تنظيف الجسم من السموم | السرّ وراء مشاكلك الصحية | هل سمعت عن الزيولايت؟

التعب والإرهاق اللي مالهمش سبب، ضبابية الدماغ، الاكتئاب والتقلبات المزاجية، ضعف الذاكرة، انعدام التركيز، الاضطرابات الهضمية اللي انت مش قادر تتخلص منها تماماً مهما حاولت تعالجها، الحساسية وضعف المناعة، الحبوب وتصبغات الجلد، الاضطرابات الهرمونية وضعف الخصوبة، حتى مشاكل الأطفال من أول التوحد لحد نوبات الغضب وصعوبات التعلم.

معظم الحاجات دي ما تعتبر أمراض في حد ذاتها، وممكن يبقى عندك كتير منهم وانت مش حاسس إنك كويس، بس كل ما تعمل فحوصات تطلع سليم وما عندكش حاجة. وده حال نسبة كبيرة جداً من الناس، انت مش لوحدك. لأن دي كلها أعراض لتراكم السموم والمعادن الثقيلة في الجسم، اللي كلنا بنتعرض لها كل يوم في الأكل، في الميه، في الهواء. ما فيش مفر مع الأسف.

فتعالوا النهارده هقول لكم على أهم أعراض تراكم السموم والمعادن الثقيلة في الجسم وأهم مصادرها، وهقول لكم على أفضل وأسهل طريقة للتخلص منها باستخدام معدن عبقري بيقدر يعمل ده بطريقة آمنة جداً. وهنقول كمان تفاصيل كتير مهمة. بس هفكركم في الأول إن حجز الاستشارات بيتم عن طريق الموقع الإلكتروني أو أرقام الواتساب الموجودة في التعليق المسبب، سواء استشارة أونلاين عن طريق الفيديو كول، أو إنكم تشرفوني بالزيارة في مكتبي في دبي. ما تنسوش إنكم تعملوا لايك وشير للحلقة، لأن دي الطريقة الوحيدة اللي بتفهموا بيها إن الحلقة توصل للناس أكتر. ما تنسوش كمان تعملوا سبسكرايب للقناة لو أنتم أول مرة تشوفوني. ويلا بينا نبتدي. أنا ندى حرفوش، ودي قناة.

المعادن الثقيلة يا جماعة زي الرصاص، الزئبق، الكادميوم، الألومنيوم، الزرنيخ، والنيكل. الأنواع دي من المعادن، زيادة تعرضنا ليها اللي بيزيد جداً طبعاً مع نمط الحياة الحديث، بيسبب مشاكل صحية كتير جداً جداً. ولو انت مش عارف المعادن دي قريبة مننا وإحنا بنتعرض لها بشكل مبالغ فيه إزاي، فخليني أقول لك على أهم مصادرها.

أولاً: الهواء اللي إحنا بنتنفس ملوث طبعاً بالمعادن الثقيلة، خصوصاً الناس اللي هم بيكونوا عايشين في العواصم والمدن الصناعية الكبيرة.

ثانياً: مياه الحنفية، خصوصاً لو الأنابيب اللي بتمشي فيها الميه كانت قديمة.

ثالثاً: الفواكه، الخضار، الحبوب. طبعاً دي تعتبر أكلات صحية جداً، بتمتص المعادن الثقيلة من التربة الملوثة والمياه الملوثة اللي هي بتتروي بيها في أوقات كتير قوي.

رابعاً: الأسماك، خصوصاً الأسماك اللي بيكون حجمها كبير، لأن أصلاً مياه البحار عموماً بقت ملوثة بالمعادن الثقيلة بدرجة كبيرة جداً، خصوصاً أسماك بتوصل لنا بسهولة جداً زي التونة والماكريل مثلاً.

خامساً: التدخين من أخطر مصادر السموم والمعادن الثقيلة. دخان السجاير بيحتوي على كل أنواع المعادن الثقيلة اللي أنا ذكرتها وعدد ضخم جداً من السموم. وحتى لو انت مش بتدخن، برضه السموم دي بتوصل لك بطريقة أو بأخرى، أما عن طريق التدخين السلبي إن انت تكون قاعد جنب حد شخص بيدخن، أو إنك تدخل مكان كان فيه شخص بيدخن. ده اسمه الـ Third Hand Smoking أو التدخين من الدرجة الثالثة.

