ساعة⌚️ستغيّر حياتك … خلاصة أفكار د. كريم علي التي يريد إيصالها للناس"

السلام عليكم ورحمه الله وبركاته. حيا الله الجميع. نلتقي بأسرع مما توقعنا بعد اللايف الأخير، وكانما ما كنا نتحدث عنه تحقق. إنك لما تنفق، ربنا يعطيك. تنفق، ربنا يعطيك. الكلام مش على الفلوس، الكلام على العلم، الكلام على الوقت، الكلام على الجهد. كل ما تنفق، تأخذ من نفس العملة.

ففي خلال أقل من 24 ساعة، جالي كم فكرة لازم أوصلهم للناس. لازم أوصلهم للناس اللي بيقولوا: "إحنا واخدين القدوة". لازم أوصل للناس الشباب الصغير كتير بيقول: "أنا نفسي أبقى زيك". قبل ما تبقى زيي، اسمع اللي هقوله النهارده.

أوعوا تعملوا اللي أنا بعمله. أوعوا تعملوا اللي أنا هقوله النهارده. لأن لو انتوا عملتوا الحاجات اللي أنا هقولها النهارده، اللي أنا عملتها، مش كل الناس هتقدر تستحمل. مش كل الناس تقدر تستحمل العقبات. مش كل الناس تقدر. مش لازم كل الناس تصل لتلك المراحل المتقدمة قوي في الحياة من الفهم والخبرة والثراء والشهره والصحة. مش لازم.

أخش في الموضوع. أول حاجة: أوعوا تعملوا زيي فيها. أوعوا يا شاب صغير، أوعوا تعشقوا الحرية. خليك زي الناس. لأن اللي بيعشق الحرية لا تحد دوله، ولا تحد علاقه، ولا تحد وظيفه، ولا تحد مهنه، ولا تحد قواعد، ولا تحد أبحاث، ولا تحد قوانين. هو حر يفكر كيف يشاء، يعيش كما يشاء بقوانين يضعها لنفسه ويلزم نفسه بها. فده صعب، لأنك لن يكون لك ارتباط، ولن يكون في قدمك سلاسل لأي حاجة. لا للوظيفه اللي اتربينا اللي اتعلمناها، ولا علاقه سميه أو ناس حواليك تضحي بنفسك عشانهم. حريتك أهم. ولا، يا ابني، عيش زي الناس ما هي عايشه. ولا البلد دي أحسن من غيرها. ولا اللي نعرفه أحسن من اللي ما نعرفوش. ولا الوظيفه دي آمن من غيرها. ده كله هيسقط مجرد ما تعشق الحرية زيي.

فلو عايز تعشق الحرية زيي، احذر. لأنك سوف تنقطع كل سلاسلك إلى الأشخاص والأشياء والأرض. دي النقطة الأولى. بلاش تحب الحرية.

النقطة الثانية: أوعى تعمل زيي وتقفل ودانك عن كلام الناس. لأنك لو وقفت أو فضيت ودانك وما بتسمعش لحد، ما سمعتش للي يقول: "خليك عادي، عيش على قد رجليك". أو "مد لحافك على قد رجليك". هو إنت إشمعنى إنت؟ إشمعنى إنت اللي هتبقى مليونير وانت عيلتك كلها ناس عاديين؟ إشمعنى إنت الدكتور قاعد في عيادته لابس بلطو، إنت بتتنطط لنا في السوشيال ميديا ليه؟ هو في حد ينجح وهو صاحب بالين؟ يا ابني، صاحب بالنداب. يا تبقى دكتور، يا تبقى في السوشيال ميديا. يا تبقى متحدث لبق، يا تبقى صاحب علم. يا تبقى كلام الناس. فأنت الأفضل. الأفضل اسمع كلامهم. لأنك لو ما سمعتش كلامهم، هتتحارب، وهتتشتم، وهيتكسر مقاديفك، وهيتريقوا عليك، وهيشككوك في قدراتك. فالأحسن اسمع كلامهم. لما تسمع كلامهم، ترتاح. تعيش زي الناس ما هي عايشه. لك دكتور، لو انت دكتور، اقعد في عيادتك وروح لبيتك الساعة بعد العيد ما تخلص بفلوس العيادة. وفي الصيف، استنى هات شقه بالتقسيط في أي حته على البحر. والأيام بتعدي وهتعدي. لا أحلام عظيمة، ولا ترك أثر، ولا تغيير أمه، ولا سهر عشان تصل لحلم كبير، ولا إنك تبقى عندك أربع أو خمس حاجات شغال عليهم. تكتب كتب وتعمل فيديوهات وتعالج ناس وتاخد استشارات. تعمل كمبات. يا ابني، صاحب بالين كداب. الكلمة دي اتقالت لي من زمان. اسمع كلامه. خليك في وظيفه واحده. خليك في مكان واحد. ما عشان هتتعب. دي نصيحتي الثانية. اسمع كلام الناس.

النقطة الثالثة: وما كلمنا عليها امبارح وهكملها. أقول امبارح وهتكلم عليها النهارده. الخوف ياكل الشجاعة. الشجاعة وحشة. الشجاعة هتطلعك من مناطق إلى مناطق أخرى ما فيهاش حد. الشجاعة هتخلي كهنة معبد مجالك، أو كهنة معبد الدين القديم، أو كهنة معبد اللي إنت مش عاجبهم، أو كهنة معبد الروتينيين، هتبقى عدو لدود ليهم. ليه؟ لأنك ما بتخافش. عندك شجاعة تكسر الحدود. عندك شجاعة تقعد مع نفسك تقول: "ماذا لو؟" الكلام اللي أنا درسته ده مش صح؟ ماذا لو أقدر أبقى ملياردير؟ ماذا لو تركت بصمة تترك للأبد؟ ماذا لو بقى ربنا فتح ليا أرزاق الناس؟ ماذا لو تتفتح لك العالم؟ فخليك أحسن في الخوف. لأن الخوف للناس حاجتين. يا يبقى باب الخوف باب وانت قاعد جوه مرتاح دايرة الأمان. أي حاجة تخوفك، أوعى تعملها. تسافر بره البلد؟ أحسن. تغير وظيفتك؟ تسيب الوظيفه وتشتغل أعمال حره؟ تبعد عن شريكك الغني بس نرجسي؟ تبعد عن العلاقة اللي مش هتزودك ومش هتخليك في مراتب أعلى وبتسحب من طاقتك؟ فده باب. خليك مقفول. الباب اللي يجيلك منه الخوف، سده واستريح.

أو لو مش باب الخوف، هيبقى طريق. أينما خفت، بروح. لأن هو ده بره الراحة. ده اللي هيوريني الدنيا اللي بره. ده اللي هيوصلني للمكان اللي ما حدش وصله. ده اللي هيوصلني لنتيجة ما حدش وصل لها. ده اللي هيخليني أصل لأبعاد لن يصل أحد، لأنهم قفلوا باب الخوف عليهم. فأنا خدت الخوف طريق. فأنت اختار. وأنا رأيي إنك تاخد الخوف باب. والباب اللي يجيلك منه الريح، سده واستريح. وما تعملش زيي. لأن الحياة على قد ما هي لذيذه وحره وشجاعه، ولكن لازم تتحمل صعوبات الطريق، ولازم تدفع الثمن. خدها مني كلمة: العظماء لم يوهبوا العظمه. العظمه هي ضريبه أتوها لما ضحوا كتير. فانت اختار. عايز تضحي؟ عايز تغير؟ ولا عايز تعيش على قدك وتموت على قدك؟ ولكن احذر. في نارين. الصراحة. نار اللي بيدخلها الذهب عشان يبقى سبيكه ذهب وقائد صلب، والدنيا ما تقدرش تاخد منه حاجة، والدنيا ما تقدرش عليه، وما تقدرش تجيب راسه تحت. وزي الساموراي، حتى لما يموت، يموت واقف. صفه في صدره واقف ميت، واقف مش هيركع أبداً لغير ربنا. ودي نار القادة.

