دلالات المترادفات2 : 10 - ( مفهوم الدين ، القرض ) - مع المفكر ياسر العديرقاوي #رمضان2024

بسم الله الرحمن الرحيم

الحمد لله رب العالمين

الاخوه الكرام، يتجدد اللقاء. سنقف في هذه الحلقه عن الفرق ما بين الدين والقرض. وطبعا يا جماعه، هذه من الفروقات الواضحه، خاصه في ثقافتنا الدينيه وفي ثقافتنا العامه. ان يقول لك الدين الحاجه اللي بتشيلها وترجعها كما هي، والقرض هو اللي بترجع بفوايد. الكلام ده صح، الفرق واضح يعني. لكن احنا دارين نزيد استزاد بيان عن مفهوم الدين نفسه واسبابه، وعن مفهوم القرض نفسه واسبابه.

فالدين يكون بسبب الحوجه الماسه، بغرض الوصول لحاله الحد الادنى من الاكتفاء. يعني البدين ضروره يكون محتاج وفي حوجه ماسه. الشخص اللي بدين يكون عنده حوجه ماسه عشان الدين ده يوصله للحد الادنى من الاكتفاء للموضوع الذي استدان له. هذا هو مفهوم الدين، ويرجع بنفس القيمه وبنفس المحتوى وبنفس العدد. هذا هو الدين، يعني لابد عشان يكون هو دين، يتوفر فيه شرطين: اول حاجه، انت المدين ده تكون عندك حوجه ماسه، وانه الحاجه اللي تدينها دي بتوصلك للحد الادنى من مرحله الاكتفاء، عشان تكفيك.

اما القرض هو عمليه اقتطاع مبدئيا. قرض، قطع الفار. عندما نسميه الفيران، ليه بنسمي بالقوارض؟ لان بتقطع، بتقطع الحاجات. عمليه القرض هي اقتطاع جزء من كل. عندنا شاعر بيقول: "ما غريب الحب يقرض الزول قرض، وانا يعني واحده من حطامه على الارض". هل هذا التعبير صحيح؟ يعني شنو الحب يقرضك؟ هو طبعا قاصد الهلاك والدمار، لكن هذا المعنى غير صحيح. القرض هو عمليه اقتطاع جزء من كل. فالقرض لا يتطلب الحوجه الماسه. انا عندما اقترض، ما بالضروره انه يكون محتاج، وما يكون الاقترضته ده يوصلك لحاله الاكتفاء، قصاد حوجه، وانما بغرض الاستزاده والاستثمار. اذا القرض يكون من البنوك، يعني لما يقترض مثلا فلوس، ما بالضروره اني اكون في حوجه ماسه لكي استهلكه. قد اكون بستدين عشان تستهلك الحاجه دي او تستخدمها، لكن القرض بغرض التنميه والاستثمار، وبالتالي يتم ارجاعه بفوائد وليس بنفس القيمه. هذا هو القرض. ولذلك ربنا ما بيستدين من احد، ولا في حد بيدين ربنا. لكن احنا بنقر الله سبحانه وتعالى يقترض ليه؟ عشان يستثمروا ليك وينموا لك ويضاعفوا لك. مستحيل تجد ايه في القران انه ربنا يقترض، انه ربنا يتدين من حد يعني بسبب الحوجه الماسه لتوصل لحاله الاكتفاء. مستحيل. ولا انت بتقدر تدين ربنا عشان يرجع لك الحاجه نفسها، لا. وانما نحن نقرض الله سبحانه وتعالى. قال تعالى: "من ذا الذي يقرض الله قرضا حسنا فيضاعفه له وله اجر كريم". اذا ربنا حيرجع لك بفوايد، انت تقرضه. "ان المصدقين والمصدقات واقرضوا الله قرضا حسنا يضاعفه لهم ولهم اجر كريم". هذا هو الفرق اليسير والبسيط والواضح ما بين مفهوم الدين.

طبعا مفهوم الدين واضح جدا في ايه الدين اللي هي اطول ايه في القران الكريم: "يا ايها الذين امنوا اذا تداينتم بدين بعد ذاك فاكتبوه..." الى اخر الايات. من خلال عمليه البحث عن معاني المترادفات، تعترضك بعض الملاحيظ. يعني انا عندما نبحث، هو في الحقيقه في يوم امس ونحن مجموعه ثلاثه اشخاص شغالين تحضير في المترادفات، وجينا مفهوم القرض والدين، وان احنا بنبحث في الايات، عرضت لنا ايه: "وترى الشمس اذا طلعت تزاوروا عن كهفهم ذات اليمين، واذا غربت تقرضهم ذات الشمال، وهم في فجوه منه، ذلك من ايات الله، من يهدي الله فهو المهتدي، ومن يضلل فلن تجد له وليا مرشدا". سوره الكهف. الشمس اذا طلعت تزاور، واذا غربت تقرضهم. يعني شنو تلفهم؟ يعني ما هو فهم القرض نفسه؟ تقرضهم. احنا قلنا القرض يا جماعه اقتطاع جزء من كل بغرض الاستزاده والاستثمار. والكلام ده يا جماعه كلام علمي انا لا اعلمه، وانما بوجهك ليه؟ بوجه يا جماعه اصحاب العلوم. نحنا عندنا في ثقافتنا انه شمس الصباح، الاشعه بتاع شمس الصباح اهم من الشمس العصيل. علميا بيقولوا كده، بيقولوا تعرضك للشمس في ساعات الصباح الاولى اكثر فايده للعظام وللجسم من تعرضك للشمس ساعه الاصيل. الكلام ده معروف عن اي حد بيقول لك كده. على حسب انا، انا بقول العكس، انا ما، انا ما علمي. انتوا امشوا ابحثوا. انا داير يا جماعه الناس المهتمين بالعلم يبحثوا القضيه دي ليه؟ لانه ربنا وصف الشمس في الطلوع تزاور، تزور مساك، ما وصف على انها تديهم قيمه، لكن البيغا دي عند الغروب قال: "تقرضهم"، تقرضهم معناها بتديهم حاجه بالزياده كمان. فانا من منطلق هذه الايه، لا اقول اكد، لكن مقتنع تماما مبدئيا ان اشعه الشمس في الاصيل قبل الغروب انفع وافيد للجسد من شمس الصباح. وللمهتمين ان يبحثوا في هذا الشان بناء على قوله تعالى: "وترى الشمس اذا طلعت تزاوروا عن كهفهم ذات اليمين، واذا غروت تقرضهم ذات الشمال".

احبتي، الى نلتقيكم في الحلقه القادمه. استودعكم الله، السلام عليكم ورحمه الله تعالى [موسيقى] وبركاته. ان