كمان استخدام أواني الطهي المصنوعة من الألومنيوم أو الأواني غير اللاصقة زي التيفال، السيراميك، الجرانيت. حتى لو هي سليمة وما فيهاش خدوش على السطح، السطح ده مع الاستخدام بيبدأ يتآكل، وتبتدي المواد الكيماوية والمعادن الثقيلة اللي موجودة في الأواني دي تتسرب للأكل بكميات كبيرة جداً.

عندنا كمان حشوات الأملغم اللي في الأسنان. دي بتستخدم في كل الدنيا ما عدا في مصر للأسف، إحنا بس اللي لسه بنستخدمها. حتى المكملات الغذائية يا جماعة، لو انت بتاخد مكملات غذائية رديئة، جودتها منخفضة، مجهولة المصدر، ما فيش رقابة على الشركة المصنعة، ممكن جداً تكون ملوثة بالمعادن الثقيلة وانت طبعاً بتاخدها وفاكر إن انت كده بتعمل الحاجة كويسة جداً لصحتك.

علشان كده أنا عملت قناة خاصة بتقييم المنتجات الصحية والمكملات الغذائية، قناة "مراجعات ندى حرفوش". لو أنتم مش بتعرفوا إزاي تختاروا منتجات جيدة، اشتركوا في القناة دي وابحثوا فيها عن المنتج قبل ما تشتروه. ده هيفيدك كتير جداً. اللينك هيظهر دلوقتي على الشاشة.

ده يا جماعة قلة الضمير وصلت لإن ألعاب الأطفال أوقات كتير جداً بيكون بتكون ملوثة بالمعادن الثقيلة. فباختصار شديد يعني، إن يبقى عندك ديتوكس بشكل دوري يستهدف تنقية الجسم من السموم والمعادن الثقيلة ده بقى شيء أساسي وضروري، وكل الناس لازم تعمله، مش حاجة اختيارية. عندنا ده لازم يحصل من فترة للتانية، لأنك يعني هتروح فين؟ هتروح فين من كل ده؟

طبعاً الأعراض اللي أنا قلتها في البداية دي هي أعراض أولية لتراكم السموم، لكن في أمراض ومشاكل صحية كبيرة بيكون أحد أسبابها الرئيسية هو تراكم السموم في الجسم. أهمها وأشهرها طبعاً أمراض الغدة الدرقية، سواء الخمول أو فرط نشاط أو تضخم أو عقيدات الغدة الدرقية. أي مشكلة تخص الغدة الدرقية بتحصل نتيجة لعدد من العوامل، من أهم العوامل دي تراكم السموم.

كمان أمراض الجهاز العصبي. هو مش الطبيعي يا جماعة إن إحنا لما نكبر يجيلنا الزهايمر وخرف وأمراض شيخوخة، لكن تراكم السموم في الجسم عامل مهم بيزود من فرص إصابتنا بيها. باركنسون بقى، تصلب متعدد، حتى الاكتئاب والقلق، التوحد ومشاكل النمو العصبي عند الأطفال. تراكم السموم بيلعب دور كبير جداً في الإصابة بيه. وتبقى مستغرب يعني هو الطفل لحق يعيش قد إيه أصلاً علشان يحصل له تراكم سموم لدرجة تسبب له مشاكل. اللي إحنا مش عارفينه إن السموم بتبدأ تتنقل للطفل وهو جنين من جسم الأم. قد إيه تراكم السموم والمعادن ده مشكلة خطيرة جداً، وقد إيه تنظيف الجسم والتخلص منها شيء مهم. وزي ما بقول لكم كده، ما بقاش يعني رفاهية عندنا، مش حاجة نعملها ولا ما نعملهاش. لا، هو كلنا لازم يكون عندنا جدول زي جدول دوري كده للديتوكس.

