قصة الصباغ لي صبغ ضريح الوالي و وقفو عليه جنون مسيفين ( ضريح الوالي عابد في المغرب 🇲🇦 )

هذا السباغ كان خدام كيصبغ في واحد الضريح ديال شي تقريبا مع ديك الوقيته ديال العصر كان بوحده تماك وغير خلو القفار في هذك البلاصه ما كاين حتى شي حاجه تماك من غير هذاك الضريح. السيد خدام كيصبغ حتى لواحد اللحظه غيوقفوا عليه جوج ديال الناس اللي ما عرفهم لا منين خرجوا ولا كيفاش بانوا ليه. بداو كيدويو معاه وبداو كيجمعوا معاه وبداو كيقولوا له فيشي حوايج اللي غتكتشفهم من بعد. من بعد شكروه حيت كيصبغ في هذا الضريح واصلا هذاك الضريح كان مكرفص وكاع مقشر كله. لكنه هما كيهضروا مععاه انا فين غادي يطرى اللي عمره كان منتظره وعمره ما كان منتظر. شكون هما هذ الناس اللي راهم كيدويو معه دابا حيت من بعد غادي يكتشف شكون هما. وهذاشي كامل اللي طر لي كله حقيقي وعمره ما عودوا لشي حد ولاول مره حكاه لينا.

غير هو الخوت ضروري القصه ديال اليوم خاصها شي بخور اللي روحاني بخور اللي غادي يزين لينا الجلسه ويزين الاجواء وما كاين ما حسن من هذ بخور اللبان الذكر خصوصا خصوصا الخوت في هذ المباخره ديال العرعار. هذا اللبان الذكر العماني الحوجري الاصلي كيمتاز الخوت بالرائحه ديالو الروحانيه واللي مهيبه. لبان معق بالعود وباغلى انواع السقوات هماوي الخوت وديال المناسبات وديال الجلسات الفخمه. اللبان بطبيعه الحال الخوت منيابور اللي راكم كلكم كتعرفوها البراند ديالي اللي كنقدمها لكم وانا فرحان الحمد لله وشكرا شكرا بزاف الناس اللي كيقوا فيا. ما يمكنش الخوت واحد الريحه راه يا سلام كون كانت كتوصل للريحه والله كون صيبتها ليكم.

واللي بغى الخوت المنتوجات ديال نيليابور غادي تلقاو الرابط تحت في صندوق الوصف. ما بقى لي الا نقول لكم الخوت سيروا شي بلاصه اللي تكون طرونكيل ونبداو بسم الله على بركه الله.

اسمي عماد وعمري 28 سنة. القصه ديالي من اغرب القصص اللي غادي تسمعوا في حياتكم. داكشي باش غادي نبغيكم تسمعوا معايا مزيان وحلوا ودني نيكم وركزوا معايا. ركزوا معايا وعيشوا معايا في هذاشيء اللي غادي نعاود لكم. انا سيادي بكل اختصار الحرفه ديالي والخدمه اللي كنعرف ندير هي السباغة. كنضرب بريكولات من هنا بريكول من لهيه وهذاشي هو اللي عطاني الله وهذاشي هذا هو اللي كنعرف ندير وما كاينة حتى شي حرفه اخرى حليت فيها عيني. ماغاديش نعود لكم على حياتي ولا كيفاش تزاديت وذاكشي ما مهمش وماكينلاش نطول في الهضره الخاويه. داكشي باش غادي نديكم نيشان للمعقول وغنبدا لكم النهار اللي غادي تبدا بدا فيه هذ القصه ديالي ستياس.

هذ غادي تبدا في الايامات اللي كنت مازال عازب مازال ديال راسي كنت مازال ما مزوجش كنت مريح في الدار ديك الساعه ما كنتش خدام حتى عيط لي ابراهيم. هذا ابراهيم هو السيد اللي كنخدم معاه وكنضربونا ويا بريكولات في هذاشي ديال الصباغه وكان مره مره كيعيط ل بريكول من هنا بريكول من وغاديين بحال هكا. المهم عيط لي السي ابراهيم ذاك النهار الو واش كاين ماشاين قال لي اودي را كاين واحد البريكول في واحد الفيرمه. قلت له من الخير جاب لينا الله خديمه يلا نتحركوا. ابراهيم قال لي بلي هذ الخديمه راه غنمشيو نخدموا لواحد الكليان عنده اللي كان قديم وكيعرفو وهذا الكليان كيقولوا له الحاج العربي. السيد مهوار وكيتهى في الخدامه وسخي. زاد كمل لي ابراهيم هضرته قال لي اودي راني فايت خدمت لي واحد البريكول ومسكين بقى عاقل عل والله يعمرها دار. اما البريكول را السيد كان دار واحد الفيرمه دياله وبغانا نقادو ليه غ شي ضرييبات خفاف ماغاديش ياخذوا لينا اكثر من نهار. داكشي عنده غير خفيف ظريف.

سولته قلت ليه ولكن كيفاش اخويا ابراهيم بريكول غادي النهار ما فهمتوش ما عندوش خدمه بزاف ولا كيفاش البلان. قال لي ودي راه غير واحد البريكو اللي بسيط عنده واحد الكوري اللي بناه جديد وبغاه يصبغه ونتكو هذا ما كان يعني الخدمه ماشي شي حاجه اللي كثيره. قلت ليه صافي اللهم يسر. فعلا داكشي اللي كان شدينا الطريق لعند السي الحاج العربي مشينا تقريبا مع النبوري مع الفجر يلا قال بسم الله تمينا غادين شادين الطريق وصلنا تقريبا عنده مع ديك الثمانيه 8يه ونص. الحاج رحب بنا وكبر بنا الصراحه ما خلا ما دار. الحاج العربي كان واحد الراجل اللي كبير في العمر وباين عليه الوقار والفخامه كيف ما وصلوا له السي ابراهيم كان السيد عروبي على حقه طريقه. كتحس بهيبته في ديك الجلابه اللي لابس وديك العمامه اللي ظهره فوق راسه وكان غير حاط يد يد را يد ورا ظهره وكيدور بك وكيوريك الفيرمه وكيقول لينا و زيدوا سيادي زيدوا مرحبا وغادي كيورينا هنا من ليه هذه من هنا ومره مره كيبسط معك ويقشب معك ولاد الدار الكبيره. عندنا حنا الحريفيه كيبانوا غير من ديك السلام الاولى غير من السلام الاولى كتعرفوا واش ولد الدار الكبيره ولا ميكروب والحاج العربي كان واحد منهم كان الله يعمرها دار مسكين مع شافنا قال لينا اجي واش فطرتوا ولا مازال وزيدوا زيدوا زيدوا تفطروا حتى كنتوا فاطرين زيدوا تزيدوكم فطور الثاني. ايوا اش غادي نقول لكم الخوت ما كاين الزيوته البلديه وكاس ديالهم اسيدي والعسل والزبده وراكم عارفين الناس ديال الباديه. المهم عرقناها وكلينا داكشي اللي قسم الله.

