مفاجأة كبرى.أرمله ضياء العوضي تقدم طلب إلي النائب العام لفتح التحقيق في الوفاه والتشريح وشقيقه زعلان

خلي بالكم انتوا من نفسكم. أنا موجود لحد ما يقضي الله أمراً كان مفعولاً. أنا مع ربنا وبس. لو لقيتوني بقى مت، اعرفوا إن أنا اتقتلت مش انتحرت. في حاجة اسمها إن أنا العوضي ينتحر. انتهت، حطها في بالك. الحق حاجة واحدة: لا إله إلا الله. مش قول فعل. ولا إله إلا الله يعني إيه؟ قول الحق في وقت الفتنة.

السلام عليكم ورحمة الله وبركاته. أهلاً وسهلاً بحضراتكم. فيديو جديد وحلقة جديدة من حلقات قناتكم محمد عبد الجواد المحامي. أهلاً بكم. يا رب كل اللي بيشوفنا وكل اللي بيتابعنا يكون في أفضل صحة وأحسن حال. الحقيقة النهارده برضه من سلسلة حلقاتنا في متابعة حدث مهم جداً والمعروف إعلامياً بمقتل دكتور ضياء العوضي أو وفاة الدكتور ضياء العوضي الغامضة. الموضوع اللي شاغل الرأي العام كله سواء خارج مصر أو داخل مصر، واللي الناس كتير جداً بتتشكك في طريقة الوفاة وفي وضع الوفاة وفي مكان الوفاة وفي أشخاص معينة أو مجموعات هي اللي قامت وتسببت في وفاة الدكتور ضياء العوضي.

قلنا في البث اللي فات أو في الفيديو اللي فات إن من لهم حق أو الحق في المطالبة باستخراج الجثمان أو إعادة فتح التحقيق في القضية النيابة العامة أولاً، ثم أهلية المجني عليه سواء أمه أو أخته أو أبوه أو شقيقه أو شقيقته أو زوجته أو أولاده. الناس دول اللي لهم الحق في التقدم إلى النائب العام بطلب لإعادة فتح التحقيق أو لاستخراج الجثمان.

ثم الطبيب الشرعي بموجب طلب من النيابة العامة أو قرار من النيابة العامة لاستخراج الجثمان وإعادة تشريحه أو وبداية تشريحه. إذاً، فالكلام اللي إحنا قلناه واضح وصريح جداً جداً. مش أي حد يتقدم إلى النائب العام بإعادة فتح التحقيق في أي قضية أو بإعادة أو باستخراج الجثمان لتشريحه. لازم يبقى حد من أهلية المجني عليه.

النهاردة حصل طفرة كبيرة جداً في القضية وتغيير جذري في هذه القضية. اتكلم قبل كده وزعنا حلقة طويلة للأستاذ مصطفى صابر مصطفى مجدي صابر المحامي الخاص بدكتور ضياء العوضي، اللي كان متحفظ بشكل كبير واللي كان بينفي أو ميال إنه ينفي إن هناك وفاة جنائية أو أي حاجة حصلت للدكتور ضياء وقال إن هي الوفاة طبيعية. لكن النهاردة فوجئنا بخبرين مهمين جداً جداً.

أول خبر يتعلق بالأستاذ مصطفى وهو أصبح وكيلاً عن الدكتورة زوجة المرحوم أو طليقة المرحوم، أرملة المرحوم ضياء العوضي، دكتورة صابرين هي اللي عملت توكيل للأستاذ مصطفى. وبناءً على هذه الوكالة، تقدم الأستاذ مصطفى النهاردة النهاردة بطلب إلى النيابة العامة لفتح التحقيق في ملابسات مقتل أو وفاة الدكتور ضياء العوضي وإعادة فتح التحقيق وإعادة استخراج الجثمان لإعادة تشريحه أو لتشريحه إن لزم الأمر.

الكلام ده يأتي بشكل خطير جداً وكده سهم القضية بدأ في الصعود وابتدينا بعد كده بقى ندخل في موضوع الأدلة التي تساق أو تقدم مع طلب فتح التحقيقات. الأستاذ مصطفى تقدم فعلاً ببلاغ إلى أو بطلب التماس إلى النيابة العامة بإعادة فتح التحقيق. ويمكن ممكن ننزل لحضراتكم حالاً صورة من الصفحة الأولى من هذا البلاغ اللي هيكون موجود على شمالي قدام حضراتكم هنا وهو مكتوب فيه طريقة العرض بتاعته وإزاي أولية هو طالب بفتح الجسمان بفتح التحقيق مرة أخرى.

