إيران تضرب أمريكا.. إنذار أمني عاجل عن هجوم إيراني محتمل على الساحل الغربي لأمريكا و ترامب يستعد

السلام عليكم، ازيكم؟ امبارح كنت بعمل فيديو لايف، وبعدين وانا بتكلم بقول: "يا جماعة خلي بالكم، ده في إنذار نزل في أمريكا عن طريق الشرطة الفيدرالية إن إيران ممكن تكون بتخطط لتوجيه ضربة للساحل الغربي في أمريكا." بطبيعة الحال لقيت ناس كتير قوي عمال تقول لك: "يا عم إيه الخبر ده؟ خبر كذب، أنت عمال تضخم في العناوين، أنت عمال تبحث عن مشاهداته." والكلام اللي انت تقعد تسمعه ده.

بس تم الكشف فعليًا والمخطط موجود، وإن أمريكا بتحذر فعلًا إن إيران ممكن توجه ضربة. وهكشف لك إزاي بالصور والفيديوهات والتخطيط عاوزين يعملوا إيه بالظبط وهيضربوا إزاي. ده أمر في منتهى الخطورة، أول مرة يتم الكشف عنه.

الجانب الآخر، امبارح رئيس أمريكي كان بيكلم مذيع، فبيقول له: "على فكرة، أنا ممكن أضرب أهداف كتيرة ما كنتش عاوز أضربها، مثلًا ممكن أضرب محطة الكهرباء في طهران أو في إيران." يعني، والأمر ده هياخد مني ساعة، والإيرانيين عشان يبنوها هياخدوا بقى وقت كبير جدًا عشان يعيدوا بنائها زي ما حضرتك هتشوف كده بالظبط. "We can hit sections of Tehran and other places that if you do it, it'll be almost impossible for them to rebuild their country."

السؤال هنا: طب ليه دونالد ترامب ما ضربش محطة الكهرباء؟ على فكرة، من ضمن الدروس اللي اتعلمناها في حرب روسيا وأوكرانيا، استهداف محطات الكهرباء عشان محطات الكهرباء دي بتوقف أي عملية إنتاج للأسلحة، لأن إنتاج الأسلحة بيستلزم طاقة ضخمة جدًا. فليه دونالد ترامب لم يجرؤ على استهداف محطات الكهرباء في إيران؟ ده أمر مهم جدًا.

أما آخر سؤال: إيه رأي مستشارين الأمريكان في الحرب بتاعة إيران؟ الحرب دي رايحة. ولأول مرة هتلاقي مستشار أمريكي بيكلمك بشكل مباشر، أثار الحرب دي اللي الإعلام الأمريكي والرئيس الأمريكي مش عاوز يقولها لك هي إيه. كلام وفيديو ما يفوتكش، لأن ببساطة كده فيه أخبار مش هتلاقيها في نشرات الأخبار. ببساطة لأن نشرات الأخبار بيقول لك خبر بس، إحنا اللي هنقول لك ما وراء الخبر.

بس طبعًا مش هقول لك الكلام ده كله قبل ما أخش في موضوع، قبل ما أكشف لك التفاصيل، خليني أقول لك إن إحنا معانا راعي قوي جدًا ومحترم جدًا وهو باتر هاوس. الطلب زاد جدًا الفترة اللي فاتت دي على منطقة الجلالة في العين السخنة، وفي مشروعات ضخمة جدًا بتعملها الدولة هناك بشركات متعددة، ولسه فيه استثمارات أكبر وأكبر هتتعمل في منطقة الجلالة خلال الفترة اللي جاية. عشان كده بقول لك دي فرصة دلوقتي إنك تستثمر هناك.

والنهارده شركة باتر هاوس قررت تعمل حاجة غير متوقعة، رغم النجاح الكبير جدًا اللي حققوه الفترة اللي فاتت، قرروا يعملوا عرض خاص جدًا وحصري لعدد محدود من الوحدات. ودي فرصة بجد ما تتفوتش في منتجع فيدلا في منطقة الجلالة بمقدم 3% فقط، وسعر بيبدأ من 9700 جنيه فقط على 10 سنين، بشرط إنك تحجز معاهم استمارة حجز بقيمة 50,000 جنيه. والتسكين قريب جدًا. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر. وطبعًا فيه مساحات أكبر زي التوين هاوس والتاون هاوس.