أو النار الثانية، إنك تعيش نار اللي عايشين على هامش حياة. نار اللي عايشين عادي. نار اللي عايشين اليوم بيوم وخايفين من بكرة. نار اللي بيتقرص بالمرض فيدور على الصحة. يتقرص بالفقر عشان يدور على الغنى. يتقرص بالذل عشان يعرف معد الحرية. فاختار النارين. نار القادة اللي تثقل، وهي صعوبات الطريق. أو النار إنك تعيش على الحواف زي الناس ما هي عايشه. فكر قبل ما تاخد أول خطوة.

الشغف. الشغف يا دكتور. الشغف راح مني. أجاوب لكم على سؤال رهيب رهيب رهيب النهارده هيغير فكرة ناس كتير. يا دكتور، أعرف شغفي إزاي؟ يا دكتور، أنا ما عنديش شغف. الشغف مش مصباح طريق، ولا وقود الحياة، ولا طريق الوصول للحلم، ولا تشجيع عشان تعمل اللي ما حدش عمله خالص. اكتشفت الكلام ده متأخر قوي، بس حاجة متأخر، كل حاجة في وقتها. الشغف احفظوها مني كده: الشغف رسالة. لا رسالة منك. إيه؟ يعني أنا ماشي عشان بشغفي؟ أنا شغفي اللي بيحركني؟ أنا لما بفقد شغفي، مش عارف أوصل لأحلام عظيمة؟ مش مطلوب الشغف رسالة من الله ليك. أنا كريم. شغفي الطب. فستوب. شكراً يا شغف. مع السلامة. عملت دورك. جبت لي الرسالة من ربنا إن أنا رسالتي في الحياة هي الطب. فانا شغف الطب. خدت الرسالة. لا يوجد أي دور ولا مكان ولا استخدام للشغف بعد ما تعرف شغفك هو إيه. وصل. الكلام ده شغفك رسالة لك. مش هتخرج منك، ومش مطلوب تخرج منك. دي رسالة ليك بتفتح الظرف. شغفي هو النفع. شغفي أربي العيال. شغفي أبقى مهندس. شغفي أبقى بناء. شغفي إن أنا أنظف في الشوارع بالليل. عرفت الشغف؟ اقفل. ما تسمعش الكلمة دي تاني. شغفي راح يا دكتور. ما طبيعي. ما هقدر اللي عليه. وكل فترة، كل فترة. وده يدل على كلامي أكتر. وأنا ما كنتش فاهمه. أنا ما كنتش فاهم. شغفك وأنا صغير إن أنا أطلع من الأوائل. وبعدين شغفي أدخل كلية الطب. الله. وبعدين شغفي إن أنا أدرس فنون مسرحية وأدخل أدرس تمثيل عشان أعرف أتكلم وأعمل حبكة درامية وأوصل الفكرة وما أخافش من الجمهور وأعرف الكاميرات. ثم شغف يعلم الناس الطب. جالي كم شغف؟ الله. يعني الشغف بيتغير؟ ما طبيعي. يعني الشغف مجرد ما يجي لي، أقفل الباب وأمشي في الطريق ده. عشان في شغف هيظهر تاني قدام. طبعاً. وصل. الشغف هو الرسالة. إنك هدفك كذا. سلام عليكم. ما تعيش فيه كتير. وما تدورش عليه كتير. ومش مطلوب منك. مش مطلوب منه يعمل أكتر من كده. وصلت. شغف الجراح اللي ما فيش. الشغف بيقعد. وإنك تصحى كل يوم عندي شغف. كلام فارغ. شغفك جه وخلاص.