من ورا ما سالينا الفطور ورانا الحاج العربي الفيرمه دوا مع ابراهيم قال ليه شوف اودي الا كنتوا غادي تعطلوا والخدمه غتاخذ لكم اكثر من نهار راه داري مفتوحه لكم جلس وبات وبقاو يومين ثلاث ايام مرحبا بكم والف مرحبا. قال لي الله يا ودي الحاج الله واش جايب موالين كرواسه ولا شنو راه سباغه حنايا نباليو حنا كاع بالصباغه قبل يطيح المغرب. المهم بقينا كنضحكوا ومقشبين وخالقين هنا ابراهيم علمني وعطيناها لاطاك ما جا فين يوصل الظهر كنا دورنا بها الصباغه وانتكنا ذاك الشي بقاو لينا غير شي قنات خفاف والفينيسيون. الحاج العربي مع شاف الديكور قال لنا زكا حدكم تما حبس مولاي حبس الظهر هذا نصليو ونتغداو وارتاحوا شويه وديك الساعه عاد نكمل باش ربي يبارك لكم في الخدمه ديالكم. ما لنا حنا بغيتوا ديروا لي الخدمه ديال الشناوه تزربوا عليا. الحاج صراحه كان الله يعمرها دار درويش بقى كيقشب معنا لكن صراحه انا مع سمعته قال لينا نصلي الظهر سمعت الصلاه وكذا تقرصت شويه هنا فين شاف في ابراهيم وبدا كيضحك كان عارفني ما كصليش الله يسمح لي كان عارفني كنحط الشبهتي للارض بدا كيشوف في ابراهيم وكيضحك زعما ها انت حصلتي والله على الحاج لا طلقك اليوم تتصلي معه صلاه الجماعه. غير يا ربي تسمع سمح لي على كاع ذاكشي اللي فات. من هذا المنبر كنقول للحاج العربي سير الله يرحم لك الوالدين لا انت ولا كاع الناس اللي عزاز عليك حيت سبحان الله عمري ما بقيت طلقت الصلاه من هذاك الظهر اللي صليته معهم جماعه.

ايوا اش غادي نقول لكم سيادنا مع سالينا الصلاق واش عرفتوا باش تغدينا واحد مولاتي القصعه ديال الرفيسه اراه ماكنش وما كاين غير جبد يا ما تجبد. كنقول لابراهيم جبد الفخض عندك ابراهيم جبد ايوا را حط هنا ارا حط هنا زيد زيد ديك الجبانيه ديال الروق واش غادي نقول لكم اخوتي عمرنا المعده مزيان وحرقناها وسالينا وصراحه كان نهار طويل ديك الساعه يعني كاين البركه فيه مازال ما تخدم رجعنا للخديمه بدينا خدامين باق باق ما جا فين يوصللعصر حى صافي كملنا ذاك البريكول كامل ونضينا الشغل. انا فين الحاج العربي فرح بزاف وفرح بزاف كاع كان فرحان بالخدمه ديالنا وديك النقه ديالنا والزربه والفينيسيوم الى اخره من الامور يعني طلعنا ليه المورال ديك الخدمه الزوينه. قال لنا الحاج تبارك الله عليكم والله يجعل البركه تماك فين جبد الفلوس وبدا كيخلص فينا وكذا راكم عارفين.

هنا فين ابراهيم دو معه قال له شوف اودي الحاج راه بقات شي بركه ديال الصباغه محطوطه تماك راه باقي شي نص سطل غير باش تعرفوا الخوت راه الصباغه اللي كان جاب الحاج باش نصبغوا بها كانت سباغه بيضا. المهم قال لي ابراهيم اودي ديك الصباغه دي تبقى شايطه خبيها فيشي بلاصه ولا فيشي قنت وطرفها. الحاج قال لينا صافي مزيانه من الخير من الخير. صافي بقى كيدوي معنا وكيتحدثت معنا سولني انا دار شاف فيا وسولني على على حياتي وعلى راسي قلت له اودي ديال الحاجه انا باقي عزري باقي ما كاين لا زواج لا والو. المهم بقى كيدي ويجيب معايا في الهضره وسبحان الله دخلت ليه لقلبه وعزيت عليه هنا ما عرفتش شنو جاه وكيفاش ما فهمش البلان حتى قال لي شوف ولدي. قلت له نعم السي الحاج. قال لي شوف غادي نصيفطوا هذا المنونخ ديال المعلم ديالك نصيفطوه لداره ووليداته وبقى معايا انت راني بغيتك في واحد البريكول اخر. درت شفت في ابراهيم وحرك لي راسه وغمزني ديك اللعبه زعما غبقى معه بقى مع. قلت له مرحبا السي الحاج وشنو هو هذا البريكو الامام ما هو جاوبني قالي شوف الهيف شوف الهي فوق جيت هذديك الكوديه الفوق راكم دزتوا على الداريح ديال واحد الوالي وذاك الوالي كيفما كتشوف راه هو جاري الوحيد في هذ البلاصه وفي هذ الخلا. غير باش تعرفوا الخوت راه فعلا الدار او الفيرمه ديال الحاج ما كان حداها حتى شي حاجه ما كان حداها لا فيرمه اخرى لا والو واكثر بلاصه او اكثر بنايه قريبه ليها هي هذاك الضريح. غير هو ذاك الضريح كان مهمل مهمل بزاف وكيبان مهجور وسباغته كاع مقشره المهم حالته. الحاج العربي كمل لي كلامه قال وشوف اولدي غادي تهز هذك الصباغه اللي شاطت اصلا حشومه تضيع غادي تبقى غ تماك هزها وسير ضرب على الوالي شي دويره تماك حتى هو كرمه بديك الصبيغه را كاع الحيوطه داخل كلهم تقشروا وكاع غمال مع الزمان والخلاص اولدي ديال هذا البريكول را بوحده غنتهلا فيك ان شاء الله. ومن هانيت ا ولدي هذا الخير هذا راك غادي ديرو في مول هذاك المكان واللي الله يواليه برحمه الله وديو معه هذا الاجر هذا.