والنهارده مدينة الجلالة في مرحلة نمو وتوسع مستمر وتطوير سريع جدًا، وقيمة استثمارية وسعر بيعلى كل يوم. وبالنسبة لمنتجع فيدالا، فهو بيقع في منطقة الجلالة، فانت مش بتشتري مجرد مكان تقضي فيه وقت، أنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر، يعني هوا نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جدًا وقريب جدًا من الداون تاون والتليفريك وجامعة الجلالة، يعني حياة كاملة. هسيب لحضراتكم رابط باتر هاوس أسفل الفيديو لو حابب تتواصل معاهم. أوعى تفوت الفرصة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص ضرب أمريكا. إيه اللي حصل؟ حصل بالظبط اللي حصل. كلاتي إن والله امبارح طلع إنذار من الشرطة الفيدرالية في أمريكا إن: "يا جماعة خلي بالكم، إيران ممكن تكون بتخطط لضرب الساحل الغربي للولايات المتحدة الأمريكية." يعني المرة دي حرب إيران مش هتطول دول الخليج أو إسرائيل أو الشرق الأوسط كله، حتى أوروبا، زي مثلًا ما إيران فجرت قنبلة في السفارة الأمريكية في أوسلو في النرويج. ماشي؟

فإحنا هنا مش بنتكلم على أوروبا، لا، إحنا بنتكلم إن إيران تضرب أمريكا بشكل مباشر. هل ده ممكن؟ الحقيقة الأمر المفاجئ إن تم الكشف عن فيديو إزاي إيران ممكن تضرب أمريكا وتضرب الساحل الغربي بتاعها. إزاي؟ وفقًا للفيديو اللي قدام حضرتك ده، هتلاقي إن فيه زورق صغير كده شايل مصيبة. إنك تدور على زورقك أو إنك تدور على مركب اللي هو لانش صغير كده تدور عليه في محيط ما. أصل أمريكا قدامها محيط. إنك تدور عليه في محيط نقطة في بحر. ماشي؟ ده يا باشا ما بيتكتشفش في الرادار. يعني أنت عشان تكتشف اللانش ده، ده أنت عاوز هلم. وخد بالك إن مصيره شاهد 106 36 قادرة إنها تتجاوز مسافة بعيدة جدًا. فاللانش ده هيطلق في سيارة شاهد 136 على ساحل كاليفورنيا. طب اشمعنى كاليفورنيا؟ لأن كاليفورنيا دي أكتر ولاية فيها محطات كهرباء، فيها قواعد عسكرية، ولاية هامة جدًا وموجودة على الساحل الغربي، فسُهل إنك تضربها. فده الفيديو، وده يعني مش فتوى ولا حاجة.

وأكتر من كده، لو حضرتك عاوز إثبات، والله الرئيس الأمريكي نفسه، شوف بقى، سيبك من الـ FBI وسيبك إن فيه ناس ممكن تقعد تكذب الأخبار، بس الرئيس الأمريكي نفسه حذر إن إيران ممكن تنتقم عن طريق خلايا نايمة إيرانية في أمريكا. خد بالك، إن إيران حاولت اغتيال الرئيس الأمريكي دونالد ترامب قبل ما يخش الرئاسة مرتين، مرتين، والأمريكان اكتشفوا كده. ودونالد ترامب على فكرة بيفتخر بحاجة زي كده، بيقول لك: "هم كانوا عاوزين يقتلوني عشان هم عارفين أنا جاي أعمل فيهم إيه." فإيران عندها خلايا نايمة. وإحنا هنا يا جماعة مش بنتكلم على تنظيم داعش، ولا بنتكلم على تنظيم طالبان مثلًا، إحنا بنتكلم على دولة زي إيران، دولة عندها مخابرات، عندها أجهزة، وبطبيعة الحال عندها عملاء داخل أمريكا، وممكن يكونوا عملاء نايمين، أو ممكن يكون إيرانيين عاديين عاوزين ينتقموا لاغتيال المرشد، فيقوموا بعمليات تخريبية داخل أمريكا للمصالح الأمريكية. في الخارج. خد بالك، ومين اللي بيحذر؟ الرئيس الأمريكي. خد بالك بس في الحتة دي، اللي بيحذر الرئيس الأمريكي ده تحول خطير جدًا. إيران ممكن تضرب أمريكا من الداخل، أو ممكن تضرب الساحل الأمريكي.