الراحة. الراحة يا حبيبي. أنا عاوزك ترتاح. أنا عاوز الناس اللي تسمعني ترتاح. لأن عارفين عكس الراحة إيه؟ الحرية. آه والله. بصوا كده. أنا حر. لن أرضى إني أفضل يجي لي 1000 دولار في الشهر. أنا حر. لن أرضى يكون عندي دخل واحد. أنا أرضى. لن أرضى إني أعيش بضغط وسكر وتصلب شرايين وسمنة وكرش وأقلع على المراية جسمي يعورني من الشكل. إنت بقيت كده إمتى يا ابني؟ إنما عكس الحرية والانطلاق. كل زي الناس ما خلينا قاعدين. ارتاح. كل زي ما بياكلوا عيش زي ما بيعيشوا. اشتغل زي ما ما بيشتغلوا. القاعدة. فالحرية عكسها الراحة. والراحة تبان إنك عايش. ولكن أنت عايش في مقبرة. راحتك هي مقبرتك. راحتك مش الراحة اللي اتكلمت عليها في اللايف إن أنا أكون مرتاح لهذا الأمر أو مش مرتاح للشخص ده. لا. راحة الحياة يعني السنتري لايف. الحياة البيس. البيس. إحنا ما عندناش بيس في الحياة. من حلم لحلم. من دوله لدوله. من شخص لشخص. من مرحله لمرحله. من تطور لتطور. من نفع لنفع. ما فيش راحة. فاكرين كده لما سيدنا محمد صلى الله عليه وسلم. لا راحة بعد اليوم يا خديجه. هو دي الراحة اللي أنا بتكلم عليها. لو عايز تبقى زي العظماء، اكتب الكلمة دي على الحيطة: لا راحة بعد اليوم يا خديجه. ما فيش راحة. في حلم. في هدف. في كل يوم 1% ثروه. 1% صحه. 1% علاقات. 1% نفع. 1% حب الناس. فالراحة عكسها الحرية. أنا رأيي سيبكم الحرية. متعبه وصعبه وبنقاسي. والحياة مش زي ما أنت متخيل زي ما أنا. عشان كده أنا طالع اللايف ده. يا جماعه، حياة المغيرين مش زي ما أنتم باين لكم. ارجعوا للرسل. هم العظماء. شوفوا حياتهم. دول الأعظم. مين كان ارتاح؟ ارتاحوا إمتى؟ وارتاحوا فين؟ عارفين إمتى ارتاحوا؟ لما رسالتهم خلصت. وعارف في اللحظة اللي رسالتك هتخلص في الأرض، روحك هتتسحب. فانت لما تخير إنك تعرف إن رسالتك خلصت. أنا عملت المطلوب مني. الحمد لله. ربنا بعتني بوظيفه للأرض. وظيفه للأرض. وأنا عملتها. يدخل عليك ملك الموت. بل الرفيق الأعلى. بل الرفيق الأعلى. خلاص أنا قضيت مهمتي. ارتاح بقى. ارتاح بقى. الإمام مالك صاحب الموطأ. متى الراحة يا إمام؟ بيقولوا له: إمتى الراحة؟ قال لهم إيه؟ حين تضع أول قدميك في الجنه. ارتاح. ارتاح قبل كده ما فيش راحة. لأن في حلم كبير. وده ياخدني لنقطة مهمه جدا جدا جدا. وحاجه ما تسمعوش كلامي فيها. وما تعملوش زيي أبداً. وخليكم زي ما أهالينا بيقولوا لكم: يا ابني، إنت قدامك العمر طويل. لسه في وقت. عيشوا فيها. لسه في وقت. اقعدوا تعملوا زيي. أنا عارف إن ما فيش وقت. أنا عارف إن الأحلام أطول من العمر. أنا عارف إن اللي انت بتحط له خطه سنه بياخد 10. اللي انت متخيل إنك لما توصل له، أنا وصلت أهو للبيت الكويس والشهره والمال. أنا كده خلاص. ده في تاني. في وقت. ما عنديش وقت. أكمل ده. في حاجات أعظم. في حاجات أكبر. الحاجات اللي أنا متخيل إني لما أوصل لها هرتاح. أو مش هرتاح. أشعر بسعادة. أو أقول خلاص كده. ما فيش خلاص كده. لو عرفت إن ما فيش وقت. لما تريد نومك هيبقى شكله إزاي؟ ويومك عملك كل يوم هيبقى شكله إزاي؟ هتصحى 5، 3 الصبح زي الناس اللي بيتريقوا. أصحى 5 الصبح. مش لاقي حاجة أعملها. اديني صحيت 5 الصبح أهو. أعمل إيه بقى؟ تعمل إيه بقى؟ هو إنت يومك الـ 24 ساعة فيها حاجات؟ والله على الأقل 36 ساعة تتعمل. والله نقرا كتب ونروح الجيم ونظبط الأكل ونشتغل وظيفتنا ونشوف الناس اللي بنحبهم ونرفه ونعمل السعادة اليومية عشان البنزين. وتقضي صلواتك وتقرا قرآنك وتراجع فلوسك وتزود الثقافه الماليه عندك وتسمع كريم علي. الله يعمل له. عشان صحتك. إنت عندك وقت خلاص؟ كل ده خلص؟ لا. وده قاعد في السرير. زمان. إحنا كذلك. كنتم من قبل قاعد في على السرير. انزل اخرج يا حماده. اصحى يا حماده. اصحى أعمل إيه يا ماما؟ اصحى أعمل إيه؟ إنت بتعمل التليفون. قاعد بتعمل إيه؟ ولا حاجة. قاعد بضيع وقت. بتضيع وقت. إنت عارف الوقت ده إيه؟ الوقت ده عمرك. عارف الوقت ده إيه؟ عمرك. وهقول لكم حاجة كده. كان زمان نفسنا أيام الفقر تعدي بسرعة. أيام المرض تعدي بسرعة. أيام الوحدة تعدي بسرعة. وبعد لما خرجنا اكتشفنا اللي عدى بسرعة ده كان جزء مهم قوي من عمرنا. يا ريته ما عدى بسرعة. لأنه مش هيرجع تاني. اللي بتطلب إنه يعدي بسرعة مش هيرجع تاني. عشان كده بكلم الناس اللي فيها وظيفه مستني من الحد للحد ياخد اجازه. اهو الأسبوع يعدي. الأسبوع ده عمرك. الأسبوع ده متعك. الأسبوع ده سعادتك. الأسبوع ده انبساطك. عدى بسرعة. استنى الصيف. استنى الإجازة. استنى اتجوز. استنى أبقى غني عشان تبقى 40 سنة غني. الـ 40 سنة راحوا بسرعة. ما فيش وقت. عيش مع الناس اللي بتقول لك: في وقت. وإنت هتستمتع. الصراحة هتستمتع بالحياة. فيش وقت.

نقطة اللي بعد كده برضه. أوعوا تعملوا زيي. أوعوا تستلذوا الوحدة. وأوعوا تصادقوا الوحدة. خليك مع الناس. خليك مع الونس. أهاوي. خروجات صحاب. مكالمات. بلاش الوحدة. حتى لما تبقى قاعد لوحدك تلعب. العب جيمز. ماعرفش يا جماعه. نقطة كده بعيدة عن اللايف اللي أنا فيه. كم الجيمز والجيمر والشباب اللي بتتابع الجيمز. إنتوا عندكم وقت وفراغ لهذا الحد منين؟ أنا آسف. آسف. أي مهنتك إنت حقيره يعني أو مهنه لا أخلاقيه وبتتفرج عليها. بتضيع خمس ست سبع ساعات قدامها. دي بتفرق إيه عن برضه ضيعت خمس ست ساعات في جيم؟ الاثنين وقت ضايع. الاثنين مالوش فايده. الاثنين عمرك ضاع. الاثنين مش فايد لا نفسك ولا بلدك ولا مامك وأبوك ولا أخواتك ولا بناتك ولا أولادك ولا نافع أي حد. فدي رسالة للناس اللي بيجيبوا بيتابعوا الجيمز أو الناس اللي بيعملوا قنوات جيمز. اتقوا الله. اعمل مهمه تفيد البشر.