صراحه اش غادي نقول لكم انا تماك بلاع طريقي وبديت كنفكر بديت كنقول وا حى غادي نطلع حى الكودي الفوق وندخل الضاريح ونسبغ كامل وت را بريكول هذاذا عاوتاني صراحه بقيت ساكت كنت متردد. المعلم شافني المعلم ابراهيم شافني بحال عكزت وهو ينقص قال الحاج والله يعاونك الحاج وها هو هذا المنونخ غادي يعني على راسه دار. شاف فيه قال لي عماد انا غادي نخلي لك الماطريال والمسائل وراح الحاج غادي يتكلف بك ان شاء الله في الروتور واللي غيرجعك ما تخافش. معلم كندوي معيا بواحد الطريقه بحال زعما صافي انا راني قبلت هذا البريكول وغادي نديره زعما واللي بغيتي دير دير زعما دبر راسك خخا. ما عرفتش شكون قال لي انا قابل لكن راكم عارفين جابني حتى لهنا وهو كيعرف الحاج ما بغيتش نحاشمو مع الحاج داكشي باش بقيت ساكت وفي الاخر قلت له يا بسم الله توكلوا على الله. الحاج قال لي صافي افقنا توتو. قلت لي ايه هي الحاج صافي واخا صافي كون هاني نقضيو ان شاء الله. تماك فين تسالمنا مع ابراهيم وهو مشى بحالاته. صافي مشيت هزيت الماطريال هزيت السطال ديال الصباغه وتميت غادي شاف الطريق للكديه اللي كان اصلا غادي معيا الحاج العربي ليها كان غادي معيا يونسني ويطماني. مع وصلنا للباب ديال الضريح مسكين تحنى وبدا كيحيد فيشي ربيع من حدا الباب وكينقي الدنيا وهذ الامور هكاك حتى نقى المسائل وداكشي عاد هو يدخل للضطريح لداخل. صافي دخل وانا تبعته داخل كان مظلم شويه كان يلا شويه ديال الضوء ديال الشمس هو اللي كيدخل لتماك كيبان لك ذاك الشي ضو خافت وداخل الوسط كان واحد القبر ذاك القبر كان هو ديال الوالي. بعد كانت واحد الثقبه في الحيط اللي كيتحط فيها الشماع اما الحيوطه اللي كانوا لداخل كانوا ممسخين وحالتهم مجرتلين كانوا مسخين بلاطراس ديال اليدين وديال الحنه وعد زيد المشاطي مرميين في الارض. ش غادي نقول لكم واحد الديكور فيشي شكل. الحاج مسكين جبد واحد الميكه وبدا كيجمع فيدوك المشاطي ودوك الشراوط وكاع ذوك الامور اللي كانوا في الارض كيجمع وكيلوح فيديك الميكه وكيقول اه اه الكفاره بالله الميت ماكيخليوش في راحته. شوف ا ولدي عماد شوف كيفاش ردوا قبر السيد شوف شوف شو الحاله. كان اخوتي كيجمع فيذاك الشي وكيردد في هذه الجمله ديال الكفره بالله والله يهدي الناس الله يهدي الناس.

تماك فين سولت الحاج قلت له الحاج قول ل هذ البلاصه هذه ديال الشمع علاش زعما هذه علاش يعني علاش هذو اللي كيجيو لهنا كيجيبوا معهم الشمع. جاوبني الحاج قالي اودي الشمع شحال هذه وسنين هذه كان غير واحد التقليد وصافي والاولياء كانوا اغلبيتهم فقها وعندهم الزوايا ديالهم وشحال هذه ما كانش الضوء كيف ما انت راك عارف داكشي باش دوك الطلبه اللي كيكونوا عند الوالي في الزاويه دياله واللي كيكونوا كيتعلموا منه الفقه واصول الدين كان والديهم بغاو يجيو يزوروهم تما في الزاويه كيجيبوا لهم المويكله ويجيبوا لهم الخبز والغطا والمسائل اللي كيحتاجوا وكيجيبوا معهم حتى الشمع باش يضويوه. الشمع كان بمثابه واحد الهديه وصافي باش هذك الزاويه اللي ما عندها منين تشري الشمع كتلقى باش تضوي وتلقاو دوك الشميعات باش يضويو حيت ما كانش الضوء. ايوا ولدي من بعد سنين وسنين راك عارف الناس خداو هذا الشي من جهه اخرى ولا الشمع بالنسبه لهم واحد التقليد اللي ضروري في الزياره بحال الا هذا السيد الميت مازال حي وخاصه الضوء حتى هو باش يضوي بالليلته. قلت لي هاكاك فهمتك الحاج فهمتك الحاج.

من بعد ما نقح ذاك الضريح ديال الوالي وحيد كاع ذاك الزبال حشاكم ودوك الشي اللي كاع تماك تحنا عند قبره وبدا كيدوي معاه. انا صراحه ما فهمتش علاش جاني الديكور غريب لكن فسرت هذا الديكور وشرحته باللي الحاج يعني دار هكا غير عن حسن النيه وصافي بحاله بحال اي بدوي تماك في هذك المنطقه. كان الحاج تحنى على القبر وحط يده عليه وقال ايوا السي الوالي ها ضيفك ها هو ورايا وراه جاي يسبغ حيطانك ويزيز لك المكان ويعاونا نقيوه. ايوا كون راؤوف بها الوالي كن راؤوف بها السي الوالي وكون حنين معه. تماك فين الحاج بدا كيضحك وقال والله يرحمك يا ربي الله يرحمك الله يرحمك.