"If they try to hit us back, have you been briefed about how many Iran sleep cells there could be inside the US?"

تقول لي: "على فكرة، الأمر اللي أنت بتقوله ده مش صحيح." ليه يا عم مش صحيح؟ يعني عاوز تقنعني إن فيه لانش هيطلع من إيران، يعني يمشي لحد المحيط في أمريكا، يقطع المسافة دي كلها؟ جي أقول لك مين قال لك كده؟ خلي بالك إن فيه بعض المراكب التابعة للبحرية الإيرانية ما تمش تدميرها لحد دلوقتي، برغم ادعاءات الرئيس الأمريكي إن والله دمر الأسطول الإيراني كله ودمر أسطول حرس الثوري الإيراني كله. فيه بعض المراكب اللي ما تمش تدميرها تابعة لإيران لحد دلوقتي. دي أمور مهمة جدًا لازم حضرتك تعرف الكلام ده. وده تحول كبير.

طيب، الرئيس الأمريكي طلع قال لك إيه؟ قال لك: "على فكرة، أنا في أمور كتيرة ما خدتهاش وإجراءات كتيرة ما خدتهاش في الحرب، ممكن آخدها." إيه هي؟ "أنا ممكن أضرب محطات الكهرباء في إيران." طب سؤال: ليه الرئيس الأمريكي ما ضربش محطة الطاقة في إيران؟ لأن الحرب أخدت منحنى جديد. إيه هي؟ إن إيران أصبحت إن هي بتربط كل الأهداف اللي بتضرب فيها بالدول الخليجية وإسرائيل. يعني لو خدت بالك هتلاقي إن والله إسرائيل ضربت 30 خزان وقود داخل إيران، أدى لمشكلة كبيرة جدًا في الوقود داخل إيران. وبعد كده ضربوا مصافي نفط في إيران، وما اكتفوش حتى بعد إن الجيش الأمريكي حذر الصهاينة وقال لهم: "بلاش تضربوا محطات الطاقة ومصافي النفط الإيرانية." إلا إن الجيش الإسرائيلي برضه نفذ بعض الهجمات على بعض محطات الطاقة. طب إيه رد فعل إيران؟ رد فعل إيران إنها ضربت مصافي نفط في حيفا، وضربت مخازن نفط في حيفا. مش بس كده، عاوز أقول لك إن امبارح ضربوا خزان نفط في فيلا اللي هو مينا في عُمان، ضربوا خزان نفط في البحرين، ضربوا ناقلتين نفط قدام العراق. تاخد بالك من الرد؟ إيران كل ما هيضرب عندها هدف، هتضرب نفس الأهداف دي على دول الخليجية وعلى إسرائيل. فدونالد ترامب أصبح إن هو بيفطن لحاجة زي كده أو إن هو بيفهم حاجة زي كده، فمش هيستهدف بنية تحتية عشان إيران ما تستهدفش بنية تحتية ومحطات طاقة وكهرباء للخليج وإسرائيل. فده تحول خطير. وعلى فكرة، بكده الرئيس الأمريكي اعترف بشكل غير رسمي على قدرة إيران على الاستمرار في الحرب وعلى قدرة إيران على تهديد جيرانها، برغم ادعاؤه إن والله الجيش الأمريكي يعني عامل عمل عظيم جدًا وإحنا هنخلص الحرب والحرب دي رايحة خلاص، يعني بتنتهي وإحنا بنلم عزلنا، إحنا بس مش عاوزين نعلن نصر دلوقتي، بس يعني إحنا خلاص هنخلص الحرب.