ارجع للموضوع. الوحدة. الوحدة هي طينة البذور. الوحدة هي طينة البذور. إن لم يزرع العظماء والقادة والأنبياء في وحدة الأول، البذرة مش هتتحط. فمش هيطلع ثمره وشجره كبيره. الوحدة هي ظلمه البذور. عمرك لو أنا حطيت البذره على إيدي، عمرها تبقى شجره؟ لو حطيتها في إزازه هتبقى شجره؟ لو حطيتها في ورق هتبقى شجره؟ لا. لازم تنزل في الطين في الضلمه لوحدها عشان تعمل شجره. نخله ناكل منها تمر للصبح ونشرب ونأكل سبع تمرات ونأكل ثلاث تمرات ونقول للدكتور كريم بيحرم على الناس عيشتها. فما تحبوش الوحدة ليه؟ الوحدة يعني أحب الوحدة إزاي؟ وأسمع صوتي الداخلي. مش يمكن شياطين؟ أسمع وحدة إزاي عشان أرتب أفكاري وأعرف إن الناس كلها اللي عايشه في صخب تايهة وهي مش عارفة إن هي تايهة؟ أقعد مع الوحدة ليه؟ عشان أعرف خريطة حياتي. لا. والأعظم من ذلك ومهم قوي قوي قوي قوي قوي. النقطة دي اللي هقولها دلوقتي في الوحدة. أنت ترى ظلك لك. هو أنا لي ظل؟ 99.9 من حياتنا ومن الناس اللي بتتفرج عليا بيستخبوا من ظلهم. يعني إيه الظل يا دكتور؟ يعني أيام لما أنت كنت حزنت وما حزنتش. نكد وما عشتش فيه أو يعني ما أخدش وقته. ظلم وكتمته. حلم ودفنته. عيشه ناس عايشينها وحسرت حسرتها ونسيتها. ده في مكان اسمه الظل. وبنخاف نفتح الظل ده. عايز أبقى في النور. في الدوشة. في الدوشة. أعيش زي الناس ما هي عايشة. ما أدخلش أوضة إلا وأنا ميت من التعب عشان ما أقعدش ما أشوفش الظل. ولكن الظل لو أنت ما عشتش معاه ونورته، هيفرض نفسه عليك. عارفين إزاي؟ بمرض. بسرطان. بمرض مناعي. أو بتعليق سيء يقطر شر الواحد. أو نرفزه وشتيمه لحد ما عملكش حاجة. أو كره لشخص ما ذكش. أو تكسير لناجح عايز ينجح. ده عشان الظل اللي عندك مستخبي فيه وانت خايف تواجهه. فهتموت بالسواد اللي في ظلك. الضلمة. أو لما بتقعد لوحدك بتفتح الظل وتواجهه. وصل. 99% أقسم بالله من اللي بيتفرج عليا ليه ظل وخايف منه. لأنه متخيل إني أقول لكم علامات إيه؟ أنا عظيم. أنا ما فيش مني. أنا بكتشف اللي ما حدش اكتشفه. إنت ما انت دي تخينة. وده فاشل. وده نيته يبيع لي حاجة. وده نيته يضحك عليا بكرة. ودي نيتها تسرقني. ودي نيتها عشان فلوسي. وأنا عظيم. وأنا عظيم. أنا ما فيش مني. ده اللي مخبي الظل. ما يعرفوش إنما صاحب الظل راضي بالنصين. زي ما قلت لكم. أنا عارف عيوبي وشايفها ومنورها. إنت فيك حسد يا كريم. إنت لما شفت الشخص ده ما ما ما فرحتلوش. نور. نور الظل على طول. ما فرحتلوش إزاي؟ ده زي ما ربنا رزقه. بكرة هيرزقني. أطلب الخير ليه؟ عشان يجي لي. أحمد ربنا على الخير اللي هو فيه يجيلك. ففي ناس بقى خبّت الظل وقالت: لا. أنا عظيم. أنا جاست نور. أنا نور إلهي. لا. إنت الاثنين. الظل نص النور. ارضى بالبيك كلك. اكشف عيوبك ونور ظلامك عشان تبقى منير حقيقي. عشان تبقى مشغول بإنارة نفسك. مش إظلام لمض اللي عايز ينور حواليك. وصلت الفكرة؟ فانت ما بتحبش تقعد مع نفسك. بتخاف من الوحدة. بتخاف تسافر لوحدك. ما بتروحش البيت إلا وانت تعبان. وما تدخلش السرير إلا وانت ميت. وانت أعظم مش شايف أي عيوب. وانت شخص نوراني عظيم. ما فيش منك في الدنيا. يا الله على ظلامك اللي أنت مدي له ضهرك. اللي بيطلع كل يوم سم يطفي نورك ويخليك عايز تطفي نور الآخرين. وأي حد عنده نور أريك يا ريس. قاريك. قاري. أقسم بالله أنا ما في حد بقعد معاه. طبعاً أنا كنت زمان في حاجة كده. في حاجة عايز أقول لكم عليها. ودي نقطة مهمه للناس الكبيره اللي في السن. سن. إنتوا السن. قولوا لنا كده. يعني نطلع من موديل كابتكم. سنكم كام؟ العمر كام؟ لأن أنا هقول حاجة مهمه قوي للي عمره كبير. قولوا لي كده. 16 سنة. إيه الأعمار الحلوة دي. الناس دي بتسمع الكلام ده. إنتوا هتبقوا في حتة تانية لما تبقوا في سني. 45. مهم قوي. 21. أنا فرحان قوي بالشباب اللي أقل من 30. والله العظيم فرحان بكم جدا. والله العظيم أحبكم كم حب لا يعلمه إلا الله. ولا أريد منكم شيء. لأن أنتم تبقوا أفضل حاجة. وفي أحسن صحة. وتعيشوا 100 سنة. وتفضل تدعي لي. وتعمل أثر في الأرض. وتبعت لي بقى يعني على البنك. بنك الحسنات. لو ما قابلتنيش. 1000 دولار. 400. 700. 48. في أعمار كبيرة. وفي أعمار صغيرة. إنتوا عارفين أنا أول مرة أطلع على السوشيال ميديا كان عندي كام سنة؟ يعني لم يكن عندي فيسبوك قبله حتى. ماشي. الفيسبوك. الفيسبوك يعني يعني عندنا فيسبوك زي الناس كلها. عارفين أول مرة أمسك كاميرا. كاميرا. وأتكلم في الطب كان إمتى؟ وأنا عندي كام سنة؟ 41. اللي بتقول لي: هو أنا ينفع أبدأ؟ هو أنا ينفع أخس؟ عارفين؟ عارفين لو أنا فتحت الكاميرا دلوقتي وقتي كده. أو عملت انتقال بالزمن وقعدت مع كريم علي. تعال اقعد جنبي. يلا. عنده 36 سنة. اقعد. اقعد. راح فين؟ راح فين؟ قفشتكم. ها. اقعد جنبي. 36 سنة. أبص له كده. 103 كيلو. التراكمي فوق الـ 85 و8. اشفط كرشك. يلا. عنده كرش. وبشرته معجزة. ومعوش في البنك أكتر من 10000 جنيه. إيه؟ وأحلامك إيه؟ أبقى أبقى حاجة في المستقبل. أو أبقى دكتور شاطر. أيوه. يعني في كام سنة؟ ما أعرفش. أيوه. إيه اللي مكتوب؟ ما فيش. طب كيف الطريق إنك تصل لذلك؟ فين الخطه المكتوبه؟ والخطه الزمنيه؟ ما فيش. طب إيه؟ عايش كده. أنا بدام نيتي كويسة ربنا هيسهل. بدام أنا شاطر في مهنتي أبقى هبقى عظيم. عظيم. طب عندك ثقافة ماليه؟ عايز فلوس تجيلك ليه؟ هو أنت عارف الفرق بين إنك تحوش وتستثمر وتصرف؟ لا. طب أنت عايز يبقى ليك نجاح وشهره. مش شهره. نجاح. أو قصه بتحرف تكلم الناس. يعني أنت قاعد مع نفسك. عارف عيوبك ومميزاتك؟ لا. 36 سنة. قوم يا شد من هنا. يعني امشي من هنا. 36 سنة. فأنا ابتديت 41 سنة. فاي عنده 50. ابدأ. عندك 60. ابدأ. ما يمكن تعيش 100 سنة. إنت عارف لو أنت ربنا كاتب لك تعيش 100 سنة. وأنت عندك 60 سنة دلوقتي. فاضل عندك 40 سنة. 40 سنة يعني عمر ناس عاشت وماتت في الـ 40 سنة دول. تحافظ على صحتك وتبني ثروتك وتعمل أثرك وتترك أثر كبير في الأرض. وعيالك يفرحوا بيك. وأحفادك يشيلوا اسمك. وتبقى مش عايش على الهامش. صاحب بصمه وأثر. لو 60 سنة. فيوع حد يقول لي: أنا كتير. أوعى تقول لي: هو أنا ينفع أبتدي إمتى؟ هو أنا ينفع بعد ما ما ما بقى 50 أخس؟ آه. 50. أبقى غني؟ آه. أفتح مشروع وأنا عندي 60؟ آه. أغير في شخصيتي وأنا عندي 70؟ آه. آه والله. آه. تقدر بسهولة. بس المده هتطول بسهولة. يعني مثلاً اللي عنده 20 سنة يتعلم حاجة هياخد شهر. مثلاً. اللي عنده 60 سنة هياخد أربع خمس شهور. بس هيتعلم. هيتعلم. فمهما كان سنك. أنا اللي فضل ربنا ده اللي أنا فيه ده كله ست سنين سبع سنين. سبع سنين من كام؟ 2019 سنة. آه. ست سنين. تريليرن تن. ست سنين. كل اللي أنا فيه ده. اليوتيوب. العلم. إن أنا أدخل الطب. الوظيفي. إن أنا أتعلم طب وظيفي. إن أنا آخد ماجستير الأسرة. إن أنا أجي أوروبا. إن أنا أبتدي أعرف يعني إيه استثمار. إن أنا أبقى عندي ريل ستيت. إن أنا يبقى عندي شركة في ثلاث أماكن في العالم. إن أنا اللهم لك الحمد. ولسه نطمح إن إحنا نترك بصمة تترك للأبد. ابتديت 41 سنة. رسولك الكريم ابتدى 40 سنة. هقول إيه؟ كريم علي إيه؟ وبتاع إيه؟ سيبوه على جنب. نبيك محمد صلى الله عليه وسلم ابتدى 40 سنة. ما قبل 40 سنة ما كانش شخص من قريش أمين وصادق وأخلاقه كويسة. شكراً. فانت متخيل. فبقى تخيل أنت بقى عندك 30. 35. ده أنت لما توصل عندك 40. 45 سنة هتبقى من العظماء. من عظماء السماء. سيبك من عظماء الأرض. عظماء السماء. اللي هم بينفعوا الناس. اللي بترسل إليهم أرزاق لغيرهم. هم دول العظماء. رسولك ليه عظيم؟ عظيم. سيدنا عيسى ليه عظيم؟ سيدنا موسى ليه عظيم؟ إيه سر عظمتهم؟ هم نور للبشر. فخدوا نور من الله ودوه للبشر. الناس لو أنت صاحب بيزنس. ليه تبقى عظيم؟ بتفتح بيوت. وتشغل ناس. وتقفل أيتام. وتوسع على موظفينك. وتسهل على الناس حياتها. أنت دكتور. تدي الناس الصحة. الصحة مش في إيدك. أنت بتاخد العلم من صاحب علم وتديه للناس فيخفوا. فانت. أنت لغيرك. خدوا كلمة كده. العظمه إنك تبقى لغيرك. طريق لغيرك. هي دي العظمه. غير كده ما فيش عظمه في الموضوع خالص. ما فيش عظمه في غنى. في شهره. في مؤثرين. في أي حاجة. إنما بتاخد من الله مال. قو صحه بدنيه. صحه. وتساعد الناس. تشيل الحاجه وتعدي الحج. وتشيل شنط. أنت عظيم. معكش ولا مليم. عظيم. أنت بتساعد الناس. أنت في خدمة الناس. أنت في خدمة عباد الله. مين هيحبك قد ربنا؟ هيحب مين قد اللي بيخدم عبيده؟ تخيل أنت عندك عيلين. واحد مش عايز منك أي حاجة. عايز بس يخدم عيالك. شوف راحتهم. مهنهم. بيعمل كل أقصاده. مش هتحبه؟ تحبه زي عيالك بالظبط. تبوس بناتك. وتبوس هو كمان الداده اللي مربيه العيال دي. دي حته من العيلة. دي إحنا لو حصل لها حاجة بنزعل. والله العظيم. كأنها والدتي. وصلت. فهي دي العظمه. العظمه هو إن تكون لغيرك. كده بقى كل واحد حر في تعريف العظمه. مش عظمه. تبقى عظمه. اديها لليارس ياكلها.