من بعد ما سال الحاج وقف ولقاني مدهوش وكنشوف قال لي عماد ايوا زرب على الخدمه وطحنها ما حد الشمش مازال طالعه وزرب على هذد ليطراس ديال هذ اليدين الحمرين اللي مطبوعين في الحيط حتى هما حيدهم. فاش تسالي ديالي وتكمل دوز شي تدويزه خفيفه براك عارف حتى برا مكرفص شويه. شوبت و قلت لي صافي الحاج صافي كون هاني. تماك فين الحاج قالي الله يعاونك اولدي الله يعاونك صافي مشى وخلاني.

اش غادي نقول لكم الخوت وسط هذاك المشهد شش غادي نشرح لكم بديت خدام في الاول وانا مقروص شويه منكري راكم عارفين لكن من بعد شويه ديال الوقت صافي ديك الساعه كنت تطلقت شويه ما بقيتش مزير كنت غادي خدام مع الحيوط وشاد الرولو هاك كنت صبغ من هنا نصبغ من ليه حتى سمعت شويه الحاج جاي عاوتاني راجع قلت هو اللي يمكن بغى يعمر عاوتاني معيا السوق وشد معايا الحتيت بقيت خدام هكاك وعاطي الباب ديال الداري عاطيه بظهري لكن الوقيته اللي كندور كتبان لي مراه لابسه جلابه موف جلابه بنفسجيه كانت ديك الجلابه كاع مبهدله وكتبان ديك المراه فقيره بزاف وكانت دايره النقاب. كانت جالسه لي في العتبه ديال الضريح وكتحنزص في وكتشوف في واحد التحنزيزه شش غنقول لكم ما فهمت والو. اصلا الوقيته اللي كنت وشفتها ما حسيتش براسي قفست وبلا ما شعر قلت بسم الله الرحمن الرحيم اشكون انت الشريفه. بقات مسمره وكتشوف في قالت لي السلام هي الاولى الشريف السلام هي الاولى. جاوبتها قلت لها وعليكم السلام. جاوبته ويدي شاد ذاك الرولو دي الصباغه وكنترعد. ولكن بلاتي علاش انا اصلا خايف وعلاش كنت ترعد والله ما عرفت. المهم كملات كلامها وقالت لي انا راني كنزور الضاريح كل نهار وجيت دابا نتونس به كيف ما ولفت ندير ولقيتك غير كمل السباغ كمل كمل وراه راه اجرك عند الله كبير راه نيت هذا الضريح كان مهمول وكان خصه شي سبيغه وكان خص شي حد يتهلا فيه. جاوبتها قلت لها هي ولكن واش غتبقاي جالسه هنا. جاوبتني قالت لي وهذا الضريح هذا راه ضريح واحد من عباد الله الصالحينك ما باغي تجري ولا مالك وزيدون فوق هذا الشي راه النعجه ديالي ولفات كتسرح في الجناب ديال الضاريح تماك فين قالت ل قرب قرب قرب تشوف. حطيت اخوتي هذاك الرولو وقربت وطليت كتبان لي اخوت واحد النعج اللي كانت صفراء صفراء كامله ورجليها كحلين وعندها الرجل القداميه مثنيه يعني عرجه من هذك الرجل وكان في عنقها واحد القنب اللي مقطع وذاك القنب كان بحال دوك القنانب اللي قدام. كان فعلا واحد المشهد اللي غريب. ديك المراه بدات كتعيط لديك المعزه وكتقول لها الحنينه وهزي هزي والحنينه انت هزي راسك خلي السباغ يشوفك. ديك التعيطه اخوتي باقى لدابا في ودني باقي لدابا عاقل عليها. قالتها بواحد الطريقه كتخلع. زيد فوق هذا الشي النعجه هزات راسها من الارض وبقات كتشوف فيا وكمدخ عمرني ولا ننسى هذاك المشهد. كانت اخوتي هذ الوقيته اللي كيوقع فيها هذا الشي ما بين العصر والمغرب وراكم عارفين راغ وسط الخلا كتبان لي غدار الحاج اللي كانت بعيده كانت بوحدها تماك فيذاك الخله وما كاين والو من غير انا والقبر ديال الوالي والسيده اللي جالسه تماك في العتبه وهذك النعجه. كان صراحه هذا الشي مخليني مرعوب بزاف اقسم بالله الا هذا الشي بحال راك كتشوف فيه وانا الان ما قديتش نساه ولا نتجاوزه خصوصا ديك التعيطه اللي دارت ديال وال الحنينه وتهيهزي راسك يشوفك السباغ. صراحه هذا المشهد باقي عاقل عليه لذبا.

اش غادي نقول لكم اخوتي رجعت دخلت لبلاصتي ودرت بحال هذك السيده ماكايناش بديت خدام عاوتاني وكنقول في خاطري يا ربي هذ خيتي هذه غتمشي غ فيحالها را جاتني شويه ماشي حى لهي را غير زادت عل وصافي اصلا انا كنت منكري غير بوحدي وزادت علي حتى هي دابا بقيت هكاك خدام وانا عارفه باقى جالسه في بلاصتها وباقى جالسه لي تماك في العتبه. دويت معها قلت لها وفي نفس الوقت انا عاطيها بالظهر قلت لها انت الشريفه علاش كتزوري هنا الداريح كل نهار وكيفاش قلتي ل كتونسي به. ما فهمتش كنت كنتسنى انها تجاوبني لكن ما جاوبتنيش. ملي ضرت نشوف فيها لقيتها جالسه وكتحنص في غ كتحنصص من بعد عاد بحال يلا استوعبت من بعد تنهدات و دورات وجهه وقالت لي ايوا الساعات الله الناس بالناس وحنا تابعنا القبر والوالي حضنه دافي الوالي كيزوج البي وكيجيب ليها العزاره وكيخمد النيران. السيد اللي راك تصبغ ليه دابا في مكانه راه بخيره وبركته. انا راني عاطيه العهد باش نزوره كل نهار وماشي بوحدي نزورو انا وهذ النعيجه اللي شفتي وهذ النعيجه راه ماكيحلى ليها الربيع الا جات لهذ البلاصه. الوالي وراه وناس زينه وعد زيد راه عارف كاع اسراري. اه.