زي ما حضرتك هتشوف كده بالظبط. ده أمر. الأمر الثاني، خد بالك إن الـ CNN، الـ CNN كشفت لأول مرة عن اللي حصل لمجتبى خامنئي، وقالت لك: "على فكرة، وفقًا لمصادر، إن مجتبى خامنئي رجله اتكسرت والراجل أُصيب بكدمة في عينه بعد محاولة اغتيال." ليه؟ لأن خلي بالك كانت إسرائيل بتحاول تغتاله أول ما تم تعيينه كمرشد. ماشي؟ ودونالد ترامب طلع قال لك: "أنا يعني شايف إن مكتب ده اللي هو ابن خامنئي اللي أصبح المرشد الجديد، ما ينفعش إن هو يعيش مطمئن، يعني هنجيبه هنجيبه." يعني. بس بتقول لك إن مجتبى خامنئي ما عندوش الإصابات اللي كان كل الإعلام متخيلها، إن الراجل والله يعني متخشم وقاعد في المستشفى، رجله مكسورة، عنده كدمات. بس الكدمات دي ما ينفعش يطلع بيها في التلفزيون. يعني هيطلع وعينه وارمة، هيطلع يقول للشعب الإيراني إيه؟ "أنا اتبهدلت." أو هيمشي إزاي تاني؟

تاني حاجة، مكتب خامنئي مستخبي، لأن الراجل ده لو طلع في التلفزيون، الصهاينة هيجيبوه. سكن الأمريكان بس الصهاينة هيجيبوه. ده أهم هدف حاليًا. أي حد يتعين مرشد جديد بدون رغبة رئيس أمريكي، لازم تعرف إن إسرائيل هتغتاله. وبمناسبة، حتى لو الرئيس الأمريكي يعني مش معترض عليه قوي، إسرائيل برضه هتغتاله. ده أمر مهم.

طيب، في الحقيقة أنا واقف قدام لقاء تام بين تاكر كارلسون. تاكر كارلسون ده من وجهة نظري يعني هو أعظم مذيع أمريكي في الوقت الحالي. ما فيش حد يطغى على تاكر كارلسون. وعلى فكرة، عظمة تاكر كارلسون إن هو ما أصبحش مذيع في قناة، يعني ماشي وفقًا لسياسات القناة أو السياسة التحريرية للقناة. الراجل أصبح يوتيوبر، يعني راجل كده بيفتح كاميرا وبيتكلم زي ما هو عاوز، خلاص بيقول اللي هو عاوزه. وبالمناسبة، هو بيقول لك: "أنا ساعات بعمل لقاءات بتثير غضب في الداخل الأمريكي، بس أنا بحب أعمل." وما تنساش إن إسرائيل قبضت على تاكر كارلسون قبل كده في تل أبيب أو ضايقته في تل أبيب، وما خرجتوش بره المطار. ويعني الصهاينة ما بيحبوش يعني تاكر كارلسون.

استضاف دوجلاس ماكجريجور. مين دوجلاس ماكجريجور؟ دوجلاس ماكجريجور هو مستشار عسكري للرئيس دونالد ترامب في فترة رئاسته الأولى. والحقيقة دوجلاس ماكجريجور ده يعني راجل عسكري عظيم، مش حد قليل. دوجلاس ماكجريجور كان بيتكلم في إيه؟ الحقيقة دوجلاس ماكجريجور كان بيرد على سؤال مباشر. يعني تاكر كارلسون بيقول له: "إيه المخرج بالقصه دي؟ يعني هنخرج إزاي من الحرب؟" يعني شوف تاكر كارلسون واضح ده أمريكي، قال لك: "هنخرج إزاي؟ ما إحنا مش عارفين نخرج من الحرب دي." والظاهر تم تأكيد يعني إن والله كل البيانات اللي كانت بتتقال إن دي نزهة وإن دي حرب قصيرة والكلام ده كله، واضح إنها مش حقيقي.