طيب، مبادئ تخليص الجسم من السموم اتكلمت عنها قبل كده في حلقة سابقة، حلقة "تنقية الجسم من المعادن الثقيلة". أتمنى إن أنتم ترجعوا لها، لأن هتلاقوا فيها معلومات كتير جداً مفيدة وحاجات كتير نقدر نطبقها في يومنا هتساعدنا بشكل كبير. لأن أنا بس مش عايزة أطول الحلقة قوي ومش عايزة أكرر كلام قلته قبل كده.

أنا عايزة أتكلم معاكم النهارده عن واحدة من أكتر الطرق فعالية جداً جداً في تخليص الجسم من السموم عن طريق معدن طبيعي عنده كفاءة عالية جداً في طرد المعادن الثقيلة من الجسم. المعدن ده اسمه الزيولايت. ده معدن طبيعي بيتكون خلال ملايين السنين نتيجة التفاعلات البركانية مع المياه القلوية، وبيكون موجود في الطبقات الرسوبية في الأرض وفي الصخور البركانية. الموضوع شكله معقد شوية، صح؟

الزيولايت عنده قدرة خارقة يا جماعة على الارتباط بالمعادن الثقيلة وطردها من الجسم، لأن تركيبه، تركيب المعدن نفسه بيتميز بالمسام. فهو بيشتغل كأنه مغناطيس بسبب إن هو عنده شحنة سالبة، بيسحب المعادن الثقيلة جواه وبيحتفظ بيها، بيحبسها جوه إلى أن يتم طرحها مع الفضلات. الكلام ده بيحصل خلال ست لثمان ساعات من وقت الاستخدام. كل المعادن الثقيلة تقريباً زي رصاص، الكادميوم، الزئبق، الزرنيخ، النيكل، الألومنيوم. مش بس المعادن، كمان السموم الفطرية والبكتيرية اللي ممكن تكون موجودة في الجهاز الهضمي نتيجة عدم توازن الميكروبيوم. وده بيحصل لأسباب كتير زي زيادة أعداد البكتيريا الضارة، أو فرط نمو الفطريات، أو حتى التسمم الغذائي. وكل ده لما بيحصل بيخفف الحمل من على الأعضاء المهمة زي الكلى والكبد.

الزيولايت كمان بيسحب أيونات الهيدروجين الزيادة. بكلمات أبسط، بيقلل من درجة حمضية الجسم الزايدة، وده بيقلل التهابات، بيقلل الإجهاد التأكسدي، بيحسن عمليات إنتاج الطاقة عن طريق دعم الميتوكوندريا، وبيلعب دور مهم كمان جداً في الحماية من السرطان. وطبعاً كل الفوايد دي مع بعضها بتحسن التركيز، بتحسن الذاكرة، بتقلل ضبابية الدماغ، وبتحسن وظائف الجهاز العصبي.

زي ما واضح كده، إن الزيولايت بيشتغل بطريقة الـ Chelation أو التخليب. ودي طريقة بيشتغل بيها معادن كتير. هو عموماً ممكن تحويل معادن كتير لإنها تكون يعني مخلب في المعمل. لكن إيه اللي بيميز الزيولايت عن غيره؟ الحقيقة أنا بشوفه مميز لأكتر من سبب.

السبب الأول: أي معدن بيعمل بطريقة التخليب لسحب المعادن، هو مش بيسحب المعادن الثقيلة بس من الجسم، لا، هو كمان في نفس الوقت بيسحب المعادن الأساسية والمهمة معاه. فلما بناخد المعادن دي بنبقى عرضة لنقص المعادن المهمة. لكن الزيولايت على العكس، هو معدن انتقائي، بيقدر ينتقي المعادن الثقيلة بس ويرتبط بيها، لأن زي ما قلنا هو شحنته سالبة والمعادن الثقيلة شحنتها موجبة، فبيقدر إن هو يرتبط بيها دون الارتباط بالمعادن المهمة. ودي نقطة مهمة جداً جداً.

السبب الثاني: هو إن في عناصر كتير بتقدر فعلاً ترتبط بالمعادن الثقيلة وتمنع امتصاصها، لكن ما بتقدرش تقوم بعملية طردها والتخلص منها خارج الجسم بكفاءة. فبيتوزعها داخل الجسم مرة تانية، يبقى كأننا ما عملناش حاجة. عكس الزيولايت، هو من الحاجات القليلة جداً اللي بتقدر تطرد السموم بكفاءة عالية جداً.