انا بقيت خدام اخوتي وكنحاول ما نبينش ليها باللي راني خايف كانت صراحه الهضره ديالها كتجيب الخوف كتجيب الرهبه بذاك الصوت وديك تعقريشه ديالها في الهضره وفاش كدور وكتشوف فيها كتلقاها غير كتحنزص فيك وكتشوفك. دويت معها قلت لها ولكن شنو سميت الوالي. جاوبتني قالت لي هذا سيدي عابد هذا الصغير وكاين عابد الكبير وليني عابد الكبير مدفون بعيد على هنايا. قلت لها وانا في نفس الوقت كنسبغ وشنو قصه هذا الوالي دابا بغيتكم تسمعوا معايا مزيان لهذاشي اللي غادي تقول ل ركزوا معايا مزيان. قالت لي ودي عابد الكبير وعابد الصغير جاو هذه قرون من الحجاز وجاو واستقروا هنا داروا المغرب كارض ليهم وكانوا جاو من ورا مغرقات عايشه في الواد بيومين. جاوبت قلت لها عائشه. قالت لها ايه ايه عائشه. ايه. قلت لها واش عائشه البحريه. عائشه البحريه اللي في ازمور. تماك فين تنهدات كانت كدوي بحرقه بحال كدوي على شي صاحبتها قالت لي الله يرحمها الله يرحمها في هذا النهار. قلت لها انا وكيفاش عابد وخوه جاو من ورا ما ماتت عايشه بيومين ما فهمتش شرحي لي. من تلقيتيني قربت نسالي الصباغه لداخل والله الا ونستيني الشريفه. انا فين السيده قالت لي واحد الحكايه اللي غريبه واللي اول مره غنسمعها. انا ولد ازمور وكنعرف الاطرحه تماك واللي منهم لاله عائشه البحريه لكن ما كنتش عارف هذا الشي اللي غادي تقولوا لي هذ السيده هذه وعوت لي هذا الشي سبحان الله بحال الا راها كانت معهم وكانت حاضره ليهم. ركزوا معايا مزيان في هذا الشي اللي عودت ل.

دوات ونقات قالت ل في العام الهجري كذا وكذا كان مولاي بوشعيب الرداد الدكالي اللي في ازم مورنيت جاتواه الخبار بلي سيدي عبد القادر الجلالي راه على فراش الموت في كربلاء في العراق. ايوا مولاي بوشعيب حز مخيله وقاد شغله وشد طريقه باش يحضر الجنازه ديال مولاي عبد القادر. كان شاب اللي زين وطويل ولاحيته كتلمع وباقي شاب من الشباب وكان ذاك الساعه ولي اللي في يده البركه. مشى لتماك ووصل للعراق ولقى مولاي عبد القادر حضر توفه الله ومات حضر الكناست وبكى عليه كيف ما بكوا عليه كاع الصالحين اللي تم. لكن هو مازال تماك شافته مراه وحتى هو شاف هذك المراه. مولاي بوشعيب شاف هذك المراه اللي هي لاله عائشه وداز بيناتهم البغو ديال مولانا الحب ديال مولانا. السيده لاله عائشه بغاته وحتى هو بغاها. سول عليها مولاي بوشعيب ومشى طلبها من دار باها لكن باها صدمه وقال له اودي انت في جيه وهي في جيه وانت ماشي من نفس البلاد لا هي خدامه ليك ولا انت خدام لها غفرق عليك الدريه. رجع مولاي بوشعيب في العود دياله حزين ويائس كان قلبه مهرس. لكن غير هو رجع من بعد يومين ديال الطريق تبعته عايشه والخدامه ديالها اولا ديك الرفيقه ديالها اللي كان سميتها لاله رقيه. تبعوه وجا وراه حتى للمغرب. لاله عايشه كانت هربات غير هي وهذ الخدامه وجايبها الغرام ديال مولاي بوشعيب باش تكمل معه قصه الحب اللي وقف فيه بوعها في الطريق. لكن مولاي بوشعيب ما كانش على علم وما كانش على درايه بالمجيء ديالها من وراه. كيقولوا انه من بعد ايام طويله وصل وهو عيان من الصفر من جهه ومن جهه اخرى كان قلبه مهرس ومتقوب من غرام عايشه. اه ولدي اه.

انا كنت كنسمع لهذا الشي اللي كتحكي لي هذ السيده و شوقاتني شوقتني لهذ القصه باش غتسالي. كنت ديك الساعه قريب نكمل هذك الصباغه اللي كانت داخل لكن ما نكذبش عليكم ديك اللحظه حطيت هذاك الرولو ديال الصباغه وجلست حداها وقلت لها ايه ومن بعد اشطر. جاوبتني وكملات لي الحكايه قالت لي عائشه جات من وراه وغير هي قربت الازمور طلعت في الفلوكه باش توصل لعنده ولان كتاب اللي كتاب وتكلبات بها الفلوكه وماتت غرقانه ماتت تحت الماء هي وخدامتها لاله رقيه. جبدوها من بعد ايام وايام حيت الماء ديال الواد كيكون ثقيل وداروا فيها قبه حدا البحر هي والخدامه ديالها. ملي ساق مولايبوش عيب هذ الخبار كامله حلف بحلوفه لا هو مازال تزوج ولا قرب جهه شي مراه اخرى وداته الايام حتى هو حتى مات في نفس الارض وداروا ليه قبره بعيد على قبرها.

انا اخوتي كنت كنسمع لهذ القصه ومدهوش قلت لها سبحان الله دابا عايشه البحريه ويلا غنكمل هضرتي قاطعتني وقالت لي سميتها عائشه مولاه الواد هذك البحريه غزادو الفام من بعد. قلت لها دابا عائشه ومولاي بوشعيب هذه هي قصتهم. حركات راسها وقالت لي اه هذه هي قصتهم اه سبحان الله. قلت لها وانا الشريفه انا راني ولد هذك الارض وما كنتش عارف هذا الشي وماشي على درايه به راني ولد ازمور وما عارفش هذا الشي غير باش تعرفي وشوفي سبحان الله دابا ربي سخرك لي باش نعرف منك هذ المعلومات وسبحان الله كتعاودي بحال الا كنت حاضره معهم وكنت حاضره لهدشي شي. تماك فين وقفت هذك المراه وشدات الزيفو مسحت به فمها وقالت لي علان من الشاهد اللي غتكون عنده الخبار اهد ازك هنا كمست هاهي انت كيفاش شاهد. قلت لها زعما شنو واش كنت شاهده على هذ الاحداث. جلابيتها ووقفات وشدات هذاك العكاز ديالها ونفضت جلابيتها وقالت نعجها وال الحنينه ويلا زيدي يلا زيدي نمشي الله يجعل البركه. تماك فين عطاتني بالظهر وخلاتني مكوانسي وتمامات مات غاده هابطه هي وديك النعجه هي غاده كتمشى وديك النعجه تابعاها وهي كتعرج. نقولوا حتى لهنا هذا الشي كامل عادي ومقبول وخا صراحه ماشي عادي وماشي مقبول لكن نقوله عادي ومقبول. لكن علاش ملي هبطات لتحت ما بقاش بان لها الحس نهائيا بحال طارت وما يمكنش هذا الشيطرا نهائيا حيت السيده راني براسي شفتها غاده هابطه وعد كانت حدايا والارض لتحت كانت كو ديال كبير ومتيسعه وانا اصلا الفوق يعني كيبان لي كلشي لتحت فين غبرات فين طارت ما يمكنش تمشي بهذ السرعه السيده كبيره في السن والنعجه ديالها حتى هي مريضه عرجه.