تاكر كارلسون بيقول: "الحرب دي هتخلص إزاي؟" دوجلاس ماكجريجور رد عليه قال له: "بص، في الوقت اللي إحنا فيه ده، لازم نلاقي وسيط." طيب مين الوسيط اللي بيتكلم عليه؟ قال لك والله الدولة ما تكونش إيدها في الحرب. يعني ممكن نروح للهند. الهند صحيح مع إسرائيل ومودي ده رئيس وزراء بتاعهم راح خطب في الكنيست والكلام ده كله، بس يعني الهند عندها علاقات كويسة مع روسيا، عندها علاقات كويسة مع إيران، فايران ممكن تسمع.

طيب ليه؟ شوف بقى الكلام هو بيقول ليه؟ بيقول لك: "خلي بالك، الحرب دي كل ما تكمل، لازم تعرف إن أولًا أنت بتخسر خسائر غير طبيعية." سيبك إن الجيش الأمريكي وبس، أنا هضيف الحتة دي من عندي، إن الجيش الأمريكي صرف 11 مليار دولار في ست أيام. وعلى فكرة، اللي قال الكلام ده رويترز، يعني أنا ما جبتش حاجة من عندي. رويترز بتقول لك 11 مليار دولار في ست أيام. واللي أفرج عن الرقم ده بنت، لأني كنت مهتم جدًا، عاوز أعرف تكلفة الحرب لحد دلوقتي قد إيه. قال لك في أول ست أيام 11 مليار. سيبكم الكلام ده كله. هو راجل بيتكلم إن خلي بالك الحرب دي أصبحت مكلفة جدًا لأمريكا، لأن إيران كل ما بتضرب بترد على إسرائيل وبترد على الخليج. وفيه ناس تقعد تقول لك إيه؟ تقول لك: "على فكرة، الخليج مش مهم، ده أمريكا بيطلع لها 3% فقط من النفط الخليجي." لا، ما تبصش على كده، بص إن النفط الخليجي ده بيروح منه 80% للهند، 60% لليابان، 65% لكوريا الجنوبية. على فكرة، هو بيقول لك نسب استيراد الدول دي لنفط الخليجي. ماشي؟

فقال لك: "أنت كده بتضرب الدول الحلفاء بتوعك." ده غير أوروبا. يعني سيبك إن أوروبا ماشي، وسيبك إن أوروبا دي متبهدلة وداخلة حرب روسيا وأوكرانيا، والحرب بتاعة إيران دي قوت روسيا تاني ووضعت روسيا في حتة تانية وخلتها دولة ذات نفوذ والكلام ده كله، زي ما حضرتك هتشوف.

"We look at this well only 3% of our oil comes from the Gulf. Got for you 50%."

تاني حاجة، قال له: "خلي بالك، أنت كده بتقتل البترودولار." شوف بقى الكلام الخطير. قال لك: "أنت بتقتل البترودولار." إيه البترودولار؟ إن والله الخليج بيبيع النفط بتاعه بالدولار الأمريكي. خلاص، أنت بتقتل البترودولار ليه؟ لأن أولًا أنت ما عرفتش تحمي الخليج، ثانيًا الخليج يعني حاليًا بيتعرض لضربات أكتر بكتير مما كان الأمريكان بيحاولوا يصوروا له إن القواعد الأمريكية دي هتدفع عن الخليج وإن القواعد الأمريكية دي يعني هي الحامي الرسمي. لا، إيران بتضرب القواعد الأمريكية وبتضرب أهداف مدنية في الخليج وأمريكا مش عارفة تحميها. وعلى فكرة، النهارده طلع الجنرال أمريكي طلع يقول لك: "على فكرة، أمريكا أصبحت عمياء في رادارات مهمة جدًا اتضربت في الدول الخليجية، أمريكا ما بتعرفش تعيدها تاني أو إنها تعيد إنشائها تاني." ففي أصول أمريكية اتضربت، أصبحت خلت أمريكا عمياء في الحرب دي أو أثرت على قدرتها على الرد.