طيب، السؤال المهم: ناخد الزيولايت منين؟ الطريقة الوحيدة للحصول على الزيولايت هي المكملات الغذائية. لكن في كام حاجة لازم نخلي بالنا منها لو إحنا قررنا إن إحنا نبدأ إن إحنا ناخدها بالفعل وخلاص هنشتريها. لازم نعرف إن في أشكال كتير من الزيولايت، منها طبيعي ومنها اصطناعي، وده بيختلف حسب الصخور المستخرجة منها الزيولايت وأماكن استخراج ده في الأنواع الطبيعية. طبعاً في أنواع بتتعمل في المعمل، وعلى حسب النوع بيدخل في استخدامات وصناعات مختلفة. لكن رغم الأنواع الكتير الموجودة منه، ما فيش غير نوع واحد بس من الزيولايت هو اللي يعتبر صالح للاستهلاك الآدمي. النوع ده اسمه الـ Clinoptilolite Zeolite.

لما نيجي نشتري مكملات الزيولايت، لازم يكون مكتوب في الـ Supplement Facts، المربع الأبيض اللي بيكون موجود في ظهر العلبة: Clinoptilolite Zeolite. هو بيجي في صورة بودر أو كبسولات أو ليكويد (نقط). إحنا هنختار مين فيهم؟ هنختار الليكويد طبعاً (النقط). ليه؟ أقول لكم ليه.

الزيولايت السائل بيجي في شكل جزيئات نانوية دقيقة جداً، ودي ميزة أساسية مهمة قوي. أولاً: مش بيحتاج هضم وامتصاص زي الكبسولات والبودر. لا، هو بيدخل لمجرى الدم مباشرة، وده بيخليه سريع المفعول، بيبدأ بالعمل بمجرد ما إحنا بناخده مباشرة. كمان الجزيئات الصغيرة قوي دي بتقدر توصل للخلايا والأنسجة العميقة اللي هي أصلاً بتتراكم فيها السموم عن طريق الجهاز الليمفاوي والدورة الدموية، عكس البودر أو الكبسولات اللي هي ممكن تمتص في الجهاز الهضمي بس. وطبعاً السائل بيكون منقى بشكل أفضل بكتير وبيخلي كمان أقل عرضة للجفاف، لأن هو مش بيتسبب في سحب السوائل من الجسم.

باختصار شديد، الزيولايت السائل هو أفضل شكل منه، ويفضل إن هو يكون مدمج مع حمض الفولفيك اللي هو الفولفيك أسيد. ده كمان مادة عضوية طبيعية بتنتج عن تحلل النباتات والمواد العضوية في التربة، وبتستخدم برضه في إزالة السموم. طب لو الاثنين بيعملوا نفس الحاجة، ليه بندمج مع بعض؟ بيتم دمجهم مع بعض لأن هم مع بعض بيعملوا بشكل تكاملي. الفولفيك أسيد بيحرر السموم والمعادن الثقيلة من الأنسجة، والزيولايت بيرتبط بيها وبيخرج من الجسم. حاجة كمان مهمة، رغم إن زي ما قلنا الزيولايت بيرتبط بالمعادن الثقيلة بس، لكن برضه بيكون فيه ساعات تخوفات من إن هو يسحب المعادن المهمة في نفس الوقت. فبيتدمج الفولفيك أسيد، لأن هو بيعزز عمليات امتصاص المعادن المفيدة. وعلشان كده بيكون تأثيرهم تكاملي زي ما قلنا.

أنا هسيب لكم نوع جيد جداً من الزيولايت مع الفولفيك أسيد السائل في التعليق المسبب.

مهم قوي كمان إن إحنا نعرف نستخدمه إزاي، وإمتى، وقد إيه. الجرعة اليومية للزيولايت بتبدأ من 250 ميكرو جرام. دي أقل حاجة. لو إحنا بنستخدمه استخدام وقائي. ولو أنا عندي مشكلة صحية مرتبطة بتراكم السموم، أو عندي أحد الأمراض المسماة مثلاً بالأمراض المزمنة، ممكن أضاعف الجرعة دي. أولاً: الجرعة دي لازم تتاخد مقسمة على مدار اليوم على ثلاث مرات مثلاً. ثانياً: ما ينفعش أبداً إن أنا أبدأ بالجرعة كلها مرة واحدة. ببدا لازم بالتدريج. ببدا بجرعة بسيطة جداً لمدة أسبوع، بعد كده باخد نص الجرعة المطلوبة لمدة أسبوع تاني، وفي الأسبوع الثالث ممكن أوصل للجرعة المستهدفة.