اش غادي نقول لكم اخوتي رجعت كملت ذاك الشي اللي بقى لي بالزربه وماديتهاش مازال في ذاكشي اللي شفتخا بيني وبينكم كنت كنطل مره مره وكنلوح عيني على الفيرمه ديال الحاج وكنسول راسي كنقول حى هذا ماله ما بقاش بان شهو ما بقاش جا لعندي. المهم كملت الصباغه اللي كانت لداخل وخرجت برا باش نخطف دوك الحيوطه اللي برا حتى هما نسبغهم. قلت حاول نزرب عليهم نسبغهم دغيا قبل ما تغرب ننيت الشمش. لكن المصيبه اللي ما فهمت فيها والو هي اللي مازال تابعاني. سمعوا لهذاشيء اللي غادي نعاود لكم دابا. مع خرجت برا وخرجت مععايا الدوزان والمسائل كنلقى قدامي واحد المش كحل كامل جالس ومخبي حدا واحد الصخره وكيشوف في وكيحنز بقيت كنشوف فيه بحال هكا قلت راه غيحشم شويه ويمشي وو كيشوف في وكيحنز فيا. قلت او ذا ماله كنهشت عليه وكنقول له سير وو ما بغاش يمشي غير كيشوفك حنزصز. تماك فين الله يسمح لي هزيت واحد الحجره يلا باش بغيت نخلع ما بغيتش نضرب بغيت تنخلع باش يمشي يغيرها من تم. لكن هنا فين كنسمع اه هذا لا ما دار لك والو ما دار لك والو الوليد ما دارلك والو. الوقيته اللي كندور كنشوف واحد السيد اللي كان طالع من الكوديغ من الجهه اليمنيه تماك فين لحتى هذك الحجره اللي كانت هاز في يدي. وانا نقول له شكون انت الشريف وقلت مع راسي اصلا شكون هو هذا عاوتاني كان ذاك السيد راجل كبير وكيبان انه طالع بصعوبه كان تقريبا في نفس الهيئه ديال الحاج نفس اللباس دياله والهيد دياله. السيد كان وخا كبير صحيح تبارك الله وكيبان فيه مهيب جاي طالع وهو كيتبسم ومقبول بزاف ومبشور ما شاء الله. ملي شفته الصراحه حشمت لقاني بذاك الديكور ديال هاس حجره باغي نعطيهم والله الا حشمت مع راسي. قرب حتى قرب وقال لي مزيان ملي رميتي ديك الحجره مزيان راه حتى هو خلق الله وحتى هو جالس مسكين ارتاكت وبديت زعما كنقد في راسي. قلت لي لا راه كنت باغي غير نخلع وصافي وهذا المهم كنحاول نلقى لها تخريجه. لكن عاوتاني كنقول في راسي ت هذا شكون هو منين خرج لي هذا عاوتاني صراحه هذ البلاصه هذه فيها غير الغريبه الله يستر. الراجل تكلم قال لي ام كتكرم في الضريح ديال مولاي عابد ما شاء الله ما شاء الله. جاوبته قلت لي هي وا الله يقدرنا الله يقدرنا راه الحاج مسكين هو اللي كلفني الحاج العربي اللي تما راه هو اللي كلفني باش نسبغ ليه الحيوط ديال هنايا وندور في الحاله ونستيكيه وكيف ما راك كتشوف بقى لي غير هذ الشويه قبل ما يطيح الظلام. وكان جاوبني ذاك الراجل وقال لي هي نجلس حدا الحجره تماك ونونسك شويه بد ما كملتي. قلت لي مرحبا جلس راه نيت الحاج را شويه ويجي لعندي را تقريبا هذ وقيته باش يجي. تماك فين الراجل قاد واحد الحجره وجلس فوقها وغمض عينيه وبدا كيتنفس وكيتامل. بقيت انا كنشوف فيه صراحه غير بنص عين باغي غائ نسالي هذ الروينه كامله ونمشي غير بحالاتي. شويه تنطق وقال لي كل نهار كنجي كنحضر للغروب ديال الشمش من جهه هذ الكديه ديال الضريح وربي راه خلقها مزيانه ولدي. جاوبته وانا كنسبغ قلت العميم والله ما كذبتي. انا بقى ساكت وجامع ذاك السكات وما برزطنيش مازال صراحه ما كانش فيه التبرزيط. لكن مره مره كان غت كيتقرع دارها المره الاولى قلت عادي هانيه لكن من وراها عاودها وعودها وعودها حتى فهمت بلي قلت ربما هذا السيد عنده شي مشكل في المعده. دازت تقريبا شي 25 دقيقه بحال هكاك كنت ديك الساعه نضيت كلشي وصرعت داكشي مزيان الشمش اصلا بدات كتغرب بديت كنجمع الماطيريال وفي المسائل. هنا فين عاوتاني تكلم داك الراجل وقال يا واولدي الله يجعلها لك تكون في ميزان حسناتك وتكون لك اجر كبير يوم القيامه. قلت لي ايه يا الشريف الله يبارك فيك الله يبارك فيك. شاف في ودار لحيتها وقال لي [تنحنُح] وقول ل غادي تخلص على هذا البريكول وهذ الصباغه اللي سبغتي. انا قلت مع راسي او انت هذا ماله بدا يدخل معايا في الفلوس و مال كيسول في هذا الشي علاه انا جاي لهنا ومجلي وضاربه التماره كامله باش ما نتخلصش. وحده قبيله داخله عل بنعجه عرجه وانا خدام وقبر ورايا وشويه خرج لي مش كحل كنشوف فيه ودابا هذا جاي عاوتاني جالس فوق الصخره وكيدوي معايا حى هذا الشي كامل و وكيسول فيه واش نتخلص ولا لا. قلت له اودي غ الحاج مسكين هو اللي غيعطيني باش ما سخاه الله ماشي مشكل. هنا قال لي الحاج وان [تنحنُح] اجر هذا ملي غادي تخلص اين اجر هذا الضاريح را عنده مواليه وعنده جواده ولا عطيتيهم من قلبك راه ما تخمم لوالو. ايوا اسمعني مزيان هبطتي ما تاخذ والو من عند الحاج. انا قلت له ايه ايه ايه صافي ودرت لي خاطره راكم عارفين شنو غبدا نقول ليه لا غناخذ. قلت له ايه صافي واخا. لكن السيد غتى بوحده. قال لي والا خديتي منه شي ريال راه غنجي لك بالليل وغنيفك بهذ اليدين اللي راهم كيترعدوا غنفك او تجيفني ت هذا ماله هذا واش هبيل ولا مسطي ولا واش كيدوي معايا بصح ولا كيبسط معايا. ضحكت و قلت ليه