استند إلى بعض ما جاء من أقوال أو بعد تقرير الصفة التشريحية أو تقرير الطب الشرعي اللي واصل مع الجثة اللي تم تسليمه للدكتور كريم العوضي شقيق الدكتور ضياء العوضي. تقرير لا يعلم عنه أي شيء، ما عندوش أي مستندات يعرف عنها أي حاجة، ولكنه بيتشكك في شيء. قال إن التقرير الطبي بيقول إن تم اكتشاف الجثة أو الجثمان يوم 19 وقال إن الوفاة حدثت قبل 48 ساعة من يوم 19. إذاً، فالوفاة حصلت في حدود يوم 17. لكن قال إن في ورقة رسمية موجودة داخل الأوراق بتقول واتأكد إن الدكتور ضياء تم وفاته يوم 14. هو مغيب أو منقطع عن الناس أو ما حدش يعرف عنه حاجة من يوم 12 ليوم 19. الـ 19 طلع التقرير الطبي بيقول إن هو تم الوفاة قبليها بيومين، يعني يوم 17. ثم هناك ورقة داخل الأوراق بتقول إن هو توفى يوم 14. دي من ضمن الحاجات اللي استند عليها الأستاذ مصطفى لتشككه في أن الوفاة ليست وفاة طبيعية.

اتكلم عن الدكتور زياد اللي هو دعا الدكتور ضياء إلى الإمارات وهو اللي أخده وهو اللي بعت له وهو اللي نقله من فندق لفندق ومن غرفة لغرفة وقال إن الموضوع غريب. لما يطلع واحد ويتنقل من غرفة لغرفة، طب هل الفندق لما يكون أنا حاجز فيه يومين وأعدي أنا اليومين دول من غير ما الفندق يبعت لي ده شيء أمر غير طبيعي. إن المفروض دلوقتي الحجز يومين الفندق بيخطرني إن أنا خلاص حجزي انتهى لو حابب إني أجدد الحجز أو إن أنا في ناس جاية ورايا. فما فيش مشكلة. إذاً، فهناك بعض الأشياء التي رآها محامي دكتور ضياء العوضي سابقاً رحمه الله عليه، ثم الآن محامي أرملة دكتور ضياء العوضي، وهي من الناس اللي لها الحق في طلب إعادة التحقيق أو طلب استخراج الجثمان لتشريحه بشكل قاطع وبشكل قانوني.

لكن المهم هنا الخبر الثاني بعد خبر المهم بتاع تقديم طلب لإعادة أو فتح التحقيقات بقى ويبدأ بقى تفريغ الكاميرات اللي هناك وتوامه ما بين مصر وبين الإمارات لفتح خط تواصل ما بينهم لتسهيل العقبات والكلام ده كله. قال الكلام ده كله في الشكوى بتاعته، ولكن نوه لحاجة مهمة للغاية تخص الدكتور كريم العوضي شقيق الدكتور ضياء العوضي. اتكلم عنه بشكل غريب جداً وقال إن هو سبب من أسباب التكتم على هذا الأمر، وإن الدكتور كريم العوضي تسلم تقرير التقرير الطبي وتسلم كل الأوراق الخاصة بالوفاة وبدكتور ضياء العوضي ولم يسمح لأي حد سواء زوجته أو محاميه أو أي حد إنه يطلع مجرد الاطلاع على هذه الأوراق. ويميل الدكتور كريم إلى أن الموضوع يستنى على كده أو ينتهي على كده وتغلق هذه الصفحة تماماً.

وبعد كده نقل على حاجة مهمة جداً جداً نزلها النهاردة الدكتور كريم العوضي ستوري على صفحته على الواتساب أو الكلام ده كله. قال في كلام خطير جداً جداً. تعال دلوقتي أسمعك الكلام اللي قاله الدكتور كريم على لسان المحامي المصطفى الأستاذ مصطفى وهيقرا لكم اللي قاله بالظبط. تعال معايا نسمع وبعد كده نرجع لك تاني على طول.

>> فلوس كاشف ولا ولو هو حاجز يومين هل هم هيسيبوه أكتر من يومين؟

>> أكيد لا.

>> أنا معايا وثيقة تثبت إن هو حاجز من يوم 12 لـ 14.