نقطة بقى من أحد أهم النقط. 99% برضه ما بيعملوهاش. وما تعملوش زيي. استنى تبقى مستعد. استنى تبقى مستعد. استنى تكبر شوية عشان تسيب السجادة. إنت لسه شباب. استنى شوية. هتبقى مستعد تمشي على الجدول الطبي اللي التغذية مش هتسيب ولا حتة سكريه تدخل جسمك. بس بستعد يا دكتور بقى. استنى. استعد. يبقى عندك طاقة كده بعد الشغل تروح الجيم. استنى. لما تستعد يبقى عندك مليون جنيه في البنك عشان تفتح مشروع. استنى. تستعد عشان يبقى معاك مرتب ومحوش مبلغ كبير عشان تسيب وظيفتك. استنى. استنى حتى تستعد. استنى حتى تستعد. أوعوا تعملوا زيي. بس عايز أقول لكم حاجة. نصيحة من أخوكم. والله الذي لا إله إلا هو. لن تصبح مستعد أبداً أبداً. عمر الاستعداد ما هيجي. اللي بينتظر يكون مستعد عشان يتعلم الطيران. ويبقى واقف على حافة جبل. أو ما وصلش للجبل وهو ماشي في طريقه إنه يتعلم الطيران. بكرة استعد. بكرة استعد. تقف على حافة الجبل. لا أخاف. أرجع خطوتين. بس استعد. يبقى عندي وقت. يبقى عندي صحه. يبقى عندي فراغ. يبقى عندي فلوس. يبقى أتزوج. أتخرج. أكبر. أبقى أذاكر الموضوع كويس. أفهمه كويس. أفكر كتير. عمره ما هيبقى مستعد. وده الشخص ده والله ما بيتحرك إلا لما يصل لمرحله إنه واقف على حافة الجبل ويتزق. إيه؟ يعني فلس غصب عن عين أهله. هيعرف يعني إيه قيمة القرش. لقدر الله صاحب تحليل زي الزفت. أو أشعة سودت عيشته. يدور على كريم علي. ويبطل يشرب حليب وياكل. ويبطل ياكل خبز. ويقول: هعمل كل اللي أنت عايزه. بس مش عايز كيماوي. لأنه وقع من على الجبل. فتختاروا إيه؟ تتحركوا وأنتم مش مستعدين؟ ولا نستنى نستعد؟ سيبوكم من اللايف هيتحذف ولا مش هيتحذف. وخليكوا الآن. وافهموا الكلام اللي بقوله. يعني اللي بيسأل: اسمع الكلام ويتحذف خلاص. ما تحطش في دماغك. فتح مخك. استقبله. يا جماعه استقبلوا اللي أنا بقوله. ما هي تستقبل. يا ترسل. اللي بيرسل بيسألني على إمساك. وبيسألني على إيه؟ شد الشعر. واللي بيسألني على القولون. يعني إنتوا بتخسروا كلام. بدام بصوا. أقول لكم حاجة. أقول لكم حاجة برضه من علمتني الحياة. الكلام ده بدأ يتقال قدامي. فدي رسالة. لأن أنا محتاجه. في 10. في حوالي كام؟ 20 مليون يعرفه كريم علي. وفي مثلاً 4 مليون على الانستغرام. في قلنا على اليوتيوب. وقلنا على التيك توك. توك مليون و600. ها. كل دول عرفوا إن في لايف. ما حدش جه يسمع كلامي. اتشغل. مش فاضي. ما شدوش الاسم. مش دماغي. مش فاضي. مش بتاعة الكلام. بس بدام أنت جيت دلوقتي وسمعت الكلام ده. فهو رسالة لما سوف يأتيك. لو ما أخدتش الرسالة وما انتفعتش بده. وما كنا معذبين حتى نبعث رسولاً. مش رسول. النبي صلى الله عليه وسلم. الرسول. كلمة الرسول. عرض صداع خفيف. ده رسول. خلي بالك. في مشكلة جايه قدام. سمنة. ده رسول. صمت عائلي بين الزوج والزوجه. ده رسول. ثلاث أربع فيديوهات طلعوا لي: حرية مالية. حرية ماليه. حرية ماليه. ده رسول. أنا بقول لكم الكلام ده. اتريقت قبل كده. بس ونزلتها تريقه. بس دي حقيقة. قبل ما يحصل لي يعني طفرة ماليه. قلت لكم فاكرين؟ صدري منشرح. عمال يطلع لي إعلانات طيارات خاصة. قلتها كده على انستغرام هزار. أنا والله فرحان بكم قوي. إيه؟ الطيارات الخاصة. تاجير طيارة. شراء طيارة. يا جدعان. فين؟ بعدها على طول حصل لي الحمد لله. يعني ربنا بيعليني من من الثراء. من ثراء لثراء. فهي كده. فالكلام اللي أنا بقوله ده في حق أنت محتاج تسمعه. محتاج تطبقه. حتى جملة. عارفين الجملة دي عبارة عن إيه؟ هي بالضبط خريطه. عارفين لما بنسمع. بنقرأ كتاب. أو بسمع صوت الداخلي. أو بشوف فيديو. أو بودكاست. هو عبارة عن خريطه. أنا ماشي كده. خلي بالك. الحرية أهم من الراحة. أو محول بوصلتي. وأدخل يمين. خلي بالك. كلام ناس زي الغبار. لو أنت فضلت تنظفه هتقع في أول حفره. اجري. والتراب هيتنظف من نفسه ويسيبك. فانا مش هسمع كلام الناس. فانتوا فاهمين الكلام اللي أنا بقوله؟ وصل. الكلام اللايف ده لو استفاد منه 10. أنا راضي. أنا مش مطلوب أوصل للعالم. أنا مطلوب أوصل لواحد. وهو بقى هيوصل لواحد. واحد يوصل لواحد. فهل أنتم مستعدين للنجاح؟ ولا هتستنوا تستعدوا للنجاح؟ مستعدين؟ ها. مش عايز أنسى ولا نقطة. أه. ليه أنت بتقول لنا الكلام ده؟ يعني مش عايزنا ننجح يا دكتور؟ مش عايزنا نترك أثر يا دكتور؟ مش عايزنا نبقى مغيرين يا دكتور؟ لا. أنا عايزكم بس ما حدش يجي يبيع لك شقه يقول لك: الشقه دي على النيل وعظيمه وغاليه. ما يقولكش عيوبها. بتسرب كهرباء. بتسرب ميه. في نشع في البتاع. في باب مكسور. فانا النهارده النص الثاني عشان تصل للصورة كامله. مش طريقه. أنا حاسس إن اللمبه دي هي الأفكار اللي عمالة تجيلي. مكانها غريب. الصراحة. ترارا. المهم. اا ف الخلاصه. عايز تبقى من القادة. اعرف إنك هتبقى ذهب. والذهب لازم يدخل النار. واعرف. خدها مني كلمة. كل جرح بتجرحه في الطريق. ما هو إلا موافقه من السماء على طريقك. شوف الكلمة دي. شرحها. حطها دلوقتي. أنا كل أما كنت أتجرح. أعرف إن إرادة الله ماشيني صح. السماء ترسل ليا. أنت طريقك صح. لأن عارفين أنا بعمل جروح بمزاجي في الجيم. بروح الجيم. أقطع عضلاتي. جروح اسمها مايكرو تيرز. حتى اسمها جروح ميكروسكوبيه. الطب بيقول كده. مايكرو تيرز. بروح أعمل مايكرو تيرز. مايكرو تيرز. وأرجع البيت آكل بروتين وأنام. فالجسم يصلح ده. فتكبر. أروح تاني مرة أعمل مايكرو تيرز. مايكرو تيرز. جروح. جروح في العضلات. أرجع البيت أنام وأكل بروتين. فتكبر. فالجروح هي موافقه السماء على اللي أنتم