واخا اسيدي واخا على بالي زعما را كيبسط لكن في المقابل هو ماضحكش. قال لي والله اوليدي ما كنضحك معك والله ما كنضحك معك انا راني كنحرص بالليل هذا المكان وانا من خدام هذا المكان وقبل المغرب كل نهار كنطل ونعس حتى للصباح والله اوليدي وتخلصتي ولا خديتي شي ريال والله حتى صباعي طردقول لك ديك الحنجره والعظام اللي فيها. انا هنا بان لي السيد داوي بصح ترا السيد كيدوي بصح من نيته ماكيضحكش كيدوي نيشان معقول. كنت هاز انا الماطريال ديالي وغ كنبلع افريقي ما فاهم حتى لعبه. قلت له ايه اه واخا واخا وما يكون غير خاطرك ما يكون غ خاطرك. قبيله ملي جات عندي هذك خيتي صراحه ما كنتش حاس بالخوف بحال هكا على العكس دابا هذا خينا هذا حسيت بواحد الخوف شديد منه. زعمته وقلت له ولكن كيفاش انت راجل كبير وحارس هذا المكان. بقى كيشوف في قال لي ايوا كي دايره واحد حليمه جاوبته قلت له حليمه. قال لي ايه حليمه امك ياك انت ولد حليمه اللي كانت واخذه ابو بكر واللي ولداتك بتوحيمه في ظهرك. اهداك [تنحنُح] هذا ه هذا ه هذا معلم هدا. مع سمعت هذا الشي حطيت كاع ذاكشي اللي في يدي قلت له الشريف واش راك كتعرفني. جاوني قال لي عاد عرفتك وراني سولتك على امك حيت عرفت بلي عندها مرض في العظام وقلت نسول فيها وكان المهم ما علينا قول لها تمسد اسيدي بالريحان وزيت العود وذكر اسم الله والله يجعل البركه وراه غينقص عليها الحال ان شاء الله. جبته قلت لي واش كدوي بالصح الشريف انا راني ما فاهم والو وراني مصدوم ياك ما كتعرفني وانا ما عارفش واش كتعرفني. جاوبني قال لي هذا هو خلاصك وسير الله يعاونك سير دردب مع الكه الحاج فاق من النعاس دياله سير اما هو اخوتي ناض وقف ومشى جهه الضريح ودخل مع الباب لداخل وتخش هذاك الظلام. انا كنت غير مصدوم ومدهول وواقف كنشوف الكلام ما بقاش عندي في فمي مليار سؤال كيدور لي في راسي شكون هو خينه وكيفاش جبد لي با ومي والمرض ديالها باش مريضه وكيفاش قضيه ديال تمسد ليها كيفاش عاوتاني الحاج ناعس يلا فاق منها تشد الشي انا ركبني الصراحه اللي عمره ما ركبني. درت ننيت داكشي اللي قال لي ودردبتيت مع هذك الكديه مشيت فحالي غيرتها نزلت للفيرمه لتحت كنت غادي نازل كنزرب وكنجري والله ما عرفت واش نسيت شي حاجه ديال الماطريال ولا لا كنت باغي غير نمشي من هذك البلاصه نحيد من تما. وصلت للفيرمه دقيت خرج عندي الحاج وجه منفوخ بالنعاس كان ذاك الساعه الظلام ديال العشيه طاح قال لي عماد ولدي ساليتي غ سمح لي سمح لي وعضرني والله ما عرفت شنو طر لي وت ولدي معه هبطت من عندك نزلت مسخسخ ومدكدك ما فهمتش مالي دخلت وغلبني واحد الناس ولا عمري شفت ليه مثيل غير سمح لي ولدي وعضرني بزاف والله العظيم. جاوبته انا مادهوش حيت اصلا السيد فوق قال لي الحاج راه ناعس يلا فاق باش عرف عاوتاني هذه هنا. قال لي مالك ا ولدها عماد. جاوبته قلت لي لا والو والو غير هو بغيت الحاج اللي وصلني حىفيلاج راك عارف. قال لي انا نيت انا نيت اللي غادي نوصلك وبلاتي بعدا ولدي نعطيك خلاصكامل. جاوبت قلت لي لا لا لا لا ما بغيتش. كيفاش جاوبت قلت لي والله ب ناخذ ريال والو راني حلفت الحاج صافي خلاصي عند الله واعتبر ذاك البريكوله الحاج غا اجر وصافي هذاشي اللي كاين. الحاج ما فهم والو ما فهم حتى شي حاجه قال لي صافي اولدي واخا وبلاتي نوصلك بلاتي. هنا فين ديمار الطوموبيل ركبنا صافي وشدينا الطريق. لكن وحنا غاديين هنا بداو عيني حاضين هذاك الضريح من بعيد وكنشوف فيه وانا سارح. الحاج كان كيدوي وانا صراحه كنت مرفوض ما كنسمع شنو كيقول. حدي في واحد اللحظه ووسط كلامه قلت له الحاج واش هذا الضريح ديال واحد الوالي سميته سيدي عابد. جاوبني قال لي ايه هي ايه هو هذا. شوت و قلت له عابد الصغير ياك. قال لي ايه هو ذاك. ما عليكش باش عرفتيها را سميته غابره وقليل من الناس اللي عارفينها. جاوبته قلت له واحد المراه جات هي ونعجتها وجلست لي في الباب تم وكانت فرحانه انني كنسبغ الحيوط ديال الضاريح وقالت لي هذا الشي هي اللي قالت لي هذ المعلومه. الحاج قال لي مراه. قلت لي ايه مراه وقالت ل بلي راها كتجي كل نهار من ورا العصر كتجلس شويه تماك. هنا الحاج قال لي ورا العصر انا راني ديما كنخرج عمري شفت شي واحد طالع لتماك في هذك الوقيته. قلت لي وا اش غادي نقول لك الحاجه ها كيفاش دايره وها كيفاش دايره واشكلها وشنو لابسه ونزيدك راه مع واحد المعزه كتكون مع واحد المعزه عرجه وراني تعاودت لي شي عجب على عائشه البحريه وردات وتقول الحاج بحالها سبحان الله كانت عايشه معهم هذك السيده. ماك فين الحاج فرانه وقف وقال لي اش قالت لك عاودت. الحاج كل شي عاودت لي كاع ذاكشي اللي قالت لي ديك السيده عاودت لي دوكشي كامل. تما فين قال لي لطيفه لطيفه لطيف. قلت لي مالك الحاج شنو كاين. قال لي هذه وليدي اللي دويتي عليها هذه اللي راك سير كدوي عليها. قلت لي مالها الحاج.

