. لو استنيت بس كم ساعة، هتشعر باختلاف كبير. جسمك هيهدى، قلقك وتشاؤمك وإحباطك أصبحوا أهدى بكتير، وساعتها هتفكر بأسلوب أحسن.