فيه. فانتوا كده قدامكم الجانبين. الجانب الأولاني إنك تعيش في الراحة. راحة. وتعيش بخوف. خوف بابك مقفول عليك في الاطمئنان. حتى يا ريت اطمئنان. هو خوف. قاعد مكانك. لا فيش اطمئنان ولا حاجة. لأن يعني معاك فلوس. لو مرضت. ولا معاك فلوس لو فلست. ولا معاك أي حاجة. دايرة الأمان دي مقبرة. زي ما قلت. وقاعد بتسمع كلام الناس. وقاعد بتعمل زي الناس. وقاعد مستني تستعد. وقاعد مستني شغفك زي الناس. أو خد الخوف طريق. واعشق الحرية. واعشق الوحدة. على فكرة. لما أنا بقول للوحدة. أنتم شايفين إن أنا مثلاً. أنا بسافر لوحدي. و يعني الأيام باخر سنة بسافر لوحدي. بكثير. بس برضه مش واحد. أنا عندي صحاب بقعد معاهم. باجي أزور عيلتي كتير. على طول في اجتماعات. استشارات. كل يوم مع ناس. مش وحدة. بس ليا ساعة في اليوم مثلاً أو ساعتين. أنا بصحى 5:30 الصبح. ما حدش بيوصل لي مثلاً قبل الساعة 8. دي اسمها وحدة. قاعد لوحدي. مسافر إندونيسيا لوحدي. عندي هاخد مسافر الأردن برضه. هقعد ثلاث أيام لوحدي. هقفل السوشيال ميديا خالص. وانقطع في وادي رمي عن الناس. هو دي الوحدة. بقى تكتئب وشعرك يطول وما تستحماش. تقول لك: أنا بعمل وحدة دي قلة حموم. هتقرفنا. لا. يعني عيش حياتك. بس قد سيد إنك طريق لوحدك. لأن ما فيش حد شبهك. ما فيش حد هيشجعك. وتأكد إنك لو لقيت توأم الروح. ربنا يرزقنا ذلك. المتشابه في الصفات وفي الأحلام. ومتشابه في فيجنز. أنت يعني حتى وأنت معاه مش هيبقى في حد غريب. فبرضه قاعد مع نفسك. يعني لما ربنا يرزقنا كده الزوج أو النص الآخر اللي نفس الفيجن ونفس الأثر في الأرض ونفس قصة النجاح ونفس الفكر والعناية بكل جوانب الحياة. وأنا قاعد معاه مش هحس إني قاعد مع شخص. أنا قاعد مع نفسي برضه. وحدة. بس وحدة الاثنين مع بعض. ارزقنا وحدة الاثنين مع بعض. حد فاهم؟ فاهمين كلامي؟ الله. الناس أحب. فاهمين. وصل لي كلام. وصل لكم الكلام. عظيم. الحمد لله. فانا كده. أنا كده سبحان الله دلوقتي مرتاح. قلت لكم الجانب الآخر من الحياة. يبقى فيها ظلم. هيبقى فيها فتره عليك. وعلى سمعتك. وعلى تشتم عيني عينك. ما تعرفش ليه. الناس ما تعرفكش بتشتمك. أنا عمري ما سمعت أسامي دي. الناس قبل كده هتقع وتقوم. وتقع وتقوم. وتختبر اللي أنت بتقوله. هتختبر فيه. أنت قد الكلام ده ولا هوا؟ أنت عايز ثراء قد إيه؟ أنت عايز صحة قد إيه؟ أنت عايز أثر قد إيه؟ أنت عايز تبقى قائد وخليفه قد إيه؟ هتختبر. فهتستحمل ده بصدر رحب. بابتسامه. برضا. بنظر إلى النتيجه. ونظر للي بيدي النتيجه. وحطك في المهمة دي. اللي هو ربنا عز وجل. فساعتها هتصغر كل الصعوبات. وتندمل كل الجروح. وتنار كل الظلمات. وتسعد مع نفسك. أو لو أنت وسط مليون شخص. دي رسالتي. والحمد لله. أنا مرتاح. حاسس إن أنا كده كان حمل على صدري. وأعطيته لعائله. فكر ثاني. الذين ربنا يعلم أنا بحبكم قد إيه. لأن الحب ده رزق. وفتح القلوب ده رزق. والسعادة وعدم الملل من الأشخاص اللي بيتكلموا ده رزق. فانا لا لم أعطى ذلك إلا بسبب إن في حد هيستفيد. أو حد هيرزق من ذلك. فانا عارفين كده زي اا الجو لما لما أحد الصحابة كان اشتكى. اشتكى ضيق الرزق. فرسول: روح اتجوز. تخيلوا؟ أنت راح تشتكي لأبوك: يا رب يا بابا المرتب مش مقضيني آخر الشهر. يقول لك: روح اتجوز. هتقول: أبويا مجنون؟ إزاي إذا كان بالأكل مش مكفيني. أجيب واحدة هتمسك في رقبتي وعيال؟ أه. لأنك هتبقى. هيبعت بتعل. هيتبعت لك رزقها. هيتبعت لك رزقهم. ففرزق المتابعين رزق عله. فكر ثاني. أنا بأخذه. فهو لكم. هو لكم. ما تجريش ورا النجاح. مجرد ما تبطل تجري ورا النجاح. هتلاقيه موجود. أنت أوريدي ناجح. أنت سؤالك ده. أنت ناجح أوريدي. اصنع قيمة بس. خلي ليك يعني. أنا هموت النهارده. أحسب إن أنت هتموت. لو مت النهارده. إيه اللي أنت سبته؟ سبت إيه؟ سبت فلوس؟ هياخدوها عيالك. سبت شغلانه موظف في شركة؟ هيجيبوا موظف غيرك. لما تموت هتسيب إيه؟ سيبك من النجاح يا جماعه. اعقلها وتوكل. دي. اعقلها وتوكل. واحد يقول لك: اعقلها وتوكل. يا نهار أسوح. أنت ما تضحكش الناس عليك. اعقلها. ما فيش. ما فيهاش. اعقلها. الرسول ما يعني. اعرفوا اللي اتقال عليه. اعقلها وتوكل. الرسول ما قالش: فكر وتوكل. الراجل كان سايق. كان جايب جمل. فداخل يصلي في المسجد. فالرسول صلى الله عليه وسلم. الراجل قال: يعني أسيبها وهي في أمان الله؟ يعني متأمنه؟ ولا هتتسرق؟ وأدخل أصلي. فالرسول قال له: اعقلها. اربط الناقة. وتوكل على الله. إن هو يحفظها لك. وادخل صلي. يعني اعمل اللي عليك. وبعدين صلي. مش اعقلها بالدماغ. معرفش الناس بتقول. وطالع شاطر قوي. اعقلها وتوكل. يا دكتور. ناصح قوي. يا أخويا. أنت حتى فهم الحديث غلط. من عنده هدف. لا يضل الطريق. يعني أنا طالع من القاهرة للإسكندرية. ده ما عارف رايح إسكندرية. عمري ما هضل الطريق. أنا عارف إسكندرية. عارف أنا رايح إسكندرية. فأوعى تتحرك حركة. ولا تخطو خطوة. إلا تكون ليه؟ ليه؟ دايماً اسأل. اسأل نفسك. ليه؟ الميه دي بشرب. أنا أوتوماتيك بشرب الميه دي. ليه؟ عشان هيدريشن. طب ده بيبسي. أنت بتشرب البيبسي ده ليه؟ ده هيضرك؟ لا. مش هشربه. أنا رايح المشوار الفلاني. ليه؟ عشان هقعد مع فلان أتعلم منه حاجة. أو هرفه عن نفسي. أنا عارف ساعة ترفيه. عشان أعرف أشتغل بعد كده. ما تعملش حاجة إلا أوتوماتيك. عود نفسك بتجاوب على نفسك. ليه؟ بأكل. ليه؟ بشرب. ليه؟ بكسب. ليه؟ مش سعيد. ليه الطريق ده مقفول؟ ليه هي اللي تفتح؟ لماذا؟ لماذا؟ لماذا؟ خلي في حياتك لماذا. ما تعيشش وخلاص. حياتك هتبقى.