>> يعني حضرتك عارف إن أكيد أي حد في أوتيل أو في فندق أو في قرية سياحية المفروض إن هو بيكون ليه عدد أيام وقبل نهاية هذا العدد من الأيام بيتم التواصل معاه. حضرتك هتكمل وغالباً ما بيكونش الأوبشن ده متاح لأن الأوتيلات بتكون أوريدي مليانة بشكل مستمر. فانت بتقضي الوقت بتاعك وما أعتقدش إن من السهل إنك تكمل.

>> حضرتك رديت عليا رد رد منطقي ومقنع بدرجة كبيرة جداً ونفسي أنا بقى ألاقي الرد ده في الأوراق.

>> التي لم تظهر بعد وهي المفروض إنها موجودة مع دكتور كريم.

>> تمام. دي حاجة. الحاجة الثانية بقول لحضرتك تمام. أنا استغربت رد دكتور كريم دلوقتي حالا. زوجته الدكتورة ميادة المفروض إن هي توجهت إلى دار عزاء وحجزت عزاء حتى يتم تأبين الدكتور بيار.

>> وده أقل ودي أقل حاجة. أقل حاجة لأن أكيد محبينه وكل الناس حتى زمايله أكيد الأطباء وغيرهم يحبوا إن هم يقوموا بتقديم واجب العزاء. أنا نفسي هروح ولو غيري هيروحوا طبعاً لأن هذا الرجل المحترم يستحق منا ده.

>> ما هو للأسف الشديد إحنا الدكتورة عملت كده تمام وأنا بالفعل نزلت على صفحتي الشخصية وهي نزلت على صفحة دكتور ضياء لأن هي كانت أحد الأشخاص اللي ماسكين الصفحة بتاعته. ولكن صدر بيان أنا لسه شايفه دلوقتي عن طريق مواقع التواصل الاجتماعي إن دكتور كريم بيقول إن الصفحة خلاص ما بقاش ليها لازمة وإن صاحبها توفى فبالتالي الصفحة دي مالهاش لازمة. وبعد كده معلش يا مصطفى بـ معلش خلي معلش يا مصطفى نعيد الحتة دي تاني بعد إذنك.

>> يعني حضرتك أنا ممكن أقول لحضرتك بالظبط اللي اتكتب يعني بالظبط.

>> آه يا ريت يا ريت تسمعنا لأن المفروض إن في بوست نزل بيقول لا تتعاملوا مع دي الصفحة لأن صاحب الصفحة توفى.

>> هو هو الدكتور عمل حاجة كويسة جداً تمام راح منزل الستوري عنده بيقول لك شطر الله سعيكم وغفر ذنبكم ولا أراكم مكروهاً في عزيز لديكم. لقد تم دفن الدكتور ضياء العوض اليوم وأخذ العزاء على المقابر ولن يقام عزاء وبرجاء عدم اتباع الإشاعات وكفانا الله وإياكم الشائعات والسوشيال ميديا وبرجاء عدم اتباع صفحة الدكتور ضياء حيث أن صاحبها قد توفى وأي خبر يذاع على هذه الصفحة فهو خبر غير مسؤول وبرجاء تحري الدقة وعدم اتباع الشائعات فهو بين يدي الرحمن نرجو له الرحمة والمغفرة.

>> طب معلش هنتوقف كمان مرة هنا برضه ويبقى كده إحنا قدام.

زي ما حضراتكم سمعتوا من لسان الأستاذ مصطفى إن القصة كلها والمشكلة والعطلة والوقف الدنيا دي كلها بسبب الدكتور كريم العوضي. قال إن هي كانت العلاقة ما بينه وبين الدكتور ضياء ليست على ما يرام أو مش أحسن حاجة العلاقة ما بينهم. لكن الغريب والمريد مريب في هذا الأمر إن يطلع الدكتور كريم العوضي أو يكتب بستوري إن هذه الصفحة الخاصة بالدكتور ضياء العوضي ما حدش يتابعها وما حدش يعلق عليها وما حدش يدخل هذه الصفحة لأن صاحبها توفاه الله وما حدش يهتم بالصفحة أو يتابعها. وأي فيديوهات أو حلقات بتنزل على صفحة دكتور كريم ضياء العوضي هي فيديو غير مسؤول وغير حقيقي.