طيب، فمر. وبالمناسبة، مع أنا هكمل لك بس حتة مهمة جدًا، إن خلي بالك الدول الخليجية، كل اللي حصل ده مش هو الأساس. ده أنت هنا بتتكلم إن الأضرار اللي تمت في الدول الخليجية، لازم تعرف إنها تحتاج سنين عشان ترجع. سنين. قطر وقفت إنتاج الغاز، وقلت لك عشان حقول الغاز دي ترجع دي عاوزة لها وقت كبير جدًا. الكويت بتقلص الإنتاج، العراق بتقلص الإنتاج، خاصة بعد ما تم ضرب ناقلة النفط. الإمارات بيتم ضرب ميناء الفجيرة، وأنا عاوزك تبص على الصور بتاعة ميناء الفجيرة بعد ما اتضرب. أنت شايف الصور عاملة إزاي والدمار فيه إزاي؟ فاضرار غير طبيعية. وده البداية. ليه؟ لأن خلي بالك كابل النت الأساسي اللي جاي من أوروبا للدول الخليجية، إيران شبه كده، عاوزه تقطعه. إيران عاوزه تستهدف كابل النت الأساسي اللي بيروح للخليج. ليه؟ قال لك والله: "نأثر على قدرة أمريكا والمخابرات الأمريكية في العمل في الخليج، وبمرة برضه نضرب أصول مدنية خليجية ونسب كم دمار كبير جدًا على الخليج." خلي بالك، إيران أهم حاجة إنها تعمل تدمير على قد ما تقدر عشان ترفع ثمن الحرب دي على الأمريكان.

فأنت عندك كابل النت مهدد لدول الخليجية. بلاش، أنت عندك إن الخليج في زيارة دونالد ترامب كان أهم حاجة عنده الذكاء الصناعي ومركز البيانات. وقلت لحضرتك إن الخليج بيفتخر إن هو عنده طاقة رخيصة جدًا وقادر إن هو يعمل كذا مركز بيانات بتكلفة قليلة جدًا، يعرف يجذب بيها شركات الخليجية. طيب، فأنت دلوقتي بتتكلم إن مراكز البيانات دي، إيران ضربت ثلاثة، ثلاث مراكز بيانات تم ضربهم في بداية الحرب، وما تعرفش باقي الحرب دي هيضربوا كام مركز بيانات. خسائر غير طبيعية. والخسائر دي مش هتحل في يوم وليلة. وأوعى تظن إن الحرب لو وقفت بكرة، الخليج هيرجع زي الأول. الخليج اتضرب، وأمريكا مكملة في الحرب، وأمريكا بتعد إنها مش هتخلي إيران تضرب صواريخ والكلام ده كله. لا، فيه مشاكل.

طيب، تعال بص على إسرائيل، حليف أمريكا الأول. امبارح بتتكلم إن إسرائيل بتقول لك إن حزب الله ضرب 200 صاروخ. 200 صاروخ. وأخطر ما في الموضوع إيه؟ إن والله حزب الله ضرب رشقات صاروخية بالتنسيق مع إيران في وقت متزامن. يعني الصواريخ كانت جاية من إيران وجايه من حزب الله في نفس الوقت. الدفاعات الجوية اتفتحت، والصواريخ بتاعة حزب الله هي كانت أشد قسوة على الجانب الإسرائيلي، وضربوا مناطق حساسة جدًا في إسرائيل وسببوا دمار كبير جدًا لدرجة إن إسرائيل عاوزة تخش بري. مش أنا جبت لك مقالة في فورين بوليسي، واضح حضرتك إن فيه جنرال إسرائيلي اتكلم مع ديفيد إغناتيوس وقال له إن إسرائيل مش هتخش بري في لبنان. طيب، اتفضل، دلوقتي بيتكلموا إن إسرائيل عاوزة تخش بري وهتقعد بري ومش فارق عندها الخسائر البشرية، لأن ضربات حزب الله كانت قاسية جدًا على إسرائيل. فتحت الدفاعات الجوية، فتحتها. هتخلي بالك في سترتشين في مط للدفاعات الجوية. الدفاعات الجوية مش عارفة تدفع هنا ولا تدفع هنا، تواجه صواريخ إيران ولا صواريخ حزب الله. وأصلًا صواريخ إيران بيبقى فيها نسبة إغراق، يعني بيتضرب كذا صاروخ. ماشي؟