في مكان ثاني خالص له حاجه ثانيه. حاجه ثانيه. كويس ان انا افتكرت الموضوع. طلع لي بوستر امبارح. ان حلو ان انا افتكرت. قلته على السناب بس هقوله هنا.

اني طلع لي ان واحد بيقول ازاي فلوسكم ا ازاي يجيلكم فلوس كتير. قول يا سيدي في ايه؟ اول حاجه الصلاه. محافظتك على صلاتك هي انك يجيلك فلوس. من غير الصلاه مافيش ولا قرش. قال كده والله.

اني حاجه الصدقات هتجيب لك الفلوس. ثالث حاجه الاستغفار. رابع حاجه انك تتابعني. هو قال كده بهزار يعني. هو اعتقد بيشتغل يعني. معارفش المحتوى بتاعه ايه. الفيديو ده نرفزني. نرفزني والله العظيم. ايوه انت مش مسلم. مافيش. انا مسلم يعني. مش مسلم انا يعني. اكتر من مسلم. اا ولكن احنا المسلمين الوحيدين الوحيدين اللي عملوا طريق الرزق فقط. يكفي يكفي انك تستغفر او تصلي.

فانا حتى رديت عليه قلت له اه. انا سمعت الكلام ده فعلا. من اولون موسك وجيف بيزوس اغنى مليارديرات العالم. دول فعلا بيصلوا واذكار وبتاع. ذلك لا يقلل ابدا. يعني انا ما بصليش. انا ما بستغفرش. انا اهي دي عشان ما انا الناس بيقول بتقوللك سبحه ليه. عشان الصبح بالليل لازم اعمل الاذكار بتاعتي. تسبيح والتهليل والصلاه على النبي صلى الله عليه وسلم بالطريقه صلاه الفاتح. اوكي. ا بس ده معناه ان هو كده خلاص. لا مش خلاص خالص. مش خلاص خالص. اقعد صلي وصوم 100 سنه مش هيجي لك فلوس. قادر طبعا قادر. ما هو قادر يشفيك بتروح لدكتور ليه. وقادر يرزقك بتشتغل ليه. اقعد وقول له يا رب ارزقني انت قادر.

اشمعنى احنا احنا بس اللي فهمنا فهم فهم عقيم. لان احنا مش عايزين حد يفكر. من 1000 سنه اللي جالك من 1000 سنه ما تفكرش فيه. ما تفكرش فيه. ما ينفعش تشغل مخك. يعني انا ما شغلتش مخ. امال انا اصدقك انت ولا صدق افلا يتفكرون. ربنا بيقولها لي. قولوا الالباب. الالباب ده حطه في الثلاجه. انا عشان حضرتك مديني كلام مافهموش.

الاستغفار يزيد الرزق ويفتح الابواب. بس لما تتحرك. الصلاه تخلي عندك كوميتمنت ومتصل بربنا. وعندك قدره وطاقه جسديه وجسمك مشروح فتشتغل اكتر وتجيب فلوس اكتر. ا الصداقات والصدقات طبعا تزيد المال. يعني في مال. طب المال الاولاني جه منين. من شغلك. فعارف لو كان قال مثلا اعمل خطه اا وحط هدف واتعب على نفسك واوعى تكسل وكتر من الاستغفار والصلاه. كنت انا عملت له لايك وعملت له شير. انما قفلها لي على دول.