فالكلام هنا كلام غريب جداً. ما بال يعني كل الناس يا دكتور كريم بتهتم بهذا الموضوع وشايفة إن الموضوع فيه غرابة. أنا شخصياً كنت بأكد إن الوفاة طبيعية وما فيش أي مشكلة في الوفاة ولا تقترب إلى ناحية الوفاة الجنائية خالص. لكن بعض النهاردة لما شفت التأكيدات وشفت الكلام اللي بيتقال وإثارة الشك والتشكك حول وفاة هذا الدكتور الدكتور ضياء العوضي، لابد إن إحنا هنا نرجع ونعيد التفكير في حقيقة وملابسات الوفاة. لازم نبدأ بفتح التحقيقات يا دكتور كريم. وطالما أنت أخوه يبقى المفروض أنت أولى الناس بالحفاظ على حقه وإن أنت تجيب حق أخوك لو كان حد قتله أو تسبب في قتله أو في تآمر على اغتياله أو الكلام ده كله. لازم يكون حضرتك أول واحد تجري على حق أخوه.

ولكن إن أنت تتكتم على هذه الأوراق تماماً وبعد كده كمان تقول إن الصفحة الرسمية بتاعة الدكتور ضياء بدل ما تبقى يعني صدقة جارية على على وفاته وتدي له حسنات بعد الوفاة، أنت حضرتك عايز تقفل الصفحة دي نهائياً ومش عايز حد إن هو يتابعها أو يعملها. فالموضوع أنا شايف إن هو غريب. هل يتهدد أو هناك تهديد للدكتور كريم؟ هل هناك جهة أو أي شخص أو أي مؤسسة أو أي ناس لها علاقة بإنهاء حياة الدكتور ضياء العوضي اتصلوا أو وصلوا للدكتور كريم وهددوه أو منعوه أو ساعدوا إن هم يمنعوه على التحدث في هذا الأمر وغلق الموضوع على هذا المنوال وما حدش يفتح فيه تاني؟ الله أعلم.

بس الفترة الجاية هتثبت حاجات كتير جداً وهتعرف حاجات كتير جداً. القضية بعد ما كنا بنقول إن هي خلاص قد تكون القضية غلقت على هذا النحو إن ما فيش شبهة جنائية والوفاة طبيعية وما فيش أي مشكلة، رجعنا وهنبدأ من أول وجديد من وقت الدكتور ضياء مكان هنا وكلامه وغلق عيادته وشطبه من نقابة الأطباء ومين اللي عادوه هنا، ثم ذهب إلى الإمارات، مين اللي تواصل معاه هناك، والكاميرات اللي هتجيبه وهتجيب متنقلاته وهو فين ومع مين غير شهادة الشهود والكلام ده كله هيفيد إفادة كبيرة جداً في إعادة التحقيقات في هذه القضية.

وإن لزم الأمر يعاد استخراج الجثمان ثم تشريحه للوقوف بشكل قانوني وبشكل لا يقبل الشك على حقيقة الوفاة. هل هي وفاة طبيعية أم هناك شخص أو جهة أو أياً من كان تسبب في وفاة هذا الرجل رحمه الله عليه اللي عنده 46 أو 47 سنة؟ ما عرفش الفترة الجاية عاملة إزاي، ولكن الفترة الجاية هتبقى صعبة وهيكون في مشكلة ما بين تقريباً هتحصل ما بين دكتور كريم وزوجة أو أرملة دكتور ضياء. لأن أرملة الدكتور ضياء كانت رايحة تحجز له مكان للعزاء وهو كتب على الستوري إن ما فيش عزاء وما فيش أي حاجة والعزاء سيقتصر على المقابر.

أنا شايف إن في حاجة ممكن تحصل الفترة الجاية. يا رب يكون حلقتنا النهارده مش عايز أطول عليكم تكون حلقتنا بسيطة. كنا قلنا لحضراتكم الخبرين اللي إحنا كنا عايزين نتكلم فيهم. إن شاء الله مستمرين مع حضراتكم ومتابعين ولسه هنتابع القضية. لسه في كلام كتير جداً جداً هيتقال على القضية دي. شكراً لكم. أستودعكم الذي الله الذي لا تضيع ودائعه. ما تنساش لايك للفيديو، اشتراك لو أنت ما اشتركتش معانا عشان بيشرفنا يكون حضرتك موجود معانا وهنكبر دايماً بيكم. ولو شيرتلنا هذه الحلقة بنقول لك كتر خيرك على ذوقك واحترامك. شكراً لكم وأستودعكم الله الذي لا تضيع ودائعه والسلام عليكم ورحمة الله وبركاته.