ده الزيولايت كمان على فكرة ممكن استخدامه للأطفال. جرعاتهم بتتراوح بين 100 ميكرو جرام لحد 250 ميكرو جرام بحد أقصى. لكن للأطفال يفضل إن إحنا نلتزم بالجرعات الأقل. هضرب لكم مثال. النوع اللي أنا هسيبه لكم مثلاً، السيرفينج سايز بتاعه ثلاث نقط بيدونا 111 ميكرو جرام. لو مثلا دي الجرعة اللي أنا عايزها، هبدأ أول أسبوع بنقطة واحدة بس. تاني أسبوع نقطتين على مرتين، يعني كل مرة نقطة واحدة. تالت أسبوع ثلاث نقط على ثلاث مرات بس هاخدهم مقسمين على مدار اليوم، يعني مش مع بعض. ولو عايزة أضاعف الجرعة مثلاً ست نقط، هبدأ بنقطتين، ثم أربعة، ثم ستة بنفس الطريقة وهكذا. ويفضل إن أنا آخده على معدة فاضية أو قبل الوجبة بساعة.

ولو أنا بستخدم الزيولايت لأول مرة، هستمر عليه لمدة من شهر ونص لحد ثلاث شهور، وبعد كده هتوقف عنه. ممكن أرجع له تاني بعد شهر من التوقف. لكن لو أنا بستخدمه بغرض إن أنا بعمل ديتوكس لجسمي، فيفضل إن أنا استخدمه بشكل دوري مرة كل ست شهور لمدة مثلاً ست أسابيع.

طيب، لو أنا بقى يعني عايزة آخد منه أقصى فايدة وأعمل يعني ديتوكس كده حاجة كده من الآخر، أعمل تنظيف عميق، أعمل إيه؟ أدخل معاه مستخلصات الكزبرة. ليه مستخلصات الكزبرة؟ لأن هي بتقدر تتغلغل في الأنسجة والخلايا وتطلع منها السموم علشان الزيولايت يقوم بسحبها. وده مشابه شوية لنفس الطريقة اللي بيعمل بيها الفولفيك أسيد. طيب لحد هنا ما فيش فايدة من استخدامها أو إضافتها طالما إحنا عندنا عنصر تاني في تركيبة المعدن نفسه بيعمل نفس الحاجة. لكن الفكرة إن هي عندها ميزة تانية فريدة من نوعها، إن هي بتقدر تخترق الحاجز الدموي الدماغي وتساعد في إزالة الزئبق من الدماغ والخلايا العصبية. علشان كده بنصح بإضافتها خصوصاً للناس اللي عندهم مشاكل مرتبطة بوظائف الدماغ والجهاز العصبي، الأطفال اللي عندهم توحد وصعوبات تعلم ومشاكل من هذا القبيل، أمراض الجهاز العصبي، الدماغ، الحبل الشوكي، والمشاكل الخاصة بكبار السن زي الخرف، الألزهايمر، باركنسون. هي إضافة بسيطة بس ممكن تفرق في النتائج كتير جداً.

أنا حاولت إن حلقة النهارده تكون سريعة شوية، عشان أنا بقالي كتير في الحلقات الأخيرة بطول عليكم. أتمنى إن هي تكون حلقة سريعة بس مفيدة. ما تنسوش بقى تعملوا لايك وشير للحلقة، سبسكرايب للقناة لو أنتم أول مرة تشوفوني. ما تنسوش تكتبوا لي كل الموضوعات اللي أنتم حابين نتكلم فيها في الحلقات الجاية في الكومنتس، وتبصوا على رابط وأرقام حجز الاستشارات في صندوق الوصف، وتبصوا كمان على رابط قناة المراجعات. أشوفكم الحلقة الجاية. باي باي.