وفي ناس طبعا العامه مش فكراني خالص درجه اولى. وعي الله استغفر الله استغفر. فين الفلوس. فين الفلوس. ويحبط. والله ما هيجي لك لو اتنططت. انت ما ساعدش يا ابني. اذا كان ستنا مريم اللي عندها معجزه بيبي بيبي بيبي من غير اب. في معجزه اعظم من كده. قال لها هزي اليك بجزع النخل. يعني هزيها شويه. هزيها ايه. طب ما يعني من من استطاع ان ينفخ طفل داخل رحم انثى ا فيرجن او عذراء يستطيع ان ياتي اليها بالثمار من على النخله. ولكن هزي اليك جزع النخله. اعملي حاجه. اتحركي.

فانت بقى تقول لي انا استغفار وصلاه. عظيم. من غير الصلاه لا. على فكره في ناس ما بتصليش خالص بس ربنا رزقها. ليه ربطت ده بده. يعني وام وما من دابه على الارض الا على الله رزقها. صح. على فكره في دواء في دواب. هنقول الدواب مثلا على مسلمين ما لهمش الضياء. يعني الحيوانات. اوكي. لا طب في دواب من البشر. بشر ما يعرفوش ربنا اصلا. وما فيش مله. ولا بالعكس ده في بيعودوا قرود. بس بيجي له رزقه وفلوسه. ولو اشتغل هياخد فلوس. تقول له صلاه فين بقى. وربنا خد على نفسه ذلك العهد. انت تحط بينك وبين ربنا. بينه وبين عبيده ليه. عبيده كافر. عبيده مش مسلم. عبيده انت مالك. هو هيرزق مالكش دعوه. مالكش دعوه بينه وبين عبيده. ما تدخلش. هو بقى شايفه كافر. بيه مدي له فرصه ثانيه هيهديه اخر حياته. انت مالك. بين ال مش هقول سلم. ما بين المخلوق والخالق اسرار لا يعلمها احد الا هم الاثنين بس.

فما فده نرفزني. ف يعني قول السعي. قول الحاجات دي. انما ما تدخلش. ما تاكدش العقم اللي احنا فيه. ان دينك وحده يصنعنا للمعجزات. لا دين وسعي. الدين ده بينك وبين الله. انما اكلك ورزقك وعلاقاتك وشهرتك وفلوسك وشركاتك وسترك ووظيفتك ودي معاملاتك ما بين الناس. وصلت. انا مروق والله. بس نرفزني. لان في ناس كتيره كده. لما الناس اللي بيدونا الدين عايزينه قوالب. ما تفكرش. لو انت فكرت تبقى كافر تبقى ملحد تبقى بوزي تبقى من مش عارف الجداد تبقى بتهد الدين. يا عم هد الدين. احنا عاوزين نبني العالم. وايما فائده ان بنينا العالم وهدمنا الدين. اي فائده ترجى. اي فائده ترجى ان بنينا العالم وصنعنا قيمه وده مننا الدين. اي يعني صعيدا جرزا. عارفين صعيدا جرزه اللي في سوره الكهف بنقراها. يعني ايه صعيد جرزه. يعني سطح املس. يعني الارض ده كله قصرنا وعربياتنا وشهرنا هيبقى في يوم من الايام سطح املس كده. ما لا جبل ولا زرع ولا شجر ولا عربيه رولز ولا فيلا. صعيدا جروز هيبقى كده.

فهاتم ين الخلاصه. نعمل اللي علينا ونستغفر ونصوم ونصلي. ايه ده. اه والله. احنا في زمن الجهل كتر. بين كلام روحك وعقلك. كيف تفرق بين كلام روحك وعقلك. من العمق. ماعرفش دي اشرحها لك ازاي. يعني مثلا لو انا عندي اثنين صحاب. واحد في الدور الاول. واحد في الدور الارضي. يا كريم. ايوه يا سيد. ده بيناديني من الشارع. يا كريم. ده بيناديني من الدور الثاني. فانا ماعرفش افسرها لك. يعني انا انا جوايا الاكثر عمقا. وانا اكثر هدوءا. وانا بعيد عن اي سترس. وانا متصل بالطبيعه اكت. وانا قاعد لوحدي. ا صوت الروح قريب. يعني 1 ملي بينك وبين بين وعيك وبين روحك. 1 ملي. انما العقل في اي وقت. حتى لو مش انت. لو طلع عليك حرامي عينك شغال هيديك رساله اجري اجري اجري اجري اجري. ف فمش هيبقى في هدوء في اي وقت. وتاني حاجه ابعد مكان. ابعد. ماعرفش هتفهمي كلامي ولا لا. بس الروح يعني الروح هي اقرب شيء لوعيك. ها عشان كده قلت لكم امبارح اول امبارح. الروح بتهمس. العقل ممكن يصرخ فيك. الشهوه بتجعر بتجعر عايز اتجوزها عايز اكل كل هاتوا لي بيتزا جعير جعير. ان انكر اصوات صوت الحمير دي الشهوات. العقل بيكلمك بقول لك ايه كبر دماغك. بقول لك ايه. انما الروح بتهمس. بلاش بلاش الطريق ده مش كويس. مش بتاعنا. انت بتعمل حاجه غلط. انا كده. ماعرفش تجارب الناس جوه ارواحها بيعملوا ايه. بس دي انا. يا جماعه اكتبوا الكلام ده. يمكن يعني فاكرين كده لما قلت حاجات كتيره وحصلت في المستقبل. قريبا قريبا. الناس مش هترجع تتعلم التعليم اللي احنا اتعلمناه. مش هياخدوا حساب وجغرافيا وياخدوا شهادات. دلوقتي اعظم اعظم شركات في العالم. مايكروسوفت ابل ميتا. ماخدوش شهادات. خبراتك بتعرف تعمل ايه. ويدفعوا فيه مليارات. والله مرتبات بتصل لملايين. فانسي انسي الدراسه. انت متخيلين. حد يقول لي يا دكتور انا عايز ادرس. اللي انت متخيل ان انا اللي بقول ده في كتب. يعني تفتح كتاب تلاقي اللي انا بقوله ده. علم السموم على علم طب الاسره على الطب الوظيفي على الايروفيدا ا على كتب المعادن والفيتامينات على تجارب الشخصيه على خبره السنين على الحدث الطبي. كل ده بقول لك كلمه هتلاقيه فين ده بقى هتلاقيه لايهم فين. فانس التعليم ارميه في الزباله. ارميه في الزباله. انا لسه كنت بكلم اا ماي اكس من كام يوم. بنتي ا عايز بدور لها على اون لاين مدرسه اون لاين مدرسه اون لاين. خلاص الطفوله بتباد بتباد بثمان ساعات قاعده في فصل بتذاكر حساب ونحو و. انا يا دكتور انا استفدت ايه لما درست حساب مثلثات و واستفدت ايه لما اخدت مش عارف التاريخ الفرعوني. انا استفدت ايه. لو كان تخيلوا. انا من سنه اولى ابتدائي بدرس احياء او بدرس ا كيميا او بدرس حل ا ازاي ارتب افكاري. ازاي يبقى عندي حريه ماليه. ازاي احسن صحتي. ازاي ابقى انسان قائد. عارفين انا كنت هبقى فين. فانسوا بقى انسوا تعليق ايه وشهادات ايه. وفي الاخر وما توفيقي الا بالله. علي توكلت ولا ينيب. حفظ الله احبكم حب غير مشروط. في حفظ الله. كلام.