شنو كاين جاوبني. قال لي را واحد النهار جات عندي ولقاتني خارج من الفيرمه. قالت لي راه واحد البكره عندك هازه الوسخ في كرشها وراه غادي تعادي لك كاع البكر اللي تماك.

دازوا الأيام وصراحة أنا ماديتش عليها. قلت يمكن هذه المرأة غير هداوية دايزة من تم.

واش غادي نقول لك أولدي بصح البكرة عندي بدات كتقيه ذاك الشيء كحل والبكر كلهم كانوا تعاداو ومات لي بزاف ديال البكر.

طبيب البيطري ملي شاف هذا الشيء وهذ المسائل كاملة قال لي ما يمكنش ما يمكنش امرأة ولا أي واحد يعرف هذا الشيء غير هكاك. أصلا ذاك الشيء اللي كان في البكرة هذيك راها بكتيريا اللي ما تكتشفش أصلا. وكيفاش حتى امرأة عادية غادي تقول لك هذا الشيء راه ما يمكنش. يمكن واقيلا غير جات فيها صدفة ولا بغات تعني شي حاجة وصافي.

وأصلا كون ما قالت لك والو أنا براسي ما كنتش غادي نعرف باللي البكر ديالك فيه هذا المرض وخا نقلبها كاملة صعيب صعيب تلقى ديك البكتيريا.

كمل الحاج كلامه قال لي من بعد فهمت بلي هذه المرأة يقد يكون دارها لي الله سبب وأنا ما خذتهاش بجدية. وفاش سولت واحد الفقيه قال لي تقدى هذه المرأة تكون ماشي بشر. وكنت قلت له باللي را حدايا واحد الضريح وكذا وهذ الأمور. زاد أكد لي باللي هذه اللي جات لعندك غالبا غالبا تكون جنية. غير هو جنية صالحة اللي كطوف على الضريح مرة مرة وغالبا يا ولدي غادي تكون هي غتكون هي اللي جات عندك تماك وجمعت معك. باينة.

اش غادي نقول لكم إخوتي أنا ما سمعت هذا الشيء حمدت الله أنني ما عرفتهاش شكونها هي وما فكرتش في أنها غادي تكون كيف ما قال لي الحاج. أما صراحة كون را سكت لي القلب تماك.

ما فيهاش قلت لي ولكن الحاج را جا عندي واحد السيد آخر. راه نزيدك مازال نكمل لك. حتى واحد السيد آخر بلا حيته مهيب جا عندي حتى للدار. دارتم جلس حدايا فوق واحد الحجرة وقال لي بلي كيجي كيحرص المكان بالليل. وهو نيت الحاج هو نيت الصراحة الله هو اللي قالي ما تاخذ حتى شي ريال. وراه هددني خديت شي حاجة. والله إلا هددني. وفوق هذا الشيء لقيته كيعرف سميتي وسمية با وسمية أمي والمرض اللي فيها. وعطاني كاع شنو خاص ندير لمي باش هذاك المرض اللي فيها ينقص منها.

الحاج هنا بدا كيتنهد وكيقول سبحان الله سبحان الله. أما أنا اش غادي نقول لكم كنت غ مصدوم. قال لي الحاج الحاصولة ولدها عمادة اش غنقول لك هذا الشيء هذا راه كيوقع. هذا الشيء را كيوقع واني قليل فين فين كيوقع. وشوف باب داري راه ديما محلول وقت ما احتاجيتي شي حاجة. وهذا الشيء هذا ولدي يبقى بيناتنا راك عارف الناس كيتخلعوا شوية راك عارف هذ الأمور.

قلت له صافي واخا الحاج الله يكبر بك كون هاني.

وصلني إخوتي الحاج لهذاك الفيلاج وصراحة كنت غير مدهوش ومصدوم وأنا كنسنى في المحطة ديال الطاكسي الكبير تماك شي طاكسي باش يوصلني للدار. دورت كاع ديك السيناريو في كاع هذا الشيء اللي طرا اليوم وصراحة ما لقيت حتى شي جواب لهذا الشيء. والا عندكم أنتما باش تفسروا هذا الشيء خليو لي التعاليق ديالكم غادي نقراهم لتحت.

وكانت هذه هي قصتي والأحداث اللي فيها من أغرب الأحداث اللي عشتهم في حياتي كاملة. كانت الخوت هذه هي القصة ديالنا ديال اليوم اللي كنتمنى تكون عجباتكم واستمتعتوا بها. تلاقاو إن شاء الله في القصة الجاية. كان معكم خوكم أمير النقيطي. تهلاو.