وأمبارح بالذات كان فيه عدد ضخم جدًا من الصواريخ جاي على إسرائيل، فكون إن امبارح حزب الله كمان يطلق رشقة صاروخية في نفس التوقيت، ده تنسيق في الاتصالات، وإسرائيل ما عرفتش توقف الاتصالات بين حزب الله وإيران. وفي نفس الوقت الضربة دي كانت قاتلة بالنسبة لإسرائيل. فانت بتتكلم على حليف أمريكا الأول الباهت. ماشي؟

طيب، تعالى أبص على حاجة تانية، إن إيران ما أبدتش أي نوع من أنواع الضعف. طيب، هل أنا جاي أقول لك إن إيران منتصرة؟ بص، الهدف الأساسي بتاع الفيديو بتاعي مش إن أنا أصوّر لك طرف منتصر، لأن إحنا لسه في منتصف الحرب. أنا جاي أوضح لحضرتك خسائر الطرفين عاملة إزاي. والواضح جدًا إن خسائر أمريكا ضخمة جدًا جدًا. بس ده لا يمنع إن إيران ما بتتهزمش. إيران ممسوحة يا جدعان. يعني إيران ممسوحة. إيران حاليًا دولة بتضرب بأعظم القنابل. عاوز أوريك الفيديو ده. الفيديو ده للقاذفة بي و لانسر وهي بيتم تحميلها بقنابل ضخمة جدًا. وبالمناسبة، البي و لانسر بتعرف تشيل صواريخ. شالوا منها الصواريخ، كل الحموله بتاعتها قنابل. ما معناه إن يعني إيران بتضرب بضربات غير طبيعية، تمهيد نيراني غير طبيعي. خلاص.

فإيران متبهدلة، والأمريكان مبهدلين. بس مشكلة الأمريكان إن هم مش لوحدهم. يعني مش هم اللي بيدفعوا الثمن لوحدهم. وعاوز أقول لك إن أسعار النفط النهارده بتتكلم في 98 دولار. ده بعد ما دول الـ G7 هتسحب 400 مليون برميل، وإن أمريكا لوحدها هتسحب فوق الـ 170 مليون برميل من احتياطاتها. والكلام ده كله. أسعار النفط 98 دولار. وإيه يعني؟ أنا عاوز أقول لك دوجلاس ماكجريجور قال لك إيه؟ قال لك: "لو فضلنا في الحرب دي، اسمع يا باشا، 300 دولار في البرميل." 300 دولار. وعندك الاحتياطي الاستراتيجي الأمريكي الـ SPR ما فيهوش. يعني أنت دلوقتي الاحتياطي الاستراتيجي الأمريكي ده أكتر من 700 مليون برميل. جي جو بايدن سحب 180 مليون برميل وما تمش يعني تجديد الاحتياطي ده. دلوقتي دونالد ترامب بيسحب 170 من الـ 400 الباقية. طب إيه بقى الباقي ده؟ مش هيكفي الشعب الأمريكي نص شهر تقريبًا من الاستهلاك. وبالمناسبة، كل ما الـ SPR ده يقل أو الاستراتيجيك بتروليوم ريزيرف أو الاحتياطي النفطي الأمريكي ده يقل، سعر النفط بيعلى. بياثر على سعر النفط. خسائر، خسائر، خسائر. والحرب دي واضح إن ما فيش طرف من الطرفين هيتراجع خلاص. ما فيش طرف هيتراجع.

في الآخر، يا رب أكون شرحت لحضرتك الموضوع بشكل مبسط. ويا رب مصر يا رب ينصر العرب. ويا رب انصروا فلسطين يا رب. تحيا مصر. أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب وكرم بيتضرب به المثل. جدعنة وشهامة مش موجودة في زماننا. ورحمة بتطلع من عينينا قبل قلبنا. اله. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ربنا أدانعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر يا محروسة بسيف شاطر وسيف حارس عليك يا مين. ومن فوق السماء السابع حميك رب العالمين.